V2025

පුවත්

පොදු දේපල පනත යටතේ වරදක් කල බව අනාවරණයවී නෑ : ඇලෝ - කසුන් ඇප ඉල්ලති

මහබැංකු බැඳුම්කර සිදුවීම සම්බන්ධයෙන් බන්ධනාගාර ගත කර සිටින පර්පෙචුවල් ට්‍රෙෂරීෂ් සමාගමේ හිමිකරු අර්ජුන් ඇලෝෂියස් හා එම සමාගමේ විධායක නිලධාරී කසුන් පළිසේන විසින් ඇප ඉල්ලා අභියාචනාධිකරණයට ප්‍රතිශෝධන පෙත්සමක් ගොණු කර ඇති බව වාර්තා වෙයි.

අදාළ පෙත්සමේ වගඋත්තරකරුවන් ලෙස නීතිපතිවරයා හා මුල්‍ය විමර්ශන අංශයේ ස්ථානාධිපතිවරයා නම් කර ඇති අතර අදාළ ප්‍රතිශෝධන පෙත්සම හරහා අභියාචනාධිකරණයට දන්වා ඇත්තේ, රහස් පොලිසිය විසින් තමන්ට එරෙහිව අධිකරණයට වාර්තාකර ඇති කරුණු අනුව පොදු දේපළ පනත යටතේ කිසිදු වරදක් අනාවරණය නොවන නමුත් මහ බැංකු බැඳුම්කර සිදුවීම සම්බන්ධයෙන් අත්අඩංගුවට ගෙන රිමාන්ඩ් බාරයට පත් කර ඇත්තේ පොදු දේපළ පනත යටතේ වන බැවින් කොටුව මහේස්ත්‍රාත් අධිකරණය ඇප ලබා දීම ප්‍රතික්ෂේප කර ඇති බවය.

ඒ හේතුවෙන් පොදු දේපල පනත යටතේ තමන්ට ඇප ලබා දීම ප්‍රතික්ෂේප කිරීමට කොටුව මහේස්ත්‍රාත්වරිය ගත් තීරණය දූෂිත බවත් ඇප ලබාදීම ප්‍රතික්ෂේප කිරීමේ තීරණයට එරෙහිව කොළඹ මහාධිකරණය වෙත ප්‍රතිශෝධන පෙත්සමක් ඉදිරිපත් කලත් එය විභාගයට නොගෙන ප්‍රතික්ෂේප කල බවද එම පෙත්සමේ සඳහන් බව වාර්තා වෙයි.

එබැවින් කොටුව මහේස්ත්‍රාත්වරියගේ නියෝගය හා කොළඹ මහාධිකරණයේ නියෝගය ප්‍රතිශෝධනය කර තමාව ඇප මත මුදා හැරීමේ නියෝගයක් නිකුත් කරන ලෙස ද පෙත්සම්කරුවන් ඉල්ලා ඇත.

Comment (0) Hits: 322

ජාතික පොලිස් කොමිසමේ ලේකම් ඉවත් කිරීම පිටුපස දේශපාලන හස්තයක්

ජාතික පොලිස් කොමිසමේ ලේකම් ආරියදාස කුරේ එම ධූරයෙන් ඉවත්කර ඇත්තේ පසුගිය දා තෙල්දෙණිය හා දිගන ඇති වු ගැටුම් සම්බන්ධයෙන් පොලීසියේ ක්‍රියාකාරීත්වය පිළිබද පොලිස්පතිගෙන් වාර්තාවක් ඉල්ලු නිසා බව වාර්තා වෙයි.

කැෆේ සහ ශ්‍රී ලංකා මානව හිමිකම් කේන්ද්‍රය නිවේදනයක් නිකුත් කරමින් මේ බව සඳහන් කරන අතර එහි වැඩිදුරටත් අවධාරණය කර ඇත්තේ ජාතික පොලිස් කොමිෂන් සභාව තෙල්දෙණිය ගැටුම් පිළිබදව ස්වාධීන විමර්ශනයක් සිදුකිරීමට උත්සහ දැරීම වලක්වා ගැනීමට දේශපාලන නායකත්වයේ බලපෑම මත මෙය සිදුව ඇති බවයි.

ආරියදාස කුරේ ජාතික පොලිස් කොමිෂන් සභාවේ ලේකම්වරයා වශයෙන් කටයුතු කළේ කොන්ත්‍රාත් පදනමින් වන අතර ඔහුගේ සේවා කාලය අවසන් වීමට නියමිතව තිබුණේ 2018 සැප්තැම්බර් 30 වනදා ය.

මේ සම්බන්ධව කැෆේ සංවිධානය සහ ශ්‍රී ලංකා මානව හිමිකම් කේන්ද්‍රය නිකුත් කළ නිවේදනයේ මෙසේද සඳහන්ව තිබේ.

පොලිසියේ අකාර්යක්ෂමතාව

පොලිස් අකාර්යක්ෂමතාව හේතුවෙන් තෙල්දෙණිය හා දිගන ගැටුම් උත්සන්න වූ බව මේ වන විට විවෘත රහසකි. කැෆේ සහ ශ්‍රී ලංකා මානව හිමිකම් කේන්ද්‍ර‍ය විසින් ගැටුමට පසුදින මේ පිළිබද අදහස් දැක්වූ අතර සිද්ධියේ දී පොලිස් දෙපාර්තමේන්තුවේ අකාර්යක්ෂමතාව පිළිබද විමර්ශනයක් පවත්වන ලෙස පොලිස් කොමිෂන් සභාවෙන් ඉල්ලා සිටියේය. ලක්ෂ්මන් කිරිඇල්ල, රවුෆ් හකීම්, හලීම් යන අමාත්‍යවරුන් ද, පා.ම. දිළුම් අමුණුගම හා යුධ හමුදාපතිවරයා ද පැවසූවේ පොලිස් අකාර්යක්ෂමතාව හේතුවෙන් ගැටුම් වර්ධනය වූ බවයි.

අගමැතිටත් චෝදනා

ප්‍ර‍හාරය වර්ධනය වන තෙක් පොලීසිය එයට ඉඩ දී බලා සිටි බවට පොදු මතයක් රට තුල පවතින අතර මේ පිළිබද පොලිස් කොමිෂන් සභාව වෙත ඉල්ලීමක් ගණනාවක් ඉදිරිපත් වී තිබුණි. (කැෆේ සංවිධානයේ ඉල්ලීම මේ සමග අමුණා ඇත) අම්පාර හා තෙල්දෙණිය සිදුවීම් සම්බන්ධයෙන් අග්‍රාමාත්‍යවරයා ද පොලිසියට චෝදනා කර තිබුණි. පොලිස් කොමිෂන් සභාවේ ලේකම් ආරියදාස කුරේ මහතා මේ පිළිබද පොලිස්පතිවරයාගෙන් වාර්තාවක් ඉල්ලා සිටි අතර ඒ පිළිබද ප්‍ර‍මුඛ දේශපාලනඥයින්ගේ නොකැමැත්ත පළ වී තිබුණි. මෙම අර්බුදය හේතුවෙන් ජාතික පොලිස් කොමිෂන් සභාවේ සාමාජිකයෙකු හෝ කිහිප දෙනෙකු ඉල්ලා අස්වීමේ සුදානමක් පවතින බව ද, අප වෙත දැනගන්නට ඇත.

පොලිස් කොමිසම දේශපාලනීකරණය වෙලා !

දේශපාලන අතපෙවීම් හේතුවෙන් ජාතික පොලිස් කොමිෂන් සභාව දැඩි පීඩනයකට ලක්වී ඇති අතර, මහාචාර්ය සිරි හෙට්ටිගේ මහතා සභාපති ධූරයෙන් ඉවත්වීමෙන් පසුව දේශපාලන අවශ්‍යතාව මත එහි කටයුතු සිදුවන බවට චෝදනා එල්ල විය. දිගු කලක් සැගවී තිබූ ජාතික පොලිස් කොමිෂන් සභාව වෙත එල්ලවන දේශපාලන බලපෑම් පිළිබද ආරියදාස කුරේ මහතා ඉවත් කිරීමත් සමග සමාජ අවධානය යොමුවී ඇත. ස්වාධීන කොමිෂන් සභා සදහා එල්ලවන බලපෑම් පිළිබද සමාජ කතිකාවක් ආරම්භ කිරීම අනිවාර්ය අවශ්‍යතාවක් බවට පත්වෙමින් තිබේ.

Comment (0) Hits: 348

විශ්වාසභංගය අද හවස කතානායකට : අත්සන් කළ ශ්‍රීලනිප ඇමතිලා මෙන්න

අග්‍රාමාත්‍ය රනිල් වික්‍රමසිංහට එරෙහි විශ්වාසභංග යෝජනාව අද (21) පස්වරු 2.00 ට කතානායකවරයාට භාරදෙන බව ඒකාබද්ධ විපක්ෂයේ ප්‍රකාශකයකු සඳහන් කරයි.

ඒ සඳහා මේ වන විට ශ්‍රී ලංකා නිදහස් පක්ෂය නියෝජනය කරන ආමාත්‍යවරුන් වන ටී.බී.ඒකනායක, නිශාන්ත මුතුහෙට්ටිගම, සුසිල් ප්‍රේමජයන්ත, සුසන්ත පුංචිනිලමේ ඇතුළු තවත් එක් අමාත්‍යවරයෙකු මේ වන විටත් අත්සන් තබා ඇති බවද ඔහු පවසයි.

newstube.lk වෙත අදහස් දැක්වූ එම ප්‍රකාශකයා වැඩිදුරටත් සඳහන් කර සිටියේ එක්සත් ජාතික පක්ෂයේ සිට විශ්වාසභංග යෝජනාවට සහය දෙන මැති ඇමතිවරුන් කතානායකවරයාට භාරදෙන ලේඛනය සඳහා අත්සන් නොතබන බවට එකඟතාවක් ඇතිකරගත් බවය.

ඒ පක්ෂ නායකත්වයට එරෙහි ලියවිල්ලකට ප්‍රසිද්ධියේ අත්සන් තැබීම ඔවුන්ට ප්‍රශ්නයක් විය හැකි නිසා බවත් නමුත් ඔවුන් විශ්වාසභංග යෝජනාවට ජන්දය විමසන අවස්ථාවේ ඊට සහය පළකිරීමට සුදානම් බවද එම ප්‍රකාශකයා පැවසීය.

එසේම වික්‍රමසිංහ අග්‍රාමාත්‍යවරයාට එරෙහි විශ්වාසභංග යෝජනාවට පක්ෂව එජාප අභ්‍යන්තරයේ මැති ඇමතිවරුන් 17 කගේ අත්සන් ලේඛනයක් ඇති බවත් රනිල් වික්‍රමසිංහ වෙනුවට අග්‍රාමාත්‍යධුරය සඳහා එක්සත් ජාතික පක්ෂයේම වෙනත් අයෙකු පත්කිරීමට පක්ෂව මැති ඇමතිවරුන් 32ක් සිටින බවට තම පාර්ශවයට දැනුම්දී ඇති බවද ඔහු වැඩිදුරටත් සඳහන් කර සිටියේය.

Comment (0) Hits: 5488

ඒකාබද්ධය කනස්සල්ලෙන් : එජාප - ශ්‍රීලනිප අත්සන් තවමත් නැහැ !

