Language Switcher

V2025

ෂී ජින්පිං තෙවන වරටත් චීන ජනපති ධූරයට

ෂී ජින්පිං තෙවන වරටත් “ඓතිහාසික ලෙස” චීනයේ ජනාධිපති ධූරයට පත් වී තිබේ.

විදෙස් මාධ්‍ය වාර්තා කළේ, “රබර් මුද්‍රාවක් [බොහෝ දුරට බල රහිත නමුත් නිල වශයෙන් පිළිගත් ආයතනයක් හෝ පුද්ගලයෙක්] වැනි” එරට පාර්ලිමේන්තුවේ අනුමැතිය අනුව ඔහු මෙලෙස ජනාධිපති ධූරයට පත් වී ඇති බව ය.

ඔහුට ලැබුණු එම බලය ත් සමග, පරම්පරා ගණනාවකට පසු චීනයේ පහළ වූ බලවත් ම නායකයා බවට 69 හැවිරිදි ෂී ජින්පිං පත් වන බව එම වාර්තාවල දැක්වේ.

චීනයේ මහජන මහා ශාලවේ දී ජාතික මහජන කොංග්‍රස් (NPC) සාමාජිකයින් 3,000කට ආසන්න පිරිසක් විසින් ෂී ජින් පිංගේ අපේක්ෂකත්වය ඒකමතිකව තීරණය කළ අතර ජනාධිපති ධුරය සඳහා ෂී හා තරග වැදීමට වෙනත් කිසිදු අපේක්ෂකයෙක් සිටියේ නැත.

පැයක පමණ කාලයක් ඡන්දය ප්‍රකාශ කිරීම පැවැති අතර විද්‍යුත් ඡන්ද ගණන් කිරීම විනාඩි 15කින් පමණ අවසන් විය.