V2025

පුවත්

නිදහස උදෙසා පෙළ ගැසෙමුද, භීතිය වෙත පියනඟමුද? - මංගල අසයි

පෙබරවාරි 10වෙනිදා ජනතාවට නැවත වරක් තෝරා ගැනීමක් සිදු කිරීමට නියමිත අතර, එහිදී නිදහස උදෙසා වූ ගමන සමඟ ඉදිරියට ගමන් කරනවාද නැත්නම් දූෂණයේ භීෂණයේ පියවරුන් දෙස ආපසු හැරෙනවාද යන තීරණය ඔබ අතේ බවත් මුදල් හා මාධ්‍ය අමාත්‍ය මංගල සමරවීර මහතා පවසයි.

අමාතවරයා මාධ්‍ය නිවේදනයක් නිකුත්කරමින් එබව සඳහන් කර තිබේ.

එම නිවේදනය පහත පළවේ.

සාධාරණ සමාජයක් උදෙසා වූ ජාතික සම්මුතිවාදී රජය සිය ඓතිහාසික සහ විප්ලවකාරී ජයග්‍රහණය සනිටුවහන් කර වසර 3ක් සම්පූර්ණ වී ඇත. එම වෙනසින් අනතුරුව අප විසින් අත්පත් කරගත් ජයග්‍රහණ බොහෝය. නමුත් අප ඉදිරියේ ඇති අභියෝගද එලෙසම බොහෝය.

ඉදිරි වසරවලදී අපගේ ජාතියේ ගමන් මග තීරණය කරන්නා වූ තීරණාත්මක මැතිවරණයක් සති තුනක් තුළ පැවැත්වීමට නියමිතය.

එය, පසුගිය කාලයේ ක්‍රමිකව ගොඩනගන ලද ප්‍රජාතන්ත්‍රවාදයේ ශක්තීන් සහ සම්ප්‍රදායන් නැවත වරක් ඉරා බිඳ දමනවාද නැද්ද යන්න තීරණය කරන්නා වූ මැතිවරණයකි.

එය, නැවත අපේ රට නිදහසේ සුව විඳිනවාද, නැතිනම් එක පවුලක් සහ ඔවුන්ගේ හෙංචයියන්ගේ තර්ජන, ගර්ජන සහ අපයෝජන වලට බියෙන් සලිතව සැලෙනවාද යන්න තීරණය කරන්නා වූ මැතිවරණයකි.

දූෂිත ඒකාධිපති වැඩ පිළිවෙළ යළිත් !

පෙබරවාරි 10 දින පැවැත්වීමට නියමිත පළාත් පාලන මැතිවරණය හුදෙක් නාගරික සහ ග්‍රාමීය ප්‍රදේශවල දේශපාලන බලය නතු කර ගැනීම වෙනුවෙන් වන ප්‍රාදේශීය තරඟයක්ම පමණක් නොවේ.

එය, පැවති දූෂිත ඒකාධිපති වැඩ පිළිවෙළ යළි ස්ථාපිත කිරීම වෙනුවෙන් වන පෙර පැවති රෙජීමයේ පළමු සැබෑ උත්සාහයයි.

එවැනි සන්ධර්භයක් තුළ තිරසාර සාමය සහ සෞභාග්‍යය වෙනුවෙන් ශ්‍රී ලංකාවේ ඉදිරි ගමන් මාර්ගයේ වගකීම ඉදිරියට රැගෙන යාම ජනවාරි 8 විප්ලවයේ කොටස්කරුවන්ගේ සහ ඒ හරහා තේරී පත් වූ මහජන නියෝජිතයන්ගේ කරමත පැටවී ඇති දැඩි අභියෝගයකි. සහතිකවම එය වෙහෙසකාරී ගමනකි.

ඉදිරියෙන් ඇති මාර්ගයේදී කලකිරීම්, දුෂ්කරතා සහ අවස්ථා අහිමි වීම් සිදු විය හැකිය.

නමුත්, සමාජයක් ලෙස දැනටමත් අත් කරගෙන ඇති ජයග්‍රහණ, ඒ මත ගොඩනැඟී ඇති සාමය සහ වෙනස සඳහා වූ කවුළුව මා විවෘතව තබමි.

ඓතිහාසික තීරණය !

අතීතය පිළිබඳ පැහැදිලි මතකයක් තිබීම වැදගත් බව මම විශ්වාස කරමි.

මෙම තීරණාත්මක මැතිවරණයේදී සියලු ශ්‍රී ලාංකිකයින් මුහුණ දෙන ඓතිහාසික තීරණය පිළිබඳව නිරවුල් මනසකින් සහ දීර්ඝකාලීන දැක්මක් ඔස්සේ සලකා බැලීම ඉතා වැදගත් බව විශ්වාස කරමි.

මතකය ගිලිහෙමින් අපි වර්තමාන දේශපාලන ආරවුල් වල පැටලී සිටිමු. 2013 වසරේ අගෝස්තු මස පළමු දින පිරිසිඳු වතුර ඉල්ලා හඬ නැගීමේ වරදට පුරවැසියන් පිරිසක් පැවති රජය විසින් වෙඩි තබා ඝාතනය කළ අයුරු අමතක කිරීම පහසුය.

අපි, අපෙන්ම අසා ගත යුතු පැනයක් ඇත. එදා පැවති සුදු වෑන් දැන් කොහේද? ග්‍රීස් යකුන් ගොස් ඇත්තේ කොහේද?

ආණ්ඩුවේ දේශපාලන විවේචකයන් හා විරුද්ධවාදීන් හිරේ නොදමන්නේ මන්දැයි අප ප්‍රශ්ණ කළ යුතුය.

මාධ්‍ය ආයතනවලට පහරදීම් සහ ගිනිතැබීම් තව දුරටත් සිදු නොවන්නේ මන්දැයි අප ඇසිය යුතුය. මාධ්‍යවේදීන් පැහැරගෙන යෑම, ඝාතනය කිරීම් තව දුරටත් සිදු නොවන්නේ ඇයිදැයි අප විමසිලිමත් විය යුතුය.

ඔබට මතකද?

ඔබට 'නයිට් රේස්' මතකද? ජනාධිපතිධූරයේ බලතල යොදා ගනිමින් තම පුත්‍රයන්ගේ සුඛ විහරණය උදෙසා කැපවූ ඊනියා ප්‍රේමාන්විත පියාව ඔබට මතකද?

ප්‍රතිවිරුද්ධ රග්බි ක්‍රීඩකයන් වීමේ වරදට තරුණයින් ජීවිතයෙන් වන්දි ගෙවූ කාලය ඔබට මතකද?, ජනාධිපතිගේ අසාර්ථක නූගත් මස්සිනා ශ්‍රී ලංකාවේ ජාතික ගුවන් සේවය බිමට ඇද වැට්ටූ අයුරු ඔබට මතකද?

පාලක රෙජීමයේ පවුලේ ඇය ගැන රහසින් කනට කොඳුරනවා මිස, යමක් විවෘතව කතා කළ නොහැකි යුගයක් මීට ටික කලකට පෙර තිබූ බව ඔබට මතකද? සැබවින්ම ක්‍රියාකාරී ප්‍රජාත්නත්‍රවාදී රාජ්‍යයකි පුරවැසියන් විසින් බුක්ති විඳිය යුතු මූලිකම ප්‍රජාතන්ත්‍රවාදයේ ලක්ෂණ මේවාය.

පුරවැසියන් මත පටවන ලද බලහත්කාරය සහ දූෂිත රාජපක්ෂ පාලනය 2015දී බිඳ වැටීම අතර ගැඹුරු සම්බන්ධයක් පවතින බව අප කෙදිනකවත් අමතක නොකළ යුතුය.

රාජ්‍ය දේපළ අපහරණය සහ රාජ්‍ය ත්‍රස්තවාදය යොදාගැනීමේ එම සංස්කෘතියම පෙබරවාදි 10 වැනිදා නැවත වටයකින් යළි පැමිණීමට උත්සාහ දරයි.

මෙම මැතිවරණයේදී සිදු කරන්නා වූ ඡන්ද ආක්‍රමණයක් ඔස්සේ අනාගත මැතිවරණවලදී ජාතික මට්ටමේ බලපෑමක් එල්ල කිරීමට හැකියාව පවතී.

ඉදිරි මැතිවරණය කුඩා එකක් ලෙස පෙනුනද, එය අනාගත ජාතික මට්ටමේ මැතිවරණයකදී බලපෑම් කළ හැකි ප්‍රතිවිපාක සහිත වීමේ ඉඩක් පවතී.

අද දිනයේ නැවත නිදහසේ සුවයන් විඳින ශ්‍රී ලාංකීය ජනතාවගේ හිස් මත එහි සෙවනැලි වැටෙන බව නොඅනුමානය.

බලාපොරොත්තු වූ දේශය?

අප මේ වනවිට ළඟා විය යුතු යැයි බලාපොරොත්තු වූ දේශය කරා ළඟා වීමට තවම අපට නොහැකි වී ඇති බව සැබෑය. නමුත් සුපැහැදිලිවම අපි ඒ කරා නිවැරදි ගමනක් යමින් සිටින්නෙමු.

වෙනස්කම් වැඩිවෙමින් පවතී, දේශපාලන පද්ධති ස්ථාවර හා ඇතැම් විට නිශ්චල විය හැකිය. නමුත් වෙනස්කම් කිරීමේ අවශ්‍යතාව සදාතනිකව නොවෙනස්ය. වඩ වඩාත් ශක්තිමත්ය.

රාජපක්ෂ රෙජීමය සහ එහි සෙසු මංකොල්ලකරුවෝ නැවත වරක් අපගේ නිවෙස් දොරකඩ මුව අයා බලා සිටිති.

ශ්‍රී ලංකාව තවත් සන්ධිස්ථානයකට පැමිණ තිබේ. යම් ආකාරයකින්, මෙය නිදහස, ප්‍රජාතන්ත්‍රය සහ සාමය අවශ්‍ය සියලු පුරවැසියන්ගේ තෝරාගැනීම තවත් පැහැදිලිව පෙන්වීම සඳහා අවස්ථාවක් උදා කර තිබේ.

පෙබරවාරි 10වෙනිදා ජනතාවට නැවත වරක් තෝරා ගැනීමක් සිදු කිරීමට ඇත. නිදහස උදෙසා වූ ගමන සමඟ ඉදිරියට ගමන් කරනවාද නැත්නම් දූෂණයේ භීෂණයේ පියවරුන් දෙස ආපසු හැරෙනවාද යන තීරණය ඔබ අතේය.

Comment (0) Hits: 980

හොරු ඇල්ලීමේ බලය අපිට තිබුණා නම් මහින්ද ඇතුළු නඩේම හිරේ - ජවිපෙන් සැර උත්තරයක්

වත්මන් ආණ්ඩුව වංචා දූෂණ සෙවීමට පත්කළේ යැයි මහින්ද රාජපක්‍ෂ මහතා සඳහන් කරන ‘දූෂණ විරෝධී කමිටු’ හෝ ‘හදිසි වැටලීම් ඒකක’ ජවිපෙ නායක අනුර දිසානායක සහෝදරයාගේ හෝ අප පක්‍ෂයේ ‘අධීක්‍ෂණය’ යටතේ තිබුණේ නම් මහින්ද ඇතුළු ඔහුගේ දූෂිත නඩයට අනුනට අවලාද නගන්නට අවස්ථාව අහිමිවන බව ජනතා විමුක්ති පෙරමුණ සඳහන් කරයි.

හිටපු ජනාධිපති මහින්ද රාජපක්‍ෂ මහතාගේ අත්සනින් 2018 ජනවාරි 21දා තම සහිතව ”යහපාලන විපක්‍ෂයේ භූමිකාව” නමින් නිකුත්කළ මාධ්‍ය නිවේදනයට ප්‍රතිචාර දක්වමින් ජනතා විමුක්ති පෙරමුණ නිකුත් කර ඇති මාධ්‍ය නිවේදනයේ මේ බව සඳහන් කර ඇත.

එසේම අදත් මහා පරිමාණ වංචා, දූෂණ හා අපරාධ සිදුකොට නිදැල්ලේ සිටීමට සමහරුන්ට හැකිවී තිබෙන්නේ වංචා, දූෂණ සෙවීමේ කටයුතු නමට පමණක් කෙරෙන බොරු සංදර්ශනවලට සීමාවී ඇති නිසා බවත් ඒ පිළිබඳ යටි සිතින් සතුටු වන මහින්ද රාජපක්ෂ ජවිපෙ ඉලක්ක කර වියරු ප්‍රකාශ නිකුත් කරන තැනකට වැටී සිටීම ඉතාම ඛේදජනක අනුකම්පා සහගත තත්ත්වයක් බවද එම නිවේදනයේ වැඩිදුරටත් සඳහන්ව ඇත.

ජවිපෙ නිකුත් කළ සම්පුර්ණ නිවේදනය පහත දැක්වේ.