අග්‍රාමාත්‍ය රනිල් වික්‍රමසිංහ මහතාට එරෙහිව ගෙන එන විශ්වාසභංග යෝජනාව ජයග්‍රහණය කිරීම සඳහා එක්‌සත් ජාතික පක්‍ෂයේ මෙන්ම ශ්‍රී ලංකා නිදහස්‌ පක්‍ෂයේ මැති ඇමැතිවරුන් කණ්‌ඩායමක්‌ පොරොන්දු වී ඇතත් මෙතෙක් එම පක්ෂ දෙකෙහි කිසිවකු හෝ මෙම ලේඛනයට මෙතෙක් අත්සන් තබා නොමැත.

මෙම විශ්වාසභංග යෝජනාව ජයග්‍රහණය කිරීම සඳහා එක්‌සත් ජාතික පක්‍ෂයේ මෙන්ම ශ්‍රී ලංකා නිදහස්‌ පක්‍ෂයේ මැති ඇමැතිවරුන් කණ්‌ඩායමක්‌ පොරොන්දු වී ඇතැයි හිටපු ජනාධිපති මහින්ද රාජපක්‍ෂ මහතා "දිවයින" පුවත්පතට පවසා ඇත.

විශ්වාසභංග යෝජනාව ජයග්‍රහණය කිරීම සඳහා ඊට අත්සන් තැබීමට එක්‌සත් ජාතික පක්‍ෂයේ තරුණ මන්ත්‍රීවරුන් පිරිසක්‌ සහ ශ්‍රී ලංකා නිදහස්‌ පක්‍ෂයේ ඇමැතිවරුන් පිරිසක්‌ එකඟවී සිටින බවද රාජපක්‍ෂ මහතා වැඩිදුරටත් කියා සිටියි.

මෙහිදී වැඩිදුරටත් අදහස්‌ දක්වා ඇති රාජපක්‍ෂ මහතා මෙසේද සඳහන් කර ඇත.

'' කවුරු මොනවා කිව්වත් අග්‍රාමාත්‍ය රනිල් වික්‍රමසිංහ මහතාට එරෙහිව ගෙන එන විශ්වාසභංග යෝජනාව ජයග්‍රහණය කරනවා.

සාමාන්‍ය ජනතාව මහත් උනන්දුවෙන් බලා සිටිනවා මේ කටයුත්ත කෙරෙන කල්. අගමැතිවරයාට එරෙහිව විශ්වාසභංග යෝජනාවක්‌ ගෙන ඒම ගැන මහජනතාවගේ උණුසුම් ප්‍රතිචාර අපට ලැබෙනවා.''

 ඒකාබද්ධයේ අය කතාවුනේ මොනවද ?

 මේ අතර ඒකාබද්ධ විපක්ෂයේ පාර්ලිමේන්තු මන්ත්‍රි කණ්ඩායම ඊයේ (20දා) දින පාර්ලිමේන්තුවේදී රැස්වූයේ උදෑසන 10.30ට පමණය.

පාර්ලිමේන්තු සංකීර්ණයේ බිම් මහලේ පිහිටි කමිටු ශාලා අංක 4හි පැවැති මෙම රැස්වීම පැවැත්වුණේ ඒකාබද්ධ විපක්ෂයේ පාර්ලිමේන්තු මන්ත්‍රි කණ්ඩායම් නායක දිනේෂ් ගුණවර්ධන මහතාගේ ප්‍රධානත්වයෙනි.

ඒකාබද්ධ විපක්ෂයේ පක්ෂ නායකයන් ඇතුළු බොහෝ දෙනකු මහත් උනන්දුවෙන් මෙම රැස්වීම සඳහා පැමිණෙන ආකාරයක් දක්නට ලැබිණි.

අග්‍රාමාත්‍ය රනිල් වික්‍රමසිංහ මහතාට එරෙහිව පාර්ලිමේන්තුවට ඉදිරිපත් කිරීමට නියමිත විශ්වාසභංග යෝජනාව පිළිබඳ තීරණාත්මක සාකච්ඡාවක් පැවැත්වෙන නිසා ඊට සහභාගි වීම සඳහා මෙසේ වැඩි උනන්දුවකින් ඒකාබද්ධ විපක්ෂයේ පාර්ලිමේන්තු මන්ත්‍රිවරු පැමිණෙන්නට වූහ.

 ''ඒකාබද්ධයේ 54 දෙනාගෙන් 51 දෙනකු අත්සන් කරලා''

 රනිල් වික්‍රමසිංහ අග්‍රාමාත්‍යවරයාට එරෙහිව ඉදිරිපත් කිරීමට යන විශ්වාසභංග යෝජනාව ගැන ප්‍රථමයෙන්ම කතා කරන්නට වූයේ ඩලස් අලහප්පෙරුම මන්ත්‍රිවරයාය.

 "රනිල් වික්‍රමසිංහ අග්‍රාමාත්‍යවරයාට එරෙහිව විශ්වාසභංග යෝජනාවක් ඉදිරිපත් කිරීමට අස්සන් ලබාගනිමින් යනවා" යනුවෙන් අදහස් දැක්වූ ඩලස් අලහප්පෙරුම මන්ත්‍රිවරයා තම පැහැදිලි කිරීම ආරම්භ කළේය.

එම කතාව අවසානයේදී ඩලස් අලහප්පෙරුම මන්ත්‍රිවරයා විශ්වාසභංග යෝජනාවට අස්සන් කර තිබෙන ඒකාබද්ධ විපක්ෂයේ පාර්ලිමේන්තු මන්ත්‍රිවරුන්ගේ සංඛ්‍යාව ගැන විමසා සිටියේ ෂෙහාන් සේමසිංහ මන්ත්‍රිවරයාගෙනි.

ඒ වන විටත් තමා ළඟ ඇති අස්සන් ලේඛනය ඉතා සුපරීක්‍ෂාකාරීව ෂෙහාන් සේමසිංහ මන්ත්‍රිවරයා පරීක්‍ෂා කරමින් සිටියේය.

ඒකාබද්ධ විපක්ෂයේ පාර්ලිමේන්තු මන්ත්‍රිවරුන් 54 දෙනාගෙන් 51 දෙනකු දැනට විශ්වාසභංග යෝජනාවට අස්සන් තබා තිබෙන බව ෂෙහාන් සේමසිංහ මන්ත්‍රිවරයා විසින් ප්‍රකාශ කරන ලදී.

රොෂාන් රණසිංහ මන්ත්‍රිවරයා විදේශගතවී සිටින බවත් දැනට බන්ධනාගාරගතව සිටින එක් මන්ත්‍රිවරයකුට අස්සන් කිරීමට නොහැකිවී තිබෙන බවත් මෙහිදී ෂෙහාන් සේමසිංහ මන්ත්‍රිවරයා විසින් පැහැදිලි කරන ලදී.

 ශ්‍රීලනිප - එජාප අත්සන් නොලැබුණොත් මොකද කරන්නේ ?

 ඉන් අනතුරුව මෙම විශ්වාසභංග යෝජනාව පිළිබඳ වර්තමානයේ පවතින තත්ත්වය ගැන පාර්ලිමේන්තු මන්ත්‍රිවරු කිහිපදෙනකුම අදහස් දක්වන්නට වූහ.

නිමල් ලාන්සා, ප්‍රසන්න රණතුංග, රමේෂ් පතිරණ, උදය ගම්මන්පිල, කුමාර වෙල්ගම, කෙහෙලිය රඹුක්වැල්ල, මහින්දානන්ද අලුත්ගමගේ, යන මහත්වරුන් ඇතුළු මන්ත්‍රිවරුන් කිහිපදෙනකුම අදහස් දක්වන්නට වූ අතර ඇතැම් අවස්ථාවලදී යම් යම් උණුසුම්කාරී අවස්ථාද ඇතිවුණි.

මෙම විශ්වාසභංග යෝජනාවට ශ්‍රී ලංකා නිදහස් පක්ෂයේ සියලුම මැති ඇමැතිවරුන් අස්සන් කරාවිද? නැත්නම් කිහිපදෙනකු පමණක් අස්සන් කරාවිද? යනුවෙන් ඇතැමකු මෙහිදී ප්‍රශ්න කරන්නට විය.

"ශ්‍රී ලංකා නිදහස් පක්ෂයේ සියලුම මැති ඇමැතිවරුන් වාගේ මෙම විශ්වාසභංග යෝජනාව ජයග්‍රහණය කරවීම සඳහා කැමැත්තෙන් ඉන්නේ. කොටසක් අස්සන් කරාවි. ඉතිරි කොටස ඡන්ද විමසීම සිදුකරන අවස්ථාවේදී විශ්වාසභංග යෝජනාව ජයග්‍රහණය කරන්න ඡන්දය ප්‍රකාශ කරාවි". ඊට ප්‍රතිචාර වශයෙන් කිහිපදෙනෙක්ම අදහස් දැක්වූහ.

"එක්සත් ජාතික පක්ෂයේ තත්ත්වය මොන වාගේ වේවිද" තවත් මන්ත්‍රිවරයකු විමසුවේය.

"සංකේතාත්මකව අස්සන් කරන්න කිහිපදෙනකු කැමැත්ත පළ කරලා තියෙන්නේ. එම අස්සන් ලැබුණාට පසුව බාර දෙමු" තවත් පාර්ලිමේන්තු මන්ත්‍රිවරයකු කීවේය.

"ඔය කියන විදියට ශ්‍රී ලංකා එකෙනුයි යූ.ඇන්.පී. එකෙනුයි අස්සන් නොලැබුණොත් කරන්නේ මොකක්ද"තවත් මන්ත්‍රිවරයකු විමසා සිටියේය.

''මෙම විශ්වාසභංග යෝජනාව ජයග්‍රහණය කරවීම සඳහා සහාය ලබාදෙන බව ඔවුන් ප්‍රකාශ කර තිබෙනවා. කවුරුන් සහාය ලබාදුන්නත් නැතත් මෙම විශ්වාසභංග යෝජනාව ඒකාබද්ධ විපක්ෂය විසින් පාර්ලිමේන්තුවට ඉදිරිපත් කරනු ලබනවා. එතකොට රටේ ජනතාවට හොඳහැටි බලාගන්න පුළුවන් අගමැති ආරක්‍ෂා කරනවා නම් එහෙම කරන්නේ කවුද? යනුවෙන් තවත් මන්ත්‍රිවරයෙක් පැවැසුවේය.

 

Comment (0) Hits: 546

විශ්වාසභංගය: ශ්‍රීලනිපයට ජනපතිගේ අනුමැතිය !

අගමැති රනිල් වික්‍රමසිංහ මහතාට එරෙහිව ගෙන ඒමට කටයුතු සූදානම් වෙමින් ඇති විශ්වාස භංග යෝජනාව සදහා පක්‍ෂ වීමට ජනාධිපති මෛත්‍රීපාල සිරිසේන මහතා ශ්‍රී ලංකා නිදහස් පක්‍ෂයට අනුමැතිය දී ඇති බව ජාතික නිදහස් පෙරමුණේ නායක විමල් විරවංශ මහතාගේ මෙහෙයුම යටතේ ක්‍රියාත්මක වන 'ලංකා සී නිව්ස්' වෙබ් අඩවිය පවසයි.

ආණ්ඩුවේ ශ්‍රීලනිප මැති ඇමති පිරිසක් සමග පැවති සාකච්චාවකදී ජනාධිපතිවරයා විසින් එම අනුමැති දී ඇති බවද එම පුවත් වාර්තාවේ සඳහන් වේ.

