V2025

පුවත්

බැනාට දුන් තීන්දුවෙන් මහේන්ද්‍රන්ගේ පැමිණීම කල් යයි !

බැඳුම්කර ගනුදෙනුවට සම්බන්ධ සැකකරුවෙකු බවට පත්ව සිටින හිටපු මහබැංකු අධිපති අර්ජුන් මහේන්ද්‍රන් මහතා පළාත් පාලන මැතිවරණයට පෙර ශ්‍රී ලංකාවට නොඑන බව මේවනවිට තහවුරු කර ඇතැයි ඔහුගේ නීතිඥයින් පවසති.

ඔහු විසින් එවැනි තීරණයක් ගෙන ඇත්තේ බැඳුම්කර සිද්ධිය සම්බන්ධයෙන් සැකකරුවන් ලෙස නම් කරන ලද පර්පෙචුවල් ට්‍රෙෂරිස් සමාගමේ හිමිකරු අර්ජුන් ඇලෝසියස් මහතා හා එහි ප්‍රධාන විධායක නිලධාරී කසුන් පළිසේන මහතා රහස් පොලිසිය විසින් අත්අඩංගුවට ගෙන මාධ්‍ය සංදර්ශනයක් පවත්වා රිමාන්ඩ් භාරයට පත්කිරීම නිසාය.

බැඳුම්කර ගනුදෙනුව සම්බන්ධයෙන් ප්‍රකාශයක් ලබා ගැනීම සඳහා ලබන 15 වැනිදාට පෙර අපරාධ පරීක්ෂණ දෙපාර්තමේන්තුවේ පෙනී සිටින ලෙස මහ බැංකුවේ හිටපු අධිපති අර්ජුන් මහේන්ද්‍රාන් මහතාට කොටුව මහේස්ත්‍රාත් අධිකරණය විශේෂ නියෝගයක් නිකුත් කර තිබේ.

එහෙත් මැතිවරණයට පෙර ලංකාවට පැමිණියහොත් ඔහුව ද අත්අඩංගුවට ගෙන ආණ්ඩුවේ ඇතැමුන් දේශපාලන වාසි ලබාගැනීමට ඉඩ ඇති බව ඔහුගේ නීතිඥයින් වැඩිදුරටත් පවසති.

ඇප අයැදුම්පත් සලකා බැලීම 07 දා :

මතභේදාත්මක බැඳුම්කර සිදුවීම සම්බන්ධයෙන් අත්අඩංගුවට ගෙන අධිකරණයට ඉදිරිපත් කළ සැකකරුවන් නැවතත් එළැඹෙන 16 දා තෙක් රක්ෂිත බන්ධනාගාර ගත කිරීමට කොළඹ කොටුව මහේස්ත්‍රාත් ලංකා ජයරත්න මෙනවියගේ නියෝගය කළාය.

කෙසේවුවද, ඔවුන්ගේ ඇප අයැදුම්පත් සලකා බැලීම ලබන 07 වැනිදා සිදු කිරීමට ද මෙහිදී නියෝග කෙරුණි.

අපරාධ පරීක්ෂණ දෙපාර්තමේන්තුවේ නිලධාරීන් ඊයේ (04) පෙරවරුවේ 'සිරස' නාලිකාවේ මාධ්‍යවේදීන් පෙරටුකොට ගෙන පැමිණ ඔවුන් දෙදෙනා අත්අඩංගුවට ගනු ලැබිය.

 සබැඳි පුවත් :

ඡන්දයට පෙර අර්ජුන් නොඑන හැඩයි !

සේයා - රොෂාන් චතුරංග

View the embedded image gallery online at:
http://newstube.lk/news?start=6732#sigProId58bd1751cb

Comment (0) Hits: 511

'ඇලෝසියස්ලා අත්අඩංගුවට ගැනීම හොඳයි' - හර්ෂ

අගමැතිවරයා 2016දී නීතිපතිවරයාට වාර්තාව ඉදිරිපත් කරපු අවස්ථාවේ දී ක්‍රියාත්මක වුවා නම් බැදුම්කරය සම්බන්ධයෙන් නඩු හබ අවසන් වී මේ වන විට වරදකරුවන් හිර බත් කන තත්ත්වයකට පැමිණීමට ඉඩ තිබූ බව රාජ්‍ය ඇමැති ආචාර්ය හර්ෂද සිල්වා මහතා ප්‍රකාශ කරයි.

නියෝජ්‍ය ඇමැතිවරයා එසේ ප්‍රකාශ කළේ පර්පචුවෙල් ට්‍රෙසරීස් සමාගමේ හිමිකරු සහ එහි ප්‍රධාන විධායක නිලධාරියාව රහස් පොලිසිය විසින් ඊයේ (4) සැකපිට අත්අඩංගුවට ගැනීම සම්බන්ධයෙන් අදහස් දක්වමිණි.

වැඩිදුරටත් අදහස් දැක්වූ රාජ්‍ය ඇමැති ආචාර්ය හර්ෂ ද සිල්වා මහතා,

''රජය ලෙස අප අතිෂයින් සන්තෝෂ වෙනවා මේ කටයුත්ත පරක්කු වී හෝ සිදුවීම සම්බන්ධයෙන්. මොවුන් අධිකරණය ඉදිරියේ වරදකරුවන් වීමෙන් පසු උපරිම දඬුවම් ලබා දිය යුතුයි කියා අප විශ්වාස කරනවා.

මේ වංචාවට සම්බන්ධ අනෙකුත් පුද්ගලයන්ටත් මේ ආකාරයෙන් නීතිය ක්‍රියාත්මක වෙයි කියා බලාපොරොත්තු වෙනවා.

අගමැතිතුමා 2016 දී නීතිපතිවරයාට වාර්තාව ඉදිරිපත් කරපු අවස්ථාවේ දී ක්‍රියාත්මක වුනා නම් මෙළහකට මේ නඩු හබ ඉවර වෙලා ඔවුන්ට අවශ්‍ය හිර බත් කන තත්ත්වයකට පැමිණෙන්න තිබුණ කියල මම විශ්වාස කරනවා.''

akila 1000px

'අගමැති පර්පෙචුවල් ගිණුම් අත්හිටුවූයේ වසරකටත් කලින්' -අකිල

 මේ අතර එක්සත් ජාතික පක්ෂයේ නියෝජ්‍ය මහා ලේකම් අධ්‍යාපන අමාත්‍ය අකිල විරාජ් කාරියවසම් මහතා පවසන්නේ, ශ්‍රී ලංකා මහා බැංකු බැඳුම්කර නිකුත් කිරීමේ සිද්ධියට අදාළව පර්පෙචුවල් ට්‍රෙෂරීස් සමාගමේ ගිණුම්, අග්‍රාමාත්‍ය රනිල් වික්‍රමසිංහ මහතාගේ නියෝග මත අත්හිටුවා වසරකට අධික කාලයක් ගත වුවද සමාගමේ අධ්‍යක්ෂ අර්ජුන් ඇලෝසියස් අත්අඩංගුවට ගැනීම සඳහා වසරකට අධික කාලයක් තිස්සේ අදාළ බලධාරීන් කිසිදු පියවරක් නොගත් බවයි.

පර්පෙචුවල් ට්‍රෙෂරීස් සමාගමේ අධ්‍යක්‍ෂ අර්ජුන් ඇලෝසියස් අත්අඩංගුවට ගැනීමට හැකි පසුබිම සකස් කර තිබුණද වසරකට වැඩි කාලයක් ඔහු අත්අඩංගුවට නොගෙන සිට මේ අවස්ථාවේදී ඒ පියවර ගත්තේ පළාත් පාලන මැතිවරණය අරමුණු කරගෙන දැයි අමාත්‍යවරයා ප්‍රශ්න කරයි.

 

Comment (0) Hits: 512

බැඳුම්කර විමර්ශනයට බලපෑම් : රහස් පොලිසිය කනස්සල්ලෙන් !

බැඳුම්කර සිද්ධිය සම්බන්ධයෙන් එලවන දේශපාලන බලපෑම් සම්බන්ධයෙන් රහස් පොලිසියේ නිලධාරීන් බලවත්සේ කනස්සල්ලට පත්ව සිටින බව පොලිස් මුලස්ථාන ආරංචිමාර්ග පවසයි.

පර්පෙචුවල් ට්‍රෙෂරීස් හිමිකරු අර්ජුන් ඇලෝසියස් සහ එම සමාගමේ ප්‍රධාන විධායක නිළධාරී කසුන් පලිසේන අත්අඩංගුවට ගත් ආකාරය හා අත්අඩංගුවට ගැනීමට අදාළ තොරතුරු මාධ්‍ය ආයතනවලට ලබාදීම සම්බන්ධයෙන් මේ වනවිට රහස් පොලිසියට බරපතල චෝදනාවක් එල්ලවී ඇත.

සැකකරුවන් දෙදෙනා අත්අඩංගුවට ගත් ආකාරය සිරස මාධ්‍ය ජාලය විසින් සජීවී ව විකාශය කෙරුණේ රහස් පොලිසියට අනුයුක්තකර සිටින දේශපාලන සම්බන්ධතා ඇති පරිගණක විශේෂඥයකු විසින් ලබාදී ඇති තොරතුරු මතබව මේවනවිට අනාවරණයවී තිබේ. එය රහස් පොලිසියේ කීර්ති නාමයටවිශාල හානියක් කර තිබේ.

 පියාත් අත්අඩංගුවට ගන්නැයි බලපෑම් :

 එසේම, මෙම බැඳුම්කර ගනුදෙනුව සම්බන්ධයෙන් අර්ජුන් ඇලෝසියස් මහතාගේ පියා ඇතුළු පස්දෙනෙකු අත්අඩංගුවට ගන්නැයි නීතිපති දෙපාර්තමේන්තුවේ ජ්‍යෙෂ්ඨ නිලධාරියකු රහස් පොලිස් නිලධාරීන්ට දිගින් දිගටම බලපෑම් කර තිබේ.

