V2025

පුවත්

මාස අටක බිළිඳියක් "දූෂණය කරලා"

පවුලේ සමීප ඥාතියකු විසින් දූෂණය කරන ලද බව විශ්වාස කෙරෙන මාස අටක බිළිඳියක් අසාධ්‍ය තත්වයෙන් පසුවෙන බව ඉන්දියාවේ දිල්ලි අගනුවර පොලිසිය නිවේදනය කළේය.

ඉරිදා (ජනවාරි 28) රැකියාව නිමකොට නිවසට පැමිණි දෙමව්පියන් බිලිඳු දැරිය තබා තිබුණ ඇඳ ලෙයින් තෙත්ව තිබෙනු දැක ඇය රෝහලට ගෙනගොස් ඇති බව වාර්තා වේ.

දැරිය ප්‍රතිකාර ලබන රෝහලට ගොස් ඇයගේ සුව දුක් විමසූ දිල්ලි අගනුවර කාන්තා කොමිසමේ ප්‍රධානී ස්වාති මලිවාල් (Swati Maliwal) අදහස් දක්වමින්, දැරියට "දරුණු" තුවාල ලබා සිටින බව සඳහන් කළාය.

වෛද්‍යවරුන් බිළිඳියට පැය තුනක සැත්කමක් කර තිබෙන බව ට්විටර් පණිවුඩයක සඳහන් කරන ස්වාති මලිවාල්, වේදනාවෙන් කෑගසන දැරියගේ හඬ රෝහල පුරා නින්නාද දුන් බවත් පවසයි.

එම ළමා දූෂණය සම්බන්ධයෙන් සැකපිට දැරියගේ ඥාති සහෝදරයකු වන 28 හැවිරිදි පුද්ගලයකු අත්අඩංගුවට ගත් බවත් දිල්ලි පොලිසිය නිවේදනය කළේය.

image 760x400
2016 වසරේදී ඉන්දියාවේ දැරියන් 19,765 දෙනෙකු දූෂණයට ලක් වී තිබේ

 මාස අටක බිළිඳියක් දූෂණය කිරීම පිළිබඳව බොහෝ ඉන්දීය වැසියන් කම්පනයට පත්වූ නමුත්, මෙවැනි අපරාධ අසාමාන්‍ය තත්වයක් නොවන බව ආණ්ඩුවේ දත්හ විමසා බැලීමේදී හෙළිවන බව දිල්ලි නුවර සිටින බීබීසී වාර්තාකාරිය ගීතා පාන්ඩේ පවසයි.

එමෙන්ම එවැනි බරපතල අපරාධ ඉහළ යමින් තිබෙන බව ද නිල සංඛ්‍යාලේඛන අනුව පෙනී යයි.

ජාතික අපරාධ වාර්තා බියුරෝවේ දත්තවලට අනුව, 2016 වසරේදී ඉන්දියාවේ දැරියන් 19,765 දෙනෙකු දූෂණයට ලක් වී තිබේ. එය, 2015 වසරට සාපේක්ෂව 82% ක ඉහළ යාමකි. 2015 දී දැරියන් 10,854 දෙනෙකු දූෂණයට ලක් වී තිබේ.

මීට වසර කිහිපයකට ඉහතදී සිය මව සමග නිදා සිටි මාස එකොළහක් වයසැති බිළිඳියක පැහැරගෙන ගිය අසල්වැසියෙකු, පැය දෙකක් මුළුල්ලේ ඇය දූෂණය කළ බව ගීතා පාන්ඩේ සිහිපත් කරයි.

2015 නොවැම්බර් මාසයේ හයිදරාබාද් නගරයේදී තුන් මස් වියැති බිළිඳියක පැහැරගෙන ගොස් අතවර කිරීම එවැනි තවත් අවස්ථාවකි.

2012 දී වෛද්‍ය ශිෂ්‍යාවක බස් රථයකදී සමූහ දූෂණයට ලක් කොට මරා දමනු ලැබීමෙන් අනතුරුව ලිංගික ප්‍රචණ්ඩත්වය පිළිබඳව ඉන්දියාව පුරා ප්‍රබල විවාදයකට තුඩු දුන්නේය.

23 හැවිරිදි ශිෂ්‍යාවගේ මරණයත් සමගම රට පුරා මතු වූ දැවැන්ත උද්ඝෝෂණ හේතුවෙන් ස්ත්‍රී දූෂණයට එරෙහිව දඬුවම් දැඩි කරමින් නව නීති සම්පාදනය කිරීමට ආණ්ඩුවට සිදු විය.

ඒ සමගම ස්ත්‍රී දූෂණය සම්බන්ධයෙන් විවෘතව දහස් දැක්වීමටත් බොහෝ දෙනා පෙළඹුණු නමුත් කාන්තාවන්ට සහ දැරියන්ට එරෙහි කුරිරු ලිංගික අතවර තවදුරටත් දිනෙන් දින රට පුරා විවිධ ප්‍රදේශවලින් වාර්තාවේ.

(බීබීසී සිංහල සේවය)

Comment (0) Hits: 890

''බැඳුම්කරයෙන් හොරා කාපු හැම සතයක්‌ම ආපහු ගන්නවා'' - ජනාධිපති

''බැඳුම්කරයෙන් හොරා කාපු හැම සතයක්‌ම ආපහු ගන්නවා'' යයි බැඳුම්කර වාදය තවදුරටත් ඉදිරියට ගෙන යමින් ජනාධිපති මෛත්‍රීපාල සිරිසේන මහතා අවධාරණය කර සිටියි.

රිකිල්ලගස්‌කඩ නගරයේ සමුපකාර භූමියේ ඉකුත් 29 වැනිදා පැවැති ජනතා රැලියට එක්‌වෙමින් එසේ පැවසු ජනාධිපතිවරයා, වැඩිදුරටත් මෙසේද කියා සිටියේය.

''මහ බැංකු බැඳුම්කර කොමිෂන් වාර්තාවේ පැහැදිලිව තියනවා මේ ආණ්‌ඩුවට සම්බන්ධ අයයි කොම්පැණි කාරයොයි රජයේ සේවයකයොයි එකතු වෙලා අහිංසක වතුකම්කරුවගේ සේවක අර්ථසාධක අරමුදලේ ඉඳල ජනතාවගේ සල්ලි කෝටි දහස්‌ ගණනක්‌ 2008 වර්ෂයේ ඉඳලා 2016 දක්‌වා හොරකම් කරලා තිබෙන බව.

මේ හොරකම් කරපු හැම සතයක්‌ම ආපහු ගන්න අපි කටයුතු කරනවා''

අලාභය' අයකර ගැනීමට අලුතින් නීති රීති !

බැඳුම්කර කොමිෂන් සභා වාර්තාවේ නිර්දේශයන්ට අනුකුලව රජයට සිදුවූ අලාභය නැවත අයකර ගැනීම සඳහා කඩිනම් ක්‍රියාමාර්ග ගන්නා බව ජනාධිපති මෛත්‍රීපාල සිරිසේන මහතා පසුගිය 29 දා දේශපාලන පක්ෂ නායකයින් දැනුවත් කිරීම සඳහා ජනාධිපති කාර්යාලයේ පැවති රැස්වීමේදී ද සඳහන් කළේය .

කොමිසමේ නිර්දේශවලට අනුව එහි ඉදිරි පියවර සඳහා අවශ්‍ය නව නීති සම්පාදනය සහ පවතින අණ පනත්වල සංශෝධනවලට අදාළව කෙටුම්පත් මේ වන විට සකසමින් පවතින බව ද ජනාධිපතිවරයා පැවසිය.

අල්ලස් හෝ දූෂණ චෝදනා කොමිසන් සභා පනත 1994 සිට මේ දක්වා සංශෝධනය වී නොමැති අතර ඊට අදාළ නීති කෙටුම්පත් සකස් කිරීම මේ වන විට අවසන් අදියරේ පවතින බවත්, එය ඉදිරි සති කිහිපය තුළ කැබිනට් මණ්ඩලයට ඉදිරිපත් කිරීමට කටයුතු කරන බවත් ජනාධිපතිවරයා එහිදී කියා සිටියේය.

Comment (0) Hits: 846

ඇමැතිකම නැතිවූ රවීට නියෝජ්‍ය නායකකමත් නැතිවෙයි

රවී කරුණානායක මහතා පක්ෂයේ නියෝජ්‍ය නායක ධූරයෙන් ඉවත්වන්නේ නම් යහපත් බව රනිල් වික්‍රමසිංහ මහතා ප්‍රකාශ කර තිබේ.

එක්සත් ජාතික පක්ෂයට සහාය පළකරන පක්ෂවල නායකයන් පිරිසක් සමඟ පැවති හමුවකදී අග්‍රාමාත්‍යවරයා මේ බව සඳහන් කර ඇති බව වාර්තා වේ.

