පුවත්

මීරිගම - කඩවත අධිවේගී මාර්ගයේ ප්‍රමාදය සම්බන්ධයෙන් සාකච්ජා කිරීම සඳහා මුදල් අමාත්‍ය බැසිල් රාජපක්ෂ විසින් කැඳවනු ලැබූ රැස්වීමකදී ඊට සහභාගිවූ චීන තානාපති කාර්යාලයේ ප්‍රධානියෙක් රජයේ මැති ඇමතිවරුන්ගේ හා නිලධාරීන්ගේ හොර මගඩි හා අකාර්යක්ෂමතාවය ප්‍රසිද්ධියේම විවේචනය කර ඇතැයි මුදල් අමාත්‍යංශ ආරංචිමාර්ග පවසයි.

මෙම ව්‍යාපෘතියේ ඉඳිකිරීම් බාර Metallurgical Corporation of China Ltd. (MCC) චීන සමාගමේ මෙරට ප්‍රධානියා මෙන්ම චීන තානාපති කාර්යාලයේ ආර්ථික කටයුතු බාර ප්‍රධානියා ද (Commercial Councilor: LI GUANGJUN) මෙම රැස්වීම සඳහා ආරාධිතයින් ලෙස සහභාගී වී ඇත.

එසේම, මෙම රැස්වීම සඳහා මහාමාර්ග අමාත්‍ය ජොන්ස්ටන් ප්‍රනාන්දු, මහාමාර්ග රාජ්‍ය අමාත්‍ය ලන්සා සහ පොදුජන පෙරමුණේ ගම්පහ දිස්ත්‍රීක් නායක ප්‍රසන්න රණතුංග අමාත්‍යවරයා ද සහභාගී වී තිබේ.

මෙම ව්‍යාපෘතියේ දේශීය නියෝජිතයා හා විෂය බාර අමාත්‍යවරුන් අතර තිබෙන ව්‍යාපාරික ගැටුම් සම්බන්ධයෙන් ද චීන තානාපති කාර්යාල නිලධාරියාගේ ප්‍රකාශවලින් අනාවරණය වූ බව පැවසේ.

කෝපයෙන් යුතුව අදහස් දක්වා ඇති චීන නියෝජිතයාගේ බරපතල වාග් ප්‍රහාරය හමුවේ ඔහුව සන්සුන් කිරීමට මුදල් අමාත්‍යවරයා බලවත් උත්සහයක් දරා ඇතැයි ද ඉහත ආරංචිමාර්ග වැඩිදුරටත් පවසයි.

චීනයෙන් බරපතල චෝදනා පත්‍රයක් !

මධ්‍යම අධිවේගී මාර්ග ව්‍යාපෘතිය - 1 ක්‍රියාත්මක කිරීමේ ප්‍රධාන කොන්ත්‍රාත්කාර සමාගමක් වන Metallurgical Corporation of China Ltd.(MCC) මුහුණ දීමට සිදුවෙන බාධා පිළිබඳව කරුණු දැක්වීමට චීන තානාපතිවරයා වෙනුවෙන් මෙම රැස්වීමට සහභාගී වූ චීන තානාපති කාර්යාලයේ ආර්ථික කටයුතු බාර ප්‍රධානියා (Commercial Councilor: LI GUANGJUN) දැඩි අප්‍රසාදය පල කරමින් පහත කාරනා වෙත ශ්‍රී ලංකා රජයේ බලධාරීන්ගේ අවධානය යොමු කරවූ බවද මුදල් අමාත්‍යංශ ආරංචිමාර්ග කියා සිටියි.

# චීන තානාපති කාර්යාලයේ ආර්ථික කටයුතු බාර ප්‍රධානියා මෙහිදී පෙන්වා දී ඇත්තේ, චීනයේ EXIM බැංකුව හරහා ලබා දුන් ණය මුදලක් මගින් ක්‍රියාත්මක කරන ලද මෙම ව්‍යාපෘතියේ “කොන්ත්‍රාත්කාර පාර්ශවය මම” (I am the Contractor) යැයි උපකල්පනය කරන්නේ නම්, එම කොන්ත්‍රාත්කරු විසින් නම් කරන ලද උප කොන්ත්‍රාත්කරුවන් ඔවුන්ගේ වෘත්තීයභාවය මත පදනම්ව පත් කිරීමට ඔහුට පූර්ණ නිදහස මෙන්ම ඔහුගේ අභිමතය පරිදි කටයුතු කිරීමට අවකාශය ලබා දිය යුතු බවයි.

# එමගින් මෙම ව්‍යාපෘතිය ප්‍රමාදයකින් තොරව නියමිත වේලාවට ඉහළම වෘත්තීයභාවයකින් නිම කිරීමට හැකිවන බවත් චීන රජයේ නියෝජිතයා පෙන්වා දී ඇත.

# කොන්ත්‍රාත්කරුට ඔහු සමඟ වැඩ කළ හැකි උප කොන්ත්‍රාත්කරුවන් තෝරා ගැනීම ඔහුට ලැබෙන අවිවාදිත අයිතිවාසිකමක් බව සඳහන් කර ඇති තානාපති කාර්යාල නිලධාරියා, ඔහු නම් කරන ලද උප කොන්ත්‍රාත්කරුවන්ගේ හැකියාවන් සහ වෘත්තීයභාවය මෙන්ම එම ව්‍යාපෘතියේ ක්‍රියාත්මක කිරීමේදී පැන නැගෙන ගැටලු නිසියාකරව ම හදුනා ගැනීමට හැකියාව ඇත්තේ අදාළ කොන්ත්‍රාත්කරුට පමණක් බවද අවධාරණය කර තිබේ.

# නමුත් යෝජිත උප කොන්ත්‍රාත්කරුවන් අමාත්‍යවරයාගේ පුද්ගලික අනුමැතියට භාජනය විය යුතු බවට තර්ක කිරීමට මුදල් අමාත්‍යවරයා මෙහි උත්සාහ කර ඇත.

# එකඟ වූ ගිවිසුමට ප්‍රකාරව කොන්ත්‍රාත්කරුවන් අනුමත කිරීම ව්‍යපෘති උපදේශකයාට ලැබෙන පුර්ණ අයිතියක් බව චීන නියෝජිතයා මෙහිදී පෙන්වා දී තිබේ.

# එවැනි පත්වීම් අනුමත කිරීමේ අයිතියක් අමාත්‍යවරයාට හෝ මාර්ග සංවර්ධන අධිකාරියට නොමැති බව ඔහු වැඩිදුරටත් සඳහන් කර ඇත.

# අමාත්‍යවරයාගේ අනවශ්‍ය මැදිහත්වීම මගින් මෙම ව්‍යාපෘතිය ක්‍රියාත්මක කිරීමේදී පහත සඳහන් බරපතල අහිතකර බලපෑම් වලට මුහුණපෑමට සිදුවෙන බවද තානාපති කාර්යාල බලධාරියා පෙන්වා දී ඇත.

1. MCC විසින් යෝජනා කරන ලද කොන්ත්‍රාත්කරුවන් කීපදෙනෙක් ව්‍යාපෘතියේ වැඩ කිරීමට අනුමැතිය ඉල්ලා ඇති නමුත් ඒවා ප්‍රතික්ෂේප කර ඇත.

2. මෙම නාමයෝජනා එක් වරක් නොව කිහිප වතාවක්ම අදාළ උපදේශකවරයා විසින් අනුමත කර ඇත.