එහෙත් ඇලෝසියස් මහතාගේ පියා ඇතුළු තවත් අයෙක් මෙම සිද්ධියට කිසිඳු සම්බන්ධයක් නැතැයි කියමින් රහස් පොලිස් නිලධාරීන්, මහබැංකු බැඳුම්කර සිද්ධියේ' සැකකරුවන් ලෙස, හිටපු මහබැංකු අධිපති අර්ජුන් මහේන්ද්‍රන්, පර්පෙචුවල් ට්‍රෙෂරීස් සමාගමේ සභාපති අර්ජුන් ඇලෝසියස් සහ එම සමාගමේ ප්‍රධාන විධායක අධ්‍යක්ෂ කසුන් පළිසේන යන පුද්ගලයින් නම් කරන්නැයි කොළඹ කොටුව මහේස්ත්‍රාත් අධිකරණයෙන් පෙබරවාරි 02දා කල ඉල්ලීමට අවසර ලැබිණ.

රහස් පොලිසිය වෙනුවෙන් නීතිපති දෙපාර්තමේන්තුවේ නිලධාරීන් කළ ඉල්ලීමක් සලකා බැලීමෙන් පසුව කොළඹ කොටුව මහේස්ත්‍රාත් ලංකා ජයරත්න, මෙම නියෝග නිකුත් කළාය.

කොළඹ කොටුව මහේස්ත්‍රාත්වරිය අර්ජුන් මහේන්ද්‍රන්, අර්ජුන් ඇලෝසියස් සහ කසූන් පළිසේන යන පුද්ගලයින් මහබැංකු බැඳුම්කර සිද්ධියේ සැකකරුවන් ලෙස නම් කිරීමට අවසර ලබා දුන්නේ එම ඉල්ලීම පිළිගනිමිනි.

 alo kasun 1000px

 ඇලෝසියස් සහ කසුන් පලිසේන සඳුදා තෙක් රිමාන්ඩ්

මේ අතර බැඳුම්කර වංචාවට සැකපිට අත්අඩංගුවට ගත් පර්පචුවල් ට්‍රෙෂරීස් හිමිකරු අර්ජුන ඇලෝසියස් සහ එහි ප්‍රධාන විධායක නිලධාරී කසුන් පලිසේන යන මහත්වරුන් සඳුදා (05) තෙක් රිමාන්ඩ් කරන ලෙස කොටුව ප්‍රධාන මහේස්ත්‍රාත් ලංකා ජයරත්න මහත්මිය නියෝග කළාය. 

ඔවුන් දෙදෙනා රහස් පොලිස් භාරයට ගනු ලැබුවේ ඉරිදා (04) උදෑසනය. ඉන් පසු රහස් පොලිස් මූලස්ථානයට රැගෙන ගොස් ප්‍රකාශ සටහන් කර ගැනීමෙන් පසු රහස් පොලිසිය ඊයේ රාත්‍රී ඔවුන් කොටුව මහේස්ත්‍රාත් නිල නිවසට ඉදිරිපත් කළේය.

බැඳුම්කර වංචාවට අදාලව හිටපු මහ බැංකු අධිපති අර්ජුන් මහේන්ද්‍රන්, අර්ජුන් ඇලෝසියස් සහ කසුන් පලිසේන සැකකරුවන් බවට නම් කිරීමට කොටුව මහේස්ත්‍රාත් අධිකරණය පසුගියදා අවසර ලබා දුන්නේය.

අර්ජුන් මහේන්ද්‍රන් මහතා සිංගප්පූරුවේ ජීවත් වන අතර ලබන 15 වැනිදාට පෙර රහස් පොලිසියේ පෙනී සිටින්නැයි සිංගප්පූරුවේ අන්තර් ජාතික පොලිසිය හරහා මහේන්ද්‍රන් මහතාට නොතීසි යවන ලෙස අධිකරණය නියෝග කළේය.

 සබැඳි පුවත්

CID හාස්‍ය රංගනය සහ සිරස මාධ්‍ය සදාචාරය (වීඩියෝ)

Comment (0) Hits: 625

CID හාස්‍ය රංගනය සහ සිරස මාධ්‍ය සදාචාරය (වීඩියෝ)

අද උදෑසන ලංකාව 70 වැනි නිදහස සමරමින් සිටියදී බැඳුම්කර සිද්ධිය සම්බන්ධයෙන් පර්පෙචුවල් ට්‍රෙෂරීස් හිමිකරු අර්ජුන් ඇලෝසියස් සහ එම සමාගමේ ප්‍රධාන විධායක නිළධාරී කසුන් පලිසේන අත්අඩංගුවට ගත් ආකාරය සිරස මාධ්‍ය ජාලය විසින් සජීවී ව විකාශය කෙරුණේ සිරස මාධ්‍ය සදාචාරය නැවත වරක් ප්‍රශ්නගත කරමින් පමණක් නොවේ. අපරාධ පරීක්ෂණ දෙපාර්තමේන්තුවේ කීර්ති නාමයට ද විශාල හානියක් සිදු කරමිනි.

සීඅයිඩී ය හෙවත් අපරාධ පරීක්ෂණ දෙපාර්තමේන්තුවේ මූල්‍ය විමර්ශන අංශයේ ස්ථානාධිපතිවරිය, පසුගිය 2 වැනිදා කොටුව මහේස්ත්‍රාත්වරයා ඉදිරියේ සිදුකළ කරුණු දැක්වීමෙන් පසු මෙම අත්අඩංගුවට ගැනීම් මෙසේ සිදුවෙද්දී සී අයි ඩී නිළධාරීන්ට එක් මූලික නීතිමය කාරණයක් අමතකව ඇති සෙයකි.

එනම්, මෙකී ලක්ෂ්මන් අර්ජුන මහේන්ද්‍රන්, අර්ජුන ජෝෂෆ් ඇලෝෂියස්, කසුන් ඔෂධී පලිසේන යන අය සැකකරුවන් පමණක් බවයි.

සීඅයිඩී ය විසින්ම ඉදිරිපත් කරන ලද ලිඛිත කරුණු දැක්වීමේ සඳහන් වන්නේ ද ‘‘ඔවුන් සැකකරුවන් සේ සලකන ලෙසට අධිකරණයෙන් අයැද සිටින බව‘‘ යි.

එසේ අධිකරණයෙන් අයැද සිට සැකකරුවන් වශයෙන් නම් කරනු ලැබූ තිදෙනාගෙන් දෙදෙනෙක් අද උදෑසන ඔවුන් විසින් අත්අඩංගුවට ගෙන තිබෙන්නේ ඔවුන් ට සැකකරුවන් වශයෙන් සලකමින්ද? නැතිනම් වරදකරුවන් වශයෙන් සලකමින් ද?

භාරවන ලෙසට දැනුම් දීමක් කළේ නැහැ :

අද කොටුව මහේස්ත්‍රාත් වෙත ඉදිරිපත් කිරීමෙන් අනතුරුව ඔවුන් වැඩිදුර විමර්ශන සඳහා රක්ෂිත බන්ධනාගාර ගත කෙරෙනු ඇත්තේද සැකකරුවන් වශයෙන් මිස වරදකරුවන් වශයෙන් නොවන බවට වන සාමාන්‍ය නීතිය, අපරාධ පරීක්ෂණ දෙපාර්තමේන්තුවේ නිළධාරීන් දන්නේ නැතිද...?

පසුගිය සිකුරාදා කොටුව මහේස්ත්‍රාත් අධිකරණයෙන් මෙම අවසරය ලබාගැනීමෙන් අනතුරුව අපරාධ විමර්ශන දෙපාර්තමේන්තුව කිසිම අවස්ථාවක සැකකරුවන්ට පැමිණ භාරවන ලෙසට දැනුම් දීමක් කළේ නැත.

ඉන්පසු හිටි හැටියේ එතැනට එන කැමරා මානාගත් සිරස මාධ්‍ය කණ්ඩායමක් ඉදිරියේ මේ හාස්‍ය රංගනය රඟ දැක්වෙයි.

මෙම සැකකරුවන් තිදෙනා අතරින් හිටපු මහබැංකු අධිපති අර්ජුන් මහේන්ද්‍රන්, දෙවැනිදා අධිකරණය ඉදිරියේ කරුණු දැක්වීම සිදුවන විටත් සිටියේ රටින් බැහැර ව ය. ඇලෝෂියස් සහ කසුන් පලිසේන යන දෙදෙනාම සිටියේ විවෘත සමාජයේ ය.

සීඅයිඩී ය විසින් අධිකරණයට ඉදිරිපත් කළ කරුණු දැක්වීම අනුව ඔවුන් පොදු දේපළ වරදක් හෝ වරදවල් කර ඇති හෙයින්ද, ඒවා සංඥෙය වරද ගණයට වැටෙන හෙයින් ද, වරෙන්තු රහිතව ඔවුන් ව අත්අඩංගුවට ගැනීමට බලය තිබෙන බව සැබෑවකි.

නිසි ‍ගෞරවය සහ අභිමානය ?

නමුත් එසේ වරෙන්තු රහිතව අත්අඩංගුවට ගත යුත්තේ, සෑම සැකකරුවෙකුටම නීතිය මගින්ම පිරිනමා තිබෙන නිසි ‍ගෞරවය සහ නිසි අභිමානය රැකෙන පරිදි ය.

මේ සැකකරුවන් තිදෙනා පෙබරවාරි 7 වැනිදාට පෙර අත්අඩංගුවට ගැනීමට නියමිත බවට සති කිහිපයක පටන් මාධ්‍ය වාර්තා පළ වෙද්දී සහ සිකුරාදා කොළඹ කොටුව මහේස්ත්‍රාත් අධිකරණයට සිදුකළ කරුණු දැක්වීම් ගැන පවා මාධ්‍ය විසින් වාර්තා කරද්දී මේ සැකකරුවන් දෙදෙනා කිසිම අවස්ථාවක නීතියෙන් පළා යාමට උත්සාහ කළේ නැත. දැනුම් දීමක් කළේ නම් ඔවුන් භාරවීමට ඉඩ තිබිණි.

