V2025

පුවත්

ශ්‍රීලනිපයේ මැයි රැළි 2ක් : මහින්ද මෛත්‍රී එකම වේදිකාවක !

අග්‍රාමාත්‍ය රනිල් වික්‍රමසිංහට එරෙහිව ඉදිරිපත් වූ විශ්වාසභංග යෝජනාවට පක්ෂව ජන්දය ලබාදුන් ශ්‍රීලනිප 16 දෙනාගේ කණ්ඩායම මැයි 7 වනදා පැවැත්වීමට නියමිත ජාත්‍යන්තර කම්කරු දින සැමරුම වෙනම සිදුකිරීමට කටයුතු සංවිධානය කරමින් සිටින බව වාර්තා වෙයි.

රාජ්‍ය ඇමති ටී.බී. ඒකනායක මේ පිළිබඳ මාධ්‍ය හමුවේ අනාවරණය කර තිබෙන අතර ‘ශ‍්‍රි ලංකා නිදහස් පක්‍ෂයේ රනිල් හිතවාදී පාර්ශව සමග තවදුරටත් කටයුතු කල නොහැකි බවත් එහෙයින් මහ ලේකම්වරුන් වන මහින්ද අමරවීර හා දුමින්ද දිසානායක විසින් සංවිධානය කරන මැයි රැළියට සහභාගී නොවන බවද සඳහන් කර ඇත.

ඒ අනුව රාජ්‍ය අමාත්‍යවරයා සඳහන් කර සිටින්නේ කණ්ඩායම විසින් සංවිධානය කරන මැයි රැළිය කොළඹ විහාරමහා දේවී එලිමහන් රංග පීඨයේදී පවත්වන බවත් ඒ සඳහා ශ‍්‍රිලනිප නායක ජනාධිපති මෛත‍්‍රීපාල සිරිසේනට මෙන්ම හිටපු ජනාධිපති මහින්ද රාජපක්‍ෂටද ආරාධනා කරන බවය.

Comment (0) Hits: 748

තලතා : එජාප ඉතිහාසය වෙනස් කිරීමේ සුදානමක් !

අමාත්‍ය මලික් සමරවික්‍රම මහතා එක්සත් ජාතික පක්ෂයේ සභාපති ධුරයෙන් ඉල්ලා අස්වීමට තීරණය කර ඇති අතර එකී පුරප්පාඩුව සඳහා අමාත්‍ය තලතා අතුකෝරල මහත්මිය පත් කිරීමට පක්ෂයේ ජ්‍යෙෂ්ඨයින්ගේ අවධානය යොමුව ඇතැයි 'සිරිකොත' එජාප මුලස්ථාන ආරංචිමාර්ග පවසයි.

තලතා අතුකෝරල මහත්මිය එසේ සභාපති ධුරයට පත්වුවහොත් ඇය එජාපයේ පළමු සභාපතිනිය ලෙස ඉතිහාසයට එක්වනු ඇත.

එක්සත් ජාතික පක්ෂයේ වත්මන් නිලධාරී මණ්ඩලය නිල කාලය අප්‍රේල් මාසයේ 30 දා අවසන් වීමට නියමිත අතර නව නිලධාරී මණ්ඩලය හා එජාප පූර්ණ ප්‍රතිසංවිධානයක් සිදු කිරීමට අදාළ අවසන් තීරණවලට හෙට (08දා) සවස් වන විට එළැඹීමට හැකි වනු ඇතැයි ඉහත ආරංචිමාර්ග පවසයි.

පූර්ණ ප්‍රතිසංවිධානයක්:

පක්ෂයේ පූර්ණ ප්‍රතිසංවිධානයක් සිදු කරන බවට එජාප නායක අග්‍රාමාත්‍ය රනිල් වික්‍රමසිංහ මහතා ලබාදුන් ප්‍රතිඥාවක් මත ප්‍රතිසංවිධානයට අදාළ කමිටු ත්‍රිත්වයේ නිර්දේශ හා යෝජනා පිළිබඳව එජාප කෘත්‍යාධිකාරි මණ්ඩලය සහ එජාප පාර්ලිමේන්තු කණ්ඩායම අද දිනයේද දීර්ඝ ලෙස සාකච්ඡා කිරීමට නියමිතය.

එම තීරණවලට අනුව පක්ෂයේ සියලු නිලතල සඳහා සුදුස්සන් පත්කිරීම හා ව්‍යස්ථා සංශෝධන මේ මස අවසානයට පෙර සිදු කෙරෙනු ඇතැයි ඒ සඳහා පක්ෂයේ විශේෂ මහා සම්මේලන වාරයක් කැඳවීමට සිදුවන බවත් වාර්තාවේ.

එජාපයේ පූර්ණ ප්‍රතිසංවිධානයක් සිදු කිරීම සඳහා සියලුම තනතුරුවලට නාම යෝජනා කැඳවා ඡන්ද විමසීමකින් නිලධාරීන් පත් කළ යුතු බවත් 2020 මැතිවරණයකට ඉදිරිපත් කරන නායකයා නම් කළයුතු බවත් පක්ෂ ව්‍යවස්ථාවේ පසුගිය කාලසීමාවේ සිදු කළ සංශෝධන අහෝසි කර 1977දී ක්‍රියාත්මක වූ එජාප ව්‍යවස්ථාව යළි බලගැන්විය යුතු බවත් එජාප මන්ත්‍රිවරුන් බහුතරයක් පසුගිය දිනවල පැවැති සාකච්ඡාවලදී අවධාරණය කර තිබේ.

Comment (0) Hits: 1926

DIGට සුදුසුකම් නැතැයි පැමිණිල්ලක් !

වත්මන් නියෝජ්‍ය පොලිස්පති නාලක ද සිල්වා සහකාර පොලිස් අධිකාරිවරයකු ලෙස පොලිසියට බැඳී ඇත්තේ තනතුරට අදාළ සුදුසුකම් රහිතව බව සහකාර පොලිස් අධිකාරි ප්‍රසන්න ද අල්විස් විසින් පොලිස් කොමිසමට ලිඛිතව පැමිණිලි කර වසර එකහමාරක් ගෙවී ඇතත් කොමිසම ඒ ගැන විභාගයක් පවත්වා නැතැයි දැනගන්නට ඇත.

සහකාර පොලිස් අධිකාරී ප්‍රසන්නද අල්විස් පොලිස් කොමිසමේ සභාපතිවරයා වෙත යවන ලද පැමිණිල්ලේ සඳහන් පරිදි නියෝජ්‍ය පොලිස්පති නාලක ද සිල්වා අ.පො.ස. උසස් පෙළ විභාගයේ විෂයන් තුනම සමත් වී නැති අතර ඔහු ලබාගෙන ඇතැයි කියන විදේශීය උපාධියද සැක සහිත බව එම පැමිණිල්ලේ දැක්වේ.

පොලිස් කොමිසමේ සභාපති පී.එච්. මනතුංගගෙන් මේ ගැන විමසූ විට පැවසුවේ එවැනි පැමිණිල්ලක් තමන්ට ලැබී නැති බවයි.

එනිසා අදාළ පැමිණිල්ල අංක 14 කෙලන්කඩුව පෙදෙස වැල්ලවත්ත යන තමන්ගේ පෞද්ගලික ලිපිනයට ලියාපදිංචි තැපෑලෙන් එවන්නේ නම් ඒ ගැන විමර්ශනයක් පැවැත්විය හැකි බවයි.

