ජාතික එකඟතා ආණ්ඩුවක් පිහිටුවීමට ඉදිරිපත් කළ යෝජනා වලට ජනාධිපති ගෝඨාභය රාජපක්ෂ සාර්ථක ප්රතිචාරයක් දැක්වූ බව පාර්ලිමේන්තු මන්ත්රී ජයන්ත සමරවීර පවසයි.
ජනාධිපති සමග අද (29) පැවති සාකච්ඡාව අවස්ථාවේ මේ එකඟතා ඇතිව තිබේ.
එහිදී මාධ්ය වෙත අදහස් දක්වමින් පාර්ලිමේන්තු මන්ත්රී ජයන්ත සමරවීර පවසා ඇත්තේ ජාතික එකඟතා ආණ්ඩුවට එක්වන පක්ෂ නායකයින්ගෙන් සමන්විත ජාතික සභාවක් පිහිටුවා, අගමැතිවරයා සහ ඇමති මණ්ඩලය නම් කිරීම එම ජාතික සභාව තුළින් සිදු කිරීමට යෝජනා වූ බවයි.
ආණ්ඩුවෙන් ස්වාධීන වූ පක්ෂවල නායකයින් සහ ජනාධිපතිවරයා අතර අද පැවති සාකච්ඡාවේදි අවධානය ලක් වු කරුණු පිළිබඳ වැඩිදුරටත් පැහැදිලි කරමින් ජයන්ත සමරවීර මන්ත්රීවරයා පවසා ඇත්තේ , ජනාධිපතිවරයාගේ ප්රධානත්වයෙන් ජාතික එකඟතා ආණ්ඩුවට සම්බන්ධ වන සියලු පක්ෂ නායකයින්ගෙන් සමන්විත ජාතික සභාවක් නිර්මාණය කිරීමට තීරණය වූ බවත් ජාතික එකඟතා ආණ්ඩුවේ ආග්රාමාත්යවරයා කවුරුන් ද යන්න එම ජාතික සභාව තීරණය කරන බවයි.