කිසිම අවස්ථාවක සීඅයිඩී ය එසේ භාරවන ලෙසට ඔවුන්ට දැනුම් දීමක් කර නැත.

මෙම හාස්‍ය රංගනයේ පිටපත ඉතා දුර්වල බව අප කියන්නේ එනිසා ය.

අඩුම ගණනේ මරු සිරා පවා මෙසේ ටෙලි නාට්‍යයක් රූගත කරන ආකාරයට අත්අඩංගුවට ගැනීමට සී අයි ඩීයට නොව කිසිම අධිකාරියකට බලයක් නැත.

සිරස දැනගත්තේ කෙසේද ?

අර්ජුන් ඇලෝසියස් පවා නොදැන සිටි මොහොතක ඇලෝසියස්ලා වෙත සී අයි ඩී ය යන බව සිරස දැනගත්තේ කෙසේද යන්න වෙනම විමසා බැලිය යුතු කාරණයකි.

එය හුදෙක් ඔවුන්ගේ විස්කමක් ලෙස කෙනෙක් විසින් අර්ථ දක්වන්නට ඉඩ ඇතත්, මෙතැනදී බරපතළ ලෙස ප්‍රශ්න කළ යුත්තේ එය නොව සිරසේ මාධ්‍ය සදාචාරයයි.

ඔවුන්ට මේ සිද්ධියේ සැකකාර පාර්ශවයන් සමග යම් පුද්ගලික කෝන්තරයක් පිරිමසා ගන්නට තිබෙනවාද? මෙය, බදු ගෙවන ජනතාව ජීවත් වන රටක විකාශන බලපත්‍රයකින් ක්‍රියාත්මක වන ප්‍රධාන පෙළේ ටෙලිවිෂන් නාලිකාවක වගකීම් විරහිත හැසිරීම නැවත වරක් ප්‍රදර්ශන කිරීමකි.

‘‘අධිකරණයේ නිසි ක්‍රියාදාමය මගින්, එනම් නඩු විභාගය අවසන් ව තීන්දුව ලැබෙන තෙක් සැකකරුවෙකුට වරදකරුවෙකු සේ නොසැලකිය යුතු බව‘‘ අපරාධ නීතියේ එක් මූලිකාංගයකි.

පාසල් ළමුන් පවා දන්නා මේ සිද්ධාන්තයට කියන්නේ ‘නිර්දෝෂී බවේ පූර්ව නිගමනය‘ කියා ය.

එනම් අධිකරණමය වරදකරුවෙක් බවට පත්වන තෙක් සෑම පුද්ගලයෙක්ම නිර්දෝෂියෙකු වන බව ය.

මෙය ශත වර්ෂ ගණනාවක් මුළුල්ලේ ලෝකය තුළ සැලකෙන්නේ නීතියේ ආධිපත්‍යය හෙවත් නීතිය මත පාලනයේ ද එක් මුල් ගලක් ලෙස ය. නීතියේ ආධිපත්‍යය, ජනපති මෛත්‍රිපාල සිරිසේන මහතා මැතිවරණ වේදිකාවල වරනගන ‘යහපාලනයේ‘ මූලිකම පදනමයි.

ජනාධිපතිගේ 'නිදහස් කතාවට' තල්ලුවක් ද?

මෙම අත්අඩංගුවට ගැනීම්වලට සමගාමී ව හෝ ඊට ආසන්න වේලාවක ජනාධිපතිවරයා නිදහස් සමරු උත්සවයට සහභාගි වෙමින් කියා සිටින්නේ ‘‘අද දවසේ දේශප්‍රේමිත්වය යනු මූල්‍ය විනයක් සහිතව කටයුතු කිරීමයි‘ යනුවෙනි.

මේ අනුව සී අයි ඩී නිළධාරීන් අද උදෑසන සිරසෙන් සජීවී මාධ්‍ය ආවරණයක් ලබාගනිමින් රටේ බරපතළම මූල්‍ය වංචාවක් ලෙස සැලකෙන මෙම සිද්ධියේදී මෙසේ කටයුතු කළේ ජනපතිවරයා හෝ වෙනත් දේශපාලකයෙක් පිනවීමට ද යන බරපතළ ගැටළුව මෙහිදී නිරායාසයෙන් මතු වේ.

පසුගිය කාලය්දී කොණ්ඩයාගේ සිද්ධියේ පටන් ගිරිබාව ස්ත්‍රී දූෂකයා දක්වා පොලිසිය විසින් විමර්ශන කටයුතු සඳහා සැකකරුවන් යැයි කියමින් සාමාන්‍ය සිවිල් වැසියන් කුදලාගෙන යන අවලස්සන ආකාරය අපි දැක ඇත්තෙමු.

ඒ ඇතැම් අවස්ථාවන් සඳහා ද මෙබඳුම බාල ගණයේ මාධ්‍ය ආවරණ සපයාගෙන තිබිණි.

නමුත් රටේ ජාතික ආර්ථිකයට තීරණාත්මක හානියක් සිදුකළ සිද්ධියක් ලෙසට අර්ථ දක්වා ඇති බැඳුම්කර සිද්ධිය සම්බන්ධයෙන් විමර්ශන කටයුතු කළේ සහ මෙම අත්අඩංගුවට ගැනීම් කළේ ගමේ පොලිසිය නොව මේ සම්බන්ධයෙන් ලංකාවේ පොලිසියේ තිබෙන ඉහළම අධිකාරිය වශයෙන් සැලකෙන අපරාධ පරීක්ෂණ දෙපාර්තමේන්තුවයි.

මෙම දෙපාර්තමේන්තුවේ කීර්තිමත් නිළධාරීන් විසින් විද්‍යා දැරියගේ සමූහ දූෂණ සිද්ධිය වැනි අවස්ථාවලදී අතිශය ප්‍රශංසනීය ලෙස හැසිරුණු ආකාරය පිළිබඳ අපි කතා කර ඇත්තෙමු.

නමුත් අසීරුවෙන් දොවාගත් කිරි කළයකට ඒ දෙපාර්තමේන්තුවේම සිටින අවිදුර දෘෂ්ටිකත්වයෙන් පෙළෙන ඇතැම් නිළධාරීන් ගොම බිඳු මුසු කරමින් සිටින අයුරු ශෝචනීය ය.

සැකකරුවන් ගේ මූලික අයිතිවාසිකම් කඩලා :

මේ අනුව බැඳුම්කර සිද්ධියේ සැකකරුවන් ව අත්අඩංගුවට ගැනීමේදී ඔවුන් විසින් ඉතාම පැහැදිලිව සැකකරුවන් ගේ මූලික අයිතිවාසිකම් කඩ කර තිබේ. ඒ බවට සාක්ෂි ද ඔවුන් විසින් සජීවී ව රටට සපයා අවසන් ය.

ඒ, ඔවුන් මෙම අත්අඩංගුවට ගැනීම් සිදුකළේ ටෙලිවිෂන් නාලිකාවකින් ලැබුණු සජීවී මාධ්‍ය ආවරණයක් ද සහිතව නිසා ය.

මේ නිසා අවසානයේ මේ සිද්ධියේදී අමාරුවේ වැටී සිටින්නේ සීඅයිඩී යයි.

යුක්තිය පසිඳලීමට සහාය වීම පිණිස අවංක උවමනාවක් තිබේ නම් මේ සී අයි ඩී නිලධාරීන් මුලින්ම කළ යුත්තේ දේශපාලකයන් පිනවීම නතර කිරීමයි.

මෙවැනි හාස්‍ය රංගනවලින් බොළඳ මාධ්‍ය සන්දර්ශනවලට උඩ ගෙඩි දීමෙන් වැළකී සිටීමයි.

(lankanewsweb.net)

 

 

Comment (0) Hits: 1004

මෛත්‍රී නැත්නම් එජාපය අනාථයි ! බුකිය කළඹන වීඩියෝවක් !

මෙවර පළාත් පාලන මැතිවරණ සටනේදී ජනාධිපති මෛත්‍රීපාල සිරිසේන මහතාගේ දායකත්වය නොවන්නට එක්සත් ජාතික පක්ෂය නන්නත්තාර වීමට බොහෝදුරට ඉඩතිබු බව එජාප තරුණ මන්ත්‍රීවරයකු 'නිව්ස් ටියුබ්' වෙත පැවසිය.

පසුගිය වසර තුනක යහපාලන ආණ්ඩුවේ මැති ඇමතිවරුන්ගෙන් ලැබුනාවූ 'කුඩම්මාගේ සැලකිලි' සම්බන්ධයෙන් කනස්සල්ලට පත්ව සිටි එජාප ක්‍රියාකාරීන්ට හා හිතවතුන්, ජනාධිපතිවරයා පසුගිය සති කිහිපයේ එජාප නායකත්වය හා එජාපය ඉලක්කකර ගනිමින් කල ප්‍රකාශ වලින් ආවේගයට පත්ව යළි පක්ෂය දිනවීමට සක්‍රියව මැදිහත්ව සිටින බව ඔහු කියා සිටියේය.

මෙම මැතිවරණයේදී එජාප හිතවතුන් ඡන්ද පොලට ගෙනයාමේ බරපතල අර්බුදයක් පැවතියද ජනාධිපතිවරයාගේ අවේගාත්මක ප්‍රකාශ තුලින් මෙසේ ඊට විසඳුමක් ලැබුන බවද හෙතෙම සඳහන් කළේය.

