ජනාධිපති මෛත්රීපාල සිරිසේන සහ ආරක්ෂක අමාත්යංශයේ හිටපු ලේකම් ගෝඨාභය රාජපක්ෂ ඝාතන කුමන්ත්රණයක් ඇති බව පවසමින් රටේ මහත් ආන්දෝලනයක් ඇතිකළ නාමල් කුමාර නැමැත්තා ජනාධිපති මත්ද්රව්ය නිවාරණ කාර්යය සාධක බලකාය යටතේ කෑගල්ල දිස්ත්රික් ලේකම් කාර්යාලයට අනියුක්තව සේවය කර ඇති බව වාර්තා වෙයි.
ඊට අදාළව 2016 ජුනි 29 වනදා ජනාධිපති මත්ද්රව්ය නිවාරණ කාර්යය සාධක බලකායේ අධ්යක්ෂ වෛද්ය සමන්ත කුමාර කිතලවආරච්චි විසින් කෑගල්ල දිස්ත්රික් ලේකම්වරයාට යවන ලද ජනාධිපති කාර්යාල ලිපි ශීර්ෂයෙන් යුතු ලිපියක් newstube.lk වෙත ලැබී තිබේ. පහත දැක්වෙන්නේ ඊට අදාළව නිකුත්කර තිබෙන ලිපියයි.
අප වෙත වාර්තා වී ඇති විශ්වාසවන්ත තොරතුරු වලට අනුව මේ වන තුරුත් ජනාධිපති ඝාතන කුමන්ත්රණයක් හෝ ප්රභූ ඝාතන කුමන්ත්රණයක් පිළිබඳ කිසිඳු ජාතික බුද්ධි සේවයක් අනාවරණය කරගෙන හෝ එවැන්නක් ගැන හෝඩුවාවක් හෝ සපයා නැත. විශේෂයෙන් පසුගිය යුධ සමයේ ශක්තිමත් කළ මෙරට හමුදා බුද්ධි අංශ වෙතින් ගැලවී එවැනි ඝාතන කුමන්ත්රණයක් තබා සෙල්ලම් ගෙයක්වත් හැදීමට අවස්ථාවක් නැත.