පාර්ලිමේන්තු මන්ත්රී මහින්දානන්ද අලුත්ගමගේට එරෙහිව ගොනු කර තිබෙන නඩුවේ විභාගය ඔක්තෝම්බර් 31 දක්වා කල් තැබීමට කොළඹ මහාධිකරණය නියම කළේය.
එම නඩුව කොළඹ මහාධිකරණ විනිසුරු සම්පත් විජයරත්න මහතා ඉදිරියේ අද(23) කැඳවනු ලැබූ අවස්ථාවේ විත්තිකරු වෙනුවෙන් පෙනී සිටි නීතිඥවරයා සඳහන් කර සිටියේ, මෙම නඩුවට අදාළ කාර්ය සටහන් පසුගිය 21 වනදා තෙක් තමන් වෙත ලැබි නොමැති බවත් එම නිසා එම නඩුවේ වැඩිදුර විභාගය වෙනත් දිනයකට කල් දමන මෙන් ය.
ඒ අනුව එම ඉල්ලීම පිළිගත් මහාධිකරණ විනිසුරු සම්පත් විජයරත්න නඩු විභාගය ඔක්තෝම්බර් මස 31 දක්වා අද වීමට තීන්දු කළේය.
මේ අතර විත්තියේ නීතිඥවරයා කළ ඉල්ලීමක් පිළිගත්ත මහාධිකරණ විනිසුරුවරයා විත්තිකාර මහින්දානන්ද අලුත්ගමගේ මන්ත්රීවරයාට සැප්තැම්බර් මස 7 වනදා සිට 17 දක්වා කාලසීමාව තුළ චීනයේ සංචාරය කිරීම සඳහා දැනට පනවා තිබෙන ගුවන් ගමන් තහනම තාවකාලිකව ලිහිල් කිරීමටද නියම කළේය.
ඔහුගේ විදේශ ගමන් බලපත්රය සැප්තැම්බර් මස 18 වනදා අධිකරණය වෙත ඉදිරිපත් කළ යුතු බවටද අදාළ නියෝගයේ සඳහන් බව වාර්තා වෙයි.
ඉකුත් රජය සමයේ ශ්රී ලංකා නිදහස් පක්ෂයට අනුබද්ධ ශ්රී ලංකා නිදහස් කම්කරු කොංග්රසය නැමැති වෘත්තීය සමිතියට අයත් රුපියල් ලක්ෂ 39 ක මුදලක් සාවද්ය ලෙස පරිහරණය කළේ යැයි මහින්දානන්ද අලුත්ගමගේ මන්ත්රීවරයාට එරෙහිව චෝදනා එල්ල වී ඇත.
