පුවත්

දැනට පවතින කෘතිම බුද්ධිය පිළිබඳව අවධානය යොමු කළ හොත් ඉදිරි වසර පහ තුළ මිනිස් බුද්ධිය මට්ටමට ම තාක්ෂණය පැමිණෙතැයි දේශපාලන සහ සමාජ විශ්ලේෂක මිලින්ද මොරගොඩ පැවසී ය.

දිට්වා සුළි කුණාටුවෙන් විනාශයට පත්වූ පුත්තලම දිස්ත්‍රික්කයේ මත වැව ප්‍රදේශය හානිය යථා තත්ත්වයට පත් කිරීම සඳහා, ජාතික ජන බලවේගයේ දිවුලපිටිය සහ මිරිගම ප්‍රදේශ නියෝජනය කරමින් පැමිණි විශාල පිරිසක් දින තුනක ශ්‍රමදානයක් සංවිධානය ඇත.

කුණ්ඩසාල විවිධ සේවා සමූපකාර සමිතිය සඳහා නව අධ්‍යක්ෂක මණ්ඩල සභිකයන් තෝරා ගැනීමේ නිලවරණය ඊයේ  (28) පැවති අවස්ථාවේදී ජාතික ජනබලවේගය පක්ෂයේ කිසිදු සභිකයෙකුට අධ්‍යක්ෂක ධූරයට පත්වීමට ඡන්ද නොලැබීමත් සමග එම නිලවරණයට ඉදිරිපත්වූ පොදු විපක්ෂ කණ්ඩායම සභික ධූර 07 ක්  ලබා ගනිමින්, සමූපකාර නිලවරණය ජයග්‍රහණය කරනු ලැබීය.

මෙවර ගංවතුර අවස්ථාවේ දී කොළඹ නගරය වෙනදා (2016) මෙන් ජලයෙන් යට නොවූයේ එවකට නාගරික සංවර්ධන අධිකාරියේ සභාපති මහාචාර්ය ජගත් මුනසිංහ ගේ ප්‍රමුඛත්වයෙන් ඇක්වරීනා (ජලයෙන් උපන් නගරය) නමැති සංකල්පය යටතේ නිර්මාණය කළ වැඩපිළිවෙළ හේතුවෙන් යැයි හිටපු අමාත්‍ය පාඨලි චම්පික රණවක පැවසී ය.

විශේෂඥ වෛද්‍යවරුන්ට වෙනමම සේවා ව්‍යවස්ථාවක් සැකසීම එළැඹෙන (2026) ජනවාරි 31 වැනිදාට පෙර සිදුකරන බවත් ඊට අමතරව වැටුප්, ස්ථාන මාරුවීම් ඇතුළු අනෙකුත් ගැටලුවලට කඩිනමින් විසඳුම් ලබාදෙන බවටත් සෞඛ්‍ය ඇමැතිවරයා පොරොන්දු වූ බව විශේෂඥ වෛද්‍යවරුන්ගේ සංගමයේ මහ ලේකම් විශේෂඥ වෛද්‍ය ආර්. ඥානසේකරම්  පැවැසීය.

දිට්වා සුළි කුණාටුවෙන් හානියට පත් කර්මාන්ත කරුවන් සහ ව්‍යවසායකයින්ට රජයෙන් සහන ලබා ගැනීමට ලියාපදිංචි වීමට ලබා දී තිබූ කාලය මාසයකින් දීර්ඝ කරන ලෙස විපතට පත්වූ සුළු හා මධ්‍ය පරිමාණ ව්‍යාවසායක සංගම් රාශියක සාමාජිකයෝ රජයෙන් ඉල්ලීමක් කරයි.

හිටපු ජනාධිපති රනිල් වික්‍රමසිංහ සහ හිටපු පොලිස් ප්‍රධානී දේශබන්දු තෙන්නකෝන් සම්බන්ධ ඉහළ පෙළේ නඩු දෙකක් සම්බන්ධයෙන් විමර්ශන අවසන් වූ පසු ත්‍රිපුද්ගල විනිසුරු මඩුල්ලක් ඉදිරියේ අධිචෝදනා ගොනු කළ යුතු බව අතිරේක සොලිසිටර් ජෙනරාල් (ASG) දිලීප පීරිස් යෝජනා කර තිබේ.

