V2025

පුවත්

ආණ්ඩුව ඉදිරියට ගෙනයාමට කමිටුවක්

පළාත් පාලන මැතිවරණයෙන් පසුව උද්ගතව ඇති දේශපාලනික අර්බුදය හමුවේ රට ඉදිරියට පවත්වාගෙන යා යුත්තේ කෙසේද යන්න තිරණය කිරිමට කමිටුවක් පත්කිරීමට ජනපති මෛත්‍රීපාල සිරිසේන තීරණය කර ඇති බව වාර්තා වෙයි.

ඒ එක්සත් ජාතික පක්ෂයේ නායක අග්‍රාමාත්‍ය රනිල් වික්‍රමසිංහ මහතා හා එක්සත් ජාතික පක්ෂයේ කැබිනට් අමාත්‍යවරුන් 13 වනදා රාත්‍රියේ ජනපති මෛත්‍රීපාල සිරිසේන හමුවූ අවස්ථාවේදී ජනාධිපතිවරයා මෙම යෝජනාව සිදුකර ඇති බව වාර්තා වන අතර මෙම යෝජනාව සඳහා අග්‍රමාත්‍යවරයා සිය එකඟතාව පළකර ඇති බවද වාර්තා වෙයි.

ඒ අනුව යෝජිත කමිටුව හෙට කැබිනට් හමුවේදී පත්කිරීමට නියමිත බවද වාර්තා වෙයි.

කෙසේ වුවත් මෙම සාකච්ඡාව සඳහා අග්‍රාමාත්‍යවරයා ප්‍රමුඛ එක්සත් ජාතික පක්ෂයේ කැබිනට් මණ්ඩල සාමාජිකයන් සහභාගී වූයේ එක්සත් ජාතික පක්ෂයේ තනි ආණ්ඩුවක් පිහිටුවීමේ යෝජනාවක් පාර්ලිමේන්තු කණ්ඩායම රැස්ව ඒකමතිකව සම්මත කරගැනීමෙන් පසුවය.

Comment (0) Hits: 868

ආණ්ඩුවේ පරාජයට හේතුව ජනපතිගේ අත්තනෝමතික හැසිරීමයි

පළාත් පාලන මැතිවරණයේදී ආණ්ඩුවේ පාර්ශවය ලැබූ බරපතල දේශපාලන පසුබෑමට හේතුව ජනාධිපති මෛත්‍රීපාල සිරිසේනගේ අත්තනෝමතික හැසිරීම බව අද (13) පැවති එක්සත් ජාතික පක්ෂයේ පාර්ලිමේන්තු කණ්ඩායම් රැස්වීමේදී බරපතල ලෙස විවේචනයට ලක්ව ඇති බව වාර්තා වෙයි.

අද (13) අරලියගහ මන්දිරයේ අග්‍රාමාත්‍යවරයාගේ ප්‍රධානත්වයෙන් මෙම හමුව සිදුවූ අතර ජනාධිපතිවරයා මැතිවරණයේ අවසාන දින කිහිපයේදී කටයුතු කළ ආකාරය සම්මුති ආණ්ඩුවේ ප්‍රධානියාට කිසිසේත්ම නොගැළපෙන බවත්, ඉතාම නොසුදුසු ආකාරයට මැතිවරණයේ අවසන් දිනවල ජනාධිපතිවරයා ජාතිවාදය පවා අවුස්සන තැනට පවා ඇද වැටුණු බවට එජාප මැති ඇමතිවරු අදහස් පලකර ඇති බවද වාර්තා වෙයි.

පාර්ලිමේන්තු කණ්ඩායමේ සෘජු මතය විමසයි

මෙම විශේෂ හමුව අද (13) කැඳවා තිබුණේ පළාත් පාලන මැතිවරණ ප්‍රතිඵලයෙන් පසුව උද්ගතව තිබෙන දේශපාලන තත්ත්වය පිළිබඳ එක්සත් ජාතික පක්ෂයේ පාර්ලිමේන්තු කණ්ඩායමේ සෘජු අදහස් ලබාගැනීම සඳහාය.

ඒ අනුව එක්සත් ජාතික පක්ෂය නියෝජනය කරන දෙතුන් දෙනෙකු හැර අනෙක් සියළු මැති ඇමතිවරු මෙම අවස්ථාවට සහභාගීවී ඇත. එහිදී පළමුව අදාළ විශේෂ හමුව කැඳවීමේ අරමුණ එක්සත් ජාතික පක්ෂයේ සභාපති අමාත්‍ය මලික් සමරවික්‍රම පැහැදිළි කර ඇත.

අරමුණ පැහැදිළි කළේ ඇමති මලික්

එහිදී මැතිවරණයේ ප්‍රතිලය මත අග්‍රාමාත්‍යවරයා වෙනස් විය යුතු බවට යෝජනාව පළමුව ජනාධිපතිවරයාට දැනුම්දී ඇත්තේ එක්සත් ජාතික පක්ෂයේ මැති ඇමතිවරු කිහිපදෙනෙක් බවට එම පාර්ශවයෙන් දැනුම්දීමක් සිදුකර ඇති බවත් එහෙයින් පාර්ලිමේන්තු කණ්ඩායමේ හමුව තුළ එම කාරණය ඇතුළුව ප්‍රශ්න සියල්ල විසඳාගැනීමේ අපේක්ෂාවෙන් අදාළ විශේෂ හමුව කැඳවුණු බව අමාත්‍ය මලික් සඳහන් කර ඇත.

පසුව මතුව ඇති දේශපාලන තත්ත්වය හමුවේ මේ වන විට එක්සත් ජාතික පක්ෂයේ නායක රනිල් වික්‍රමසිංහ අග්‍රාමාත්‍යවරයාගේ ප්‍රධානත්වයෙන් එජාප තනි ආණ්ඩුවක් පිහිටුවීමේ තීරණයක් පක්ෂ නායකත්ව මණ්ඩලය ගෙන ඇති බවත් ඒ පිළිබඳ විරෝධතා ඇත්නම් සාකච්ඡා කළ හැකි බවද අමාත්‍ය මලික් සමරවික්‍රම සඳහන් කර ඇත.

කොළ ආණ්ඩුවක් හදමු : පාර්ලිමේන්තු කණ්ඩායම එකඟයි

එම යෝජනාවට සමස්ථ පාර්ලිමේන්තු කණ්ඩායම එකඟතාව පළකර ඇති බවත් අනතුරුව එක්සත් ජාතික පක්ෂයේ පාර්ලිමේන්තු කණ්ඩායමේ සාමාජිකයන් එකිනෙකා තම තමන්ගේ අදහස් දක්වා ඇත.

මැති ඇමතිවරුන් අතින් ජනාධිපතිව බරපතල විවේචනයට

විශ්වාසවන්ත ආරංචිමාර්ග සඳහන් කරන ආකාරයට පාඨලී චම්පික රණවක, පලනී දිගම්බරන්, රවුෆ් හකීම්, විජයකලා මහේෂ්වරන්, විජයපාල හෙට්ටිආරච්චි ඇතුළු මැති ඇමතිවරු රැසක් එහි පළමු අවස්ථාවේ අදහස් දක්වා ඇත.

එහිදී ඔවුන්ගේ ස්ථාවරය ලෙස ප්‍රකාශයට පත්ව ඇත්තේ මැතිවරණයේ අවසන් දින කිහිපය තුළ ජනාධිපතිවරයා සිය සීමාව ඉක්මවා කටයුතු කළ බවත් එහිදී ඔහු අතින් විවේචනය වන්නේ තමන්ම නායකත්වය දෙන යහපාලන සම්මුති ආණ්ඩුව බව අමතකවූ බවක් පෙනෙන්නට තිබූ බවය.

ජනාධිපතිවරයාව කිසිම හේතුවක් මත විවේචනය නොකිරීමටත් හැකි සෑම විටම යහපාලන සම්මුති ආණ්ඩුව රකින ලෙසටත් පක්ෂය ලබාදුන් තීන්දුව හේතුවෙන් පක්ෂයට එරෙහිව නැගුනු චෝදනාවන්ට නිසි පිළිතුරු සැපයීමට නොහැකිවීමද පක්ෂයේ දේශපාලන පසුබෑමට හේතුවූ බවද ඔවුන් පෙන්වාදී ඇත.

ජාතිවාදයටත් ඇද වැටිලා

එසේම එජාප පාර්ලිමේන්තු කණ්ඩායමේ සුළු ජාතික නියෝජිතයන් පෙන්වාදී ඇත්තේ ජනාධිපතිවරයා සමහර අවස්ථා වලදී ජාතිවාදී ස්ථාවරයකට පැමිණ ඇති බවක් පෙන්නුම් කළ බවත් එහි වාසිය අවසානයේ රාජපක්ෂ පාර්ශවයට ලැබී ඇති බව මැතිවරණ ප්‍රතිඵල හරහා පෙන්නුම් කරන බවය.

අගමැති අයින් වෙන්න නම් ජනාධිපතිත් අයින් වෙන්න ඕන

අනතුරුව අමාත්‍ය වජිර අබේවර්ධන ඊට තම අදහස් එක්කරමින් සඳහන් කර ඇත්තේ අග්‍රාමාත්‍යවරයා ඇතුළුව එජාප නායකයින් සෘජුව ඉලක්ක කර ජනාධිපතිවරයා ඇතුළු සමස්ථ පාර්ශවයක් අද්භූත චෝදනා නැගු පසුබිමක 30%කට අධික ජන්ද ප්‍රතිශතයක් ගැනීම වැදගත් බවය. එසේම 30%ක ජන්ද ප්‍රතිශතයක් ලැබීම පදනම් කරගෙන අග්‍රාමාත්‍යවරයා ඉල්ලා අස්විය යුතු බවට යෝජනා කරනවා නම් ඒ සමඟ 13%ක ජන්ද ප්‍රතිශතයක් ලබාගත් ජනාධිපතිවරයාද ඉල්ලා අස්විය යුතු බව වජිර අමාත්‍යවරයා අවධාරණය කර ඇත.

