ශ්රී ලංකා නිදහස් පක්ෂය සහ පොදුජන පෙරමුණ අතර ගොඩනගන්නට යෝජිත සන්ධානයේ නායකත්වය සහ ජනාධිපති අපේක්ෂකත්වය ශ්රිලනිපයට ලබාදීමට නොහැකි බව දන්වා ඇතැයි වාර්තා වෙයි.
දේශපාලන ආරංචි මාර්ග සදහන් කරන ආකාරයට දෙපාර්ශවය අතර පැවති සාකච්ඡා වලදී පොදුජන පෙරමුණ නායකයන් විසින් මේ බව දැනුම්දී තිබේ.
ඊට හේතුව ලෙස ඔවුන් පෙන්වාදී ඇත්තේ ශ්රිලනිප නායකත්වය යටතේ සන්ධාන ගතවීම සදහා තම පක්ෂයේ බහුතරයක් විරුද්ධ බවය.
කෙසේ වුවත් ජනාධිපති සිරිසේන යෝජිත සන්ධානය හරහා ජනාධිපති අපේක්ෂකත්වය ලබාගැනීමේ දැඩි ප්රයත්නයක සිටින බවද දැනගන්නට ඇත.
එසේම මේ සම්බන්ධව පුවත්පතකට ප්රකාශයක් ලබාදී ශ්රිලනිප මන්ත්රීවරයෙකුද සදහන් කර ඇති අතර පොහොට්ටුව සමග සන්ධානයේ දී තම පක්ෂය අසරණ වන තත්ත්වයක් ඇති බවත් එහි කොන්දේසි වලට යටත්වීමට සිදුවන බවත් ය.
එසේම එම මන්ත්රීවරයාද යෝජිත සන්ධානයේ නායකත්වය ශ්රිලනිප යට නොලැබීම ගැන ද තහවුරු කර තිබේ.
