V2025

පුවත්

ශ්‍රීලනිප ඇමතිවරුන් දෙදෙනෙක් ඉල්ලා අස්වෙයි

වත්මන් ආණ්ඩුවේ ශ්‍රී ලංකා නිදහස් පක්ෂය නියෝජනය කරන අමාත්‍යවරුන් දෙදෙනෙකු තම අමාත්‍යධුර වලින් ඉල්ලා අස්වෙන බව ජනාධිපතිවරයා වෙත දන්වා ඇතැයි වාර්තා වෙයි.

අමාත්‍යවරුන් දෙදෙනා මෙසේ ඉල්ලා අස්වීම සම්බන්ධව ජනාධිපතිවරයා දැනුවත් කර ඇත්තේ ඒකාබද්ධ විපක්ෂය අත්හැර ශ්‍රී ලංකා නිදහස් පක්ෂයට එක්වීමට සිටින ප්‍රබල දේශපාලනඥයන් දෙදෙනාට සිය අමාත්‍යධුර ලබාදීමට එකඟතාව පළකරමින් ය.

ඒකාබද්ධ විපක්ෂය දියකර මේ මොහොතේ ගොඩනගමින් සිටින ශ්‍රී ලංකා පොදුජන පෙරමුණේ සැබෑ අපේක්ෂාව වී ඇත්තේ ශ්‍රී ලංකා නිදහස් පක්ෂය කැබලි කිරීම බවත් ඊට එරෙහිව පක්ෂය රැකගැනීම වෙනුවෙන් මේ තීරණය ගැනීමට තීන්දු කළ බව ඔවුන් එහිදී ජනාධිපතිවරයාට දැනුම්දී ඇත.

එසේම ශ්‍රී ලංකා නිදහස් පක්ෂය ශක්තිමත් කර ගැනීම වෙනුවෙන් ආණ්ඩුවේ අමාත්‍යධුර වැඩි කිරීමට යෝජනා කිරීමට හෝ යහපාලන ප්‍රතිපත්ති වලට අනුකූල නොවන බවත් එවැනි පටු තැනකට නොවැටී ආණ්ඩුවේ මෙන්ම ශ්‍රීලනිපය ශක්තිමත් කිරීමට සහය දැක්වීම තම එකම අරමුණ බවද ඔවුන් සඳහන් කර ඇත.

මේ අතර ඒකාබද්ධ විපක්ෂය අත්හැර යනු ඇති බවට සැකකරන දේශපාලනඥයින් සොයාගොස් ඔවුන්ව තවදුරටත් රඳවා ගැනීමේ වගකීම නාමල් රාජපක්ෂ වෙත ලබාදී ඇති බව වාර්තා වෙයි.

මට හිතෙන්නෙ යයි - නාමල්

මහින්ද රාජපක්ෂ නියෝජනය කරමින් නාමල් මේ සඳහා යොදවා ඇති අතර ඒ අනුව මෙතෙක් ඒකාබද්ධ විපක්ෂය නියෝජනය කළ රත්නපුර දිස්ත්‍රික්කයේ ප්‍රබලයෙකු මුණ ගැසීම සඳහා නාමල් රාජපක්ෂ ඇතුළු කණ්ඩායම එහි ගොස් ඇත.

එහිදී මේ මොහොතේ ඒකාබද්ධය අත්හැර නොයන ලෙසත් ශ්‍රී ලංකා පොදුජන පෙරමුණ ශක්තිමත් කරගත් සැනින් සියළු ප්‍රශ්න විසඳාදෙන බවට නාමල් රාජපක්ෂ පොරොන්දුවී ඇතත් අදාළ දේශපාලනඥයා ඊට කිසිඳු ප්‍රතිචාරයක් දක්වා නැත.

පසුව පැමිණි නාමල් රාජපක්ෂ ශ්‍රී ලංකා පොදුජන පෙරමුණ වෙත දැනුම්දී ඇත්තේ තමන්ගේ යෝජනාවට අදාළ දේශපාලනඥයා කිසිඳු ප්‍රතිචාරයක් නොදැක්වූ බවත් තමන්ට දැනුන ආකාරයට ඔහු ආණ්ඩුවට එක්වනු ඇති බවය.

Comment (0) Hits: 727

බැඳුම්කර වාර්තාවෙන් හැංගෙන්න හිටපු ඇමති මඩ මෙහෙයුමක

රට තුළ මහත් ආන්දෝලනයක් ඇති කළ ජනාධිපති බැඳුම්කර කොමිසමේ වාර්තාවට ලැබෙන සමාජ අවධානය වෙනතකට යොමුකිරීම සඳහා එක්සත් ජාතික පක්ෂයේ හිටපු අමාත්‍යවරයෙකුගේ ප්‍රධානත්වයෙන් මාධ්‍ය මෙහෙයුමක් අරඹා ඇති බව වාර්තා වෙයි.

මෙම මාධ්‍ය මෙහෙයුම දියත් කිරීම සඳහා ලංකා ඊ නිවුස් වෙබ් අඩවියේ කර්තෘවරයා මෙන්ම අදාළ දේශපාලනඥයා අමාත්‍යවරයකු වශයෙන් කටයුතු කරන සමයේ රුපියල් මිලියන ගණනක වෙළඳ දැන්වීම් ලබාදුන් සමාජ ජාල වෙබ් අඩවි කිහිපයක්ද යොදාගෙන ඇත.

වාර්තා වන ආකාරයට පසුගිය දින කිහිපයක සිට ප්‍රගීත් එක්නැළිගොඩ ඝාතනය ඇතුළු රාජපක්ෂ පාලන සමයේ සිදුවූ අපරාධ වලට සම්බන්ධ බවට අලුත් නම් සමාජය වෙත පැමිණ ඇත්තේ ඒ අනූවය.

පළවන ප්‍රවෘත්ති වාර්තා සම්බන්ධව ආණ්ඩුවේ ප්‍රකාශකයකු වෙතින් අප කළ කරුණු විමසීමේදී ඔහු සඳහන් කර සිටියේ යහපාලන ආණ්ඩුවේ වැඩිම දුෂණ චෝදනා ප්‍රමාණයක් එල්ලකර ගනිමින් ආණ්ඩුව සමාජ අපවාදයට ඇද දැමු මෙම දේශපාලනඥයා මේ වන විට සිදුකරමින් සිටින්නේ තමන්ට අමාත්‍යධුරය අහිමි කළ බවට සැකකරන පාර්ශව වෙතින් පලි ගැනීම සඳහා මෙම කටයුත්ත සිදුකරන බවය.

එසේම මුදල් දෙනවා නම් ඕනම අයෙකුට එරෙහිව ලියන පාර්ශව යොදාගනිමින් සිදුකරන මෙම මාධ්‍ය මෙහෙයුම එම පාර්ශව වෙතම පාරාවළල්ලක් පත්වීමේ ලකුණු දැනටමත් පෙනෙන්නට ගෙන ඇති බවද එම ප්‍රකාශකයා සඳහන් කළේය.

එහිදී ඔහු වැඩිදුරටත් සඳහන් කර සිටියේ කට වචන සහ මඩ මාධ්‍ය මෙහෙයුම් මේ වන විට කල් ඉකුත්වූ ක්‍රමයක් බවත් අද ජනතාව විශ්වාස කරන්නේ සාක්ෂි සහිතව කරුණු කාරනා සහිතව ඔප්පු කරන පුවත් වාර්තා පමණක් වන බවය.