මෙහිදී මංගල සමරවීර අමාත්‍යවරයාද සිය අදහස් දක්වා ඇති අතර එහිදී ඔහු සඳහන් කර ඇත්තේ මැතිවරණ පරාජයේ මුලික වගකීම ජනාධිපතිවරයා බාරගත යුතුව ඇති බවය.

ජනාධිපති සමඟ සාකච්ඡාවට කැබිනට් සාමාජිකයන්

ඒ අනුව එජාප තනි ආණ්ඩුවක් වෙනුවෙන් වන යෝජනාව එම පක්ෂයේ පාර්ලිමේන්තු කණ්ඩායම ඒකජන්දයෙන් අනුමත කරගෙන ඇති අතර පසුව තම තීරණය සමුහයක් ලෙස ජනාධිපතිවරයා හමුවී දැනුම්දිය යුතු බවටද යෝජනා වී ඇති බව වාර්තා වෙයි.

එහෙත් ඒ පිළිබඳ ජනාධිපතිවරයාගේ පාර්ශවය දැනුම්දී ඇත්තේ සමස්ථ පාර්ලිමේන්තු කණ්ඩායමට රැස්වීමට තරම් පහසුකමක් ජනාධිපති නිල නිවසේ නොමැති බවත් ඒ හේතුවෙන් රාත්‍රී හමුව සඳහා කැබිනට් මණ්ඩලය නියෝජනය කරන ඇමතිවරුන් පමණක් සහභාගී වන ලෙසය.

ඒ අනුව පාර්ලිමේන්තු කණ්ඩායමේ තීරණය ජනාධිපතිවරයාට සැලකිරීමේ අවස්ථාව සිය කැබ්නට් මණ්ඩල සාමාජිකයන්ට පැවරීමට පොදු එකඟතාවක් මත එම විශේෂ රැස්වීම අවසන් වූ බවද එක්සත් ජාතික පක්ෂ ආරංචිමාර්ග සඳහන් කර සිටියි.

වාර්තා වන ආකාරයට මේ වන විටත් එක්සත් ජාතික පක්ෂය නියෝජනය කරන කැබිනට් සාමාජිකයන් සහ ජනාධිපතිවරයා අතර ජනාධිපති නිල නිවසේ සාකච්ඡාව සිදුවෙමින් පවතී.

Comment (0) Hits: 869

රනිල්ගේ ආණ්ඩුවට අපේ සහය නෑ - අමාත්‍ය ඩිලාන්

රනිල් වික්‍රමසිංහ මහතා අග්‍රාමාත්‍ය ධුරය හොබවන ආණ්ඩුවක් සඳහා එක්සත් ජනතා නිදහස් සන්ධානයේ සහය කිසි ලෙසකින් හෝ නොලැබෙන බව රාජ්‍ය අමාත්‍ය ඩිලාන් පෙරේරා සඳහන් කරයි.

යෝජිත රනිල් වික්‍රමසිංහ අග්‍රාමාත්‍යවරයාගේ ප්‍රධානත්වයෙන් යුතු එක්සත් ජාතික පක්ෂයේ තනි ආණ්ඩුවක් පිහිටුවීම පිළිබඳ මාධ්‍ය කළ විමසුමකදී රාජ්‍ය අමාත්‍යවරයා මේ බව සඳහන් කර ඇත.

එසේම මේ පිළිබඳ ප්‍රකාශයක් නියෝජ්‍ය කතානායක තිලංග සුමතිපාලද සිදුකර ඇත. එහිදී නියෝජ්‍ය කතානායකවරයා සඳහන් කර ඇත්තේ ශ්‍රීලනිප සහ එක්සත් ජනතා නිදහස් සන්ධානයේ මෛත්‍රී පාර්ශවයේ කිසිඳු සහයක් එජාප ආණ්ඩුවකට ලබානොදීමට තීරණයක් ගෙන ඇති බවය.

එජාප ආණ්ඩුවට යන ශ්‍රීලනිප මන්ත්‍රීන්ට ඇමතිකම් නෑ

මේ අතර එක්සත් ජාතික පක්ෂය පිහිටුවන තනි ආණ්ඩුවක් සඳහා සහය පළකිරීමට එකතුවන ශ්‍රීලංකා නිදහස් පක්ෂය හෝ එක්සත් ජනතා නිදහස් සන්ධානය නියෝජනය කරන කිසිවෙකුට අමාත්‍යධුර ලබානොදීමට ජනාධිපති මෛත්‍රීපාල සිරිසේන තීරණය කර ඇති බව ජනාධිපති උපදේශකයකු සඳහන් කළ බවද වාර්තා වෙයි.

ජවිපෙ සහ TNA තීරණාත්මකයි

කෙසේ වුවත් එක්සත් ජාතික පක්ෂය තනි ආණ්ඩුවක් පිහිටුවන්නේ නම් 2015 මහ මැතිවරණයේ ප්‍රතිඵලවලට අනුව පාර්ලිමේන්තුව තුළ සිදුවිය හැකි බල තුලනය වන්නේ එක්සත් ජාතික පක්ෂයට ආසන ධුර 106ක් සහ එක්සත් ජනතා නිදහස් සන්ධානයට හිමිවූයේ ආසන ධුර 95ක් ලෙසය.

ඒ අතරින් එක්සත් ජනතා නිදහස් සන්ධානය නියෝජනය කරන මන්ත්‍රිවරු 52ක් ඒකාබද්ධ විපක්ෂය සමග එක්ව පාර්ලිමේන්තුව තුළ කටයුතු කරයි.

දෙමළ ජාතික සන්ධානයට පාර්ලිමේන්තුව තුළ හිමිව ඇති මන්ත්‍රි ධුර සංඛ්‍යාව 16ක් වන අතර ජනතා විමුක්ති පෙරමුණට පාර්ලිමේන්තුවේ ආසන 6ක් හිමිව ඇත. එසේම ශ්‍රි ලංකා මුස්ලිම් කොංග්‍රසයට සහ ඊපීඩීපී පක්ෂයට එක් මන්ත්‍රි ධුරයක් බැගින් පාර්ලිමේන්තු අසුන් හිමිව ඇත.

ආණ්ඩුවක් හදන්න එජාපයට මන්ත්‍රීධුර 6ක් අඩුයි

ඒ අනුව එක්සත් ජාතික පක්ෂය ඉදිරියේදී පාර්ලිමේන්තුව තුල තනි ආණ්ඩුවක් පිහිටුවන්නේ නම් තවත් මන්ත්‍රීවරු 6 දෙනෙකුගේ සහය අවශ්‍යව පවතී.

Comment (0) Hits: 820

"ආණ්ඩුවට එකතු වෙන්නේ නෑ" - TNA

පළාත් පාලන මැතිවරණයේ ප්‍රතිඵලය හේතුවෙන් එක්සත් ජාතික පක්ෂය සහ ශ්‍රී ලංකා නිදහස් පක්ෂය ප්‍රමුඛ ජාතික සමගි ආණ්ඩුවේ දිගටම පවත්වාගෙන යා යුතුය යන්න සිය ස්ථාවරය බව දෙමළ ජාතික සන්ධානය පවසයි.

එහිදී අගමැති පදවියේ වෙනසක් විය යුතු ද, නැද්ද යන්න සම්බන්ධයෙන් පක්ෂය කිසිදු ස්ථාවරයක් නොදරන බවද දෙමළ ජාතික සන්ධානයේ (TNA)පාර්ලිමේන්තු මන්ත්‍රී, ජනාධිපති නීතිඥ එම්ඒ සුමන්දිරන් මහතා 'බීබීසී සිංහල සේවය'ට පැවසීය.

එක්සත් ජාතික ප්‍රශ්නයට තනි ආණ්ඩුවක් පිහිටුවීම සඳහා සහාය දෙන්නේ දැයි කළ විමසීමට පිළිතුරු දුන් ඔහු: "ඒ වගේ ඉල්ලීමක් අපිට තාම කරලත් නෑ. අනිත් එක කාටවත් ආණ්ඩු පිහිටුවන්න අපි සහාය දෙන්නෙත් නෑ. ඒ කියන්නේ අපි කොටස්කරුවෙක් වශයෙන් රජයට එකතු වෙන්නේ නෑ," යනුවෙන් පැවසීය.

"ජාතික ප්‍රශ්නයට විසඳුමක් සොයන තෙක් අපි ආණ්ඩුවේ පාර්ශවකරුවන් වෙන්නේ නෑ කියන එක අපේ ස්ථාවරය."

 'එහෙම යෝජනාවක් කරලා නෑ'

ශ්‍රී ලංකා නිදහස් පක්ෂ මන්ත්‍රීවරුන් ආණ්ඩුවෙන් ඉවත්වුවහොත් එක්සත් ජාතික පක්ෂයේ ආණ්ඩුවක් පිහිටුවීම පිණිස සහාය දෙන්නේ නම් දෙමළ ජාතික සන්ධානයට කැබිනට් අමාත්‍ය තනතුරු කිහිපයක් ප්‍රදානය කිරීමට යෝජනා කර ඇති බවට ද සමාජ මාධ්‍යවල අදහස් පළවෙමින් පවතී.

එහෙත් දෙමළ ජාතික සන්ධානයේ ප්‍රකාශකයා එවැනි සියලු වාර්තා ප්‍රතික්ෂේප කරයි.

