ශ්රී ලංකාවේ ස්ථාන කිහිපයක සිදුවූ බෝම්බ ප්රහාර සම්බන්ධයෙන් ලෝක නායකයින් රැසක් සිය අදහස් පළ කර ඇත.
"ශ්රී ලංකාවේ සිදුවූ කුරිරු ත්රස්තවාදී ප්රහාරයන් ඉන්දියාව තරයේ හෙළා දකින," බව ඉන්දීය අග්රාමාත්ය නරේන්ද්ර මෝදි නිවේදනය කර තිබේ.
සිංහල බසින් මෙන් ම ඉංග්රීසි බසින් ද ට්විටර් පණිවුඩ පළ කරමින් ඔහු පවසා ඇත්තේ, "ඉන්දියාව මෙම අවස්ථාවේදී ශ්රී ලංකා රජය සහ ජනතාව සමග සිටින" බවය.
මේ අතර, බ්රිතාන්ය අග්රාමාත්ය තෙරේසා මේ ද ට්විටර් ඔස්සේ නිවේදනයක් නිකුත් කර ඇත.
ඇය පවසා ඇත්තේ, "කිසිදු පුද්ගලයෙකු තමන්ගේ විශ්වාසය මත බියකට පත් වීමට ඉඩ නොතැබිය යුතු," බවය.
මේ අතර, බ්රිතාන්යයේ විදේශ ලේකම් ජෙරමි හන්ට් ට්විටර් ඔස්සේ පවසා ඇත්තේ, ශ්රී ලංකාව තුළ දේවස්ථාන සහ හෝටල් කිහිපයකට එල්ල වූ ප්රහාර සම්බන්ධයෙන් කම්පනයට පත්වූ බවය.
මේ අතර, ඇමරිකාව සහ බ්රිතාන්යය සිය පුරවැසියන්ට ශ්රී ලංකාවේ සංචාරය කිරීමේදී සැලකිලිමත් වන ලෙසට සංචාරක උපදෙස් නිකුත් කර තිබේ.