ඊට නිදර්ශන ලෙස ඔහු දක්වා සිටියේ බැඳුම්කර ගනුදෙනුව පිළිබඳ විමර්ශනය කිරීම සඳහා ජනාධිපති කොමිසමක් පත් කිරීමට පෙර ඊ නිව්ස් වෙබ් අඩවිය ජනාධිපතිවරයා සම්බන්ධව පලකළ වාර්තා සහ කොමිසම පත් කිරීමෙන් පසුව ජනාධිපතිවරයා සම්බන්ධව පලකළ මාධ්‍ය වාර්තා ගැන සොයා බැලීම හොඳටම ප්‍රමාණවත් බවය.

එහිදී කොමිසමට පෙර ලෝකයේ හොඳම ජනාධිපතිවූ මෛත්‍රීපාල සිරිසේන මහතා කොමිසම හමුවේ අදාළ දේශපාලනඥයාගේ දුෂිත දේශපාලන ක්‍රියාවන් හෙළිවීමට ගැනීමත් සමඟ ක්‍රමයෙන් ලොව නරකම පාලකයා බවට පත්කරනු ලැබූ බව ඔහු පෙන්වා දුන්නේය.

එසේම බැඳුම්කර කොමිසම හමුවේ සිය දුෂිත දේශපාලන ක්‍රියා හෙළිවීමෙන් පසුව බැඳුම්කර ගනුදෙනුව සඳහා අග්‍රාමාත්‍යවරයා මුළුමනින්ම වගකිවයුතු බවට ඉලක්ක ගත කර මාධ්‍ය මෙහෙයුමක් දියත්වූ බවත් ඒ සඳහා රාජපක්ෂ රෙජීමයේ මාධ්‍ය ක්‍රියාකාරීන්ට මිලියන ගණන් මුදල් වියදම් කර තිබෙන්නේ එම දේශපාලනඥයා බවද ආණ්ඩුවේ ප්‍රකාශකයා පැවසීය.

 

Comment (0) Hits: 667

ඒකාබද්ධ විපක්ෂය හදන්න කිව්වේ ජනාධිපති

ඒකාබද්ධ විපක්ෂය ගොඩනැගීම සඳහා තමන් ඇතුළු ශ්‍රී ලංකා නිදහස් පක්ෂයේ මන්ත්‍රීවරුන්ට දැනුම්දුන්නේ ජනාධිපතිවරයා බව ගම්පහ දිස්ත්‍රික් පාර්ලිමේන්තු මන්ත්‍රී ඉන්දික අනුරාධ හේරත් සඳහන් කරයි.

මන්ත්‍රීවරයා මේ බව සඳහන් කර සිටියේ පසුගියදා පැවති දේශපාලන සංවාද වැඩසටහනකට එක්වෙමින්ය.

එහිදී වැඩිදුරටත් අදහස් දැක්වූ මන්ත්‍රීවරයා සඳහන් කර සිටියේ ආණ්ඩුවට එක්වීම ප්‍රතික්ෂේප කරනවා නම් එසේ කටයුතු කරන ලෙසත් ආණ්ඩුව ගෙනෙන පනත් හා යෝජනා වලට විරුද්ධ නම් පාර්ලිමේන්තුවේදී ඊට එරෙහිව ජන්දය භාවිත කරන ලෙසද තම පාර්ශවයට උපදෙස් ලැබුණු බවය.

එසේම ඒකාබද්ධ විපක්ෂය නියෝජනය කරන තමා ඇතුළු මන්ත්‍රී කණ්ඩායම මේ වන තුරුත් ශ්‍රී ලංකා නිදහස් පක්ෂයෙන් ඉවත්ව් නැති බවත් තමන් මේ මොහොතේ විරුද්ධව සිටින්නේ එක්සත් ජාතික පක්ෂයේ ප්‍රතිපත්ති වලට සහය දෙමින් ආණ්ඩුවේ සිටින ශ්‍රීලනිප ප්‍රතිපත්තියට බවද මන්ත්‍රීවරයා පැවසීය.

මන්ත්‍රීවරයාගේ මෙම අදහස් දැක්වීම පිළිබඳ අප කළ විමසීමකදී ආණ්ඩුවේ ප්‍රකාශකයකු සඳහන් කර සිටියේ කිසිඳු අවස්ථාවක ජනාධිපතිවරයා එවැනි උපදෙසක් ලබාදී නොමැති බවත් බැසිල් රාජපක්ෂගේ ගෝලයන් කරන එවැනි ප්‍රකාශ පිළිබඳ අනුකම්පා කල යුතු බවත්ය.

එසේම මේ මොහොතේ ශ්‍රීලනිපය දුර්වල කිරීමේ කොන්ත්‍රාත්තුව සිදුකරන්නේ කව්ද යන්න රට හමුවේ හෙළිදරව් වෙමින් ඇති බවත් පක්ෂයේ ප්‍රතිපත්ති අගයන අය මේ මොහොතේ සිටිය යුත්තේ පක්ෂ අභ්‍යන්තරයේ මිස පක්ෂය දුර්වල කරන්නට කටයුතු කරන පාර්ශව සමඟ නොවන බවත් එම ප්‍රකාශකයා පැවසීය.

Comment (0) Hits: 636

“ඊළඟ රාජපක්ෂ” නිසා විමල් හැලෙයි

මහින්ද රාජපක්ෂගෙන් පසුව තම කඳවුරේ දේශපාලන නායකත්වය ලැබිය යුතු සුදුසුම රාජපක්ෂ වන්නේ ගෝඨාභය බව පාර්ලිමේන්තු මන්ත්‍රී විමල් වීරවංශ සඳහන් කර සිටියි.

පසුගියදා පුවත්පතකට ලබාදුන් සම්මුඛ සාකච්ඡාවකදී මන්ත්‍රීවරයා මෙම ප්‍රකාශය සිදුකර ඇත.

මහින්ද ඉස්සුවේ අපි

2018 පෙබරවාරි 18 නුගේගොඩ රැළිය අවසන් කිරීමෙන් පසුව “මේ අය නැත්නම් මෙලහකට මං හිතලා හිතලම මැරිලා”කියා මහින්ද රාජපක්ෂ පැවසූ බවත් ඒකාබද්ධ විපක්ෂය ශක්තිමත් කිරීමට එතරම් මෙහෙයක් සැපයු තමන් ඇතුළු ශ්‍රී ලංකා පොදුජන පෙරමුණ නොවන අනිත් සෑම පක්‍ෂයකටම සාධාරණ අපේක්‍ෂක සංඛ්‍යාවක්‌ නොලැබීමේ කණගාටුදායක ප්‍රශ්නයක් මතුව ඇති බවද මන්ත්‍රීවරයා එහිදී සඳහන් කර ඇත.

ජාතිකවාදී පක්‍ෂ ඈත්කරන්න යන්නෙ

මෙසේ තමන් ඇතුළු අනෙක් දේශපාලන පක්ෂ වෙත සාධාරණ අපේක්ෂක සංඛ්‍යාවක් ලබානොදීම ඉතාම අකෘතඥ සහ එම පක්‍ෂ මෙම ප්‍රවාහයෙන් එළියට තල්ලු කරල දැමීමේ වෑයමක්‌ ලෙස හඳුන්වන විමල් වීරවංශ මන්ත්‍රීවරයා වැඩිදුරටත් සඳහන් කර සිටින්නේ ඒකාබද්ධයේ සමහරුන්ට අනිකුත් ජාතිකවාදී පක්‍ෂ සූක්‍ෂම ලෙස ඈත් කිරීමට අවශ්‍ය වී තිබෙනවාද යන ප්‍රශ්නයක්ද ඇති බවයි.