කොමිසමේ සභාපතිවරයා තමන් එවැනි පැමිණිල්ලක් නොලද බව පැවසුවද පොලිස් කොමිසමෙන් සහකාර පොලිස් අධිකාරී ප්‍රසන්නද අල්විස් වෙත ලිපියක් යවා ඇති අතර එහි කැඳවීම් අංකය WPC/ED/GO/NGO/06/143/16 ලෙස සඳහන් වේ.

මේ සම්බන්ධයෙන් නියෝජ්‍ය පොලිස්පති නාලක ද සිල්වාගෙන් විමසූ විට පැවසුවේ තමන් පොලිසියට බැඳී වසර 18 ක් බවත් අවශ්‍ය සුදුසුකම් සහිතව පොලිසියට බැඳී ඇති බවත්ය.

(රාවය)

Comment (0) Hits: 597

සිංහල පදිංචිකරණය ගැන උතුරෙන් චෝදනාවක්

මුලතිව් දිස්ත්‍රික්කයේ වැලිඔය ප්‍රදේශයේ දමිළ ජනතාව වගා කළ ඉඩම් මහවැලි කලාපයට අයත් යැයි පවසමින් රජයට පවරාගෙන සිංහල ජනතාව පදිංචි කරවීමේ උත්සාහයක් ඇතැයි උතුරු පළාත් සභා මන්ත්‍රී ටී. රවිකරන් මහතා පවසයි.

මේ සම්බන්ධයෙන් ඔහු අප්‍රේල් 05 දින පැවති උතුරු පළාත් සභා රැස්වීමේදී යෝජනාවක් ගෙන එමින් සියලුම පළාත් සභා මන්ත්‍රීවරු අප්‍රේල් 10 දින වැලිඔය එම ඉඩම් පරීක්ෂා කිරීමට සහභාගි වන ලෙස ඉල්ලා ඇත.

එදින මේ සම්බන්ධ තොරතුරු ඇතුළත් ලිපියක් මුලතිව් දිස්ත්‍රික් ලේකම්වරයා මගින් ජනාධිපතිවරයාට යොමුකරවන බවද ඔහු සඳහන් කර තිබේ.

Comment (0) Hits: 486

එජාප විශ්වාසභංගය ඉල්ලා අස් කරගන්නැයි අගමැතිගෙන් දැනුම්දීමක් !

ශ්‍රී ලංකා නිදහස් පක්ෂ මැති ඇමතිවරුන් පිරිසකට එරෙහිව කථානායකවරයාට භාරදුන් විශ්වාසභංග යෝජනාව ඉල්ලා අස් කර ගන්නා ලෙස අගමැති රනිල් වික්‍රමසිංහ මහතා එක්සත් ජාතික පක්ෂ මන්ත්‍රීවරුන්ට දැනුම් දී ඇතැයි වාර්තා වේ.

අගමැතිට එරෙහි විශ්වාසභංග යෝජනාවට පක්ෂව ඡන්දය ලබා දුන් නිදහස් පක්ෂයේ මැති ඇමැතිවරුන් හට විරුද්ධව මෙම විශ්වාසභංගය එක්සත් ජාතික පක්ෂයේ පසුපෙළ මන්ත්‍රී කණ්ඩායමක් විසින් කථානායකවරයා වෙත අද පස්වරුවේ භාර දී ඇත.

එම පක්ෂයේ පාර්ලිමේන්තු මන්ත්‍රී මුජිබර් රහුමාන් පවසා සිටිනුයේ අගමැතිට එරෙහි විශ්වාසභංගයේදී ඊට පක්ෂව ඡන්දය ලබා දුන් ශ්‍රී ලංකා නිදහස් පක්ෂයේ අමාත්‍යවරුන් 6 දෙනාට ‘‘6 කල්ලිය“ ට සහ නියෝජ්‍ය කථානායකවරයාට එරෙහිවම එම විශ්වාසභංග යෝජනාව භාර දුන් බවයි.

Comment (0) Hits: 555

තනි ආණ්ඩු බැහැ;කැබිනට් වෙනසක් කරනවා - ජනපති

පාර්ලිමේන්තුවේ පවතින මන්තී‍්‍ර ධුරවල ව්‍යුහය අනුව "එකතු වීම තුළ මිසක් කිසිදු දේශපාලන පක්ෂයකට තනිවම ආණ්ඩුවක් පිහිටුවීමට අවකාශයක් නොමැති බව" තමන් පෙන්වා දී ඇති බව ජනාධිපති මෛත්‍රිපාල සිරිසේන පවසයි.

ජනාධිපතිවරයා එම ප්‍රකාශය අවධාරණයෙන් සඳහන් කළේ අද (අප්‍රියෙල් 06) පෙරවරුවේ කොටුව ජනාධිපති මන්දිරයේ දී මාධ්‍ය ආයතන ප්‍රධානීන් අමතමිනි.

"විශ්වාසභංග යෝජනාව තුළ ඇතිවුන ප්‍රතිඵලය අපි කවුරුත් දන්නවා.මේ තත්වය තුළ පාර්ලිමේන්තුවේ මොන විධියේ දේශපාලන ප්‍රශ්න සහ අර්බුද ඇති වුනත් ජනාධිපතිවරයා විධියට මම රටට වගකිව යුතුයි" ජනාධිපතිවරයා පෙන්වා දුන්නේය.

එම වගකීම් ඉටුකිරීමේ දී රජය ශක්තිමත් කිරීමට තමා බැඳී සිටින බව පවසන ජනාධිපති මෛත්‍රිපාල සිරිසේන, රටට වගකියන ජනාධිපතිවරයෙකු ලෙස රජය දුර්වල වීමට කිසිසේත් ඉඩ නොතබන බව අවධාරණය කළේය.

"රජය ශක්තිමත් කිරීම සඳහා පාර්ලිමේන්තුවේ සිටින ඕනෑම අයෙකුට රජය සමග එක්විය හැකි අතර, ඒ වෙනුවෙන් තමා සියලුදෙනාට ආරාධනා කරන බවත්" ජනාධිපතිවරයා වැඩි දුරටත් පවසයි.

DaE0ESjVMAAluxg1
"යහපාලන රජයේ ඉදිරි ගමන ගැන අගමැති රනිල් වික්‍රමසිංහ සමග ඊයේත් සාකච්ඡාවක් පැවැත්වුණු බව" ජනපති පවසයි
අගමැති සමඟ සාකච්ඡා

ඉදිරි කාලය තුළ අමාත්‍ය පදවිවල විෂය පථයන්හි වෙනසක්ද සහිත පුළුල් කැබිනට් වෙනසක් සිදු කෙරෙන බව තහවුරු කළ ජනාධිපතිවරයා, ඒ සම්බන්ධයෙන් සාකච්ඡා කිරීම සඳහා කමිටුවක් පත්කර ඇති බවත් සඳහන් කළේය.

ශ්‍රී ලංකා නිදහස් පක්ෂයේ ඉදිරි ක්‍රියාමාර්ග ගැන ලබන සතියේ රැස්වෙන ශ්‍රී ලංකා නිදහස් පක්ෂ මධ්‍යම කාරක සභාව විසින් තීරණයක් ගන්නා බවත් ජනාධිපතිවරයා පවසයි.