"නෑ එහෙම යෝජනාවක් කරලා නෑ. කවුරුත් අපිට ඒ වගේ කතාකරලත් නෑ."

එහෙත් කිසියම් ලෙසකින් ආණ්ඩුවේ කොටස්කරුවෙකු නොවී සහාය දීම පිළිබඳව ඉල්ලීමක් ඉදිරිපත් වුවහොත් ඒ පිළිබඳව පක්ෂය සාකච්ඡා කරනු ඇති බවත් එම්ඒ සුමන්දිරන් මන්ත්‍රීවරයා සඳහන් කළේය.

කෙසේ වුවත්, "කවුරුත් ආණ්ඩු පිහිටුවන්නට අපේ කණ්ඩායම් එකතු කරලා බහුතර බලය පෙන්නන්නට හෝ පසුව ආණ්ඩුවේ කොටස්කරුවෙක් වශයෙන් එකතු වෙන්නට අපි සහාය දෙන්නේ නෑ," යනුවෙන් යළිත් වරක් පැහැදිලි කළේය.

'ජාතික සමගි ආණ්ඩුව දිගටම යන්න ඕනේ'

විශේෂයෙන්ම අගමැති රනිල් වික්‍රමසිංහ පදවියෙන් ඉල්ලා අස් වී, එක්සත් ජාතික පක්ෂයේ වෙනත් නායකයෙකුට අගමැති පදවිය ලබා දිය යුතු බවට ජනාධිපති මෛත්‍රීපාල සිරිසේන ප්‍රමුඛ ශ්‍රී ලංකා නිදහස් පක්ෂය දරන ස්ථාවරය පිළිබඳව "අපිට කිසිම සම්බන්ධයක් නැති," බව පවසන ඔහු "අපේ ස්ථාවරය මේ ජාතික සමගි ආණ්ඩුව දිගටම යන්න ඕනේ කියන එක," බවත් අවධාරණය කළේය.

මේ අතර පළාත් පාලන මැතිවරණයේදී සිය පක්ෂයට ලැබුණු ඡන්ද ප්‍රමාණය අඩු වී ඊපීඩීපී පක්ෂයට සහ සමස්ත ලංකා දෙමළ කොන්ග්‍රසයට ලැබුණු ඡන්ද ප්‍රමාණය ඉහළ ගොස් ඇති බව පිළිගත් සුමන්දිරන් මන්ත්‍රීවරයා, ඒ පිළිබඳ පක්ෂ නායකයන් ළඟදීම රැස් වී සාකච්ඡා කිරීමට නියමිත බවත් වැඩිදුරටත් සඳහන් කළේය.

(බීබීසී සිංහල සේවය)

Comment (0) Hits: 926

සාගල ඉවතට : පොලිසිය බාර ඇමතිකම රාජිතට !

ඉදිරියේදී පැවැත්වෙන අමාත්‍ය සංශෝධනයේදී නීතිය හා සාමය අමාත්‍යංශය රාජිත සේනාරත්න මහතා යටතට පත් කිරීමට ජනාධිපතිවරයාට නිර්දේශ කරන්නැයි එජාප ජ්‍යෙෂ්ඨ අමාත්‍යවරුන් කිහිප දෙනෙකුම අගමැති රනිල් වික්‍රමසිංහ මහතාට යෝජනා කර තිබේ.

ඒ අතර ජනවාරි 08 බලවේගයේ සිවිල් සංවිධාන නියෝජිතයින් කිහිප දෙනෙකුද එම යෝජනාව ඉදිරිපත් කර ඇත.

පසුගිය පාලන සමයේ සිදුවූ වංචා දුෂණ විමර්ශනය කිරීමේදී රාජපක්ෂවරුන්ට නොනිල මට්ටමින් සහය දක්වන බවට පොලිසිය බාර අමාත්‍ය සාගල රත්නායක මහතාට චෝදනා එල්ලවීම මෙවැනි යෝජනාවක් ඉදිරිපත් වීමට හේතුවී තිබේ.

වත්මන් ආණ්ඩුව බලයට පත්කිරීමට දායකවූ 'සාධාරණ සමාජයක් උදෙසා වූ ජාතික ව්‍යාපාරයේ සභාපති මහාචාර්ය සරත් විජේසුරිය මහතා, මැතිවරණ පරාජය සම්බන්ධයෙන් අදහස් දක්වමින් අමාත්‍ය සාගල රත්නායක මහතාගේ හැසිරීම දැඩි ලෙස විවේචනය කළේය.

Comment (0) Hits: 1388

ප්‍රශ්නය රනිල් නෙවෙයි ! : ඇමති පාඨලීගෙන් ඇමති කබීර්ට ඇමතුමක්

ආණ්ඩුව මුහුණදී සිටින දේශපාලන අර්බුදයට හේතුව එක්සත් ජාතික පක්ෂයේ නායකත්වය හෝ අග්‍රාමාත්‍යධූරය රනිල් වික්‍රමසිංහ දැරීම නොවන බව සඳහන් කරමින් අමාත්‍ය පාඨලී චම්පික රණවක විසින් අමාත්‍ය කබීර් හෂීම්ට දුරකතනයෙන් අමතා දැනුම්දී ඇති බව වාර්තා වෙයි.

අමාත්‍ය පාඨලී චම්පික රණවකට සමීප ආරංචිමාර්ග සඳහන් කරන ආකාරයට පළාත් පාලන මැතිවරණ ප්‍රතිඵලය හරහා ජනතාව ආණ්ඩුව වෙත බරපතල පණිවිඩයක් එවා ඇති බවත් එය නිවැරදිව තේරුම්ගෙන වැඩ නොකළහොත් ඉතා අර්බුදකාරී දේශපාලන වාතාවරණයකට මුහුණදීමට සිදුවිය හැකි බවද අමාත්‍යවරයා එහිදී සඳහන් කර ඇත.

එසේම ආණ්ඩුවේ වැඩ කටයුතු මීටවඩා විධිමත් බවකින් සිදුවිය යුතු බවත් පොදු එකඟතාවක් සහිත වෙනස් වැඩපිළිවෙලක් දියත්කර ජනවාරි 08 බලවේග මෙන්ම ආණ්ඩුව පාර්ශවයෙන් ඈත්වෙමින් සිටින බලවේග නැවත දිනාගත යුතුව ඇති බවද අමාත්‍යවරයා එහිදී පවසා ඇත.

තවද තමන් දිගින් දිගටම දුෂිතයන්ට දඬුවම් ලබාදීම සඳහා විශේෂ අධිකරණයක් ඉල්ලා අඛණ්ඩව ආණ්ඩුව තුළ පෙනී සිටී බව සිහිපත් කර ඇති අමාත්‍යවරයා ඊට අවශ්‍ය වුවමනාව නොමැතිව කටයුතු කිරීම හමුවේ "හොරු" ජනතා වරම කොල්ලකන තත්ත්වයට වර්ධනය වී ඇති බවද අමාත්‍යවරයා, කබීර් හෂීම් අමාත්‍යවරයාට අවධාරණය කර ඇති බවද වාර්තා වෙයි.

Comment (0) Hits: 995

"දිගටම අගමැති රනිල් නම් !" : ශ්‍රීලනිප තීන්දුව ඇමති නිමල් දැනුම්දෙයි

එක්සත් ජාතික පක්ෂයේ නායක රනිල් වික්‍රමසිංහ අග්‍රාමාත්‍යවරයා ලෙස දිගටම කටයුතු කරනවා නම් ආණ්ඩුවට සහය දුන් තමන් ඇතුළු ශ්‍රීලංකා නිදහස් පක්ෂය සහ එක්සත් ජනතා නිදහස් සන්ධාන පාර්ශවය පාර්ලිමේන්තුවේ ස්වාධීන මන්ත්‍රී කණ්ඩායමක් වශයෙන් කටයුතු කිරීමට තීරණය කර ඇති බව නිමල් සිරිපාල ද සිල්වා අමාත්‍යවරයා පවසා ඇති බව වාර්තා වෙයි.

41න් 35ක් පොහොට්ටුවට යන්නෙම නෑ

මෙම තීන්දුව පිළිබඳ ඊයේ (12) රාත්‍රියේ නිමල් සිරිපාල ද සිල්වා අමාත්‍යවරයා ආණ්ඩුව නියෝජනය කළ අමාත්‍යවරුන් ගණනාවකට දුරකථනය හරහා දැනුම්දී ඇති බවත් එහිදී ආණ්ඩුවට සහය පලකළ තම පාර්ශවයේ 41 දෙනා අතුරින් 35ක් කිසිම හේතුවක් මත ශ්‍රී ලංකා පොදුජන පෙරමුණ සමඟ සම්බන්ධ නොවීමේ දැඩි ස්ථාවරයක සිටින බවද එහිදී නිමල් සිරිපාල ද සිල්වා අමාත්‍යවරයා සඳහන් කර ඇති බවද වාර්තා වෙයි.

ඒ අතර ශ්‍රී ලංකා නිදහස් පක්ෂයේ ජේෂ්ට නායකයින් වන අමාත්‍ය සුසිල් ප්‍රේම්ජයන්ත්, අනුර ප්‍රියදර්ශනද යාපා, දයාසිරි ජයසේකර, ඩිලාන් පෙරේරා, ලක්ෂමන් යාපා අබේවර්ධන ඇතුළු පිරිසක් සිටින බවත් අදාළ තීරණය පිළිබඳ මේ වන විට ජනාධිපතිවරයාවද දැනුවත් කර ඇති බවත් අමාත්‍ය නිමල් සිරිපාල ද සිල්වා සඳහන් කළ බව වාර්තා වෙයි.

