Language Switcher

V2025

ඉසුරගේ වැඩවල ගඳ යවන්න වසරකට කෝටි 3ක් වෙන්කරලා !

බස්නාහිර පළාත් සභාව වෙනුවෙන් ඉදිකරන ලද නව ගොඩනැගිල්ල සුවඳවත් කිරීම සඳහා රුපියල් එක්කෝටි හැටතුන් ලක්ෂ හැට දෙදහස් පන්සියයක (රු:16362500)  මුදලක් වියදම් කර එයාර් ප්‍රෙෂ්නර්  යන්ත‍්‍ර සවිකර ඇති බව වාර්තා වෙයි.

මහල් 15 කින් යුතු නව ගොඩනැගිල්ලේ සෑම කාමරයකටම එයාර් ප්‍රෙෂ්නර් සවිකර ඇති අතර ඒ අනුව රුපියල් 18,700 බැගින් යන්ත‍්‍ර 875 මිලට ගෙන ඇති අතර බස්නාහිර පළාත් සභාවේ සන්ධාන මන්ත්‍රී සුලෝචන ගමගේ ද මේ සම්බන්ධව ඉසුර දේවප්‍රිය ප්‍රධාන අමාත්‍යවරයාට   චෝදනා කර සිටියි.

මෙම  එයාර් ප්‍රෙෂ්නර්   නැවත පිරවීම සඳහා එක් වතාවකට රුපියල් 2,625,000 මුදලක් වැයවන බව ද මන්ත්‍රීවරයා සඳහන් කරන අතර  සති 03කට වතාවක් මෙම යන්න සුවඳ පිරවිය යුතු එක්වතාවක් නැවත පිරවීම සඳහා එක් යන්ත‍්‍රයකට රුපියල් 3000ක් බැගින් යන්ත්‍ර 875ට 2,625,000 මුදලක් වැය වන බව ද මන්ත්‍රීවරයා පෙන්වා දෙයි.

වසරක කාලයක් සඳහා මෙම යන්ත්‍ර වලට සුවඳ පිරවීම සඳහා පමණක් රුපියල් කෝටි තුනකට ආසන්න මුදලක් වැයවන බව ද ඔහු කියා සිටී.