අගමැති රනිල් වික්‍රම සිංහට එරෙහි විශ්වාසභංග යෝජනාවට පක්ෂව සහ ඡන්දය භාවිතා කිරීමෙන් වැළකී සිටි අමාත්‍යවරුන් ගැන නැගුණ ප්‍රශ්නයකට පිළිතුරු දුන් ජනාධිපතිවරයා "යහපාලන රජයේ ඉදිරි ගමන ගැන අගමැති රනිල් වික්‍රමසිංහ සමග ඊයේත් සාකච්ඡාවක් පැවැත්වුණු බව" අනාවරණය කළේය.

මේ දිනවල සිදු කෙරෙන පළාත් පාලන ආයතනවල සභාපතිවරුන් පත්කර ගැනීමේ කටයුතු පිළිබඳව අදහස් දැක්වූ ජනාධිපති මෛත්‍රීපාල සිරිසේන "මහජනතාවගේ ඡන්දයෙන් ජයග්‍රහණය කළ දේශපාලන පක්ෂ පරාජය කරමින්, විරුද්ධ පක්ෂවලට ඇතැම් ආයතනයන්හි බලය ලබා ගැනීමට හැකියාව ලැබී තිබෙන අතර, මැතිවරණ ක‍්‍රමයේ පවතින එම විකෘතිභාවය හේතුවෙන් ජනමතයේ යටපත් වීමක් සිදුවන බව" පෙන්වා දුන්නේය.

පළාත් පාලන නියෝජිතයන් වැඩියි

එවැනි තත්වයක් යටතේ පළාත් පාලන මැතිවරණ පනත සංශෝධනය වීම අත්‍යවශ්‍ය බව ජනාධිපතිවරයාගේ අදහස වී ඇත.

පළාත් පාලන ආයතන සඳහා මන්තී‍්‍රවරුන්ගේ සංඛ්‍යාව 8000 කට අධික වීම කිසිසේත් රටට යහපත් තත්ත්වයක් නොවන බවත් ජනාධිපතිවරයා සඳහන් කළේය.

"ඒ නිසා මන්ත්‍රී සංඛ්‍යාව අඩු කිරීම ඉතාම අවශ්‍යයි. මේ පනත සංශෝධනය කිරීම තුළ මම යෝජනා කරනවා -අමාත්‍ය මණ්ඩලයට - මේ 8000 අනිවාර්යයෙන්ම 4000 කට අඩු කරන්න කියලා" ජනාධිපතිවරයා පවසයි.

BBC සේවය 

Comment (0) Hits: 650

කැලණි ගජමුතු හා රන් ගණනය කර නෑ

කැලණිය රජමහා විහාරයේ තිබූ ගජ මුතු සහ රන් භාණ්ඩ ප්‍රමාණය පිළිබඳව කිසිදු ගණනය කිරීමක් කිසිදු අවස්ථාවක සිදු කර නොමැති බව එම විහාරයේ සිදුවූ සොරකම පිළිබඳව කළ විමසීමකදී එම විහාරයේ ප්‍රකාශකයෙකු පැවසීය.

එසේ සොරාගත් භාණ්ඩ විහාරය වෙත පරිත්‍යග ලෙස ලැබී ඇති බැවින් ඒ පිළිබඳව කිසිවෙකු ගණනය කිරීමක් නොකරන බව ද ඔහු වැඩිදුරටත් පැවසීය.

මෙම සොරකම සිදුකර අප්‍රේල් 05 දිනට දින තුනක් ගතවී ඇතත් මේ වන තෙක් ඊට සම්බන්ධ කිසිවෙකුත් අත්අඩංගුවට ගෙන නොමැති අතර සොරකම් කළ පුද්ගලයාගේ යැයි සැක ඡායාරූප මාධ්‍යවෙත නිකුත් කිරීමට පොලිසිය කටයුතු කර ඇත.

පොලිස් මාධ්‍ය ප්‍රකාශකවරයාගෙන් අප කළ විමසීමකදී පැවසුවේ අදාළ පරීක්ෂණ කටයුතු සිදුවෙමින් පවතින බවත් සොරාගත් භාණ්ඩ පිළිබඳව තොරතුරු තමන් වෙත වාර්තා වී නැති බවත්ය.

රාවය

Comment (0) Hits: 491

ජනාධිපතිගෙන් විවෘත ආරාධනයක් !

ආණ්ඩුව ශක්තිමත් කිරීම සඳහා තමන් පාර්ලිමේන්තුවේ සිටින 225න් ඕනෑම අයෙකුට ආරාධනා කරන බව ජනාධිපති මෛත්‍රීපාල සිරිසේන සඳහන් කර ඇත.

ජනාධිපතිවරයා මේ බව සඳහන් කර ඇත්තේ සියළු මාධ්‍ය ආයතන ප්‍රධානීන් සමඟ අද (06) ජනාධිපති ලේකම් කාර්යාලයේ පැවති හමුවේදීය.

එසේම ජනමතය නිසිලෙස නියෝජනය නොවන විකෘති පළාත් පාලන මැතිවරණ පනත කඩිනමින් සංශෝධනය කලයුතු බවත් එහිදී මන්ත්‍රීධුර ප්‍රමාණයද අඩු කල යුතු බවද ජනාධිපතිවරයා සඳහන් කර තිබේ.

තවද මැයි 7 වනදා රජයේ නිවාඩු දිනයක් කරන බවද ජනාධිපතිවරයා එහිදී දැනුම්දී ඇත.

Comment (0) Hits: 538

ගෝඨා අත්අඩංගුවට නොගෙන කරන පරීක්ෂණයක් කරන්න - නියෝගයක්

ගෝඨාභය රාජපක්ෂ මහතා අත්අඩංගුවට ගැනීමකින් තොරව සිද්ධිය සම්බන්ධයෙන් විමර්ශනය කිරීමේ අවසරය මූල්‍ය අපරාධ කොට්ඨාසයට ඇති බව අභියාචානාධිකරණයේ සභාපති විනිසුරු පී. පත්මන් සූරසේන හා ශිරාන් ගුණරත්න යන විනිසුරු මඩුල්ල අවධාරණය කරයි.
 
ඊයේ (05) අභියාචානාධිකරණ විනිසුරු මඩුල්ල මෙසේ අවධාරණය කර  සිටියේ ගෝඨාභය රාජපක්ෂ මහතා අත්අඩංගුවට ගැනීම වළක්වමින් පසුගිය නොවැම්බර් 9 වන දා අභියාචනාධිකරණය පොලිස් මූල්‍ය අපරාධ කොට්ඨාසයට දුන් අතුරු තහනම් නියෝගය ලබන මැයි මස 26 වන දා දක්වා දීර්ඝ කිරීමේ නියෝගයක් නිකුත් කරමින්ය.
 
ගෝඨාභය රාජපක්ෂ මහතා මෙම පෙත්සම ගොනු කර ඇත්තේ ඩි. ඒ. රාජපක්ෂ අනුස්මරණ කෞතුකාගාරය ඉදිකිරිම සඳහා රජයේ දේපළ යොදා ගත්තේ යැයි කියන සිද්ධිය සම්බන්ධයෙන් පොලිස් මූල්‍ය අපරාධ කොට්ඨාසය තමන් අත්අඩංගුවට ගැනීමට සුදානම් වන බවත් පොදු දේපළ පනත යටතේ තමා අත්අඩංගවට ගෙන නීතිමට පියවර ගැනීම වලක්වන නියෝගයක් නිකුත් කරන්නැයි ඉල්ලමිනි.
 