එසේම බැඳුම්කර වංචාව සඳහා සම්බන්ධ වූ එක්සත් ජාතික පක්ෂයේ සාමාජිකයන් පිළිබඳ පියවර ගැනීම සඳහා පත්කළ කොමිසමද රවී කරුණානායක මහතා එම ධූරයෙන් ඉවත්කළ යුතු බවට නිර්දේශ කර ඇතැයි එජාප අභ්‍යන්තර ආරංචි මාර්ග පවසයි.

තිලක් මාරපන මහතාගේ ප්‍රධානත්වයෙන් මෙම කොමිසම පත්කරණු ලැබුවේ එජාපයේ සාමාජිකයන් බැඳුම්කර වංචාවට යම් සම්බන්ධයක් ඇතිදැයි සෙවීමට සහ එවැනි සම්බන්ධකම් පැවැත්වූ පුද්ගලයන්ට එරෙහිව ගතයුතු පියවර පිළිබඳ උපදෙස් ලබාදීම සඳහායි.

මෙම පුවත ඩේලිමිරර් වෙබ් අඩවියෙන් උපුටා ගැනුනකි.

Comment (0) Hits: 900

බැදුම්කර විවාදයට 06දා පාර්ලිමේන්තුවේ

මහබැංකු බැඳුම්කර පිළිබඳ ජනාධිපති කොමිෂන් සභා වාර්තාව පාර්ලිමේන්තුවේ විවාදයට ගැනීම පෙබරවාරි මස 06 දින පෙ.ව. 10.30 ට පැවැත්වෙන බව කථානායක මාධ්‍ය අංශය පවසයි.

මෙම තීරණය ගනු ලැබුවේ පළාත් පාලන මැතිවරණයට පෙර බැඳුම්කර සහ බරපතළ වංචා විමර්ශන කොමිසම් වාර්තා සම්බන්ධයෙන් පාර්ලිමේන්තු විවාදයක් පැවැත්විය හැකිද යන්න තීරණය කිරීම සඳහා විශේෂ පක්ෂ නායක රැස්වීමක් අද (30) දහවල් පැවති අවස්ථාවේදීය.

අද දහවල් 12.00ට කථානායක කරූ ජයසූරිය මහතාගේ ප්‍රධානත්වයෙන් පැවැත්වීමට නියමිත මෙම රැස්වීමට මැතිවරණ කොමිසමේ සභාපති මහින්ද දේශප්‍රිය මහතාට ද ආරාධනා කර තිබූ බව කථානායක කාර්යාලය පවසයි.

පාර්ලිමේන්තුවට ඉදිරිපත් කරන ලද බැඳුම්කර කොමිසමේ වාර්තාව සහ බරපතළ වංචා විමර්ශන කොමිසමේ වාර්තාව පිළිබඳව විවාදයක් අවශ්‍යයැයි විපක්ෂයෙන් කෙරුණු ඉල්ලීමට අනුව පෙබරවාරි 08 වනදාට විවාදයක් ලබාදිය හැකියැයි අග්‍රාමාත්‍යවරයා ප්‍රකාශ කළේ‍ය.

 නමුත් පළාත් පාලන මැතිවරණයේ ප්‍රචාරක කටයුතු පෙබරවාරි 07 වනදා මධ්‍යම රාත්‍රියෙන් අවසන් වීමට නියමිත බැවින් පෙබරවාරි 08 වනදාට අදාළ විවාදය පැවැත්වුවහොත් එහි තොරතුරු මාධ්‍ය මඟින් අනාවරණය විම නොවැළැක්විය හැකි බවත් එය මැතිවරණ නීතිවලට පටහැණි විය හැකි බවත් විවිධ පාර්ශ්ව විසින් පෙන්වා දෙනු ලැබීමෙන් අනතුරුව විවාදය 06 දින පැවැත්වීමට තීරණය වී තිබේ.

Comment (0) Hits: 963

නිදහස් දිනය වෙනුවෙන් රටවල් 118ක සැමරුම්

ශ්‍රී ලංකාවේ 70 වැනි ජාතික නිදහස් දිනය සැමරීම වෙනුවෙන් ලෝකයේ රටවල් 118ක උත්සව සංවිධානය කර ඇති බව වාර්තා වේ.

විදේශ කටයුතු අමාත්‍යංශයේ මෙහෙයවීමෙන් විදෙස් රටවල පිහිටි ශ්‍රී ලංකා තානාපති කාර්යාල සහ එම රටවල ශ්‍රී ලාංකිකයින්ගේ සංවිධාන මගින් මෙම නිදහස් උත්සව සංවිධානය කොට ඇතැයි ස්වදේශ කටයුතු අමාත්‍ය වජිර අබේවර්ධන මහතා පැවසීය.

අමාත්‍ය වජිර අබේවර්ධන මහතා වැඩිදුරටත් සඳහන් කළේ මෙවර නිදහස් උත්සවය සඳහා බ්‍රිතාන්‍ය රජ පවුලේ එඩ්වඩ් කුමරු ප්‍රධාන අමුත්තා වශයෙන් සහභාගිවන බව සහ ජපානය සහ චීනයෙන් ද විශේෂ නියෝජිත පිරිස් පැමිණෙන බවයි.

Comment (0) Hits: 1027

ඡන්දය කල්යාමක් නැහැ : බැඳුම්කර විවාදය පෙබ. 06

පෙබරවාරි මස 06 දින පෙ.ව. 10.30 ට පාර්ලිමේන්තුව රැස්වීමට නියමිත වන අතර, එහිදී බරපතල වංචා හා දූෂණ පිළිබඳ ජනාධිපති කොමිෂන් සභා වාර්තාව සහ මහබැංකු බැඳුම්කර පිළිබඳ ජනාධිපති කොමිෂන් සභා වාර්තාව පාර්ලිමේන්තුවේ විවාදයට ගැනෙනු ඇත.

පාර්ලිමේන්තු කටයුතු පිළිබඳ කාරක සභාව (පාර්ලිමේන්තුවේ පක්ෂ නායක රැස්වීම) අද (30) දහවල් 12.00ට කථානායක කරු ජයසුරිය මහතාගේ ප්‍රධානත්වයෙන් රැස්වූ අවස්ථාවේදී එම තීරණය ගෙන තිබේ.

මෙම අවස්ථාව සඳහා නියෝජ්‍ය කථානායක තිලංග සුමතිපාල, පාර්ලිමේන්තු කටයුතු පිළිබඳ කාරක සභාව නියෝජනය කරන ඒ ඒ පක්ෂ නියෝජිතයන් වන අමාත්‍ය ලක්ෂ්මන් කිරිඇල්ල. අමාත්‍ය මහින්ද සමරසිංහ, පාර්ලිමේන්තු මන්ත්‍රි දිනේෂ් ගුණවර්ධන, පාර්ලිමේන්තු මන්ත්‍රී රවි කරුණානායක , පාර්ලිමේන්තු මන්ත්‍රී විජිත හේරත් සහ යන මහත්වරු සහභාගී වූහ.

ඊට අමතරව ද්‍රවිඩ ජාතික සන්ධානයේ නියෝජිතයා ලෙස පාර්ලිමේන්තු මන්ත්‍රී ඒ. සුමන්තිරන් මහතා ද සහභාගී විය.

මෙම අවස්ථාවට කථානායකවරයාගේ විශේෂ ඇරයුම පරිදි මැතිවරණ කොමිසන් සභාවේ සභාපති මහින්ද දේශප්‍රිය මහතා හා එහි සෙසු සමාජිකයන් දෙදෙනා වන ජනාධිපති නීතිඥ නලින් ජයන්ත අබේසේකර, මහාචාර්ය සැමුවෙල් රත්නජීව සහ මහත්වරු සහ අතිරේක මැතිවරණ කොමසාරිස් එම්.එම්.මොහොමඩ් යන මහත්වරුද එක් වූහ.

එළඹෙන පෙබරවාරි 08 දින පාර්ලිමේන්තුව කැඳවීම පිළිබඳව අග්‍රාමාත්‍යවරයා විසින් පලකර ඇති අදහස් සහ එහිදී ඇති විය හැකි ප්‍රයෝගික තත්වයන් පිළිබඳව මැතිවරණ කොමිෂන් සභාව පෙන්වා දී ඇති කරුණු කෙරෙහි රැස්වීමේ මූලික අවධානය යොමු විය.

සාධාරණ නීතිගරුක මැතිවරණයක් සඳහා:

මෙහිදී මැතිවරණ කොමිෂන් සභාවේ සභාපති වරයා ඇතුළු කොමිෂන් සභාව විසින් සාධාරණ නීතිගරුක මැතිවරණයක් පැවැත්වීම සඳහා ගෙන ඇති පියවර අගය කල කථානායක කරු ජයසුරිය මහතා පෙන්වා දුන්නේ ඔවුන් විසින් සාර්ථක අන්දමින් ඉටුකරමින් පවතින මැතිවරණ පැවැත්වීමේ ක්‍රියාවලියට බාධා නොවන ලෙස තීරණ ගැනීම සුඳුසු වන බැවින්, හැකියාවක් තිබේ නම් පෙබරවාරී 08 වන දාට පෙර දිනයක පාර්ලිමේන්තුව කැදවීම සඳහා සලකා බැලීම සුදුසු බවයි.

