Language Switcher

V2025

ගුරු සේවයට බඳවා ගැනීමේ තරග විභාගය කල් යයි

රාජ්‍ය සේවයේ නියුතු උපාධිධාරීන්, ගුරු සේවයට බඳවා ගැනීමේ තරග විභාගය සැලසුම් කළ දිනට නොපැවැත්වෙන බව, විභාග කොමසාරිස් ජනරාල්වරයා අද (23) පස්වරුවේ නිවේදනය කළේය.

ඒ, එම විභාගය අත්හිටුවමින් ශ්‍රේෂ්ඨාධිකරණය අද (23) නිකුත් කළ අතුරු තනහම් නියෝගයට අනුවයි.

අදාළ විභාගය ලබන 25 වැනිදා පැවැත්වීමට තීරණය කර තිබූ නමුත්, විභාග දෙපාර්තමේන්තුව නිවේදනය කළේ,ශ්‍රේෂ්ඨාධිකරණ නියෝගයට යටත්ව අදාළ විභාගය සැලසුම් කළ දින නොපැවැත්වෙන බවයි.

විජිත් මලල්ගොඩ, එච්. එම්. එන්. කේ. නවාස් සහ ජනක් ද සිල්වා යන විනිසුරු මඩුල්ල හමුවේ ඊට එරෙහිව ඉදිරිපත්ව තිබූ පෙත්සම් දෙකක් අද (23) සලකා බැලුණි.

පෙත්සම් ගොනුකර තිබුණේ, උපාධිධාරින්ගේ සංගමයයි.

විභාගය පවත්වන ක්‍රියාවලිය නීත්‍යානූකූල නොවන බැවින් අදාළ ගැසට් නිවේදනය සංශෝධනය කරන්නැයි පෙත්සම්කරුවන් ඉල්ලා සිටියහ.