මැතිවරණයට අදාලව එජාප මාධ්‍ය අංශය හා ප්‍රචාරක කටයුතු මුළුමනින්ම පාහේ අඩාලව පවතින මොහොතක  ජනාධිපතිවරයාගේ දායකත්වය ඉහලින්ම අගයකල යුතු බවද එම මන්ත්‍රීවරයා වැඩිදුරටත් පැවසිය.

 බුකිය කළඹන වීඩියෝවක් ! - ජනාධිපති-අගමැති රණ්ඩුවට සම කරයි

 ආණ්ඩුව කරවන ප්‍රධාන පාර්ශවයන් දෙක මෙවර වෙන වෙනම මැතිවරණයට ඉදිරිපත් වී සිටිය ද ජනතාව ඉදිරිපිට හතුරන් මෙන් ඇන කොටා ගනිමින් ඉතා සූක්ෂම ලෙස තම තමන්ගේ අභිප්‍රායන් ඉටු කර ගනිමින් සිටිති.

මේ බැව් හැගෙන විනෝදාත්මක ජවනිකා සහිත එකල ජනප්‍රිය විකට නලුවකු වන ඩී ආර් නානයක්කාර රගපෑ චිත්‍රපටයක කොටසක් මෛත්‍රී-රනිල් ගැටුම ලෙස හුවා දක්වමින් අන්තර්ජාලය ඔස්සේ හුවමාරු වෙයි.

Comment (0) Hits: 524

'පලිහේනගේ වාර්තාව මන්ත්‍රීවරුන් නොමග යැවීමට සැකසුවක්' ; පාඩුව රු. බිලියන 26 යි.

දැඩි මතභේදයට තුඩුදී තිබෙන 'මහබැංකු බැඳුම්කර සිද්ධියේ' සැකකරුවකු ලෙස අධිකරණය විසින් නම්කර ඇති පර්පෙචුවල් ට්‍රෙෂරීස් සමාගමේ ප්‍රධාන විධායක අධ්‍යක්ෂ කසුන් පළිසේන මහතා ඔහුගේ බේරුම සඳහා සැකසු වාර්තාව අනුව ගණුදෙනු 7 කින් සේවක අර්ථසාධකයට පමණක් රු. බිලියන 26 ක පාඩුවක් සිදුව ඇතැයි කැෆේ සංවිධානයේ විධායක අධ්‍යක්ෂ හා ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ කීර්ති තෙන්නකෝන් මහතා පවසයි.

කීර්ති තෙන්නකෝන් මහතා එබව කියා සිටියේ අද (04) දහවල් පැවති පුවත්පත් සාකච්ඡාවක දීයි.

බෑනා ගේ සමාගමේ විධායක අධ්‍යක්ෂ පලිසේන විසින් හෙළි කළ තොරතුරු අනුව එම සමාගම විසින් ගණුදෙනු 7 ක් තුලින් සේවක අර්ථසාධක අරමුදලට රු. බිලියන 26 ක පාඩුවක් සිදු කර ඇතැයි දැන් හෙළිවන බව කීර්ති තෙන්නකෝන් මහතා එහිදී පැවසීය.

ඔහු වැඩිදුරටත් මෙසේද කියා සිටියේය.

පට්ටපල් බොරුවක් :

''කොමිසම හමුවේ හෙළි වූ ලෙස කසුන් පළිසේන ගේ බෝසන් එක රුපියල් මිලියන 10 කි. ඔහු කොමිසමට බොරු කිව්වේ, සේවක අර්ථසාධක අරමුදලේ නිලධාරීන්ට අල්ලස් දුන්නේ, දුරකතන සංවාද මැකුවේ, පරිගණක දත්ත මකා දැමුවේ ආණ්ඩුවට ලාබ කරන්නට යැයි කසුන් පළිහේන විසින් වාර්තාවක් ලියා ඇත.

ඒ පෙබ. 6 දින පාර්ලිමේන්තු විවාදයට බැදුම්කර වංචාවක් සිදු නොවූ බව කියන්නටය. ඔහුගේ මේ කථාව පට්ටපල් බොරුවක් බව අද හෙළි වී ඇත.

පලිසේන විසින් සකස් කළ ව්‍යාජ වාර්තාවේ පර්පචුවල් සමාගම බැදුම්කර මිලදී ගත් හා විකුණු මුදල සදහන් නොවේ.

අපි ඒ අංක අනුව යමින් මෙම බැදුම්කර මිලදී ගත් මුදල හා විකුණු මුදල සොයා ගනු ලැබීවා. ඒ අනුව, සේවක අර්ථ සාධක අරමුදල විසින් සිදු කළ ගණුදෙනු 7 ක් මගින් පමණක් මේ රටේ වැඩකරන ජනතාවට රු. බිලියන 26 ක්.

පලිසේන විසින් සැකසූ ව්‍යාජ වාර්තාවේ දැක්වෙන්නේ LKB 02035 C155 අංකය යටතේ සිදු වූ ගණුදෙනුව මගින් සේවක අර්ථ සාධක අරමුදලට ලභායක් ලැබී ඇති බවයි. එය පාර්ලිමේන්තු මන්ත්‍රීවරුන් නොමග යැවීමට සකස් කර ඇති මෙම ලේඛනය පට්ටපල් බොරුවකි.

පලිසේන රු. 100 කට ඉලක්කම් දක්වා ඇති නමුත් එහි බැදුම්කර 6100 ක් මිලදී ගෙන ඇත්තේ රු. 73 ක මුදලකට ය. ඒ සදහා පර්පචුවල් සමාගම රු. මිලියන 4453 ක් ගෙවා ඇත.

රු. 73 කට ගත් බැදුම්කරය සතියක් තුල රු. 116 ට එනම් රු. 43 ක ලාභයක් ඇතිව සේවක අර්ථ සාධක අරමුදලට විකුණා ඇත. අංක LKB 02035 C155 ගණුදෙනුව මගින් පමණක් පලිසේන ගේ සමාගම ලබා ඇති ලාභය රු. මිලියන 2669 කි.

'සැබෑ පාඩුව බිලියන 11.4 ක් නොව ඊටත් වඩා විශාලයි'

කසුන් පලිසේන සිය වාර්තාවෙන් ඔහු පාර්ලිමේන්තු මන්ත්‍රීවරුන්ට කියන්නේ බැදුම්කර රු. 100 බැගින් ගත් බවකි.

සත්‍ය නම් එම ගණුදෙනු 7 හි ISIN අංක මේ සමග ඇත. මේ ගනුදෙනු 7 සදහා පර්පචුවල් සමාගය වැය කළ මුදල රු. මිලියන 52826 කි.

දින 4-5 ක් තුල ඔවුන් එය සේවක අර්ථ සාධක අරමුදලට විකුණා ලැබූ ලාභය රු. මිලියන 79146 කි. ඒ අනුව, මේ ගනුදෙනු 7 න් පමණක් බෑනා ගේ සමාගම ලැබූ ලාභය බිලියන 26 කි.

එයින් ගම්‍ය වන්නේ මෙම වංචාවේ සැබෑ පාඩුව විගණකාධිපති හෙළි කළ අයුරින් බිලයන 12 ක් හෝ කොමිසම හෙළි කළ අන්දමින් බිලියන 11.4 ක් නොවන බව එයට වඩා විශාල බවයි. ''

මෙම මාධ්‍ය හමුවට රුසිරිපාල තෙන්නකෝන් මහතාද එක්ව සිටියේය.

හෙට දිනයේ ශ්‍රී ලංකා මානව හිමිකම් කේන්ද්‍ර‍ය විසින් මේ පිළිබද සවිස්තර වාර්තාවක් නිකුත් කරන බව ද රැසිරිපාල මහතා එහිදී පැවසිය.

කසුන් පළිහේන වාර්තාව

සබැඳි පුවත් 

බැඳුම්කරය නිසා රාජ්‍ය ආයතන රුපියල් බිලියන 25ක් ලාභ ලැබුවා : ඇලෝසියස්ගෙන් ආන්දෝලනාත්මක ප්‍රකාශයක්

Comment (0) Hits: 471

'ඡන්දයට පෙර උදයාංග කුදලගෙන එනු' - ඉහලින් නියෝගයක්

ඩුබායි ගුවන්තොටුපලේ ආගමන විගමන නිලධාරීන් විසින් අද (04) උදැසනදී අත්අඩංගුවට ගත් රුසියාවේ හිටපු ශ්‍රී ලංකා තානාපති උදයංග වීරතුංග මහතා වහාම දිවයිනට රැගෙන එන්නැයි ජනාධිපති කාර්යාලයේ ප්‍රධානියකු අදාල බලධාරීන්ට නියෝගකර ඇතැයි වාර්තාවේ.

ඒ අනුව විදෙස් කටයුතු අමාත්‍යංශයේ හා පොලිස් මුල්‍ය අපරාධ කොට්ඨාශයේ නිලධාරීන් මේවනවිට අබුඩාබියේ රාජ්‍යතන්ත්‍රීක නිලධාරීන් සමග සාකච්ජා ආරම්භකර තිබේ. ඒ උදයංග මහතා ඩුබායිහිදී අත්අඩංගුවට පත්වුවද, රාජතාන්ත්‍රික වශයෙන් ඔහු ශ්‍රී ලංකාවට බාර ගැනීමට ගනුදෙනුකළ යුතුවන්නේ අබුඩාබි රාජ්‍ය සමඟවීම නිසාය.

උදයංග වීරතුංග මහතා ප්‍රශ්න කිරීමට ලක්ව ඇත්තේ ශ්‍රී ලංකා විදේශ ගමන් බලපත්‍රයකින් ඇමරිකාව බලා යාමට පැමිණි අවස්ථාවේදිය.

කොළඹ කොටුව මහේස්ත්‍රාත් අධිකරණයේ නියෝගයක් මත ආගමන විගමන දෙපාර්තමේන්තුව විසින් ඔහුගේ විදෙස් ගමන් බලපත්‍රය අත්හිටුවා තිබී ඇති අතර උදයංග මහතා ඇමරිකාවට යාමට උත්සාහ කර ඇත්තේ ඒ පිළිබඳව නොදැනුවත්වය.

