ඇඹිලිපිටියේ මහාධිකරණ විනිසුරු ගිහාන් පිලපිටිය අත්අඩංගුවට ගන්නා ලෙස නීතිපතිවරයා නියෝග ලබාදීම සම්බන්ධයෙන් නීතිපති දප්පුල ලිවේරාට විරෝධය පළ කිරීමට නීතීඥවරු කටයුතු කරමින් සිටිති.
ඒ අනුව නීතිපති දප්පුල ලිවේරාගේ ක්‍රියාව නීතියට පටහැනි අත්තනෝමතික ක්‍රියාවක් බව සඳහන් කරමින් කොළඹ මහේස්ත්‍රාත් අධිකරණයේ නීතීඥවරු අද(24) අධිකරණය ඉදිරිපිටදී නිහඬ විරෝධතාවක නිරත වූහ.
නීතිපතිගේ කාර්යභාරය අධිකරණයට මග පෙන්වීම සහ සහය වීම පමණක් බවත් එසේ තිබියදී විනිසුරුවරුන් අත්අඩංගුවට ගැනීමට නියෝග නිකුත් කිරීම නීතිපතිගේ කාර්යභාරය නොවන බවත් ඔවුහු සඳහන් කළහ.
මේ සම්බන්ධව මාධ්‍යවේදී ශාලික විමලසේන විසින් සිය ෆේස් බුක් ගිනුමේ සටහනක් තබා ඇති අතර එය පහත දැක්වෙයි.