ඒ අනුව පෙත්සම සම්බන්ධයෙන් විභාගයක් පැවැත්වීමටද  අභියාචනාධිකරණය තීරණය කල අතර  ලබන මැයි මස 25 වැනිදා  පෙත්සම් විභාගය ආරම්භ කිරීමට නියමිතව ඇත.
Comment (0) Hits: 624

'ජෝන්ලා ඉවත් කිරීම : ජනාධිපතිවරයා අගමැතිට බැහැ කියලා !

විශ්වාසභංග යෝජනාවෙන් පසුව ජනපති මෛත්‍රීපාල සිරිසේන මහතා හා අග්‍රාමාත්‍ය රනිල් වික්‍රමසිංහ මහතා අතර හමුවක් ඊයේ (05) රාත්‍රී පැවති බව 'අද' පුවත්පත වාර්තා කරයි.

අග්‍රාමාත්‍ය රනිල් වික්‍රමසිංහ මහතාට සහ ආණ්ඩුවට එරෙහිව ගෙන ආ විශ්වාස භංගය පරාජයට පත් කිරීමෙන් පසුව ජනපති හා අගමැති හමුවූ ප්‍රථම අවස්ථාව මෙයයි.

එජාප ජ්‍යෙෂ්ඨ අමාත්‍යවරුන් පිරිසක් ද එම අවස්ථාවට එක්ව තිබේ.

එම හමුව සිදුවූයේ කොළඹ හත මහගමසේකර මාවතේ පිහිටි ජනපති නිල නිවසේදීය.

පැයකට ආසන්න කාලයක් පැවැති ඉහත හමුවේදී ජාතික ආණ්ඩුව ඉදිරියට පවත්වාගෙන යෑම පිළිබඳව අග්‍රාමාත්‍යවරයා අදහස් ඉදිරිපත් කර ඇතැයි නිල නොවන ආරංචිමාර්ග පවසයි.

එසේම විශ්වාසභංග යෝජනාවට පක්ෂව ඡන්දය භාවිත කළ නිදහස් පක්ෂ මැති ඇමතිවරුන් ආණ්ඩුවෙන් ඉවත්විය යුතු බවටද අග්‍රාමාත්‍යවරයා අදහස් දක්වා ඇත.

එහෙත් ජනාධිපතිවරයා ගෙන් ඊට යහපත් ප්‍රතිචාරයක් ලැබී නැතයි වාර්තා වේ.

ආණ්‌ඩුව නියෝජනය කළ ශ්‍රීලනිප ඇමැතිවරුන් වන සුසිල් ප්‍රේමජයන්ත, දයාසිරි ජයසේකර, චන්දිම වීරක්‌කොඩි, තිලංග සුමතිපාල, ඩිලාන් පෙරේරා, සුසන්ත පුංචිනිලමේ, ටී. බී. ඒකනායක, අනුරාධ ජයරත්න, තාරානාත් බස්‌නායක, ලක්‍ෂ්මන් වසන්ත, අනුර ප්‍රියදර්ශන යාපා, ජෝන් සෙනෙවිරත්න, නිමල් ලන්සා, එස්‌. බී. දිසානායක, ලක්‍ෂ්මන් යාපා අබේවර්ධන යන මහත්වරුන් සහ සුදර්ශනී ප්‍රනාන්දුපුල්ලේ, සුමේධා ජී. ජයසේන යන මහත්මීන් පෙරේදා (04) පැවති විශ්වාස භංග යෝජනාවට අදාල ඡන්දයේදී පක්ෂව ඡන්දය දුන්හ.

Comment (0) Hits: 647

ඉරි තුනට පිටුපෑ රතන හිමිගේ මන්ත්‍රීධුරය අහෝසියි?

අග්‍රාමාත්‍ය රනිල් වික්‍රමසිංහට එරෙහිව පාර්ලිමේන්තුවට ඉදිරිපත්කර තිබූ විශ්වාසභංග යෝජනාවට විරුද්ධව ජන්දය ලබාදිය යුතු බවට එක්සත් ජාතික පෙරමුණ විසින් ඉදිරිපත්කර තිබූ ඉරි තුනේ නියෝගයට පිටුපා එදින ජන්ද විමසීමේ අවස්ථාව වර්ජනය කිරීම හේතුවෙන් අතුරලියේ රතන හිමියන්ගේ පාර්ලිමේන්තු මන්ත්‍රී ධූරය අහෝසිවන තත්ත්වයක් මතුව ඇත.

බ්‍රිතාන්‍ය පාර්ලිමේන්තු සම්ප්‍රදායේ එන මෙම ඉරි තුනේ නියෝගයෙන් කියවෙන්නේ එම නියෝගයට අනුව අදාළ මන්ත්‍රීවරුන් කටයුතු කලයුතු බවත් නැතහොත් නියෝගයට පිටුපෑම සම්බන්ධව නෛතික ක්‍රියාමාර්ග ගැනීමට අදාලව එම ලියවිල්ල සාක්ෂියක් වන බවය.

මෙම ඉරි තුනේ නියෝගය එක්සත් ජාතික පෙරමුණේ සියළු පාර්ලිමේන්තු නියෝජිතයන්ට ලියාපදිංචි තැපෑලෙන් නිකුත් කරන්නට ආණ්ඩු පක්ෂයේ ප්‍රධාන සංවිධායක අමාත්‍ය ගයන්ත කරුණාතිලක විසින් යොමුකර තිබු අතර ඒ අප්‍රේල් 03 වනදා ය.

ඒ අනුව මේ වන විට අදාළ නියෝගයට පිටුපෑම සම්බන්ධව පාර්ලිමේන්තු මන්ත්‍රී අතුරලියේ රතන හිමියන්ගේ පාර්ලිමේන්තු මන්ත්‍රීධුරය අහෝසි කිරීමට අවශ්‍ය නීති ක්‍රියාමාර්ග සූදානම් කරන ලෙස එජාප නායකත්වය නීති අංශ දැනුවත් කර තිබෙන බවද වාර්තා වෙයි.

Comment (0) Hits: 560

ජනපති - අගමැති ගැටුමක් : ආණ්ඩුව ව්‍යවස්ථා අර්බුදයක !

විශ්වාසභංග යෝජනාවට සහය පළ කළ ශ්‍රී ලංකා නිදහස් පක්ෂයේ අමාත්‍යවරුන් පිරිස අනිවාර්යයෙන් ආණ්ඩුවෙන් ඉවත් කරන ලෙස එක්සත් ජාතික පක්ෂය කල ඉල්ලීම තරයේ ප්‍රතික්ෂේප කර ඇති ජනාධිපතිවරයා, විශ්වාසභංග යෝජනාවට පක්ෂව ඡන්දය දුන් ශ්‍රී ලංකා නිදහස් පක්ෂයේ මන්ත්‍රීවරුන් කණ්ඩායමට තවදුරටත් ආණ්ඩුව තුළ රැඳී සිටිමින් කටයුතු කරන ලෙස දැනුම් දී ඇත.

