කොවිඩ් 19 වෛරසය ආසාදිත පුද්ගලයෙකු අකුරුණ ප්‍රදේශයෙන් හඳුනාගැනීමත් සමඟ එම ප්‍රදේශය අවදානම් තත්ත්වයක පවතින බව මධ්‍යම පළාත් සෞඛ්‍ය සේවා අධ්‍යක්ෂ වෛද්‍ය අර්ජුන තිලකරත්න පවසයි.
අදාළ පුද්ගලයා ඉන්දියාවේ සිට පැමිණ නිරෝධායන මගහැර සැඟවී සිටි අයෙක් බවද ඔහු පැවසීය.
එසේම අදාළ පුද්ගලයා රෝග ලක්ෂණ මතු වූ පසු රෝහල් ගත වී ඇති බවත් එහිදී ඔහු කොරෝනා ආසාදිත බව තහවුරු වී ඇති බවත් වෛද්‍ය අර්ජුන තිලකරත්න පවසා ඇත.
මේ අතර පසුගිය දින 14 ඇතුළත ඉන්දියාවේ චෙන්නායි සිට පැමිණි පුද්ගලයන් වහා නිරෝධායනයට යොමුවන ලෙස සෞඛ්‍ය අධ්‍යක්ෂ ජනරාල්වරයා දැනුම්දී තිබේ.
අවසන් වතාවට හඳුනාගත් රෝගීන්ගෙන් දෙදෙනෙකු එහි සිට පැමිණි පුද්ගලයන් වීම හේතුවෙන් මෙම තීරණය ගෙන ඇත.
