පුවත්

හිරු මාධ්‍ය ජාලයට එරෙහිව පොලිසිය කටයුතු කිරීම පිළිබඳ ෆේස්බුක් පෝස්ට්වලට ලැබී ඇති ප්‍රතිචාරවලින් එය ජනතාව අනුමත කර ඇති බව තහවුරු වන්නේ යැයි කැබිනට් මාධ්‍ය ප්‍රකාශක, අමාත්‍ය නලින්ද ජයතිස්ස පවසයි.

ශ්‍රී ලංකා ආයුර්වේද ඖෂධ සංස්ථාවේ 2025 වර්ෂයේ හඳුනාගත් නව නිෂ්පාදන 07ක් නිකුත් කිරීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ ප්‍රධානත්වයෙන් හෙට (30) පෙරවරු 10.00 ට නාවින්න ආයුර්වේද ඖෂධ සංස්ථා ශ්‍රවණාගාරයේ දී සිදුකිරීමට නියමිත ය.

ව්‍යවස්ථා සභාවේ සිටින සිවිල් සමාජ නියෝජිතයින් තිදෙනා ගේ තුන් අවුරුදු නිල කාලය ලබන සතියේ අවසන් වන බවත්, ජනාධිපතිවරයා විගණකාධිපතිවරයකු පත් නොකර කල් මරන්නේ ජනවාරි මාසය උදා වන තුරුයි බවත් 2025 ජූලි 14 දින මාධ්‍ය හමුවක් පවත්වමින් තම පක්ෂය හෙළිදරව් කළා යැයි පිවිතුරු හෙළ උරුමය පක්ෂ නායක උදය ගම්මන්පිල පැවසී ය.

ජනමාධ්‍ය අමාත්‍යංශය විසින් රූපවාහිනී නාලිකා සඳහා බලපත්‍රය ලබා දී ඇත්තේ කොන්දෙසිවලට යටත්ව බැවින් යම්කිසි අවස්ථාවක දී එම කොන්දෙසි කඩකළහොත් අදාළ රූපවාහිනී නාලිකා සතු බලපත්‍රය යළි කැඳවීමේ හැකියාව ජනමාධ්‍ය අමාත්‍යවරයා සතු බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස  පවසයි.

සේවක අර්ථසාධක අරමුදලේ සේවාවන් අද (දෙසැ. 29) සිට ඩිජිටල්කරණය කෙරෙන බව කම්කරු අමාත්‍ය සහ මුදල් සහ ක්‍රමසම්පාදන නියෝජ්‍ය අමාත්‍ය ආචාර්ය අනිල් ජයන්ත පවසයි.

චීන පරිත්‍යාගයක් ලෙස රට පුරා විදුලි වාහන ආරෝපණ මධ්‍යස්ථාන සවි කිරීම පිළිබඳව අවධානය යොමු කරන්නැයි අමාත්‍ය විජිත හේරත්  චීන රජයට යෝජනා කර තිබේ.

මත්ද්‍රව්‍ය හෝ මත්පැන් පානය කර දැන දැනම රිය පදවා අනතුරක් සිදුකළහොත් අපරාධ නීතිය යටතේ කටයුතු කිරීම සඳහා පොලිස්පති ප්‍රියන්ත වීරසූරිය මහතා උපදෙස් ලබා දී ඇති බව රථ වාහන පාලන සහ මාර්ග ආරක්ෂාව පිළිබඳ නියෝජ්‍ය පොලිස්පති ඩබ්ලිව් .පී.ජේ. සේනාධීර පැවසීය.

"Our motherland is not just a place on a world map, but a reflection of our shared culture, History and identity" (''අපේ මාතෘභූමිය ලෝක සිතියමේ ස්ථානයක් පමණක් නොවේ. එය අප විසින් බෙදාගන්නා සංස්කෘතිය, ඉතිහාසය සහ අනන්‍යාවයේ පිළිබිඹුවකි.''

එළැඹෙන 2026 වසරේ වෙසක් පුන් පොහොය යෙදී ඇති දිනය සංශෝධනය කරන ලෙස දන්වමින් ත්‍රෛනිකායික මහානායක හිමිවරුන් විසින් ජනාධිපති අනුර කුමාර දිසානායක වෙත ලිපියක් යොමු කර තිබේ.

