වැටී තිබෙන සංචාරක කර්මාන්තය නැංවීම සඳහා නැගෙනහිර ලෙබනනයේ බ්‍රොම්මානා නමැති නගරයේ පොලිස් කාන්තාවන්ගේ නිල ඇඳුම වෙනස් කිරීමට එහි නගරාධිපතිවරයා තීරණය කර ඇති බව විදෙස් මාධ්‍ය වාර්තා කරයි.
ඒ අනුව බ්‍රොම්මානා නගරාධිපති පියේ අච්කාරා යෝජනා කර ඇත්තේ පොලිස් කාන්තාවන්ගේ නිල ඇඳුම කළු පැහැති කොට කලිසමකින් සහ රතු පැහැති තොප්පියක් ඇතුළත් කිරීමය.
නගරාධිපතිවරයා සඳහන් කර ඇත්තේ බ්‍රොම්මානා නගරයට සංචාරකයන් පැමිණීමේ ප්‍රතිශතය සියයට 99 කින් පහළ වැටී ඇති හෙයින් තමන් මෙම යෝජනාව ගෙනා බවය.
නමුත් නගරාධිපතිවරයාගේ මේ යෝජනාවට එරට දැඩි විවේචනයක් ඉදිරිපත්ව ඇති බවද වාර්තා වෙයි.