පක්ෂ නායක රුස්වීමට එක් වූ බහුතර පිරිසද එය අනුමත කරමින් අදහස් දැක්වූහ.

අනතුරුව මෙම කරුණු පිළිබඳව අග්‍රාමාත්‍යවරයාගේ ද මතය විමසා සිටි අතර, ඔහු දන්වා සිටියේ පෙබරවාරී 06 දින පාර්ලිමේන්තුව රැස්කිරිම යෝග්‍යවනු ඇති බවයි.

ඒ අනුව ස්ථාවර නියෝග 14 යටතේ, එදින පාර්ලිමේන්තුව කැඳවන ලෙස ගරු අග්‍රාමාත්‍යවරයා විසින් කථානායකවරයා ගෙන් නිල වශයෙන් ඉල්ලා සිටින ලදී.

Comment (0) Hits: 965

ජල සම්පාදන සහ දුම්රිය සේවකයන් වර්ජනයේ

වැටුප් වර්ධක ලබා නොදීමට විරෝධය පළ කරමින් අද(30) උදෑසන 9 සිට පැය 4 ක බස්නාහිර පළාතට අයත් සේවකයන් සංකේත වැඩවර්ජන ක්‍රියාමාර්ගයක් ක්‍රියාත්මක කරන බව ජල සම්පාදන වෘත්තීය සමිති ඒකාබද්ධ සන්ධානය පවසයි.

එහි කැඳවුම්කරු ඉංජිනේරු උපාලි රත්නායක මහතා සඳහන් කළේ මෙම සංකේත වැඩ වර්ජන ක්‍රියාවලිය නිසා මනු සටහන් ගැනීම, බිඳ වැටීම් අලුත්වැඩියා කිරීම, පාරිභෝගික සේවා කටයුතු මෙන්ම කාර්යාල කටයුතු, සිදුනොවන බවයි.

අමාත්‍යවරයා ගෙන් වසර මුළුල්ලේම සාකච්ඡාවක් ඉල්ලා සිටියද මේ දක්වා එය නොලැබුණු බවත් පළමු පියවර ලෙස සංකේත වැඩවර්ජනට අමතරව රත්මලාන ගොලුමඩම හංදිය ප්‍රධාන කාර්යාලයට එක් රැස්වී දැවැන්ත උද්ඝෝෂණ ව්‍යාපාරයකද නිරතවෙන බව උපාලි රත්නායක මහතා සඳහන් කර සිටියි.

 

දුම්රිය සේවක වැඩ වර්ජනය

චීන දුම්රිය මැදිරිවල පවතින තිරිංග දෝෂවලට විරෝධය පළ කරමින් දුම්රිය නියාමකයින් සහ රියැදුරන් ආරම්භ කළ වෘත්තිය සමිති ක්‍රියාමාර්ගය අද 7 වැනි දිනටත් ක්‍රියාත්මක වේ.

ලොකමොටෙව් දුම්රිය ඉංජිනේරුවන්ගේ සංගමයේ ලේකම් ඉන්දික දොඩංගොඩ මහතා පැවසුවේ බලධාරීන්ගෙන් ඊට නිසි විසඳුම් නොලැබීම හේතුවෙන් සිය වෘත්තීය සමිති ක්‍රියාමාර්ගය අඛණ්ඩව ක්‍රියාත්මක වන බවයි.

 

මේ අතර අවම වශයෙන් පෙබරවාරි 15 වන දා දක්වා, ඡන්ද විමසීමට බාධාවක් වන කිසිදු කටයුත්තකින් වළකින ලෙස මැතිවරණ කොමිෂන් සභාව සියලු වෘත්තිකයින්ගෙන් හා වෘත්තීය සමිතිවලින් ඉල්ලා තිබුණි .

Comment (0) Hits: 988

කළු සල්ලි ජාවාරම් ලැයිස්‌තුවේ 11 වැනි තැන ශ්‍රී ලංකාවට

මුදල් විශුද්ධිකරණය, ත‍්‍රස්තවාදයට මුදල් සැපයීම ඇතුළුව ජාත්‍යන්තර මූල්‍ය පද්ධතියට එල්ලව ඇති තර්ජනවලට එරෙහිව කටයුතු කිරීමට ප‍්‍රමාණවත් පියවර ගෙන නොමැති රටවල්  ලයිස්තුවේ  11 වැනි රට ලෙස ශ්‍රී ලංකාව නම්කර ඇත.
 
අන්තර් රාජ්‍ය මූල්‍ය ක්‍රියාමාර්ග කාර්ය සාධක බළකාය (FATF) විසින් නිකුත් කළ වාර්තාවක් හරහා මේ බව අනාවරණය කර ඇත.
 
එම කාර්ය සාධක බලකාය සකස් කල වාර්තාවට අනුව අනෙකුත් රටවල් 10 වන්නේ, බොස්නියාව සහ හර්සගොවීනා, උතුරු කොරියාව, ඉතියෝපියාව, ඉරානය, ඉරාකය, සිරියාව, ටි‍්‍රනිඩෑඩ් සහ ටුබාගෝ, ටියුනීසියාව, වනවාටු සහ යේමනය යි.
 
මෙම රටවල් අනාවරණය කරමින් අන්තර් ආණ්ඩු මූල්‍ය කි‍්‍රයාකාරී කාර්ය සාධක බලකාය සඳහන් කර  සිටින්නේ කළු සල්ලි ජාවාරම නිසා ජාත්‍යන්තර මූල්‍ය ජාලයට තර්ජනයක්‌ වී ඇති පසුබිමේ එය වළක්වාලීමට නිසි පියවර ගැනීමට අසමත් මෙම  රටවල් දැඩි අවදානම් සහිත සහ පාලන අධීක්ෂණයට ලක් විය යුතු රටවල් ලෙස සැළකිය යුතු බවය.
 
මුදල් විශුද්ධිකරණය, ත‍්‍රස්තවාදයට මුදල් සැපයීම ඇතුළුව ජාත්‍යන්තර මූල්‍ය පද්ධතිය එල්ලව ඇති තර්ජනවලට එරෙහිව කටයුතු කිරීමේදී නීතිමය, නියාමන සහ කි‍්‍රයාකාරී පියවර ගන්නා මෙම කාර්ය සාධක බලකාය, තම නිර්දේශ නිසි අයුරින් රටවල් පිළිපදින්නේ ද යන්න පිළිබඳව ද අධීක්ෂණය කරයි.
 
මෙම කාර්ය සාධක බලකාය සමග එක්ව කටයුතු කිරීමට ශී‍්‍ර ලංකාව 2017 ඔක්තෝබර් මාසයේදී එකගත්වය පළ කළ අතර  ඊට අදාළව ඇති නිර්දේශ 40ක් මේ වසර අවසන් වීමට පෙර  කි‍්‍රයාත්මක කිරීමට ශී‍්‍ර ලංකා මහබැංකුව බලාපොරොත්තු වන බවද දැනගන්නට ඇත.
Comment (0) Hits: 1075

රටපුරා වෛද්‍ය වර්ජනයක්: අඛණ්ඩ වර්ජනයක් ද? තීන්දුව අද

ඉල්ලීම් ගණනාවක් මුල් කර ගනිමින් අද (ජනවාරි 30) දීපව්‍යාප්ත වැඩවර්ජනයක් ආරම්භ කිරීමට රජයේ වෛද්‍ය නිලධාරීන්ගේ සංගමය තීරණය කර තිබේ.

වර්ජනය එක් දින වර්ජනයක් ද නැතිනම් අඛණ්ඩ වර්ජනයක් ද යන්න සිය සංගමය පසුව දැනුම්දෙන බව රජයේ වෛද්‍ය නිලධාරීන්ගේ සංගමයේ වෛද්‍ය නවින් ද සොයිසා මහතා කියා සිටියේය.

මාලඹේ සයිටම් පුද්ගලික වෛද්‍ය විද්‍යාලය අහෝසි නොකිරිම මුල් කරගනිමින් ඉහත කී වර්ජනය පැවැත්වුවත් තවත් වෘත්තීය ඉල්ලීම් ගණනාවක් ඉටු නොකිරීමට විරෝධය පෑම ද වර්ජනයේ එක් අරමුණක් වී ඇති බව රජයේ වෛද්‍ය නිලධාරීන්ගේ සංගමය පවසයි.