යුක්රේනයට යන්න ඉල්ලයි :

ඩුබායි ආගමන නිලධාරීන් විසින් උදයංග මහතාව රිමාන්ඩ් භාරයට පත් කිරීමට උත්සාහ කර ඇති අතර එහිදී තමා යුක්රේන පදිංචිකරුවකු බැවින් එරටට යාමට අවසර දෙන්නැයි ඔහු ඉල්ලීමක් කර තිබේ.

කෙසේවුවද, ඔහු ලංකාවේ විදේශ ගමන් බලපත්‍රයක් සමගින් අත්අඩංගුවට පත්වීමත්, පැවති ආණ්ඩු සමයේ සිදු වූ බව පැවසෙන මිග් යානා ගනුදෙනුවේ සැකකරු ලෙස නම් කර සිටින ඔහු අධිකරණය මඟහැර සිටින හෙයින් අත්අඩංගුවට ගන්නා ලෙස දන්වා කොළඹ කොටුව මහේස්ත්‍රාත් අධිකරණය ජාත්‍යන්තර පොලිසිය වෙත මීට වසරකට පමණ පෙර වරෙන්තු නිකුත් කර ඇති නිසාත් ඔහු ලංකාවට බාරදෙන ලෙස ශ්‍රී ලංකා රජය මේවනවිට අබුඩාබි බලධාරීන්ගෙන් ඉල්ලීම් කර තිබේ.

E69T4181 1වරෙන්තු පිට සිටි උදයංග වීරතුංග හිටපු ජනාධිපතිවරයා සමග විදෙස් සංචාරයේ ...

හිටපු ජනාධිපති මහින්ද රාජපක්ෂ මහතාගේ පවුලේ ඥාතියෙකු වන උදයංග වීරතුංග මහතා ශ්‍රී ලංකාවට රැගෙන ඒමට පොලිස් මුල්‍ය අපරාධ කොට්ටාශයේ නිලධාරීන් අද (04) රාත්‍රියේ ඩුබායි වෙත යාමට නියමත බව පොලිසිය පවසයි.

හිටපු ජනාධිපති මහින්ද රාජපක්ෂ මහතා විදේශ සංචාරවල නියැලුණු ඇතැම් අවස්ථාවලදී වරෙන්තු පිට සිටි උදයංග වීරතුංග ද හිටපු ජනාධිපතිවරයා සමග සිටින ආකාරය දැක්වෙන ඡායාරූප මීට පෙර මාධ්‍ය ඔස්සේ පළ වී තිබිණි.

උදයංග වීරතුංග මහතාට අයත් දේපළ කිහිපයක් විකිණීම, උකස් කිරීම සහ පැවරීම තහනම් කරමින් කොළඹ කොටුව මහේස්ත්‍රාත් අධිකරණය පසුගියදා තහනම් නියෝගයක් නිකුත් කර තිබේ.

රාජපක්ෂ පාලන සමයේදී ශ්‍රී ලංකා ගුවන් හමුදාව සඳහා මිග් යානා මිලදී ගැනීමේදී සිදුව ඇතැයි පැවසෙන අක්‍රමිකතා සම්බන්ධයෙන් එල්ල වන චෝදනා උදයංග වීරතුංග මහතා ප්‍රතික්ෂේප කරයි.

Comment (0) Hits: 619

'දේශපාලන සංදර්ශන එපා; අර්ජුන ගත්තේ ඡන්දේ දිනන්නද' ? - ඇමති අකිල අසයි

 
පර්පෙචුවල් ට්‍රෙෂරීස් සමාගමේ සභාපති  අර්ජුන් ඇලෝසියස් මහතා අත්අඩංගුවට ගැනීමට වසරකට අධික කාලයක් ගත කළේ කුමක් නිසා දැයි  එක්සත් ජාතික පක්ෂයේ නියෝජ්‍ය මහා ලේකම් සහ  අධ්‍යාපන අමාත්‍ය අකිල විරාජ් කාරියවසම් මහතා ප්‍රශ්න කර සිටියි.
 
ශ්‍රී ලංකා මහා බැංකු බැඳුම්කර නිකුත් කිරීමේ සිද්ධියට අදාළව පර්පෙචුවල් ට්‍රෙෂරීස් සමාගමේ ගිණුම් අග්‍රාමාත්‍ය රනිල් වික්‍රමසිංහ මහතාගේ නියෝග මත අත්හිටුවා වසරකට අධික කාලයක් ගත වුවද සමාගමේ සභාපති  අර්ජුන් ඇලෝසියස් අත්අඩංගුවට ගැනීමට කිසිඳු පියවරක් නොගැණුනු බවද අමාත්‍යවරයා කියා සිටියි.
 
එක්සත් ජාතික පක්‍ෂ නියෝජ්‍ය මහා ලේකම් සහ අධ්‍යාපන  අමාත්‍ය අකිල විරාජ් කාරියවසම් මහතා මේ බව පවසා ඇත්තේ  'lankanewsweek' වෙත විශේෂ ප්‍රකාශයක් ලබා දෙමිනි.
 
පර්පෙචුවල් ට්‍රෙෂරීස් සමාගමේ අධ්‍යක්‍ෂ අර්ජුන් ඇලෝසියස්  අත්අඩංගුවට ගැනීමට හැකි පසුබිම සකස් කර තිබුණද වසරකට වැඩි කාලයක් ඔහු අත්අඩංගුවට නොගෙන සිට මේ අවස්ථාවේදී ඒ පියවර ගත්තේ සෙනසුරාදා(10) පැවැත්වෙන පළාත් පාලන මැතිවරණය අරමුණු කර ගෙන දැයි අකිල විරාජ් කාරියවසම් මහතා එහිදී විමසා ඇත.
 
වසරක් තිස්සේ නොගත් පියවරක් පළාත් පාලන මැතිවරණය කට උඩට පැමිණි පසු ක්‍රියාත්මක කිරීම තවත් එක් දේශපාලන සංදර්ශනයක කදිම නිදසුනක් බවද එක්සත් ජාතික පක්ෂයේ  මහලේකම්වරයා වැඩිදුරටත් අවධාරණය කර සිටියි.
Comment (0) Hits: 631

'දූෂිත දේශපාලනය බරපතළ ප්‍රශ්නයක්' - ජනාධිපති

යහපත් දේශපාලන සංස්කෘතියක් ගොඩනැගීම අද අත්‍යවශ්‍ය වී තිබෙන බවත් අයහපත් දූෂිත දේශපාලනය ඊට බරපතළ ප්‍රශ්නයක් හා අභියෝගයක් වි තිබෙන බවත් ජනාධිපති මෛත්‍රිපාල සිරිසේන මහතා 70 වැනි ජාතික නිදහස් සමරු උළෙලේ දී ජාතිය අමතමින් ප්‍රකාශ කළේ ය.

පහළ සිට ඉහළටත් ඉහළ සිට පහළට විධිමත්භාවයෙන්, විනයක් ඇති දේශපාලන පරපුරක් සමඟ රට ඉදිරියට යෑමේ අවශ්‍යතාවය තිබෙන බව ඔහු එහිදී අවධාරණය කර සිටියේය.

දුෂණ විරෝධී මතය ශක්තිමත් කිරීම ජාතික ප්‍රගමනයේ ආත්ම ආරක්ෂාව බවත්, දේශප්‍රේමීත්වය යනු මූල්‍ය විනය අනුව කටයුතු කිරීම බවත්, මූල්‍ය විනයක් ඇති කිරීමට පුළුල් ජාතික ව්‍යාපාරයක අවශ්‍යතාවය තිබෙන බවත්, ඔහු සඳහන් කළේය.

 එහිදී වැඩිදුරටත් අදහස් දැක්වූ ජනාධිපතිවරයා,

''ඉතාමත් ගෞරවයෙන් හා අභිමානයේ සිහිපත් කරන්නේ, අපේ රටට යටත් විජිත යුගයෙන් නිදහස් ලැබී වසර 70ක් ගතවන ඓතිහාසික නිදහස් සමරුමයි. 1948 නිදහස ලැබීමෙන් පසු අපේ අභියෝග ගණනාවක් ජයගැනීම සඳහා එදා සිට මෙදා දක්වා බලයට පත් වූ රජයන්, රාජ්‍ය නායකත්වයන්, ආරක්ෂක අංශ, පොදු මහජනතාව වගකීම් හා යුතුකම් මනා ලෙස ඉටු කර තිබෙන බව දැඩි ලෙස විශ්වාස කරනවා.

බලාපොරොත්තු නොවූ ආකාරයට රට බෙදීමට, වෙන් කිරීමට,උත්සහ කළ මිලේච්ඡ LTTE ත්‍රස්තවාදය පරාජය කිරීමට වසර 26ක දීර්ගකාලින යුද්දයකට මුහුණ දීමට සිදු වුණා. මෙය විවිධ ක්ෂේත්‍රවල ජාතික ප්‍රගමනයට පසුගමනයන් ඇතිවීමට හේතු වුණා.

අපේ ඉතිහාසයේ වසර දහස් ගණනක ශ්‍රේෂඨත්වය අභිමානය, මහා කතාන්දරයෙන් තිබෙන අද්දැකීම හා ඉන් ඇති වී තිබෙන ජීව ගුණය අපේ අනාගතය සඳහා ඉදිරි වැඩපිළිවෙල ශක්තිමත් කරගැනීමට උගතුන් විවිධ ක්ෂේත්‍රවල විද්වතුන් සිය යුග මෙහෙවර කරමින් සිටිනවා.

