කොළඹ සහ ඊට තදාසන්න ප්රදේශ වල කප්පම් ගැනීමට පැහැරගත් තරුණයන් 11 දෙනකු අතුරුදන් කිරීම සම්බන්ධව චෝදනා ලබා අත්අඩංගුවේ පසුවෙන නාවික හමුදා බුද්ධි අංශ නිලධාරීන් 6 දෙනා තව දුරටත් ලබන 21 දක්වා රක්ෂිත බන්ධනාගාරගත කිරීමට කොළඹ කොටුව මහෙස්ත්රාත් රංග දිසානායක නියෝගකර ඇත.
ඒ නඩුව අද (07) කැඳවූ අවස්ථාවේය.
එහිදී අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ මෙම සැකකරුවන් සම්බන්ධයෙන් විමර්ශන මෙතෙක් අවසන් වී නැති බවය.
එම කරුණු සැළකිල්ලට ගත් මහෙස්ත්රාත් මෙම නියෝගය නිකුත් කළේය.
