ලෙස්ලි දේවේන්ද්ර ශ්රී ලංකා නිදහස් සේවක සංගමයේ ප්රධාන ලේකම් වුවත් ඔහු කියූ පමණින් ස්වාධීන විය නොහැකි බව ශ්රී ලංකා නිදහස් සේවක සංගමයේ වෘත්තීය සමිති නායකයන් අවධාරණය කර සිටියි.
මේ මොහොතේ පක්ෂය තුළ මතුව තිබෙන අර්බුදය වැනි අවස්ථා පක්ෂයේ ඉතිහාසය තුළත් සිදුව ඇති බවත් එහෙයින් වත්මන් අර්බුදය තුළ ස්වාධීන වීමට තරම් බරපතල දෙයක් නොවන බවද ඔවුන් පවසයි.
පක්ෂයේ ප්රශ්නයක් ඇතිවූ විට ඊට මුහුණදීමට පක්ෂය ඒකරාශී විය යුතු බවත් එබැවින් මේ මොහොතේ යුතුකම වන්නේ ජනාධිපතිවරයාට සහය දෙමින් ශ්රී ලංකා නිදහස් පක්ෂයත් සමඟ රැඳී සිටින බවත් ඔවුන් පෙන්වා දෙයි.
ශ්රී ලංකා නිදහස් සේවක සංගමයේ වෘත්තීය සමිති නායකයන් පසුගියදා පක්ෂ මුලස්ථානයේ මාධ්ය හමුවක් පවත්වමින් මේ බව සඳහන් කල අතර ශ්රී ලංකා නිදහස් සේවක සංගමයේ ප්රධාන ලේකම් ලෙස්ලි දේවේන්ද්ර සඳහන් කර සිටියේ පක්ෂයේ මතුව තිබෙන අර්බුදය හමුවේ ස්වාධීන වීමට ශ්රී ලංකා නිදහස් සේවක සංගමය තීරණය කළ බවය.
