දිනපතා චොකලට් කෑම හේතුවෙන් තමන්ට "චොකා මල්ලි " යන අන්වර්ථ නම ලැබුණු බවත් ඒ හැර තමන් මැරයෙක් නොවන බව පසුගියදා පාර්ලිමේන්තුවේ දී පැවසූ මේ වන විට මනුෂ්ය ඝාතනයක් සම්බන්ධව මරණ දඬුවම් ලබා සිටින පොදුජන පෙරමුණ මන්ත්රී ප්රේමලාල් ජයසේකර ගේ දියනිය සම්බන්ධීකරණ කමිටුව - නිවිතිගල නියෝජනය කිරීමේ පුවතක් වාර්තා වෙයි.
ඇය පාර්ලිමේන්තු මන්ත්රීවරියක හෝ වෙනත් ජනතා නියෝජිත ආයතනයක සාමාජිකාවක නොවන අතර එවැන්නක් ප්රසිද්ධියේ කිරීම බලය අවභාවිත කිරීමක් බව ප්රදේශයේ දේශපාලන ක්රියාකාරීන් පවසයි.
එසේම මේ ක්රියාව ආණ්ඩුවේ එක රටක් එක නීතියක් උල්ලංඝනය කිරීමක් සහ නොතකා හැරීමක් බවත් ඔවුන් පෙන්වා දෙයි. අදාළ ජායාරූපය තුළ ශ්රී ලංකා නිදහස් පක්ෂය නියෝජනය කරන පොදුජන පෙරමුණේ පාර්ලිමේන්තු මන්ත්රී ජෝන් සෙනවිරත්න ද සිටියි.
මේ සම්බන්ධව සමාජ මාධ්ය තුළ දැක්වූ අදහසක් පහත දැක්වෙයි .
ජනතාව ඡන්දෙ දුන්නෙ ප්රේමලාල් ජයසේකරට. එයා චොක්ලට් තොගයක් එක සැරේ කාපු චෝදනාවකට මරණ දඬුවම ලැබිලා හිරේ. හැබැයි පාර්ලිමේන්තු එනවා. එයාගෙ පාර්ලිමේන්තු අසුන අහිමි උනේ නෑ. ප්රේමලාල් වෙනුවෙන් එයාගෙ දුව එලියෙ රැස්වීම් වල පෙනීසිටිනවා " ගරු පාර්ලිමේන්තු මන්ත්රී " ශීර්ෂය යටතේ. එතකොට රන්ජන්...එයා ඉන්නෙ මිනී මැරීමේ චෝදනාවකට අවුරුදු හතරක සිර දඬුවමක් ලැබිලා. හැබැයි පාර්ලිමේන්තු මන්ත්රී ධූරය අහෝසි කලා. එහෙම නේද ?