මේ රජයට ජනතාව වරමක් දුන්නේ පැවැති රජයේ ඖෂධ මාෆියාව ඉදිරියට ගෙන යාමට නොවේ යයි විපක්ෂ නායක සජිත් ප්‍රේමදාස  පවසයි.

හිටපු අමාත්‍ය ඩග්ලස් දේවානන්දා ජනවාරි 9වනදා දක්වා රක්ෂිත බන්ධනාගාර ගත කර තිබේ.

ජනවාරි 03 සෙනසුරාදා – දුරුතු පුර පසළොස්වක පෝය දිනය

අභාවප්‍රාප්ත ප්‍රවීණ ගායන ශිල්පිනී ලතා වල්පොලගේ දේහය පිළිබඳ අවසන් කටයුතු පූර්ණ රාජ්‍ය අනුග්‍රහයෙන් සිදු කිරීමට තීරණය කර තිබේ.

කොළඹ මහ නගර සභාවේ පරාජයට පත් අයවැය සඳහා දෙවැනි වර ඡන්ද විමසීම ලබන බදාදා (31) පැවැත්වීමට නියමිත ය.

අම්බලන්ගොඩ වෙළෙඳ ප්‍රදර්ශනාගාර කළමනාකරුගේ ඝාතනය සිදුකළ වෙඩික්කරු සහ යතුරුපැදිකරු හිටපු පොලිස්පති දේශබන්දු තෙන්නකෝන්ට අයත් මහනුවර අංකුඹුර ප්‍රදේශයේ පිහිටි නිවසක රැඳීසිටිමින් ඝාතනය සැලසුම්කර මෙහෙයවා ඇතැයි විමර්ශනවලදී අනාවරණ වී ඇතැයි පොලිසිය පවසයි.

මෙරට ප්‍රවීණ කලාකරුවකු වන සතිස්චන්ද්‍ර එදිරිසිංහ ගේ අවසන් කටයුතු සදහා සහභාගි වූ බුද්ධ ශාසන, ආගමික හා සංස්කෘතික කටයුතු අමාත්‍ය හිනිදුම සුනිල් සෙනවි මාධ්‍ය ඉදිරියේ නිරුත්තර වූ අවස්ථාවක් පිළිබඳ වාර්තා වේ.

ශල්‍යකර්මවලට භාජනය වන රෝගීන්ට නිර්වින්දනය සඳහා ලබාදෙන ප්‍රධානතම ඖෂධයක් වන Drug of God ලෙස හඳුන්වන ප්‍රොපෆොල් propofol I fusion/ injection හිඟයක් ඇතිවීමේ අවදානමක් පවතින බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති විශේෂඥ වෛද්‍ය චමල් සංජීව මහතා සඳහන් කරයි.

නායයාම් හේතුවෙන් අවහිර වී තිබූ කොළඹ-නුවර ප්‍රධාන මාර්ගයේ පහළ කඩුගන්නාව ප්‍රදේශයෙන් විවෘත කරනු ලැබූවේ ඒ සඳහා තාවකාලික විසඳුමක් ලබාදීමෙන් අනතුරුව බව ජාතික ගොඩනැගිලි පර්යේෂන සංවිධානය පවසයි.

රටේ ආණ්ඩුව සහ රාජ්‍ය නිලධාරීන් සිදුකරන වංචා දූෂණ සොයා බලන ප්‍රධානතම ආයතනය විගණකාධිපති දෙපාර්තමේන්තුව බවත් විගණාකාධිපති ධුරය පසුගිය අප්‍රේල් මස සිට මාස අටක් තිස්සේ හිස්ව පවතින බවත් පිවිතුරු හෙළ උරුමයේ නායක, හිටපු අමාත්‍ය උදය ගම්මන්පිල පවසයි.

සූරියකන්ද පොලිස් ස්ථානයට අනුයුක්තව සිටි පොලිස් කොස්තාපල්වරයෙකු හා ජාතික ජනබලවේග පාර්ලිමේන්තු මන්ත්‍රී ශාන්ත පද්මකුමාර මහතා අතර ඇති වූ සිද්ධිය සම්බන්ධයෙන් වූ වැඩිදුර වාර්තාවක් පොලීසිය විසින් නිකුත් කර තිබේ.