ඉකුත් 2005 වසරේ සිට 2015 වසර දක්වා කාලය තුළ විවිධ හිරිහැර හා පීඩාවට පත් වූ මාධ්‍යවේදීන්ට සහ ඝාතනයට ලක් වූ මාධ්‍යවේදීන්ගේ පවුල්වලට වන්දි ගෙවීමට කැබිනට් අනුමැතිය හිමිවී ඇත.
ඒ අනුව රාජපක්ෂ පාලනය යටතේ ඝාතනයට ලක්වූ ලසන්ත වික්‍රමතුංග, ධර්මරත්නම් සිවරාම් ඇතුළු මාධ්‍යෙව්දීන් 44ක් සිටිති. එසේම අතුරුදන් කළ ප්‍රගීත් එක්නැලිගොඩ පැහැරගෙන ගොස් හිරිහැරයට ලක් කළ කීත් නොයාර් , පෝද්දල ජයන්ත,නාමල් පෙරේරා ඇතුළු මාධ්‍යවේදීන් විශාල පිරිසක් වින්දිතයන් ලෙස සිටිති.
කැබිනට් අනුමැතිය ලැබීමේදී මාධ්‍යවේදීන් 78 දෙනෙකු වෙනුවෙන් එම වන්දි පිරිනැමීමට නියමිතය.
ඝාතනයට , පීඩාවන්ට හා හිරිහැරයන්ට ලක්වූ මාධ්‍යවේදීන් වෙනුවෙන් එක් අයෙකුට රුපියල් ලක්ෂ 2 සිට ලක්ෂ 15 දක්වා බැගින් වන්දි මුදලක් පිරිනැමීමට නියමිතය.