සත්‍ය විකෘති කරලා

හිටපු ජනාධිපති මහින්ද රාජපක්‍ෂ මහතාගේ අත්සනින් 2018 ජනවාරි 21දා තම සහිතව ”යහපාලන විපක්‍ෂයේ භූමිකාව” නමින් මාධ්‍ය නිවේදනයක් පළකොට තිබේ. මෙම මාධ්‍ය නිවේදනය සත්‍ය කරුණු විකෘති කිරීම්වලින්, බොරු හා අවලාදවලින්, හා ප‍්‍රතිවිරෝධී අදහස්වලින් පිරී පවතින්නකි. මෙම නිවේදනය මගින් මහින්ද රාජපක්‍ෂ මහතා ඒකපාර්ශ්වීය ලෙස ඉදිරිපත් කර තිබෙන අවලාදයන් පිළිබඳව මුහුණට මුහුණලා ප‍්‍රසිද්ධ විවාදයකට අප සූදානම්ය. එහෙත් එවැන්නකට කිසිදා නිසැක ලෙස ඔහු සහභාගි නොවන නිසාත් සත්‍යය දැනගැනීමේ අයිතියක් ජනතාවට ඇති නිසාත් එම නිවේදනය පිළිබඳ ජනතා විමුක්ති පෙරමුණේ ප‍්‍රතිචාරය මේ නිවේදනය තුළින් පළකිරීමට අපි අදහස් කළෙමු.

පොදුවේ ගත්විට හිටපු ජනාධිපතිවරයාට තමන්ගේ අත්සනින් මෙවැනි අවලාදමය ලියවිල්ලක් නිකුත් කිරීමට සිදුව ඇත්තේ, මහින්ද රාජපක්‍ෂ මහතා හා ඔහුගේ කණ්ඩායම වත්මන් පළාත් පාලන මැතිවරණ ව්‍යාපාරය තුළ ලබා තිබෙන බරපතළ පසුබෑමත් ජන්ද ව්‍යාපාරය තුළ ජනතා විමුක්ති පෙරමුණ වෙත පළවෙමින් ඇති ජනතා ආකර්ෂණය හා සහයෝගයත් නිසා බව පැහැදිලිය. සැබැවින්ම දැන් මහින්ද රාජපක්‍ෂ මහතා හා ඔහුගේ දූෂිත කණ්ඩායම පත්ව තිබෙන තත්ත්වය ඉතාම ඛේදජනක අනුකම්පා සහගත තත්ත්වයක් වන අතර ඔහුගේ නිවේදනය එම තත්ත්වයේ වියරු ප‍්‍රකාශනයකි.

ජවිපෙට තනතුරු අදාළ නෑ

කෙසේ වෙතත් මහින්ද රාජපක්‍ෂ මහතාගේ නිවේදනයේ සඳහන් ඒ ඒ කරුණු සඳහා වෙන වෙනම පැහැදිලි කිරීම වඩාත් හොඳ යැයි අපි සිතමු. හිටපු ජනාධිපතිවරයාගේ ලිපියේ පළමු කරුණ වන්නේ, වත්මන් පාර්ලිමේන්තුව තුළ විපක්‍ෂයේ තනතුරු දෙමළ සන්ධානයට හා ජවිපෙට ලැබීම පිළිබඳවය. වත්මන් පාර්ලිමේන්තුවේ ජනතාවගේ විපක්‍ෂයේ සැබෑ භූමිකාව නියෝජනය කරන්නේ ජවිපෙය. එය සත්‍යය දන්නා ජනතාව දනී. එම කාර්යය ඉටු කිරීමේදී ජනතා විමුක්ති පෙරමුණ තනතුරු අදාළ නැත.

පාර්ලිමේන්තුව විකෘති කළේ මහින්දගේ නඩේ

මන්තී‍්‍ර ධුර 06ක් සහිත ජවිපෙට විපක්‍ෂයේ ප‍්‍රධාන සංවිධායක ධුරය හිමිවීමේ වත්මන් පාර්ලිමේන්තු සංයුතිය ඔහු අමතක කර ඇත. එනම් 2015 අගෝස්තු මහ මැතිවරණයෙන් පසුව පැවැත්වූ පළමු පාර්ලිමේන්තු දිනයේම මහින්ද රාජපක්‍ෂ මහතාගේ උපදේශකත්වයෙන් යුත් ශී‍්‍රලනිපයත් මහින්ද රාජපක්‍ෂ මහතා සාමාජිකත්වය දැරූ එජනිස සන්ධානයත් ආණ්ඩුවේ පාර්ශ්වකරුවන් වූ නිසාය. ශී‍්‍රලනිපය හා සන්ධාන ලේකම්වරු තමන් ආණ්ඩුවේ කොටස්කරුවන් වන බවට කථානායකවරයාට ලිපි මගින් ලබාදී මෙම ආණ්ඩුවට එක්ව සිටී. දෙමළ සන්ධානය වෙත විපක්‍ෂ නායක ධුරය හිමි වූයේද විපක්‍ෂයේ ප‍්‍රධාන සංවිධායක ධූරය ජවිපෙට හිමිවූයේද ඒ අනුවය. ආණ්ඩුවක් පිහිටුවීමට ජනතා වරමක් නොලද එජාපයට ආණ්ඩුවක් පිහිටුවා ගැනීමට උදව් කළේ කවුද? ඒ, ජනතා විමුක්ති පෙරමුණ නොවේ. මහින්ද රාජපක්‍ෂ මහතා උපදේශකත්වය දරන කරන ශී‍්‍රලනිපයත් සන්ධානයත්ය. වත්මන් ආණ්ඩුවේ අමාත්‍ය මණ්ඩලයෙන් අඩක් නියෝජනය කරන්නේ, කවුද? ජනාධිපතිවරණය්දී මහින්ද රාජපක්‍ෂ මහතා දිනවීමට කටයුතු කළ, මහ මැතිවරණයේදී මහින්ද රාජපක්‍ෂ මහතා සමඟ එක්ව තරග කළ මහින්ද රාජපක්‍ෂ මහතාගේ ආණ්ඩුවේ ප‍්‍රබල ඇතිකම් දැරූ අයය. තමන්ගේ පක්‍ෂය පාලනය කර ගැනීමට නොහැකිවූ රාජපක්‍ෂ මහතා ඒ වෙනුවට සත්‍යය සඟවා ජවිපෙට අවලාද නැගීම හාස්‍යජනකය. එය ඔහු වැනි හිටපු ජනාධිපතිවරයෙකුට තරම් නොවේ. මහින්ද රාජපක්‍ෂ මහතා සඳහන් කරන පාර්ලිමේන්තුවේ විකෘතිය නිර්මාණය කර තිබෙන්නේ, මහින්ද රාජපක්‍ෂ මහතා දැනටත් නායක වගකීම් දරන, මන්තී‍්‍ර ධුර දරන ශී‍්‍රලනිය මිස ජවිපෙ නොවේ.

මහින්ද - අගමැති ඩීල්

එසේම ලංකාවේ වංචා දූෂණ හා අපරාධ පිළිබඳ පරීක්‍ෂණ පැවැත්වූ ආයතන ගැනද හිටපු ජනාධිපතිවරයා තම නිවේදනයෙන් නන්දොඩවා තිබේ. වත්මන් ආණ්ඩුව වංචා දූෂණ සෙවීමට පත්කළේ යැයි මහින්ද රාජපක්‍ෂ මහතා සඳහන් කරන ‘දූෂණ විරෝධී කමිටු’ හෝ ‘හදිසි වැටලීම් ඒකක’ ජවිපෙ නායක අනුර දිසානායක සහෝදරයාගේ හෝ අප පක්‍ෂයේ ‘අධීක්‍ෂණය’ යටතේ තිබුණේ නැත. එවැනි මෙහෙයවීමේ, අධීක්‍ෂණය කිරීමේ අධිකාරි බලයක් තිබුණේ නම් මහින්ද රාජපක්‍ෂ මහතා ඇතුළු ඔහුගේ කණ්ඩායමේ සිටින අපරාධකරුවන්ට හා දූෂිතයන්ට මෙලෙස නිදහසේ අනුන්ට අවලාද එල්ල කරමින් සිටීමට හැකිවන්නේ නැත. වංචා දූෂණ සෙවීමට සහායදීම සඳහා අගමැතිවරයා විසින් පිහිටවූ දූෂණ මර්දන කමිටු ලේකම් කාර්යාලය විසුරුවා හැරියේ අගමැතිවරයා විසිනි. ඒ අගමැතිවරයා හා මහින්ද රාජපක්‍ෂ මහතා අතර ඇතිවූ ‘එකඟතාවක්’ නිසා බව සත්‍යය දන්නා සියල්ලෝ දනිති. අදත් මහා පරිමාණ වංචා, දූෂණ හා අපරාධ සිදුකොට නිදැල්ලේ සිටීමට සමහරුන්ට හැකිවී තිබෙන්නේ වංචා, දූෂණ සෙවීමේ කටයුතු නමට පමණක් කෙරෙන බොරු සංදර්ශනවලට සීමාවී ඇති නිසාය. ඒ පිළිබඳව මහින්ද රාජපක්‍ෂ මහතා අගමැතිවරයාට සිත යටින් ස්තුති කරන බව අපි දනිමු.

ආණ්ඩු පෙරළන කතා : මහින්දගේ බොරු පම්පෝරි

පළාත් පාලන ඡන්ද නීතිය වෙනස් කිරීම ගැනද ජනාධිපතිවරයා අදහස් පළකර තිබේ. මහින්ද රාජපක්‍ෂ පාලනය තුළ අත්තනෝමතික ලෙස සම්මත කරගත් ද්විපක්‍ෂ ක‍්‍රමයක් හදන ප‍්‍රජාතන්ත‍්‍ර විරෝධී හා විකෘති ඡන්ද ක‍්‍රමය වෙනස්කර ගැනීමට අප මැදිහත් වූ බව ඇත්තය. ඒ, ජනතාවගේ ප‍්‍රජාතන්ත‍්‍රවාදී අයිතීන් තහවුරු කරගැනීම වෙනුවෙනි. තමන්ට වාසිදායක වන ලෙස සකසාගත් මැතිවරණ ක‍්‍රමය රටට හා ප‍්‍රජාතන්ත‍්‍රවාදයට ගැලපෙන ලෙස සකස් කිරීම නිසා ජනමතය විකෘති කිරීමේ කූට වුවමනාව පරාජයවීම ගැන මහින්ද රාජපක්‍ෂ මහතාට සහ ඔහුගේ කණ්ඩායමට වේදනාවක් තිබෙන බවද අපි දනිමු. එහෙත් නව මැතිවරණ ක‍්‍රමය පාර්ලිමේන්තුවේදී සම්මත වූයේ 2/3ක වැඩි ඡන්දයෙනි. එහිදී මහින්ද රාජපක්‍ෂ මහතාගේ කණ්ඩායම ඊට විරුද්ධ නොවූ අතර ඡන්දය දීමෙන් වැළකී සිටින ලදී. පෞද්ගලිකව ඔහු ඊට සහභාගි වූයේද නැත. ඉන්පසු පළාත් සභා සඳහාද මනාප ක‍්‍රමය ඉවත්වූ කොට්ඨාසයට වගකියන මන්තී‍්‍රවරයෙක් සහිත සහ කාන්තා නියෝජනයක් සහතික කෙරෙන නව මැතිවරණ ක‍්‍රමය ආදේශ කිරීම සඳහා පළාත් සභා පනත සංශෝධනය කර සම්මත කර ගන්නා ලදී. ඒ, සියලූ ඡන්ද එක ඡන්ද ක‍්‍රමයක් යටතේ පැවැත්විය යුතු නිසාය. එයටද තුනෙන් දෙකක ඡන්දය අවශ්‍ය විය. එයට පාර්ලිමේන්තුවේ ඡන්ද 159ක් ලැබුණි. පාර්ලිමේන්තුවේ 2/3 සඳහා අවශ්‍ය ඡන්ද 150කි. ජවිපෙ මන්තී‍්‍රවරු 06දෙනා ඡන්දය නොදී සිටියත් එම සංශෝධනයට 2/3ක් තිබුණි. ඊට දායකත්වය දැක්වූයේද? මහින්ද රාජපක්‍ෂ මහතාගේ ශී‍්‍ර ලංකා නිදහස් පක්‍ෂයේ අයමය. මෙය පරාජය කළ යුතු වැරදි සංශෝධනයක් නම් මහින්ද රාජපක්‍ෂ මහතා කළ යුතුව තිබුණේ එය පරාජය කිරීමට තමන්ගේ කණ්ඩායම් මෙහෙයවීමය. වත්මන් ආණ්ඩුව පරාජය කොට අලූත් ආණ්ඩුවක් හැදීමට තරම් පිරිසක් පාර්ලිමේන්තුවේ තමන් සමඟ සිටින බවට නිතර පම්පෝරි ගැසූ මහින්ද රාජපක්‍ෂ මහතාට එවැන්නක් කරගත නොහැකි විය. අවම වශයෙන් මෙම සංශෝධනයට විරුද්ධව ඡන්දය දීමට තම කණ්ඩායමවත් මෙහෙයවීමට රාජපක්‍ෂ මහතා කටයුතු කළේ නැත. එම සංශෝධනයේදී ඊට විරුද්ධව ඡන්දය දීමට මහින්ද රාජපක්‍ෂ මහතාගේ කණ්ඩායමෙන් පාර්ලිමේන්තුවේ සිටියේ දෙවන වර 44ක් හා තෙවැනි වර 37කි. මෙම පළාත් සභා මැතිවරණ සංශෝධන පනතට එරෙහිව තම ඡන්දයවත් පාවිච්චි නොකළ මහින්ද රාජපක්‍ෂ මහතා මෙවැනි ප‍්‍රකාශ කරන විට සිනහ නොවී සිටිය නොහැක.