ප්‍රශ්නය දේශපාලනිකයි

අදාළ දැනුම්දීම සිදුකරමින් තමන් ඇතුළු ශ්‍රීලනිප සහ සන්ධාන පාර්ශවයට එක්සත් ජාතික පක්ෂය හෝ අග්‍රාමාත්‍යවරයා සමඟ පෞද්ගලික අමනාපයක් නොමැති බවත් නමුත් පළාත් පාලන මැතිවරණය තුළ ජනතාව ලබාදී ඇති ප්‍රතිචාරය පිළිගැනීමට නම් අග්‍රාමාත්‍යවරයා වෙනස් වියයුතු බව තම පාර්ශවයේ අදහස බවත් අමාත්‍ය නිමල් සිරිපාල ද සිල්වා සඳහන් කළ බවද වැඩිදුරටත් වාර්තා වෙයි.

Comment (0) Hits: 1606

එජාප තනි ආණ්ඩුව ස්ථිරයි : එජාප පසුපෙළ මාධ්‍ය හමුවේ දැඩිව අවධාරණය කරයි

එක්සත් ජනතා නිදහස් පක්ෂයේ තනි ආණ්ඩුවක් සෑදීම වෙනුවෙන් තම පක්ෂය ඒකමතික තීන්දුවකට පැමිණි බව එක්සත් ජාතික පක්ෂයේ පසුපෙළ මන්ත්‍රීවරුන් සඳහන් කරයි.

අද (13) අග්‍රාමාත්‍යවරයා ඇතුළු පක්ෂ නායකත්වය සමඟ අරලියගහ මන්දිරයේදී එජාප පාර්ලිමේන්තු කණ්ඩායම පැවැත්වූ සාකච්ඡාවේදී මෙම තීන්දුව ගනුලැබූ බවත් ඒ අනුව පිහිටුවනු ලබන ආණ්ඩුව මුළුමනින්ම එක්සත් ජාතික පක්ෂයේ යෝජනා ප්‍රතිපත්ති සහ දැක්ම අනුව කටයුතු කරන්නක් වියයුතු බවට තමන් එජාප නායකත්වයට දැනුම්දුන් බවද එම මන්ත්‍රීවරුන් සඳහන් කර සිටියි.

ඔවුන් මෙම අදහස් දැක්වීම සිදුකරනු ලැබුවේ අරලියගහ මන්දිරයේ පැවති සාකච්ඡා ව අවසන් කර මාධ්‍ය අසනු ලැබූ ප්‍රශ්නවලට පිළිතුරු දෙමින්ය.

එහිදී අග්‍රාමාත්‍යධූරයේ වෙනසක් සිදුවන බවට පළවන මාධ්‍ය වාර්තා සම්බන්ධව මාධ්‍ය සිදුකළ විමසීමේදී එම මන්ත්‍රීවරුන් සඳහන් කර සිටියේ අග්‍රාමාත්‍යධුරයේ කිසිඳු වෙනසක් සිදු නොවන බවත් පළමුව තනි එජාප ආණ්ඩුවක් පිහිටුවීමෙන් පසුව පක්ෂයේ වැඩ කටයුතු සහ ඉදිරි වැඩපිළිවෙල සම්බන්ධව පුළුල් සාකච්ඡාවක් අරඹන බවද ඔවුන් පැවසීය.

මෙහිදී අග්‍රාමාත්‍යවරයා වෙනස් කිරීම සම්බන්ධව දිගින් දිගටම මාධ්‍ය ප්‍රශ්න කරන්නට ගත් අතර එහිදී එම මන්ත්‍රී කණ්ඩායම සඳහන් කර සිටියේ තම පක්ෂය ආණ්ඩුව ලබාගෙන පසුව සිරස ආයතනයට ගොස් අගමැතිවරයා කවුරු වියයුතුද යන්න ගැන දැනගෙන ඔවුන් අවසර දෙන අයෙකුට අගමැති ධූරය ලබාදීමට කටයුතු කරන බවය.

Comment (0) Hits: 1026

ඇමතිවරුන් 30 සමඟ UNP ආණ්ඩුවක් : සියළු අමාත්‍යවරුන් කොළඹ රැඳෙන්නැයි දැනුම්දීමක්

අමාත්‍යමණ්ඩලය 30 කට සීමා කර එක්සත් ජාතික පක්ෂයේ තනි ආණ්ඩුවක් පිහිටුවීමට එක්සත් ජාතික පක්ෂය සුදානම් බව එම පක්ෂයේ සිරිකොත මුලස්ථාන ආරංචිමාර්ග සඳහන් කර සිටියි.

පාර්ලිමේන්තුව තුළ සරල බහුතරයක් පෙන්වීම වෙනුවෙන් මේ වන විට ශ්‍රීලංකා නිදහස් පක්ෂයේ මැති ඇමතිවරුන් 10 කට ආසන්න පිරිසක් සමඟ පක්ෂය සාකච්ඡා කර ඇති බවත් එම සාකච්ඡා ඉතා සාර්ථක මට්ටමක පවතින බවද එම ආරංචිමාර්ග සඳහන් කරයි.

ශ්‍රීලනිපයේ රාජපක්ෂ විරෝධීන් 10ක් එජාප ආණ්ඩුවට

මෙසේ ශ්‍රී ලංකා නිදහස් පක්ෂය නියෝජනය කරමින් සරල බහුතර ආණ්ඩුවක් වෙනුවෙන් එක්සත් ජාතික පක්ෂය සමඟ සාකච්ඡා කර ඇත්තේ දැඩි රාජපක්ෂ විරෝධී ප්‍රවණතාවක සිටින මැති ඇමති පිරිසක් බවත් ශ්‍රී ලංකා නිදහස් පක්ෂය පොදුජන පෙරමුණ සමඟ සමඟි සන්ධානයකට එළඹුණහොත් එම පිරිස් අතරින් කිහිපදෙනෙකු එක්සත් ජාතික පක්ෂයේ සාමාජිකත්වය ගැනීමට පවා අපේක්ෂාවෙන් සිටින බවද එම ආරංචිමාර්ග වැඩිදුරටත් සඳහන් කර සිටියේය.

ඇමතිවරුන්ට කොළඹින් පිට යන්න එපා : පක්ෂ නායකත්වය දැනුම්දීලා

එසේම මේ වන විට එක්සත් ජාතික පක්ෂය නියෝජනය කරන සියළු අමාත්‍යවරුන් කොළඹින් බැහැර නොවන ලෙසට පක්ෂ නායකත්වය දැනුම්දී ඇති බවද සිරිකොත ආරංචිමාර්ග පවසයි.

එජාප නායකයින් අදත් ජනාධිපති සමඟ සාකච්ඡාවක

තවද එක්සත් ජාතික පක්ෂයේ අමාත්‍යවරුන් සහ ජනාධිපති මෛත්‍රීපාල සිරිසේන මහතා අතර විශේෂ සාකච්ඡාවක් අද (13) පස්වරුවේ පැවැත්වීමට නියමිතව ඇති බවත් එහිදී සරල බහුතරය පෙන්වා ආණ්ඩුවක් පත්කර ගැනීමේ පක්ෂයේ අදහස නිල වශයෙන් ජනාධිපතිවරයාට දැනුම්දෙනු ඇති බවත් සිරිකොත ආරංචිමාර්ග අනාවරණය කර සිටියි.

ඕන කෙනෙක් සමඟ ආණ්ඩුවක් හදනවා : ඇමති මලික්

මේ අතර පාර්ලිමේන්තු මැතිවරණයට තවත් වසර දෙකහමාරක කාලයක් පවතින බැවින් ආණ්ඩු වෙනසක අවශ්‍යතාවක් නොමැති බවත් ආණ්ඩුව ඉදිරියට පවත්වාගෙන යාම සඳහා සහය දැක්වීමට කැමැත්ත පල කරන ඕනෑම පක්ෂයක් සමඟ එක්ව කටයුතු කිරීමට එක්සත් ජාතික පක්ෂය සූදානම් බවත් අමාත්‍ය මලික් සමරවික්‍රම  මාධ්‍ය වෙත පවසා ඇති බවද වාර්තා වෙයි.

එහිදී ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානයට ද ආණ්ඩුව සමඟ එක්ව කටයුතු කිරීමට හැකියාව පවතින බවද මලික් සමරවික්‍රම අමාත්‍යවරයා සඳහන් කර ඇති අතර පසුගිය පළාත් පාලන ඡන්ද විමසීමේ ප්‍රතිඵලවලට අනුව එක්සත් ජාතික පක්ෂයේ ඡන්ද ප්‍රතිශතයේ අඩුවීමක් නොමැති බවද පවසා ඇත.

Comment (0) Hits: 1056

පැලකරගෙන යන තනි ආණ්ඩු සංකල්පය ස්වයං උඟුලක් !

පැලකරගෙන යන තනි ආණ්ඩු සංකල්පය ස්වයං උඟුලක් බව ජනාධිපති කාර්යාලයේ නිලධාරියකු විසින් පවත්වා ගෙන යන වෙබ් අඩවියක් අවධාරණය කර තිබේ.

එම පුවත් විග්‍රහයේ මෙසේද සඳහන් වේ.

''තම ආණ්ඩු බලයක් යටතේ පැවති පළාත් පාලන ඡන්දයේ පරාජිත ප්‍රතිඵලයත් සමඟ අරාජික වූ එක්සත් ජාතික පක්ෂය, මේ වන ඉන් ගොඩ ඒමට මං පෙත් සොයමින් දිනකට සාකච්ඡා වට 4, 5 පවත්වමින් නිදි නැතිව රැය පහන් කරමින් සිටින බව එම පක්ෂයේම අභ්‍යන්තර ආරංචි මාර්ග සඳහන් කරයි.

