Language Switcher

V2025

කොරෝනා කොළඹ ප්‍රදේශ වහයි :ඔබේසේකර පුර අරුණෝදය මාවත වහයි !

කොළඹ ඔබේසේකර පුර හී අරුණෝදය මාවත මුළුමනින්ම වසා දැමීමට සෞඛ්‍ය බලධාරීන් කටයුතු කර ඇත.

අද  (29) එසේ සිදුකර ඇත්තේ එම මාවත පදිංචිව සිටි වැඩිහිටියන් 4ක් සහ දරුවන් දෙදෙනකු කොවිඩ් 19 වෛරසය පොසිටිව් බව අනාවරණය වීමත් සමගය.

මෙසේ වසා දැමුණු අරැනෝදය මාවතේ වන්දනාගමනක් සංවිධානය  කල බව කියන  දේව ගැතිවරයා හිතමිතුරන්ගේ මාර්ගයෙන් සම්බන්ධ කර ගැනීමට හැකි වු බව ශ්‍රි ජයවර්ධනපුර කෝට්ටේ මහ නගරසභා ප්‍රධාන මහජන සෞඛ්‍ය පරික්ෂක මාලින්ද ජයවර්ධන පවසයි.

අදාල පුජකවරයා දෙහිවල ප්‍රදේශයේ සිට කෝට්ටේ ප්‍රදේශයට පැමිණි බවත් එහිදී ඔහුගෙන් ලැබු තොරතුරැ වලට අනුව බස් රථ දෙකක් ගමනට සහභාගී වී ඇති බවබවත් මහජන සෞඛ්‍ය පරීක්ෂක වැඩිදුරටත්  පැවසීය.

ඉකුත් 13 වැනිදා සුරිය කන්ද උපදේශන මෙහෙයකට සහභාගී වී 15 වැනිදා පිරිස නැවත පැමින ඇති බවත් ඔහු සඳහන් කරයි.

ගමනට සහභාගී වු පිරිසගේ නාම ලේඛන සහ බස් රථ තොරතුරැ තමා වෙත ලබා දෙමින් නිලධාරින්ට හැකි සැම ආකාරයකටම සහය දැක්වීමට දේව ගැතිවරයා එකඟතාවය පල කල බවත් ඔහු පවසයි.

සිදුවීමට අදාල පරික්ෂණ කටයුතු  ශ්‍රී ජයවර්ධනපුර කෝට්ටේ මහ නගරසභා ප්‍රධාන සෞඛ්‍ය වෛද්‍ය නිලධාරි මනෝජ් රොද්‍රිගෝ ගේ අධික්ෂණයෙන් මහජන සෞඛ්‍ය පරික්ෂක ලහිරැ කරැනාරත්න විසින් සිදු කලහ.