ප්ලීස් මහින්ද , පාර්ලිමන්ට් ඇවිත් වැඩ පෙන්නන්න

ජවිපෙ පාර්ලිමේන්තුවේදී ආණ්ඩුවට එරෙහිව කටයුතු නොකරන බවක්ද මහින්ද රාජපක්‍ෂ මහතා ව්‍යංගයෙන් කියයි. ජවිපෙ ආණ්ඩුවට එරෙහිව, ආණ්ඩුවේ ජනතා විරෝධී කි‍්‍රයාමාර්ගවලට එරෙහිව කටයුතු කළ ආකාරය පාර්ලිමේන්තුවට නිතර සහභාගී වූයේ නම් මහින්ද රාජපක්‍ෂ මහතාට සියැසින්ම දැක ගැනීමට ඉඩ තිබුණි. එහෙත් ආණ්ඩුවේ ජනතා විරෝධී සෑම කි‍්‍රයාමාර්ගයකදීම පාර්ලිමේන්තුව මඟහැර සිටි මහින්ද රාජපක්‍ෂ මහතාට ජවිපෙ ආණ්ඩුවට එරෙහිව කි‍්‍රයාකළ ආකාරය දැකගත නොහැකිවීම පුදුමයක් නොවේ. අපි මහින්ද රාජපක්‍ෂ මහතාගෙන් මෙසේ අසමු. මේ ආණ්ඩුවේ ජනතා විරෝධී අයවැය සියල්ලට එරෙහිව ඡන්දය දීමට ඔබ පාර්ලිමේන්තුවට නොපැමිණියේ මන්ද? වරක් රවී කරුණානායක මහතාට එරෙහිව ඔබේ කණ්ඩායම විසින්ම ගෙන ආ විශ්වාසභංගයේදී රවී කරුණානායකට විරුද්ධව, විශ්වාසභංගයට පක්‍ෂව ජවිපෙ මන්තී‍්‍රවරුන් ඡන්දය ප‍්‍රකාශ කරද්දී ඔබ ඡන්දය දීමට පැමිණ සිටියේද නැත.

බලපෑම්සහගත මන්තී‍්‍රවරුන් අතර : අනුර 1 - මහින්ද 184

පාර්ලිමේන්තුවේ මන්තී‍්‍රවරුන්ගේ කි‍්‍රයාකාරිත්වය පිළිබඳව වෙබ් අඩවියක් විසින් කළ සමීක්‍ෂණයේ ප‍්‍රතිඵල දෙස බලන ලෙස අපි රාජපක්‍ෂ මහතාට කියමු. එම සමීක්‍ෂණයට අනුව ජවිපෙ නායක අනුර දිසානායක සහෝදරයා පාර්ලිමේන්තුවේ බලපෑම්සහගත වැඩිම කි‍්‍රයාකාරී මන්තී‍්‍රවරුන් අතර පළවැනියා වන විට මහින්ද රාජපක්‍ෂ මහතා සිටින්නේ එහි 184 වැනි ස්ථානයේය. විපක්‍ෂයේ කාර්යභාරය හරියට ඉටුකරන්නේ කවුද යන්න තේරුම් ගැනීමට වෙනත් උදාහරණ අවශ්‍ය නැත. ආණ්ඩුව අර්බුදයට පත්විය හැකි සෑම අවස්ථාවකම පාර්ලිමේන්තුව ම`ගහැර සිටි පාර්ලිමේන්තු මන්තී‍්‍ර මහින්ද රාජපක්‍ෂ මහතා ජවිපෙට ඇඟිල්ල දිගුකිරීම හාස්‍යජනකය.

මහින්දගේ දැනුමේ ප්‍රශ්නයක්

ඊළඟට වත්මන් ජනාධිපති මෛතී‍්‍රපාල සිරිසේන මහතා තම ධුර කාලය පිළිබඳ ශ්‍රේෂ්ඨාධිකරණයෙන් විමසූ අවස්ථාවේ ඊට එරෙහිව ජවිපෙ අධිකරණයට නොගියේ ඇයිද යන්නද රාජපක්‍ෂ මහතා විමසා තිබුණි. නීතිවේදියෙක් යැයි කියන මහින්ද රාජපක්‍ෂ මහතා නොදැන සිටියද වත්මන් ජනාධිපතිවරයාට සිය ධුර කාලය වසර 06ක් කර ගැනීමට කිසිසේත් ඉඩක් නැති බව අපි හොඳින් දැන සිටියෙමු. ශ්‍රේෂ්ඨාධිකරණ තීරණය විසින් තහවුරු කරන ලද්දේ එයය. මහින්ද රාජපක්‍ෂ මහතාට ඒ ගැන පවා අවබෝධයක් නොවීම පුදුමසහගතය.

සත්‍යපාල වන්නිගම, විජේදාස ලියනආරච්චි ඝාතන පිටුපස හිටියේ කවුද?

ඊළඟට සුපුරුදු ලෙස මහින්ද රාජපක්‍ෂ මහතා 1971 ගැනත් 88-89 ගැනත් විවිධ විකාර අදහස් රැසක් තම නිවේදනයේ සඳහන්කර තිබේ. 2005 ජනාධිපතිවරණයේදී එය ජයගැනීම සඳහා මහින්ද රාජපක්‍ෂ මහතා ජනතා විමුක්ති පෙරමුණ සමඟ අවබෝධතා ගිවිසුමක් අත්සන් කරන විට, ජනාධිපතිවරණය ජයග‍්‍රහණයෙන් පසු ආණ්ඩුවට එක්වන්නැයි ජවිපෙට ආයාචනා කරන විට මහින්ද රාජපක්‍ෂ මහතාට ඔහුම කියන එම අතීතය අමතකව තිබුණේ දැයි ඇසිය යුතුව ඇත. මහින්ද රාජපක්‍ෂ මහතාගේ බල ලෝභයේ හා අවස්ථාවාදයේ ප‍්‍රමාණය ඔහු විසින්ම පෙන්වා දීම ගැන අපට කළ හැකි කිසිවක් නැත. 1988-89 කාලයේ ජනතා විමුක්ති පෙරමුණ විසින් සිදුකළැයි කියන ඊනියා ඝාතන ගැන කතා කරන රාජපක්‍ෂ මහතාට එක්සත් ජාතික පක්‍ෂය විසින් සිදුකළ මහා මිනිස් ඝාතනය අමතකව තිබීම අහම්බයක් නොවේ යැයි අපි සිතමු. මන්ද මහින්ද රාජපක්‍ෂ මහතාට එජාපයේ මිනීමරු දේශපාලනය සැඟවීමට හේතු තිබෙන නිසාය. 88-89 කාලයේ ඝාතනය කළ හම්බන්තොට දිස්ති‍්‍රක්කයේ ජනතා විමුක්ති පෙරමුණේ කීර්තිමත් නායකයින් වූ සත්‍යපාල වන්නිගම, විජේදාස ලියනආරච්චි වැනි සහෝදරවරුන්ගේ ඝාතන පිටුපස සිටි හම්බන්තොට දිස්ති‍්‍රක්කයේ ප‍්‍රබල දේශපාලනඥයා කවුද යන්න පිළිබඳව ජනතාව අතර පවතින මතයේ සත්‍යතාව මෙයින්ද අපිට පැහැදිලි වේ.

මහින්දගේ තර්ක බුද්ධිය බිංදුවයි

මහනුවර දළදා මාලිගාවට බෝම්බ ගැසූ බවට සැක කරන, නැගෙනහිර පළාතේ නිරායුධ ජනතාව විශාල ප‍්‍රමාණයක් ඝාතනය කිරීමට වගකිව යුතු යැයි සැක කරන කරුණා අම්මාන්ට ශී‍්‍රලනිපයේ උප සභාපතිධුරයක් පිරිනමා ජවිපෙන් උදුරා ගත් ජාතික ලැයිස්තු මන්ත‍්‍රී ධූරයද නියෝජ්‍ය ඇමතිකමක්ද ලබාදුන් මහින්ද රාජපක්‍ෂ මහතාම මෙවැනි ඉතිහාසයක් යළි සිහිපත් කිරීම ඉතිහාසයේ සරදමකි.

මහින්ද රාජපක්‍ෂ මහතා ඉදිරියේ එන පරාජයෙන් කොතරම් කලබල වී සිටින්නේද යන්න ඔහු සිය නිවේදනයේ සඳහන් කරන තර්කවල පරස්පරතාවයෙන්ම පෙනේ. 1987දී පළාත් සභා ක‍්‍රමය හඳුන්වාදීමට එරෙහිව සන්නද්ධ අරගලයක් දියත් කළේ යැයි ජවිපෙට දොස් පවරන රාජපක්‍ෂ මහතා තවමත් සකස් කොට නැති නව ව්‍යවස්ථාවට එරෙහිව කිසිවක් නොකරන බවටද ජවිපෙට චෝදනා කරයි. ඔහුගේ මෙම අදහසේ දෙබිඩි බව ඔහුට නොවැටහුණද තර්ක බුද්ධිය ඇති කාටත් වැටහේ. මහින්ද රාජපක්‍ෂ මහතා බොරු දේශපේ‍්‍රමී සළුවකට මුවාවී සිටියද ඔහු කවදාවත් රට බෙදීමට සැබෑ ලෙස විරුද්ධව කටයුතු කළේ නැත. 1987 ඉන්දු ලංකා ගිවිසුමෙන් රට බෙදීමට පාර කපන විට එය පැරදවීමට සටන් කළ හා දිවිපිදූ අයට ඔහු ගරහන්නේ ඒ නිසාය. පසුගිය කාලය පුරාම ඔහුගේ භාවිතය ව්‍යාජයක් විය. 2004දී චන්ද්‍රිකා කුමාරතුංග මහත්මිය සුනාමි සහන මණ්ඩලය ගෙන ඒමට උත්සාහ දරන විට ජවිපෙ ඊට එරෙහිව ආණ්ඩුවේ ඇමති ධුර අත්හැර පාරට බසිද්දී මහින්ද රාජපක්‍ෂ මහතා ඒ ගැන වචනයක්වත් නොදොඩා සිටියේ ඔහුට රටට වඩා ‘අගමැතිකම’ ලොකු නිසාත් එවක ජනාධිපතිනිය ‘අමනාප කර ගැනීමට’ අකැමැති වූ නිසාත්ය.

හරියට ඉතිහාසය දන්නෙත් නෑ

එසේම 2005 ජනාධිපති ධුරයට මහින්ද රාජපක්‍ෂ මහතා පත්වන විටත් ඒකාබද්ධ කර තිබූ උතුරු හා නැගෙනහිර පළාත් වෙන් කිරීමට ඔහු කටයුතු කළේ නැත. එම පළාත් දෙක ඒකාබද්ධ කිරීම පවත්වාගෙන යමින් වසරක් පාසා නිකුත් කළ ගැසට් පත‍්‍රයට 2005 නොවැම්බරයේ මහින්ද රාජපක්‍ෂ මහතාද අත්සන් කළේය. ඔහු එය අත්සන් නොකර සිටියේ නැත. උතුරු පළාතෙන් නැගෙනහිර පළාත් වෙන්කරනු ලැබූයේ අධිකරණ නියෝගයක් මත ජනතා විමුක්ති පෙරමුණ විසින් බවත් සුනාමි සහන මණ්ඩලය අහෝසි කළේද අධිකරණය මගින් ජවිපෙ විසින් බවත් ඉතිහාසයේ බොහෝ දේවල් නොදන්නා මහින්ද රාජපක්‍ෂ මහතාට මතක් කළ යුතුව තිබේ. 2002දී අගමැති රනිල් වික‍්‍රමසිංහ මහතා ප‍්‍රභාකරන් සමඟ අත්සන් කළ සටන් විරාම ගිවිසුම පැරදවීමට ප‍්‍රධාන කි‍්‍රයාමාර්ග ගනු ලැබුවේ ජවිපෙ විසින් බවත් ඒ පිළිබඳ එවකට විපක්‍ෂ නායක මහින්ද රාජපක්‍ෂ මහතා ඒ පිළිබඳව කිසිවක් නොකළ බවත් ඉතිහාසය දන්නා කවුරුත් දනිති.

අලුත් ව්‍යවස්ථාවක් කොහෙද තියෙන්නෙ ?

වර්තමාන ආණ්ඩුව තවම නව ව්‍යවස්ථාවක් සකසා නැත. අපේ රටේ සියලූ ජනතාවගේ අයිතීන් සුරක්‍ෂිත කෙරෙන, ප‍්‍රජතන්ත‍්‍රවාදය ශක්තිමත් කෙරෙන, විධායක ජනාධිපති ක‍්‍රමය අහෝසි කෙරෙන නව ව්‍යවස්ථාවක් සම්මත කරගත හැකිනම් එය යහපත් බව අපි සිතමු. සියලූ ජන කොට්ඨාසයන්ගේ ජන අයිතීන් පිළිගෙන ජාතික සමගිය ගොඩනැගීමකින් තොරව රට බෙදීමේ අනතුර පරාජය කළ නොහැකි බව අපි හොඳින් දනිමු. ජාතිවාදයට කළ හැකි වන්නේ ජනතාව බෙදා වෙන් කිරීමය. ඒ නිසා තවමත් සකසා නැති ව්‍යවස්ථාවක් ගැන ජනතාව බියට පත්කිරීමට හෝ බියවීමට මහින්ද රාජපක්‍ෂ මහතාට හේතුවක් නැත. 2015 මැතිවරණයට විදුලි පුටුව මෙන්ම ව්‍යවස්ථාව ගැන බියද තවත් ප‍්‍රබන්ධයකි.