කෙසේ හෝ මෙම පරාජය වසාගෙන පාක්ෂිකයින්ගෙන් සැඟව යෑම සඳහා එක්සත් ජාතික පක්ෂය මේ වන විට විවිධ උපක්‍රම සොයමින් සිටින අතර එහි උපක්‍රමයක් ලෙස මේ වන විට එක්සත් ජාතික පක්ෂයට සම්බන්ධ මාධ්‍ය හරහා “එජාප තනි ආණ්ඩුවක්” පිහිටුවන බවට වූ පුවතක් පැල කරමින් සිටී.

මෙය පරාජයෙන් කලකිරීමකට පත් එජාප පාක්ෂිකයා අන්දවන ස්වයං වින්දනාත්මක ප්‍රවෘත්තියක් බවට පත්වන්නේ එය ප්‍රායෝගිකව කළ නොහැකි දෙයක් මෙන්ම වත්මන් ආණ්ඩුක්‍රම ව්‍යවස්ථාව අධ්‍යයනය කිරීම තුලිනි.

කල හැකි දෙයක් නොවේ :

පාර්ලිමේන්තුවේ බහුතර බලයක් නැති එක්සත් ජාතික පක්ෂයට තවත් පක්ෂයක හෝ වෙනත් පක්ෂවල මන්ත්‍රීවරුන් බිලි බා ගැනීම සිදුකළ යුතුව ඇත.

එසේ සිදුකරන්නේ නම් ඔවුන්ට ඇමතිකම් ඇතුළු වරදාන වරප්‍රසාද රාශියක් පිළිගැන්විය යුතුව ඇත.

එහෙත් මෙයද ප්‍රායෝගිකව සිදුකළ නොහැකි වන්නේ 19 වන ආණ්ඩුක්‍රම ව්‍යවස්ථාවේ 46 වන වගන්තියට අනුව කැබිනට් මණ්ඩලය 30 ට වඩා වැඩි කළ හැකිවන්නේ පාර්ලිමේන්තුවේ වැඩිම ආසන ගත් පක්ෂය සහ ඊට දෙවනුව ගත් පක්ෂයයි අතර සන්ධානයක් වුවහොත් පමණි. 46 (5) වගන්තියෙන් මෙය අර්ථ ගන්වා ඇත.

රනිල් වික්‍රමසිංහ මහතා තනි ආණ්ඩු සංකල්පයට පිවිසීම යනු මෙම 46(5) වගන්තියෙන් බැහැර වන බව වන අතර එහිදී ඔහුට ඉතිරිවන්නේ කැබිනට් ඇමතිවරුන් 30 ක්, රාජ්‍ය සහ නියෝජ්‍ය ඇමතිවරුන් 40 ක් පමණි.

එනම් මුලු ඇමතිවරුන් ප්‍රමාණය 70 නොඉක්මවිය යුතු බව ආණ්ඩුක්‍රම ව්‍යවස්ථාවේ 46(1) වගන්තියෙන් දක්වා ඇත.

ශ්‍රීලනිප ඇමතිවරුන් බිළිබා ගැනීමට !

රනිල් වික්‍රමසිංහට එක්සත් ජාතික පක්ෂයේ තනි ආණ්ඩුවක් වෙනුවෙන් ශ්‍රී ලංකා නිදහස් පක්ෂයේ මන්ත්‍රීවරු සම්බන්ධ කරගැනීමට ශ්‍රීලනිපයේ එකඟතාවය හිමි නොවන අතර එසේ වුනහොත් ශ්‍රීලනිප මන්ත්‍රීවරුන් කිහිපදෙනෙකු බිලි බා ගැනීමට සැලසුම් කරමින් සිටින බවද වාර්තාවේ.

එජාපයේ මෙම මෙහෙයුමට බිලි බා ගැනීම සඳහා ශ්‍රීලනිපයේ මන්ත්‍රීවරුන් වන මනූෂ නානයක්කාර , ඉන්දික බණ්ඩාරනායක සහ ශ්‍රීලනිපයේ ප්‍රධානියෙකු සමඟ එජාපයේ ඉහළින්ම ආරාධනා කොට ඇති අතර ඔවුන් එය ප්‍රතික්ෂේප කොට ඇති බවද සඳහන්.

එහෙත් ශ්‍රීලනිපයෙන් හොරෙන් මන්ත්‍රීවරුන් බිලි බා ගෙන ආණ්ඩු පිහිටුවීමට ගියහොත් එය ජනාධිපතිවරයා විසින් ප්‍රතික්ෂේප කරනු ඇති අතර, එසේ ප්‍රතික්ෂේප කිරීමේත් ඇමතිවරුන් පත්කිරීමේත් පූර්ණ බලය පවතින්නේද ජනාධිපතිවරයා අතෙහි වීම සුවිශේෂීය.

එජාපයේ ඇමතිවරුන්ට ඉවත් වී යාමට සිදුවීම:

අනෙක් කරුණ නම් මෙවැනි තත්වයක් යටතේ එසේ පත්කිරීම සඳහා එජාපයට ඇමතිධුර නොමැති අතර, තිබෙන ඇමතිධුරවලින් එජාපයේ ඇමතිවරුන්ට ඉවත් වී යාමට සිදු වීමයි.

ඊට මේ වන විටත් එක්සත් ජාතික පක්ෂයේ මැති ඇමතිවරුන් රැසක් තම බලවත් අප්‍රසාදය පළකොට ඇත.

එජාපයේ මෙම දැවැන්ත පරාජයත් සමඟ ආණ්ඩු බලය පවත්වාගෙන යන්නේ කෙසේද යන්න පිළිබඳව එජාපය ඊයේත්, අදත් අභ්‍යන්තර සාකච්ඡා වට ගණනාවක් පවත්වන ලද අතර ඊයේ එම පක්ෂයේ නායක වත්මන් අගමැති රනිල් වික්‍රමසිංහ මහතා ජනාධිපති මෛත්‍රීපාල සිරිසේන මහතා සමඟ පැය ගණනාවක සාකච්ඡාවක්ද සිදුකරන ලදී.

Comment (0) Hits: 850

සුරේන් රත්වත්තේ ශ්‍රී ලංකන් ගුවන් සමාගමේ සේවක දඩයමක

ශ්‍රී ලංකන් ගුවන් සමාගම දිනෙන් දින වලපල්ලට ගියත් මිලියන 04ක් වැටුප් ලබන ශ්‍රීලංකන් ප්‍රධාන විධායක නිලධාරි සුරේන් රත්වත්ත තවමත් ශ්‍රීලංකන් සමාගමේ කටයුතු අත්තනෝමතිකව සිදුකරමින් සිටින බව වාර්තා වෙයි.

ප්‍රධාන විධායක සේවක දඩයමක

ඒ පිළිබඳ සඳහන් කරමින් සේවකයින් පෙන්වා දෙන්නේ තම සමාගමේ සිටින දක්ෂ සහ අවංක නිලධාරීන් රැසකගෙන් පළිගැනීමට ශ්‍රී ලන්කන් ගුවන් සමාගමේ ප්‍රධාන විධායක නිලධාරියා කටයුතු කරමින් සිටින බවය.

මේ ආකාරයෙන් පළාත් පාලන ආයතන මැතිවරණය අතරතුර සේවකයින්ගෙන් පළිගන්නට කටයුතු කළ අවස්ථාවේ මැතිවරණ කොමිසමේ සභාපතිවරයාගේ නියෝගයෙන් එය වැළකී ගිය බවත් නමුත් ප්‍රධාන විධායක නිලධාරියාගේ ප්‍රධාන ගෝලයකුවන "සියවසේ අසාර්ථක ඉංජිනේරු අංශ ප්‍රධානියා" ලෙස සේවකයින් අතර පුද්ගලයා යොදාගෙන මැතිවරණයට පසුදා සිටම සේවක දඩයම ආරම්භ කර ඇති බවද ඔවුන් සඳහන් කරයි.

දක්ෂ සේවකයින් සමාගම හැරයයි

ඒ අනුව මේ වන විටත් ශ්‍රී ලංකන් ගුවන් සමාගමේ සේවකයින් කිහිපදෙනකුට වහාම ස්ථාන මාරුවීම් ලබාදී ඇති බව වාර්තා වන අතර මෙම අකටයුතුකම් හමුවේ ඊට විරෝධය පළකර ගුවාන් සමාගමේ වසර 30ක අඛණ්ඩ සේවයක් සිදුකරන ලද එහි කීර්තිමත් ප්‍රධාන ඉංජිනේරුවකු වන රෙහාන් ප්‍රනාන්දු මහතා සේවය හැරදා ගියබවද වාර්තා වෙයි.

වැඩකට නැති ගුවන් බස් නිසා බරපතල පාඩුවක්

එසේම ශ්‍රීලංකන් ඉංජිනේරු අංශය විසින් නිර්දේශ කරනු ලදුව මිලට ගත් නවීන එයාර්බස් 320neo මාදිලියේ ගුවන්යානා සියල්ල (4R-ANA, 4R-ANB, 4R-ANC, 4R-AND හා 4R-ANE) යාන්ත්‍රික දෝෂ හේතුවෙන් ගුවන්ගමන් වලට දායක නොවන බවද වාර්තා වන අතර ඉන් යානා 02ක එන්ජින් නැවත මාරු කොට ඇත්තේ එකක් ඇමරිකානු ඩොලර් 275,000ක් බැගින් බවද සේවකයින් සඳහන් කරයි.