මේ රජයට රට ගොඩනගන දැක්මක් වැඩපිළිවෙළක් මාර්ග සිතියමක් නොමැති බවත් මොවුන් කරන්නේ ප්‍රජාතන්ත්‍රවාදී අයිතිය අහෝසි කිරීම බවත් රජයේ වගකීම වන්නේ ප්‍රජාතන්ත්‍රවාදය හැකිලිම නොව විපතට පත් මාතෘභූමියට සහනයක් ගෙනවිත් ජන ජීවිත ශක්තිමත් කළ හැකි නව ගමනක් යාම වුවත් රජය මෙතෙක් ගෙන ඇති ක්‍රියාමාර්ග අනුව නම් එවැනි දෙයක් නොපෙනෙන බවත් විපක්ෂ නායක සජිත් ප්‍රේමදාස පැවසීය.

කොළඹ දී පැවැත්වීමට නියමිතව තිබූ ප්‍රසංගය අවලංගු කිරීමෙන් අනතුරුව අන්තර්ජාතික R&B තරුවක් වන Ne-Yo ශ්‍රී ලාංකික රසික ප්‍රජාව වෙතින් සමාව අයැද ඇත.

මාධ්‍යයේ කාර්යභාරය වන්නේ සිදුවන කරුණු පිළිබඳව ජනතාව දැනුවත් කිරීම වන අතර, එය රජයට හෝ විපක්ෂයට අසාධාරණයක් ලෙස බැලීම වැරදියි යැයි ශ්‍රී ලංකා නිදහස් පක්ෂ භාණ්ඩාගාරික ලසන්ත අලගියවන්න පැවසී ය.

ආපදාවෙන් විපතට පත් වූ පවුල් 15,000ක් සුරක්ෂා මධ්‍යස්ථාන ස්ථාන 515ක තවමත් රැදී සිටින බව වාර්තා වේ.

වහාම මෙම මර්දන නීති අහෝසි කරන ලෙසත් පොලිසිය ඇතුළු රාජ්‍ය ආයතනවලින් පවත්වා ගෙන යන මර්දන යාන්ත්‍රණ වහා අහෝසි කරන ලෙසත්, වව්නියාවේ සිදුවීමට අදාළ නිලධාරින්ට එරෙහිව නීතිමය කටයුතු කරන ලෙසත්, නැවත මෙවැනි මානව හිමිකම් කඩකිරීම් සිදු නොකරන බවට සහතික වන ක්‍රියාවලියක් ආරම්භ කරන ලෙසත් ආණ්ඩුවට බලකරන්නේ යැයි පෙරටුගාමි සමාජවාදී පක්ෂයේ ක්‍රියාකාරි චන්දන සිරිමල්වත්ත පැවසී ය.

මාදිවෙල මන්ත්‍රී නිල නිවාස හැකි ඉක්මනින් වායු සමීකරණය කර දෙන ලෙස මන්ත්‍රීවරුන් පිරිසක් පාර්ලිමේන්තු ප්‍රධානීන්ගෙන් මෑතකදී ඉල්ලීම් කර ඇති බවත්, දැඩි මූල්‍යමය දුෂ්කරතා හේතුවෙන් ඒ සම්බන්ධයෙන් මේ වසරේ කටයුතු කිරීම අපහසු බවත් ලබන වසරේදී ඒ ගැන සලකා බලන බවත් ආරංචි මාර්ග සඳහන් කරයි.

සහන මුදල: හානියට පත් සෑම නිවසකටම රුපියල් ලක්ෂ 5ක්

ශ්‍රී ලංකාවේ ප්‍රමුඛතම මාධ්‍ය ආයතනයක් වන හිරු මාධ්‍ය ජාලය සහ එහි සභාපතිවරයා ඇතුළු මාධ්‍යවේදීන් ඉලක්ක කරගනිමින් රාජ්‍ය විසින් ක්‍රමානුකූලව දියත්කරමින් සිටිනු ලබන මර්දනකාරී ක්‍රියාවලිය හෙළා දකින බව ශ්‍රී ලංකා සමාජ ජාල මාධ්‍යවේදීන්ගේ සංගමය සඳහන් කරයි.

ජාතික ජන බලවේග ආණ්ඩුව බලයට පත්වූයේ ත්‍රස්තවාදය වැළැක්වීමේ පනත අහෝසි කරන බවට පොරොන්දු වෙමින් වුව ද මේ වන විට PSTA නමින් පෙර තිබූ පනතටත් වඩා භයානක මර්දන පනතක් සම්මත කරගන්නට සුදානමින් සිටින බවත්, එම පනත සමාජයට බරපතළ ලෙස බලපෑම් කරන පනතක් බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පැවසී ය.