3. අනුමැතිය හිමිවුණු වැඩ ක්‍රියාත්මක කිරීම සඳහා කොන්ත්‍රාත්කරු විසින් ව්‍යාපෘති අධ්‍යක්ෂ දැනුවත් කර ඇත.

4. නමුත් ව්‍යාපෘති අධ්‍යක්ෂවරයා තම අමාත්‍යවරයාගේ අනුමැතිය ලැබෙන තුරු බලා සිටියි. එනිසා ව්‍යාපෘති අධ්‍යක්ෂවරයාගෙන් කිසිඳු ප්‍රතිචාරයක් ලැබී නැත.

5. උප කොන්ත්‍රාත්කරුවන් අනුමත කිරීමේදී ඇතිවූ ප්‍රමාදයන් දැන් වසර දෙකකට අධික කාලයක් පුරාවට සිදුවෙමින් පවතී.

6. ඇස්ෆල්ට් ආශ්‍රිතව සිදු කෙරෙන වැඩ සදහා යෝජිත ඉහල ඝනයේ ආයතනයක් වන M/s. WKK Construction (Pvt) Ltd වසර 2කට අධික කාලයක් කිසිඳු ලෙසකින් ව්‍යාපෘතියට දායක වීමට ඉඩ ප්‍රස්තාව ලබා දී නොමැත.

මෙවැනි ක්‍රියාමාර්ග හේතුවෙන් ව්‍යාපෘතිය නියමිත වෙලාවට නිම කිරීමට නොහැකි බවත් සිදුවන ප්‍රමාදය සදහා ඔවුන් හට කිසිඳු වගකීමක් නැති බවත් පෙන්වා දී ඇති තානාපති කාර්යාල නිලධාරියා, MCC ආයතනය වෙනුවෙන් පුර්ණ වශයෙන් තමා පෙනී සිටින බවද ප්‍රකාශ කර තිබේ.

එසේම අමාත්‍යවරයා විසින් අසාදු ලේඛනගත කර ඇති උප කොන්ත්‍රාත්කරුවන් මෙම ව්‍යාපෘතියට නම් කර ඇති බවද ඔහු පෙන්වා දී තිබේ.

විශේෂ ලියුම්කරුවෙකු විසිනි

සංස්කාරක සටහන : යහපාලනයත් හොඳටම කරලා !

විශේෂ වාර්තාකරුවකු විසින් සිදුකර ඇති මේ අනාවරණය අනුව පළමුව රටක් ලෙස ලජ්ජා වියයුතුව ඇත. ඒ මෙරට රාජ්‍ය ඉදිකිරීම් ආශ්‍රිතව ඇත්තේ, අදාළ යටිතල පහසුකම ඉදිකිරීම හරහා එය රටේ සංවර්ධනයට දායක කරගැනීමේ උත්සාහය නොව මහා පරිමාණ ඉදිකිරීමට මැදිහත්වීම හරහා කොමිස් ගැනීම වන නිසාය. මේ අනාවරණය කියවීමේදී අපට හැඟී ගියේ ලංකාවේ ඇතැම් දේශපාලන - ව්‍යාපාරික ප්‍රජාවන් සමඟ ගනුදෙනු කිරීම දැන් චීනාටත් එපා වීගෙන එන තත්ත්වයක් ඇතිවෙමින් තිබේද යන්නය. රටේ කොයි වැඩේ පිටුපසත් ගැහිල්ලේ අඩුවක් නැති කම චීනුන්ට දරාගන්න නොහැකිව ඉස්මුරුත්තාවට ගොස් ඇත්තේ අද ඊයේ වුවත් රටට මේවා ඉස්මුරුත්තාවට ගොස් ගොඩක් කල්ය.

සැබවින්ම මෙකී අනාවරණය ගැනම කිහිපදෙනෙකු සමඟ සිදුකළ කතා බහේදී මතුවූ පොදු කරුණක් වූයේ යහපාලන සාමය තුළටත් මේ ගනුදෙනු වල මුල් ඇදී ඇති බවයි. අද මේ යන වලි සංවර්ධනය පිණිස හෝ සංවර්ධනය කඩිනම් කරගනු පිණිස යන වලි නොව බිස්නස් වැලි බවය. බිස්නස් වලියේ මුල තමන්ට දෙන එකාට කොහොම හරි වැඩේ අරගෙනදීමය. විශේෂයෙන් වත්මන් ආණ්ඩුවට හිතවත් තොරතුරු මුලාශ්‍ර මේ බව පැහැදිළිවම කියයි. එසේම මේ සම්බන්ධව තවත් චෝදනා යහපාලනයට අදාළවත් ඕනෑ තරම් බව ඔවුන් පවසයි. අපි කියන්නේ, මේ රටේ ජනතා විනිශ්චය වෙනුවෙන් ඒ තොරතුරුත් එළියට පැමිණිය යුතු බවයි. ඒ තොරතුරු නිරවද්‍ය බවට වගකීම අදාළ පාර්ශව ගත යුතුව ඇත. එවිට මිනිසුන්ට කවුරු කවුරු ගැනත් හරියට විනිශ්චය කරගන්න අවස්ථාව හිමිවනු ඇත.

''පාර්ලිමේන්තුවේ කළ පහරදීම් ගැන පරීක්ෂණය රනිල්, මහින්ද එකතුවෙලා නැවැත්තුවා.'' ඇතුළු හිටපු අග්‍රාමාත්‍ය රනිල් වික්‍රමසිංහ සම්බන්ධව ආන්දෝලනාත්මක කරුණු කිහිපයක් 'Sandeshaya by Saroj' යූටියුබ් නාලිකාව වෙනුවෙන් මාධ්‍යවේදී සරෝජ් පතිරණ සමග විශේෂ සාකච්ඡාවකට එක්වෙමින් හිටපු කතානායක කරූ ජයසූරිය විසින් අනාවරණය කර ඇති නමුත් ඒ චෝදනා සාවද්‍ය බව හිටපු අග්‍රාමාත්‍ය රනිල් වික්‍රමසිංහ අවධාරණය කර ඇත.

ඒ පසුගියදා පැවැත්වුණු එක්සත් ජාතික පක්ෂ කෘත්‍යාධිකාරී මණ්ඩල සාකච්ඡාවේදී අදහස් දක්වමිනි.

එහිදී හිටපු කතානායකවරයා පවසන කරුණු වැරදි බව දින වකවානු සහිතව හිටපු අග්‍රාමාත්‍ය රනිල් වික්‍රමසිංහ විසින් පෙන්වාදී ඇත.

දේශපාලන ආරංචිමාර්ග සඳහන් කරන ආකාරයට එහිදී හිටපු අග්‍රාමාත්‍යවරයා දැක්වූ අදහස් මෙසේය.