මේ අතර එක්සත් ජාතික පක්‍ෂය නියෝජනය කරමින් පාර්ලිමේන්තු පැමිණ සිටින සුළු පක්‍ෂ නියෝජිතයන් සමග පවත්වන සාකච්ජා ද සාර්ථක මට්ටමක ඇතැයිද එම වෙබ් අඩවිය අනාවරණය කරයි.

image 99300e8e2b 

විශ්වාස භංග යෝජනාව අගමැතිවරයා සහ ජනාධිපතිවරයා අතර "විරසකයක් ඇති කිරීමේ" සහ "ජාතික ආණ්ඩුව විනාශ කිරීමේ" කුමන්ත්‍රණයක් '' - අමාත්‍ය දුමින්ද දිසානායක

කෙසේවුවද ශ්‍රීලනිප මහ ලේකම්, කෘෂිකර්ම අමාත්‍ය දුමින්ද දිසානායක මහතා පවසන්නේ, ඒකාබද්ධ විපක්ෂය විසින් අගමැති රනිල් වික්‍රමසිංහ මහතාට එරෙහිව ඉදිරිපත් කිරීමට සැරසෙන විශ්වාස භංග යෝජනාවට තමන් තරයේ විරුද්ධ බවයි.

එය තමන්ගේ පෞද්ගලික මතය විනා ශ්‍රී ලංකා නිදහස් පක්ෂයේ ස්ථාවරය නොවන බව අවධාරණය කරන ඇමතිවරයා, අදාළ විශ්වාස භංග යෝජනාව සම්බන්ධයෙන් පක්ෂය මෙතෙක් කිසිදු තීරණයකට එළැඹ නැති බවත් බීබීසී සිංහල සේවයට පැවසීය.

"නිල වශයෙන් පක්ෂය තීන්දුවක් අරගෙනත් නෑ. ඒවගේම විශ්වාස භංගයට මුල් වෙලා කටයුතු කරන කණ්ඩායම නිල වශයෙන් අපට ආරාධනා කිරීමක්, සාකච්ඡා කිරීමක් හෝ වෙනත් කිසිම දෙයක් කරලා නැහැ," කෘෂිකර්ම අමාත්‍ය දුමින්ද දිසානායක මහතා කියා සිටියි.

පෞද්ගලිකව තමන් එම යෝජනාවට විරුද්ධ වන්නේ කුමක් නිසාද යන කරුණත් ශ්‍රීලනිප මහ ලේකම්වරයා විස්තර කළේය.

 වීඩියෝ 

 "මේ ආණ්ඩුවට පසුගිය මැතිවරණයෙන් කිසියම් උත්තරයක් ලැබිල තියෙනව නම්, ඒ උත්තරේට දුමින්දත් වග කියන්න ඕන, රනිල් වික්‍රමසිංහ මහත්තයත් වග කියන්න ඕන, ඒ වගේම ජනාධිපතිවරයා ඇතුලු මේ පක්ෂ දෙකම වග කියන්න ඕනේ" ඔහු පෙන්වා දෙයි.

"තනි පුද්ගලයෙකුට ඒ වගකීම භාරගන්න පුළුවන් කමක් නෑ."

917196760"අගමැතිට ළඟදීම යන්න වෙනවා" - මහින්ද

අගමැති රනිල් වික්‍රමසිංහට එරෙහි විශ්වාස භංග යෝජනාව ලබන සතියේ ගෙන ඒමට නියමිත බව හිටපු ජනාධිපති, පාර්ලිමේන්තු මන්ත්‍රී මහින්ද රාජපක්ෂ මහතා මේ අතර පවසයි.

පසුගිය සතියේ ශ්‍රී ලංකා විදේශ වාර්තාකරුවන්ගේ සංගමය සමග විශේෂ සාකච්ඡාවකට එක් වූ හිටපු ජනාධිපති මහින්ද රාජපක්ෂ මහතා, අදාළ යෝජනාව මේ සතියේ ඉදිරිපත් කරන බව සඳහන් කළේය.

"අගමැතිට ළඟදීම යන්න වෙනවා" යයි එහිදී සඳහන් කළ කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතා, "අගමැති යවන්න, එක්සත් ජාතික පක්ෂයේම මන්ත්‍රීවරු කටයුතු කරයි වගෙයි පෙනෙන්නේ. මට කරන්න දෙයක් නැති වෙයි," හිටපු ජනාධිපතිවරයා වැඩිදුරටත් පැවසීය.

 එජාප මතය :

එහෙත් බීබීසී සිංහල සේවය කළ විමසීමකට පිළිතුරු දුන් එක්සත් ජාතික පක්ෂයේ නියෝජ්‍ය මහ ලේකම් අජිත් පී පෙරේරා රාජ්‍ය ඇමතිවරයා කියා සිටියේ, පක්ෂයේ කිසිදු බෙදීමක් නොමැති අතර, පක්ෂයේ පාර්ලිමේන්තු මන්ත්‍රී කණ්ඩායම එක්සත්ව අගමැතිවරයාට සහාය පළ කරන බවය.

ඒකාබද්ධ විපක්ෂය එය ඉදිරිපත් කිරීමට සැරසෙන්නේ ආණ්ඩුවට එරෙහි විශ්වාස භංග යෝජනාවක් ලෙස බැවින් කිසියම් ඇමතිවරයෙක් එයට සහාය පළ කරන්නේ නම් ඔහුට පදවියෙන් ඉල්ලා අස්වීමට සිදුවනු ඇති බව ද විදුලිබල හා බලශක්ති රාජ්‍ය අමාත්‍ය අජිත් පී පෙරේරා මහතා වැඩිදුරටත් පැවසීය.

පසුගියදා කරන ලද කැබිනට් සංශෝධනය "කොමඩියක්" ලෙසින් විග්‍රහ කළ රාජ්‍ය අමාත්‍ය වසන්ත සේනානායක මහතා ද සඳහන් කළේ විශ්වාස භංග යෝජනාවට සහාය දෙන්නේද, නොදෙන්නේද යන්න තීරණය කිරීමට සිදුවන්නේ චෝදනා සලකා බැලීමෙන් අනතුරුව බවය.

මෑතදී අගමැති රනිල් වික්‍රමසිංහ මහතා දැඩි විවේචනයට ලක් කළ පාලිත රංගේ බණ්ඩාර රාජ්‍ය අමාත්‍යවරයා විදේශගතව සිටින බව දැනගැනීමට ලැබිණ.

ශ්‍රීලනිප ඇමතිවරු:

ශ්‍රී ලංකා නිදහස් පක්ෂය නියෝජනය කරන ටී.බී ඒකනායක අමාත්‍යවරයා විශ්වාස භංග යෝජනාවට පක්ෂය අත්සන් තබා ඇති බව මේ අතර ජනමාධ්‍ය වාර්තා කරයි.

ඒ පිළිබඳ තමන් ද දුටුවේ මාධ්‍ය මගින් පමණක් බව බීබීසී සිංහල සේවය සමග කියා සිටි දුමින්ද දිසානායක අමාත්‍යවරයා, විශ්වාස භංග යෝජනාව ඉදිරිපත් කිරීමේ ප්‍රයත්නය දැඩි විවේචනයට ලක් කළේය.

විශේෂයෙන්ම පළාත් පාලන මැතිවරණයේ ප්‍රතිඵලවලින් අනතුරුව අගමැති රනිල් වික්‍රමසිංහ මහතාට පදවියෙන් ඉල්ලා අස්වන මෙන් ජනාධිපති මෛත්‍රීපාල සිරිසේන මහතා ඉල්ලීමක් කළේ අගමැතිවරයා කෙරෙහි විශ්වාසය බිඳ වැටී ඇති නිසා නොවේ දැයි කළ විමසීමට පිළිතුරු දෙමින් ශ්‍රී ලංකා නිදහස් පක්ෂයේ මහ ලේකම්වරයා කියා සිටියේ එවැනි ඉල්ලීමක් කළේද යන්න ගැන නිල වශයෙන් කිසිවක් කිව නොහැකි බවය.

"ඒ කෙසේ වෙතත්, මේ මැතිවරණ ප්‍රතිඵලය අනුව ශ්‍රී ලංකා නිදහස් පක්ෂය සහ එක්සත් ජාතික පක්ෂයට, ඒ වගේම ආණ්ඩුවට දේශපාලන වශයෙන් තේරුම් ගත යුතු කාරණා සහ වෙනස් කළ යුතු කාරණා වෙනම තියෙනව," ඔහු පැවසීය.

'ආණ්ඩුව විනාශ කිරීමේ අරමුණක්':

එබැවින් අදාළ විශ්වාස භංග යෝජනාව අගමැතිවරයා සහ ජනාධිපතිවරයා අතර "විරසකයක් ඇති කිරීමේ" සහ "ජාතික ආණ්ඩුව විනාශ කිරීමේ" අරමුණින් ඒකාබද්ධ විපක්ෂය ගෙන යන දේශපාලන උපාය මාර්ගයක් බව කෘෂිකර්ම අමාත්‍යවරයාගේ විග්‍රහය වී තිබේ.

"ඔවුන් බලාපොරොත්තු වනවා - එෆ්සීඅයිඩී එක අයින් කරගන්න, ඒවගේම ඒගොල්ලන්ට තියන නඩු හබ ටික අයින් කරගන්න, ඒවගේම සුවිශේෂී අධිකරණයක් පත්කරන වැඩේට විරුද්ධ වෙන්න. ඉතින් බොහොම පැහැදිලිව මේ සියල්ල යට තියෙන්නේ තමන්ට විරුද්ධව තියන චෝදනාවලින් කොහොමද ගැලවෙන්නේ කියන කාරණාව."

rw ms 2 1000px

 එබැවින් 2015 ජනවාරි 08 ජනවරමට පිටු නොපෑමට ජනාධිපති මෛත්‍රීපාල සිරිසේන ඇතුලු සියලු දෙනාට "වගකීමක් තිබෙන" බව ද අමාත්‍ය දුමින්ද දිසානායක මහතා අවධාරණය කළේය.

"මේ රටේ අති බහුතරයක් ජනතාව මේ මැතිවරණයේදී ආණ්ඩුවට විරුද්ධව ඡන්දෙ දුන්නේ, හොරු ගැන කතා කළාට හොරු ඇල්ලුවේ නැති නිසා. හොරුන්ට ජයගන්න දෙන්නේ නැති ඕනෑම දෙයක් කිරීමට මේ ආණ්ඩුවට විශාල වගකීමක් තියෙනව."

එයාලා ගැන පුදුමයක් නැහැ :

පක්ෂයක් ලෙසින් තීන්දුවක් ගෙන නැතත්, සුසිල් ප්‍රේමජයන්ත්, දයාසිරි ජයසේකර සහ එස්.බී දිසානායක අමාත්‍යවරුන් මෙන් තිලංග සුමතිපාල නියෝජ්‍ය කතානායකවරයා වැනි පිරිසක් විශ්වාස භංග යෝජනාවට සහාය දිය යුතුය යන ස්ථාවරයක සිටින බවට පළවන මාධ්‍ය වාර්තා පිළිබඳව විමසූ අවස්ථාවේ ශ්‍රීලනිපයේ මහ ලේකම්වරයා කියා සිටියේ ඔවුන් සියලු දෙනාම ජනවාරි 08 ජනපතිවරණයේදී "හොරකම, දූෂණය, වංචාවට විරුද්ධ නොවූවන්" බැවින් තමන් ඒ පිළිබඳව "පුදුම නොවන" බවය.