මෙම යානාවල පවතින දෝෂ හේතුවෙන් සෑම ගුවන් පැය 650කටම වරක් ඇමරිකානු ඩොලර් 15,000 ක් වියදම් දරමින් එන්ජින් වල හෝස් මාරු කිරීමටද සිදුව ඇති බවත් ඒවා ලබාගැනීමේදී නිසි වගකීම් ලබාගෙන තිබුණද එහි ප්‍රධානියා විසින් අත්තනෝමතික ලෙස නැවත අළුතින් මුදල් ගෙවමින් නඩත්තු කටයුතු කරන්නේ මන්දැයි යන්න ගැටළු සහිත බවද සේවකයින් පෙන්වා දෙයි.

යහපාලනය මේකද ?

යහපාලන රජය පත්වූයේ මෙවැනි මුදල් නාස්තීන් නවතා මහජනයාට යහපත් සේවයක් සැලසීමට වුවත් එය මේ වන විට ශ්‍රී ලංකන් ගුවන් සේවයට අදාළව සිදු නොවන බව පෙන්වා දෙන සේවකයින් වැඩිදුරටත් සඳහන් කර සිටින්නේ ශ්‍රීලංකන් ගුවන්සේවය වැනි රටේ මුදල් කාබාසිනියා කරමින් සිටින ආයතනයක ප්‍රධානීන් මෙයට වඩා වගකීමෙන් කටයුතු කළ යුතු බවය. එසේම සිදුවන වැරදි පෙන්වා දුන් විට එම සේවකයින්ට මාරුවීම් ලබාදීම හිසරදයට කොට්ට මාරු කිරීමක් බවත් එහි සේවකයෝ පවසති.

email

Comment (0) Hits: 824

රනිල් රැකගන්න මංගල හා රාජිත දැඩි සටනක !

පළාත් පාලන මැතිවරණයෙන් ලද පරාජය බාරගනිමින් එජාප නායක රනිල් වික්‍රමසිංහ මහතා අගමැති ධුරයෙන් ඉල්ලා අස්විය යුතු බවට එජාප පසුපෙලින් හා ශ්‍රීලනිප ඇමතිවරුන් ගෙන් එල්ලවී ඇති බලපෑම් මුළුමනින්ම ප්‍රතික්ෂේප කර සිටින මංගල සමරවීර හා රාජිත සේනාරත්න යන අමාත්‍යවරුන් මැතිවරණ පසුබැසීම අගමැතිවරයා මත පමණක් පැටවීම යුක්ති සහගත නොවන බව අවධාරණය කර සිටිති.

අගමැති රනිල් වික්‍රමසිංහ මහතා පදවියෙන් ඉල්ලා අස් විය යුතු බවට ශ්‍රී ලංකා නිදහස් පක්ෂ මන්ත්‍රී කණ්ඩායම දරන අදහස ජනාධිපති මෛත්‍රීපාල සිරිසේන මහතා විසින් තහවුරු කර ඇති බවත්, අගමැති රනිල් වික්‍රමසිංහ මහතා නායකත්වයෙන් ඉවත්ව සජිත් ප්‍රේමදාස මහතාට හෝ කරු ජයසූරිය මහතාට නායකත්වය ලබාදිය යුතු බවට එජාපය තුළින්ම ඉල්ලීම් මතුවෙමින් පවතින බවත් 'බීබීසී සිංහල සේවය' වාර්තා කර ඇත.

මේ සම්බන්ධයෙන් ජනපතිවරයා සහ අගමැතිවරයා අතර සාකච්ඡාවක් ඊයේ (12) රාත්‍රී කොළඹ පැජට් පාරේ පිහිටි ජනාධිපති නිල නිවසේ පැවති බවත් ඒ අනුව එක්සත් ජාතික පක්ෂයෙන් නව අගමැතිවරයෙක් පත්කර ගන්නා මෙන් ජනාධිපතිවරයා එම පක්ෂයට දැනුම් දී තිබෙන බවත් ශ්‍රී ලංකා නිදහස් පක්ෂය නියෝජනය කරන ඇමතිවරයෙක් 'බීබීසී සිංහල සේවය'ට පවසා ඇත.

ශ්‍රී ලංකා නිදහස් පක්ෂයට අවශ්‍ය පරිදි සිය පක්ෂයේ සංශෝධන සිදුකිරීමට සූදානම් නැති අතර, එවැන්නක් සිදු විය යුත්තේ සිය පක්ෂය තුළින් බව මේ අතර අගමැතිවරයාගේ ස්ථාවරය වී ඇතැයි 'බීබීසී' පවසයි.

ජනාධිපතිගේ ස්ථාවරය මෙන්න :

ශ්‍රී ලංකා නිදහස් පක්ෂයේ මන්ත්‍රීවරුන් ද සම්බන්ධ කරගෙන තනි ආණ්ඩුවක් පිහිටුවන බවට එක්සත් ජාතික පක්ෂය ඉදිරිපත් කළ අදහසට ප්‍රතිචාර වශයෙන්, එවැනි ශ්‍රීලනිප සාමාජිකයන්ට තමන් අමාත්‍ය පදවි ලබා නොදෙන බව ජනාධිපතිවරයා පවසා ඇතැයි ද 'බීබීසී සිංහල සේවය' වාර්තා කර ඇත.

එජාපය දෙමළ ජාතික සන්ධානය සමග එක්ව නව ආණ්ඩුවක් පිහිටුවන්නේ නම්, එවිට නව ව්‍යවස්ථාවක් සම්පාදනය කිරීමේ අදහස ඉවත්කර ගැනීමට දෙමළ ජාතික සන්ධානයට සිදුවනු ඇති බව ද ජනාධිපතිවරයාගේ ස්ථාවරය බව 'බීබීසී' ය වැඩිදුරටත් වාර්තා කර තිබේ.

'අගමැති තීරණය කල යුත්තේ එජාපයයි' :

කෙසේවුවද ජනාධිපති මෛත්‍රීපාල සිරිසේන මහතා සහ අගමැති රනිල් වික්‍රමසිංහ මහතා අතර ඊයේ(12දා) රාත්‍රීයේ පැවති සාකච්ඡාවේදී අමාත්‍ය මංගල සමරවීර මහතා, රනිල් වික්‍රමසිංහ මහතා අගමැති ධුරයෙන් ඉවත් කිරීමට දැඩි ලෙස විරෝධය පළකර ඇතැයි වාර්තාවේ.

මෙම සාකච්ඡාවට අමාත්‍යවරුන් වන මංගල සමරවීර, අකිල විරාජ් කාරියවසම්, මලික් සමරවික්‍රම, කබීර් හෂීම්, මහින්ද අමරවීර සහ නියෝජ්‍ය කතානායක තිලංග සුමතිපාල යන මහත්වරුන්ද සහභාගීවී තිබිණ.

එම රැස්වීමෙන් අනතුරුව එජාප නියෝජිත පිරිස අමාත්‍ය මංගල සමරවීර මහතාගේ නිවසට ගොස් තවදුරටත් දීර්ග වශයෙන් සාකච්ජා පවත්වා ඇති අතර එම අවස්ථාවට එක්වූ අමාත්‍ය රාජිත සේනාරත්න මහතාද මංගල සමරවීර අමාත්‍යවරයාගේ අදහස මුළුමනින්ම අනුමත කර තිබේ.

Comment (0) Hits: 1359

ජනතා හඬට අවනත වෙන්න : ජනපතිගෙන් අගමැතිට අවවාදයක් !

ජනාධිපති මෛත්‍රීපාල සිරිසේන මහතා සහ අගමැති රනිල් වික්‍රමසිංහ මහතා අතර සාකච්ඡා ඊයේ(12දා) රාත්‍රීයේදී පැවති අතර පැය 02 ක පමණ කාලයක් සාකච්ඡාව පවත්වා තිබේ.

ජනතා බලාපොරොත්තු සහ මැතිවරණ ප්‍රතිපල සැලකිල්ලට ගනිමින් තමාට තීරණයක් ගැනීමට සිදුව ඇති බව මෙහිදී ජනාධිපතිවරයා අගමැතිවරයාට දැනුම්දී ඇත.

ඊට ප්‍රථම මේ තත්වය පිළිබඳ අවධානය යොමුකරමින් ඊට ප්‍රථම අග්‍රාමාත්‍යවරයාටම තීරණයක් ගන්නා ලෙස ජනාධිපතිවරයා ඉල්ලා ඇති බවද වාර්තාවේ.

මෙම සාකච්ඡාවට අමාත්‍යවරුන් වන මංගල සමරවීර, අකිල විරාජ් කාරියවසම්, මලික් සමරවික්‍රම, කබීර් හෂීම්, මහින්ද අමරවීර සහ නියෝජ්‍ය කතානායක තිලංග සුමතිපාල යන මහත්වරුන්ද සහභාගීවී තිබේ.

එම රැස්වීමෙන් අනතුරුව එජාප නියෝජිත පිරිස අමාත්‍ය මංගල සමරවීර මහතාගේ නිවසට ගොස් තවදුරටත් දීර්ග වශයෙන් සාකච්ජා පවත්වා ඇති අතර එම අවස්ථාවට අමාත්‍ය රාජිත සේනාරත්න මහතාද එක්ව තිබේ.

 රනිල් ඉවත්වේ ද?

මේ අතර 'බීබීසී සිංහල සේවය' වාර්තා කර ඇත්තේ, අගමැති රනිල් වික්‍රමසිංහ මහතා පදවියෙන් ඉල්ලා අස් විය යුතු බවට ශ්‍රී ලංකා නිදහස් පක්ෂ මන්ත්‍රී කණ්ඩායම දරන අදහස ජනාධිපති මෛත්‍රීපාල සිරිසේන මහතා විසින් තහවුරු කර ඇතැයි ශ්‍රී ලංකා නිදහස් පක්ෂය නියෝජනය කරන ඇමතිවරයෙක් පැවසු බවයි.