අනුන්ගේ වැඩ වලින් ලකුණු දාගත්තා

තම නිවේදනයෙන් මහින්ද රාජපක්‍ෂ මහතා උමාඔය ව්‍යාපෘතිය ගැනද සඳහන් කර තිබේ. ඔහුට අනුව අනුර දිසානායක සහෝදරයා කෘෂිකර්ම ඇමති ධුරය දරන කාලයේ කැබිනට් මණ්ඩල අනුමැතියට ඉදිරිපත් කළ එකම ව්‍යාපෘතිය ලෙස මෙය හඳුන්වා තිබේ. අනුර දිසානායක සහෝදරයා ඇමති ධුරය දැරූ කාලයේ දැදුරුඔය ව්‍යාපෘතිය, මැණික්ගඟ හරස් කොට තැනූ වෙහෙරගල ව්‍යාපෘතිය ඇතුළු ව්‍යාපෘති ගණනාවක් ආරම්භ කළේය. පසු කලෙක මහින්ද රාජපක්‍ෂ මහතා විසින්, ඒවා ආරම්භ වන මොහොතේ පිහිටුවා තිබූ ඵලක පවා ඉවත් කොට විවෘත කරනු ලැබුවේ ඒවාය. උමාඔය ව්‍යාපෘතියද එකල ඉදිරිපත් වූ ව්‍යාපෘතියකි. එහෙත් එය ආරම්භ කිරීමට පෙර ඒ සඳහා පරිසර ඇගයීම් වාර්තාවක් සහ ශක්‍යතා අධ්‍යයන වාර්තාවක් ගත යුතුව තිබුණි. ව්‍යාපෘතිය ආරම්භ කළ යුතුව තිබුණේ මෙම වාර්තාව පදනම් කරගෙන, සුදුසු නම් පමණක් එවැන්නක් කළ හැකි පළපුරුදු ආයතනයක්ද සම්බන්ධ කරගෙනය. එහෙත් මහින්ද රාජපක්‍ෂ මහතාගේ පාලනයේදී පරිසර ඇගයීම් වාර්තා විකෘති කළ බවත් ශක්‍යතා අධ්‍යයන වාර්තා පවා ලබා නොගෙන, මෙවැනි ව්‍යාපෘතියක් කළ නොහැකි ඉරාන සමාගමකට මෙය බාරදුන් බවත් දැන් හෙළිවී තිබේ. එබැවින් උමාඔය ව්‍යාපෘති විනාශයට වගකිව යුත්තේ, එම ව්‍යාපෘති යෝජනාව ඇමති මණ්ඩලයට ඉදිරිපත් කළ පුද්ගලයා නොව කිසිදු විද්‍යාත්මක පදනමකින් තොරව හිතුවක්කාර ලෙස එම ව්‍යාපෘතිය ඉරානය හා එක්ව කි‍්‍රයාවට නැගූ මහින්ද රාජපක්‍ෂ මහතා බව ඔහුට නොවැටහුණද සියලූ දෙනාම තේරුම් ගෙන ඇත.

තිස්සමහාරාමේ මිනිසුන්ට අගෞරව කරන්න එපා

තිස්සමහාරාම ප‍්‍රාදේශීය සභාව පිළිබඳවද රාජපක්‍ෂ මහතා සිය නිවේදනයේ සඳහන් කර තිබේ. තිස්ස සභාව ජනතාව ජවිපෙට ලබාදුන්නේ මහින්ද රාජපක්‍ෂ මහතා කියන පරිදි චන්ද්‍රකා මහත්මියගේ ආණ්ඩුව සමග හෝ මහින්ද රාජපක්‍ෂ පාලනය සමඟ ජවිපෙට තිබූ සම්බන්ධයක් මත නොවේ. එසේ පැවසීම තිස්සමහාරාම ජනතාවට කරන අගෞරවයකි. 2002 හා 2006 යන මැතිවරණ දෙකේදීම මහින්ද රාජපක්‍ෂ මහතා නියෝජනය කළ පොදු පෙරමුණ හා පසුව සන්ධානය තිස්සමහාරාම ප‍්‍රාදේශීය සභාවට තරඟ කළේය. මහින්ද රාජපක්‍ෂ මහතාගේ පක්‍ෂය තිස්සට තරග නොකර තිස්ස අපට නිතරගයෙන් දුන්නා නොවේ. තිස්ස ජනතාව ඉහත අවස්ථා දෙකේම මහින්ද රාජපක්‍ෂ මහතාගේ පක්‍ෂයත් එජාපයත් යන දෙකම පරදා තිස්ස පාලනය ජවිපෙට ලබා දුන්නේය. ඒ පිළිබඳ මහින්ද රාජපක්‍ෂ මහතා කෝපයෙන් සිටි බව අපි දනිමු. 2011දී බොරු චෝදනා නගා තිස්ස සභාව අකි‍්‍රය කොට එය කොල්ලකා ගැනීමට මහින්ද රාජපක්‍ෂ පාලනය කටයුතු කළේ ඒ නිසාය.

මහින්දගේ දේශපාලන හෙලුව

මහින්ද රාජපක්‍ෂ මහතා තම නිවේදනය මගින් සිදුකර ඇත්තේ, වීදුරු කුටියක සිට ඇඳුම් මාරු කිරීම වැනි දෙයකි. මෙලෙස තම දේශපාලන නිරුවත ප‍්‍රදර්ශනය කිරීමට මහින්ද රාජපක්‍ෂ මහතාට සිදුවීම ඉතිහාසයේ සරදමක් නොවේද?

මොකද කියන්නෙ වාදයකට එනවද ?

කෙසේ වුවත් අසත්‍ය කරුණුවලින්, සත්‍ය කරුණු විකෘති කිරීම්වලින්, පෞද්ගලික මඩ හා අවලාදවලින් පිරුණු මහින්ද රාජපක්‍ෂ මහතාගේ නිවේදනය හිටපු ජනාධිපතිවරයෙකුට තරම් නොවන්නේ යැයි අපි සිතමු. එබැවින් මෙම නිවේදනයට අත්සන තැබීමට පෙර මහින්ද රාජපක්‍ෂ මහතා එය හොඳින් කියවා බලා තිබුණේ නම් හොඳ යැයිද අපි සිතමු. තම නිවේදනය අවසානයේ මහින්ද රාජපක්‍ෂ මහතාගේ අත්සනින් ප‍්‍රකාශවී තිබෙන්නේ, ඔහු හා ඔහුගේ කණ්ඩායම මෙම මැතිවරණයේදී මුහුණදී ඇති දුර්භාග්‍යයේ, පසුබැසීමේ, පරාජයේ හා එහි වේදනාවේ තරම බව අපි දකිමු. ජනතා විමුක්ති පෙරමුණේ ප‍්‍රබල ජයග‍්‍රහණයක සේයාවද එය තුළ තිබේ. කෙසේ වුවත් මෙම කරුණු පිළිබඳව රාජපක්‍ෂ මහතා තවදුරටත් පෙනී සිටින්නේ නම් ඒ පිළිබඳ ඔහු සමඟ ප‍්‍රසිද්ධ විවාදයක් කිරීමට ජනතා විමුක්ති පෙරමුණ සූදානම් බව නැවතත් ප‍්‍රකාශ කරමු.

Comment (0) Hits: 977

'බැඳුම්කර විවාදය කල් දැමුවේ දූෂිත ප්‍රභූන්ගේ හොර සන්ධානයක්' - ජනාධිපති

බැඳුම්කර වංචා විමර්ශන ජනාධිපති කොමිසමේ වාර්තාව පිළිබඳ පාර්ලිමේන්තු විවාදය ඡන්දයට පසු පැවැත්වීමට පක්ෂ නායක රැස්වීමේදී ගත් තීරණය සම්බන්ධයෙන් ජනාධිපති මෛත්‍රීපාල සිරිසේන මහතා දැඩි අප්‍රසාදය පළ කර සිටියි.

පානදුර ප්‍රදේශයේ පැවති සන්ධානයේ මැතිවරණ ප්‍රචාරක රැළියක් අමතමින් ජනාධිපතිවරයා ඒ බව කියාසිටියේ ය.

පළාත් පාලන මැතිවරණයට පෙර හැකි නම් බැඳුම්කර කොමිෂන් සභා වාර්තාව සහ අනෙක් මහා පරිමාණ වංචා සම්බන්ධ වාර්තා පිළිබඳ විවාදය පවත්වන්නැයි ජනාධිපති මෛත්‍රීපාල සිරිසේන මහතා එහිදී අභියෝග කළේය.

එමෙන්ම මහබැංකු බැ`දුම්කර කොමිසන් සභා වාර්තාව සහ බරපතළ වංචා දූෂණ පිළිබ`ද සොයා බැලීමට පත්කළ ජනාධිපති විමර්ශන කොමිසන් සභා වාර්තාව වහාම පාර්ලිමේන්තුවට ඉදිරිපත් කරන ලෙස පාර්ලිමේන්තුවේ හඩනැ`ගු පිරිස් එම වාර්තා තමා පාර්ලිමේන්තුවට ඉදිරිපත් කිරීමෙන් අනතුරුව දූෂිත ප්‍රභූන්ගේ සන්ධානයක් ගොඩන`ගා ගනිමින් එම වාර්තා විවාදයට ගැනීම ප්‍රමාද කළ බවද ජනාධිපතිවරයා දැඩි ආවේගයෙන් යුතුව ප්‍රකාශ කර සිටියේය.

 හඬපටය

 දූෂණ වංචා පිළිබද කථා කිරීමට තමා සමග විවාදයකට පැමිණෙන්නැයි තමන් මේ රටේ සියලූ ප්‍රධාන දේශපාලන පක්ෂවල නායකයින්ට අභියෝග කරන බව ද ජනාධිපතිවරයා එහිදී කියා සිටියේය.

මහබැංකු මංකොල්ලය සිදුකරමින් සහ බරපතළ වංචා දූෂණ සිදුකරමින් මේ රටේ රාජ්‍ය සම්පත් සහ මහජන මුදල් කොල්ලකෑවේ කවුදැයි ජනතාව හො`දින් දන්නා බව පැවසූ ජනාධිපතිවරයා, ජනතාවට කිසිදා සත්‍ය වසන් කළ නොහැකි බව ද කියා සිටියේය.

හොර සාකච්ජාවක් ?

මෙම කොමිසන් සභා වාර්තා පාර්ලිමේන්තුවට ගෙන ඒමට පෙර දින මෙම ප්‍රභූ දූෂිත සන්ධානය බොරැල්ලේ නිවසක හමුවී පක්ෂ, පාට, ජාති සහ භාෂා බේදයකින් තොරව සන්ධානගත වූයේ තම දූෂිත ක්‍රියාවන් වසන් කර ගැනීමට බව ද ජනාධිපතිවරයා කියා සිටියේය.

අදාළ වාර්තා පාර්ලිමේන්තුවේ විවාදයට ගත්තානම් බොහෝ දෙනෙකුගේ වැරදි රටට හෙළිවන බව පැවසු ජනාධිපතිවරයා, පෙබරවාරි 10 වනදා පැවැත්වෙන මැතිවරණයට පෙර හැකිනම් එක් දිනක් හෝ එම වාර්තා විවාදයට ගන්නැයි තමන් ඔවුන්ට අභියෝග කරන බව ද කියා සිටියේය.

මහින්දට පිළිතුරක් :

හිටපු මුදල් අමාත්‍ය රවී කරුණානායක මහතාට එරෙහිව විපක්ෂය විසින් විශ්වාසභංග යෝජනාවක් ගෙන ආ අවස්ථාවේ හිටපු ජනාධිපතිවරයා ඒ ස`දහා ඡන්දය භාවිතා කළේ හෝ එදින පාර්ලිමේන්තුවට පැමිණියේ ද නැති බවත්, පාර්ලිමේන්තුවෙන් පිටත සිට රවී කරුණානායක මහතාට සුබ පැතු අන්දමත් පිළිබ`ද තමා පසුගියදා කළ ප්‍රකාශයට පිළිතුරු දෙමින් එවැනි විශ්වාසභංගයක් පාර්ලිමේන්තුවට ගෙන ඇවිත් නැති බවට, හිටපු ජනාධිපතිවරයා කර තිඛෙන ප්‍රකාශය ද මෙහිදී සිහිපත් කළ ජනාධිපතිවරයා, අදාළ දිනයේ පාර්ලිමේන්තුවේ හැන්සාඩ් වාර්තාව ද ඉදිරිපත් කරමින් පෙන්වා දුන්නේ එදා පාර්ලිමේන්තුවට නොපැමිණි මන්ත්‍රීවරුන්ගේ නාම ලේ්ඛණයේ හිටපු ජනාධිපතිවරයාගේ නම ස`දහන්ව තිඛෙන බවයි.

ජනතාව රැවටීම හෝ මුලා කිරීමට කිසිදු දේශපාලන පක්ෂයකට හැකියාවක් නොමැති අතර නීතිය ඉදිරියේ ඒකාන්තයෙන්ම වංචා දූෂණ සිදුකළ සියලූදෙනා වැරදිකරුවන් බවට පත්වන බවද ජනාධිපතිවරයා මෙහිදී අවධාරණය කළේය.