"එතකොට හැබෑවටම ජනතාව නියෝජනය කරපු අයගේ මතය ඕක නෙවෙයි. ඉතින් මත දෙකක් මෙතන තියෙනව."ඇමතිවරයා කියා සිටියි.

බොහෝ දූෂිතයන්ට එරෙහිව අධිකරණ විමර්ශන ආරම්භ වී තිබෙන මොහොතක් ඔවුන්ගේ "ගැලවීම වෙනුවෙන්" කෙරෙන මෙවැනි උත්සාහයකට කිසිසේත් සහාය දිය නොහැකි බව අමාත්‍ය දුමින්ද දිසානායක මහතා අවධාරණය කළේය.

 

Comment (0) Hits: 608

''ශ්‍රී ලන්කන් අධ්‍යක්ෂ මණ්ඩලය ඉවත් කරන්න'' : පාඩු ලබන හේතුව රවී කියයි !

ශ්‍රී ලන්කන් ආයතනය ලාභ ලබන ආයතනයක් ලෙස ගොඩනැගීමට නොහැකි වී ඇත්තේ කළමනාකරණ යේ වරදක් නිසා බව හිටපු මුදල් අමාත්‍ය පාර්ලිමේන්තු මන්ත්‍රී රවී කරුණානායක මහතා ප්‍රකාශ කරයි.

කරුණානායක මහතා පෙන්වා දෙන්නේ ඒ සඳහා දක්ෂ නිලධාරීන් පිරිසක් ශ්‍රී ලන්කන් ආයතනයේ අධ්‍යක්ෂක මණ්ඩලය යට පත් කිරීමෙන් අර්බුදය විසඳා ගත හැකි බවයි.

අධ්‍යක්ෂක මණ්ඩලය ගන්නා තීරණ විෂය භාර ඇමැතිවරයා නොදන්නා තත්ත්වයක් තුල ශ්‍රී ලන්කන් ආයතනය ඉදිරියට ගෙනයාම කළමනාකරණයේ අකාර්යක්ෂම තාවයක් බව පැහැදිලි වන බවද කරුණානායක මහතා කියා සිටියි.

ශ්‍රී ලංකන් ආයතනය ලාභ ලබන ආයතනයක් ලෙස ගොඩනැගීම ඉතා පහසු බවත් කළ යුත්තේ එහි කළමනාකාරිත්වයට දක්ෂ නිලධාරීන් පත්කිරීම බවද පැවසීය.

ශ්‍රී ලංකන් ආයතනය මේ වන විට විශාල පාඩු ලබන ආයතනයක් බවට පත් වීමෙන් එය ජාතික ආර්ථිකයට විශාල හානියක් බවද රවී කරුණානායක මහතා වැඩිදුරටත් කීය .

 මන්ත්‍රී වරයා මේ බව පැවසුවේ අද පෙරවරුවේ (20) තොටළඟ එක්සත් ජාතික පක්ෂ කාර්යාලයේ පැවති උත්සවයකට සහභාගී වීමෙන් අනතුරුව මාධ්‍ය වේදීන් අසන ලද ප්‍රශ්නයකට පිළිතුරු දෙමිණි.

දිගන හා තෙල්දෙණිය ප්‍රදේශය වල ගැටුම් වලින් මියගිය තරුණයින් ගේ නිවාස වල භාවිතය සඳහා විදුලි උපකරණ ඇතුළු භාණ්ඩ බෙදාදීම වෙනුවෙන් උත්සවය පැවැත්විණි .

යහපාලනයට දිගටම බාධා :

එහිදී අදහස් දැක්වූ රවී කරුණානායක මහතා කියා සිටියේ යහපාලන අරමුණු ඉටුකර ගැනීම සඳහා කොතෙකුත් උත්සාහ දැරුව ද ඇතැම් අවස්ථාවන්, හිදී ඊට බාධා එල්ල වන බවයි.

වංචා දූෂණ සම්බන්ධයෙන් විභාග කිරීමට විශේෂ අධිකරණයක් ස්ථාපනය කිරීමට ඇතැමුන් විරුද්ධ වීම තුලින් පැහැදිලි වන්නේ යහපාලනය නිසි ආකාරයෙන් ක්‍රියාත්මක වීමට ඇති බාධාවන් බවද හෙතෙම කියා සිටියේය.

යෝජිත විශේෂිත අධිකරණය කිසියම් පුද්ගලයකු හෝ කණ්ඩායමක් ඉලක්ක කර ගෙන පිහිටුවන අධිකරණයක් නොවන බවත් එය පිහිටුවීමේ කාර්ය අධිකරණයට භාර දී ඇති බවත් නීති ක්ෂේත්‍රයේ තර්ක විතර්ක මත අධිකරණය නිසි ලෙස ක්‍රියා කරනු ඇති බවත් කරුණානායක මහතා පැවසීය.

මෙම අවස්ථාවට කොළඹ මහ නගර සභාවේ එජාප මන්ත්‍රී වරුන් වන ලයන් මනෝ, නෝබට් ප්‍රනාන්දු යන මහත්වරු ද එක්ව සිටියහ .IMG 20180320 094605

 

Comment (0) Hits: 301

ගෝඨාගේ පොලිටිකල් ගේමකට බැසිල්ගෙන් බාල්දියක් !

අග්‍රාමාත්‍ය රනිල් වික්‍රමසිංහට එරෙහිව ගෙන ඒමට යෝජිත විශ්වාසභංග යෝජනාව කඩිනම් නොකළයුතු බවට ඒකාබද්ධ විපක්ෂය නියෝජනය කරන පාර්ලිමේන්තු මන්ත්‍රී ප්‍රසන්න රණතුංග සහ නිමල් ලංසා යන මන්ත්‍රීවරුන් යෝජනා කර ඇති බව වාර්තා වෙයි.

විශ්වාසභංග යෝජනාව සහ ඉදිරි දේශපාලන කටයුතු පිළිබඳ සාකච්ඡා කිරීමට ඒකාබද්ධ විපක්ෂයේ මන්ත්‍රී කණ්ඩායමේ අද (20) පැවති හමුවේදී මෙය සිදුව ඇත.

ප්‍රසන්න සහ ලංසාට බැසිල්ගෙන් උපදෙස්

දේශපාලන ආරංචිමාර්ග සඳහන් කරන ආකාරයට අදාළ යෝජනාව ඒකාබද්ධ විපක්ෂයේ මන්ත්‍රී කණ්ඩායමේ සාකච්ඡාව තුළ දැඩිව අවධාරණය කරන ලෙසට බැසිල් රාජපක්ෂ විසින් අදාළ මන්ත්‍රීවරුන් දෙදෙනාට උපදෙස් දී ඇත.

ඒ හේතුව මත විශාවසභංග යෝජනාව ගෙන ඒම පමා කිරීමට හේතු දක්වමින් මෙම මන්ත්‍රීවරුන් දීර්ඝ ලෙස කරුණු දක්වා ඇති නමුත් ඒකාබද්ධ විපක්ෂය නියෝජනය කරන අනෙක් මන්ත්‍රීවරුන් රැසක් එම යෝජනාවට විරෝධය පළකර ඇත.

විශ්වාසභංගය ගැන විශ්වාසය භංග කරන්න එපා !

එහිදී ප්‍රසන්න- ලංසා යෝජනාවට විරුද්ධත්වය පලකළ මන්ත්‍රීවරුන් පෙන්වාදී ඇත්තේ තවදුරටත් විශ්වාසභංගය පමා කිරීමට කටයුතු කිරීම අවාසිදායක බවත් ඒ හේතුවෙන් රනිල් වික්‍රමසිංහට එරෙහිව විශ්වාසභංගයට සහය දීමට අපේක්ෂාවෙන් සිටින මැති ඇමතිවරුන්ගේ අදහස වෙනස්වීමේ අවධානමක් ඇති බවය.

එසේම මේ වන විටත් ඒ වෙත සහය ලබාදෙන බවට පොරොන්දුවූ මන්ත්‍රීවරුන්ට තම පාර්ශවය කෙරෙහි විශ්වාසය නැතුව යා හැකි බවත් එහෙයින් මෙතෙක් සාකච්ඡා කරගෙන ඇති ආකාරයට විශ්වාසභංගය කඩිනම් කිරීමට ගතහැකි සෑම ක්‍රියාමාර්ගයක්ම ගතයුතු බව ඔවුන් අවධාරණය කර ඇත.

ගෝඨාභයගේ ගේමට බැසිල්ගෙන් බාල්දියක් !

මේ සම්බන්ධව වැඩිදුරටත් වාර්තා වන දේශපාලන ආරංචිමාර්ග සඳහන් කර සිටින්නේ කාලයක පටන් බැසිල් රාජපක්ෂ සහ ගෝඨාභය රාජපක්ෂ අතර ඒකාබද්ධ විපක්ෂය තුළ තිබෙන සීතල යුද්ධයේ ප්‍රතිඵලයක් ලෙස මෙම විවාදය මතුව ඇති බවය.

මහින්ද නැති දවසට බැසිල් - ගෝඨා ගැටුම ස්ථිරයි

එහිදී බැසිල් රාජපක්ෂ එක්සත් ජාතික පක්ෂයට හිතවත් ආකාරයටත් ගෝඨාභය රාජපක්ෂ ශ්‍රීලනිප පාර්ශවයත් සමීපව කටයුතු කරන බවට ඒකාබද්ධ විපක්ෂය අභ්‍යන්තරයේ සංවාදයක් පවතින බවත් හිටපු ජනාධිපති මහින්ද රාජපක්ෂ සහභාගී නොවන බොහෝ සාකච්ඡා අවස්ථා වලදී මෙම දෙපාර්ශවය අතර විවාද හටගන්නා බවද එම ආරංචිමාර්ග සඳහන් කර සිටියි.

අග්‍රාමාත්‍යවරයාට එරෙහි විශ්වාසභංග යෝජනාව ගෙන ඒම වෙනුවෙන් කටයුතු කරමින් සිටින්නේ ඒකාබද්ධ විපක්ෂයේ ගෝඨාභය පාර්ශවය බවද එම ආරංචිමාර්ග වැඩිදුරටත් සඳහන් කරයි.

එසේම අදාළ යෝජනාව ගෙන එමින් බැසිල් පාර්ශවය විශ්වාසභංගය හමුවේ අග්‍රාමාත්‍යවරයා ආරක්ෂා කිරීම සඳහා ඩීල් දමන බවත් ඒ හේතුවෙන් අදාළ උත්සාහය පරාජය කරවා කඩිනමින් විශ්වාසභංග යෝජනාව පාර්ලිමේන්තුවට ඉදිරිපත් කලයුතු බවට "ගෝඨාභය" පාර්ශවයේ අදහසවී ඇති බවද වාර්තා වෙයි.

මෙම විවාදය සිදුවූ අද දිනයේද පැවති සාකච්ඡාවට හිටපු ජනාධිපති මහින්ද රාජපක්ෂ සහභාගීව සිට නැත.

