පොලිස් මූල්ය අපරාධ විමර්ශන කොට්ඨාසය භාර ජ්යෙෂ්ඨ නියෝජ්ය පොලිස්පති රවී වෛද්යාලංකාර එම තනතුරෙන් ඉවත් කිරීමට නීතිය හා සාමය පිළිබද අමාත්යංශය තීරණය කර ඇති අතර ඒ සඳහා ඊයේ (26) රැස්වූ අමාත්ය මණ්ඩලය අනුමැතිය ලබාදී ඇති බවත් වාර්තා වෙයි.
ඒ අනුව පසුගිය පෙබරවාරි 22 සිට බලපැවැත්වෙන පරිදි ජ්යෙෂ්ඨ නියෝජ්ය පොලිස්පති රවී වෛද්යාලංකාරගේ සේවය අවසන් කර ඇති බව වාර්තා වෙයි.
ජ්යෙෂ්ඨ නියෝජ්ය පොලිස්පති රවී වෛද්යාලංකාර එම තනතුරේ කටයුතු කළේ කොන්ත්රාත් පදනම මත වන අතර එම තනතුරට අනුප්රාප්තිකයෙක් පැමිණෙන තෙක් පමණක් ඔහුට සේවා දිගුවක් ලබාදීමටද කටයුතු යෙදී තිබිණ.
එසේම මේ වන විට එම තනතුර සදහා නිලධාරියෙක් පත් කර ඇති බව නීතිය හා සාමය අමාත්යංශ ආරංචිමාර්ග සඳහන් කරන නමුත් ඒ කවුද යන්න අනාවරණය කර නොමැත.
කෙසේ වුවත් ජ්යෙෂ්ඨ නියෝජ්ය පොලිස්පති රවී වෛද්යාලංකාර භාවිතා කළ මෝටර් රථය සහ නිවස භාරදෙන මෙන් නීතිය හා සාමය පිළිබද අමාත්යංශය දන්වා ඇති බවද වාර්තා වෙයි.