මේ සම්බන්ධයෙන් ජනපතිවරයා සහ අගමැතිවරයා අතර සාකච්ඡාවක් ඊයේ (12) රාත්‍රී කොළඹ පැජට් පාරේ පිහිටි ජනාධිපති නිල නිවසේ පැවති බවත් ඒ අනුව එක්සත් ජාතික පක්ෂයෙන් නව අගමැතිවරයෙක් පත්කර ගන්නා මෙන් ජනාධිපතිවරයා එම පක්ෂයට දැනුම් දී තිබෙන බව ද ඉහත කී අමාත්‍යවරයා 'බීබීසී සිංහල සේවය'ට සඳහන් කර ඇත.

ශ්‍රී ලංකා නිදහස් පක්ෂයට අවශ්‍ය පරිදි සිය පක්ෂයේ සංශෝධන සිදුකිරීමට සූදානම් නැති අතර, එවැන්නක් සිදු විය යුත්තේ සිය පක්ෂය තුළින් බව මේ අතර අගමැතිවරයාගේ ස්ථාවරය වී ඇතැයි 'බීබීසී' පවසයි.

ශ්‍රී ලංකා නිදහස් පක්ෂයේ මන්ත්‍රීවරුන් ද සම්බන්ධ කරගෙන තනි ආණ්ඩුවක් පිහිටුවන බවට එක්සත් ජාතික පක්ෂය ඉදිරිපත් කළ අදහසට ප්‍රතිචාර වශයෙන්, එවැනි ශ්‍රීලනිප සාමාජිකයන්ට තමන් අමාත්‍ය පදවි ලබා නොදෙන බව ජනාධිපතිවරයා පවසා ඇතැයි ද 'බීබීසී සිංහල සේවය' වාර්තා කර ඇත.

එජාපය දෙමළ ජාතික සන්ධානය සමග එක්ව නව ආණ්ඩුවක් පිහිටුවන්නේ නම්, එවිට නව ව්‍යවස්ථාවක් සම්පාදනය කිරීමේ අදහස ඉවත්කර ගැනීමට දෙමළ ජාතික සන්ධානයට සිදුවනු ඇති බව ද ජනාධිපතිවරයාගේ ස්ථාවරය බව 'බීබීසී' ය වැඩිදුරටත් වාර්තා කර තිබේ.

අගමැති පදවියට කරු?

Karu J

අගමැති රනිල් වික්‍රමසිංහ නායකත්වයෙන් ඉවත්ව සජිත් ප්‍රේමදාසට හෝ කරු ජයසූරියට නායකත්වය ලබාදිය යුතු බවට පක්ෂය තුළින්ම ඉල්ලීම් මතුවෙමින් පවතී

මේ අතර අගමැති රනිල් වික්‍රමසිංහ මහතා නායකත්වයෙන් ඉවත්ව සජිත් ප්‍රේමදාස මහතාට හෝ කරු ජයසූරිය මහතාට නායකත්වය ලබාදිය යුතු බවට පක්ෂය තුළින්ම ඉල්ලීම් මතුවෙමින් පවතී.

පක්ෂයේ නායකත්වය භාරගන්නා මෙන් හෝ අගමැති පදවිය භාරගන්නා මෙන් යෝජනාවක් ඉදිරිපත් වූයේ දැයි 'බීබීසී සිංහල සේවය' කළ විමසීමකට පිළිතුරු දුන් කතානායක කරු ජයසූරිය මහතා කියා සිටියේ, තමන්ට එවැනි කිසිදු යෝජනාවක් මෙතෙක් ඉදිරිපත්ව නැති බවය.

කතානායකවරයා ලෙසින් තමන් පක්ෂ දේශපාලනයෙන් ඈත්ව සිටින බැවින් ඒ පිළිබඳව එක්සත් ජාතික පක්ෂයෙන් විමසන මෙන් ද කතානායකවරයා ඉල්ලීමක් කළේය.

මේ අතර ඉරිදා (පෙබරවාරි 11) බීබීසී සිංහල සේවය සමග අදහස් දක්වමින් හිටපු ජනාධිපති මහින්ද රාජපක්ෂ මහතා කියා සිටියේ, තමන් අගමැති පදවිය භාර නොගන්නා අතර පළාත් පාලන මැතිවරණ ප්‍රතිඵලයෙන් අනතුරුව ආණ්ඩුව කෙරෙහි ජනතා විශ්වාසය බිඳ වැටී ඇති හෙයින් හදිසි මහ මැතිවරණයක් කැඳවන මෙන් ආණ්ඩුවෙන් ඉල්ලා සිටින බවය.

 

Comment (0) Hits: 1165

''ජනපති - අගමැති අතර කිසිම එකඟතාවක් නෑ'' - ජනාධිපති මාධ්‍ය ඒකකය

පළාත් පාලන මැතිවරණයෙන් පසුව ජනාධිපති මෛත්‍රීපාල සිරිසේන සහ අග්‍රාමාත්‍ය රනිල් වික්‍රමසිංහ අතර ඉදිරි දේශපාලන කටයුතු පිළිබඳ ඇතිවූ බවට පළවන එකඟතා ප්‍රතික්ෂේප කරන බව ජනාධිපති මාධ්‍ය ඒකකය සඳහන් කරයි.

කෙසේ වුවත් මේ පිළිබඳ අපවෙත තොරතුරු වාර්තා කළ පාර්ශව සඳහන් කර සිටින්නේ ජනාධිපති මාධ්‍ය ඒකකය නිකුත් කරන නිවේදනය පිළිගත නොහැකි බවත් ඉදිරි දේශපාලන කටයුතු පිළිබඳ ජනාධිපතිවරයා සහ අග්‍රාමාත්‍යවරයා අතර පැහැදිළි එකඟතාවක් ඇතිව තිබෙන බවය.

මේ පිළිබඳ වැඩිදුරටත් ආණ්ඩු පක්ෂයේ ප්‍රබලයකු වෙතින් අප කළ විමසුමකදී ඔහු සඳහන් කර සිටියේ පෙබරවාරි 11 වනදා සන්ධ්‍යාවේ ජනාධිපතිවරයා සහ අග්‍රාමාත්‍යවරයා අතර පවත්වනු ලැබූ සාකච්ඡාවේදී ආණ්ඩුව පවත්වාගෙන යාම පිළිබඳ මුලික එකඟතාවක් ඇතිවූ බවට පිළිගත හැකි සාක්ෂි ඇති බවය.

ජනාධිපති මාධ්‍ය අංශය විසින් නිකුත් කළ නිවේදනය පහත දැක්වේ.

2018 02 12 PHOTO 00000086 1

Comment (0) Hits: 831

ශ්‍රීලනිප - ජවිපෙ පුළුල් සන්ධානයක් : විපක්ෂ නායක අනුර !

එක්සත් ජාතික පක්ෂය හා ශ්‍රී ලංකා නිදහස් පක්ෂය එක්ව පවත්වාගෙන යන ජාතික ආණ්ඩුව ඉදිරියට පවත්වාගෙන යාමට නම් අගමැති රනිල් වික්‍රමසිංහ මහතා එම තනතුරෙන් ඉවත් කළ යුතු බව අවධාරණය කර සිටින ආණ්ඩු පක්ෂයේ ශ්‍රීලනිප අමාත්‍ය කණ්ඩායම, එජාපය එම තීරණයට එකඟ නොවන්නේ නම් ජනතා විමුක්ති පෙරමුණ සමග එක්ව පුළුල් විපක්ෂයක් ගොඩනැගිය යුතු බවට ජනාධිපතිවරයාට යෝජනා කර ඇත.

ඒ අනුව ජවිපෙ නායක අනුර කුමාර දිසානායක මහතා පාර්ලිමේන්තුවේ විපක්ෂ නායක ධුරයට පත් කිරීමටද යෝජනා කර තිබේ.

මේවනවිට අමාත්‍ය නිමල් සිරිපාල ද සිල්වා මහතාගේ නායකත්වයෙන් යුතු එක්සත් ජනතා නිදහස්  සන්ධාන පාර්ලිමේන්තු කණ්ඩායමේ මන්ත්‍රීවරු සංඛ්‍යාව 41කි. ජවිපෙ මන්ත්‍රීවරු සංඛ්‍යාව 06කි.

පරාජයට හේතුව ?

අගමැති රනිල් වික්‍රමසිංහ මහතාගේ ආර්ථික වැඩපිළිවෙල හා බැඳුම්කර චෝදනාව ආණ්ඩුවේ පළාත් පාලන මැතිවරණ පරාජයට හේතු වූ බව ශ්‍රී ලංකා නිදහස් පක්ෂ ඇමතිවරුන් ඉරිදා (පෙබරවාරි 11) ශ්‍රී ලංකා නිදහස් පක්ෂයේ අමාත්‍යවරුන් හා ජනාධිපතිවරයා අතර පැවති සාකච්ඡාවේදී පවසා තිබේ.

ඒ අනුව, අගමැති රනිල් වික්‍රමසිංහ මහතා එම තනතුරෙන් ඉවත් කළ යුතු බවට ශ්‍රී ලංකා නිදහස් පක්ෂයේ ඇමතිවරුන් ජනාධිපති මෛත්‍රීපාල සිරිසේන මහතාට යෝජනා කර ඇත.

Comment (0) Hits: 1300

රනිල්ගේ නායකත්වයෙන් එජාප තනි ආණ්ඩුවක් !

අගමැති රනිල් වික්‍රමසිංහ මහතාගේ නායකත්වයෙන් එජාප තනි ආණ්ඩුවක් පිහිටුවිය යුතු යයි අද (12) පැවති එජාප අමාත්‍යවරුන්ගේ රැස්වීමේදී යෝජනා වී ඇතැයි වාර්තාවේ.

