ශ්රී ලංකා නිදහස් පක්ෂ නව මහලේකම් ලෙස පාර්ලිමේන්තු මන්ත්රී දයාසිරි ජයසේකර ඊයේ (10) පෙරවරුවේ එම ධුරයේ රාජකාරී ඇරඹීය.
ඒ කොළඹ ශ්රී ලංකා නිදහස් පක්ෂ මූලස්ථානයේ දී මහා සංඝරත්නයේ සෙත් පිරිත් සජ්ජායනා මධ්යයේ යි.
ශ්රී ලංකා නිදහස් පක්ෂ මූලස්ථානය වෙත ගිය ශ්රී ලංකා නිදහස් පක්ෂයේ සභාපති, ජනාධිපති සිරිසේන ද එම අවස්ථාවට එක්වෙමින් නව මහලේකම්වරයා වෙත සිය සුබපැතුම් පිළිගැන්වීය.
දයාසිරි ජයසේකර මහතා වෙත අදාළ පත්වීම් ලිපිය පිළිගැන්වීම ද මෙහිදී ජනාධිපති අතින් සිදු විය.
ශ්රී ලංකා නිදහස් පක්ෂ ජ්යෙෂ්ඨ උප සභාපති හිටපු අමාත්ය නිමල් සිරිපාල ද සිල්වා, මහින්ද අමරවීර, දුමින්ද දිසානායක, ඇතුළු ශ්රී ලංකා නිදහස් පක්ෂ ජ්යෙෂ්ඨ ක්රියාකාරිහු රැසක් මෙම අවස්ථාවට එක්ව සිටියහ.