තම ඉල්ලීම් ඉටු නොකළහොත් වර්ජනයක් සඳහා යන බව රජයේ වෛද්‍ය නිලධාරීන්ගේ සංගමය පසුගිය 15 වෙනිදා සෞඛ්‍ය බලධාරීන් වෙත ලිපියක් යවමින් දැනුම්දී තිබුණි.

කෙසේ වෙතත් ඒ සඳහා රජයෙන් යහපත් ප්‍රතිචාර හිමි නොවූ බව අද වර්ජනය කැඳවමින් රජයේ වෛද්‍ය නිලධාරීන්ගේ සංගමය කියා සිටී.

 ඉල්ලීම් මොනවාද?

සයිටම් අර්බුදයට අමතරව රජයේ වෛද්‍ය නිලධාරීන්ගේ සංගමය රජයට ඉදිරිපත් කර ඇති ඉල්ලීම් පහත දැක්වේ.

  • මූලික වැටුපට අනුපාතිකව වෛද්‍යවරුන්ගේ අතිකාල දීමනා සංශෝධනය කිරීම 
  • කැබිනට් පත්‍රිකා යොදාගනිමින් රාජ්‍ය සේවයේ තෝරාගත් ඛාණ්ඩ සඳහා ජාතික වැටුප් ප්‍රතිපත්තිය උල්ලංඝනය කරමින් වැටුප් ලබාදීමට දෙන උත්සාහයට විරෝධය පළකිරීම
  • වෛද්‍යවරුන්ගේ ප්‍රවාහන දිමනාව වර්තමානයට ගැලපෙන පරිදි සංශෝධනය නොකිරීම
  • තීරු බදු සහන සහිත වාහන බලපත් ක්‍රමයේ වටිනාකම පහත දැමීමේ යෝජනාවලට විරෝධය
  • රාජ්‍ය සේවයේ වෘත්තීයවේදී ඛාණ්ඩ සඳහා ලබාදෙන දීමනා මත ඇතිකර තිබු බදු සහන ඉවත් කිරීමට විරෝධය පළකිරීම
  • වෛද්‍යවරුන්ට ලබාදෙන සන්නිවේදන දීමනාව රුපියල් 4,000 සිට 2,500 දක්වා අඩුකිරීමට විරෝධය
  • පුද්ගලික වෛද්‍ය සේවා නියාමන අධිකාරි පනතට ලබාදුන් සංශෝධන ක්‍රියාත්මක කිරීමකින් තොරව බලහත්කාරී ලෙස ක්‍රියාත්මක කිරීමට යාම.

Hospital on strike 2වෛද්‍ය වර්ජනය නිසා 'තැලෙන්නේ අපි තමයි'

පුද්ගලික වෛද්‍ය සේවා නියාමන වැඩපිළිවෙලට විරෝධයක් ද ?

ඉහත කී වෘත්තීය සමිති ක්‍රියා මාර්ගය හරහා ජනතාවට වන බලපෑම් පිළිබඳ වගකීම "අත්තනෝමතිකව වෛද්‍යවරුන්ගෙන් පළිගන්නා" බලධාරීන් භාර ගත යුතු බව රජයේ වෛද්‍ය නිලධාරීන්ගේ සංගමය පවසයි.

මේ අතර සෞඛ්‍ය අමාත්‍යංශයේ ප්‍රකාශකයෙක් සඳහන් කළේ පෙබරවාරි 04 වෙනිදා එළිදැක්වීමට නියමිත පුද්ගලික වෛද්‍ය සේවා නියාමන වැඩපිළිවෙලට විරෝධය පළකරමින් වෛද්‍යවරුන් මෙම වර්ජනයේ යෙදෙන බවය.

සයිටම් අර්බුදයට මෙන්ම අනිකුත් ඉල්ලීම්වලට සාධාරණ විසදුම් ලබාදී තිබියදී මෙලෙස වර්ජනය කිරීම අසාධාරණ බව ඔහුගේ අදහස විණි.

කුමන බාධක පැමිණියත් ලබන 4 වෙනිදා වන විට පුද්ගලික වෛද්‍ය සේවා නියාමන වැඩපිළිවෙල ක්‍රියාත්මක කරන බව ඔහු අවධාරණය කර සිටියේය.

සෞඛ්‍ය අමාත්‍ය රාජිත සේනාරත්න මහතා ඉරිදා පැවති උත්සවයකදී අදහස් දක්වමින් ලබන 4 වෙනිදා පෞද්ගලික වෛද්‍ය සේවා නියාමන වැඩපිළිවෙල ක්‍රියාත්මක කරන බව ප්‍රකාශ කර තිබුණි.

hospital 1000px

"අද දින මට කොළඹ පෞද්ගලික රෝහලක ප්‍රතිකාර ලබන රෝගියෙක් කතා කළා. එම රෝගියා රෝහලට ඇතුලත් කර ඇත්තේ හෘද සැත්කමක් සදහායි. එම පෞද්ගලික රෝහල රෝගියාට පළමුව ප්‍රකාශ කර තිබෙනවා හෘද සැත්කම සදහා රුපියල් ලක්ෂ 07 ක මුදලක් වැය වෙනවා කියලා. සැත්කම සිදු කළ පසු රුපියල් ලක්ෂ 12 ක් ඉල්ලා තිබෙනවා,"

"නමුත් රෝගය සුව නොවීම නිසා එම රෝගියා තවමත් ඉන්නේ රෝහලේ. මේ වන විට බිල රුපියල් ලක්ෂ 18 ක් වෙලා. මේ නිසා රෝගීන් දැඩි අසීරුතාවයට පත්ව සිටිනවා. එම නිසයි පෞද්ගලික රෝහල් නියාමනය කළ යුත්තේ," යනුවෙන් සෞඛ්‍ය ඇමතිවරයා ප්‍රකාශ කර තිබුණි.

පුද්ගලික රෝහල්වලින් අයකරන එක් එක් ගාස්තු සඳහා උපරිම මිලක් නියම කිරීමට සෞඛ්‍ය අමාත්‍යංශය බලාපොරොත්තු වේ.

මේ අතර ඉරිදා මාධ්‍ය හමුවක් අමතමින් මැතිවරණ කොමිසමේ සභාපති මහින්ද දේශප්‍රිය වෘත්තීය සමිතිවලින් ඉල්ලා සිටියේ පෙබරාවාරි 10 වෙනිදා පැවැත්වෙන පළාත් පාලන මැතිවරණය අවසන් වන තෙක් වෘත්තීය ක්‍රියාමාර්ගවල නොයෙදෙන ලෙසය.

(බීබීසී සිංහල සේවය)

 

Comment (0) Hits: 901

ඇලෝසියස්ගෙන් 'අලාභය' අයකර ගැනීමට අලුතින් නීති රීති !

බැඳුම්කර කොමිෂන් සභා වාර්තාවේ නිර්දේශයන්ට අනුකුලව රජයට සිදුවූ අලාභය නැවත අයකර ගැනීම සඳහා කඩිනම් ක්‍රියාමාර්ග ගන්නා බව ජනාධිපති මෛත්‍රීපාල සිරිසේන මහතා පවසයි.

කොමිසමේ නිර්දේශවලට අනුව එහි ඉදිරි පියවර සඳහා අවශ්‍ය නව නීති සම්පාදනය සහ පවතින අණ පනත්වල සංශෝධනවලට අදාළව කෙටුම්පත් මේ වන විට සකසමින් පවතින බව ද ජනාධිපතිවරයා කියා සිටියි.

මහ බැංකු බැඳුම්කර නිකුතුව සම්බන්ධ ජනාධිපති කොමිසමේ වාර්තාවට අදාළව මේ වන විට ක්‍රියාත්මක කරමින් පවතින වැඩපිළිවෙළ පිළිබඳව දේශපාලන පක්ෂ නායකයින් දැනුවත් කිරීම සඳහා ජනාධිපති කාර්යාලයේ ඊයේ (29) පැවති රැස්වීමේදී ජනාධිපතිවරයා ඒ බව සඳහන් කළේය .

අල්ලස් හෝ දූෂණ චෝදනා කොමිසන් සභා පනත 1994 සිට මේ දක්වා සංශෝධනය වී නොමැති අතර ඊට අදාළ නීති කෙටුම්පත් සකස් කිරීම මේ වන විට අවසන් අදියරේ පවතින බවත්, එය ඉදිරි සති කිහිපය තුළ කැබිනට් මණ්ඩලයට ඉදිරිපත් කිරීමට කටයුතු කරන බවත් ජනාධිපතිවරයා එහිදී කියා සිටියේය.

