අද (29) උදෑසන අරලියගහ මන්දිරයේ පැවති මාධ්ය හමුවේදී ජනාධිපති සිරිසේනගේ ජාතිය අැමතීම ගැන හරින් ප්රනාන්දු මහතා කරුණු අදහස් පළ කළා.
“ කැළණි විහාරයට ඉඩම් පූජා කළ, බෞද්ධ පරිසරයත් එක්ක හැදී වැඩුණු කළබල නැති අගමැතිවරයාගේ සංස්කෘතිය හා සිරිසේන ජනාධිපතිවරයාගේ සංස්කෘතිය හාත්පසින්ම වෙනස් තමයි.
එහෙම සංස්කෘතියක ජීවත් වුණ අගමැති වික්රමසිංහගේ සංස්කෘතිය සිරිසේන ජනාධිපතිවරයාට ගැළපෙන්නේ නැහැ. ඒක මම පිළිගන්නවා. ඊයේ සිරිසේන මහත්තයාගේ ජාතිය ඇමතීම හරියට ගෙදරක අයියා මලෝ රණ්ඩු වුණාම අම්මට ඇවිත් කියන අවනඩුව වගේ තනිකරම විලාපයක් තමයි අපිට ඇහුණේ. “
මේ අදහස් අතර හෙට (30) පැවැත්වීමට නියමිත විරෝධතාව සම්බන්ධයෙන් ද ප්රනාන්දු මහතා අදහස් පළ කර තිබුණා.
“අපි හෙට දියත් කරන විරෝධතාවය මේ අර පොහොට්ටු කල්ලියේ වගේ ලයිට් කණුවල එල්ලෙන පොල් ගස්වල නගින විරෝධතාවක් නෙවෙයිග ඒක බොහොම සාමකාමී, ප්රජාතන්ත්රවාදී විරෝධතාවයක්.
