ඉන්දියාව, නිදහස ලබා අදට වසර 75ක් සපිරේ.
නිදහස් දින ප්‍රධාන සැමරුම් උත්සවය නවදිල්ලියේ රතු බලකොටුව කේන්ද්‍රකොට ගනිමින් අද උදෑසන ආරම්භ විය.
මේ සඳහා මෙවර ටෝකියෝ ඔලිම්පික් උළෙලේදී පදක්කම් දිනාගත් ඉන්දීය ක්‍රීඩක ක්‍රීඩිකාවන් 30 දෙනෙකුට ආරාධනා කර ඇතැයි වි‍දෙස් මාධ්‍ය වාර්තා කළේය.
හමුදා උත්තමාචාර මැද රතු බළකොටුවේ පැවැති සැමරුමට ඉන්දීය අග්‍රාමාත්‍ය නරේන්ද්‍ර මෝදි සහභාගී විය.
'කොවිඩ් 19' ව්‍යසනය හමුවේ කැපවීමෙන් සේවය කරන ඉන්දීය සෞඛ්‍ය අංශ සාමාජිකයන් ඇගයීමට මෝදි කටයුතු කළේය.
ජාතිය අමතමින් ඉන්දිය අග්‍රාමාත්‍යවරයා කියා සිටියේ කොරෝනා මර්දන එන්නත්කරණයේ දී ඉන්දියාව කිසිදු රටක් මත රඳා නොසිටින බවත්, ඉන්දීය ආර්ථිකය ශක්තිමත් කිරීමට, යටිතල පහසුකම් නංවාලීමට නව ව්‍යාපෘති රැසක් ක්‍රියාවට නංවන බවත්ය.