'නිව්යෝර්ක් ටයිම්ස්' පුවත්පත තමාට එල්ල කරන ලද චෝදනාව කරළියට පැමිණියේ මීට වසර තුනකට ඉහතදී බවත් එම චෝදනාව විමර්ශනය කිරීමට වත්මන් ආණ්ඩුවට ඕනෑ තරම් කාලයක් තිබුණු අතර මහජන මුදල් වැය කරමින් ගණපූරණයක් පවා නොමැතිව ඒ වෙනුවෙන් පාර්ලිමේන්තුවේ විවාද පැවැත්වීම නුසුදුසු ක්‍රියාවක් බව හිටපු ජනාධිපති මහින්ද රාජපක්ෂ සඳහන් කර ඇත.
ඒ ඉරිදා පුවත්පතකට ප්‍රකාශයක් ලබාදෙමින්ය.
පාර්ලිමේන්තුව තුළ මෙවැනි වාද විවාද පවත්වනවාට වඩා රටේ අහිංසක මහජනතාව වෙනුවෙන් කළ යුතු වැඩ බොහෝමයක් වත්මන් ආණ්ඩුවට ඇති බවත් මෙවැනි චෝදනා අසත්‍ය බව රටේ මහජනතාව හොඳාකාරව ඔප්පු කර ඇති බවත් හිටපු ජනාධිපතිවරයා එහිදී සඳහන් කර ඇත.