විචාර

මහාචාර්ය ඔස්මන්ඩ් බෝපේආරච්චි (Osmund Bopearachchi) යනු ශ්‍රී ලාංකීය නාමය ජාත්‍යන්තරයට රැගෙන ගිය, මුළු ලොව ම පිළිගත් ඉතිහාසය සහ පුරාවිද්‍යා විද්වතෙකි.

හෙතෙම පුරාවිද්‍යාව සහ පැරණි කලා ඉතිහාසය පිළිබඳ ව මෙන් ම කාසි පිළිබඳ අධ්‍යයනය (Numismatics) කළ ලොව ප්‍රමුඛ ම විශේෂඥයෙකි.

මහා ඇලෙක්සැන්ඩර් රාජ්‍ය සමයෙන් ඉක්බිති ආසියාවේ ඇති වූ ග්‍රීක බලපෑම (Hellenistic legacy), ගාන්ධාර බෞද්ධ කලාව, පැරණි ඉන්දියානු සාගරයේ මුහුදු වෙළඳාම මෙන් ම අපේ රටේ ඉතිහාසය පිළිබඳ ඔහු සිදු කළ පර්යේෂණ ලෝකයේ ම අවධානයට ලක්වුණි.

මතු පළ වන්නේ ඔහු විසින් රචිත අතිශය ජනප්‍රිය සහ වටිනා ග්‍රන්ථ සහශාස්ත්‍රීය ලිපි කිහිපයකි.

Monnaies gréco-bactriennes et indiennes (Catalogue raisonné): ඉන්දු-ග්‍රීක කාසි කලාව සහ ඉතිහාසය පිළ්බඳ ව ලෝකයේ පවතින ප්‍රධානතම සහ විස්තරාත්මකම නාණක (කාසි පිළිබඳ) විද්‍යා අත්පොතකි.

Roots of Sri Lankan Art: අපේ පැරණි ශ්‍රී ලාංකීය කලාවේ මූලාරම්භය සහ එහි විකාශනය පිළිබඳ ලැගුම් ලත් අපූරු පර්යේෂණ ග්‍රන්ථයකි.

When West Met East: Gandharan Art Revisited: බටහිර සහ පෙරදිග සංස්කෘති එකතු වී බිහිවූ සුප්‍රසිද්ධ ගාන්ධාර බෞද්ධ කලාව පිළිබඳ ලියවුණු විශිෂ්ට කෘතියකි.

Ruhuna, an ancient civilisation re-visited: අපේ පැරණි රුහුණු රාජධානියේ සැඟවුණු පුරාවිද්‍යාත්මක සහ වෙළඳ ඉතිහාසය ලෝකයට ම විවෘත කළ පර්යේෂණ ග්‍රන්ථයකි.

මෙම කෘති සහ ලේඛනවලට අමතර ව ලෝකයේ ප්‍රමුඛ පෙළේ ජාත්‍යන්තර සඟරා සඳහා පැරණි ලංකාවේ මුහුදු මාර්ග, කාසි භාවිතය සහ වෙළඳ සබඳතා පිළිබඳව ලියූ පර්යේෂණ ලිපි සහ ශාස්ත්‍රීය ලිපි (Research Papers) ද කිහිපයක් ම පළ කර ඇත.

මීට අමතරව මහාචාර්ය ඔස්මන්ඩ් බෝපේආරච්චි ප්‍රංශයේ සුප්‍රසිද්ධ CNRS-ENS ආයතනයේ සම්මානිත පර්යේෂණ අධ්‍යක්ෂවරයෙක් ලෙස මෙන් ම ඇමරිකාවේ කැලිෆෝනියා විශ්වවිද්‍යාලයේ (UC Berkeley) සහායක මහාචාර්යවරයෙක් ලෙස ද කටයුතු කර ඇත.

මෙහි දී ඔහු ලැබූ ජාත්‍යන්තර ජයග්‍රහණ පිළිබඳ ව ද සඳහන් කළ යුතු ම ය.

කාසි විද්‍යාව වෙනුවෙන් ප්‍රංශ ඇකඩමිය වෙතින් පිරිනමන කීර්තිමත් 'George Perrot' පදක්කම සහ Sri Lanka Foundation International වෙතින් ජීවිතකාලීන සම්මානයෙන් පිදුම් ලැබීම ඊට අයත් වේ.

මූලාශ්‍ර - Ithihasaya ඉතිහාසය face book පිටුව ඇසුරෙනි