අගමැතිට එරෙහි විශ්වාසභංග යෝජනාවේ දී ඡන්දය දීමෙන් වැළකී සිටි ශ්‍රී ලංකා නිදහස් පක්ෂ ඇමතිවරුන් සමග එක්ව 'යහපාලන ජාතික ආණ්ඩුව' ඉදිරියට පවත්වාගෙන යන බවත්, විශ්වාසභංග යෝජනාවට සහය පළ කළ ශ්‍රී ලංකා නිදහස් පක්ෂයේ අමාත්‍යවරුන් පිරිස අනිවාර්යයෙන් ආණ්ඩුවෙන් ඉවත් කිරීමට කටයුතු කරන බවත් අමාත්‍ය රාජිත සේනාරත්න 'බීබීසි සිංහල සේවය'ට අදහස් දක්වමින් පවසද්දී, ආණ්ඩුව තුළ අනිවාර්යයෙන් රැඳී සිටිමින් කටයුතු කරන ලෙස ජනාධිපති මෛත්‍රීපාල සිරිසේන තම කණ්ඩායමෙන් ඉල්ලීමක් කළ බවත්, ජනාධිපතිතුමාගේ කැමැත්ත අනුව ඇමති පදවිවල දිගටම රැඳී සිටින බවත් ශ්‍රී ලංකා නිදහස් පක්ෂයේ ජ්‍යෙෂ්ඨ උප සභාපති කම්කරු ඇමති ඩබ්ලිව්.ඩී.ජේ.සෙනෙවිරත්න පවසයි.

ශ්‍රී ලංකා නිදහස් පක්ෂයේ ජ්‍යෙෂ්ඨ උප සභාපතිවරයා එම ප්‍රකාශය කළේ විශ්වාසභංග යෝජනාවට පක්ෂව ඡන්දය දුන් එම පක්ෂයේ මන්ත්‍රීවරුන් කණ්ඩායම සමඟ ඊයේ (අප්‍රේල් 05) ජනාධිපතිවරයා හමුවීමෙන් අනතුරුව 'බීබීසී සිංහල සේවය' සමඟ සාකච්ඡාවකට එක්වෙමිනි.

rajitha 1000px

විශ්වාසභංග යෝජනාවට සහය පළ කළ ශ්‍රී ලංකා නිදහස් පක්ෂයේ අමාත්‍යවරුන් පිරිස අනිවාර්යයෙන් ආණ්ඩුවෙන් ඉවත් කිරීමට කටයුතු කරන බව අමාත්‍ය රාජිත සේනාරත්න බීබීසි සිංහල සේවයට අදහස් දක්වමින් පැවසුවේය.

ශ්‍රීලනිපය දෙකඩ වේ !

 ආණ්‌ඩුව නියෝජනය කළ ශ්‍රීලනිප ඇමැතිවරුන් වන සුසිල් ප්‍රේමජයන්ත, දයාසිරි ජයසේකර, චන්දිම වීරක්‌කොඩි, තිලංග සුමතිපාල, ඩිලාන් පෙරේරා, සුසන්ත පුංචිනිලමේ, ටී. බී. ඒකනායක, අනුරාධ ජයරත්න, තාරානාත් බස්‌නායක, ලක්‍ෂ්මන් වසන්ත, අනුර ප්‍රියදර්ශන යාපා, ජෝන් සෙනෙවිරත්න, නිමල් ලන්සා, එස්‌. බී. දිසානායක, ලක්‍ෂ්මන් යාපා අබේවර්ධන යන මහත්වරුන් සහ සුදර්ශනී ප්‍රනාන්දුපුල්ලේ, සුමේධා ජී. ජයසේන යන මහත්මීන් පෙරේදා (04) පැවති විශ්වාස භංග යෝජනාවට අදාල ඡන්දයේදී පක්ෂව ඡන්දය දුන්හ.

ඒ අතර ආණ්‌ඩුව නියෝජනය කරන මහින්ද අමරවීර, සරත් අමුණුගම, නිමල් සිරිපාල, දුමින්ද දිසානායක, ෆයිසර් මුස්‌තාපා, මහින්ද සමරසිංහ, රංජිත් සියඹලාපිටිය, විජිත් විජයමුණි සොයිසා, පියසේන ගමගේ, මොහාන් ලාල් ග්‍රේරු, ශ්‍රියාණි විඡේවික්‍රම, ලක්‍ෂ්මන් සෙනෙවිරත්න, එම්. එල්. එම්. හිස්‌බුල්ලා, ඒ. එච්. එම්. ෆවුසි, ලසන්ත අලගියවන්න, සාරතී දුෂ්මන්ත, මනූෂ නානායක්‌කාර, ඉන්දික බණ්‌ඩාරනායක, නිශාන්ත මුතුහෙට්‌ටිගම, මලිත් ජයතිලක, වීරකුමාර දිසානායක, කේ. කේ. මස්‌තාන් යන ශ්‍රීලනිප ඇමතිවරුන්ගෙන් බහුතරය ඡන්දය භාවිත කිරීමෙන් වැළකී සිටියහ.

මේ අතර ඊයේ උදෑසන ජනාධිපතිවරයා ඡන්දය ප්‍රකාශ කළ සහ නොකළ ශ්‍රී ලංකා නිදහස් පක්ෂ ඇමතිවරුන්ගේ කණ්ඩායම් වෙන වෙනම හමු වී ඇත.

ජනාධිපතිවරයාගේ උපදෙස කුමක්ද ?

අගමැතිවරයාට එරෙහිව ඡන්දය භාවිත කළ ශ්‍රී ලංකා නිදහස් පක්ෂ ඇමතිවරුන් පවසන්නේ ඔවුන් ආණ්ඩුවෙන් සහ ඇමති තනතුරුවලින් ඉවත් වන්නේ ජනාධිපති මෛත්‍රීපාල සිරිසේනගේ නියෝග අනුව පමණක් බවය.

අගමැතිවරයා පිළිබද අවිශ්වාසයක් තිබුණ ද කැබිනට් මණ්ඩලයේ රැඳී සිටිය හැකි බව එස්.බී දිසානායක අමාත්‍යවරයා පැවසීය.

මෙම ආණ්ඩුව එක්සත් ජාතික පක්ෂයේ ආණ්ඩුවක් නොවන අතර, අගමැතිවරයාට කැමති පරිදි ඇමතිවරුන් ඉවත් කළ නොහැකි බව අමාත්‍ය එස්.බී දිසානායක තවදුරටත් සඳහන් කළේය.

කෙසේ වෙතත්, විපක්ෂයේ අවශ්‍යතාවලට ආණ්ඩුව තුළ රැඳී සිටිමින් ආණ්ඩුවත් රටත් අස්ථාවර කිරීම මෙම පිරිසේ අරමුණ වුවත් එවැනි තත්ත්වයක් ඇති වීමට කිසි ලෙසකින් ඉඩ නොදෙන අතර, මින් පසු ජනතාවට ආණ්ඩුවෙන් ඇසෙන්නේ එක හඬක් පමණක් බව අමාත්‍ය රාජිත සේනාරත්න බීබීසී සිංහල සේවය වෙත පැවසුවේය.

එජාපයෙන් ජනාධිපතිට ලිපියක් :

 මේ අතරතුර පෙරේදා (04) රාත්‍රියේ දී එක්සත් ජාතික පක්ෂයේ මන්ත්‍රීවරුන් තිස්අට දෙනකු අත්සන් කළ ලිපියක් අගමැතිවරයාට ඉදිරිපත් කර ඇත.

