නුවරඑළිය, පෝර්ට්මොර් වත්ත අගරපතන ප්‍රදේශයේදී දැරියක පැහැරගෙන යෑමේ චෝදනාවට ලක්වූ ලිඳුල නාගරික මන්ත්‍රීවරයාගේ නිවසේ සිටියදී තවත් දරුවෙකු ඊයේ (07) සොයාගෙන ඇති බව නුවරඑළිය පොලීසිය පවසයි.
පෝර්ට්මොර් වත්ත අගරපතන ප්‍රදේශයේදී 2017 වර්ෂයේ වයස අවුරුදු 05ක දැරියක පැහැරගෙන ගොස් මුදලට විකීණිමට අදාළව පසුගියදා ලිඳුල නගරාධිපතිවරයා සහ එහි නාගරික මන්ත්‍රීවරයෙකු අත්අඩංගුවට ගැනීමෙන් අනතුරුව මෙම මස 11 වැනිදා දක්වා රක්ෂිත බන්ධානාගාර කළ අතර මෙම සිද්ධියට අදාළ නාගරික මන්ත්‍රීවරයාගේ නිවසේ සිටියදී ඊයේ (07) තවත් වයස අවුරුදු 11ක පිරිමි දරුවෙකු නුවරඑළිය පොලීසිය විසින් සොයාගෙන තිබේ.
මොවුන් ශ්‍රී ලංකා පොදුජන පෙරමුණ සමඟ කටයුතු කරන අතර ඒකාබද්ධ විපක්ෂය නියෝජයනය කරන සී.බී . රත්නායක මන්ත්‍රීවරයාගේ ළඟම ගෝලයින් බවද අනාවරණය වී ඇත.
ඒ අනුව මේ පිළිබඳව තවදුරටත් විමර්ශන සිදු කරන බව නුවරඑළිය පොලීසිය පවසයි .