Language Switcher

V2025

විසර්ජන පනත් කෙටුම්පත සඳහා අද (07) අමාත්‍ය මණ්ඩල අනුමැතිය !

2019 වසරේ විසර්ජන පනත් කෙටුම්පත සඳහා අද (07) අමාත්‍ය මණ්ඩල අනුමැතිය හිමිව ඇත.

ඒ අනුව අමාත්‍ය මණ්ඩල ආරංචිමාර්ග සඳහන් කරන ආකාරයට අද සිට සතියක කාලයක් තුළ එය ගැසට් කිරීමට නියමිත අතර, සති දෙකකින් පසු විසර්ජන පනත් කෙටුම්පත පාර්ලිමේන්තුවට ඉදිරිපත් කිරීමට නියමිතව ඇත.

එසේම එළඹෙන පෙබරවාරි 5 වනදා අමාත්‍ය මණ්ඩල අනුමැතිය හිමිවූ විසර්ජන පනත් කෙටුම්පත පාර්ලිමේන්තුවට ඉදිරිපත් කිරීමට තීරණය කර ඇති අතර, අයවැය යෝජනා ඉදිරිපත් කිරීම සිදුවන්නේ මාර්තු 05 වනදා බවද වාර්තා වෙයි.

අයවැය තෙවන වර කියවීම මාර්තු 13 වනදා ආරම්භ වන අතර, අප්‍රේල් 4 වනදා 2019 අයවැය ලේඛනය පිළිබඳ අවසන් ඡන්ද විමසීම සිදු කරන්නට නියමිත බවද වැඩිදුරටත් වාර්තා වෙයි.