අවුරුදු 23 කට දුෂණ පනතෙන් 'දඬුවම් කළේ හතර දෙනාටයි'

1994 සිට මේ දක්වා සංශෝධනය වී නොමැති අල්ලස් හෝ දූෂණ චෝදනා කොමිෂන් සභා පනත සංශෝධනය කිරීමේ නීති කෙටුම්පත් සකස් කිරීම මේ වන විට අවසන් අදියරේ පවතින අතර, එය ඉදිරි සති කිහිපය තුළ කැබිනට් මණ්ඩලයට ඉදිරිපත් කිරීමට කටයුතු කරන බවත් කොමිෂන් සභාවේ නිගමනයන් හා නිර්දේශ මත ශ්‍රී ලංකා මහ බැංකුවේ කළයුතු වෙනස්කම්වලට අදාළව ද නව සැලැස්මක් මේ වන විට සකස් කරමින් පවතින බවත් මහ බැංකු අධිපතිවරයා මෙහිදී ප්‍රකාශ කළේය.

හිටපු ජනාධිපතිනි චන්ද්‍රිකා කුමාරතුංගගේ පාලනය සමයේ අල්ලස් සහ දූෂණ කොමිෂන් සභා පනත සම්මත කරනු ලැබීමෙන් අනතුරුව, එම කොමිසම මගින් නඩු පවරනු ලැබ දඬුවම් දී තිබෙන්නේ සිව් දෙනෙකුට පමණක් බව අල්ලස් හෝ දූෂණ විමර්ශන කොමිෂන් සභාවේ අධ්‍යක්ෂ ජනරාල්, ජනාධිපති නීතිඥ සරත් ජයමාන්න මහතා එහිදී හෙළිකර සිටියේය.

පිටු අඩුවෙලා ද ?

 මහබැංකු බැදුම්කර වාර්තාවේ පිටු අඩුවීමක් සිදුව ඇති බවට පළවන අදහස් පිළිබ`දව ද කරුණු ඉදිරිපත් කරමින් නිලධාරින් පෙන්වා දුන්නේ එහි පිටු අඩුවීමක් සිදුව නොමැති බවයි.

ඊට අදාළව අනු ලිපි ලේඛණ විශාල ප්‍රමාණයක් පවතින බවත්, ඒ අතර අදාළ නඩු කටයුතු ක්‍රියාත්මක වන තුරු රහස්‍ය භාවය ආරක්ෂා කළයුතු ලිපි ලේඛන පවතින බැවින් ඒවායේ රහස්‍ය භාවය සුරැකීමට සිදුව ඇති බවත් එම නිලධාරීන් පැහැදිලිකර සිටියේය.

 මාසික ප්‍රගති සමාලෝචන රැස්වීමක් :

අදාළ පුද්ගලයන්ට නඩු පැවරීම, රජයට සිදුවූ අලාභය නැවත අයකර ගැනීම සහ කොමිසමේ සියලූ නිර්දේශ අඛණ්ඩව, කාර්යක්ෂමව, ප්‍රමාදයකින් තොරව ක්‍රියාත්මකවීම පිළිබදව ජනාධිපති ලේකම්වරයාගේ ප්‍රධානත්වයෙන් අදාළ අංශ ප්‍රධානින් සතියකට වරක් ප්‍රගති සමාලෝචන රැස්වීමක් පැවැත්වීමට කටයුතු කරනු ලබන බව ද මෙහිදී සදහන් කෙරිණි.

ශ්‍රී ලංකා නිදහස් පක්ෂය, එක්සත් ජනතා නිදහස් සන්ධානය, එක්සත් ජාතික පක්ෂය, ජාතික හෙළ උරුමය, ඊළාම් ප්‍රජාතන්ත්‍රවාදී ජනතා පෙරමුණ, ප්‍රජාතන්ත්‍රවාදී ජනතා ලිබරල් පෙරමුණ, ප්‍රජාතන්ත්‍රවාදී වාමාංශික පෙරමුණ, ලංකා කම්කරු කොංග්‍රසය, ශ්‍රී ලංකා කොමියුනිට්ස් පක්ෂය ඇතුළු පක්ෂ නියෝජනය කරමින් පක්ෂ නායකයින් සහ නියෝජිතයින් රැස්වීමට එක්ව සිටියහ.

Comment (0) Hits: 850

පුංචි ඡන්දෙට 'පීපල්ස් ස්ටාර්' එයි !

ගමේ හොඳම මහජන නියෝජිතයා තේරීම සඳහා 'පීපල්ස් ස්ටාර්' නමින් වූ වැඩසටහනක් සම්බන්ධයෙන් වෙළඳ දැන්වීමක් මේදිනවල රුපවාහිනී නාලිකාවල විකාශය වේ.

මෙවර පැවැත්වෙන පළාත් පාලන මැතිවරණය වෙනුවෙන් එක්සත් ජාතික පක්ෂය විසින් ප්‍රචාරය කෙරෙන මෙම දැන්වීම නිර්මාණය කර ඇත්තේ, සර්ව දැන්වීම් ආයතනය විසිනි.

Comment (0) Hits: 941

බැඳුම්කර නිර්දේශ ක්‍රියාවට නගන්න - පළමු සංශෝධනය අල්ලස් පනතට ! - ජනාධිපති පක්ෂ නායක හමුවේදී හෙළිවෙයි

බැඳුම්කර ජනාධිපති කොමිෂන් වාර්තාවේ නිර්දේශයන් ක්‍රියාත්මක කිරීම සඳහා අල්ලස් හෝ දූෂණ චෝදනා කොමිසන් සභා පනත සංශෝධනය කිරීමට අදාළ කෙටුම්පත් මේ වන විටත් සකස් කර අවසන් වෙමින් ඇති බවත් එය ඉදිරි සති කිහිපය තුළ කැබිනට් මණ්ඩලයට ඉදිරිපත් කිරීමට නියමිත බවත් වාර්තා වෙයි.

අද (29) පෙරවරුවේ ජනාධිපති කාර්යාලයේ පැවති විශේෂ පක්ෂ නායක හමුවේදී පැවසුණු කරුණු ඇසුරෙන් ජනාධිපති මාධ්‍ය අංශය නිකුත් කළ නිවේදනයේ මේ බව සඳහන්ව ඇත.

එසේම අදාළ පනත 1994 සිට මේ දක්වා සංශෝධනය වී නොමැති බවත් එම පනත ඇතුළුව බැඳුම්කර කොමිසමේ නිර්දේශ ක්‍රියාත්මක කිරීම සඳහා අවශ්‍ය නව නීති සම්පාදනය සහ පවතින අණපනත් සංශෝධනය කිරීමේ කෙටුම්පත් මේ වන විට සකස් වෙමින් පවතින බවත් එම නිවේදනයේ සඳහන්ව ඇත.

මේ පිළිබඳ අනාවරණය කළ පක්ෂ නායක හමුව ජනාධිපතිවරයාගේ ප්‍රධානත්වයෙන් පවත්වා ඇති අතර එහිදී බැඳුම්කර ගනුදෙනුව සම්බන්ධව නඩු පැවරීම් සහ රජයට සිදුවූ අලාභය නැවත අයකර ගැනීම සඳහා ගතයුතු කඩිනම් ක්‍රියාමාර්ග පිළිබඳවද අවධානය යොමුවූ බවද එම නිවේදනයේ සඳහන් කර ඇත.

එසේම ඊට අදාළව මේ වන විට කි‍්‍රයාත්මක කරමින් පවතින වැඩපිළිවෙළ පිළිබඳවද නීතිපතිවරයා, මහබැංකු අධිපතිවරයා මෙන්ම අල්ලස් හෝ දූෂණ චෝදනා විමර්ශන කොමිසන් සභාවේ අධ්‍යක්ෂ ජනරාල්වරයා කරුණු ඉදිරිපත් කිරීමක්ද සිදුව ඇති අතර කොමිසන් සභාවේ නිගමනයන් හා නිර්දේශ මත ශී‍්‍ර ලංකා මහ බැංකුවේ කළයුතු වෙනස්කම්වලට අදාළව ද නව සැලැස්මක් මේ වන විට සකස් කරමින් පවතින බවද එහිදී සඳහන් කර තිබේ.

පිටු අඩු නෑ - නැත්තෙ සංවේදී තොරතුරු

එහිදී බැඳුම්කර වාර්තාවේ පිටු අඩු බවට පළවන වාර්තා සම්බන්ධවද අදහස් පළකර ඇති අතර එහිදී මහ බැංකු නිලධාරීන් තහවුරු කර ඇත්තේ බැඳුම්කර ගනුදෙනුවට අදාළව අනු ලිපි ලේඛණ විශාල ප‍්‍රමාණයක් පවතින බවත්, ඒ අතර අදාළ නඩු කටයුතු කි‍්‍රයාත්මක වන තුරු රහස්‍ය භාවය ආරක්ෂා කළයුතු ලිපි ලේඛන පවතින බැවින් ඒවායේ රහස්‍ය භාවය සුරැකීමට සිදුව ඇති බවත්ය.