Comment (0) Hits: 917

ජපාන ඉහළ පෙළේ ආයෝජකයන් සහ මුදල් හා ජනමාධ්‍ය අමාත්‍යවරයා අතර හමුවක්

ජපානයේ ඉහළ පෙළේ ආයෝජකයන් පිරිසක් සහ මුදල් හා ජනමාධ්‍ය අමාත්‍ය මංගල සමරවීර මහතා අතර හමුවක් අද (25) මුදල් හා ජනමාධ්‍ය අමාත්‍යාංශයේ දී පැවැත්විණි.

ජපානයේ ටෝකියෝ නුවර ශ්‍රී ලංකා තානාපති කාර්යාලයේ, අගමැති කාර්යාලය යටතේ පිහිටුවා ඇති ජපන් ශ්‍රී ලංකා ඒකාබද්ධ විස්තීරණ සහයෝගීතා ලේකම් කාර්යාලයේ ආරාධනයකට අනුව මෙම ජපන් ආයෝජකයන් පිරිස ශ්‍රී ලංකාවට පැමිණ ඇත.

Comment (0) Hits: 871

ජනාධිපතිගේ කඩුවෙන් කැපෙන්නේ හොරු, සල්ලාලයෝ, මැරයෝ නෙවෙයි, ජනතා අයිතීන්. - පුබුදු ජයගොඩ

තමන් සතුව කඩුවක් ඇති බවත් එයින් කවුරුන් කැපේදැයි කිව නොහැකි බවත් ජනාධිපතිවරයා පැවසුවද, එයින් කැපෙන්නේ ජනතා අයිතීන් පමණක් බව පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි .

ඔහු මේ බව ප්‍රකාශ කළේ ජනවාරි 24 නුවරඑළිය බ්ලැක්පූල්හි පැවති ජන හමුවකදීය.

පුබුදු ජයගොඩ මහතා පැවසුවේ මේ කඩුවෙන් හොරු, මැරයෝ, සල්ලාලයෝ සහ දුශිතයෝ කපන තුරු ජනතාව බලාගෙන සිටි බවයි . එහෙත් වසර තුනක් ගතව ඇතත් පරණ ආණ්ඩුවේ හොරු සහ අලුත් ආණ්ඩුවේ හොරු යන සියලු දෙනා යහතින් සිටින බව ඒ මහතා පවසයි.

ඔහු වැඩිදුරටත් මෙසේද පැවසීය "මහබැංකුවේ බැඳුම්කර නිකුතුවේ මහා වංචාව ගැන මේ වනවිට මුළු රටම විතරක් නෙවෙයි, ලෝකෙත් දන්නවා. ඒ වංචාවට අනුබල දුන්න, ආශීර්වාද කළ, හොරුන්ට ආරක්ෂාව දුන්, ඒ හැම එකටම වැඩියෙන් ඒ හොරකමට නියෝග දුන් දේශපාලන තන්ත්‍රය ගැන අද කවුරුත් නිහඬයි. මේකේ දේශපාලන වගකීම කාටද කියලා ජනාධිපතිවරයා කියන්නෙත් නෑ, කොමිෂන් වාර්තාවෙත් නෑ, කෝප් කමිටු වාර්තාවෙත් නෑ. ජනාධිපති කියන්නේ අගමැති වගකිව යුතු නෑ කියලා. වංචාව සිදුවුණු කාලයේ මහබැංකුව තිබුනේ රනිල් වික්‍රමසිංහ මහත්තයා යටතේ.

ඒ වගකිවයුත්තන්ව ඔය කඩුවෙන් කැපෙන්නේ නෑ, මෙච්චර කලක් කොපුවේ තිබුණු කඩුව දැන් එකපාරටම වනන්නේ මැතිවරණ ගුන්ඩුවක් විදියට විතරයි කියලා අපි වගකීමෙන් කියනවා. පසුගිය දවස්වල තිස්සමහාරාමයේ කුඩා දැරියක් සල්ලාලයන් පිරිසක් විසින් අතවරයට ලක් කරලා ඒ දැරිය සියදිවි නසා ගත්තා. ඒ අපරාධය කළේ තිස්සමහාරාමයේ එක්සත් ජාතික පක්ෂ ආධාරකරුවන් තුන්දෙනෙක්. සජිත් ප්‍රේමදාස මහත්තයා සල්ලි දීලා ඒ දැරියගේ ඥාතීන් අවනත කර ගන්න උත්සාහ කර තිබුනා. මේ සම්බන්ධයෙන් ජනාධිපති නිහඬයි. අර කඩුවත් වැඩකරන්නේ නෑ.

ඒ වගේම ඌව මහඇමතිවරයා විදුහල්පතිවරියක් දණ ගස්වා අපකීර්තියට පත්වුනා. කලින් මහින්ද රාජපක්ෂ පාලන සමයේ මහින්ද මහත්තයාගේ ගෝලයෙක් පුත්තලමේදී ගුරුවරියක් දණ ගැස්සුවා. මහින්ද වෙනුවට මෛත්‍රී ආවා. අද මොකද වෙලා තියෙන්නේ? මෛත්‍රීපාල මහත්තයාගේ ගෝලයා විදුහල්පතිවරියක් දණ ගස්වනවා. කෝ ඒ ඌවේ මැරයාට එරෙහිව කඩුව වනුවාද?

ආණ්ඩුව කඩුව නිදැල්ලේ වනමින් කපන්නේ අපේ රටේ පහල පාන්තික ජනතාව. වැඩකරන ජනතාව. රජයේ සේවකයන්ගේ විශ්‍රාම වැටුප කඩුවට කැපෙනවා. පෞද්ගලික අංශයේ සේවකයාගේ පැය අටේ වැඩ අයිතිය කඩුවට කැපෙනවා. ඒ සඳහා සාප්පු හා කාර්යාල සේවක පනත සංශෝධනය කරන්න යනවා.

ගොවියාගේ ඉඩම් අයිතිය කඩුවට කැපෙනවා. අද මොණරාගල දිස්ත්‍රික්කයේ ඇතිමලේ සහ මාලිගාවිල ප්‍රදේශ වල අක්කර දහස් ගණනින් පාරම්පරික ගොවි ඉඩම් බලහත්කාරයෙන් උදුරාගෙන සමාගම් සතු කරනවා. ඒ කඩුවෙන් පාසල් සිසුන්ගේ නිළ ඇඳුමේ පෙළ පොතේ අයිතිය කැපෙනවා. වවුචර් කියලා කරන මගඩිය ඒ කැපිල්ල ඇර වෙන මොකක්ද? එක එක සෞඛ්‍ය රක්ෂණ ප්‍රෝඩාවල් හරහා නිදහස් සෞඛ්‍ය සේවයට කඩු පහර එල්ල වෙනවා. රාජ්‍ය බැංකු, වරාය, ගුවන් සේවය වගේ පොදු දේපල වලට කඩුව එල්ල වෙලා තියෙන්නේ. ඇඟිලි සලකුණු දත්ත බැංකුව හදන අංගුලිමාල පනත මගින් ජනතාවගේ ප්‍රජාතන්ත්‍රවාදී අයිතීන් ඒ කඩුවෙන් කපනවා. ඔය විදියට ගියාම කඩුවෙන් කපන්නේ ජනතාව. "

Comment (0) Hits: 948

රාවය කතෘ ඉල්ලා අස්වෙයි !

රාවය පුවත්පතේ ප්‍රධාන කතෘ කේ. ඩබ්ලිව්. ජනරංජන මහතා සිය ධූරයෙන් ඉල්ලා අස්වීමේ ලිපිය ඊයේ(24) කළමණාකාරීත්වයට භාරදී ඇති බව වාර්තා වේ.

 ජනරංජන මහතා රාවය පුවත්පතේ කතෘවරයා මෙන්ම ප්‍රධාන විධායක නිලධාරියා ලෙසද කටයුතු කරනු ලැබීය. රාවය හිටපු කතෘ වික්ටර් අයිවන් මහතා ප්‍රමුඛ කළමණාකාරීත්වය විසින් මිට සතියකට පමණ ඉහතදී ජනරංජන මහතාව ප්‍රධාන විධායක ධූරයෙන් ඉවත්කර තිබූ බවද පැවසේ.

මේ පිලිබඳ අදහස් දක්වමින් රාවය පුවත්පතේ හිටපු මාධ්‍යවේදියෙක් වන උවිඳු කුරුකුලසූරිය මහතා තම facebook පිටුවේ පවසා ඇත්තේ ජනරංජන මහතාගේ අස්වීමට හේතුව රාවයේ සභාපති වික්ටර් අයිවන්ගේ අනවශ්‍ය බලපෑම් බවයි.

Comment (0) Hits: 1109

මත්පැන් තහංචියට එරෙහිව තවත් නඩුවක්

මත්පැන් මිලදී ගැනීම සහ මත්පැන් අලෙවි සල්වල සේවය කිරීම සඳහා කාන්තාවන්ට අවසර ලබාදෙමින් අමාත්‍ය මංගල සමරවීර මහතා විසින් ඉදිරිපත් කළ ගැසට් පත්‍රය අහෝසි කිරීම මගින් සිය මූලික අයිතිවාසිකම් කඩ වී ඇතැයි පවසමින් තවත් මූලික අයිතිවාසිකම් පෙත්සමක් විකල්ප කලා සහ සමාජ ක්‍රියාකාරිකයින් පිරිසක් විසින් ඊයේ (24) ශ්‍රේෂ්ඨාධිකරණය වෙත ගොනුකර ඇත.

මෙම පෙත්සම ඉදිරිපත් කළ පිරිස අතර නදීකා බණ්ඩාර, රුවිනි තල්පාවිල, ඉදුනිල් කංකානම්ගේ, කේ.කේ. සමන් කුමාර, විරාජ් ලියනආරච්චි, ප්‍රියාන් ආර් විජේබණ්ඩාර, ජෙහාන් ශ්‍රී කාන්ත අප්පුහාමි ඇතුලු 13 දෙනෙක් සිටින බව වාර්තා වේ.

මෙම පෙත්සම මගින් මංගල සමරවීර අමාත්‍යවරයා, සුරාබදු කොමසාරිස්වරයා, නීතිපතිවරයා, අමාත්‍ය මණ්ඩල ලේකම්වරයා ඇතුළු හය දෙනෙක් වග උත්තරකරුවන් ලෙස නම් කර ඇත.

ඉතා පැරණි නීතියක් වන මෙය ඉන්පසු ගෙන ආ 1978 ආණ්ඩුක්‍ර‍ම ව්‍යවස්ථාවේ මූලික අයිතීන්ට පටහැනි වන බව පෙන්වා දෙන මෙම පෙත්සම ලංකාවේ වැඩිම මත්පැන් බලපත්‍ර‍ ලබාගෙන ඇත්තේ ස්ත්‍රීන් බවද එබැවින් මෙම නීති අතාර්කික බව පවසයි. පුරුෂයින්ට අදාල නොවන නීති ස්ත්‍රීන්ට අදාල වීම මගින් සමානත්වයේ අයිතිවාසිකම තමන්ට අහිමි වන බව පෙත්සම්කරුවන් පවසා සිටී.

ස්ත්‍රීන්ගේ ප්‍ර‍ගතිය උදෙසා නීති සෑදිය හැකිය යන ආණ්ඩුක්‍ර‍ම ව්‍යවස්ථා ප්‍ර‍තිපාදනය මෙහිදී අදාල නොවන බවත් කාන්තාවක වීම නිසාම අයිතිවාසිකම් අහෝසි කිරීමකට එකී ප්‍ර‍තිපාදනය යොදා ගත නොහැකි බවත් මෙමගින් පෙන්වා දී ඇත.

එමෙන්ම මෙම නීති යුධ සහ නාවික රෙගුලාසි යටතේ පවත්වාගෙන යන ආපනශාලා, අලෙවිසල් හෝ තැබෑරුම් සදහා අදාල නොවන බව සුරාබදු ආඥාපනතෙහි 5 වගන්තියෙහි දක්වා ඇති බව එනිසා ත්‍රිවිධ හමුදාවෙහි සිටින කාන්තාවන්ට මත්පැන් මිලදී ගැනීමේ සහ ඒවායෙහි සිට මත්පැන් පරිබෝජනය කිරීමේ හැකියාව ඇති බවත් පෙත්සම්කරුවන් පෙන්වා දෙයි.

එය අනිකුත් ලාංකීය ස්ත්‍රී වර්ගයාට සිදුකල විශාල වෙනස්කමක්ද වන බව පෙන්වා දෙන ඔවුන් පෙන්වා දෙන්නේ මත්පැන් මිලදී ගන්නවාද, පරිභෝජනය කරනවාද යන්න තම අභිමතය අනුව සිදුවිය යුත්තක් බවත් එයට සීමාවන් නියම කිරීමට කිසිවකුට නොහැකි බවයි.

Comment (0) Hits: 916

දුෂණ විරෝධී සටන ජාතිවාදයෙන් ප්‍රවේශම් කරමු !- සමාජ ප්‍රජාතන්ත්‍රවාදී පක්ෂය

අල්ලස, වංචාව සහ දූෂණයෙන් තොර රටත් බිහිකර ගැනීම උදෙසා දූෂණ විරෝධීන් ගෙනයන අරගලය කිසිදු අයුරකින් හිටපු හොර, මැර, ජඩ දේශපාලකයන්ට නැවත බලය ලබාදීම උදෙසා භාවිතා වීමට ඉඩදිය යුතු නැති බව ශ්‍රී ලංකා සමාජ ප්‍ර‍ජාතන්ත්‍ර‍වාදී පක්ෂය සඳහන් කරයි.