මම පුදුම වූනා කරු ජයසුරිය අපේ හිටපු කථානායකතුමා කරපු ප්‍රකාශය පිළිබඳව, චෝදනා ගණනාවක් තිබෙනවා ඒවා ගැන සම්පුර්ණයෙන්ම කතා කරන්නෑ මට කතාකරන්න වුවමනත් නෑ අද අපේ පර්ශිකයන් කෘත්‍යධිකාරී මණ්ඩලයේ සාමාජිකයින් ඉන්න නිසා විශේෂයෙන්ම අපිට බලපාන කරන දෙක තුනක් ගැන විතරක් සඳහන් කරලා මං පැහැදිලි කරන්නම් . විශේෂයෙන්ම ඒ චෝදනා අතර අපිට විශේෂයෙන්ම සඳහන් කරපු චෝදනාවක් තමයි එතුමා පක්ෂයේ අනුදැනුම ඇතුව ගිහින් මහින්ද රාජපක්ෂ රජයේ ඇමති කමක් ගත්ත කියලා ඇත්ත වශයෙන්ම එක්සත් ජාතික පක්ෂයයි ශ්‍රීලංකා නිදහස් පක්ෂයයි අතර එකඟත්වයක් තිබුනේ යුද්ධය ගැනත් එක විසඳන එක ගැනත් තවදුරටත් සාකච්චා කරන්න වෙන එකක් තිබුනේ නෑ . එතුමා ගිහින් ඇත්ත වශයෙන්ම රජයේ ඇමතිකම් ගත්තේ මට දැනුම් දීල නෙවෙයි මම එදා ඉන්දියාවේ හිටියේ එහෙනම් එක අපේ එකගතාවය අනුව කරපු එකක් නෙවෙයි . අපිට නොකියා ගත්ත නිසා අපේ එකඟතාවයෙන් ඉවත්වුණා

දෙවනි කාරණය තියෙන්නේ එතුමාට විරුද්ධව විශ්වාසභංග යෝජනාවක් අත්සන් කර කියල පසුගිය පාර්ලිමේන්තුවේදී එහෙම එකක් සිදුවුනේ නෑ . එහෙම එකකට කවුරුත් ඉඩ දෙන්නෙත් නෑ . එතුමා විපක්ෂයට කතාකරන ඉඩදෙන එකේ ප්‍රශ්නයක් තිබුන්නෑ . මම කියන්නේ පුලුවන්තරන් කතාකරලා මහන්සි වෙන්න දෙන්න මහන්සි වුණායින් පස්සේ වෙන එකක් කරන්න බෑ කියලයි . එක අපි දෙන්නාගේම උපක්‍රමයක්

තුන්වෙනි එක සඳහන් කරලා තිබුනේ එදා පාර්ලිමේන්තු මිරිස්කුඩු ගැසීම , පුටු කැඩීම මමයි දැන් ඉන්න අගමැතිතුමයි සාකච්චා කරයි කියලයි දැන් මාධ්යේ තියෙන්නේ මං පුදුම වුණා . මොකද මේක කරපු කෙලින් කියන්නේ නැතුව වැඩසටහන කරපු සරෝජ් ඇවිත් කිව්වා " ආ මේකේ ඉන්නේ රනිල් වික්‍රමසිංහ නේද " නෑ මං නම් කියන්නෑ කියල පත්තරේට දැම්මා මේ ටික .

මං ඇත්ත තත්වේ කියන්නම් අපහු අගමැතිකම සහ ඇමතිකම ලබාගත්තට පස්සේ දෙසැම්බර් මාසේ සහ ජනවාරි මාසේ මේ ගැන හොයාබලන්න තිලක් මාරපන අමාත්‍යතුමාගේ ප්‍රධානත්වයෙන් කොමිටියක් පත්කරා . ඒ කොමිටියේ තිලක් මාරපන ඇමතිතුමා පොලිසියට එක එක නියෝග දුන්න කියල කිව්වා .තිලක් මාරපන ඇමතිතුමාගෙන් මම අද ඇහුවා . නෑ මම එහෙම එකක් දුන්නේ නැහැ අපේ වාර්තාවේ තියෙන්නේ මේ යට විරුද්ධව ක්‍රියා කරන්න කියලා . දැන් කොහොමද පොලිසියට දෙන්නේ . මම ඇවිල්ල පොලිසියට බලපෑම් කරන්නද . පොලිස් අමාත්‍යංශය තිබුනේ ජනාධිපතිතුමා යටතේ . ඒ වාර්තාව දුන්නේ මාර්තු මාසේ මේ ගැන ක්‍රියා කරන්න කියල බලන ගමන් තමයි පාස්කු ප්‍රහාරය සිද්ධවුණේ . ඉතින් එවෙලාවේ විපක්ෂය කතාකරල තිබුනා කථානායකතුමා එක්ක මේක අතරමග අපි ගිහින් නඩු දාන එක විශාල ප්‍රශ්නයක් වෙයි . දැන් තියෙන්නේ රටට තියෙන උවදුරට මුහුණ දෙන්න . මේක දැනට පැත්තකට තියමු කියල කිව්වා . මම කිව්වා මැයි මාසේ වෙනකොට අපිට විශාල ප්‍රශ්නයක් තිබුනේ මමයි දැන් ඉන්න අගමැති තුමයි එකතු වෙලා කර කියල චෝදනාව බොරුවක් . මම පුදුම වෙනවා තවත් කාරණා ගණනාවක් තියෙනවා ඒවා අදාල යට කියන්න පුළුවන් . එත් මේ කරුණු ටික කෘත්‍යධිකාරී මණ්ඩලයටත් එහි සභිකයින්ටත් පැහැදිළ කරලා දෙනවා

මෙවර මහ කන්නයේ දී කාබනික පොහොර බෙදාහැරීම, භාවිතය සහ ලැබෙන අස්වැන්න පිළිබඳ විමර්ශනය කර, අඩුපාඩු මගහරවා ගනිමින් යල කන්නයට සූදානම් විය යුතු බව ජනාධිපති ගෝඨාභය රාජපක්ෂ පැවසූ බව වාර්තා වෙයි.

ජනාධිපති මෙසේ පවසා ඇත්තේ අද (21) ගොවිජන සේවා දෙපාර්තමේන්තුවේ හදිසි නිරීක්ෂණය සඳහා එක්වෙමිනි.

ගොවිජන සංවර්ධන දෙපාර්තමේන්තුවේ මෙහෙවර වනුයේ “කෘෂිකාර්මික ඉඩම්වලින් ප්‍රශස්ත ඵලදායීතාව ලබාගත හැකි වන පරිදි ආයතනික, සහායක, නෛතික සහ කළමනාකරණ සේවාවක් සැකසීම හා කාලානුරූපව පවත්වාගෙන යාමය.

ජනාධිපති මාධ්‍ය අංශය සඳහන් කළේ, එම අරමුණු නිසි අයුරින් සිදු වන්නේ ද යන්න සොයා බැලීම ජනාධිපතිතුමාගේ නිරීක්ෂණයේ අපේක්ෂාව වූ බවයි.

දශක කිහිපයක් පැරණි එම දෙපාර්තමේන්තු ඉතිහාසය තුළ රාජ්‍ය නායකයෙකුගේ පැමිණීම සිදු වූ ප්‍රථම අවස්ථාව මෙය බව ද ජනාධිපති මාධ්‍ය අංශය පවසයි.

ගොවිජන සමාලෝචන මණ්ඩලය, ගොවිජන බැංකු, පාලන, ගිණුම්, සංවර්ධන, නීති, ආයතනික සංවර්ධන සේවා, ඵලදායී අලෙවි සහ ඉංජිනේරු ජල කළමනාකරණ යන සියලු අංශ අධීක්ෂණයට ලක් කළ ජනාධිපතිතුමා පැය තුනකට ආසන්න කාලයක් නිලධාරීන් සහ සේවකයන් සමග සාකච්ඡා කරමින් කෘෂිකර්මාන්තයේ ප්‍රවර්ධනය වෙනුවෙන් ගත යුතු ක්‍රියාමාර්ග සොයා බලා තිබේ.

හරිත කෘෂිකර්මාන්තයක් සහ වස විසෙන් තොර ආහාර නිෂ්පාදනය රජයේ ප්‍රතිපත්තිය බවත්ජනාධිපතිවරයා එහිදී පෙන්වා දී තිබේ.