අනාගතය ගොඩනැගීමේ අභියෝග :

අනාගතය ගොඩනැගීමට අභියෝග තේරුම්ගත යුතු වෙනවා. ආර්ථික ජයග්‍රහන ළඟාකරගැනීමට රජයක් ලෙස කැපවී සිටිනවා. දුගීභාවය ප්‍රබල අභියෝගයක්. මීට පෙර බලයට පත් වූ සෑම රජයක් ම පුළුල් වැඩපිළිවෙලවල් ක්‍රියාත්මක කර ඇති අතර, අතීත අද්දැකීම් සමඟ නව වැඩපිළිවෙල සමඟ දුගී බවින් මිදීමට මීට වඩා කාර්යක්ෂමව ඉටු කළ යුතු වෙනවා.

සංවර්ධනයේ ජාතික ප්‍රමුඛතා හදුනාගැනීම අවශ්‍ය වෙනවා. ජාතික ප්‍රමුඛතා නොසළකා, පෞද්ගලික න්‍යාය පත්‍රයන් තුළ දසක කීපයක් තුළ කළ සංවර්ධන ජාතික ආර්ථිකයට අයහපත් ප්‍රතිඵල ගෙන දී තිබෙනවා. ජාතික ප්‍රමුඛතා හඳුනාගෙන ඒ අනුව කටයුතු කිරීම වැදගත් වෙනවා.

ජාතියේ අනාගතය ශක්තිමත් වන්නේ උගතුන් වැඩි වූ රටකයි. අධ්‍යාපන ප්‍රතිසංස්කරණවල ප්‍රතිපත්ති අදට ඔබින ආකාරයට හා හෙටට ගැළපෙන ආකාරයට සැකසිය යුතු වෙනවා. නවෝත්පාදන, හරිත ආර්ථිකය සඳහා කැපවීම් අවශ්‍ය වෙනවා. නිපුණත සංවර්ධනයට වෘත්තීය අධ්‍යාපනයට වැදගත් ස්ථානයක් ලබාදීම අවශ්‍යවශ්‍යයි. පැරණි මුදල් රෙගුලාසි කඩිනම් සංශෝධනයකට යටත් කළ යුතු වෙනවා. කාර්යක්ෂම සංවර්ධනයක්, විනයක් ඇති පරිපාලනය, මූල්‍ය විනයක් සඳහා රෙගුලාසි සංශෝධනය කඩිනම් කළ යුතු වෙනවා.

දේශපාලඥයාගේ අවංකභාවය ?

දේශපාලඥයාගේ අවංකභාවය රට ගොනැගීමට වැදගත් වෙනවා. මාතෘභූමිය ගොඩනැගීම සඳහා කැපවීම, අවංකභාවය, පිරිසිදුබව, නොකිළිටි බව යුගයේ අවශ්‍යතාවයක්. ගහකොළ ඇතුළ සියලු සතුන්ට නිදහසේ පැවැත්ම අවශ්‍යයි.

අසීමිත වස්තූන්වලට නිදහසත් මිනිසාට තිබෙන නිදහසෙත් කිසිදු වෙනසක් නොතිබිය යුතුයි. සැබෑ නිදහස යනු මිනිසේකුගේ නිදහස පමණක් නොවෙයි. වගකීම් සහගත තත්ත්වය පාසල් දරුවාගේ සිට දැනුවත් කිරීම වැදගත් වෙනවා.

අපේ ආදරණීය ජනතාව, ඉල්ලා සිටින්නේ නිදහස හා සෞභාග්‍යයයි.ආර්ථික සමෘද්ධිය සෞභාග්‍ය ජනතාවගේ ප්‍රාර්ථනයයි. අපේ ජනතාවගේ අනනය්‍යතාවය දේශීයත්වය,අපේ සංස්කෘතිය උදාකිරීමට වගකීමෙන් කටයුතු කළ යුතු වෙනවා. දැනුම ලබාගැනීමත් සමඟ ස්වදේශික උරුමයන් නොබිඳ කටයුතු කළ යුතු වෙනවා.

දූෂණ විරෝධය රටක ආත්ම ආරක්ෂාවයි:

මේ සඳහා රජ්‍ය අංශය හා පෞද්ගලික අංශයේ වගකිම් ඉටු කළ යුතු වෙනවා. අවධානය යොමු කළ යුතුයි, අභියෝග සිහිපත් කළ යුතුයි. දූෂණ විරෝධය රටක ආත්ම ආරක්ෂාවයි. දුෂණ විරෝධී මතය ශක්තිමත් කිරීම ජාතික ප්‍රගමනයේ ආත්ම ආරක්ෂාවයි. ආර්ථික නිදහස ගොඩනැගෙමින් තිබෙන විට ඊට එරෙහිව දූෂණය, අල්ලස, හොරකම අප විසින් පිටු දැකිය යුතූයි.

සෑම දේශපාලඥයන් ම ඒ ආදර්ශය ලබාදීම යුගයේ කර්යයක් ලෙස හඳුන්වනවා. කාර්යාක්ෂමව , එඩිතරව, සටන්කාමීත්වයෙන් ආර්ථිකය ගොඩනැගීමට රට ඉදිරියට ගෙන යෑමට කැපවීමේ අත්‍යාවශ්‍යතාව දකිනවා.

ජීවත්වීමේ අයිතිය :

මේ රට ගොඩනැගීමට ජාතිවාදී අඳහස්වලින් තොරව සංහිදියාව ගොඩනගමින් ජීවත්වීමේ අයිතිය සහතික කිරීම අත්‍යාවශ්‍ය වෙනවා. ආගමික සහජීවනය, භාෂා, ජාතික සහජීවනය, ශක්තිමත් කරමින් සැකෙන් බියෙන් තොරව ජීවත් වීම සහතික කළ යුතු වෙනවා. අද මූලික වශයෙන් දේශප්‍රේමීත්වය යනු මූල්‍ය විනය අනුව කටයුතු කිරීමයි.

දේශප්‍රේමීත්වය එක් එක් යුගවල නිර්වචන දිය හැකියි. මූල්‍ය විනයක් තුළ කටයුතු කිරීම වැදගත්. මූල්‍ය විනයක් ඇති කිරීමට පුළුල් ජාතික ව්‍යාපාරයක අවශ්‍යතාවය දකිනවා. ඒ නිසා පිරිසිදු නොකිලිටි දේශපාලනයක් සඳහා සියලු දෙනා කැපවෙමින් විවිධ ක්ෂේත්‍රවල විද්වතුන්ගෙන් සැදුම් ලත් රට ගොඩනැගීමට දුෂණය, අල්ලස වළක්වාගැනීමට පුළුල් ජාතික ව්‍යාපාරයක් ගොඩනැගිය යුතුයි කියන පණිවිඩය ලබාදීමට කැමතියි.

අපේ රට බෙදන්නට එල් ටී ටී ඊ ත්‍රස්තවාදීන් කටයුතු අවස්ථාවේ දී ජීවිත පරිත්‍යාග කරමින් ආබාධිත වෙමින්,පවුල් ජීවිත අහිමි කරමින් වේදනාකාරි අද්දැකීම් සමඟ මේ රටේ භෞමික අඛණ්ඩතාවය වෙනුන් රණවිරුවන් සටන් කළා. මම රජයේ ගෞරවය ප්‍රණාමය යුද, ගුවන්, නාවික,පොලිස් ක්ෂේත්‍රවලට රාජ්‍ය සේවයට ගෞරවය පුදකරනවා. ජාතියේ අනාගතය සඳහා දුඟීබවින්, දූෂිතයයෙන් තොර ප්‍රබුද්ධ රටක් සඳහා උගත් තරුණ පරපුර සමඟ කැපවෙමු යැයි ජනාධිපතිවරයා පැවසීය.

Comment (0) Hits: 446

උදයංග වීරතුංග අත්අඩංගුවට !

ඉන්ටර්පෝල් රතු වරෙන්තු ලද රුසියාවේ හිටපු ශ්‍රී ලංකා තනාපති උදයංග වීරතුංග විදේශ රටකදී අත්අඩංගුවට ගෙන ඇතැයි නිල නොවන ආරංචි මාර්ගවලින් වාර්ත වේ

 එම  තොරතුරුවලට අනුව ඔහු ඇමෙරිකාව බලා පිටත්ව යන අවස්ථාවේදී ඩුබායි ගුවන් තොටුපලකදී ප්‍රශ්න කිරීම සදහා අත්අඩංගුවට ගෙන ඇති බව පැවසේ.

 

මතු සම්බන්ධයි

Comment (0) Hits: 554

අර්ජුන් සහ පලිසේන අත්අඩංගුවට !

දැඩි මතභේදයට තුඩුදී තිබෙන 'මහබැංකු බැඳුම්කර සිද්ධියේ' සැකකරුවන් ලෙස අධිකරණය විසින් නම්කර ඇති පර්පෙචුවල් ට්‍රෙෂරීස් සමාගමේ සභාපති අර්ජුන් ඇලෝසියස් සහ එම සමාගමේ ප්‍රධාන විධායක අධ්‍යක්ෂ කසුන් පළිසේන යන පුද්ගලයින් රහස් පොලිසිය විසින් අත්අඩංගුවට ගෙන ඇතැයි වාර්තාවේ.

රහස් පොලිස් කණ්ඩායමක් අද (04) උදැසන සිට අර්ජුන් ඇලෝසියස්ගේ නිවස පිහිටි කොළඹ මල්වත්ත පාරේ සීරුවෙන් තබා තිබිණ.

'මහබැංකු බැඳුම්කර සිද්ධියේ' සැකකරුවන් ලෙස, හිටපු මහබැංකු අධිපති අර්ජුන් මහේන්ද්‍රන්, පර්පෙචුවල් ට්‍රෙෂරීස් සමාගමේ සභාපති අර්ජුන් ඇලෝසියස් සහ එම සමාගමේ ප්‍රධාන විධායක අධ්‍යක්ෂ කසුන් පළිසේන යන පුද්ගලයින් නම් කිරීම සඳහා කොළඹ කොටුව මහේස්ත්‍රාත් අධිකරණය පෙබරවාරි 02දා රහස් පොලීසියට අවසර ලබා දුන්නේය.