එම පක්ෂය වෙනුවෙන් එහි ප්‍රධාන ලේකම් නිවේදනයක් නිකුත් කරමින් මේ බව සඳහන් කර ඇති අතර එහි වැඩිදුරටත් අවධාරණය කර ඇත්තේ රාජපක්ෂ පාලනය අවසන් කිරීමට මෙරට ජනතාව තීරණය කරන ලද්දේ දූෂණයට සහ භීෂණයට එරෙහිව බවත් එම හොර, මැර පාලනය ආපසු කැදවා ගැනීමට කිසිදු උවමනාවක් දූෂණ විරෝධීන් සහ සමාජ ප්‍ර‍ජාතන්ත්‍ර‍වාදීන් ලෙස තමන්ට නොමැති බවය.

එසේම රාජපක්ෂ පාලන සමයෙහි සහ යහපාලන ජාතික ආණ්ඩුව සමයෙහි සිදුවු දූෂණ වංචා නඩු කඩිනමින් විභාග කිරීමට වෙනම අධිකරණ පද්ධතියක් ස්ථාපිත විය යුතු බවට මුල්වරට යෝජනා කරන ලද්දේ දූෂණ විරෝධී පෙරමුණ බව සඳහන් කරන එම නිවේදනය වහාම එම අධිකරණ පද්ධතිය ස්ථාපිත කොට හොරුන්ට දඩුවම් කොට එම අයතා ගනුදෙනු වලින් රටට සිදුවු අලාභය අය කරගන්නා ලෙසට ජාතික රජයට බලපෑම් කළ යුතු බවද සඳහන් කර ඇත.

තවද දූෂණ විරෝධය මුවාවෙන් නව ව්‍යවස්ථාවට හා ජාතික සමගියට විරුද්ධව ඒකාබද්ධ විපක්ෂය ගෙනයන ජාතිවාදී ව්‍යාපෘතිය පරාජය කළ යුතු බවත් ජාතික නිදහසට වසර 70 ක් සපිරෙන මොහොත වනවිටත් ශ්‍රී ලංකාව වර්ගවාදීන්ගේ දිවයිනක් කිරීම සම්බන්ධව ජාතිවාදී දේශපාලකයින් වගකිව යුතු බවද එහි සඳහන්ය.

Comment (0) Hits: 1658

විදුහල්පතිනිය දණ ගැස්වීම කාන්තාවන්ට කළ නින්දාවක් - සමන්මලී ගුණසිංහ

ඌව පළාත් මහා ඇමතිවරයා විසින් බදුල්ල දෙමළ බාලිකා විද්‍යාලයේ විදුහල්පතිනිය දණ ගැස්වීම එක කාන්තාවකට එරෙහිව පමණක් නොව මුළු මහත් සමස්ත කාන්තා පරපුරට එරෙහිව දියත් කල මහා නින්දිත ක්‍රියාවක් බව අයිතීන් උදෙසා කාන්තාවෝ සංවිධානයේ සමන්මලී ගුණසිංහ මහත්මිය පවසයි.

එසේම මෙම නොමනා ක්‍රියාව සම්බන්ධයෙන් ලෙස බලවත් විරෝධයක් දක්වන බවද අයිතීන් උදෙසා කාන්තාවෝ සංවිධානය නිවේදනයක් නිකුත්කරමින් දක්වා තිබේ.

 එම නිවේදනය පහත දැක්වේ.

Comment (0) Hits: 895

බැසිල් ඇතුළු පිරිසකට ළඟදීම නඩු පිට නඩු !

බරපතළ වංචා දූෂණ සහ රාජ්‍ය සම්පත් අවභාවිතය සම්බන්ධයෙන් හිටපු ඇමැති බැසිල් රාජපක්ෂ මහතාට එරෙහිව ඉදිරි නීතිමය පියවර ගැනීම සඳහා නීතිපති දෙපාර්තමේන්තුව අධ්‍යයනයක් ආරම්භ කර තිබෙන බව වාර්තා වෙයි.

නීතිපති ජනාධිපති නීතිඥ ජයන්ත ජයසූරිය මහතාගේ උපදෙස් මත මෙම අධ්‍යයනය සිදුකරගෙන යනු ලැබේ.

මේ පිළිබඳව 'දිනමිණ' පුවත්පටහ කළ විමසීමකදී නීතිපතිවරයා පවසා ඇත්තේ, ජනාධිපති මෛත්‍රීපාල සිරිසේන මහතා වෙත ජනාධිපති පරීක්ෂණ කොමිසම භාරදී තිබෙන කොමිසමේ නිර්දේශ ඇතුළත් වාර්තා අටක් ඉදිරි නීතිමය පියවර ගැනීමට ජනාධිපතිවරයාගේ උපදෙස් මත ජනාධිපති ලේකම් ඔස්ටින් ප්‍රනාන්දු මහතා නීතිපතිවරයා වෙත භාරදී තිබෙන බවයි.

එම පරීක්ෂණ වාර්තා අට තුලදේශපාලනඥයන් ඇතුළු සභාපතිවරුන්, අධ්‍යක්ෂවරු කිහිපදෙනකු පිළිබඳව ද සඳහන්ව තිබෙන බව පවසන නීතිපතිවරයා, ඒ අනුව එම වාර්තා අට සහ අදාළ පුද්ගලයින්ට එරෙහිව ඉදිරි නීතිමය පියවර ගැනීමට අධ්‍යයනය සිදුකරගෙන යන බව එම පුවත්පතට වැඩිදුරටත් පවසා තිබේ.

එම වාර්තා අටට ආර්ථික සංවර්ධන අමාත්‍යාංශය, ජාතික නිවාස සංවර්ධන අධිකාරිය, හෙක්ටර් කොබ්බෑකඩුව ගොවි පර්යේෂණ ආයතනය, උතුරුමැද පළාත් සභාව, මහනුවර සෞඛ්‍ය සේවා අධ්‍යක්ෂක කාර්යාලය, රූපවාහිනී සංස්ථාව, ජාතික ගමනාගමන කොමිසම, ජාතික තරුණසේවා ‍සභාව අයත් වෙති.

රූපවාහිනී සංස්ථාවේ හිටපු සභාපතිවරයකු වන විමලසේන රූබසිංහ, අධ්‍යක්ෂක චන්ද්‍රපාල ලියනගේ, ජාතික ගමනාගමන කොමිසමේ සභාපති රේණුක දුෂ්යන්ත පෙරේරා, තරුණසේවා සභාවේ හිටපු සභාපතිවරයකු වන ලලිත් පියුම් පෙරේරා මහත්වරු ඇතුළු තවත් කිහිපදෙනෙකු පිළිබඳත් එම වාර්තා අටේ සඳහන් වන අතර ඔවුන් සම්බන්ධවත් නීතිමය අධ්‍යයනය සිදුකරගෙන යනු ලැබේ.

මෙම වාර්තා අට දැනට සති දෙකකට පමණ පෙර නීතිපති දෙපාර්තමේන්තුවට භාරදී තිබේ.

Comment (0) Hits: 1013

විරෝධතාවයට වසරක් ; අතුරුදහන්වුවන්ට දුන් පොරොන්දු හමස් පෙට්ටියේ (වීඩියෝ)

යුද සමයේ හමුදාවට භාරවී ආගිය අතක් නැතියවුන් සොයා දෙන ලෙස ඉල්ලමින් පසුගිය වසරේ ආරම්භ කළ මාරාන්තික උපවාසයට වසරක් ගතවී ඇතත් තවමත් ගැටලුවට විසදුම් නොලැබීමට විරෝධය දක්වමින් අතුරුදහන්වුවන්ගේ පවුල් වල ඥාතීන් විසින් වව්නියාවේදී විරෝධතාවයක් පවත්වා තිබේ.

වව්නියාව තැපැල් කාර්යාලය ඉදිරිපිටදී 23 අඟහරුවාදා විරෝධතාවයේ යෙදුන අතුරුදහන්වුවන්ගේ පවුල් වල ඥාතීන් පවසා ඇත්තේ 2017 වසරේ ජනවාරි 23 වන දින මාරාන්තික උපවාසයක් ආරම්භ කිරීමෙන් පසු සති දෙකක කාලයක් තුළ තම ගැටලුවට විසදුම් ලබා දෙන බවට රජයේ බලධාරීන් දුන් පොරොන්දු මේ වන තෙක් ඉටු කර නොමැති බවයි.

දෙමල සන්ධානයත් නිහඬයි :

අතුරුදහන් කොට තිබෙන තම නෑසියන් වෙනුවෙන් යුක්තිය ඉටුකරවා ගැනීම සදහා සහාය ලබා දෙන බව පවසමින් දෙමළ ජාතික සන්ධානයේ දේශපාලඥනයන්ද තම ඡන්ද ලබා ගත්තද මේ වන විට ඔවුන්ද නිහඩ පිළිවෙතක් අනුගමනය කරන බවට විරෝධතා කරුවන් එහිදී චෝදනා කර තිබේ.

තම සමීපතමයන්ට අත්වු ඉරණම දැනගන්නා තෙක් අඛණ්ඩව උපවාසයේ නිරත වන බවට අවධාරණය කර ඇති ඔවුන් වැඩි දුරටත් පවසා ඇත්තේ මේ වසරේ පැවැත්වෙන ජිනීවා මානව හිමිකම් කොමිසම වෙතද තම ගැටලුව ඉදිරිපත් කරන බවයි.

රුවන්ගේ බොරු පොරොන්දු !

අතුරුදහන් වූවන්ට සිදුවූ දේ සොයා ගන්නා තුරු නොනැගිටින බවට ශපත කරමින් පසුගිය වසරේ උපවාසයක් ආරම්භ කර දෙසතියක් ඇතුලත අගමැතිවරයා, නීතිපතිවරයා සමග අරලියගහ මන්දිරයේදී මුණ ගස්වන බවට රජය විසින් දෙන ලද සහතිකයකින් අනතුරුව දින හතරක් සපිරෙන මාරාන්තික උපවාසය තාවකාලිකව අත්හිටුවීමට විරෝධතා කරුවන් එකඟ වී තිබුනි.

වව්නියාවේදී උපවාසය පැවැති ස්ථානයට රජයේ නියෝජිතයා ලෙස ගිය වසරේ ජනවාරි 26 බ්‍රහස්පතින්දා ගිය ආරක්ෂක රාජ්‍ය අමාත්‍ය රුවන් විජේවර්ධන සිංහල සහ දෙමළ බසින් ලිඛිතව පොරොන්දු වී තිබුනේ 2017 වසරේ පෙබරවාරි 09 දා තමන්ද සමග උපවාසකරුවන්ට අගමැතිවරයා සහ නීතිපතිවරයා සමග සාකච්ඡාවක් ලබා දීමට කටයුතු කරන බවයි.

එහිදී උපවාසිකයන් සියලු දෙනා හට ආරක්ෂක රාජ්‍ය අමාත්‍යවරයා ජලය පොවමින් උපවාසය අවසන් කරන්නට ඥාතීන් එකඟ කරවා ගත්තේය.

අගමැති නීතිපති නො එති:

කෙසේ වෙතත්, නියම කරන ලද පරිදි කොළඹ ගිය ඥාති පිරිසගේ බලාපොරොත්තු කඩ කරමින් ඔවුන් හමුවට අගමැතිවරයා හෝ නීතිපතිවරයා පැමිණ නැත.

ඒ වෙනුවට මාරාන්තික උපවාසයේ නිරතව සිටි 14 දෙනාගේ ඥාතීන් පමණක් සොයා ගැනීමට පොලිස්පති නායකත්වයෙන් යුත් විශේෂ කොමිසමක් යෙදවීමට රජය කර ඇති යෝජනාවට දැඩි විරෝධය පාමින් උපවාසිකයන් පවසා ඇත්තේ තම අරමුණ වූයේ අතුරුදහන් සියලු දෙනාගේ ඉරණම හෙළි කර ගැනීම බවයි.

(radiogagana)

 

Comment (0) Hits: 855

ජවිපෙ 'ඇරඹුම' ට නිර්මාල්ගේ සහය

2018 පළාත්පාලන මැතිවරණයේදී ජනතා විමුක්ති පෙරමුණේ මැතිවරණ ව්‍යාපාරයට සහාය පළ කිරීමේ අරමුණින් 'ඇරඹුම' නම් සංවිධානය ආරම්භ කළ බව ඊයේ(23) කොටුව දුම්රිය පොළ අසළ පැවති එම සංවිධානයේ අත් පත්‍රිකා බෙදාහැරීමේදී නිර්මාල් රංජිත් දේවසිරි මහතා පවසා තිබේ.

 දූෂණයෙන් තොර ගමක් - දරුවන්ට හෙටක් යන තේමාව යටතේ මෙම අත්පත්‍රික බෙදාහැරීම සිදුවිය.

 පසුගිය දිනවලදී ‘ඇරඹුම’ සංවිධානය විසින් රට පුරා දිස්ත‍්‍රික්ක මට්ටමින් සම්මන්ත‍්‍රණ මාලාවක් සංවිධානය කර තිබිණි.