එසේම ඔහු වැඩිදුරටත් අවධාරණය කර ඇත්තේ, වී ගොවිතැන සඳහා යොදාගත නොහැකි ඉඩම් වෙනත් බෝග සඳහා යොදාගත යුතු බවයි.

මාර්තු මාසය වන විට පැය 04ක විදුලිය කැපීමේ අවදානමක් පවතින බව උදය ගම්මන්පිල අමාත්‍යවරයා පවසයි.

ඔහු පවසන්නේ එම අවදානමෙන් මිදීම සඳහා අවශ්‍ය පියවර ගැනීම වැදගත් බවය.

හංවැල්ල ප්‍රදේශයේ පැවති උත්සවයක් අමතමින් උදය ගම්මන්පිල අමාත්‍යවරයා මේ බව සඳහන් කළේය.

එහිදී වැඩිදුරටත් අදහස් දක්වමින් අමාත්‍යවරයා මෙසේද පැවසීය.

"කවුරු හරි ඇවිල්ලා කියනවා නම් අපිට ඇති වෙන්න ඩොලර් තියෙනවා, අපිට ඇතිවෙන්න රුපියල් තියෙනවා, ආණ්ඩුවට කිසි ප්‍රශ්නයක් නෑ කිව්වොත් ජනතාවත් කල්පනා කරනවා මොන එහෙකට ද අපි ඉතිරි කරන්න යන්නේ කියලා. අපිත් ජොලියේ ජීවත් වෙන්න ඕනේ කියලා. අපි දැන් පැය 24 ම විදුලිය දෙන්න උත්සහයෙන් මට තේරෙන විදියට නම් මාර්තු අග වනවිට කොහෙන් හරි ලොකු ඩොලර් ණයක් ගත්තොත් පොළියත් එක්ක ආපහු ගෙවන්න වෙනවා. එහෙම නැතුවුණොත් අපිට පැය 4ක විතර විදුලි කැපීමකට යන්න වෙනවා මාර්තු අග වෙද්දි. ඊට වඩා හොඳ නැද්ද අපි ඊළඟ වැස්ස එනතුරුම පැය එක හමාර ගානේ කපාගන්න තැනකට ගියොත්. දවස් දෙකක් හොඳ හෝටලයකින් කාලා දවස් 28ක් බඩගින්නේ ඉන්නවා ද? එහෙම නැත්නම් එළවළු පළතුරු ටික කඩෙන් ගෙනල්ලා ගෙදර උයාගෙන කාලා දවස් 30 වේල් තුනම කනවා ද කියලා ප්‍රශ්නයක් තමා දැන් ඉස්සරහට ඇවිල්ලා තියෙන්නේ. ඉතින් මේ ප්‍රශ්නයේ දී හැමෝම කැපකිරීම් කළ යුතු වෙනවා. කැපකිරීම් කරන්න නම් ප්‍රශ්නයක් තියෙනවා යන්න ජනතාව දැනගන්න ඕනේ. දෙක මෙහෙම කැපකිරීම පිළිබඳ ආදර්ශය දේශපාලන නායකයෝ දෙන්න ඕනේ."

ජනාධිපතිවරයාගේ සහ පාර්ලිමේන්තුවේ කොවිඩ් නිසා අහිමිවූ කාලය වසර දෙකකින් දීර්ඝ කළයුතු බව පාර්ලිමේන්තු මන්ත්‍රීනි ඩයනා ගමගේ අද (21) පාර්ලිමේන්තුවේදී සඳහන් කළාය.

ඒ සඳහා තුනෙන් දෙකක යෝජනාවක්ද සම්මත කළ යුතු බවද ඇය පැවසුවාය.

ජනාධිපතිවරයා ඉදිරිපත් කළ රජයේ ප්‍රතිපත්ති ප්‍රකාශයට අදාළ කල්තැබීමේ විවාදයට එක්වෙමින් පාර්ලිමේන්තු මන්ත්‍රීනි ඩයනා ගමගේ ඒ බව සඳහන් කළාය.

"මේක ග්ලෝබල් ක්‍රයිසීස් එකක්. හැමෝම එකතුවෙලා එක හා සමානව වැඩ කරලා අපි ජනාධිපතිතුමාට පිහිට වෙන්න ඕනේ. ගරු ජනාධිපතිතුමාට ඇත්තටම අවුරුදු 2ක් නැති වුණා."

"මම මේ පාර්ලිමේන්තුවේ අද යෝජනා කරනවා පාර්ලිමේන්තුවට ගෙනල්ලා තුනෙන් දෙකක බලයක් අරගෙන එතුමාට නැවතත් මේ නැතිවුණු අවුරුදු 2ක ලබා දෙන්න ඕනේ."

"අපේ මේ පාර්ලිමේන්තුවත් අවුරුදු දෙකකින් දීර්ඝ කරන්න ඕනේ කියලා මම යෝජනා කරනවා මේ පාර්ලිමේන්තුව තුළ."

ශ්‍රී ලංකා නිදහස් පක්ෂයේ හදිසි රැස්වීමක් අද (21) කැදවා තිබෙන බව දේශපාලන ආරංචි මාර්ග පවසයි.

අද පස්වරුවේ පැවැත්වෙන මෙම සාකච්ඡාවේදී ඉදිරි මැතිවරණවලට තනිව තරඟවැදීම, ආණ්ඩුවේ වත්මන් අර්බුදය හා ආණ්ඩුවෙන් ඉවත් විය යුතු බවට ඉදිරිපත්වී ඇති යෝජනා සම්බන්ධයෙන් සාකච්ඡා කිරීමට නියමිත බවත් එම ආරංචි මාර්ග සඳහන් කරයි.

මේ සම්බන්ධයෙන් සිදුකළ විමසීමකට ප්‍රතිචාර දක්වමින් ශ්‍රී ලංකා නිදහස් පක්ෂයේ ප්‍රකාශකයකු සඳහන් කර සිටියේ වත්මන් ආණ්ඩුව සම්බන්ධයෙන් පක්ෂයක් ලෙස ගතයුතු ක්‍රියාමාර්ග පිළිබඳ සාකච්ඡා කරනු ඇති බවයි.

එසේම මේ වන විට පක්ෂ නායකත්වය විසින් ශ්‍රී ලංකා නිදහස් පක්ෂය නියෝජනය කරන මන්ත්‍රීවරුන් සම්බන්ධයෙන් වන ලිට්මස් පරීක්ෂණයක් කෙරෙන බවක් , බොහෝ දුරට මේ සභාව ඒ වෙනුවෙන් විය හැකි බවත් දේශපාලන විචාරකයන් පවසයි.

ඊට හේතුව ලෙස ඔවුන් දක්වන්නේ ශ්‍රීලනිප මන්ත්‍රී කණ්ඩායමේ පිරිසක් ආණ්ඩුවට හිතවාදී ස්ථාවරයේ සිටින බවත් පක්ෂ නායක මෛත්‍රී සමග සිටින්නේ සීමිත පිරිසක් බවටත් පලවන ප්‍රචාර බවයි.

පාස්කු ප්‍රහාරය සම්බන්ධයෙන් ප්‍රසිද්ධ රූපවාහිනී විවාදයකට එන්නැයි කෘෂිකර්ම අමාත්‍ය මහින්දානන්ද අලුත්ගමගේ කළ අභියෝගයක් සමගි ජන බලවේගයේ මන්ත්‍රී හරීන් ප්‍රනාන්දු පාර්ලිමේන්තුවේදී අද (21) බාරගත් බව වාර්තා වෙයි.

