අද (27) දහවල් පැවැත්වෙන පාර්ලිමේන්තු රැස්වීමට සහභාගී නොවීමට කුමන්ත්රණ ආණ්ඩු පක්ෂ මන්ත්රී කණ්ඩායම තීරණය කළ අතර මන්ත්රීවරුන්ගේ දිවා භෝජනය සඳහා වැයවන මුදල කතානායකවරයාගෙන් අය කර ගන්නා ලෙස ඉල්ලීමක් කිරිමට ද ඔවුන් තීරණය කර ඇති බව වාර්තා වෙයි.
පාර්ලිමේන්තු මන්ත්රී මහින්ද රාජපක්ෂ මහතාගේ ප්රධානත්වයෙන් අද දහවල් පාර්ලිමේන්තු සංකීර්ණයේ පැවති ආණ්ඩු පක්ෂ මන්ත්රී කණ්ඩායම් රැස්වීමේදී මෙම තීරණය ගෙන තිබෙන බවද වාර්තා වෙයි.
ඒ අනුව ඔවුන් අද පාර්ලිමේන්තුවට ගොස් ඇත්තේ දිවා ආහාරය ගැනීමේ අපේක්ෂාවෙන් පමණි.
කෙසේවුවත් දේශපාලන ආරංචිමාර්ග සඳහන් කරන්නේ පාර්ලිමේන්තුවේ බහුතරය පෙන්වීමේ අවස්ථාවක් නොමැති බැවින් සිරිසේන - මහින්ද කුමන්ත්රණ ආණ්ඩුව පාර්ලිමේන්තුව වර්ජනය කරමින් සිටින බවය.
මේ වන විට විශ්වාසභංග දෙකක් කුමන්ත්රණ ආණ්ඩුවේ අගමැති මහින්දට එරෙහිව පාර්ලිමේන්තුවේ සම්මත කර ඇති අතර අවස්ථා හතරකදී සිරිසේන - මහින්ද කුමන්ත්රණ ආණ්ඩුවට පාර්ලිමේන්තු බහුතරය නොමැති බව තහවුරු කර ඇත. ඒ අනුව ආණ්ඩුව තමන් බව කියාගන්නා කුමන්ත්රණ පාර්ශවය පාර්ලිමේන්තුව වර්ජනය කර තිබීම පැහැදිළිය.
