සිරිසේනගේ බල වියරුවට එරෙහිව : කාන්තාවන් වීදි බසියි

රටේ අනාගතය භාරගන්න සිටින දූ දරුවන්ගේ නාමයෙන් ප්‍රජාතන්ත්‍රවාදය ආරක්ෂාකරමින් තම වගකීම සහ යුතුකම ඉෂ්ට කරන ලෙස සිරිසේන ජනාධිපතිට බලකිරීමේ විරෝධතාවයක් හෙට (28) සවස 3.00 ට කොළඹ ගාළුමුවදොර වටරවුමේ සංවිධානය කර තිබේ.

ස්වාධීන කාන්තා සාමුහිකත්වයක ප්‍රධානත්වයෙන් මෙම විරෝධතාවය සංවිධානය කර ඇති අතර ඊට සහභාගීවන ලෙස සියළු පුරවැසියන් වෙත විවෘත ආරාධනයක් කරන බවද සංවිධායකයන් පවසයි.

"අපේ දරුවන් සුරකින්න - ව්‍යවස්ථාව රකින්න" මැයෙන් සංවිධානය වන විරෝධතාවට පැමිණෙන පාර්ශවයන්ට කළු පැහැති වස්ත්‍රයෙන් සැරසී පැමිණෙන ලෙසද සංවිධායකයන් ඉල්ලා සිටියි.