අලුත්ගමගේ අමාත්‍යවරයා මෙම ආරාධනය කළේ හරීන් ප්‍රනාන්දු මන්ත්‍රීවරයා ජනාධිපතිවරයාගේ ප්‍රතිපත්ති ප්‍රකාශය පිළිබඳ සභාව කල්තබන අවස්ථාවේ විවාදයේදී අදහස් දක්වමින් සිටින අතරතුරදීය.

හරීන් ප්‍රනාන්දු මන්ත්‍රීවරයා පාස්කු ප්‍රහාරය සම්බන්ධයෙන් දිගින් දිගටම කතා කළ නිසා තමා ඒ සම්බන්ධයෙන් ඔහුට විවාදයකට ආරාධනා කරන බව මහින්දානන්ද අලුත්ගමගේ අමාත්‍යවරයා එහිදී පැවසීය.

"පාස්කු ප්‍රහාරය ගැන අපි අපේ සාක්ෂි අරගෙන එන්නම්. ඔයාලා ඔයාලගේ සාක්ෂි අරගෙන එන්න. අරගෙන අපි විවාද කරල බලමු." යැයි අමාත්‍යවරයා එහිදී සඳහන් කර ඇත.

තමා ඊට සූදානම් බවත් විවාදවලට බිය නොවන බවත් හරින් ප්‍රනාන්දු මන්ත්‍රීවරයා එහිදී පවසා ඇත.

දේශපාලන පලිගැනීම් පිළිබඳ ජනාධිපති කොමිෂන් සභාව විසින් තමන් සම්බන්ධයෙන් කරනු ලැබූ නිර්දේශයක් බලරහිත කරන ආඥාවක් නිකුත් කරන්නැයි ඉල්ලා රහස් පොලිසියේ හිටපු අධ්‍යක්ෂ විශ්‍රාමික ජ්‍යෙෂ්ඨ පොලිස් අධිකාරී ශානි අබේසේකර අභියාචනාධිකරණය හමුවේ රිට් පෙත්සමක් ගොනු කරනු ලැබ ඇත.

අදාළ පෙත්සම අද (21) ගොනුකර ඇති බව වාර්තා වෙයි.

මෙම පෙත්සමේ වගඋත්තරකරුවන් ලෙස දේශපාලන පලිගැනීම් පිළිබඳ ජනාධිපති කොමිෂන් සභාවේ සභාපති විශ්‍රාමික අභියාචනාධිකරණ විනිසුරු චන්ද්‍රා ජයතිලක මහතා ඇතුළු පිරිසක් නම් කර ඇති බවත් දැනගන්නට ඇත.

දැන් ජනතාවට කියන්න සිදුවී තිබෙන්නේ බත් දුන් පියා ෂී ජින් පි යා යන කතාව යැයි ජනතා විමුක්ති පෙරමු‍ණේ ගම්පහ දිස්ත්‍රික් පාර්ලිමේන්තු මන්ත්‍රී විජිත හේරත් ප්‍රකාශ කළේය.

ජනතා විමුක්ති පෙරමු‍ණේ ගම්පහ දිස්ත්‍රික් පාර්ලිමේන්තු මන්ත්‍රී විජිත හේරත් මේ බව සඳහන් කර සිටියේ අද (21) පාර්ලිමේන්තුව අමතමිනි.

මේ වනවිට රටේ මුළු ණය රුපියල් ට්‍රිලියන 21ක් වී ඇති බවත් ඉන් වැඩිම ණය ගෙන ඇත්තේ වත්මන් ගෝටාබය රාජපක්ෂ පාලනය කළ පසුගිය වසර කිහිපයේදී බවත් එහිදී ඔහු පැවසීය.

අද ආණ්ඩුවේ ප්‍රතිපත්තිය වී ඇත්තේ හොරා කෑම, ණයට කෑම සහ විකුණාගෙන කෑම බවද ඔහු අවධාරණය කළේය.

ණය ගත්තේ නැතැයි ජනාධිපතිවරයා පසුගිය දා ප්‍රකාශ කළද කිව්වත් රුපියල් ට්‍රිලියන 08ක්ම ණය ලබාගෙන ඇත්තේ ගෝටාබය රාජපක්ෂ පාලන සමයේදී බවත් ඔහු පෙන්වා දුන්නේය.

පාර්ලිමේන්තු විපක්ෂ නායක කාර්යාලයේ සහ විපක්ෂයේ ප්‍රධාන සංවිධායකවරයා ගේ දුර්වල ක්‍රියාකලාපය අද දිනයේ යලිත් තහවුරු වූ බව පාර්ලිමේන්තු NEXTV වාර්තාකරු සඳහන් කරයි.

වාර්තා කරන ආකාරයට එම සිදුවීම මෙසේයි.

දකුණු කොරියානු ජනරජයේ පාර්ලිමේන්තුවේ කතානායක පාර්ක් බියෝන්ග් සෙව් අද දිනයේ විශේෂ අමුත්තෙකු ලෙස පාර්ලිමේන්තුවට පැමිණ ඇත.

එහිදී සම්ප්‍රධායානුකුලව සභාගර්භයට පැමිණි අවස්ථාවේදී ආණ්ඩු පක්ෂය වෙනුවෙන් සභා නායක අමාත්‍ය දිනේෂ් ගුණවර්ධන විසින් දකුණු කොරියානු කතානායක වරයා පිළිගත් අතර ,විපක්ෂය වෙනුවෙන් ඔහු පිළිගැනීමට විපක්ෂ නායක සජිත් ප්‍රේමදාස සභා ගර්භය තුල රැදී සිට නැත.

මෙහිදී විපක්ෂයේ ප්‍රධාන සංවිධායකද එම අවස්ථාවට සහභාගිව නැත.

ඒ හේතුවෙන් ,විපක්ෂය වෙනුවෙන් දකුණු කොරියානු කතානායකවරයා පිළිගෙන ඇත්තේ හිටපු අගමැති එජාප නායක රනිල් වික්‍රමසිංහ විසිනි.

මේ අතර අද දිනයේද කල් තැබූ විවාදයේදී විපක්ෂය නියෝජනය කරන පක්ෂ නායකයින්ට කාලය වෙන් කිරීම සම්බන්ධයෙන් ගැටළුකාරී තත්වයන් උද්ගත වී තිබෙන අතර එහිදී ජාතික ජන බලවේගයේ නායක අනුර කුමාර දිසානායකට විනාඩි 10 ක් රවුෆ් හකීම් මන්ත්‍රීවරයාට විනාඩි 9 ක් සහ මනෝ ගනේෂන් මන්ත්‍රීවරයාට විනාඩි 5 ක කාලයක් වෙන් කර තිබු බවයි සඳහන් වන්නේ.

විපක්ෂයේ පක්ෂ නායකයිනට කාලය වෙන් කිරීමේදී විපක්ෂ ප්‍රධාන සංවිධායක ලක්ෂ්මන් කිරිඇල්ල සෙසු පක්ෂ වලට කුඩම්මාගේ සැලකිලි දක්වමින් හිතුවක්කාරී ලෙස හැසිරී ඇති බවටත් සෙසු පක්ෂ නායකයින් චෝදනා කරන බවත් වාර්තා වෙයි.

කල්තැබීමේ විවාදයේදී ආණ්ඩුවේ අසාර්ථකත්වය පිළිබඳව මතය සමාජගත කිරීමට තිබු අවස්ථාව විපක්ෂ නායක වරයාගේ සහ විපක්ෂයේ ප්‍රධාන සංවිධායකවරයාගේ ක්‍රියාකලාපය නිසා අහිමි වූ බවට විපක්ෂයේ මන්ත්‍රීවරුන් අතර කතාබහක් මතුව ඇති බවත් වාර්තා වෙයි.