මැදමුලන බල අරගල

මේ අතර ඒකාබද්ධ විපක්ෂය තුළ මතුව ඇති දේශපාලන අර්බුදයේ ප්‍රධාන හේතුව රාජපක්ෂ පවුලේ කාලයක පටන් තිබෙන බල අරගලය ඔඩුදිවීම බව එහි දේශපාලන ආරංචිමාර්ග සඳහන් කර සිටියි.

වාර්තා වන ආකාරයට මහින්ද රාජපක්ෂගෙන් පසුව මැදමුලන පවුලේ නායකත්වය සඳහා ගෝඨාභය රාජපක්ෂව යෝජනා කල පාර්ශව වෙත මෙවර පළාත් පාලන මැතිවරණයේදී පොදුජන පෙරමුණේ නාමයෝජනා අවම කර ඇත.

විමල් කැමතියි - MR අකමැතියි

දේශපාලන ආරංචිමාර්ග සඳහන් කරන ආකාරයට ජාතික නිදහස් පෙරමුණ ඇතුළු ඒකාබද්ධ විපක්ෂය නියෝජනය කරන කුඩා පක්ෂ ගණනාවක් පසුගිය සමය පුරා මහින්දගේ අනුප්‍රාප්තිකයා ලෙස ගෝඨාභය රාජපක්ෂ සුදුසු බවට මතයක් ඉදිරිපත් කර ඇත.

එහෙත් රාජපක්ෂ පවුලේ බහුතරයකගේ අදහස වී ඇත්තේ ගෝඨාභය වෙනුවට මීළඟ රාජපක්ෂ ලෙස නාමල් සුදානම් කලයුතු බවත් 2025 දක්වා ඊට කල් තිබෙන බවත්ය.

Comment (0) Hits: 589

සිසුන් දෙදෙනෙකුට එක පොතක්

පාසල් සිසු සිසුවියන්ට 2018 වසර සඳහා පෙළපොත් ලබාදීමේදී පෙළපොත් අවශ්‍යතාවයෙන් 50% ක් පමණක් ලබාදීමට අධ්‍යාපන අමාත්‍යාංශය කටයුතු කර අති බව ලංකා ගුරු සංගමය නිවේදනයේ නිකුත් කරමින් සඳහන් කරයි.

එසේ ලබාදුන් අලූත් පෙළපොත් 50% සමග පරණ පෙළපොත් ලබාදීමට නියම කිරීමෙන් පාසලේ අවශ්‍යතාවයට සරිලන පෙළපොත් සොයා ගැනීමේ දුෂ්කරතාවට විදුහල්පතිවරුන් මුහුණ දී ඇති බවත් 50% ක් පමණක් වූ අලූත් පෙළපොත් දරුවන් අතර බෙදීමේදී දරුවන්ට සමාන ලෙස සැලකීමේ අවස්ථාව අහිමිවීමෙන් ගුරුවරු ද දැඩි අපහසුතාවකට පත්ව ඇති බවත් එම නිවේදනයේ දැක්වේ.

අධ්‍යාපන අමාත්‍යංශයේ මෙම ක්‍රියාව හේතුවෙන් බොහෝ සිසු සිසුවියන්ට අලූත් පෙළ පොත් ලබාගැනීමේ අවස්ථාව අහිමි වී ඇති බවද ලංකා ගුරු සංගමයේ නිවේදනයේ සඳහන් කර ඇත.

එම නිවේදනයේ වැඩිදුරටත් දැක්වෙන ආකාරයට 2018 වසරේ සිට 9 ශ්‍රේණිය සඳහා නව විෂය නිර්දේශයක් ක්‍රියාත්මක කිරීමට නියමිත අතර එම නව විෂය නිර්දේශයට අදාළ පැරණි පෙළ පොත් පාසල්වල නොමැත. ඒ පසුබිමේ 50% ක පෙළපොත් ලබාදීමේ ප්‍රතිපත්තිය හේතුවෙන් පෙළපොත් 9 ශ්‍රේණියේ සිසුන්ට ලබාදීම බරපතල ගැටලූවක් බවට පත්ව ඇති අතර පාසල් සිසු සිසුවියන්ද බලවත් අපහසුතාවකට පත්ව සිටියි.

එසේම ප‍්‍රාථමික පාසල්වල 2017 වසරේ දී 5 ශ්‍රේණියේ ඉගෙනුම ලැබූ සිසුන් 2018 වසරේ දී 6 ශ්‍රේණිය සඳහා නව පාසලකට ඇතුළත් වේ. එම සිසුන්ට ඔවුන් අධ්‍යාපනය ලැබූ ප‍්‍රාථමික පාසලෙන් 6 ශ්‍රේණියට අවශ්‍ය නව පෙළපොත් ලබාදිය යුතුය. මෙම 50% ක පෙළපොත් කප්පාදුව නිසා 5 ශ්‍රේණියෙන් 6 ශ්‍රේණියට යන සිසුන්ට පෙළපොත් නොලැබීමේ තත්වයක් මේ වන විටත් උද්ගත වී ඇත.

මහජන මුදලින් රුපියල් මිලියන 2500 ක් පෙළපොත් මුද්‍රණයට වියදම් කර මේ ආකාරයෙන් පාසල් දරුවන්ට ලබාදෙන පෙළපොත් ප‍්‍රමාණය 50% කට සීමා කර ඉතිරි පොත්වලින් කුමක් කරන්නේද යන්න බරපතල ගැටලූවක් බව සඳහන් කරන ලංකා ගුරු සංගමය අධ්‍යාපන අමාත්‍යංශයේ මේ ක්‍රියාව මෙතෙක් පාසල් සිසුන්ට නොමිලේ ලබාදුන් පෙළපොත මුදලට ලබාදීමේ සැලසුමක ආරම්භයක් වියහැකි බවට සැකයක් මතුවන බවද අවධාරණය කර සිටියි.

Comment (0) Hits: 774

පැන්නොත් දෙන්න තාරුණ්‍යට හෙටක් සල්ලි හොයයි

පළාත් පාලන මැතිවරණ සමය තුළ ආණ්ඩුව නියෝජනය කරන දේශපාලන ක්‍රියාකාරීන් ඒකාබද්ධ විපක්ෂයට ගැනීම වෙනුවෙන් සල්ලි හොයන මෙහෙයුමක් පාර්ලිමේන්තු මන්ත්‍රී නාමල් රාජපක්ෂ විසින් අරඹා ඇති බව වාර්තා වෙයි.

ව්‍යාපාරිකයන්ගේ ලැයිස්තුවක්

වාර්තා වන ආකාරයට තාරුණ්‍යට හෙටක් සංවිධානයේ නිලධාරීන් කිහිපදෙනෙකු යොදවා මෙම කටයුත්ත දියත්කර ඇති අතර ඒ වෙනුවෙන් පසුගිය ආණ්ඩු සමයේ නාමල් රාජපක්ෂ මන්ත්‍රීවරයාගෙන් උදව් උපකාර ලබාගත් ව්‍යාපාරිකයන් සහ දේශපාලන ක්‍රියාකාරීන්ගේ ලැයිස්තුවක් ලබාදී ඇති බවද වාර්තා වෙයි.