 මෙම අවස්ථාවට මහාචාර්ය චන්දන අබේරත්න මහතා, ආචාර්ය නිර්මාල් රංජිත් දේවසිරි මහතා, වෛද්‍ය නිහාල් අබේසිංහ මහතා, සෞන්දර්ය විශ්වවිද්‍යාලයේ ජ්‍යෙෂ්ඨ කථකාචාර්ය අසේල රංගදේව මහතා ඇතුළු විද්වතුන්, වෘත්තිකයින් සහ කලාකරුවන් පිරිසක් සහභාගි වී සිටියහ.

Comment (0) Hits: 1053

බැඳුම්කර වාර්තාව ගැන ජනාධිපති කාර්යාලයෙන් කතා දෙකක්

පාර්ලිමේන්තු මන්ත්‍රී රවී කරුණානායක මහතාට බැඳුම්කර කොමිසමේ වාර්තාවේ පිටපතක් ලබාදී ඇති බව ජනාධිපති කාර්යාල පවසයි .

එහෙත් ඊයේ පාර්ලිමේන්තු මන්ත්‍රීවරුන් විසින් අසන ලද ප්‍රශ්නවලට පිළිතුරු ලබාදෙමින් කථානායක කරූ ජයසූරිය මහතා සඳහන් කළේ බැඳුම්කර කොමිසමේ වාර්තාවක් ජනාධිපති කාර්යාලයට, පාර්ලිමේන්තුවට, නීතිපති කාර්යාලයට සහ මහා බැංකුවට පමණක් ලබාදුන් බවට ජනාධිපති කාර්යාලය සහතික කළ බවයි.

එසේම වාර්තාවේ ඇතැම් කොටස් අඩු බවට නැගුණු චෝදනාවටද පිළිතුරු ලබාදෙමින් කථානායකවරයා සඳහන් කළේ එහිදී සම්පූර්ණ වාර්තාව ඉහත පාර්ශව සඳහා කිසිදු වෙනසකින් තොරව ලබාදී ඇති බවයි.

බැඳුම්කර වාර්තාවේ පිටපතක් ලැබුණා - රවී

මහබැංකු බැදුම්කර සිද්ධිය සම්බන්ධයෙන් විමර්ශනය කළ ජනාධිපති කොමිසමේ වාර්තාවේ පිටපතක් තමන්ට ද ලැබුන බව හිටපු අමාත්‍ය, පාර්ලිමේන්තු මන්ත්‍රී රවී කරුණානායක මහතා පවසයි. ජනවාරි 17 දා එම වාර්තාව ජනාධිපති කාර්යාලය වෙතින් තමනට ලැබුණු බව ඒ මහතා වැඩිදුරත් පැවසිය.

බැඳුම්කර වාර්තාවේ පිටපතක් තමාවෙත ලබාදෙන්නැයි ඒ තොරතුරු දැනගැනීමේ පනත යටතේ රවී කරුණානායක මහතා ජනාධිපති ලේකම්වරයාගෙන් ලිඛිත ඉල්ලීමක් කර තිබුණි .

Comment (0) Hits: 847

චතුරිකා, ජනාධිපති තාත්තාගේ විරෝධය නොතකයි : ළමුන්ට 'මයිලෝ' බෙදයි

"මයිලෝ"වල අධි සීනි මාත්‍රාවක් ඇති බැවින් එය සෞඛ්‍යයට දැඩිව අහිතකර බව සළකා ජනාධිපති මෛත්‍රීපාල සිරිසේන දැඩි මයිලෝ විරෝධී ප්‍රතිපත්තියක සිටියත් ජනාධිපතිගේ දියණියක වන චතුරිකා සිරිසේන මහත්මිය එම විරෝධය නොතකා කටයුතු කරන බව දැක්වෙන ජායාරූපයක් සමාජ ජාල තුළ සංසරණය වෙමින් පවතී.

එම ජායාරූපයේ දැක්වෙන්නේ චතුරිකා සිරිසේන මහත්මිය මයිලෝ පැකට්ටු කුඩා දරුවන් වෙන බෙදා දෙන ආකාරයයි.

කෙසේ වුවත් ජනාධිපතිවරයා මයිලෝ වැනි පානයන් සමග දැඩි විරෝධී ආකල්පයක පසුවන අතර පසුගිය නොවැම්බර් 11 වනදා දියවැඩියා දිනය වෙනුවෙන් පැවති පාගමනට සහභාගි වෙමින් ජනාධිපති මෛත්‍රීපාල සිරිසේන මයිලෝ පානය තිබෙන පැකට්ටුවක් අතට ගෙන පෙන්වමින් ඒ බව ප්‍රසිද්ධියේ තහවුරු කර සිටියේය.

එහිදී ජනාධිපතිවරයා සඳහන් කර සිටියේ ‘මෙරටේ පාසල් දරුවන් අතර බෙහෙවින් ජනප්‍රිය චොකලට් මිශ්‍ර කිරි පානයක් වන මයිලෝ Milo තුල සීනි අධික මට්ටමේ පවතින බවත් ඒ සමාන්‍යයෙන් තිබිය යුතු 5%ක මට්ටමට වඩා බෙහෙවින් වැඩි 16.5% ක පමණ මට්ටමක පවතින බවත්ය.

එසේම අදාළ පානයේ අන්තර්ගත අනෙකුත් ද්‍රව්‍ය සම්බන්ධව ප්‍රදර්ශනය කර තිබුණද එහි අඩංගු සීනි ප්‍රමාණය දක්වා නොමැති බවද ජනාධිපතිවරයා එහිදී සඳහන් කර සිටියේය.

එසේම සෞඛ්‍ය බලධාරීන් ඒ සම්බන්ධව සොයා නොබැලීම සම්බන්ධවද ජනාධිපතිවරයා එහිදී චෝදනා කර සිටියේය.

ජනාධිපතිවරයාගේ එම මයිලෝ විරෝධය දැක්වෙන අදහස් පළකිරීම ඇතුළත් වීඩියෝවක් :

Comment (0) Hits: 901

ශ‍්‍රී ලංකා විද්‍යුත් විකාශකයින්ගේ සංසදය, විදුලි සංදේශ නියාමන කොමිෂන් සභාව හමුවේ

සංඛ්‍යාත භාවිතා කරමින් සිය විකාශන කටයුතු සිදුකරන ශ‍්‍රී ලංකාවේ සියලූම විද්‍යුත් නාලිකා එක්ව ප‍්‍රථම වරට පිහිටුවාගත් ශ‍්‍රි ලංකා විද්‍යුත් විකාශකයින්ගේ සංසදය ඊයේ ශ‍්‍රි ලංකා විදුලි සංදේශ නියාමන කොමිෂන් සභාවේ ප‍්‍රධානීන් හමුවිය.

එම සංසදයේ නියෝජිත පිරිස ශ‍්‍රී ලංකා විදුලි සංදේශ නියාමන කොමිෂන් සභාවේ සභාපති, ජනාධ්පති ලේකම් ඔස්ටින් ප‍්‍රනාන්දු මහතා සහ අධ්‍යක්‍ෂ ජනරාල් ශ්‍යාමල් ජයතිලක යන මහත්වරුන් සමග සාකච්ඡා කළ අතර,  එහිදී ඉදිරියේදී පැන නගින තාක්‍ෂණික කාරණාවලදී සමූහයක් ලෙස එක්ව සහයෝගයෙන් කටයුතු කරන බව ප‍්‍රකාශ වූ අතර, ඉදිරියේ දී සිදුකෙරෙන ඩිජිටල්කරණය, නෙළුම් කුලූනෙන් ඇරඹෙන විකාශන කටයුතු හා ඉඩ වෙන්කිරීම් මෙන්ම, දැනට වෙන්කර ඇති සංඛ්‍යාත පිළිබදවද සාකච්ඡා කෙරිණි.

8x20

Comment (0) Hits: 1066

අනිකාගේ සාක්ෂිය බැඳුම්කර වාර්තාවෙන් වාෂ්ප වෙලා - ලිස්සලද ? උස්සලද ? රවී අහයි

ජනාධිපති බැඳුම්කර කොමිසම හමුවේ රවී කරුණානායකට එරෙහිව සාක්ෂි ලබාදීම සඳහා කැඳවා සාක්ෂි ලබාගත් අනිකා විජේසුරියගේ සාක්ෂි කිසිවක් අදාළ වාර්තාවේ සඳහන් නොවන බව වාර්තා වෙයි.

අදාළ සාක්ෂිය සඳහා ඇය කැඳවනු ලැබුවේ බැඳුම්කර ගනුදෙනුව සම්බන්ධව චෝදනා එල්ලවූ පාර්ශවයක් වන පර්පෙචුවල් ට්රේෂරිස් සමාගම පාලනය කරන පුද්ගලයින්ටම අයත් අනුබද්ධිත සමාගමක් වන වෝල්ට් සහ රෝ ඇසෝෂියේට්ස් (පෞද්ගලික) සමාගම විසින් කුලිය ගෙවූ කොල්ලුපිටියේ මොනාක්‌ සුපිරි නිවාස සංකීර්ණයේ නිවසක්‌ හිටපු අමාත්‍ය රවී කරුණානායකගේ පවුලේ පාර්ශවයක් විසින් බදු ගැනීම සම්බන්ධව හෙළිකර ගැනීම සඳහාය.

ප්‍රභූ ආරක්ෂාවත් දීලා ගත්ත සාක්ෂියක්

මෙම සිදුවීම ඒ සමයේ මාධ්‍ය හරහාද ඉමහත් ප්‍රසිද්ධියක් ලබාදුන් සිදුවීමක් වූ අතර අදාළ සාක්ෂිකාරිය සහ ඇගේ සොහොයුරාට මරණීය තර්ජන එල්ලවූ බව සඳහන් කරමින් කොමිසමට සම්බන්ධව සිටි නීතිපති දෙපාර්තමේන්තු නිලධාරීන් සිදුකළ දැනුම්දීමට ඔවුනට ප්‍රභූ ආරක්ෂාව ලබාදීමක්ද සිදුවිය.

සාක්ෂිය නැත්තේ ලිස්සලාද ? උස්සලාද ? -රවී

මේ සම්බන්ධව අප කළ විමසීමකදී පාර්ලිමේන්තු මන්ත්‍රී රවී කරුණානායක සඳහන් කර සිටියේ ආණ්ඩුව පෙරලා දැමීම සඳහා අවශ්‍ය පසුබිම සකසා ගැනීමට තමන්ව අත්අඩංගුවට ගන්නට කියා කුමන්ත්‍රණකාරීන් පුවත් මවන සිදුවීමට අදාළ සාක්ෂිය බැඳුම්කර කොමිසමේ වාර්තාවේ අඩංගු නොවීම බරපතල සැක සංකා මතුකරණ තත්ත්වයක් බවය.

එසේම තමාගේ ප්‍රභූ ආරක්ෂාව ඉවත්කර ඒ වෙනුවට එම සාක්ෂිකාර පාර්ශවයට ප්‍රභූ ආරක්ෂාව දීමට තරම් වැදගත් බව පෙන්වූ සාක්ෂියක් වාර්තාවේ අඩංගු නොවීම සම්බන්ධව තමන් පාර්ලිමේන්තුවේ ප්‍රශ්න කිරීමට බලාපොරොත්තු වන බවද මන්ත්‍රීවරයා පැවසීය.

එසේම මේ සාක්ෂිය බැඳුම්කර වාර්තාවේ හිල් අතරින් ලිස්සුවාද ඉස්සුවාද යන්න ගැනද සැළකිලිමත් විය යුතු බවත් තමා ඇතුළු පක්ෂයටත්, තම පවුලටත් මඩ ගැසීම හැර එම සාක්ෂියෙන් බැඳුම්කර ගනුදෙනුවට අදාළ විමර්ශනයට ලැබුණු දෙයක් නැති බවද මන්ත්‍රීවරයා පැවසීය. එසේම තම නිර්දෝෂීභාවය බැඳුම්කර වාර්තාවෙන් ඔප්පු වන බවත් ඒ ගැනද අද දිනයේ පාර්ලිමේන්තුවේ දී හෙළිකර සිටින බවද මන්ත්‍රීවරයා සඳහන් කළේය.

කෙසේ වුවත් මේ සාක්ෂියට අදාළ සඳහනක් බැඳුම්කර වාර්තාවේ නිර්දේශ වලද සඳහන්ව ඇති අතර එහි සිංහල පරිවර්තනය මෙසේය.

24 වැනි පරිච්ඡේදයේ කළින් ප්‍රකාශ කර ඇති පරිදි, ගරු මන්ත්‍රී රවී කරුණානායක මුදල් ඇමතිවරයාව සිටියදී, ඔහු සහ ඔහුගේ පවුල පදිංචිව සිටි නිවාසය සඳහා බදු මුදල් ගෙවීම පර්පෙචුවල් ට්‍රෙෂරීස් සමාගම හිමි සහ පාලනය කරන පුද්ගලයින්ටම අයත් අනුබද්ධිත සමාගමක් වන වෝල්ට් සහ රෝ ඇසෝෂියේට්ස් (පෞද්ගලික) සමාගම විසින් සිදු කිරීම මගින් ගරු රවී කරුණානායක මන්ත්රීවරයාට සැලකිය යුතු ප්‍රතිලාභයක් අත් වූයේ දැයි අල්ලස් හෝ දූෂණ චෝදනා විභාග කරන කොමිෂන් සභාව සලකා බැලිය යුතු බවට අප නිර්දේශ කර සිටින අතර, ගරු රවී කරුණානායක මන්ත්රීවරයාට එවැනි සැලකිය යුතු ප්‍රතිලාභයක් අත් වූයේ නම්, අල්ලස් පනත යටතේ ඔහුට එරෙහිව සුදුසු පියවර ගත යුතුදැයි තීරණය කරන ලෙසට ද නිර්දේශ කර සිටිමු.