සියලු කලාකරුවන් වෙනුවෙන් නොමිලේ ජීවිත රක්ෂණයක් ප්‍රදානය කිරීමට ජාතික උරුම ප්‍රාසංගික කලා හා ග්‍රාමීය කලා ශිල්පී ප්‍රවර්ධන රාජ්‍ය අමාත්‍යංශය පියවර ගෙන තිබේ.

එහි සමාරාම්භක අවස්ථාව ඊයේ අරලියගහ මන්දිරයේදී පැවැත්වුණේ, අග්‍රාමාත්‍ය මහින්ද රාජපක්ෂගේ ප්‍රධානත්වයෙනි.

සංකේතාත්මකව කලාකරුවන් 50 දෙනෙකු වෙනුවෙන් රක්ෂණ ඔප්පු ප්‍රදානය කෙරිණ.

ජාතික උරුම ප්‍රාසංගික කලා හා ග්‍රාමීය කලා ශිල්පී ප්‍රවර්ධන රාජ්‍ය අමාත්‍යංශයේ නිල වෙබ් අඩවිය www.heritage.gov.lk ලෙස අන්තර්ජාලයට එක් කිරීම ද සිදු කෙරුණේ, අග්‍රාමාත්‍යවරයාගේ ප්‍රධානත්වයෙනි.

අල්ධිකරණ ඇමැති ජනාධිපති නීතිඥ අලි සබ්රිට අපකීර්තියක් හා අපහාසයක් වන අන්දමේ කිසිදු ප්‍රකාශයක් මින් ඉදිරියට නොකරන බව සිංහලේ සංවිධානයේ මැඩිල්ලේ පඤ්ඤාලෝක හිමි කොළඹ දිසා අධිකරණය හමුවේ දී ප්‍රකාශයක් කරමින් පොරොන්දුව තිබේ.

අධිකරණ පුවත් වාර්තා අනුව අපකීර්ති දායක ප්‍රකාශ කරමින් හා එම ප්‍රකාශ සමාජ මාධ්‍ය ජාලාවල පළකරමින් සිය කීර්තිනාමයට හානි කළේ යැයි අධිකරණ ඇමැතිවරයා ගොනුකළ වන්දි නඩුවක් සමථයට පත් කරමින් පඤ්ඤාලෝක හිමියෝ එසේ පවසා ඇත.

අධිකරණ ඇමැතිවරයා හා පඤ්ඤාලෝක හිමියන් අතර ඇතිකරගත් සමථ කොන්දේසී ප්‍රකාරව මේ ප්‍රකාශය කළ බවත් වාර්තා වෙයි.

සිදුකර ඇති අපහාසයට රුපියල් කෝටි 150 ක වන්දියක් අය කර දෙන ලෙස ඉල්ලා අධිකරණ ඇමැතිවරයා විසින් මේ නඩුව පසුගිය වසරේ මැයි 27 වැනි දින ගොනු කරන ලදි .වගඋත්තරකාර හිමියන් විසින් youtube ,ෆේස්බුක් හා සමාජ ජාල මාධ්‍ය ඔස්සේ සිදුකරන අපහාසය තහනම් කරන ලෙසත් සිදුකර ඇති අපහාසයට වන්දි අය කර දෙන ලෙසත් පැමිණිල්ල මඟින් ඉල්ලා තිබිණි.

කොළඹ ප්‍රධාන දිසා විනිසුරු අරුණ අලුත්ගේ මහතා ඉදිරියේ ඊයේ (19) දින නඩුව කැඳවූ අතර දෙපාර්ශ්වය අතර ඇති කරගත් සමතයක් ප්‍රකාරව නඩුව අවසන් කරන බව නීතීඥවරුන් අධිකරණයට දන්වා සිටියේය.

දේශප්‍රේමීත්වය තවරාගත් රාජපක්ෂගේ හත් කට්ටුවේ ආණ්ඩුව සීරුවෙන් මාරුවෙන් රටේ දේපළ ටික විකුණමින් ජනතාවට රටක් නැති කර ඇති බව ජනතා විමුක්ති පෙරමුණේ නායක අනුර කුමාර දිසානායක චෝදනා කළේය.

ඔහු මේ චෝදනාව කළේ “ත්‍රිකුණාමලය තෙල් ටැංකි ජාතික සම්පත ඉන්දියාවට පාවාදීමේ ගිවිසුම හකුළා ගනු” යන සටන් පාඨය මුල් කරගෙන ජනතා විමුක්ති පෙරමුණ සංවිධානය කළ දැවැන්ත උද්ඝෝෂණයට සහභාගි වෙමිනි.

මෙම උද්ඝෝෂණ පා ගමන ඊයේ (19දා) මරදාන ටෙක්නිකල් හන්දියෙන් ආරම්භ කර කොටුව දුම්රියපොළ දක්වා පැමිණි අතර ඊට පක්ෂ සාමාජිකයන්, වෘත්තීය සමිති, සිවිල් ක්‍රියාධරයන් ඇතුළු නියෝජිතයන් විශාල පිරිසක් සහභාගි වූහ.

ජවිපෙ නායකයා එහිදී වැඩිදුරටත් මෙම අදහස් පළකළේය.

“ආණ්ඩුව ජනතාවගේ වටිනා සම්පත් එකිනෙක විකුණමින් තිබෙනවා. ආර්ථිකයේ නරක ප්‍රතිපත්ති ප්‍රතිඵලවලට අපි මුහුණ දෙමින් ඉන්නවා. ස්වාභාවික සම්පත් හා බලශක්ති ක්ෂේත්‍රයටත් ආණ්ඩුව අත තියලා. ඒවා විකුණමින් සිටිනවා. මෙගා වොට් 300ක විදුලි නිෂ්පාදනය කරන ඉතා වැදගත් කෙරවළපිටිය බලාගාරයටත් අත තියලා ඉවරයි. එහි ඉතා වැදගත් කොටස් ඇමෙරිකාවේ සිට පැමිණි ජනාධිපති ගෝඨාභය රාජපක්ෂ හා ඇමෙරිකානු පුරවැසියකු වන බැසිල් රාජපක්ෂ විසින් විකුණා දැමුවා. විදුලිබල මණ්ඩලයේ සේවකයන් අදටත් එම ගිවිසුමට එරෙහිව සටන් කරනවා. අපි ඊට උපරිම සහාය දෙන බව අවධාරණය කරනවා. ආණ්ඩුව වරාය භූමියේ අක්කර 13ක් චීන සමාගමට දෙන්න කැසකවමින් ඉන්නවා.

දේශප්‍රේමීත්වය තවරාගත් ආණ්ඩුවේ ඛනිජ තෙල් ඇමැති පසුගියදා (6දා) ඉන්දියානු සමාගම් එක්ක ගිවිසුම් අස්සන් කරනු ලැබුවා වැදගත්ම කොටස වන තෙල් ටැංකි සංකීර්ණය පවරා දීම සඳහා. ඒ වගේම වටිනා ගොඩනැඟිලි කිහිපයක් විකිණීමට ආණ්ඩුව සැලසුම් කරලයි තිබෙන්නේ. දේශප්‍රේමීත්වය තවරාගෙන තමයි මේ ආණ්ඩුව බලයට ආවේ. එහෙම දේශප්‍රේමය කරපින්න ගෙන ඇවිත් සීරුවට මාරුවට වරාය, බලාගාර, වටිනා ගොඩනැඟිලි, තෙල් ටැංකිවල ජනතාවට ඇති අයිතිය නැති කරලා. දැන් මේක රටක්ද. ජනතාවට වගකීමෙන් කියනවා අපි මේ සම්පත් ටික රැකගන්න සටනක් ගෙනියමු. ඒකට අපි සහාය දෙනවා. රාජපක්ෂගේ හත්කට්ටුව ආණ්ඩුවේ. මේ ගනුදෙනුවලට අපි ඉඩ නොතියන බවත් අපි අවධාරණයෙන් කියනවා. දේපළ විකුණගෙන කන මේ උත්සාහය නවත්තන්න පෙරට එන්න කියලා මම ජනතාවට ආරාධනා කරනවා.”