නාමල්ගෙන් ඇමතුම්

එසේම මෙරට ප්‍රධාන පෙලේ ව්‍යාපාරිකයින් කිහිපදෙනෙකුව අමතමින් තම මැතිවරණ කටයුතු වෙනුවෙන් මුල්‍යමය අනුග්‍රහය ලබාදෙන ලෙස නාමල් රාජපක්ෂ මන්ත්‍රීවරයා පෞද්ගලිකවම ඉල්ලා ඇති බවද වාර්තා වෙයි.

ඒ අතර රාජපක්ෂ සමයේ මුල්‍ය අක්‍රමිකතා සිදුකිරීම වෙනුවෙන් පහසුකම් සපයා මේ වන විට පොලිස් මුල්‍ය අපරාධ කොට්ඨාශය විසින් සැකපිට ප්‍රශ්න කල සහ චෝදනා ඉදිරිපත් කල කෝටිපති ව්‍යාපාරිකයන් කිහිපදෙනෙකුද වන බව දැනගන්නට ඇත.

බුද්ධි අංශ අවධානයෙන්

මේ අතර පාර්ලිමේන්තු මන්ත්‍රී නාමල් රාජපක්ෂ මහතාට අයිති බවට මාධ්‍ය ඔස්සේ අන්දොලනයට ලක්වූ කොළඹ 05, ගවර් වීදියේ අංක 07 දරන ස්ථානයේ පිහිටි ගොඩනැගිල්ල ප්‍රසිද්ධ ශ්‍රී ලාංකීය ව්‍යාපාරිකයකු වන නන්දන ජයදේව ලොකුවිතාන මහතා විසින් මිලදී ගැනීමේ ගනුදෙනුව සම්බන්ධව මේ වන විට බුද්ධි අංශ විමර්ශනයක් ආරම්භ කර ඇති බවටද තොරතුරු වාර්තා වෙයි.

මැතිවරණ උණුසුමේ කළු සල්ලි සුදු කිරීමේ කටයුතු නිතර සිදුවන බැවින් ඒ පිළිබඳවද පරීක්ෂාවෙන් සිටීමට වෙනම බුද්ධි ඒකකයක් ස්ථාපිත කර ඇති බවද වාර්තා වෙයි.

Comment (0) Hits: 594

දිනේෂ් හා විමල් කනස්සල්ලෙන් : 'ඕන කෙනෙකුට යන්න පුළුවන්' - මහින්ද කියයි

පළාත් පාලන මැතිවරණය සඳහා අපේක්ෂක ලැයිස්තු සැකසීමේදී තම පක්ෂවලට කෙනෙහිලිකම් කිරීම සම්බන්ධයෙන් ජාතික නිදහස් පෙරමුණේ නායක විමල් විරවංශ මහතා සහ මහජන එක්සත් පෙරමුණේ නායක දිනේෂ් ගුණවර්ධන මහතා හිටපු ජනාධිපති මහින්ද රාජපක්ෂ මන්ත්‍රීවරයාට දොස් පවරා තිබේ.

බැසිල් රාජපක්ෂ මහතාගේ හිතුවක්කාරී ක්‍රියා නිසා තම පක්ෂවල ප්‍රධානින් කිහිප දෙනෙකුම මේවනවිටත් ජනාධිපතිවරයාට සහය පලකිරීමට ඉදිරිපත්ව ඇති බව පෙන්වා දී ඇති එම පක්ෂ නායකයින් දෙදෙනා, බැසිල් රාජපක්ෂ මහතා පසුගිය ආණ්ඩු සමයේදී මෙන් බලය අතට ගෙන කටයුතු කරන බවට ද චෝදනා කර තිබේ.

බැසිල් රාජපක්ෂ මහතා තවදුරටත් මෙලෙස කටයුතු කරන්නේ නම් තමන්ටද දැඩි තීන්දුවක් ගැනීමට සිදුවන බව ඔවුන් දෙදෙනා මහින්ද රාජපක්ෂ මහතාට අවධාරණය කර ඇත.

 ඕන කෙනෙකුට යන්න පුළුවන්:

 එම පක්ෂ නායකයින් දෙදෙනාගේ විවේචන හමුවේ කිසිත් පවසා නොමැති මහින්ද රාජපක්ෂ මහතා, හූරිකඩුව ශ්‍රී විද්‍යාසාගර පිරිවෙනේ දී මාධ්‍යවේදීන් මතු කළ ප්‍රශ්නවලට පිළිතුරු දෙමින් කියා සිටියේ, ඇතැම් මන්ත්‍රීවරුන් ඒකාබද්ධ විපක්ෂයෙන් ඉවත්ව යන්නේ "ආසන බෙදාගැනීමට බැරිව" බවය.

"බලයේ ඉන්නකොටත් එහෙමයි, විපක්ෂේ ඉන්න කොටත් එහෙමයි. ඕන කෙනෙකුට යන්නත් පුළුවන්. ඕන කෙනෙකුට ඉන්නත් පුළුවන්," ඔහු අවධාරණය කළේය.

udaya.gammanpila 'ඒකාබද්ධයේ තවත් අය මෛත්‍රී ලඟට යාවි'

 මේ අතර පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පවසන්නේ, ශ්‍රී ලංකා පොදුජන පෙරමුණෙන් අපේක්ෂක ධුර නොලැබුණු බොහෝ පිරිසක් එක්සත් ජාතික පක්ෂයෙන් හා ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානයෙන් ඉදිරි මැතිවරණට ඉදිරිපත් වනු ඇති බවයි.

පිවිතුරු හෙළ උරුමයේ ප්‍රධාන කාර්යාලයේදී ඊයේ (11දා) පැවැති මාධ්‍ය හමුවකදී අදහස් දක්වමින් හෙතෙම මේ බව පවසා සිටියේය.

සබැඳි පුවත් :

ඒකාබද්ධයේ තවත් අය මෛත්‍රී ළඟට යාවි - ගම්මන්පිල

Comment (0) Hits: 728

ජවිපෙ හිටපු රොත්තක් මෛත්‍රීගේ සහයට !

ජනතා විමුක්ති පෙරමුණේ සිටි ජනප්‍රිය චරිත විශාල පිරිසක් ජනාධිපති මෛත්‍රීපාල සිරිසේන මහතා සමඟ එක්වෙමින් ශ්‍රී ලංකා නිදහස් පක්ෂයට සම්බන්ධවීමට සූදානමින් පසුවන බව වාර්තාවේ.

මේ පිරිස අතර හිටපු පළාත් සභා මන්ත්‍රීවරු 12 දෙනෙකු, හිටපු ප්‍රාදේශීය සභා සභාපතිවරු 04ක් හා හිටපු ප්‍රාදේශීය සභා මන්ත්‍රීවරු 08 ක් ද සිටින බව පැවසේ.

ජවිපෙන් ඉවත්වී පෙරටුගාමී පක්ෂයේ සිටි ප්‍රබලයින් පිරිසක් ද ඇතුළු ජවිපෙ හිටපු ප්‍රධානින් 61 දෙනෙකු සිරිසේන මහතා සමඟ එක්වීමට එකඟත්වය පළකර ඇත.