එස්. බී. දිසානායක, සුසිල් ප්‍රේමජයන්ත, දයාසිරි ජයසේකර, ඩබ්ලිව්ඩි.ඩි.ජේ. සෙනවිරත්න, අනුර ප්‍රියදර්ශන යාපා හා චන්දිම වීරක්කොඩි යන අමාත්‍යවරුන් වහාම කැබිනට් මණ්ඩලයෙන් ඉවත් කරන ලෙස එම ලිපියෙන් ඉල්ලීමක් කර තිබුණි.

"අපි මන්ත්‍රී කණ්ඩායමක් ලෙස දැඩි ක්‍රියාමාර්ග ගන්නවා ඔවුන් ඉවත් කළේ නැත්නම්," එක්සත් ජාතික පක්ෂ පාර්ලිමේන්තු මන්ත්‍රී මුජිබර් රහමන් එම ලිපිය මාධ්‍ය වෙත ඉදිරිපත් කරමින් ප්‍රකාශ කළේය.

මෙයට ප්‍රතිචාර දක්වමින් ශ්‍රී ලංකා නිදහස් පක්ෂය නියෝජනය කරන අමාත්‍ය ඩිලාන් පෙරේරා පැවසුවේ ශ්‍රී ලංකා නිදහස් පක්ෂයේ ඇමතිවරුන් ආණ්ඩුවෙන් ඉවත් කර එම තනතුරු තමන්ට ලබාගැනීමට එක්සත් ජාතික පක්ෂ මන්ත්‍රී කණ්ඩායම උත්සාහය කරන බවය.

විශ්වාසභංගයට විපක්ෂව ඡන්දය ලබාගැනීම සදහා අගමැතිවරයා මෙම මන්ත්‍රීවරුන් කණ්ඩායමට තනතුරු ලබාදීමට පොරොන්දු වී ඇති බවට ඔහු චෝදනා කරයි.

 

අවුල දෝෂාභියෝගයක් දක්වා යයි ද ?

namal

"පනස් හතරක් ලෙස තිබූ තම පිලෙහි ඡන්ද සංඛ්‍යාව හැත්තෑව දක්වා ඉහළ යෑම ඒකාබද්ධ විපක්ෂයේ ජයග්‍රහණයක්"

 මේ අතර ට්විටර් පණිවිඩයක් නිකුත් කරමින් ඒකාබද්ධ විපක්ෂයේ පාර්ලිමේන්තු මන්ත්‍රී නාමල් රාජපක්ෂ පවසන්නේ,

විශ්වාසභංග යෝජනාවට සහය පළ කරන ලෙස නිදහස් පක්ෂයේ මන්ත්‍රීවරුන්ට පැවසූ ජනාධිපතිවරයා පසුව එය මඟ හැර සිටි බවයි.

කෙසේ වෙතත්, පනස් හතරක් ලෙස තිබූ තම පිළෙහි ඡන්ද සංඛ්‍යාව හැත්තෑව දක්වා ඉහළ යෑම ඒකාබද්ධ විපක්ෂයේ ජයග්‍රහණයක් බව හිටපු ජනාධිපති මහින්ද රාජපක්ෂ පැවසුවේය.

විශ්වාස භංගයෙන් පසුව ඇතිවී තිබෙන දේශපාලන අර්බුදය සම්බන්ධයෙන් 'නිව්ස් ටියුබ්' වෙත අදහස් දැක්වූ 'පොහොට්ටු පක්ෂයේ' ප්‍රධානියකු පැවසුයේ, ඇමතිධුර සම්බන්ධයෙන් මතුව ඇති අර්බුදය ව්‍යවස්ථා අර්බුදයක් දක්වා ඉදිරියට යාමේ ලකුණු පහළවී ඇති බවයි.

යහපාලන ආණ්ඩුවට තවදුරටත් ඉදිරියට යා නොහැකි බවත් මෙම තත්වය තුල ජනාධිපතිවරයාට එරෙහිව එක්සත් ජාතික පක්ෂයෙන් දෝෂාභියෝගයක් ගෙන ඒමේ ඉඩක් ඇති බවත් ඔහු කියා සිටියේය.

මෙවැනි තත්වයක් තුල වහාම මහ මැතිවරණයක් කැඳවා ගැනීමට අවශ්‍ය දේශපාලන වටපිටාවක් නිර්මාණය කර ගැනීම තම පක්ෂයේ ඉලක්කය බව ඔහු වැඩිදුරටත් කියා සිටියේය.

Comment (0) Hits: 710

හිටපු යුද හමුදා බුද්ධි අධ්‍යක්ෂ අත්අඩංගුවේ

මාධ්‍යවේදී කීත් නොයාර් පැහැරගෙන යාම සම්බන්ධව හිටපු යුද හමුදා බුද්ධි අධ්‍යක්ෂ මේජර් ජනරාල් අමල් කරුණාසේකර (විශ්‍රාමික) අපරාධ පරීක්ෂණ දෙපාර්තමේතුව විසින් අත්අඩංගුවට ගෙන ඇත.

2008 මැයි 22 වනදා මෙම පැහැරගෙන යාම සිදුවූ අතර ඊට අනුබලදීම මේජර් ජනරාල්වරයාට එරෙහිව එල්ලවී තිබෙන චෝදනාව වී ඇත.

ඊයේ (05) මෙම අත්අඩංගුවට ගැනීම සිදුවූ බව පොලිස් ආරංචිමාර්ග සඳහන් කරන අතර මේ වන විට ඔහු අපරාධ පරීක්ෂණ දෙපාර්තමේන්තුව භාරයේ යුද හමුදා රෝහලේ නේවාසිකව ප්‍රතිකාර ලබමින් සිටියි.

මේ පිළිබඳ ගල්කිස්ස මහේස්ත්‍රාත්වරයා දැනුවත් කිරීමට පොලිසිය ක්‍රියාකරන බවද පොලිස් ආරංචිමාර්ග අන්දහන් කරයි.

Comment (0) Hits: 488

කැබිනට් මණ්ඩලය හතරමායිමක එන්න එපා :"6 කල්ලිය"ට එජාපය දන්වයි

අග්‍රාමාත්‍යවරයාට එරෙහිව ඉදිරපත් කළ විශ්වාසභංග යෝජනාවට පක්ෂව ජන්දය ලබාදුන් ශ්‍රීලනිප පාර්ශවය නියෝජනය කළ කැබිනට් අමාත්‍යවරුන් හය දෙනා තවදුරටත් කැබිනට් මණ්ඩල නියෝජිතයන් ලෙස සැළකිය යුතු නැති බවට එජාපය දැඩි ස්ථාවරයක් ගෙන ඇති බව වාර්තා වෙයි.

ඒ එස්.බී.දිසානායක, දයාසිරි ජයසේකර, සුසිල් ප්‍රේමජයන්ත, ජෝන් සෙනවිරත්න, අනුර ප්‍රියදර්ශන යාපා සහ චන්දිම වීරක්කොඩි යන අමාත්‍යවරුන්ය.

මේ සම්බන්ධව අදහස් දැක්වූ එජාප ප්‍රකාශකයකු සඳහන් කර සිටියේ ඉතා කඩිනමින් කැබිනට් සංශෝධනයක් සිදුකිරීමට යෝජනා කිරීම සඳහා එජාපය අපේක්ෂාවෙන් සිටින බවත් එම සංශෝධනයේදී මෙතෙක් රාජපක්ෂ බෙරපදයට ආණ්ඩුව නටවමින් ද්‍රෝහීකම් කළ කැබිනට් අමාත්‍යවරුන්ට කොහෙත්ම අමාත්‍යධුර ලබාදීමට තම පක්ෂය ඉඩනොතබන බවය.