සතියකට වරක් ප්‍රගති සමාලෝචනයක්

එසේම අදාළ පුද්ගලයන්ට නඩු පැවරීම, රජයට සිදුවූ අලාභය නැවත අයකර ගැනීම සහ කොමිසමේ සියලූ නිර්දේශ අඛණ්ඩව, කාර්යක්ෂමව, ප‍්‍රමාදයකින් තොරව කි‍්‍රයාත්මකවීම පිළිබඳ ජනාධිපති ලේකම්වරයාගේ ප‍්‍රධානත්වයෙන් අදාළ අංශ ප‍්‍රධානින් සතියකට වරක් ප‍්‍රගති සමාලෝචන රැස්වීමක් පැවැත්වීමට කටයුතු කරන බවද මෙහිදී අනාවරණය කර ඇත.

පක්ෂ නායක හමුවේ ජවිපෙ වර්ජනය කරලා

මෙම පක්ෂ නායක හමුව සඳහා ජනතා විමුක්ති පෙරමුණ සහ ඒකාබද්ධ විපක්ෂය නියෝජනය කරන පක්ෂ කිහිපයක් සහභාගී වී නොමැති අතර ශී‍්‍ර ලංකා නිදහස් පක්ෂය, එක්සත් ජනතා නිදහස් සන්ධානය, එක්සත් ජාතික පක්ෂය, ජාතික හෙළ උරුමය, ඊළාම් ප‍්‍රජාතන්ත‍්‍රවාදී ජනතා පෙරමුණ, ප‍්‍රජාතන්ත‍්‍රවාදී ජනතා ලිබරල් පෙරමුණ, ප‍්‍රජාතන්ත‍්‍රවාදී වාමාංශික පෙරමුණ, ලංකා කම්කරු කොංග‍්‍රසය, ශී‍්‍ර ලංකා කොමියුනිට්ස් පක්ෂය මේ අවස්ථාවට සහභාගී වූ බව ජනාධිපති මාධ්‍ය අංශය නිවේදනය කර සිටියි.

Comment (0) Hits: 1002

ඇමති සිරිපාලගේ PRO වෙතින් තර්ජනයට ලක්වූ මාධ්‍යවේදීන් දෙදෙනාගේ ආරක්ෂාව අවධානමේ

අමාත්‍ය නිමල් සිරිපාල ද සිල්වාගේ මහජන සම්බන්ධීකාරක අජිත් හික්කඩු ලියනගේ නැමැත්තාගේ තර්ජනයට ලක්ව ඇති බදුල්ල ප්‍රදේශයේ මාධ්‍යවේදීන් දෙදෙනාගේ ආරක්ෂාව සම්බන්ධව අවධානමක් ඇති බව වාර්තා වෙයි.

කපිල චන්දන කුරුප්පුආරච්චි සහ ජයලත් දිසානායක මෙසේ තර්ජනයට ලක්ව සිටින මාධ්‍යවේදීන් දෙදෙනා වන අතර ඔවුන්ගේ ආරක්ෂාව සම්බන්ධව පියවර ගන්නා ලෙස කැෆේ සංවිධානයද පොලිස්පතිවරයා සහ ඌව පළාත් ජ්‍යෙෂ්ඨ නියෝජ්‍ය පොලිස්පතිවරයාගෙන් ඉල්ලීමක් කර ඇත.

මෙම මාධ්‍යවේදීන් දෙදෙනා වෙත අමාත්‍ය නිමල් සිරිපාල ද සිල්වාගේ මහජන සම්බන්ධීකාරක අජිත් හික්කඩු ලියනගේ විසින් තර්ජනය කර ඇත්තේ පසුගියදා ජනාධිපතිවරයාගේ ප්‍රධානත්වයෙන් බදුල්ලේ පැවති ජනහමුවක දෙරණ සහ සිරස යන නාලිකා වෙනුවෙන් මාධ්‍ය ආවරණය ලබාදීමට ගිය අවස්ථාවේය.

ඒ බදුල්ල දමිල බාලිකා විදුහලේ විදුහල්පතිනිය දන ගැස්සවීමේ සිදුවීම සම්බන්ධව ඒකපාර්ශවීය වාර්තාකරණයක් සිදුකළ බවට චෝදනා කරමින්ය.

උඹලත් එපා උඹලගේ මාධ්‍යත් එපා

badulla policeමෙම තර්ජනය කිරීම සම්බන්ධව ඔවුන් බදුල්ල පොලිසියේ ( CIB 3 / 319/285) පැමිණිල්ලක් ද සිදුකර ඇති අතර ‘‘මහ ඇමති චාමර සම්පත් අපහසුතාවට පත් වුණේ උඹලා නිසයි. දණ ගැස්සු විදුහල්පතිනියගේ පස්සෙන් ගිහින් උඹලා වොයිස් කට් ගත්තා. උඹලත් එපා. උඹලාගේ මාධ්‍යයත් අපිට එපා. අපි අපේ රැස්වීම් වාර්තා කර ගන්නම්. උඹලාගේ ගෙවල් වලට ගැහුවොත් මම වගකියන්නේ නෑ‘‘ යැයි අජිත් ලියනගේ විසින් තමන්ට තර්ජය කළ බව එහි සඳහන්ව ඇත.

දැරිය පාසලට දාන්න නිකුත් කළ ලියුමත් අජිත්ගේ

කැෆේ සංවිධානය සඳහන් කරන ආකාරයට මෙම මහජන සම්බන්ධීකරණ නිලධාරියා පොල් අජිත් යන අන්වර්ථ නාමයෙන්ද හඳුන්වන අතර විදුහල්පතිනිය දණ ගැස්වීමේ සිද්ධියට සම්බන්ධ දැරිය පාසලට ඇතුලත් කිරීම සදහා දෙමළ බාලිකා විද්‍යාලයේ විදුහල්පතිනියට නීති විරෝධී ලිපියක් යොමු කළ පුද්ගලයාද වෙයි.

20180128 160146

20180128 160121කැෆේ සංවිධානය පිළිබඳ නිවේදනයක්ද නිකුත් කර ඇති අතර එහි මෙසේද සඳහන්ව ඇත.

නීති විරෝධී වැඩක් - ඒත් නිදහසේ

මේ පාසල් සදහා සිසුන් ඇතුලත් කිරීම පිළිබද කිසිදු පුද්ගලයෙකුට විදුහල්පතිවරුන්ට බලපෑම් කළ නොහැකි අතර ඒ සදහා වන ඉල්ලීම් සිදු කළ යුත්තේ ‘කලාප අධ්‍යාපන අධ්‍යක්ෂ‘ වෙත ය. ප්‍ර‍ශ්නගත සිදුවීම සිදුවන විටත් බදුල්ල කලාප අධ්‍යාපන අධ්‍යක්ෂ හෝ ඌව පළාත් අධ්‍යාපන අධ්‍යක්ෂ වෙත මෙම දැරිය පාසලට අතුලත් කර ගැනීම සදහා වන ඉල්ලීමක් ලැබී නොතිබුණි. පාසලට සිසුන් ඇතුලත් කිරීමේ සියලු ක්‍ර‍මවේදයන් උල්ලංඝනය කරමින් මෙම ලිපිය ලබාදීමත්, දෙමළ බාලිකා විද්‍යාලයේ විදුහල්පතිතුමිය එම ලිපිය බාර ගැනීම ප්‍ර‍තිකේෂ්ප කොට එය කලාප අධ්‍යාපන අධ්‍යක්ෂ වෙත ලබා දෙන ලෙස දැන්වීමත් සමග මෙම සිදුවීම් ජාලය ආරම්භ විය.

මහ ඇමතිවරයා විසින් දණ ගස්වනු ලැබූ විදුහල්පතිනිය මහ ඇමති නිල නිවසට ගොස් ඇත්තේ ද මෙම ලිපියේ අනු අත්සන් යොදා ඇති මහ ඇමති පුද්ගලික ලේකම් විසින් පළාත් අධ්‍යාපන ලේකම්වරිය වෙත දුරකතනයෙන් සිදු කළ දැනුම්දීමක් අනුවය.

විදුහල්පතිනිය දණ ගැස්සවීමේ සිදුවීම වාර්තා කළ මාධ්‍යවේදීන් ට රජයේ අමාත්‍යවරුන්ගෙන් එල්ල වන බලපෑම් හා තර්ජනය කිරීම් කැෆේ සංවිධානය දැඩිව හෙළා දකී.

මීට පෙර ඩිලානුත් ගහලා

මෙය පසුගිය රජය සමයේ මාධ්‍යවේදීන්ට තර්ජනය කරමින්, මර්ධනය කරමින් ගෙන ගිය වැඩ පිළිවෙල නැවත සිහිගන්වන තත්වයක් බවත් සියළු මාධ්‍ය සංවිධාන මේ සම්බන්ධයෙන් මැදිහත් විය යුතු බවත් කැෆේ සංවිධානය අවධාරණය කරයි. මෙයට පෙර අවස්ථාවක දී ද, හාලිඇල මාධ්‍යවේදී චන්දන ලියනාරච්චි මහතා අමාත්‍ය ඩිලාන් පෙරේරා ගේ පහරදීමකට ලක්වූ බවද කැෆේ සංවිධානය නිකුත් කළ නිවේදනයේ සඳහන්ව ඇත.