(මව්බිම)

තවත් කොවිඩ් මරණ 12ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

සෞඛ්‍ය අංශ පෙන්වා දෙන්නේ එම මරණ ඊයේ (19) තහවුරු කර ඇති බවය.

එම මරණ 12 අතරට අවුරුදු 30ට අඩු එක් කාන්තා මරණයක් ද වාර්තා වී තිබේ.

ඒ අනුව, මෙරටින් මේ දක්වා වාර්තා වී ඇති මුළු කොවිඩ් මරණ ගණන 15,255කි.

මහවැලි ගගේ අනවසර වැලි ගොඩ දැමිම රාජ්‍ය අනුග්‍රහය සහිතව ඉතාමත් දරුණු ලෙස මෙි වන විට සිදුවෙිමින් පවතින බව පරිසරවේදින් පවසයි.

මනමිපිටිය, මඩංතෙටිටි ,නීලපොල වැනි ස්ථාන වල මෙිවන විට විශාල යන්ත්‍ර සුත්‍ර භාවිතා කරමින් මහා පරිමාණ වැලි කැණිමි සිදු කිරීම සමිබන්ධව පරිසර සංවිධාන භූ විද්‍යා හා පතල් කාර්‍යංශය හා පරිසර අමාත්‍ය වරයා විටින් විට දැනවත් කිරීමි කලද එම අනවසර වැලි ගොඩ දෑමිම නැවතීම වෙනුවට ජාතික පාරිසරික පනත කඩ කරමින් භු විද්‍යා හා පතල් කාර්‍යංශය මහා පරිමාණ සමාගමි සදහා වැලි බලපත්‍ර නිකුත් කර ඇති බවත් ඔවුන් පෙන්වා දෙයි.

පරිසරවේදි ආචාර්ය රවීන්ද්‍ර කාරියවසම් නිකුත්කළ නිවේදනයක් අනුව මේ බව අනාවරණය කර ඇති අතර ඔහු අදාළ නිවේදනයේ මෙසේද සඳහන් කර ඇත.

2021 සැප්තැමිබර් මස සිට දෙදහස් විසිදේකේ ජනවාරි මස වන විට වැලි බලපත්‍ර එක්දහස් තුන්සියයක් මහ වැලි ගගේ ත්‍රී කූණාමලයේ ප්‍රදේශයේ කිලෝමිටර් 27 ඇතුලත නිකුත් කර ඇත.

මහවැලි ගගේ අනවසර වැලි ගොඩ දැමිම සමිබන්ධව හා සාෆි නගර් ප්‍රදේශයේ වැලි ගොඩ දැමිම සමිබන්ධව පරිසර ඇමතිවරයාගේ මැදිහත්වීමෙින් නිකූත් කෙරුණ නිතිවිරෝධි වැලි බලප්‍රත්‍රය සමිබන්ධව පර්යේශණයක් කරන බවට මාධ්‍යයට පැවැසුවද එම පර්යේෂණය යට ගැසීමට භූ විද්‍යා හා පතල් කාර්්‍යංශයේ සභාපති වරයා කටයුතු කරමින් ඇත.

ඒ අතර දැනට වැලි බලපත්‍ර හිම කුඩා පරිමාණ වැලි ගොඩ දමන අයගේ වැලි බලපත්‍ර අහෝසි කරමින් ඒ වෙනුවට මහා පරිමාණ වැලි ගොඩ දැමිම වෙනුවෙන් මෙි වන විට ඇති අවස්ථා සමිබවධව භූ විද්‍යා හා පතල් කාර්්‍යංශය තුල පරික්ෂණයක් මෙහෙය වෙිමින් ඇත .

ඉන්ධන නැති වුවද එළඹෙන 25 වැනිදායින් පසුව විදුලිය විසන්ධි කිරීමකින් තොරව ලබා දීමට හැකියාව ඇතැයි විදුලි බල ඇමති ගාමිණි ලොකුගේ සඳහන් කරයි.

අමාත්‍යවරයා පෙන්වා දෙන්නේ නොරොච්චෝල බලාගාරයේ තුන්වන ජනන යන්ත‍්‍රයද විදුලි ජනන කටයුතු 25 වනදා වන විට ආරම්භකිරීමට හැකිවනු ඇති බවයි.

එම ජනන යන්ත්‍රය මේ වන විට නඩත්තු කටයුත්තක් සිදුකරමින් ඇති බවද හේතුවෙන් දැනට දැනට දිනකට දැවි තෙල් 1500ක් පමණ අවශ්‍ය වන බව ද වන ඔහු පවසයි.

නමුත් තෙල් සංස්ථාව ද අර්බුදයට පත්ව තිබෙන නිසා යම් ගැටලුකාරී තත්වයක් මතු වී ඇතැයිද හෙතෙම කියා සිටියේය.

මෙම විසිපස් වන දා දක්වා ද කිසිදු විසන්ධි කිරීමකින් තොරව විදුලිය ලබාදීමට හැකි සෑම උත්සාහයක්ම ගන්නා බවද අමාත්‍යවරයා තවදුරටත් පැවසීය.

පැය 5-6 ක විදුලි කප්පාදුවක් - ඉංජිනේරු සංගමය !

කෙසේ වුවත් අමාත්‍යවරයා පවසන දෙයට සාපුරා වෙනස් අදහසක් ලංකා විදුලි ඉංජිනේරු සංගමය දක්වා ඇත.

රූපවාහිනී නාලිකාවක් වෙත අදහස් දක්වමින් ලංකා විදුලි ඉංජිනේරු සංගමය පවසන්නේ ජල විදුලි බලාගාරවල විදුලි ජල ධාරිතාව තවදුරටත් පහළට බැස්සහොත් පැය පහ හය විදුලි කප්පාදුවකට යාමට සිදුවුනු ඇති බවයි.

මැයි මාසය පසුවන තෙක් ජල විදුලි උත්පාදනය ප‍්‍රමාණවත් ලෙස ඉහළ නොගිය හොත් එතරම් කාලයක් විදුලි කප්පාදුව ක්‍රියාත්මක සිදුවෙනු ඇතැයි සංගමයේ සභාපති සෞම්‍ය කුමාර කියා සිටී.

අද වන විට ලංකාවේ ඉල්ලුමට සරිලන විදුලි උත්පාදනය සඳහා ප්‍රමාණවත් බලාගාර පහසුකම් නැතැයිද හෙතෙම කියා සිටියේය.

මෙවන් අවස්ථාවලදී හදිසි මිලදී ගැනීම් සදහා විදුලිය ලබාදීමට ව්‍යාපාර කරන වෙනම කණ්ඩායමක් සිටිනා බවත් ඔවුන් බිලියන ගණන් මුදල් උපයන බවත් ඔහු පැවසීය.

පාම්තෙල් සදහා ආයනික බදු අඩුකරගෙන පොල්තෙල්වලට පාම්තෙල් කවලම් කර විකිණිමේ සූදානමක් සම්බන්ධයෙන් තොරතුරු අනාවරණය වෙයි.