Comment (0) Hits: 459

ආණ්ඩුවේ සන්නිවේදනය අසමත් කියූ සාගලට : මාධ්‍ය ප්‍රධානීන්ගෙන් කන පිරෙන්න උත්තර

රාජ්‍ය මාධ්‍ය හැසිරීම පිළිබඳ කිසිඳු අවබෝධයකින් තොරව සාගල රත්නායක අමාත්‍යවරයා එල්ල කරන චෝදනාව පදනම් විරහිත බව රාජ්‍ය මාධ්‍යයක ඉහල පෙළේ නිලධාරියෙකු අවධාරණය කරයි.

එම නිලධාරියා මේ බව අවධාරණය කර සිටියේ, "රජය විසින් නිසි පරිදි ක්‍රියාත්මක කරන සංවර්ධන කටයුතු පිළිබඳ තොරතුරු නිවැරදිව ජනතාවට සන්නිවේදනය නොවන බව"ට පසුගියදා සාගල රත්නායක අමාත්‍යවරයා එල්ල කල චෝදනාව සම්බන්ධව newstube.lk සිදුකල විමසීමකට ප්‍රතිචාර දක්වමින්ය.

සාගල රත්නායක අමාත්‍යවරයා මෙම චෝදනාව එල්ල කර සිටියේ "ෆියුචර් මයින්ඩ් 2018" ජාතික උසස් අධ්‍යාපන සහ වෘත්තීය ප්‍රදර්ශනයේ සමාරම්භක උත්සවයේ ප්‍රධාන දේශනය සිදුකරමින්ය.

ඇමති සාගලගේ විවේචනය

එහිදී අදහස් දක්වමින් අමාත්‍යවරයා මෙසේ පවසා තිබිණ. "බොහෝ අය කියනවා ආණ්ඩුව ප්‍රමාදයි කියලා. නමුත් ඇත්ත ඒක නොවෙයි. අපි ගොඩක් දේවල් කරලා තියනවා. අපි බොහෝ සංවර්ධන ව්‍යාපෘති සැලසුම් කර තිබෙනවා. නමුත් ගැටළුව වන්නේ එවැනි දේ ජනතාවට නිසි ආකාරයෙන් සන්නිවේදනය කිරීමට අපොහොසත්වීමයි. වර්තමාන ආණ්ඩුවේ අසාර්ථකත්වය එය බව මම පිළිගන්නවා."

රාජ්‍ය මාධ්‍ය උත්තරය

අමාත්‍යවරයාගේ මෙම චෝදනාවට ප්‍රතිචාර දක්වමින් රාජ්‍ය මාධ්‍ය නිලධාරියා සඳහන් කර සිටින්නේ, රජයේ සංවර්ධන කටයුතු වාර්තා කිරීම සම්බන්ධව වැඩිම විකාශන කාලසීමාවක් ලබාදී ඇත්තේ රාජ්‍ය මාධ්‍ය විසින් බවය.

දේශපාලන විවේචනවලට මාධ්‍යවේදීන්ද උත්තර දෙන්න ඕන ?

ඒ සම්බන්ධව වැඩිදුරටත් අදහස් දැක්වූ නිලධාරියා මෙසේද පැවසීය. "ඇත්තටම කණගාටුයි මේ ප්‍රකාශය. දැන් එතකොට ලොකුම වරද රාජ්‍ය මාධ්‍යද කරලා තියෙන්නේ. මිනිස්සු ආණ්ඩුව විවේචනය කරන්නේ සහ ආණ්ඩුව සම්බන්ධව චෝදනා එල්ලවී තියෙන්නේ සංවර්ධන කටයුතු සම්බන්ධව නොවන බවයි අපේ අවබෝධය. මිනිස්සු අතර විවේචනයක් තියෙන්නේ මුලිකව දේශපාලන කාරනා සම්බන්ධව. මිනිස්සු ආණ්ඩුවේ දේශපාලන කටයුතු ගැන විවේචනය කරනකොට රාජ්‍ය මාධ්‍ය වේවා ඕනෑම මාධ්‍යකට ඊට පිළිතුරු දිය හැකි සීමාවක් තියනවා.

සාගල ඇමති දේශපාලන විවාදයකට පැමිණි දවසක් මතකද ?

මාධ්‍ය ආයතනයකට පුළුවන්ද ආණ්ඩුවේ දේශපාලන කටයුතු ගැන හිතෙන හිතෙන දේ කරන්න. එහෙම බෑ. නමුත් අපිට පුළුවන් විවේචනයන්ට අදාළ පිළිතුරුදීමට ආණ්ඩුවේ පාර්ශවයන්ට ඉඩ හදලා දෙන්න. ඔන්න ඔතනයි ඇත්ත ප්‍රශ්නය තියෙන්නේ. සාගල ඇමතිතුමා කවදද දේශපාලන වැඩසටහනකට එන්නේ. කවදද ඒ ඇවිත් ආණ්ඩුව වෙනුවෙන් විවාද කරලා තියෙන්නේ. ඒ ඇමතිතුමා විතරක් නෙවෙයි, ගොඩක් අය එන්න කිව්වට එන්නෙ නෑ.

පීත්ත පටි කැපිලි : මුල්ගල් තැබිලිවලින් ආණ්ඩුවේ මතය ජනතාවට යනවද?

රාජ්‍ය මාධ්‍ය පසුගිය සමයේ අන්ත මඩ නාලිකා බවට පත්කරලා තිබුණේ. යහපාලනය ආවේ ඒ තත්ත්වය වෙනස් කරන්න. අපි අපේ වගකීම කළා. නමුත් කෝ ආණ්ඩුවේ ප්‍රකාශකයින්, ඔවුන් ඇවිත් ජනතාවට කතා කරන්න ඕන නේද? මුජිබර්, නලින්, කාවින්ද, හර්ෂණ, අජිත් වගේ මන්ත්‍රීවරුන් කිහිපදෙනෙකු විතරයි හැම මාධ්‍යයකටම යන්නේ. ජේෂ්ට අමාත්‍යවරයෙක් එන්න කිව්වත් එන්නේ නෑ. හැමෝමවගේ කරන්නේ පීත්ත පටියක් කපන, මුල් ගලක් තියන දර්ශන ටිකක් එවලා විකාශය කරන්න කියන එක විතරයි. පීත්ත පටියක්, මුල් ගලක් තියලා පුළුවන්ද ආණ්ඩුවේ දේශපාලනය මිනිස්සු අතරට ගෙනියන්න.

අනවශ්‍ය ප්‍රශ්නයක් ඇදගෙන තියෙන්නේ - අගමැති මාධ්‍ය අංශය

සාගල රත්නායක අමාත්‍යවරයාගේ මෙම චෝදනාව සම්බන්ධව අප අග්‍රාමාත්‍ය මාධ්‍ය ඒකකයේ ප්‍රධානියෙකු වෙතින්ද විමසීමක් කල අතර එහිදී ඔහු සඳහන් කර සිටියේ අග්‍රාමාත්‍යවරයා විසින් සාගල අමාත්‍යවරයාට පවරනු ලැබූ වගකීම් කොටස නිසි ලෙස ඉටුනොකර ඔහු අනවශ්‍ය ප්‍රශ්න නිර්මාණය කරමින් සිටින බවය.

අගමැති දුන්න වැඩටික හරියට කළාද?

එහිදී වැඩිදුරටත් අදහස් දක්වමින් ඔහු මෙසේද පැවසීය. "ආණ්ඩුවේ ආර්ථික ප්‍රතිපත්ති ඇතුළු සංවර්ධන කටයුතු සම්බන්ධව වගකීම තියෙන්නේ අගමැතිතුමාට. දේශපාලන කටයුතු බලන්න පවරලා තියෙන්නේ සාගල ඇමතිතුමාට. දේශපාලන වශයෙන් ආණ්ඩුවට එල්ලවන චෝදනා වලට නිසි පිළිතුරු නොදීම තුළයි ප්‍රශ්නය තියෙන්නේ. වැඩිය මොකුත් ඕන නෑ, අග්‍රාමාත්‍යවරයා උදේට සාගල ඇමතිතුමාට දෙන ෆයිල් වල විස්තර ටික හරියට මාධ්‍ය ආයතන ටිකට යැව්වනම් ප්‍රශ්නය ඉවරයි.

අයියා ලේක්හවුස් ඉඳලත් හරි නිව්ස් එක යවාගන්න බැරිවුණා

අඩුගාණේ සාගල ඇමතිතුමාට ඒටික කරගන්න බෑ. ඕක අගමැති කාර්යාලයේ ඕන කෙනෙක් දන්නා ඇත්තක්. ඇමතිතුමාගේ අයියා ලේක්හවුස් එකේ සභාපති වෙලා ඉන්න කාලේවත් අයියට කියලවත් තමන්ගේ වැඩටික කරගන්න ඇමතිතුමාට බැරිවුණා.

ආණ්ඩුවට එල්ලගෙන ගහනකොට සද්ද නැතුව හිටියේ

නිකමට බලන්න බැඳුම්කර ගනුදෙනුව සම්බන්ධව ආණ්ඩුවට විවේචන එල්ල වනවිට දේශපාලන ආවරණයක් දෙන්න සැලැස්මක් සාගල ඇමතිතුමාට තිබුණද ? පළවෙනි අවස්ථාවේ ඊට හරියට උත්තර දෙන්න කටයුතු කළා නම් ඒ ප්‍රශ්නයේ චෝදනාව ආණ්ඩුවට එන්නෙ නෑ.
අඩුගාණේ පහුගිය ආණ්ඩුවේ මුල්‍ය අක්‍රමිකතා ගැන පොලිස් විමර්ශන ගැන හරියට පුවතක් හදලා මාධ්‍යට යවන්න ඇමතිතුමාට පුළුවන් වුණාද? අගමැතිතුමාට එල්ලගෙන ගහන අවස්ථා වලදී විතරක් නෙවෙයි, අඩුම ගානේ පොලිසිය, පොලිස් මුල්‍ය අපරාධ කොට්ඨාශය වගේ ආයතන විපක්ෂය විවේචනය කරනකොට තමන්ගේ විෂය කියලවත් ඒවාට උත්තර දෙන්න සාගල ඇමතිතුමාට පුළුවන් වුනාද? ඒ වෙනුවෙන් එක දේශපාලන විවාදයකට ගියාද? නෑ. මොකුත් නොකර ෆයිල් මේසේ උඩ තියාගෙන ඉඳලා දැන් එනවා මෙතන නැති ප්‍රශ්න හදන්න.

රාජ්‍ය මාධ්‍ය වැඩකරණ හැටි අපි දන්නවා

ඇත්තටම නිකරුණේ රාජ්‍ය මාධ්‍යවලට දොස් කියලා වැඩකරන මිනිස්සු ටිකත් නැතිකරන්න හදන්නෙ. ඔය කතා මං හිතන්නේ නෑ අගමැතිතුමාවත් බරපතලව ගණන් ගන්නවා කියලා. මොකද අගමැතිතුමා සද්ද නොකර හිටියට එතුමා දන්නවා ඇත්තට බැහැලා වැඩක් කරන්නෙ කවුද, නොකරන්නේ කවුද කියලා. සමහර රාජ්‍ය මාධ්‍ය අපිට කතාකරලා කියනවා, අගමැතිතුමාගේ නිව්ස් මොකුත් නැද්ද, පොඩ්ඩක් බලලා එවන්න, කියලා. ඒ මිනිස්සු එහෙමයි වැඩ කරන්නේ. අපිත් මේ ආණ්ඩුවේ තමයි, නමුත් ඇත්ත කියන්න වෙනවා. සාගල ඇමතිතුමා නින්දෙන් නැගිටලා වගේ කරන කතා නිසා ආණ්ඩුවටයි, අගමැතිතුමාටයි තමයි බරපතලම හානිය.