එසේම මේ වන විට අදාළ පිරිස එළියේ බොරු සිංහනාද පවත්වා ජනාධිපතිවරයා හමුවී ඇමතිකම් රැකගැනීමට උත්සාහ කරමින් සිටින බවට දැනගන්නට ඇති බවත් එම ප්‍රකාශකයා පැවසීය.

19 වන ව්‍යවස්ථා සංශෝධනයට අනුව කැබිනට් සංශෝධනයක් !

19 වන ව්‍යවස්ථා සංශෝධනය අනුව අමාත්‍යධුර ලබාදීම සිදුවිය යුතු වන්නේ අග්‍රාමාත්‍යවරයාගේ එකඟතාව මත බැවින් ඒ කිසිවෙකුටවත් නුදුරේදීම සිදුකිරීමට නියමිත කැබිනට් සංශෝධනයේදී අමාත්‍යධුර ලබන්නට තම පාර්ශවය ඉඩ නොතබන ස්ථාවරයක එජාපය සිටින බවද ඔහු අවධාරණය කර සිටියේය.

ලැජ්ජ නෑ - ආණ්ඩුවට විරුද්ධලු : වරප්‍රසාද අත්හරින්නත් විරුද්ධලු

එහෙයින් මේ වන තුරුත් ආණ්ඩුවට එරෙහිවී තවදුරටත් ඇමති වරප්‍රසාද අත්හරින්නට සිතානොමැති ඒ පිරිස ලැජ්ජාවක් කියා දශමයක් හෝ ඔවුන්ට ඇත්නම් සුදුසුම දේ වන්නේ අදාළ සංශෝධනය සිදුවන තුරු අමාත්‍ය මණ්ඩල හමුව වර්ජනය කිරීමට කටයුතු කලයුතු බවද ඔහු පැවසීය.

ආවොත් කැබිනට් හමුව වටලනවා - මුජිබර්

මේ අතර එජාප පාර්ලිමේන්තු මන්ත්‍රී මුජිබර් රහුමාන් මාධ්‍යවෙත ප්‍රකාශයක් කරමින් සඳහන් කර ඇත්තේ එළඹෙන අඟහරුවාදා කැබිනට් හමුව සඳහා අදාළ අමාත්‍යවරුන් සහභාගී වුවහොත් එම ස්ථානය වටලන්නට එජාප පාර්ලිමේන්තු කණ්ඩායම තීරණය කර සිටින බවය.

Comment (0) Hits: 621

එස්.බී,දයාසිරි,සුසිල්,ජෝන් ඇතුළු පිරිසට එජාපයෙන් විශ්වාසභංගයක් : තිලංගට "අතිවිශේෂ"

අග්‍රාමාත්‍යවරයාට සහ ආණ්ඩුවට එරෙහිව ඉදිරිපත් කළ විශ්වාසභංග යෝජනාවට පක්ෂව ජන්දය ලබාදුන් ශ්‍රී ලංකා නිදහස් පක්ෂ ඇමතිවරුන්ට එරෙහිව විශ්වාසභංග යෝජනාවක් ගෙන ඒමට නියමිත බව වාර්තා වෙයි.

එස්.බී,දයාසිරි,සුසිල්, ජෝන් පෙරමුණේ

මෙම විශ්වාසභංග යෝජනාව එක්සත් ජාතික පක්ෂය විසින් ගෙන ඒමට නියමිත අතර එහිදී කැබිනට් මණ්ඩල සාමාජිකත්වය දරමින් සහ ඊට අදාළ සියළු වරප්‍රසාද භුක්ති විඳිමින් කැබිනට් සාමුකිඛත්වය උල්ලංඝණය කරමින් අග්‍රාමාත්‍යවරයා ප්‍රමුඛ ආණ්ඩුවට එරෙහිව ජන්දය ලබාදුන් එස්.බී දිසානායක, දයාසිරි ජයසේකර, සුසිල් ප්‍රේමජයන්ත, ජෝන් සෙනවිරත්න ඇතුළු අමාත්‍යවරුන් විශේෂ චෝදනා ලබන බවද වාර්තා වෙයි.

එසේම ආණ්ඩුවේ අමාත්‍යවරු ලෙස කටයුතු කරන අතරතුර ආණ්ඩුවට එරෙහිවීම පදනම් කරගෙන අනෙක් ශ්‍රීලනිපය නියෝජනය කරන අමාත්‍යවරුන්ටද චෝදනා ඉදිරිපත් කිරීමට නියමිත බවත් මේ වන විටත් එජාප නීතීඥ කණ්ඩායමක් විසින් එහි අවසන් කෙටුම්පත් කටයුතු සිදුකරන බවත් වාර්තා වෙයි.

තිලංගට අතිවිශේෂ

මේ අතර අදාළ විශ්වාසභංග යෝජනාව තුළ හෝ වෙනම විශ්වාසභංග යෝජනාවක් ලෙස නියෝජ්‍ය කතානායක තිලංග සුමතිපාලට එරෙහිවද විශ්වාසභංග යෝජනාවක් ගෙන ඒමට නියමිත බව වාර්තා වෙයි.

මේ බව වාර්තා කරන දේශපාලන ආරංචිමාර්ග සඳහන්ක කරන ආකාරයට කතානායක සහ නියෝජ්‍ය කතානායක ලෙස පත්වන පාර්ලිමේන්තු මන්ත්‍රීවරුන්ට ඔවුන්ගේම වූ දේශපාලන පක්ෂයක් තිබුණත් ඔවුන් ස්වාධීන ලෙස පාර්ලිමේන්තුවේදී කටයුතු කළ යුතුව ඇත.

නමුත් තිලංග සුමතිපාල නියෝජ්‍ය කතානයකධුරයට කොහෙත්ම නොගැළපෙන ලෙස ඉතා පක්ෂග්‍රාහී ආකාරයට පසුගිය විශ්වාසභංග අවස්ථාවේ හැසිරී ඇති බවත් එය පාර්ලිමේන්තු සම්ප්‍රදාය අමුඅමුවේ උල්ලංඝණය කිරීමක් බවත් තිලංගට එරෙහිව ඇති චෝදනා වල පදනම වී ඇත.

පසුගියදා එජාප පාර්ලිමේන්තු මන්ත්‍රී එස්.එම්.මරික්කාර් ද මේ සම්බන්ධව අදහස් දක්වා තිබු අතර ඔහු එහිදී අවධාරණය කර තිබුණේ නියෝජ්‍ය කතානායකට එරෙහිව විශ්වාසභංග යෝජනාවක් ගෙන ඒමට එජාපය අනිවාර්යයෙන් කටයුතු කරන බවය.

Comment (0) Hits: 541

එස්.බී - තිලංග ඇතුළු පිරිස අවසන් මොහොතේ ගේමක් ගැහුවා - සොයිසා

අග්‍රාමාත්‍ය රනිල් වික්‍රමසිංහට එරෙහිව ගෙන ආ විශ්වාසභංග යෝජනාව දේශපාලන කුමන්ත්‍රණයක් බව අමාත්‍ය විජිත් විජයමුණි සොයිසා සඳහන් කරයි.