Comment (0) Hits: 950

අලෝසියස්ගේ ව්‍යාපාර සමූහයේම ගිණුම් තහනම් !

ප්‍රශ්නගත බැඳුම්කර ගනුදෙනුව සම්බන්ධයෙන් චෝදනා ලැබ සිටින පර්පචුවෙල් ව්‍යාපාර සමූහයට අයත් සමාගම් 28හිම බැංකු ගිණුම් වහාම ක්‍රියාත්මක වන පරිදි තහනම් කිරීමට මහ බැංකු මූල්‍ය බුද්ධි ඒකකය පියවර ගෙන ඇතැයි මහ බැංකු ආරංචි මාර්ගවලින් පැවසේ.

බැඳුම්කර ගනුදෙනුව සම්බන්ධයෙන් චෝදනා ලැබ සිටින අර්ජුන් ඇලෝෂියස් මහතා අධ්‍යක්‍ෂධූරය හෙබවූ මෙම සමාගම්වල ගිණුම් පවත්වාගෙන යන සියලුම බැංකුවලට මහබැංකුවෙන් පසුගිය බදාදා මෙම නියෝගය නිකුත් කර ඇත්තේ එම ගිණුම්වල මුදල් ඉවත්කර ගැනීමට යන බවට බුද්ධි ඒකකයට ලැබී ඇති තොරතුරු අනුවය.

ගිණුම් අත්හිටුවීමත් සමඟ අදාළ සමාගම් 28ට තම ගිණුම් භාවිත කරමින් කිසිඳු මූල්‍ය හෝ ව්‍යාපාරික කටයුත්තක නිරතවීමට නොහැකි වේ.

සේවක වැටුප් ගෙවීමට බාධාවක් නැහැ :

මෙසේ තහනමට ලක් කළ සියලුම බැංකු ගිණුම් එකින් එක ගෙන පරීක්ෂාවට ලක්කිරීමට මහ බැංකුවෙන් පියවර ගෙන ඇති අතර එසේ කරනු ලැබ ඇත්තේ සේවක වැටුප් ගෙවීම වැනි එදිනෙදා කටයුතු කරගෙන යෑමට එම සමාගමට පහසුකම් සැලසීම සඳහාය.

එම නිරීක්ෂණ සහ විමර්ශන කටයුතුවලින් අනතුරුව අදාළ බැංකු ගිණුම් හරහා සිදුවන නෛතික මූල්‍ය ගනුදෙනු සඳහා පමණක් ඉඩ ප්‍රස්ථාව ලබාදෙන බව ද අදාළ ආරංචි මාර්ග කියයි.

මෙසේ එම සමාගම්වල ගිණුම් තහනම් කිරීම සඳහා හදිසියේ පියවර ගෙන ඇත්තේ මුදල් විශුද්ධිකරණය වැළැක්වීමේ අරමුණින් යැයි ද පැවසේ.

මහ බැංකුව මගින් මෙසේ බැංකු ගිණුම් තහනම් කරනු ලැබ ඇති සමාගම් අතර පර්පචුවෙල් ටේ‍රෂරීස් පුද්ගලික සමාගම, පර්පචුවෙල් ඇසට් මැනේජ්මන්ට් පුද්ගලික සමාගම, පර්පචුවෙල් කැපිටල් හෝල්ඩින්ස් පුද්ගලික සමාගම, ඩබ්. එම් මෙන්ඩිස් සහ සමාගම, ඉන්ටග්‍රේටඞ් මීඩියා නෙට්වර්ක්ස් පුද්ගලික සමාගම ද වේ.

මිට පෙරත් ගිණුම් දෙකක් තහනම් කරලා !

භාණ්ඩාගාර බැඳුම්කර ගනුදෙනු සඳහා පර්පචුවෙල් සමාගම විසින් පවත්වාගෙන ගිය ගිණුම් දෙකක් ශ්‍රී ලංකා මහ බැංකුවේ මූල්‍ය බුද්ධි ඒකකය මගින් මීට ඉහතදී තහනම් කරනු ලැබූ අතර අලුත්ම තහනම පනවා ඇත්තේ ඊට අමතරවය.

කලින් තහනම් කළ වත්කම්වල වටිනාකම මුදලින් රුපියල් බිලියන 12.5කි. මෙයින් රුපියල් බිලියන 7.5ක් මුදල් වන අතර ඉතිරි ඒවා සුරැකුම්පත් වේ. එම තහනම ඉවත් කර ගැනීම සඳහා පර්පචුවෙල් සමාගම් සමූහය ශ්‍රේෂ්ඨාධිකරණයට ඉදිරිපත් කළ අභියාචනය ද ප්‍රතික්ෂේප කෙරිණි.

මුදල් විශුද්ධිකරණය රෙගුලාසි සහ පරිපාලනය කරනු ලබන්නේ ශ්‍රී ලංකා මහ බැංකුවේ මූල්‍ය බුද්ධි ඒකකය විසිනි. පර්පචුවෙල් සමාගම ප්‍රාථමික හා ද්විතීය වෙළෙඳපොළේ කරන සියලු වෙළෙඳ කටයුතු තාවකාලිකව නවතා දැමීමට මූල්‍ය මණ්ඩලය තීරණ කර තිබිණි.

(සන්ඬේ ටයිම්ස් ඇසුරිනි)

 

Comment (0) Hits: 808

මෛත්‍රීගේ හැසිරීම රඟපෑමක්ද? - 'ඡන්දෙන් පස්සේ ප්‍රේමවන්තයින් වෙනවා' (වීඩියෝ)

ජනාධිපති මෛත්‍රීපාල සිරිසේන මහතාත් අග්‍රාමාත්‍ය රනිල් වික්‍රමසිංහ මහතාත් මැතිවරණ වේදිකාවේ විරසකයක් පෙන්නුම් කළද පෙබරවාරි 10 වෙනිදායින් පසුව ජනාධිපතිවරයා හා අගමැතිවරයා සුපුරුදු ආදරවන්තයින් ලෙස කටයුතු කරන බව උසස් අධ්‍යපන හා මහාමාර්ග අමාත්‍ය ලක්ෂ්මන් කිරිඇල්ල මහතා පවසයි.

මහනුවර ප්‍රදේශයේ දී මාධ්‍යවේදීන් යොමුකළ ප්‍රශ්න කිහිපයකට පිළිතුරු දෙමින් අමාත්‍යවරයා මෙම අදහස් පළ කර තිබේ.

එක්සත් ජාතික පක්ෂය සහ ශ්‍රී ලංකා නිදහස් පක්ෂය අතර මතවාදී ගැටුම් පවතින්නේ පළාත් පාලන ආයතන ඡන්ද විමසීම තෙක් පමණක් බවද ඒ මහතා කියා සිටියේය.

එමෙන්ම මැතිවරණ කාලයේදී මෙවැනි දෑ බලාපොරොත්තු විය යුතු බවත් එකිනෙකාට බැන ගැනීම මැතිවරණ කාලයේ සාමාන්‍ය දේවල් බවත් කියා සිටින ඒ මහතා වැඩිදුරටත් පවසන්නේ වත්මන් ආණ්ඩුව 2020 තෙක් පවතින බවය.

Comment (0) Hits: 887

මැතිවරණය කල්යන කතා බොරු - පෙබරවාරි 08 පාර්ලිමේන්තුව කැඳවීම වළක්වන මෙහෙයුමක්

බැඳුම්කර වාර්තාව සහ බරපතල දුෂණ වංචා විමර්ශන ජනාධිපති කොමිසමේ වාර්තා පිළිබඳ පාර්ලිමේන්තු විවාදය පෙබරවාරි 8 පැවැත්වීමට සුදානම් බවට අග්‍රාමාත්‍යවරයා සඳහන් කිරීමත් සමඟ එය කඩාකප්පල් කිරීමේ මෙහෙයුමක් දියත්ව ඇති බව දේශපාලන ආරංචිමාර්ග සඳහන් කර සිටියි.

එම ආරංචිමාර්ග සඳහන් කරන ආකාරයට අග්‍රාමාත්‍යවරයා විසින් දැනුම්දී ඇති ආකාරයට එළඹෙන පෙබරවාරි 08 වනදා පාර්ලිමේන්තුව කැඳවුවහොත් පළාත් පාලන මැතිවරණය දින දෙකකින් පමණ ඉදිරියට ගැනීමට සිදුවනු ඇතැයි මැතිවරණ කොමිසම සඳහන් කරන බවට පුවතක් පළකර ඇත්තේ එහි එක් අදියරක් වශයෙන්ය.

මැතිවරණය පෙබරවාරි 12 ?