Comment (0) Hits: 1853

පොලිසියට කට්ටි පැන්න ප්‍රසන්න හිරේ

එක්සත් ජනතා නිදහස් සන්ධානයේ අපේක්ෂකයෙකුට පහරදීමේ සිදුවීමක් සම්බන්ධයෙන් අත්අඩංගුවට ගැනීම සඳහා පොලීසිය සොයමින් සිටි මහින්ද පිලේ පාර්ලිමේන්තු මන්ත්‍රී ප්‍රසන්න රණවීර අද (20) අත්අඩංගුවට ගෙන තිබේ.

සාදයකදී ඇති වූ බහින් බස්වීමක් දුරදිග යාමෙන් සිදුකර ඇති මෙම පහරදීම සම්බන්ධව ප්‍රසන්න රණවීර මන්ත්‍රීවරයාව පොලිසියට කැඳවා තිබු නමුත් ඔහු ඉදිරිපත් වුයේ නැත.

ඒ අනුව අත්අඩංගුවටගත් මන්ත්‍රීවරයා මහර අධිකරණයට ඉදිරිපත් කර ඇති අතර එහිදී එළඹෙන 22 දා දක්වා රක්ෂිත බන්ධනාගාරගත කිරීමට මහේස්ත්‍රාත්වරයා නියෝගකර ඇත.

Comment (0) Hits: 296

තලවතුගොඩ BMW මෝටර් රථ අනතුරේ සැකකරු අත්අඩංගුවේ !

තලවතුගොඩ ප්‍රදේශයේදී BMW වර්ගයේ මෝටර් රථයෙන් මාර්ග අනතුරක් කොට පළාගිය සැකකරු අත්අඩංගුවට ගෙන කඩුවෙල අධිකරණයට ඉදිරිපත් කල බව තලංගම පොලිසිය සඳහන් කරයි.

ලියාපදිංචි අංක තහඩු නොමැතිව වාහනය ධාවනය කිරීම,වාහන දෙකකට අලාභාහනි සිදුවන ලෙස රිය අනතුරක් සිදුකර පලා යාම යන චෝදනා යටතේ සැකකරුව අධිකරණයට ඉදිරිපත් කර ඇති අතර මේ සම්බන්ධව පොලිස් මාධ්‍ය ප්‍රකාශක නීතිඥ රුවන් ගුණසේකරද නිවේදනයක් නිකුත් කර ඇත.

ඊට අනුව මෙම කාර් රථයේ ලියාපදිංචි අයිතිකරු අංක 85 , සිගේරා පාර , මාදිවෙල ලිපිනයේ පදිංචි ෆාහිම් මොහොමඩ් හුසේන් යන අය වන අතර අනතුර සිදුවූ අවස්ථාවේ අදාළ මෝටර් රථය පදවා ඇත්තේද මෝටර් රථයේ හිමිකරු විසින්ය.

 මේ සම්බන්ධව පොලිස් මාධ්‍ය ප්‍රකාශක කාර්යාලය නිකුත් කල නිවේදනය පහත දැක්වේ.

bmw 680px

Comment (0) Hits: 308

ජනපති නියෝගයට පිටින් වයඹ පොල් ඉඩම් කට්ටි කරලා !

වයඹ පළාතේ අක්කර 10ට වැඩි බිම් ප්‍රමාණයකින් යුත් පොල් ඉඩම් කැබලි කිරීම සම්බන්ධයෙන් ජනාධිපතිවරයා විසින් පනවන ලද තහනම් නියෝගය නොතකා, සූක්ෂ්ම ලෙස එබඳු ඉඩම් කට්ටි කෙරෙමින් පවතින බව අනාවරණය වේ.

ජනාධිපති මෛත්‍රීපාල සිරිසේන මහතා විසින් මෙම නියෝගය කරන ලද්දේ 2018 මාර්තු 07 වන දින ජනාධිපතිවරයාගේ ප්‍රධානත්වයෙන් පැවැති කුරුණෑගල දිස්ත්‍රික් සම්බන්ධීකරණ කමිටු රැස්වීමේදීය.

එහෙත් එම නියෝගය ලබාදුන් දිනට, එනම් මාර්තු මස 07 වනදාට ප්‍රථම දින යොදා ව්‍යාජ ලෙස ලේඛන සකස් කොට පොල් ඉඩම් කැබලි කරමින් පවතින බවත්, මේ සඳහා වයඹ පළාත් සභාවේ සහයෝගය ලැබෙන බවත් වැඩි දුරටත් හෙළි වේ.

තහනම් නියෝග පැනවීමට පෙර:

මේ පිළිබඳව වයඹ පළාත් මහ ඇමති ධර්මසිරි දසනායක මහතාගෙන් කළ විමසීමේදී, ඔහු පැවසුවේ ජනාධිපතිවරයා තහනම් නියෝග පැනවීමට පෙර කැබලි කිරීමට අනුමැතිය ලබාදුන් පොල් ඉඩම් තිබෙන බවත්, ව්‍යාජ ලේඛන මත පොල් ඉඩම් කැබලි කිරීමට තමන් අනුමැතිය නොදුන් බවත්ය.

අක්කර 4ට වැඩි පොල් ඉඩම් පවා කැබලි කිරීමට පොල් ඉඩම් කමිටුව හරහා අනුමැතිය ලැබෙන බවත්, ඒ සම්බන්ධයෙන් පුළුල් විමර්ශනයක් සිදු කරන බවත් මහ ඇමැතිවරයා වැඩිදුරටත් සඳහන් කළේය.

මේ සම්බන්ධයෙන් අදහස් දක්වමින් සමස්ත ලංකා ගොවිජන සම්මේලනයේ කැඳවුම්කරු නාමල් කරුණාරත්න මහතා පැවසුවේ සරුසාර පොල් ඉඩම් කැබලි කිරීම මේ වන විට බරපතළ ගැටලුවක් වී ඇති බවයි.

පොල් මිල ඉහළ යෑමට මෙය හේතු වී ඇති බවත්, ඊට පළාත් දේශපාලනඥයන් සහයෝගය දක්වන බවත් පැවසූ නාමල් කරුණාරත්න මහතා වැඩිදුරටත් අවධාරණය කළේ ජනාධිපතිවරයා පැනවූ නියෝගය කඩිනමින් ක්‍රියාත්මක කළ යුතු බවයි.

(රැස)

Comment (0) Hits: 288

එජාපය 'ගේම' ඉල්ලයි : ජනපතිගේ කැබිනට් පත්‍රීකාවට එරෙහිවේ

අගමැතිවරයාගේ ප්‍රධානත්වයෙන් ක්‍රියාත්මකවන ආර්ථික සභාව අහෝසි කිරීමට ජනාධිපතිවරයා ඉදිරිපත්කර ඇති කැබිනට් පත්‍රීකාවට එරෙහිව එජාප ඇමතිවරුන් සියලු දෙනාගේ අත්සනින් යුතුව පොදු කැබිනට් පත්‍රීකාවක් ඉදිරිපත් කිරීමට නියමිත බව 'සිරිකොත' එජාප මුලස්ථාන ආරංචිමාර්ග පවසයි.

ජනාධිපතිවරයා විදේශගතව සිටින බැවින් ගිය සතියේ කැබිනට් මණ්ඩලය රැස් නොවූ අතර, අද පැවැත්වෙන කැබිනට් මණ්ඩල රැස්වීමේදී ජනපතිගේ කැබිනට් පත්‍රීකාව සම්බන්ධයෙන් විරෝධතාවය පලකිරීමට එජාප ඇමතිවරුන් පිරිසක් සුදානමින් සිටින බව ඉහත ආරංචිමාර්ග වැඩිදුරටත් පවසයි.

මෛත්‍රීපාල සිරිසේන මහතා 2020 ජනාධිපතිවරණයට ඉදිරිපත්වීමේ අරමුනින් යුතුව අගමැති රනිල් වික්‍රමසිංහ මහතා හා එජාපය ඉලක්කකර ගනිමින් සිදුකරන දේශපාලන කෙනෙහිලි වලට තවදුරටත් ඉඩදිය යුතු නැති බව එම පක්ෂයේ පසුපෙළ මන්ත්‍රීවරුන්ගේ ස්ථාවරය වී ඇතැයි ද පැවසේ.

අපොස උසස් පෙල සියලුම සිසුන්ට අන්තර් ජාල පහසුකම් සහිත ටැබ් එකක් නොමිලේ ලබා දීමට අගමැතිවරයා හා අධ්‍යාපන ඇමතිවරයා ඉදිරිපත්කල කැබිනට් පත්‍රීකාවට ජනාධිපතිවරයා එරෙහිවූ විටදීත්, අඩුම තරමින් තමන්ට කැමැති ඇමැතිවරයාට නීතිය හා සාමය බාර දෙනවාට පවා ජනාධිපතිවරයා විරුද්ධ වන විටත් එජාප නායකත්ව නිහඬව සිටීම එම පසුපෙළ මන්ත්‍රීවරුන්ගේ විරෝධයට හේතුවී ඇතැයි වාර්තාවේ.

Comment (0) Hits: 1113

''සෝභිත හිමියන්ට පිටුපෑමේ පාපකර්මය ආණ්ඩුවට පලදිලා '' - රවී

මේවනවිට ලංකාවේ ප්‍රධාන පක්ෂවල නායකයින් 2020 පැවැත්වෙන ජනාධිපතිවරණයක් ඉලක්කර ගනිමින් කටයුතු කිරීම නිසා බරපතල දේශපාලන අර්බුදයක් මතුව ඇතැයි පවසන එජාප පාර්ලිමේන්තු මන්ත්‍රී රවී කරුණානායක මහතා, එම තත්වයතුල යහපාලන ආණ්ඩුවේ පැවැත්මද අවධානමට ලක්ව ඇතැයි කියා සිටියි.

කොළඹ මට්ටක්කුලියේ පිහිටි රවී කරුණානායක මහතාගේ පක්ෂ කාර්යාලයේ ඊයේ (18) පැවති රැස්වීමකදී මන්ත්‍රීවරයා එබව කියා සිටියේ, එජාප පක්ෂ ප්‍රතිසංවිධාන සම්බන්ධයෙන් තරුණයකු කල විමසීමකදීය.

මෙම රැස්වීමට කොළඹ දිස්ත්‍රීක්කයේ සැම ආසනයකින් ම පාහේ නියෝජනය වනසේ තරුණ තරුණියන් පිරිසක් කැඳවා තිබිණ.

'' ජනවාරි අටවෙනිදා ජනතාව දුන් ජනවරම නොතකා කටයුතු කිරීම නිසා මෙවැනි ප්‍රශ්නයක් ඇතිවෙලා තියනවා. අපි පුජ්‍ය මාදුළුවාවේ සෝභිත ස්වාමින් වහන්සේගේ ඉදිරිපත් කල ප්‍රතිපත්තිමය වැඩපිළිවෙලට නැවත යා යුතුයි. ඒ වැඩපිළිවෙල වහාම ක්‍රියාත්මක කල යුතුයි. විධායක ජනාධිපති ක්‍රමය වහාම අහෝසි කල යුතුයි.එක්සත් ජාතික පක්ෂය යලි ශක්තිමත් කිරීමට වහාම මැදිහත්විය යුතුයි '' යයි ද රවී කරුණානායක මහතා එහිදී අවධාරණය කර සිටියේය.

