පසුගිය ආණ්ඩු සමයේදී ඇතැම් අය උකුස්සන් වීමට උත්සාහ කිරීම නිසා පීඩාවට පත්වූයේ ජනතාව බව අගමැති මහින්ද රාජපක්ෂ සඳහන් කර ඇත.
අගමැති මහින්ද රාජපක්ෂ මේ බව සඳහන් කර ඇත්තේ කුරුණෑගල පැවති වැඩසටහනක් අමතමින්ය.
පැවති එම ආණ්ඩුවේ ජනාධිපති අගමැතිට පක්ෂ නොවුන බවත් අගමැති ජනාධිපති පක්ෂ නොවූ බවත් එහිදී පවසා ඇති අගමැති මහින්ද ඒ හේතුවෙන් රටට සේවයක් වුණේ නැතැයිද පවසා තිබේ.
පාරේ ඇවිද්දවනවා කියූ අයත් අද අපේ පක්ෂයේ - නාමල්
මේ අතර පසුගියදා පැවති ජන හමුවක අදහස් දක්වමින් නාමල් රාජපක්ෂ මන්ත්‍රීවරයා පවසා සිටියේ ශ්‍රී ලංකා නිදහස් පක්ෂයෙන් ඉවත්ව වෙනත් පක්ෂ හදන්න උත්සාහ කළොත් පාරේ ඇවිද ඇවිද ඉන්න වැඩ සලස්සවන බව කියූ ඇතැමුන් අද තම පක්ෂයේ නාමයෝජනා ඉල්ලා ඇති බවයි.
ඒ ගැන ගැටළුවක් නැති බවත් ශක්තිමත් පාර්ලිමේන්තුවක් වෙනුවෙන් පාර්ශව එක්කර ගැනීමට පොදුජන පෙරමුණ කටයුතු කර ඇති බවත් ඔහු එහිදී පැවසීය.