මැතිවරණ කොමිසමේ සාමාජික මහාචාර්ය රත්නජීවන් හූල් සඳහන් කර ඇති බව සඳහන් කරමින් එම පුවත පළකර තිබූ අතර එහි වැඩිදුරටත් සඳහන් වුයේ පෙබරවාරි 12 වනදා හෝ ඊට පසු දිනයක මැතිවරණය පැවැත්වීම කෙරෙහි කොමිසමේ අවධානය යොමුව ඇති බවය.

මෙසේ මැතිවරණය කල් දැමීමට හේතුව ලෙස එම පුවතේ සඳහන් වූයේ මැතිවරණ ප්‍රචාරක කටයුතු තහනම් කාල සීමාවේ පාර්ලිමේන්තුව කැඳවීමය.

පාර්ලිමේන්තුව කැඳවීම මැතිවරණයට බාධාවක් නොවේ - මහින්ද දේශප්‍රිය

කෙසේ නමුත් මැතිවරණ කොමිසමේ සභාපති මහින්ද දේශප්‍රිය සඳහන් කර සිටින්නේ පාර්ලිමේන්තුව පෙබරවාරි 08 වනදා කැඳවීම තම කොමිසමේ වැඩ රාජකාරී සඳහා ගැටළුවක් නොවන බවය. එසේම පෙබරවාරි 8 වන විට අවසන් වන්නේ මැතිවරණ ප්‍රචාරක කටයුතු පමණක් බවත් පාර්ලිමේන්තුව කැඳවීම හෝ කැඳනොවීම මැතිවරණයට බලපාන කාරණයක් නොවන බවද සභාපතිවරයා සඳහන් කර ඇත.

අද(28) පස්වරුවේ මැතිවරණ මහලේකම් කාර්යාලයේ පැවති මාධ්‍ය හමුවකට එක්වෙමින් මැතිවරණ කොමිසමේ සභාපති මහින්ද දේශප්‍රිය මහතා මේ බව සඳහන් කර ඇත.

එමෙන්ම ඡන්දය පෙබරවාරි 10 දින අනිවාර්යෙන්ම පවත්වන බවත්, ආපදා තත්ත්වයකදී පමණක් එය කල් යා හැකි බවත් මැතිවරණය කල් දැමීම සම්බන්ධයෙන් සමාජ ජාල මාධ්‍ය ඔස්සේ යන ප්‍රචාරයන්හි කිසිඳු සත්‍යතාවයක් නොමැති බවද සභාපතිවරයා එහිදී සඳහන් කර ඇත.

Comment (0) Hits: 835

පළාත් පාලන මැතිවරණය කල්යන ලකුණු

අග්‍රාමාත්‍යවරයා විසින් දැනුම්දී ඇති ආකාරයට එළඹෙන පෙබරවාරි 08 වනදා පාර්ලිමේන්තුව කැඳවුවහොත් පළාත් පාලන මැතිවරණය දින දෙකකින් පමණ ඉදිරියට ගැනීමට සිදුවනු ඇතැයි මැතිවරණ කොමිසම සඳහන් කරන බව වාර්තා වෙයි.

මැතිවරණ කොමිසමේ සාමාජික මහාචාර්ය රත්නජීවන් හූල් මේ බව සඳහන් කර ඇති බව වාර්තා වන අතර ඒ අනුව පෙබරවාරි 12 වනදා හෝ ඊට පසු දිනයක මැතිවරණය පැවැත්වීම කෙරෙහි කොමිසමේ අවධානය යොමුව ඇතැයි වාර්තා වෙයි.

මැතිවරණ කොමිසම මෙම තීරණය ගැනීමට සිදුව තිබෙන හේතුව ලෙස දක්වා ඇත්තේ මැතිවරණ ප්‍රචාරක කටයුතු තහනම් කාල සීමාවේ පාර්ලිමේන්තුව කැඳවීමය.

මැතිවරණය කවදා පැවැත්වූවත් අපි දිනනවා- එජාප

මේ පිළිබඳ අප කළ විමසීමකට පිළිතුරු දුන් එක්සත් ජාතික පක්ෂයේ ප්‍රබලයකු සඳහන් කර සිටියේ මැතිවරණයට පෙර විවාදය ඉල්ලා සිටියේ තම පක්ෂය නොව ජනාධිපතිවරයා ඇතුළු අනෙක් පක්ෂ බවයි.

එසේම තමන් එවැනි විවාදයකට ඉතා හොඳ සුදානමකින් සිටින බවත් පක්ෂ නායක හමුවක් පවත්වා එකඟතාවක් ඇතිකරගතහොත් පාර්ලිමේන්තුව කැඳවීම මැතිවරණයට බාධාවක් නොවනු ඇති බවද එම ප්‍රකාශකයා පැවසීය.

එසේම බැඳුම්කරයේ එල්ලෙන කාගෙත් අපේක්ෂාව වී ඇත්තේ එක්සත් ජාතික පක්ෂයට මඩ ගැසීම බව පැවසු එම ප්‍රකාශකයා වැඩිදුරටත් සඳහන් කර සිටියේ විවාදය හෝ මැතිවරණය කවදා කෙසේ පැවැත්වූවත් තම පක්ෂයේ ජයග්‍රහණය ස්ථිර බවය.

කොමිෂන් වාර්තාවෙන් අපි නිදහස් - අග්‍රාමාත්‍ය

මේ අතර පසුගියදා මොරවක ප්‍රදේශයේ පැවති ජන හමුවකදී අදහස් දක්වමින් එක්සත් ජාතික පක්ෂයේ නායක අග්‍රාමාත්‍ය රනිල් වික්‍රමසිංහ සඳහන් කර සිටියේ බැඳුම්කර ජනාධිපති කොමිෂන් සභා වාර්තාවේ කිසිඳු තැනක තමන් හෝ එක්සත් ජාතික පක්ෂය වරදක් කර ඇති බවට කිසිඳු සඳහනක් නොමැති බවය.

Comment (0) Hits: 994

ජනපතිගේ යෝජනාව පිළිගන්නැයි මහින්දට බලපෑම් !

ශ්‍රී ලංකා නිදහස් පක්‍ෂය මූලික කරගත් එක්සත් ජනතා නිදහස් සන්ධාන ආණ්ඩුවක් බිහි කිරීමට ජනාධිපති මෛත්‍රීපාල සිරිසේන මහතා විසින් කරන ලද යෝජනාව පිලිගන්නා ලෙස ඒකාබද්ද විපක්‍ෂයේ මන්ත්‍රීවරුන් කිහිප දෙනෙකුම මහින්ද රාජපක්ෂ මහතාට යෝජනා කර ඇතැයි දේශපාලන ආරංචිමාර්ග පවසයි.

ජනාධිපති මෛත්‍රීපාල සිරිසේන මහතා විසින් කරන ලද යෝජනාව ඒකාබද්ද විපක්‍ෂය පිලිගන්නා බව ජාතික නිදහස් පෙරමුණේ නායක විමල් විරවංශ මන්ත්‍රීවරයා විසින් පවත්වාගෙන යන 'ලංකා සී නිව්ස්' වෙබ් අඩවිය ද වාර්තා කර තිබේ.

ඒකාබද්ද විපක්‍ෂයේ කැදවුම්කරු පාර්ලිමේන්තු මන්ත්‍රී ප්‍රසන්න රණතුංග මහතා සදහන් කරන්නේ අගැමැති රනිල් වික්‍රමසිංහ මහතා ඇතුළු එක්සත ජාතික පක්‍ෂ ඇමතිවරුන් එම ධුරයන්ගෙන් ඉවත් කරන්නේ නම් ජනාධිපතිවරයාගේ යෝජනාවට එකග වන බවයි.

ඉන් අනතුරුව පිහිටුවන නව ආණ්ඩුවේ භාරකාර ඇමති ධුරයන් ලබා ගැනීමටද සූදානම් බවද ඔහු සදහන් කරයි.

මේ අතර ඒකාබද්ද විපක්‍ෂය නියෝජනය කරන පිවිතුරු හෙල උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා සදහන් කරන්නේ නව ආණ්ඩුවේ අගමැති ධුරය හිටපු ජනාධිපති මහින්ද රාජපක්‍ෂ මහතාට ලබා දිය යුතු බවයි.

කෙසේවුවද රත්නපුර ප්‍රදේශයේ ඊයේ (27) පැවති ජන හමුවකට එක්වෙමින් ජනාධිපතිවරයා ඊයේ කියා සිටියේ, එක්සත් ජනතා නිදහස් සන්ධානයේ මන්ත්‍රීවරුන් 96 දෙනා තමා සමග සිටින්නේ නම් හෙට වුවද ශ්‍රී ලංකා නිදහස් පක්ෂ ආණ්ඩුවක් බිහි කිරීමට තමන් සූදානම් බවයි.

වීඩියෝ

Comment (0) Hits: 1647

Page 619 of 642