Comment (0) Hits: 600

ඒකාබද්ධයේ තවත් අය මෛත්‍රී ළඟට යාවි - ගම්මන්පිල

ශ්‍රී ලංකා පොදුජන පෙරමුණෙන් අපේක්ෂක ධුර නොලැබුණු බොහෝ පිරිසක් එක්සත් ජාතික පක්ෂයෙන් හා ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානයෙන් ඉදිරි මැතිවරණට ඉදිරිපත් වනු ඇතැයි පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පැවසීය.

පිවිතුරු හෙළ උරුමයේ ප්‍රධාන කාර්යාලයේදී අද (11දා) පැවැති මාධ්‍ය හමුවකදී අදහස් දක්වමින් හෙතෙම මේ බව පවසා සිටියේය.

ඉදිරි පළාත් පාලන මැතිවරණය සඳහා ඒකාබද්ධ විපක්ෂයේ සාමාජිකයන්ට ශ්‍රීලංකා පොදුජන පෙරමුණෙන් අපේක්ෂක ධුර ලබාදීමට යෑමේදී හිත්රිදවීම් සිදුව ඇතැයි ද ඔහු එහිදී පැවසිය.

ඒ අනුව ජාතික නිදහස් පෙරමුණේ ජයන්ත විජේසේකර මහතා සහ මහජන එක්සත් පෙරමුණේ ශ්‍රියානි විජේවික්‍රම මහත්මිය ඒකාබද්ධ විපක්ෂයෙන් මේ වනවිට ඉවත්ව ජනාධිපති මෛත්‍රීපාල සිරිසේන මහතාට සහාය පළ කිරීමට තීරණය කර තිබෙන බවද ඔහු කියා සිටියේය.

ඒකාබද්ධ විපක්ෂය නියෝජනය කළ එක්සත් ජනතා නිදහස් සන්ධානයේ දිගාමඩුල්ල දිස්ත්‍රික් පාර්ලිමේන්තු මන්ත්‍රිනී ශ්‍රියානි විජේවික්‍රම මහත්මිය ජනාධිපතිවරයාට සහය දැක්වීමේ තත්ත්වයට හිතාමතා ඇයව පත් කළා යයි ඔහු පැවසිය.

 ශ්‍රියානි ගියා නෙවේ යැව්වා :

 ශ්‍රියානි විජේවික්‍රම මහත්මියට කිසිදු ප්‍රතිපත්තිමය ගැටළුවක් හෝ කලකිරීමක් නොතිබුණු අතර, එම තත්ත්වය ඇති වුයේ නාම යෝජනා කමිටුව කැඳවීමෙන් පසුව බව ද shriyani 1000pxගම්මන්පිල මහතා පැවසිය.

අම්පාර දිස්ත්‍රික්කයේ නායකයින් හය වතාවක් හෝ ඊට වැඩි සංඛ්‍යාවක් ජාතික නාමයෝජනා කමිටුවට කැඳවීමක් කළ අතර, සමහර නායකයින් ඒ සඳහා එක් නොවු බවද ඒ නිසා ශ්‍රියානි විජේවික්‍රම මහත්මියට රස්තියාදු විමට සිදුවු බව ද පැවසු ගම්මන්පිල මහතා, අවසානයේ ඇති වු තත්ත්වය හමුවේ දේශපාලන මිනීමැරුමක් සිදුවු බව ද කියා සිටියේය.

 මීට වඩා දූරදර්ශීව කටයුතු කිරීමට...

 පවතින තත්ත්වය හමුවේ ආණ්ඩුවේ ගත වු තෙවසර පිළිබඳ ජනමත විමසුමක් බවට පුංචි ඡන්දය පත් කර ඇති මොහොතක මීට වඩා දූරදර්ශීව කටයුතු කිරීමට සිදුවන බව ද ගම්මන්පිල මහතා පැවසීය.

වෙනත් පක්ෂයක අපේක්ෂක ධුර සම්බන්ධව බන්දුල ගුණවර්ධන මහතා සමග වචන හුවමාරුවක පැටලීමට තමාට සිදු වූ බව පැවසු ගම්මන්පිල මහතා, එම සිද්ධියෙන් පසුව බන්දුල ගුණවර්ධන මහතාගෙන් මා සමාව ගත් බවත්, තමාගේ ගුරුවරයාගෙන් සමාව ගැනීම තමාට ගැටලුවක් නොවන බවත් වැඩිදුරටත් කියා සිටියේය.

Comment (0) Hits: 616

සිව් වසරකට පසු ජනපතිගෙන් බැසිල්ට ඇමතුමක්

ඒකාබද්ධ විපක්ෂය සහ ශ්‍රී ලංකා නිදහස් පක්ෂය අතර සමගියක් ඇතිකිරීමට ගත් අවසාන උත්සාහය ද අසාර්ථක වී තිබේ.

ඒ අනුව සඳුදා (දෙසැම්බර් 11) උදෑසන ඒකාබද්ධ විපක්ෂය ශ්‍රී ලංකා පොදුජන පෙරමුණ වශයෙනුත් ශ්‍රී ලංකා නිදහස් පක්ෂය, එක්සත් ජනතා නිදහස් සන්ධානය ලෙසිනුත් නාමයෝජනා භාරදීම ආරම්භ කර තිබේ.

අනුරාධපුර දිස්ත්‍රික්කයේ ගල්නෑව ප්‍රාදේශීය සභාව සඳහා ශ්‍රි ලංකා පොදුජන පෙරමුණ සඳුදා උදෑසන අනුරාධපුර දිස්ත්‍රික් ලේකම් කාර්යාලයේ දී නාම යොජනා භාර දුන් අතර බදුල්ල දිස්ත්‍රික්කයේ පළාත් පාලන ආයතන 11ක් සඳහා එක්සත් ජනතා නිදහස් සන්ධානයේ නාමයෝජනා බදුල්ල දිස්ත්‍රික් ලේකම් කාර්යාලයට භාර දී තිබුණි.

පළාත් පාලන ආයතන 93ක් සඳහා නාමයෝජනා භාරගැනීම සඳුදා උදෑසන ආරම්භ වූ අතර ලබන 14 වෙනි දින දහවල් 12ට එය අවසන් වීමට නියමිතය. ඉතිරි පළාත් පාලන ආයතන සඳහා නාමයෝජනා ඉදිරියේදී කැඳවීමට නියමිතයි.

besil

 මෛත්‍රීපාල සිරිසේන ජනාධිපතිවරයාගේ පාර්ශවය සහ හිටපු ජනාධිපති මහින්ද රාජපක්ෂගේ පාර්ශවය අතර සමගියක් ඇතිකිරීමට පසුගිය දිනවල භික්ෂූන් වහන්සේ පිරිසක් උත්සාහ කර ඇතත් එය ද අසාර්ථකවී තිබේ.

එහි එක් පියවරක් ලෙසින් මහින්ද රාජපක්ෂ පාලනය සමයේ දේශපාලන වශයෙන් විරසකව සිටි දෙදෙනෙකු වන ජනාධිපති මෛත්‍රිපාල සිරිසේන සහ හිටපු අමාත්‍ය බැසිල් රාජපක්ෂ අතර දුරකථන සංවාදයක් ද සිදුව තිබේ.

ජනාධිපතිවරයා සමග දුරකථන සංවාදයක් සිදු වූ බව හිටපු අමාත්‍ය බැසිල් රාජපක්ෂ බීබීසි සිංහල සේවයට තහවුරු කළ නමුත් සාකච්ඡාව පිළිබඳව තොරතුරැ හෙළි කිරීමෙන් වැළකී සිටියේය.

