පසුගිය මාස කිහිපය තුළ ඉහළ ගොස් තිබූ එළවළු මිල මේ වන විට පහළ යමින් පවතින බව හෙක්ටර් කොබ්බෑකඩුව ගොවි කටයුතු පර්යේෂණ ආයතනය පෙන්වා දෙයි.
ඒ අනුව ප්රධාන ආර්ථික මධ්යස්ථාන සියල්ලේම බෝංචි, කැරට්, අමු මිරිස් සහ මාළු මිරිස් හැර අනෙකුත් සියළුම එළවළු තොග මිල රුපියල් පනහත්, හැටත් අතර මිලකට පහළ ගොස් ඇති බවත් . මිල ගණන් පහළ යාමට හේතුව යල කන්නයේ අස්වනු මේ වන විට වෙළදපොළට ලැබෙමින් පැවතීම බවත් හෙක්ටර් කොබ්බෑකඩුව ගොවි කටයුතු පර්යේෂණ ආයතනය සඳහන් කරයි.
ඒ බව සඳහන් කරමින් එම ආයතය අනාවැකි පළ කර සිටින්නේ ඉදිරි සති කිහිපය තුළ අර්තාපල් සහ ලොකු ළූනු මිලද පහළ යනු ඇති බවය.
එසේම තව සති දෙකකින් අර්තාපල් හා ලොකු ළූනු මිල දැනට වෙළදපොළ තුළ පවතින මිලට වඩා පහළ යනු ඇති බවද හෙක්ටර් කොබ්බෑකඩුව ගොවි කටයුතු පර්යේෂණ ආයතනය සඳහන් කරයි.
