ලබන සතියේ සිට කැබිනට් රැස්වීම උදෑසන 8.30ට ආරම්භ කිරීමට තීරණය කර තිබේ.
ඒ රැස්වීම උදෑසන 7.30ට ආරම්භ කළ යුතු බව පවසමින් පසුගිය කැබිනට් රැස්වීම් එම වේලාවට ආරම්භ කිරීමට ජනාධිපති සිරිසේන පසුගිය සතියේ තීරණය කළත් ඊයේ 7.30 වන විට අමාත්යවරුන් 5 කු පමණක් කැබිනට් රැස්වීම සදහා පැමිණ තිබීම නිසාය.
ඒ අනූව මේ ආකාරයට කැබිනට් රැස්වීමක් පැවැත්විය නොහැකි බව පවසමින් කැබිනට් රැස්වීම පවත්වන වෙලාව උදෑසන 8.30 ලෙස වෙනස් කරන ලෙස ජනාධිපති සිරිසේන ඊයේ දැනුම්දී ඇති බවද වාර්තා වේ.
ඒ අනුව ලබන සතියේ සිට කැබිනට් රැස්වීම අඟහරුවාදා උදෑසන 8.30ට ආරම්භ කිරීමට නියමිතය.