25b45028677ad0a154ce29acd36dcc4e L

අභ්‍යන්තර මත ගැටුම් හේතුවෙන් එක්සත් ජාතික පක්ෂය හැර ගිය පිරිස් යළි එක්කර ගතයුතුයි '' රවී කරුණානායක

අභ්‍යන්තර මත ගැටුම් හේතුවෙන් එක්සත් ජාතික පක්ෂය හැර යාමට සිදුවූ සිරිසේන කුරේ, තිස්ස අත්තනායක, රුක්මන් සේනානායක හා ඉමිතියාස් බකීර් මාකර් වැනි එජාප හිටපු නායකයින් යළි පක්ෂයට එක්කර ගැනීමට වහාම කටයුතු කල යුතු බව ද හිටපු අමාත්‍ය රවී කරුණානායක මහතා එහිදී අවධාරණය කර සිටියේය.

එසේම එවැනි ගැටුම් හේතුවෙන් එජාපයෙන් ඉවත්ව ශ්‍රීලනිපයට එක්වූ කෙහෙළිය රඹුක්වැල්ල, ජොන්ස්ටන් ප්‍රනාන්දු, දයාසිරි ජයසේකර, රෝහිත බෝගොල්ලාගම, අසාද් සාලි, දිනේෂ් දොඩන්ගොඩ හා ධනසිරි අමරතුංග වැනි තරුණ දේශපාලනඥයින් ද යළි එජාපයට දිනා ගැනීමට පක්ෂ නායකත්ව කටයුතු කළ යුතු යයි රවී කරුණානායක මහතා පැවසිය.

පක්ෂය ආරක්ෂා කර ගැනීම හා 2020 දී එජාප ආණ්ඩුවක් ගොඩනැගීම සඳහා පක්ෂයට ප්‍රබල සැත්කමක් කලයුතු යයි ද මන්ත්‍රීවරයා එහිදී කියා සිටියේය.

 ravi karunanayake 1000px'නායකයා ආරක්ෂා කරන්න ගියොත් කපෝති'

 එජාප නායකත්ව අර්බුදය සම්බන්ධයෙන් තරුණයකු කල විමසීමකදී අදහස් දැක්වූ රවී කරුණානායක මහතා, තවදුරටත් පැලැස්තර විසඳුම් වලින් පලක් නැතැයි කියා සිටියේය.

'' මේ පක්ෂය ඇතුලේ නායකයා ආරක්ෂා කරන්න කටයුතු කරන අයට පක්ෂයේ තැනක් ලැබෙන්නේ නැහැ. නායකයා ප්‍රසිද්ධියේ විවේචනය කරන පහරදෙන අයට තමයි තැනක් දෙන්නේ. වරප්‍රසාද ලැබෙන්නේ. තනතුරු ලැබෙන්නේ. නායකයා වෙනුවෙන් හිටිය අයට හැමදාම කෙනෙහිලි. දෙපැත්තෙන්ම තැලෙනවා.

එහෙම ගැටුම් එනකොට රනිල් වික්‍රමසිංහ මහත්තයා ආරක්ෂා කරන්න හිටපු අය කලකිරිලා එපාවෙලා පක්ෂය දාලා යනවා. අත්දැකීම් නැති, අලුත්ම කට්ටියක් දාල ඒ පුප්පාඩු පුරවනවා. පක්ෂය එකතැන පලවෙන්නේ මේ නිසා. මේ සෙල්ලම කරගෙන යන්න දෙන්න බැහැ . ''

tilvin 700

 

රනිල් වික්‍රමසිංහ මහතා ඉවත් කිරීමෙන් විසඳුමක් ලැබේදැයි එම හමුවට සහභාගී වී සිටි අයකු කල විමසීමේදී රවී කරුණානායක මහතා කියා සිටියේ, රනිල් වික්‍රමසිංහ මහතා වහාම ඉවත් කිරීමට කටයුතු කළහොත් පක්ෂය කැලි කැලි වලට කැඩීයාමේ අනතුරක් ඇති බවයි. විරුද්ධවාදීන්ගේ අපේක්ෂාව එය බවද ඔහු පෙන්වා දුන්නේය.

පක්ෂයේ නායකත්ව අර්බුදය විසඳීමට ඇති හොඳම විසඳුම නායකත්ව මණ්ඩලයක් පිහිටුවීම බව ඔහු අවධාරණය කළේය.

පක්ෂ ප්‍රතිසංවිධානය යටතේ අමාත්‍ය කබීර් හෂීම් මහතා ඉවත්කර අමාත්‍ය අකිල විරාජ් කාරියවසම් මහතා පත්කිරීමේ සුදානමක් ඇත්දැයි තරුණයකු කල විමසීමේදී, තමා එවැන්නක් නොදන්නා නමුත්, ජේ.ආර්. යුගයේ පැවති ආකාරයට පාර්ලිමේන්තු මන්ත්‍රීවරයකු නොවන අති දක්ෂයකු පුර්නකාලිනව එජාපයේ මහ ලේකම් කිරීමට කාලය එළඹ ඇතැයි කියා සිටියේය.

'' මම හිතන්නේ ජනතා විමුක්ති පෙරමුණේ මහ ලේකම් ටිල්වින් සිල්වා වගේ කෙනෙක් දැන් සිරිකොතටත් අවශ්‍යයි. ඇමතිවරුන්ට මන්ත්‍රීවරුන්ට වැඩ අධික නිසා පුර්ණ කාලිකයකු මේ සඳහා පත්කරන්න ඕන. ඉස්සර එජාප මහ ලේකම් පත්කළේ එහෙම. පක්ෂයේ පහල කොටස් වලට 'සිරිකොත' සමග යලි ගනුදෙනුවක් හදන්න පුළුවන් වන්නේ එවිටයි..''

පළාත් පාලන මැතිවරණ හරහා බිම් මට්ටමින් දිනා එන තරුණ තරුණියන් හඳුනා ගනිමින් ඔවුන් ගෙන් පක්ෂයට උපරිම දායකත්වයක් ලබා ගැනීමටත්, ඔවුන්ගේ දක්ෂතා අනුව ඉහලට ගෙනයාමටත් 'සිරිකොතට' එවැනි ක්‍රියාකාරී යන්ත්‍රනයක අවශතාවය ඔහු පෙන්වා දුන්නේය.

(මුලාශ්‍රය - ශ්‍රී ලංකා මිරර් )

Comment (0) Hits: 445

තිස්ස නැවතත් කරළියේ : මහනුවරින් වැඩ අරඹයි

එක්සත් ජාතික පක්ෂයේ හිටපු මහ ලේකම් තිස්ස අත්තනායක පසුගියදා ජාතිවාදී කෝලාහල හේතුවෙන් හානියටපත් මහනුවර -දිගන/බලගොල්ල/කෙන්ගල්ල ප්‍රදේශවල නිරික්ෂණ චාරිකාවක නිරතවූ බව වාර්තා වෙයි.

එහිදී තිස්ස අත්තනායක මහතා විපතට පත් ජනතාව වෙත ගොස් ඔවුන්ගේ අඩුපාඩු සොයාබලා දුක්ගැනවිලි වෙත සවන්දී ඇති අතර ගැටුමෙන් මියගිය සිංහල තරුණයාගේ නිවසට ගොස් කනගාටුව පලකිරිමටද කටයුතු කළ බව වාර්තා වෙයි.

UNP නුවර ලොක්කෝ වැඩක් නෑ - ජනතාවගෙන් තිස්සට ප්‍රතිචාර

එහිදී ජනතාව තමන් ගැන සොයා බැලීමට පැමිණීම සම්බන්ධව හිටපු මහ ලේකම්වරයාට ස්තුති කර ඇති අතර එජාපයේ මහනුවර දේශපාලන නායකත්වය තමන් ගැන කිසිඳු තැකීමක් නොකළ බවත් ඒ සම්බන්ධව ජනතාව දැඩි කලකිරීමකින් පසුවන බව පවසමින් ජනතාව ඔහුට ප්‍රතිචාර දක්වා ඇති බවද වාර්තා වෙයි.

පක්ෂය දිනපතා ජනතාවගෙන් ඈත්වෙනවා - තිස්ස අත්තනායක

හානියටපත් ප්‍රදේශවල සංචාරයෙන් පසුව මාධ්‍ය වෙත අදහස් දක්වමින් තිස්ස අත්තනායක මහතා සඳහන් කර සිටියේ දිනෙන් දින එක්සත් ජාතික පක්ෂය ජනතාවගෙන් ඈත් වෙමින් තිබෙන බවත් පක්ෂ නායකත්වය සහ ඔහුගේ හිතවතුන් කිහිපදෙනෙකුගේ පාලනයට නතුවූ පක්ෂයක් වෙනුවට ජනතාවට නතුවූ පක්ෂයක් බවට එජාපය පත්කළ යුතුව තිබෙන බවය.

එසේම පක්ෂ නායකත්වයට එරෙහිව බිම් මට්ටමින් නැගෙන විරෝධය සම්බන්ධව යළි සලකා බැලිය යුතු බවත් එසේ නොවුනහොත් පක්ෂය ඉතා ඉක්මනින් අවාසනාවන්ත තත්ත්වයකට ඇද වැටීමේ අවධානමක් පවතින බවද ඔහු පැවසීය.

ජ්‍යෙෂ්ඨයන්ගේ ඉල්ලීමට අනුව තිස්ස යළිත් කරළියට

මේ අතර දේශපාලන ආරංචිමාර්ග සඳහන් කර සිටින්නේ එජාප අභ්‍යන්තරයෙන් මතුවී තිබෙන ඉල්ලීමකට අනුව නැවත පක්ෂය හා සම්බන්ධවීමේ සුදානමක් තිස්ස අත්තනායක මහතාට ඇති බවය.

පක්ෂයේ ජ්‍යෙෂ්ඨ නායකයින් කිහිප දෙනෙකු නැවත ක්‍රියාකාරී දේශපාලනයට පැමිණ පක්ෂය ප්‍රතිසංවිධානය කිරීමේ කටයුත්තට එක්වෙන ලෙස ඔහුගෙන් ඉල්ලා ඇති බවත් පක්ෂයේ උප නායක පාර්ලිමේන්තු මන්ත්‍රී රවී කරුණානායක ඇතුළු ජේෂ්ට නායකයින් රැසක් මේ වන විට පක්ෂය හැරගොස් සිටින ජේෂ්ට සාමාජිකයන් යළිත් පක්ෂයට එක්කර ගැනීමේ දැඩි උත්සාහයක නිරතව සිටින බවද එම ආරංචිමාර්ග වැඩිදුරටත් සඳහන් කරයි.

View the embedded image gallery online at:
http://newstube.lk/news?start=4464#sigProIddb70aa2b9d

Comment (0) Hits: 1225

ගාමිණී දිසානායක 76 වන ජන්ම දින සමරුව : 20 වනදා

ඉඩම් සංවර්ධන හා මහවැලි සංවර්ධන, වැවිලි කර්මාන්ත හිටපු අමාත්‍ය සහ 1994 වසරේ එ.ජා.ප. ජනාධිපති අපේක්‍ෂක ගාමිණී දිසානායකගේ 76 වැනි ජන්ම දින සමරුව 2018 මාර්තු මස 20 වන දිනට යෙදී ඇත.