ආචාර්ය මැදගොඩ අභයතිස්ස හිමියන්ගේ මැදිහත්වීමෙන් ජනාධිපතිවරයා බැසිල් රාජපක්ෂ හිටපු අමාත්‍යවරයා අමතා තිබූ බව සන්ඩේ ටයිම්ස් පුවත්පත වාර්තා කර තිබුණි. පුවත්පත පවසන පරිදි, දෙපාර්ශ්වය එකතු කිරීමේ හැකියාව පිළිබඳව එහිදී කතාබහට ලක්වී තිබේ.

  99154279 1510400 1390441947872879 930476888 nශ්‍රීයානි විජේවික්‍රම මන්ත්‍රීවරිය ජනාධිපති මෛත්‍රීපාල සිරිසේනට සහාය පළකිරීමට තීන්දු කර තිබේ

 ජනාධිපතිවරයා සහ බැසිල් රාජපක්ෂ හිටපු අමාත්‍යවරයා අතර එවැනි කතාබහක් ඇතිවූයේ වසර හතරකට වැඩි කාලයකට පසුව බව ද වාර්තා වේ. හිටපු අමාත්‍ය බැසිල් රාජපක්ෂගේ ක්‍රියාකලාපය, ජනාධිපති මෛත්‍රිපාල සිරිසේන මහින්ද රාජපක්ෂ ආණ්ඩුවෙන් ඉවත්වීමට එක් ප්‍රධාන හේතුවක් වූ බව විශ්වාස කෙරේ.

ආචාර්ය මැදගොඩ අභයතිස්ස හිමියන් මෙන්ම එක්සත් ජාතික පෙරමුණේ ජාතික ලැයිස්තු මන්ත්‍රී ධුරයක් හොබවන අතුරලියේ රතන හිමියන් ද මේ දෙපාර්ශවය එක්කිරීමේ අරමුණින් සාකච්ඡා පවත්වා තිබේ.

එම සියලු සාකච්ඡා අසාර්ථකවීමෙන් අනතුරුව ඉරිදා (දෙසැම්බර් 11) ප්‍රකාශයක් කළ ශ්‍රී ලංකා නිදහස් පක්ෂයේ මහලේකම් දුමින්ද දිසානායක අමාත්‍යවරයා, පළාත් පාලන මැතිවරණයේ දී අත, බුලත් කොළය සහ තවත් සලකුණු අනුව ශ්‍රීලනිපය ක්‍රම තුනකින් තරග කරන බව නිවේදනය කළේය.

දිස්ත්‍රික්ක කිහිපයකට අත ලකුණින්ද තවත් දිස්ත්‍රික්ක කිහිපයකට බුලත් කොළයෙන් ද තරග කරන බව පැවසූ ඔහු තවත් පළාත් පාලන ආයතන කිහිපයක් සඳහා සුළු පක්ෂ සමග එක්ව වෙනත් ඡන්ද ලකුණකින් තරග කරන බව කියා සිටියේය.

 පිල් මාරුව ඇරඹේ :

 මේ අතර පළාත් පාලන මැතිවරණය කේන්ද්‍ර කරගනිමින් සිදුවන පිල් මාරුව ආරම්භ කරමින් ඒකාබද්ධ විපක්ෂය නියෝජනය කළ දිනේශ් ගුණවර්ධන මන්ත්‍රීවරයාගේ නායකත්වයෙන් යුත් මහජන එක්සත් පෙරමුණේ දිගාමඩුල්ල දිස්ත්‍රීක් පාර්ලිමේන්තු මන්ත්‍රීනි ශ්‍රියානි විජේවික්‍රම ජනාධිපති මෛත්‍රීපාල සිරිසේනට සහාය පළකිරීමට තීන්දු කර තිබේ.

ඉරිදා පස්වරුවේ ජනාධිපති නිල නිවසේදී ජනාධිපති මෛත්‍රීපාල සිරිසේන හමූ වූ ශ්‍රියානි විජේවික්‍රම මන්ත්‍රීවරිය, ජනාධිපතිතුමා ගෙන යන වැඩපිළිවෙළ සමග එක්වෙමින් ඉදිරි දේශපාලන කටයුතුවල නිරත වන්නේ යයි සඳහන් කළ බව ජනාධිපති කාර්යාලය නිවේදනය කළේය.

අලියා ලකුණින් මෙවර මැතිවරණයට ඉදිරිපත්වන එක්සත් ජාතික පක්ෂයේ නාමයෝජනා සැකසීම තවමත් සිදුවෙමින් පවතින බව පක්ෂයේ මහලේකම කබීර් හෂීම් පැවසීය.

(බීබීසී සිංහල සේවය)

Comment (0) Hits: 575

පුංචි ජන්දයේ පළමු නාමයෝජනාව පොහොට්ටුවෙන් ගල්නෑවට

පළාත් පාලන මැතිවරණය වෙනුවෙන් වන පළමු නාමයෝජනාව ශ්‍රී ලංකා පොදුජන පෙරමුණ විසින් අද (11)වනදා අනුරාධපුර දිස්ත්‍රික් තේරීම්භාර නිලධාරියා වෙත ලබාදී ඇත.

ගල්නෑව ප්‍රාදේශීය සභාව සදහා එම නාමයෝජනාව බාර දුන් අතර පොදුජන පෙරමුණේ අනුරාධපුර දිස්ත්‍රික් බලයලත් නිලධාරී ජන්න ජයසුමන උතුරු මැද පළාත් සභාවේ හිටපු ප්‍රධාන අමාත්‍ය එස්.එම්.රංජිත් ඇතුළු පිරිසක් ඊට සහභාගී වී ඇත.

මීට අමතරව ත්‍රිකුණාමලය දිස්ත්‍රික්කයේ කින්නියා ප්‍රාදේශීය සභාවට සහ ත්‍රිකුණාමලය නගර/කඩවත්සතර ප්‍රාදේශීය සභාව සඳහා ද ශ්‍රීලංකා පොදුජන පෙරමුණ විසින් අද පෙරවරුවේ නාමයෝජනා බාරදීමට නියමිත බවද වාර්තා වෙයි.

Comment (0) Hits: 588

සන්ධානය පොළොන්නරුවට 'අත' ලකුණින්!

ඉදිරි පළාත් පාලන මැතිවරණය සඳහා ශ්‍රී ලංකා නිදහස් පක්ෂය හා ඒකාබද්ධ පොදුජන පෙරමුණ එක්ව තරඟ කිරීමට පැවති අවසන් සාකච්ඡාව බිඳ වැටීමත් සමග ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය 'බුලත් කොළයෙන්' තරඟ කිරීමට තීරණය කර තිබේ.

එහිදී පොලොන්නරුව, අනුරාධපුරය හා ගම්පහ දිස්ත්‍රීක්ක වලට 'අත' ලකුණින් තරඟ කිරීමට ජනාධිපති මෛත්‍රීපාල සිරිසේන මහතා යෝජනා කර තිබේ.

එසේම, ශ්‍රී ලංකා නිදහස් පක්ෂය ඇතැම් පළාත් පාලන ආයතන කිහිපයක් සඳහා තොන්ඩමන් මහතාගේ පක්ෂයේ 'කුකුලා' ලකුණ යටතේද නැගෙනහිරට අතාවුල්ලගේ පක්ෂය යටතේද තරඟ වැදීමට තීරණය කර තිබේ.