රහස් පොලිසිය වෙනුවෙන් නීතිපති දෙපාර්තමේන්තුවේ නිලධාරීන් කළ ඉල්ලීමක් සලකා බැලීමෙන් පසුව කොළඹ කොටුව මහේස්ත්‍රාත් ලංකා ජයරත්න, මෙම නියෝග නිකුත් කළාය.

මහබැංකු බැඳුම්කර සිද්ධිය පිළිබඳව සොයා බැලූ ජනාධිපති කොමිසම සිදුකර තිබෙන නිර්දේශ මත, රහස් පොලිසිය පරීක්ෂණයක් ආරම්භකර ඇති බව නීතිපති දෙපාර්තමේන්තුවේ අතිරේක සොලිස්ටර් ජනරාල්වරයා අධිකරණය හමුවේ කියා සිටියේය.

එම පරීක්ෂණවල දී අදාළ සිද්ධියට මහ බැංකුවේ හිටපු අධිපති අර්ජුන් මහේන්ද්‍රන්, පර්පෙචුවල් ට්‍රෙෂරීස් සමාගමේ සභාපති අර්ජුන් ඇලෝසියස් හා එම සමාගමේ ප්‍රධාන විධායක කසුන් පළිසේන යන පුද්ගලයන් සම්බන්ධ බවට සැකකෙරෙන තොරතුරු අනාවරණය වී ඇති බැවින්, ඔවුන් සැකකරුවන් ලෙස නම් කිරීමට ඉඩදෙන මෙන්, රජයේ නීතිඥවරයා අධිකරණයෙන් ඉල්ලා සිටියේය.

කොළඹ කොටුව මහේස්ත්‍රාත්වරිය අර්ජුන් මහේන්ද්‍රන්, අර්ජුන් ඇලෝසියස් සහ කසූන් පළිසේන යන පුද්ගලයින් මහබැංකු බැඳුම්කර සිද්ධියේ සැකකරුවන් ලෙස නම් කිරීමට අවසර ලබා දුන්නේ එම ඉල්ලීම පිළිගනිමිනි.

Comment (0) Hits: 517

ඡන්දයට පෙර අර්ජුන් නොඑන හැඩයි !

බැඳුම්කර ගනුදෙනුවට සම්බන්ධ සැකකරුවෙකු බවට පත්ව සිටින හිටපු මහබැංකු අධිපති අර්ජුන් මහේන්ද්‍රන් මහතා පළාත් පාලන මැතිවරණයට පෙර ශ්‍රී ලංකාවට නොඑන බව වාර්තාවේ.

මැතිවරණයට පෙර ලංකාවට පැමිණියහොත් ඔහුව අත්අඩංගුවට ගෙන ඇතැමුන් දේශපාලන වාසි ලබාගැනීමට ඉඩ ඇති බැවින් එම තීරණය ගෙන ඇතැයි පැවසේ.

කෙසේවුවද ශ්‍රීලනිප මූලස්ථානයේ අද(03) පැවති මාධ්‍ය හමුවකට එක්වෙමින් අමාත්‍ය සුසිල් ප්‍රේමජයන්ත මහතා පැවසුයේ, අර්ජුන් මහේන්ද්‍රන් මහතා ශ්‍රී ලංකාවට ගෙන්වා ගැනීමේ ප්‍රධාන වගකීම අගමැතිවරයා සතු වන බවයි.

2015 වර්ෂයේදී මහබැංකු අධිපති ලෙස අර්ජුන් මහේන්ද්‍රන් මහතා පත් කරන විට ඔහු පිළිබඳව සම්පූර්ණ වගකීම තමා ගන්නා බව අග්‍රාමාත්‍යවරයා පාර්ලිමේන්තුවේදී ප්‍රකාශ කළ බව ද ඇමතිවරයා එහිදී සිහිපත් කළේය.

උසාවියට කැඳවන නියෝගයක් :

බැඳුම්කර ගනුදෙනුව සම්බන්ධයෙන් ප්‍රකාශයක් ලබා ගැනීම සඳහා ලබන 15 වැනිදාට පෙර අපරාධ පරීක්ෂණ දෙපාර්තමේන්තුවේ පෙනී සිටින ලෙස මහ බැංකුවේ හිටපු අධිපති අර්ජුන් මහේන්ද්‍රාන් මහතාට කොටුව මහේස්ත්‍රාත් අධිකරණය විශේෂ නියෝගයක් නිකුත් කර තිබේ.

දැනට සිංගප්පූරුවේ වාසය කරන්නේ යයි සැලකෙන මහබැංකු හිටපු අධිපති අර්ජුන් මහේන්ද්‍රන් මහතා පෙබරවාරි පහළොස් වනදාට ප්‍රථම ශ්‍රී ලංකාවට පැමිණ රහස් පොලිසිය වෙත කට උත්තරයක් ලබාදෙන නියෝගයක් නිකුත් කරන ලෙස නීතිපති දෙපාර්තමේන්තුවේ ජ්‍යෙෂ්ඨ නියෝජ්‍ය සොලිසිටර් වසන්ත කෝදාගොඩ මහතා කළ ඉල්ලීමක් සැලකිල්ලට ගනිමින් විමර්ශනයට සහාය දැක්වීමක් ලෙස කොටුව මහේස්ත්‍රාත් ලංකා ජයරත්න මහත්මිය ඊයේ (02දා) මෙම නියෝගය නිකුත් කළාය.

එම නියෝගයේ ඉංග්‍රීසි පිටපතක් සිංගප්පුරුවේ අන්තර්ජාතික පොලිසිය මගින් මහේන්ද්‍රන් මහතාට ලැබීමට සලස්වන ලෙස ද මහේස්ත්‍රාත්වරිය දැනුම් දී සිටියාය.

Comment (0) Hits: 460

ලැප්ටොප් නැටුම හබක් !

70 වැනි නිදහස් සැමරුම් උළෙලට එක්කර තිබූ 'ලැප්ටොප්' නර්තනාංගය ඉවත් කිරීමට කටයුතු කර තිබේ.

අග්‍රාමාත්‍ය රනිල් වික්‍රමසිංහ මහතා, අධ්‍යාපන අමාත්‍ය අකිල විරාජ් කාරියවසම් මහතා හා අධ්‍යාපන ලේකම් සුනිල් හෙට්ටිආරච්චි මහතා විසින් මෙම නර්තාංගයෙන් ලැප්ටොප් ඉවත්කිරීමට තිරණය කර තිබේ.

එය සමාජ මාධ්‍ය හරහා ප්‍රචාරයවීමත් සමග දැඩි විරෝධයක් එල්ල වීමෙන් අනතුරුව එම නර්තනාංගයෙන් ලැප්ටොප් ඉවත්කර ඇති බව වාර්තා වෙයි.

Comment (0) Hits: 452

ආහාර ලබා දෙමින් සිටියදී ඇතා බෙල්ලන්විල හිමියන් "අල්ලා ගෙන" ; ආදාහන කටයුතු 08 දා

 අපවත්වී වදාළ මහාචාර්ය, බෙල්ලන්විල විමලරතන නාහිමියන්ගේ ශ්‍රී දේහය පිළිබඳ ආදාහන පූජෝත්සවය එළැඹෙන 08දා පැවැත්වීමට තීරණය කර තිබේ.

ශ්‍රී ජයවර්ධනපුර විශ්වවිද්‍යාල ක්‍රීඩා පිටියේදී පස්වරු 3.00ට ආරම්භවීමට නියමිතය.

සිය විහාරස්ථානයට අයත් ඇතෙකු පහර දෙනු ලැබීමෙන් රෝහල් ගතව ප්‍රතිකාර ලබමින් සිටි බෙල්ලන්විල විමලරතන නාහිමියන් සෙනසුරාදා (පෙබරවාරි 03) අපවත් වූහ.

'මියන් කුමාර' නමැති හස්තියාගේ පහර දීමට ලක්ව බරපතළ තුවාල ලබා සිටි එහිමියන් සිකුරාදා කළුබෝවිල ශික්ෂණ රෝහලට ඇතුළත් කරනු ලැබ තිබිණි.

 99871654 gettyimages 485027367

ආහාර ලබා දෙමින් සිටියදී ඇතා විසින් බෙල්ලන්විල විමලරතන හිමියන් "අල්ලා ගනු ලැබූ බව" ඇත් ගොව්වා මාධ්‍ය වෙත පවසා තිබිණි.

 බෙල්ලන්විල විමලරතන හිමියන්ගේ ඉලඇටවලට බරපතළ හානී සිදු වී තිබු බව කළුබෝවිල ශික්ෂණ රෝහලේ වෛද්‍යවරයෙකු පැවසීය.

අභ්‍යන්තර රුධිර වහනය හේතුවෙන් අසාධ්‍ය තත්ත්වයේ පසු වූ එහිමියන් පසුව පෞද්ගලික රෝහලක් වෙත ගෙන යන ලද බවත් ඉහත කී වෛද්‍යවරයා වැඩිදුරටත් සඳහන් කළේය.

ආහාර ලබා දෙමින් සිටියදී ඇතා විසින් බෙල්ලන්විල විමලරතන හිමියන් "අල්ලා ගනු ලැබූ බව" ඇත් ගොව්වා මාධ්‍ය වෙත පවසා තිබිණි.

එහිදී එහිමියන් බිම ඇදවැටුණු බව කී ඇත් ගොව්වා "ඊට පස්සේ දළ දෙකෙන් අනින්න ගියා, ඒක වැදුනේ නැහැ," යනුවෙන් වැඩිදුරටත් සඳහන් කර ඇත.

'මියන් කුමාර' නමැති හස්තියා මියන්මාරයෙන් තෑගී වශයෙන් ලැබුණු ඇතෙකි.

