පෞද්ගලික රූපවාහිනී නාලිකාවකින් මේ දිනවල විකාශනය වන ගී තරු තේරීමේ තරගාවලියක පැවැති තරගයෙන් ඉවත් වූ තරඟකරුවකුගේ ආධාර කරුවන් පිරිසක් රූකාන්ත ගුණතිලක මහතාට සහ ඔහුගේ වාහනයට පහරදීමක් සිදු කර ඇතැයි මත්තේගොඩ පොලිසිය පවසයි.
පහරදීමෙන් රූකාන්ත ගුණතිලක මහතාට සහ මෝටර් රථයට බරපතල හානී සිදුව නැතැයි පොලිසිය කියයි.
බොරලැස්ගමුව රත්තනපිටියේ පිහිටි ස්ථානයකදී මෙම තරගය පවත්වා ඇති අතර එය අවසානයේ දී මෙම පහරදීම සිදු කර ඇතැයි පැවසේ.
200 ක පමණ පිරිසක් තමන්ට විරෝධය පළකර තමාට සහ තම මෝටර් රථයට පහරදීමක් සිදු කළ බව පවසමින් රූකාන්ත ගුණතිලක මහතා පැමිණිල්ලක් සිදු කර ඇති බව පොලිසිය පවසයි.
පහරකෑමෙන් රූකාන්ත ගුණතිලක මහතාගේ සිරුරේ ස්ථාන කිහිපයක තැලීම් දක්නට ලැබුණු බවද පොලිසිය පැවැසීය.