 බැසිල් නැගෙනහිරට බෝට්ටුවෙන් :Cartoon ship clipart kid

 ඒ අතර මල් පොහොට්ටුවෙන්ද තරග වැදීම සඳහා අවසන් තීරණය ගෙන ඇති බැසිල් රාජපක්ෂ මහතාගේ ඒකාබද්ධ පොදුජන පෙරමුණ, නැඟෙනහිර පළාතේ පළාත් පාලන ආයතන කිහිපයක් සඳහා කරුණා අම්මාන් මහතාගේ පක්ෂයේ "බෝට්ටුව" ලකුණෙන්ද තරග කිරීමට තීරණය කර තිබේ

Comment (0) Hits: 759

ශ්‍රීයානි ගියෙත් බැසිල් නිසා - එකාබද්ධයේ නායකයින් තීන්දුවක් ගන්න සාකච්ඡා

බැසිල් රාජපක්ෂගේ අත්තනෝමතික හැසිරීමට එරෙහිව තීරණයක් ගැනීමට ඒකාබද්ධ විපක්ෂය නියෝජනය කරන පක්ෂ නායකයින් නිල වශයෙන් සාකච්ඡා අරඹා ඇති බව වාර්තා වෙයි.

දේශපාලන ආරංචිමාර්ග සඳහන් කරන ආකාරයට පසුගිය කාලයක පටන් බැසිල් රාජපක්ෂගේ අත්තනෝමතික දේශපාලන තීන්දු සම්බන්ධව මහින්ද රාජපක්ෂ වෙත පැමිණිලි කළත් ඊට අදාළව යහපත් ප්‍රතිචාරයක් නොලැබීම හේතුවෙන් මහජන එක්සත් පෙරමුණ ඇතුළුව ඒකාබද්ධ විපක්ෂය නියෝජනය කරන දේශපාලන පක්ෂ නායකයින් මෙම තීන්දුව ගෙන ඇත.

එහිදී බැසිල් රාජපක්ෂ සුක්ෂම ආකාරයෙන් ඒකාබද්ධ විපක්ෂය නියෝජනය කරන දේශපාලන පක්ෂ දුර්වල කිරීමේ සැලසුමක් දියත්කර තිබීමත් එය දේශපාලනය තුළ තමන්ගේ කේවල් කිරීමේ හැකියාව දුර්වල කරන අවදානම් තත්ත්වයක් ලෙස පක්ෂ නායකයන්ගේ අවධානය යොමුව ඇත.

ජාතික නිදහස් පෙරමුණේ ප්‍රබලයන් තිදෙනෙකු සහ ක්‍රියාකාරී දේශපාලන සාමාජිකයන් රාශියක් මේ වන විට එම පක්ෂය අතහැර දැමීමට හේතු වුයේ බැසිල් රාජපක්ෂගේ ක්‍රියා බවත් දිනේශ ගුණවර්ධන හැරුණු විට මහජන එක්සත් පෙරමුණ නියෝජනය කල එකම පාර්ලිමේන්තු මන්ත්‍රීවරිය වූ ශ්‍රියානි විජේවික්‍රම ශ්‍රී ලංකා නිදහස් පක්ෂයට එක්වීම තීරණය කරන තැනට වැඩකටයුතු සිදුකළේද බැසිල් බව සාකච්ඡාවට මුල්වී සිටින පක්ෂ නායකයින්ගේ අදහස වී තිබේ.

වාර්තා වන ආකාරයට ඒකාබද්ධ විපක්ෂය නියෝජනය කරන දේශපාලන පක්ෂ එළඹෙන පළාත් පාලන මැතිවරණයට පෙර මෙම සාකච්ඡා අවසන් කිරීමට තීරණය කර ඇත.

එසේම සාකච්ඡාවේ අවසන් තීරණයක් ගන්නා තුරු මේ වන විටත් සකස් වෙමින් පවතින පළාත් පාලන නාමයෝජනා ලැයිස්තු සඳහා තම පක්ෂ සාමාජිකයන් සාධාරණ ප්‍රමාණයක් ඇතුලත් කර ගැනීම වෙනුවෙන් තදින් පෙනී සිටීමත් ඒ සඳහා පක්ෂ භේදයකින් තොරව මැදිහත්වීමටද ඔවුන් තීරණය කර ඇත.

Comment (0) Hits: 655

ශ්‍රී ලංකා නාවික හමුදාවට 67 යි: අභිමානයෙන් සමරයි !

ශ්‍රී ලංකා නාවික හමුදාවේ 67 වන සංවත්සරය දෙසැම්බර් 9 වනදාට යෙදී තිබූ අතර ඒ නිමිත්තෙන් නාවික හමුදාධිපති, වයිස්අද්මිරාල් සිරිමෙවන් රණසිංහගේ උපදේශකත්වය හා මගපෙන්වීම යටතේ ආගමික, සමාජ සුභසාධන සහ නාවික සම්ප්‍රදායන්ට මුල්තැනක් ලබා දෙමින් සංවිධානය කර තිබිණ.

පසුගිය ‍නොවැම්බර් මස 21 වන දින අනුරාධපුරය ශ්‍රී මහා බෝධිය අභියස පැවති නාවික ධජයන්ට සෙත්පැතීමේ ධජ පූජාව සහ කප්රුක් පූජාව සමගින් ආරම්භ කරන ලද ආගමික වැඩසටහන් මාලාවේ ක්‍රිස්තියානි දේව මෙහෙය කොටහේන ශාන්ත ලුසියා‍ දෙව් මැදුරේ ද, මුස්ලිම් ආගමික උත්සවය කොළඹ චැතැම් වීදියේ ජුම්මා මස්ජිඩ් මුස්ලිම් පල්ලියේ ද, හින්දු ආගමික උත්සවය කොටහේන, පොන්නම්බලවානේශ්වරම් හින්දු කෝවිලේදී ද පැවැත්විණ.

එසේම දෙසැම්බර් 8,9 යන දෙදින පැවැත්වුණු සමරු වැඩසටහන් මෙම අවස්ථාවන් සඳහා ‍නාවික හමුදා සේවා වනිතා ඒකකයේ ගරු සභාපතිනි, සන්ධ්‍ය රණසිංහ, නාවික හමුදා මාණ්ඩලික ප්‍රධානී රියර් අද්මිරාල් නීල් රෝසයිරෝ, නාවික විධානයන් භාර ආඥාපතිවරුන්, අධ්‍යක්ෂක ජෙනරාල්වරුන්, ජ්‍යෙෂ්ඨ නාවික නිලධාරීන්, නාවිකයන් මෙන්ම ඔවුන්ගේ පවුල්වල සාමාජික සාමාජිකාවන් ද එක්ව සිටියහ.

View the embedded image gallery online at:
http://newstube.lk/news?start=8622#sigProIdd75e562f44

 

Comment (0) Hits: 653

ප්‍රශ්න අවසන් : දෙමළ ජාතික සන්ධානය නිවස ලකුණින් මැතිවරණයට

දෙමළ ජාතික සන්ධානයේ පැවති ගැටළු සියල්ල සාකච්ඡා මාර්ගයෙන් විසන්දාගත් බවත් ඒ අනුව ඉදිරි පළාත් පාලන ජන්දයේදී ඉලංගෙයි තමිල් අරසුකච්චි පක්ෂයේ “නිවස”ලකුණ යටතේ මැතිවරණයට ඉදිරිපත් වන බව උතුරු පළාත් සභා මන්ත්‍රී එම. කේ. සිවාජිලිංගම් සඳහන් කරයි.