කොමිෂන් වාර්තාවේ විශ්වසනීයත්වයට පලුද්දක්

මේ පිළිබඳ අප කළ විමසීමකට අදහස් දැක්වූ නීති ක්ෂේත්‍රයේ ප්‍රවීණයන් ද සඳහන් කර සිටියේ අදාළ සාක්ෂිය නොමැති බැවින් විමර්ශන වාර්තාවේ නිර්දේශයද පදනම් විරහිත තැනට වැටෙන බවත් ඒ හරහා බැඳුම්කර වාර්තාවේ විශ්වසනීයත්වයටද හානිවීමේ අවධානමක් ඇති බවය.

Comment (0) Hits: 1038

බැදුම්කර වාර්තාවේ පිටු අඩුවීම ජනාධිපති පිළිගනියි : ඇත්තම කිව්වාට ස්තූතියි - කැෆේ කියයි

ජනාධිපති බැදුම්කර කොමිසමේ වාර්තාවට අයත් අතිරේක ලේඛන ඉතා විශාල ප්‍රමාණයක් ප්‍රසිද්ධියට පත් කර නොමැති බවට සත්‍ය පිළිගැනීම සම්බන්ධව ජනාධිපතිවරයාට ස්තූතිය පලකරන බව කැෆේ සංවිධානය සඳහන් කරයි.

නිවේදනයක් නිකුත් කරමින් මේ බව සඳහන් කරන එම සංවිධානය සඳහන් කර සිටින්නේ ජනාධිපතිවරයා ඊයේ (23) කොළඹ පැවති ව්‍යාපාරික රැස්වීමක දී කොමිෂන් වාර්තාවේ පිටු අඩු බව පිළිගෙන ප්‍රකාශයක් සිදුකර ඇති බවය.

බැඳුම්කර වාර්තාවේ උපරිම පිටු 9000යි : අවමය 5000 යි

කෙසේ වුවත් අදාළ නිවේදනය නිකුත් කරමින් කැෆේ සංවිධානය සඳහන් කර සිටින්නේ මෙසේ ජනාධිපතිවරයා සන්තකයේ තබාගෙන සිටින බැඳුම්කර වාර්තාවේ පිටු ප්‍රමාණය දහස් ගණනක් වන බවයි.

තම සංවිධානයේ තක්සේරුව අනුව බැඳුම්කර වාර්තාවේ සමස්ථ පිටු ප්‍රමාණය 9000 කට වැඩි විය යුතු බවත් අවම වශයෙන් එය පිටු 5000ක් වත් වියයුතු බවද කැෆේ සංවිධානය නිකුත් කළ නිවේදනයේ සඳහන්ව ඇත.

ජනාධිපතිත් හොරු රකිනවා - කැෆේ

මීට පෙරද පාර්ලිමේන්තුවට ලබාදුන් බැඳුම්කර වාර්තාව සම්බන්ධව කැෆේ සංවිධානය විසින් ගරු කථානායක වරයා වෙත යොමු කළ ලිපිය හරහා ‘සී 350‘ ලෙස සලකුණු කොට ඇති ලේඛනය මත පදනම් වූ නිරීක්ෂණ පිළිබද ප්‍ර‍ධාන වාර්තාවේ සදහන් නමුත්, එම ලේඛනය මේ දක්වා පාර්ලිමේන්තු මන්ත්‍රීවරුන් වෙත ලැබී නැති බව පෙන්වා දුන් බවද එම නිවේදනයේ සඳහන් කර ඇත.

එසේම ඒ ලිපිය හරහා "ගරු පාර්ලිමේන්තු මන්ත්‍රීවරුන්ට බැදුම්කර වංචාව හා එයට සම්බන්ධ පාර්ශව පිළිබද සම්පූර්ණ අවබෝධයක් ලබා ගැනීම හා තාර්කික, දත්ත පාදක නිගමනයන්ට එලැඹීම උදෙසා මෙම අතිරේක ලේඛන පරිශීලනය අනිවාර්ය වූ අවශ්‍යතාවයක් බව සඳහන් කළ බව" සිහිපත් කළ බවද කැෆේ සංවිධානය නිකුත් කළ නිවේදනයේ සඳහන් කර ඇත.

බොරු කියන්නෙ කැෆේ නෙවෙයි

එසේම බැඳුම්කර වාර්තාව පිළිබඳ සාවධ්‍ය මත සමාජගත නොකරන ලෙසට කතානායකවරයා සිදුකර ඇති දැනුම්දීම සම්බන්ධවද ප්‍රතිචාර දක්වන කැෆේ සංවිධානය සඳහන් කර සිටින්නේ වාර්තාව පිළිබඳ අසත්‍ය කරුණු සමාජගත කොට ඇත්තේ කැෆේ සංවිධානය නොවන බවය.

බොරු කියන්නෙ ගම්මන්පිල

නමුත් නිදර්ශනයක් ලෙස පාර්ලිමේන්තු මන්ත්‍රී උදය ගම්මන්පිල බැඳුම්කර වාර්තාවේ පිටු 103 ක් අඩු බවට සිදුකර ඇති ප්‍රකාශය නම් බැඳුම්කර වාර්තාව පදනම් කරගෙන නිකුත් කර ඇති අසත්‍ය තොරතුරක් බව කැෆේ සංවිධානය පෙන්වා දෙයි.

Comment (0) Hits: 1234

මහින්දට එරෙහිව අපරාධ නඩුවක් - ජනාධිපති කොමිසමේ නිර්දේශයක්

පසුගිය ජනාධිපතිවරණ මැතිවරණ සමයේ සිය ප්‍රචාරක කටයුතු සඳහා මුදල් නොගෙවා ස්වාධීන රූපවාහිනී මාධ්‍ය ජාලය (ITN) යොදාගැනීම මගින් හිටපු ජනාධිපති මහින්ද රාජපක්ෂ "දූෂණය" සම්බන්ධ වැරදි එකක් හෝ කිහිපයක් කර ඇති බව බරපතල දූෂණ, වංචා විමර්ශනය කිරීමේ ජනාධිපති කොමිසම නිගමනය කර තිබේ.

ඒ අනුව දූෂණය, දූෂණයට කුමන්ත්‍රණය කිරීම සහ දූෂණයට අනුබල දීම යන චෝදනා යටතේ හිටපු ජනාධිපතිවරයාට ඇතුළු විත්තිකරුවන් සිව් දෙනෙකුට එරෙහිව සංශෝධිත අල්ලස් පනතේ 70 වෙනි වගන්තිය යටතේ අධිචෝදනා ඉදිරිපත් කර අධිකරණයේ නඩු පැවරිය යුතු යයි ජනාධිපති කොමිසම නිර්දේශ කරයි.

අයිටීඑන් මාධ්‍ය ජාලයේ හිටපු සභාපති/ප්‍රධාන විධායක නිලධාරී අනුර සිරිවර්ධන, එහි නියෝජ්‍ය සාමාන්‍යාධිකාරී (අලෙවි) ජයසිංහ ආරච්චිගේ උපාලි රංජිත් සහ එහි සහකාර කළමනාකරු (අලෙවි) දිලීප් වික්‍රමසිංහ එසේ නඩු පැවරීම සඳහා කොමිසම විසින් නිර්දේශ කරනු ලැබ තිබෙන සෙසු තිදෙනාය.

ඔවුන් තිදෙනා තවදුරටත් රාජ්‍ය ආයතනයක සේවය කිරීමට නුසුදුසු බව ද කොමිසම නිගමනය කර තිබේ.

කොමිෂන් සභාවේ නිගමන පිළිබඳව ප්‍රතිචාරය දැනගැනීම පිණිස හිටපු ජනාධිපති මහින්ද රාජපක්ෂ ඇමතීමට දැරූ උත්සාහය සාර්ථක නොවීය.

 99717572 3875cb4b ad0d 41e7 902a c9ebf232a987 1

කොමිසමේ වාර්තාව

බැඳුම්කර ගණුදෙනුව පිළිබඳ ජනාධිපති කොමිසම් වාර්තාව සහ බරපතළ වංචා, දූෂණ විමර්ශන කොමිසමේ වාර්තා අඟහරුවාදා (ජනවාරි 23) පාර්ලිමේන්තුවේ දී සභා ගත කෙරිණි.

"දූෂණයට අනුබල දීම" සහ "දූෂණයට කුමන්ත්‍රණය කිරීම" විවිධ අවස්ථා යටතේ සිදු කර ඇති බව පෙනී යන්නේ යයි පවසන බරපතල දූෂණ, වංචා විමර්ශනය කිරීමේ ජනාධිපති කොමිසම, එවැනි වැරදි සිදු කළ පුද්ගලයන් "රට වෙනුවෙන් සහ රටේ ජනතාව වෙනුවෙන් සේවයක් සිදු කෙරෙතැයි අපේක්ෂා කළ නොහැකි," බව ද සඳහන් කරයි.

විශේෂයෙන්ම "දූෂණයට" වැරදිකරුවන් කෙරුණු දේශපාලනඥයකු සත් වසරකින් පසුව හෝ මහජන නියෝජිතයෙකු වශයෙන් තේරී පත්වීම නුසුදුසු බව කොමිෂන් සභාවේ අදහසය.

එබැවින් ඉහත කී ආකාරයේ චෝදනාවකට අධිකරණය ඉදිරියේ වරදකරුවන් බවට තීරණය කෙරුණු පුද්ගලයන් යළිත් කිසිදු අවස්ථාවක මහජන නියෝජිතයන් වශයෙන් පත්වීම හෝ එසේ පත්වීම සඳහා අපේක්ෂකයන් වශයෙන් ඉදිරිපත්වීමට නුසුදුස්සන් බවට පත්කරමින් නීති සම්පාදනය කරන ලෙස ද ජනාධිපති කොමිසම නිර්දේශ කර තිබේ.

 කෙහෙලියට නඩු පැවරීමක් නැහැ ?

හිටපු ජනමාධ්‍ය අමාත්‍ය කෙහෙළිය රඹුක්වැල්ල ද, හිටපු ජනාධිපතිවරයා ස්වාධීන රූපවාහිනී සේවයට මුදල් නොගෙවීම සම්බන්ධ පරීක්ෂණයේ චුදිතයෙකු ලෙස නම් කර තිබුණ ද ඔහුට එරෙහිව නඩු පවරන මෙන් කොමිසම නිර්දේශ කර නැත.

බලයේ සිටින දේශපාලකයන් මැතිවරණ ප්‍රචාරය සඳහා රාජ්‍ය මාධ්‍ය යොදාගැනීමේ නැඹුරුව පිළිබඳව අවධානය පළ කරන ජනාධිපති කොමිසම, මැතිවරණයක් පැවැත්වෙන අවස්ථාවක රාජ්‍ය මාධ්‍ය අධීක්ෂණය සහ නියාමනය කිරීම පිණිස විශේෂ අධිකාරියක් පිහිටුවීමේ අවශ්‍යතාව ද පෙන්වා දී තිබේ.

කොමිසම ජනාධිපතිවරයා වෙත භාර දුන් වාර්තා:

මහින්ද රාජපක්ෂ පාලනය සමයේ රාජ්‍ය ආයතන 17ක සිදු වූ බව පැවසෙන මහා පරිමාණ වංචා, දූෂණ සහ රාජ්‍ය සම්පත් අවභාවිතය 1 1 1

1 1 2පිළිබඳව පරීක්ෂා කිරීම සඳහා 2015 මාර්තු 03 වෙනි දින පත්කරන ලද බරපතල දූෂණ, වංචා විමර්ශනය කිරීමේ ජනාධිපති කොමිසම සිය පරීක්ෂණවල ප්‍රතිඵල සහ නිර්දේශ ඇතුළත් පිටු 1135කින් සමන්විත අවසාන වාර්තාව පසුගිය ජනවාරි 02 වෙනි දින ජනාධිපති මෛත්‍රීපාල සිරිසේන වෙත භාර දුන්නේය.

තවත් රාජ්‍ය ආයතන 16ක් සම්බන්ධ විමර්ශනවල ප්‍රතිඵල සම්බන්ධ දීර්ඝ විස්තරයක් ද එම වාර්තාවට ඇතුළත් වේ.

ඉන්පසුව එහි පිටපතක් පාර්ලිමේන්තුව වෙත භාර දෙන මෙන් පක්ෂ නායකවරුන්ගේ ඉල්ලීම ප්‍රකාර කථානායක කරු ජයසූරිය විසින් ජනාධිපතිවරයාගෙන් ඉල්ලීමක් කර තිබිණ.

ඒ අනුව ජනාධිපති ලේකම්වරයා විසින් භාර දෙනු ලැබූ වාර්තාව අඟහරුවාදා (ජනවාරි 23) කතානායකවරයා විසින් පාර්ලිමේන්තුවේ සභාගත කරන ලදි.

(බීබීසී සිංහල සේවය)

Comment (0) Hits: 944

Page 621 of 642