ඒ පාරිභෝගික අයිතීන් සුරැකීමේ ජාතික ව්‍යාපාරය විසින් නිකුත්කළ නිවේදනයක් හරහා ය.

අදාළ නිවේදනය පහත දැක්වෙයි.

 පාම්තෙල් සදහා ආයනික බදු අඩුකරගෙන පොල්තෙල්වලට පාම්තෙල් කවලම් කර විකිණිමේ සූදානමක්.

රජය විසින් පාම්තෙල් සදහා වන ආනයනික බදු අඩු කල සෑම අවස්ථාවකදීම මෙරට කූට ව්‍යාපාරිකයින් විසින් සිදු කරන ලද්දේ පොල්තෙල් සදහා පාම්තෙල් කවලම් කර අලෙවි කරන ජාවාරමකි. එම ජාවාරම නැවැත්වීම සදහා රජය විසින් විසින් විවිධ ක්‍රියාමාර්ග ගන්නා ලදී. එහිදී ගත් එක් ක්‍රියාමාර්ගයක් වූයේ පාම්තෙල් සදහා ආනයනික බදු බැඩි කිරීම වන අතර ඒ අනුව තම නිෂ්පාදන සදහා පාම් තෙල් අවශ්‍ය නිෂ්චිත කර්මාන්ත පමණක් මෙරටට පාම් තෙල් ආනයනය කරන ලදී.

ආනයනික පාම්තෙල් සදහා ආනයන බදු අඩු කර ගැනීම සදහා කූට ව්‍යාපාරිකයින් පිරිසක් මේවන විට උත්සහ කරමින් සිටින බවට තොරතුරු අපවෙත ලැබී ඇත. එම පිරිස උත්සහ කරමින් සිටින්නේ පොල් තෙල් මිල ඉහළ යන මේ අවස්ථාවේ පොල් තෙල් සදහා පාම්තෙල් කවලම් කර අලෙවි කිරීමේ ජාවාරම නැවැත ක්‍රියාත්මක කර අධික ලාභ ලබා ගැනීමට වන අතර එම ජාවාරම නැවත ක්‍රියාත්මක වුවහොත් මෙරට පාරිභෝගිකයින්ගේ ජීවිත අනතුරට පත්වන බැවින් පාම්තෙල් සදහා ආනයනික බදු අඩු නොකරන ලෙස අප රජයෙන් ඉල්ලා සිටිමු.

පොල්තෙල් සදහා පාම් තෙල් කවලම් කර අලෙවි කිරීම මෙරට විශාල ජාවාරමක් වූ අතර එම ජාවාරම නතර කිරීම සදහා රජයට දැඩි උත්සහයක් ගැනීමට සිදුවිය. එසේ තිබියදී නැවතත් එම ජාවාරම ක්‍රියාත්මකවීමෙන් මෙරට පාරිභෝගිකයින් පමණක් නොව රජයද අපහසුතාවයට පත්වීම වැලැක්විය නොහැක. එම නිසා රජය ව්‍යාපාරිකයින් කිහිපදෙනෙකු පිළිබදව සිතා නොව මෙරට සමස්ත පාරිභෝගිකයින් පිළිබදව සිතා තීරණගත යුතු බව අප අවධාරණය කරමු.

 මීට විශ්වාසී,

 රංජිත් විතානගේ - සභාපති

පාරිභෝගික අයිතීන් සුරැකීමේ ජාතික ව්‍යාපාරය

අද වන විට ඇති වී තිබෙන විදේශ විනිමය අර්බුදය 2029 වසර වන තෙක් පවතිනු ඇති බව වෙළෙඳ අමාත්‍ය බන්දුල ගුණවර්ධන සඳහන් කරයි.

අද ආණ්ඩුව වෙනස් වුවද 2025 වෙනස් වුවද එම තත්වය වෙනස් නොවනු ඇති බවත් හෙතෙම පැවසීය.

පාර්ලිමේන්තුවේදී අදහස් ප්‍රකාශ කරමින් ඇමතිවරයා මේ බව කියා සිටි අතර වැඩිදුරටත් මෙසේද පැවසීය.

“අපේ රටේ මේ වන විට ප්‍රධාන අර්බුදයන් 3ක් තිබෙනවා. එකක් තමයි විදේශ විනිමය පිළිබඳ (ඩොලර්) අර්බුදය. දෙවැනි එක රාජ්‍ය මූල්‍ය පිළිබඳ අර්බුදය. තුන ආර්ථිකය කඩා වැටිලා එතනින් ගොඩ ඒමේ අර්බුදය. ජනාධිපතිවරයාගේ කතාවේ බොහොම පැහැදිලිව මෙකී අර්බුද සඳහා ජාතික වශයෙන් මේ පාර්ලිමේන්තුවේ වගකීම පිළිබඳ පැහැදිලි කිරීමක් කළ බව මම සඳහන් කරන්න ඕනී.

මේ විදේශ විනිමය අර්බුදය අද ඊයේ ඇති වූ ප්‍රශ්නයක් නෙවෙයි. අපේ රටේ නිදහස ලැබුනු දවසේ සිට කවුරු ආණ්ඩු කළත් ලංකාවට භාණ්ඩ ආනයනය කරන්න යන වියදම වැඩිවන වියදමට සාපේක්ෂව අපි ආදායම් වැඩි කරගත්තේ නැහැ. 1977න් පසු ලංකාවේ තිබුණේ වෙළද හිඟයක්. හැමදාම අපි කරලා තිබෙන්නේ මේ රටේ නිෂ්පාදනය කිරීමට වැඩියෙන් පිටින් ගෙනල්ලා පරිභෝජනය කරලා තිබෙනවා.

මේක තමයි ප්‍රශ්නයේ ඇත්ත කතාව. කාට හරි බැන බැන ඉන්නවාට වැඩිය මේ තිබෙන ගැඹුරැ ප්‍රශ්නය පිළිබඳ අවබෝද කර නොගෙන ඒ අවස්ථාවේ ඇති වන වාසිදායක තත්ත්වය තුලදී විදේශ විනිමයෙන් බඩ පිනුම් ගැසීමත්, දුෂ්කරතාවයන්හීදී කාට හරි ඇගිල්ල දිගු කිරීමත් තමයි සිදු කරලා තිබෙන්නේ.

2029 වෙනකන් මේ අර්බුදයට මේ රට මුහුන දෙන්න ඕනී. ඒකයි මේ ගැටලුව ජාතික අර්බුදයක් කියලා කියන්නේ. මෙහෙම ස්වෛරීත්ව බැදුම්කර නිකුත් කරලා ලංකා ඉතිහාසයේ කිසිදු ආණ්ඩුවක් යහපාලන ආණ්ඩුව වගේ මෙලෙස ණය අරගෙන නෑ.

මේක ගෙනියන්න බැරිවුනු තැන මිලේනියම් චැලේන්ජ් කෝපරේශන් කියන මේ රටේ කොටසක් ඇමරිකා එක්සත් ජනපදයට පාවා දෙන ගිවිසුම අත්සන් කරන්න ලෑස්ති වුනා. අද බංග්ලාදේශයෙන් 250ක් ගන්නවා කියන කට්ටිය ඇමරිකාවෙන් ඩොලර් මිලියන 480ක් සඳහා තමයි මුලු රටම පාවාදෙන එම්.සී.සී ගිවිසුම අත්සන් කරන්න ගියේ. ඒ තරමටම වැටිලා තිබුණේ.”