බෙල්ලන්විල රජමහ විහාරයේ විහාරාධිකාරීව වැඩ විසූ උන්වහන්සේ කෝට්ටේ සංඝ සභාවේ තමන් දැරූ අනුනායක පදවියෙන් පසුගියදා ඉල්ලා අස් වූහ.

එසේම උන්වහන්සේ ශ්‍රී ජයවර්ධනපුර විශ්ව විද්‍යාලයේ කුලපති ධුරය ද හෙබවූහ.

බෙල්ලන්විල නාහිමියෝ කලක් ලන්ඩන් විශ්ව විද්‍යාලයට අනුබද්ධ ආසියා සහ අප්‍රිකානු අංශයේ සිංහල සහ පාලි භාෂා අධ්‍යයන අංශයේ ආචාරවරයෙකු ලෙස ද කටයුතු කර ඇත.

(මූලාශ්‍රය - බීබීසී සිංහල සේවය)

Comment (0) Hits: 505

විශේෂ අවශ්‍යතා සහිත දරුවන්ගේ කුසලතා ඇගයීමට එඩ්වඩ් කුමරු හා ආර්යාව අන්ධ විද්‍යාලයට

ජාතික ප්‍රතිපත්ති හා ආර්ථික කටයුතු මාත්‍යාංශය සහ ජාතික තරුණ සේවා සභාව එක්ව සංවිධානය කරනු ලබන 2017 එඩින්බරො ආදිපාද තිළිණ ප්‍රදානෝත්සවය පෙබරවාරි 04 වනදා ට කොළඹ අරලියගහ මන්දිරයේ පැවැත්වීමට කටයුතු සංවිධානය කර ඇත.

එම වැඩසටහනට සමගාමීව එක්සත් රාජධානියේ වෙසෙක්හි අර්ල්වරයා වන එඩ්වර්ඩ් කුමරුගේ සහ එම කුමරියගේ සම්භාවනීය සහභාගීත්වයෙන් රත්මලාන අන්ධ විද්‍යාලයේ හා බිහිරි විද්‍යාලයේ යෞවන තිළිණ ඒකකවල ප්‍රදර්ශනය හා ක්‍රියාකාරකම් පිළිබඳ වැඩසටහනක් විශේෂ අවශ්‍යතා සහිත දරුවන් සඳහා පාසලේ තිර ලාභීන්ගේ දක්ෂතා ඇගයීමේ උත්සවයට පැමිණි පැමිණි එඩ්වඩ් කුමරු එම ආර්යාව උණුසුම් අයුරින් පිළිගත්හ.

එඩ්වඩ් කුමරු හා ආර්යාව පිළිගත් අයුරු

View the embedded image gallery online at:
http://newstube.lk/news?start=6732#sigProId8b916361b1

Comment (0) Hits: 582

හක්බෙල්ලන් 775 ක් සමඟ පුද්ගලයෙකු අත්අඩංගුවට

නාවික හමුදාවට ලද තොරතුරකට අනුව වයඹ නාවික විධානයට අනුයුක්ත නාවිකයන් පිරිසක් විසින්  (පෙබරවාරි 01) කල්පිටිය, ආනවාසල ප්‍රදේශයේදී නීති විරෝධී ලෙස හක්බෙල්ලන් 775 ක් ලඟ තබා ගත් පුද්ගලයෙකු අත්අඩංගුවට ගෙන ඇත.

මෙවැනි හක් බෙල්ලන් තබා ගැනීම විකිණීම සහ ප්‍රවාහනය 1996 අංක දෙක දරණ ධීවර හා ජලජ සම්පත් පනත යටතේ සපුරා තහනම් කර ඇති අතර, එම හක්බෙල්ලන් තොගය මිල කළ නොහැකි වටිනාකමකින් යුක්ත වේ. එහිදී ඩිංගි යාත්‍රාවක් සහ කිලෝග්‍රෑම් 10 ක පමණ බරකින් යුත් තහනම් දැලක් ද අත්අඩංගුවට පත් විය. එම පුද්ගලයා හක්බෙල්ලන් තොගය සහ ඩිංගි යාත්‍රාව ඉදිරි නීතිමට කටයුතු සඳහා පුත්තලම සහකාර ධීවර අධ්‍යක්ෂක කාර්යාලය වෙත භාර දීමට කටයුතු කෙරිණි.

View the embedded image gallery online at:
http://newstube.lk/news?start=6732#sigProIdf30f3c0f6c

Comment (0) Hits: 462

රාජ්‍යය බුද්ධි සේවය කෝකටත් තෛලයද? 'ලංකා ගාර්ඩියන්' කතු වැකිය

ඕනෑම බොරුවක් ජනතාව අතරට යැවීම සඳහා මෙරට නිර්මාණය වී ඇති පාරසරික සහ සංස්කෘතික තත්වය ඉතාම අප්‍රසන්න වාතාවරණයක් නිර්මාණය කොට ඇති කුණු කන්දකින් හමන දුර්ගනදය හා සමානය. ඉවත් නොකරන කුණු ගොඩක් අසල ගෙවා දමන ජීවිත එම කුණුගොඩ සහ එහි දුර්ගන්දය සමඟ ජීවත් වීමට හුරුවේ. ශ්‍රී ලංකාව සමස්ථයක් ලෙස අත්විඳිමින් සිටින්නේ එම අවාසනාවන්ත තත්වයටදෝ යන්න මතුකළ හැකි ප්‍රධාන ගැටලුවකි. මුලාවේ හෙලීම සහ වගවීම් මෙන්ම වගකීම් වලින් පලායෑම හැරෙන්නට වෙනත් උපායක් නැත්තට නැති සැටියෙකි.

වසර ගණනාවක් තිස්සේ ප්‍රධාන පෙළේ මෙන්ම අප්‍රධාන යැයි නම් කරනු ලබන පෙළේ මාධ්‍යය තම පුවත් වාර්තාකාරණය ජනතාව අතරට යැවීම සඳහා අමුතුම පන්නයේ උපායක් අනුගමනය කරනු ලබති. එනම්; තම පුවත් නිර්මාණකරණය සඳහා රාජ්‍යය බුද්ධි අංශය උපුටා දැක්වීමය. එම උපාය ඔස්සේ ජනතාව උසී ගැන්වීමට මෙන්ම; ජනතාව අතර වැරදි චිත්තරූපයක් මැවීමට ඇති හැකියාව සැබවින්ම අමුතුම එකකි. ඊට ප්‍රභල දේශපාලන බලයක් තිබේ. රටේ කුමන හෝ දේශපාලන පරිසරයක් නිර්මාණය වූ විට බුද්ධි අංශය ඉදිරියට දමා, එය මෙසේ කියන්නේය; එය රහස්‍යය වාර්තාවක් අවහවල් පුද්ගලයාට ලබා දුන්නේය; ආදී වශයෙන් වැල් වටාරම් රාශියක් ගොතා රට හමුවේ තබන්නේය.

මෙම මූලික කාරණය සමස්ථ සමාජයේ පවතින ප්‍රධාන ව්‍යාකූලතාවයක සංඥා නිකුත් කොට තිබේ.

ශ්‍රී ලංකාවේ පුරවැසියන් බුද්ධිමය දේපල පනත ශතයකට මායිම් නොකරන්නා සේම ජනමාධ්‍යය වෘත්තියමය මූලධර්මයන් මත පිහිටා කටයුතු කිරීම ක්‍රමිකව නමුත් නියතවම අතහැර දමමින් සිටිති. මන්ද එවැනි දෑ අනුගමනය කිරීම වඩාත් ලෙහෙසියෙන් මුදල් ඉපැයීමේ මඟ අහුරුවාලන බැවින් විය හැකිය.

READ MORE AT;

Comment (0) Hits: 511

බෙල්ලන්විල නාහිමියෝ හෘදයාබාධයක් හේතුවෙන් අපවත් වෙති

බෙල්ලන්විල විහාරස්ථානයේ මියන් කුමාර් ඇතාට ආහාර ලබා දිමට යාමේදී ඇතා කළ පහරදීමක් හේතුවෙන් බරපතල තුවාල ලබා සිටි බෙල්ලන්විල විමලරතන නා හිමියෝ කොළඹ පෞද්ගලික රෝහලකදී අද දහවල් හෘදයාබාධයක් හේතුවෙන්  (03) අපවත් වූහ.

ඇතාට ආහාර ලබාදීමට යාමේ කළ පහරදීමකින් උන්වහන්සේගේ ඉලඇටවලට හානි සිදුවී ඇති අතර, කළුබෝවිල ශික්ෂණ රෝහලට ඇතුළත් කිරීමෙන් පසුව ශල්‍ය කර්මයකට භාජනය කර ඇත.

බෙල්ලන්විල විහාරස්ථානයේ මියන් කුමාර් ඇතාට ආහාර වශයෙන් සියඹලා ලබා දීමට යාමේදී එම ඇතා එකවර සියල්ල අනුභව කිරීමට යාමේදී විමලරතන නා හිමියෝ අනතුරට ලක් වී ඇති අතර, මෙම සිදුවීමෙන් උන්වහන්සේගේ පෙනහළුවලට දැඩි හානි සිදුවී ඇත.

ඒ අනුව ප්‍රතිකාර ලබා දෙන අතරතුරදී උන්වහන්සේ හට හෘදයාබාධයක් ඇතිවීම හේතුවෙන් දහවල් 12ට පමණ අපවත් වූ බව කොළඹ ආසිරි රෝහල් ආරංචි මාර්ග වැඩිදුරටත් පවසයි.

උන්වහන්සේගේ දේහය පිළිබද ආදාහන පූජෝත්සවය කටයුතු පිළිබද පසුව දැනුම් දීමට නියමිතය.

27331803 10155367551484226 5653770549502858047 n

Comment (0) Hits: 587

Page 375 of 401