ඊයේ (04) රාත්‍රියේ සිරස (Mtv/Mbc) කාර්යාල පරිශ්‍රයට මැර පිරිසක් කඩාවැදී එහි දේපළ වෙත අලාභානි සිදුකළ බව News first lk ෆේස්බුක් පිටුව වාර්තා කරයි.
News first lk ෆේස්බුක් පිටුවේ සටහන 
එහි සඳහන් ආකාරයට මෙසේ කඩාවැදී ඇත්තේ කොළඹ මහනගර සභාවේ කිත්සිරි රාජපක්ෂ මහතාගේ නායකත්වයෙන් යුත් කණ්ඩායමක් වන අතර ඒ බව තහවුරු කරන ජායාරූප පෙළක්ද සමාජ ජාල වෙත මුදාහැර ඇත.
මේ පිළිබඳ ලැබුණු තොරතුරු අනුව පාර්ලිමේන්තුවේ විෂවාසභංග ජන්ද විමසීමේ ප්‍රතිඵල නිකුත්වූ විගස සිරස කාර්යාල පරිශ්‍රය ඉදිරිපිට රතිඤ්ඤා දල්වමින් මේ නින්දිත ප්‍රහාරය එල්ලකර ඇත.
පසුව පොලිසිය එම ස්ථානයට පැමිණි තත්ත්වය සමතයකට පත්කර ඇති අතර මේ සම්බන්ධව පොලිසිය පරීක්ෂණ ආරම්භ කර තිබෙන බවද වාර්තා වෙයි.
පොලිසිය පැමිණ සිදුවීම සමතයකට පත්කරන තුරු කාර්යමණ්ඩලයට එම භූමියෙන් ඉවතට යාමට සහ ඒමට නොහැකිවූ බවද දැනගන්නට ඇත.
මේ සම්බන්ධව නාමල් රාජපක්ෂ මන්ත්‍රීවරයාද සිය twitter ගිණුමේ සටහනක් තබා ඇති අතර ඒ හරහා ආණ්ඩුව සහතික කළ මාධ්‍ය නිදහස, තොරතුරු ලබා ගැනීමේ අයිතිය යහපාලනය යටතේ මෙම වගකීම දරන්නේ කවුරුන්ද? යන්න ප්‍රශ්න කර තිබේ.
නාමල් මන්ත්‍රීවරයාගේ twitter සටහන
මේ එම අම්බරුවන්ගේ ප්‍රහාරය දැක්වෙන ජායාරූප කිහිපයකි.