ඒ අනුව ඉදිරි පළාත් පාලන ජන්දයේදී ඉලංගෙයි තමිල් අරසුකච්චි, ප්ලොට් හා ටෙලෝ පක්ෂ සියල්ල ඒකාබද්ධව උතුරු නැගෙනහිර පළාත් වෙනුවෙන් ඉදිරි පළාත් පාලන මැතිවරණයට එක්ව තරග කිරීමට නියමිතව ඇත.

විපක්ෂ නායක, පාර්ලිමේන්තු මන්ත්‍රී ආර්.සම්බන්ධන්ගේ ප‍්‍රධානත්වයෙන් විපක්ෂ නායක කාර්යාලයේ ඊයේ(09) පැවැත්වු මෙම සාකච්ඡාව සඳහා ඉලංගෙයි තමිල් අරසුකච්චි පක්ෂ නායක මාවෙයි සේනාධිරාජා, ටෙලෝ පක්ෂ නායක සෙල්වම් අඩෙක්කලනාදන්, ප්ලොට් සංවිධාන නායක ධර්මලිංගම් සිද්ධාර්ථන් මහතා ඇතුළු පිරිසක් සහභාගී වී ඇත.

දෙමළ ජාතික සන්ධානය තුළ තිබු ගැටළු විසඳාගෙන ඇති බැවින් තම පාර්ශවයට ශක්තිමත්ව මැතිවරණයට මුහුණදීමේ හැකියාව නැවත ලැබී ඇති බවත් ඒ හමුවේ දෙමළ ජාතික සන්ධානයට එරෙහිව කුමන සන්ධාන බිහිවුවද තම ජයග‍්‍රාහණය වළක්වාලීමට ඒ කිසිඳු පාර්ශවයකට හැකියාවක් නොමැති බව සාකච්ඡාවේ සාර්ථකත්වය සඳහන් කරමින් සිවාජිලිංගම් මන්ත්‍රීවරයා අවධාරණය කර ඇත.

Comment (0) Hits: 542

'ප්‍රේමදාස හොදයි- රනිල් ඉන්නකන් එජාපයට යන්නේ නැහැ' - ජානිපෙ මන්ත්‍රී

තමන් එක්සත් ජාතික පක්‍ෂයට එක්වන බවට පසුගිය දින කිහිපයේම පලවී තිබු වාර්තා අසත්‍ය බවත්, තමන් කිසිසේත්ම වත්මන් එක්සත් ජාතික පක්‍ෂය නායකත්වය යටතේ දක්නට නොලැබෙනු ඇති බව විමල් විරවංශ මහතාගේ ජාතික නිදහස් පෙරමුණේ පාර්ලිමේන්තු මන්ත්‍රී නිරෝෂන් ප්‍රේම්රත්න මහතා පැවසිය.

එක්සත් ජාතික පක්ෂ පාලන ඉතිහාසයේ දුප්පත් මිනිසුන්ට සෙතක් සිදුවුයේ ප්‍රේමදාස පාලන සමයේදී පමණක් බවද ඔහු කියා සිටියේය.

මාතර දිස්ත්‍රීක් පාර්ලිමේන්තු නිරෝෂන් ප්‍රේම්රත්න මහතා එබව කියා සිටියේ, ජාතික නිදහස් පෙරමුණු පක්‍ෂ මූලස්ථානයේ පැවති මාධ්‍ය හමුවකදීය.

 විමල් දාල යන්නේ නැහැ :

 එහිදී අදහස් පල කල ජානිපෙ පාර්ලිමේන්තු මන්ත්‍රී ජයන්ත සමරවීර මහතා, ජයන්ත සමරවීර, උදයශාන්ත ගුණසේකර, නිරෝෂන් ප්‍රේමරත්න යන පාර්ලිමේන්තු මන්ත්‍රීවරුන් තම පක්‍ෂයෙන් ඉවත්ව යන බවටත්, ඉන් පසු තම පක්ෂයට පාර්ලිමේන්තු මන්ත්‍රීවරයෙක් ලෙස ඉතිරි වන්නේ විමල් වීරවංශ මහතා පමණක් බවටත් මාධ්‍ය වාර්තා පලව තිබීම තම පක්‍ෂයට එරෙහි අවලාද මෙහෙයුමකට කොටසක් බව සඳහන් කළේය.

ප්‍රතිපත්තිමය කරුණු මත තම පක්ෂය ඕනෑම පක්ෂයක් සමග එක්වීමට සුදානම් බවද ඔහු එහිදී අවධාරණය කර සිටියේය.

වීඩියෝ

Comment (0) Hits: 717

නාවික හමුදාවේ නැවක් හා ගිණි අවි තොගයක් වසර ගණනක් තිස්සේ දිරයි

ශ්‍රී ලංකා නාවික හමුදාව විසින් මිලදී ගෙන පාවිච්චි නොකළ රුපියල් මිලියන 239 පමණ වටිනා මැෂින් තුවක්කු හා මිලියන 50ක් පමණ වටිනා ගුවන් යානා නාශක තුවක්කුවක් ඇති බව විගණනයේ දී හෙළිව තිබේ.

1995-1997 කාල පරිච්ජේදයේ දී මිලට ගෙන ඇති මැෂින් තුවක්කු (Machine gun) 10ක් හා ගුවන් යානා නාශක අවියක් (Anti-aircraft) මෙසේ භාවිතා නොකළ හැකි තත්ත්වයට පත්ව ඇති බව වාර්තාවේ.

එම ගිනි අවි පරීක්ෂණ මණ්ඩලයක නිර්දේශ ලබා ගෙන පරිහරණය කිරීමට කටයුතු නොකර ගබඩා කර තිබී ඇත.

ඊට අමතරව 1999 දී ස්ටලින් පවුම් මිලියන 2.03ක් ගෙවා මිලට ගත් නෞකාවක් වර්ෂ තුනක සිට වයඹ නාවික විධානයේ නැංගුරම් ලා ඇති බව ද හෙළිව තිබේ.

(සත්හඬ)

Comment (0) Hits: 669

2018 අයවැය 2/3න් සම්මතයි

2018 අයවැය තෙවන වර කියවීම වැඩි ජන්ද 99කින් පාර්ලිමේන්තුවේදී අද (09) සම්මත විය.

අයවැයට පක්ෂව ජන්ද 155ක් ලැබුණු අතර විපක්ෂව ලැබුණේ ජන්ද 56ක් පමණි.

එක්සත් ජනතා නිදහස් සංධානයේ මහින්ද පාර්ශවය සහ ජනතා විමුක්ති පෙරමුණ අයවැයට විරුද්ධව ජන්දය ප්‍රකාශකර තිබු අතර පාර්ලිමේන්තු මන්ත්‍රී විජේදාස රාජපක්ෂ අයවැයට පක්ෂව ජන්දය ප්‍රකාශකොට තිබිණ.

ජාතික නිදහස් පෙරමුණේ නියෝජ්‍ය නායක පාර්ලිමේන්තු මන්ත්‍රී වීරකුමාර දිසානායක අයවැය ජන්ද විමසන අවස්තාවේදී පාර්ලිමේන්තු සභාගර්භයේ සිට නැත.

 

Comment (0) Hits: 526

Page 480 of 483