වර්තමාන වෛද්ය විද්යාවේ රෝග විනිශ්චය සඳහා X-ray, CT scan, සහ MRI වැනි විකිරණ පරීක්ෂණ අත්යවශ්ය වේ. නමුත්, ඇතැම් රෝහල් පටු ලාභ පරමාර්ථ කරගනිමින්, නිසි වෘත්තීය සුදුසුකම් නොමැති පුද්ගලයින් මෙම පරීක්ෂණ සඳහා යොදවන බව නිරීක්ෂණය වී ඇත. මෙය ඔබේ ජීවිතය දැඩි අවදානමකට ලක් කරන ක්රියාවකි.
නුපුහුණු පුද්ගලයින්ගෙන් පරීක්ෂණ කරගැනීමේ අවදානම:
අවිධිමත් විකිරණ මාත්රාවන්: රෝගියෙකුට ලබා දිය යුතු නිවැරදි විකිරණ මාත්රාව තීරණය කළ හැක්කේ විද්යාත්මක පුහුණුවක් ලද විකිරණ තාක්ෂණවේදීන්ට (Radiographer) පමණි. නුපුහුණු අය අතින් රෝගියා අනවශ්ය ලෙස අධි මාත්රාවන්ට ලක් විය හැකි ය.
පිළිකා අවදානම: අධි මාත්රාවන් ශරීරගත වීමෙන් සෛල විකෘති වී පිළිකා තත්ත්ව ඇති වීමේ විද්යාත්මක සම්භාවිතාවක් පවතී.
වැරදි රෝග විනිශ්චය: නිසි තාක්ෂණික දැනුම නොමැතිව ලබාගන්නා ඡායාරූප අපැහැදිලි වීම නිසා, වෛද්යවරයාට වැරදි රෝග විනිශ්චයකට මග පෙන්විය හැකි ය.
රෝගියෙකු ලෙස ඔබ කළ යුත්තේ කුමක්ද?
විකිරණ පරීක්ෂණයකට ලක් වීමට පෙර ඔබේ ආරක්ෂාව වෙනුවෙන් මෙම කරුණු විමසන්න:
වෘත්තීය සුදුසුකම්: ඔබේ පරීක්ෂණය සිදු කරන්නේ රජය පිළිගත් සුදුසුකම් ලත් විකිරණ තාක්ෂණවේදීයකු දැයි විමසන්න.
SLMC ලියාපදිංචිය: ඔහු/ඇය ශ්රී ලංකා වෛද්ය සභාවේ (Sri Lanka Medical Council) ලියාපදිංචි වෘත්තිකයකු දැයි තහවුරු කරගන්න.
ආරක්ෂිත ක්රමවේද: පරීක්ෂණයේ දී අවශ්ය Lead Apron යනාදි ආරක්ෂිත ආවරණ පිළිබඳව සැලකිලිමත් වන්න.
රෝහල් පරිපාලනයේ වගකීම
ලාභය අරමුණු කර නොගෙන, රෝගී ආරක්ෂාව වෙනුවෙන් සුදුසුකම් ලත් විකිරණ තාක්ෂණවේදීන් පමණක් සේවයේ යෙදවීම රෝහල් බලධාරීන් ගේ වගකීමකි. නුපුහුණු පුද්ගලින් යොදවා ගැනීම නීතියට මෙන්ම වෛද්ය සදාචාරයට ද පටහැනි ක්රියාවකි.
ඔබේ සෞඛ්යය ගැන තීරණ ගැනීමේ දී බුද්ධිමත් වන්න. සැමවිටම සුදුසුකම් ලත් වෘත්තිකයකු ගේ සේවය පමණක් ලබාගන්න.