ඒ නිමිතිකොට ගෙන එදින (20) පෙ.ව. 9.00 ට කොළඹ 07, ආනන්ද කුමාරස්වාමි මාවතේ පිහිටි එතුමා ගේ පිළිරුවට පුෂ්පෝපහාරයක් පැවැත්වීමට ගාමිණී දිසානායක පදනම කටයුතු සංවිධානය කර ඇති අතර, එදිනම ප.ව. 2.30ට රාජගිරිය පිහිටි වික්ටෝරියා සුවකළ නොහැකි රෝගීන් ගේ නිවාසයේ නේවාසික රෝගීන් උදෙසා සවස තේ පැන් දානයක් පැවැත්වීමට ද කටයුතු සංවිධානය කර ඇත.

එසේම කොළඹ 08 ජයවර්ධනාරාමාධිපති දේවහන්දිය පඤ්ඤාසේකර නායක ස්වාමින් වහන්සේ වැඩම කරවා විශේෂ ධර්ම දේශණයක් පැවැත්වීමටද කටයුතු සංවිධානය කොට ඇති බවද ගාමිණී දිසානායක පදනම දැනුම්දී සිටියි.

Comment (0) Hits: 272

විශ්වාසභංගය ගෙනාවත් නැතත් : විධායකය අහෝසි කරනවා - ජවිපෙ

අග්‍රාමාත්‍ය රනිල් වික්‍රමසිංහට එරෙහි විශ්වාසභංග යෝජනාවට කඩිනමින් ඉදිරිපත් වනවා නම් ඊට ඉඩදී ඉන් අනතුරුව ස්ථීරවම 20 වන ව්‍යවස්ථා සංශෝධන කෙටුම්පත පාර්ලිමේන්තුවට ඉදිරිපත් කිරීමට අපේක්ෂා කරන බව ජනතා විමුක්ති පෙරමුණේ නායක අනුර කුමාර දිසානායක සඳහන් කරයි.

විශ්වාසභංගයට කල්දෙනවා

එම පක්ෂයේ පැලවත්ත මුලස්ථානයේ පැවති මාධ්‍ය හමුවකට එක්වෙමින් මන්ත්‍රීවරයා මේ බව සඳහන් කල අතර එය විශ්වාසභංග යෝජනාවට පසුව ගෙන එන්නේ ඊට පෙර ගෙන ආ විට විශ්වාසභංග යෝජනාව අර්බුදයට යවන්නට ගෙන එන්නක් බවට චෝදනා එල්ල වන නිසා බවද මන්ත්‍රීවරයා පැවසීය.

පෞද්ගලික මන්ත්‍රී යෝජනාවක්

එහෙත් විශ්වාසභංග යෝජනාව කඩිනම් නොකළහොත් නිශ්චිත වශයෙන් ජනතා විමුක්ති පෙරමුණ පෞද්ගලික මන්ත්‍රී යෝජනාවක් ලෙස පාර්ලිමේන්තුවට ඉදිරිපත් කරන බවත් විශේෂ දේශපාලන ව්‍යාකුලත්වයක් ඇතිව තිබෙන මේ පසුබිම රටේ මතුව තිබෙන දේශපාලන ව්‍යාකූලත්වය ප්‍රයෝජනයට ගෙන ප්‍රජාතන්ත්‍රවාදයට ජයග්‍රහණයක් ලබාදීම වෙනුවෙන් පක්ෂය මෙම තීන්දුව ගනුලැබූ බවද ඔහු සඳහන් කරයි.

දේශපාලන ව්‍යාකුලත්වයෙන් ප්‍රජාතන්ත්‍රවාදයට ජයග්‍රහණයක් ගෙන එමු

එහිදී වැඩිදුරටත් අදහස් දැක්වූ අනුර කුමාර දිසානායක මන්ත්‍රීවරයා, " මේ වන විට රටේ විශේෂ දේශපාලන ව්‍යාකුලත්වයක් නිර්මාණයවී තිබෙනවා. මෑත ඉතිහාසයේ මේ ව්‍යාකුලත්වය ප්‍රයෝජනයට අරගෙන තමයි ජනතාවට ප්‍රජාතන්ත්‍රවාදී දේශපාලන ජයග්‍රහණ රැසක් අත්කර දෙන්න හැකිවුණේ. විශේෂයෙන් ප්‍රජාතන්ත්‍රවාදී නීති ප්‍රතිසංස්කරණ, ප්‍රජාතන්ත්‍රවාදී ව්‍යවස්ථා සංශෝධන සිදුකරගන්න හැකිවුණේ මේ ව්‍යාකුලත්වය තුළයි.

ව්‍යාකුල දේශපාලන පසුබිමේ ගත් අතීත ජයග්‍රහණ

අපට මතකයි 2002 වසරේ චන්ද්‍රිකා ආණ්ඩුවේ ඇමති පිරිසක් විපක්ෂයට ගිය අවස්ථාවේ රටේ දේශපාලන ව්‍යාකුලත්වයක් නිර්මාණය වුණා. ඒ අවස්ථාවේ ජනතා විමුක්ති පෙරමුණ මැදිහත්වෙලා එම අවස්ථාව ප්‍රයෝජනයට අරගෙන 17 වන ව්‍යවස්ථා සංශෝධනය සම්මත කරවන්න කටයුතු කළා.

නමුත් 2005 වසරෙන් පසුව මහින්ද රාජපක්ෂ පාලනය තුනෙන් දෙකක ශක්තිමත් දේශපාලන බලයක් ගෙන 18 වන ව්‍යවස්ථා සංශෝධනය සම්මත කළා. ඒ හරහා 17 ජයග්‍රහණය ප්‍රජාතන්ත්‍රවාදයට අහිමි වුණා. ඒත් 2015 දී මතුවූ දේශපාලන වාතාවරණය ප්‍රයෝජනයට අරගෙන 19 වන ව්‍යවස්ථා සංශෝධනය ගෙන එන්න හැකිවුණා. මේ මොහොතේ පවතින ව්‍යාකුලත්වය ප්‍රජාතන්ත්‍රවාදයට ජයග්‍රහණයක් කර ගන්නයි 20 ව්‍යවස්ථා සංශෝධනය හරහා විධායක ජනාධිපතිධුරය අහෝසි කරන්න හදන්නේ.

20 සංශෝධනයට පිටුපාන්න මෛත්‍රීට බෑ !

94න් පසුව පැවති සෑම ජනාධිපතිවරනයකම ප්‍රධාන දේශපාලන පොරොන්දුවක් වුණේ මේ රටට හානිකර එක් පුද්ගලයෙක් අතේ අසීමිත බලයක් කේන්ද්‍ර වන විධායක ජනාධිපතිධුරය අහෝසි කිරීමයි. නමුත් බලය ලැබූ පසුව ඔවුන් ඒ පොරොන්දුවට පිටුපෑවා. මෛත්‍රීපාල සිරිසේන ජනාධිපතිවරයා ජනාධිපති පදවියට පත්වීමට පෙර ලබාදුන් ප්‍රමුඛ පොරොන්දුවක් වුණෙත් විධායක ජනාධිපතිධුරය අහෝසි කිරීම. නමුත් දැන් ඒ ගැන කතාවක් නෑ. විධායක ජනාධිපති වූවාට පසුවත් ඔහු අවස්ථා ගණනකදී ඒ පොරොන්දුව දී තිබෙනවා. මාදුළුවාවේ සෝභිත හිමියන්ගේ දේහය ඉදිරිපිටත් ඒ පොරොන්දුව දුන්නා. ඒ නිසා අපේ උත්සාහය 2015 ජනවරම අනුව මේ සඳහා මැදිහත්වී විධායක ජනාධිපතිධුරය අහෝසි කරවීමයි.

මේ දේ ප්‍රධාන පක්ෂ දෙකෙන් බලාපොරොත්තු වන්න බෑ. ඔවුන් අවස්ථාවාදී දේශපාලනය තුළ තමන්ට අවස්ථාව ලැබෙනා පසුබිමක් පෙනෙන විට මෙය මඟ හරිනවා. දැන් සිදුවෙමින් තිබෙන්නෙත් එවැන්නක්.

Comment (0) Hits: 367

ඒකාබද්ධ විපක්ෂයේ තවත් කෙරුමෙක් හිරේ

ඒකාබද්ධ විපක්ෂය නියෝජනය කරන පුත්තලම දිස්ත්‍රික් පාර්ලිමේන්තු මන්ත්‍රී සනත් නිශාන්ත සහ ඔහුගේ සොහොයුරු ආරච්චිකට්ටුව ප්‍රාදේශීය සභාවේ හිටපු සභාපති ජගත් සමන්ත පෙරේරා යන දෙදෙනා මැයි මස 25 වැනිදා දක්වා රක්ෂිත බන්ධනාගාර ගත කරන ලෙස හලාවත මහාධිකරණ විනිසුරුවරයා අද (19) නියෝග කර ඇත.

ආරච්චිකට්ටුව ප්‍රාදේශීය ලේකම්වරයාට පහර දීම සම්බන්ධයෙන් හලාවත මහාධිකරණයේ පවතින නඩුවට අදාළ ඇප ලබා සිටි මොවුන් දෙනොට සෑම සතියකම ඉරිදා හලාවත පොලීසියට පැමිණ අත්සන් කළ යුතු බවට කොන්දේසියක් පනවා තිබු නමුත් ඔවුන් දෙදෙනා 2017 අගෝස්තු මාසයේ සිට පොලීසියට පැමිණ අත්සන් නොකිරීම හේතුවෙන් ඇප කොන්දේසි කඩකිරීමේ චෝදනාවට මෙසේ රක්ෂිත බන්ධනාගාර ගත කර ඇත.

Comment (0) Hits: 452

විමල් අල්ලන්න : අධිකරණයෙන් නියෝගයක් !

ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ වහා අත්අඩංගුවට ගෙන අධිකරණයට ඉදිරිපත් කරන ලෙස කොළඹ ප්‍රධාන මහේස්ත්‍රාත් අධිකරණය අද (19) නියෝග කර ඇත.

ඒ අද දිනයේ විමල් වීරවංශ මන්ත්‍රීවරයා ඇතුළු 7 කට එරෙහිව පැවති නඩුවක් සඳහා අධිකරණයේ පෙනී නොසිටි නිසාය.

එසේම ඒ සමඟ පාර්ලිමේන්තු මන්ත්‍රී ජයන්ත සමරවීර ද අත්අඩංගුවට ගෙන අධිකරණයට ඉදිරිපත් කරන ලෙස අධිකරණය නියෝග කර ඇත.

මොවුන්ට එරෙහිව අධිකරණයේ ගොනුකර ඇති නඩුව වන්නේ එක්සත් ජාතීන්ගේ මානව හිමිකම් කොමසාරිස් සෙයිද් අල් හුසේන් මෙරටා සංචාරයක නිරත වන විට කොළඹ එක්සත් ජාතීන්ගේ කාර්යාලය ඉදිරියේ විරෝධතා පැවැත්වීම සම්බන්ධවය.

Comment (0) Hits: 364

Page 249 of 296