ශ්‍රී ලංකා නිදහස් පක්ෂ මුලස්ථානයේ අද (05) පැවති මාධ්‍ය හමුවකට එක්වෙමින් අමාත්‍යවරයා මෙම අනාවරණය සිදුකළ අතර පළාත් පාලන මැතිවරණ ප්‍රතිඵලය සමඟ කඩිනමින් රටේ බලය ඇල්ලීමේ අවශ්‍යතාවක් ශ්‍රී ලංකා පොදුජන පෙරමුණට තිබූ බවත් ඒ සඳහා ශ්‍රී ලංකා නිදහස් පක්ෂයේ බලය ඇල්ලීමේ අවශ්‍යතාව ඔවුනට තිබූ බවද අමාත්‍යවරයා සඳහන් කළේය.

මේ බව නිදහස් පක්ෂයේ තමන් නියෝජනය කළ පාර්ශවය දැනුවත්ව සිටි බවත් එනිසා විශ්වාසභංග යෝජනාව සම්බන්ධවද තම පක්ෂයේ අනෙක් පාර්ශවයට වෙනස් මතයක් තමන්ට තිබූ බවද ඔහු පැවසීය.

විශ්වාසභංග යෝජනාව සම්බන්ධව පක්ෂය තුළ මත දෙකක් නිර්මාණයවී පැහැදිළි බෙදීමක් තිබූ බැවින් බහුතර මතයට මතයට ගරු කරමු යන පොදු තීන්දුවක් ගෙන තිබු බවත් තම පාර්ශවය ඒ වෙනුවෙන් අවංකව සිටි බවද අමාත්‍යවරයා පැවසීය.

පක්ෂයේ මත දෙකක් තිබීම හමුවේ අවසානයේ විශ්වාසභංගය වර්ජනය කළ යුතු බවට පොදු මතයක් වෙත පැමිණීමට පක්ෂය තීන්දු කළ බවත් ඒ අනුව ජනාධිපතිවරයා ඉදිරිපිටදී මෙන්ම මහින්ද අමරවීර අමාත්‍යවරයාගේ නිවසේ පැවති සාකච්ඡාවේදී මේ සම්බන්ධව එස්.බී අමාත්‍යවරයා මෙන්ම තිලංග සුමතිපාලද ඊට එකඟව සිටි බවද අමාත්‍යවරයා පැවසීය.

එසේ පොදු මතයක් තිබියදී අවසන් මොහොතේ පක්ෂය මතය වෙනස් කර ඔවුන් විශ්වාසභංග යෝජනාවට ජන්දය දුන් බවත් පක්ෂයේ බහුතර මතය එය නොවූ බවත් අමාත්‍යවරයා වැඩිදුරටත් සඳහන් කළේය.

Comment (0) Hits: 1908

විශ්වාසභංගය ගැන ජනාධිපති දැරූ ස්ථාවරය මොකක්ද? මහින්ද කියයි

අග්‍රාමාත්‍ය රනිල් වික්‍රමසිංහට එරෙහිව ඉදිරිපත් කර තිබු විශ්වාසභංග යෝජනාවට අදාලව ඊට පක්ෂව ජන්දය දියයුතු බව හෝ විරුද්ධව ජන්දය දියයුතු බව හෝ ජන්දය දීමෙන් වැළකී සිටිය යුතු බවට කිසිඳු ස්ථාවරයක ජනාධිපතිවරයා නොසිටි බව අමාත්‍ය මහින්ද සමරසිංහ සඳහන් කරයි.

ශ්‍රී ලංකා නිදහස් පක්ෂ මුලස්ථානයේ අද (05) පැවති මාධ්‍ය හමුවකදී අමාත්‍යවරයා මේ බව සඳහන් කර සිටියේය.

විශ්වාසභංගය කවුරු දිනුවත් කවුරු පැරදුනත් තමන් රටේ නායකයා ලෙස අප්‍රේල් 5 වනදා සිට ආණ්ඩුව ගෙනයා යුතු බවත් එහෙයින් ගනුලබන කිසිම තීරණයකට තමන්ව ගාවනොගන්නා ලෙස ජනාධිපතිවරයා පැහැදිළිව පැවසූ බවද අමාත්‍යවරයා සඳහන් කළේය.

කෙසේ වුවත් පාර්ලිමේන්තු කණ්ඩායමක් ලෙස ගන්නා තීරණයක් ගන්නා ලෙසත් ආණ්ඩුවේ ප්‍රධානියා ලෙස මෙහිදී තමන් තීන්දුවක් ගැනීම නොසුදුසු බව ජනාධිපතිවරයා එහිදී පෙන්වාදුන් බවද අමාත්‍යවරයා පැවසීය.

Comment (0) Hits: 603

ජනපති ශ්‍රීලනිප ඇමතිවරුන් කැඳවයි : ඇමතිලා ඉල්ලා අස්වීමට සුදානම්

විශ්වාසභංග යෝජනාව පරාජයවීමෙන් පසුව මතුව තිබෙන නව දේශපාලන තත්ත්වය සාකච්ඡා කිරීම සඳහා ශ්‍රීලනිප අමාත්‍යවරුන් අද (05) ජනාධිපතිවරයා හමුවී ඇති බව වාර්තා වෙයි.

දේශපාලන ආරංචිමාර්ග සඳහන් කරන ආකාරයට මෙහිදී විශ්වාසභංග යෝජනාව වෙනුවෙන් තමන් සහය දැක්වූ බවට පලවන පළවන මාධ්‍ය වාර්තා සම්බන්ධව විශේෂ විමසීමක් සිදුකර ඇති අතර පක්ෂය සම්බන්ධව ප්‍රකාශ නිකුත් කිරීමේදී වැදගත්ව එම කටයුත්ත සිදුකරන ලෙස දැනුම්දී ඇත.

ඇත්ත තත්ත්වය මාධ්‍යට කියන්න !

තමන් විශ්වාසභංග යෝජනාව සම්බන්ධව ලබාදුන් නිර්දේශය නිවැරදි කර මාධ්‍ය වෙත දන්වන ලෙස ජනාධිපතිවරයා ජේෂ්ඨ අමාත්‍යවරයෙකුට උපදෙස් දී ඇති බවත් ඒ අනුව ඔහු අගමැතිට එරෙහි විශ්වාසභංගයේදී නිදහස් පක්ෂ මන්ත්‍රීවරු ක්‍රියා කළේ ජනාධිපතිවරයාගේ උපදෙස් මත නොවන බවට අද මාධ්‍ය වෙත ප්‍රකාශයක් නිකුත් කිරීමට නියමිත බවද එම ආරංචිමාර්ග සඳහන් කර සිටියි.

ඉල්ලා අස්වීමට සුදානම් !

එසේම විශ්වාසභංග යෝජනාවට පක්ෂව ජන්දය ලබාදුන් අමාත්‍යවරුන්ගේ ඉදිරිය සම්බන්ධවද මෙහිදී සාකච්ඡා කර ඇති අතර එහිදී එම අමාත්‍යවරුන් නියෝජනය කරමින් එක් අමාත්‍යවරයෙකු සඳහන් කර ඇත්තේ පක්ෂය තීන්දුවක් ගන්නවා නම් අමාත්‍යධුරය අත්හැරීමට ඕනෑම අවස්ථාවක සූදානම් බවය.

Comment (0) Hits: 678

Page 366 of 423