කෙසේවුවද, එක්සත් ජාතික පක්ෂය හා ශ්‍රී ලංකා නිදහස් පක්ෂය එක්ව පවත්වාගෙන යන ජාතික ආණ්ඩුව ඉදිරියට පවත්වාගෙන යාමට නම් අගමැති රනිල් වික්‍රමසිංහ මහතා එම තනතුරෙන් ඉවත් කළ යුතු බවට ශ්‍රී ලංකා නිදහස් පක්ෂයේ ඇමතිවරුන් ජනාධිපති මෛත්‍රීපාල සිරිසේන මහතාට යෝජනා කර තිබේ.

අගමැති රනිල් වික්‍රමසිංහ මහතාගේ ආර්ථික වැඩපිළිවෙල හා බැඳුම්කර චෝදනාව ආණ්ඩුවේ පළාත් පාලන මැතිවරණ පරාජයට හේතු වූ බව ශ්‍රී ලංකා නිදහස් පක්ෂ ඇමතිවරුන් ඉරිදා (පෙබරවාරි 11) ශ්‍රී ලංකා නිදහස් පක්ෂයේ අමාත්‍යවරුන් හා ජනාධිපතිවරයා අතර පැවති සාකච්ඡාවේදී පවසා තිබේ.

80053 1

"ජනාධිපතිතුමා ඔබතුමන්ලට කියන්න කිව්වා දැනෙන වෙනසක් කරනවා කියලා," යනුවෙන් අමාත්‍ය එස්බී දිසානායක කියා සිටියේය.

ආණ්ඩුව ජාතික ආණ්ඩුවක් ලෙස ඉදිරියට යාමට නම් එක්සත් ජාතික පක්ෂයේ වෙනත් නායකයෙකු අගමැති තනතුරට පත් කළ යුතු යයි ශ්‍රී ලංකා නිදහස් පක්ෂයේ ඇමතිවරුන් එහිදී ජනාධිපතිවරයාට පැවසූ බව එම සාකච්ඡාවට එක්වූ ඇමතිවරයෙක් බීබීසී සිංහල සේවයට පැවසීය.

ජනාධිපතිවරයා ආණ්ඩුවේ වෙනස්කම් ඉදිරියේ සිදුකරනු ඇතැයි සාකච්ඡාවෙන් අනතුරුව මාධ්‍ය ඉදිරියට පැමිණි ශ්‍රී ලංකා නිදහස් පක්ෂයේ ඇමතිවරු සඳහන් කළහ.

 පරාජයට මුලික හේතුව ?

මේ අතර එක්සත් ජාතික පක්ෂයේ ප්‍රධානීන් හා අගමැතිවරයා අතර හමුවක් ද ඊයේ සවස අරළිය ගහ මැදුරේ පැවැත්විණි.

එහිදී අගමැතිවරයා ඉවත්වීම ගැන කිසිවක් සාකච්ඡා නොකෙරුන බව එයට එක් වූ අමාත්‍යවරයෙක් බීබීසියට පැවසීය.

පරාජයට හේතු වූ කරුණු අතර ජනාධිපතිවරයා මැතිවරණ සමයේ එක්සත් ජාතික පක්ෂයට එල්ල කළ වාග් ප්‍රහාර මූලික හේතුවක් වූ බව එහිදී සාකච්ඡා වී තිබේ.

ශ්‍රී ලංකා නිදහස් පක්ෂය ආණ්ඩුවේ කටයුතු අවුල් කිරීම ද පරාජයට එක් හේතුවක් බව අවධානයට ලක් වී තිබෙන අතර ඒ අනුව එක්සත් ජාතික පක්ෂයේ තනි ආණ්ඩුවක් පිහිටුවිය යුතු බව එහිදී ඉදිරිපත් වී තිබෙන එක් යෝජනාවකි.

ජනාධිපතිවරයා ශ්‍රී ලංකා නිදහස් පක්ෂයේ අමාත්‍යවරුන් කරන ඉල්ලීම් අනුව අගමැති ධුරය හෝ එක්සත් ජාතික පක්ෂ ඇමතිකම් වෙනස් කිරීමට යෝජනා කළහොත් එක්සත් ජාතික පක්ෂය තනි ආණ්ඩුවක් පිහිටුවිය යුතු යයි යෝජනා කිරීමට එහිදී තීරණය කෙරුණු බව සාකච්ඡාවට සම්බන්ධ වූ ඇමතිවරයෙක් බීබීසී සිංහල සේවයට පැවසීය.

එජාප නායකත්වයේ අර්බුදයක් !

watermark 99661

සජිත් ප්‍රේමදාසට හෝ කරු ජයසූරියට නායකත්වය ලබාදිය යුතු බවට ඉල්ලීම් මතුවෙමින් පවතී

මේ අතර මැතිවරණ ප්‍රතිඵලය සමග එක්සත් ජාතික පක්ෂය තුළ ද නැවත නායකත්වයේ අර්බුදයක් හට ගෙන තිබේ.

අගමැති රනිල් වික්‍රමසිංහ මහතා නායකත්වයෙන් ඉවත්ව සජිත් ප්‍රේමදාසට හෝ කරු ජයසූරියට නායකත්වය ලබාදිය යුතු බවට ඉල්ලීම් මතුවෙමින් පවතී.

විශේෂයෙන්ම ශ්‍රී ලංකා නිදහස් පක්ෂය දෙකඩ වී මැතිවරණයට ඉදිරිපත් වී ඇති අවස්ථාවක ආණ්ඩු බලයත් තිබී එක්සත් ජාතික පක්ෂය ලබාගත් ප්‍රතිඵලය ගැන කිසිසේත්ම සෑහීමකට පත්විය නොහැකි බව එම පිරිසේ මතය වී තිබේ.

ඉදිරි මැතිවරණ ජයගැනීමට නම් පක්ෂයට නව නායකයෙක් අවශ්‍ය බව ඔවුන් පෙන්වා දී තිබෙන අතර, පක්ෂයේ මන්ත්‍රීවරුන් අතර එවැනි සංවාදයක් මතු වී තිබෙන බව එක්සත් ජාතික පක්ෂ අමාත්‍යවරයෙක් බීබීසියට තහවුරු කළේය.

අගමැති රනිල් වික්‍රමසිංහ පක්ෂ නායකත්වයෙන් ඉල්ලා අස් වී කතානායක කරු ජයසූරිය මහතා තාවකාලිකව පක්ෂ නායකයා ලෙසින් පත් කළ යුතු යයි එක්සත් ජාතික පක්ෂයේ ලේකම් කබීර් හෂීම් යෝජනා කර තිබෙන බව 'ශ්‍රී ලංකා මිරර්' වෙබ් අඩවිය වාර්තා කර තිබුණි.

එම පුවත සත්‍යයක් දැයි බීබීසී සිංහල සේවය විමසීමක් කළ අවස්ථාවේ කතානායක කරු ජයසූරිය කියා සිටියේ වෙබ් අඩවියේ එවැනි වාර්තාවක් පළ වී තිබෙන දුටු නමුත් කතානායකවරයා වශයෙන් ස්වාධීනව කටයුතු කිරීමේ වගකීමක් තමන්ට පැවරී තිබෙන බැවින් පක්ෂයේ කටයුතු පිළිබඳ කිසිදු සාකච්ඡාවකට තමන් සම්බන්ධ නොවූ බවය.

ජාතික ආණ්ඩුවේ අනාගතය ?

මේ තත්වය යටතේ ඉරිදා (පෙබරවාරි 11) සවස ජනාධිපතිවරයා හා අගමැතිවරයා අතර පැවති හමුවේදී සාකච්ඡා වූයේ කුමක් දැයි තවමත් වාර්තා වී නැත.

රජයේ ප්‍රකාශක අමාත්‍ය රාජිත සේනාරත්න ඉරිදා බීබීසියට පැවසුවේ ජනාධිපතිවරයා හා අගමැතිවරයා හමුවී ජාතික ආණ්ඩුව පවත්වාගෙන යාමේ අවශ්‍යතාව තමන් පැහැදිලි කර දුන් බවය.

මෙම ඡන්දයේ ජාතික ආණ්ඩුවේ බලවේගවල ජන්ද ප්‍රමාණය මහින්ද රාජපක්ෂ පාර්ශවයට වඩා වැඩි බව ඔහුගේ තර්කය වී තිබේ.

පළාත් පාලන මැතිවරණයේදී ජන්ද ලක්ෂ 50කට ආසන්න ඡන්ද ප්‍රමාණයක් ලබාගැනීමට ශ්‍රී ලංකා පොදු ජන පෙරමුණ සමත්විය.

එක්සත් ජාතික පක්ෂය, ශ්‍රී ලංකා නිදහස් පක්ෂය, එක්සත් ජනතා නිදහස් සන්ධානය, ශ්‍රී ලංකා මුස්ලිම් කොන්ග්‍රසය, රිෂාඩ් බදියුද්දීන්ගේ පක්ෂය ලබාගත් ජන්ද සංඛ්‍යාවේ එකතුව එයට වඩා වැඩි බව ඇමතිවරයා පැවසීය.

2015 ජනවාරි 8 බලවේග වන දෙමළ ජාතික සන්ධානය හා ජනතා විමුක්ති පෙරමුණ ද එකතුකළහොත් එම ප්‍රමාණය ජන්ද ලක්ෂ 10කට වැඩි නිසා ආණ්ඩුවේ ඉදිරි පැවැත්මට මෙවර ප්‍රතිඵලය බාධාවක් නොවන බව ඔහුගේ විග්‍රහය වී තිබේ.

ඉදිරි ගමන ගැන තීරණාත්මක තීන්දුවලට:

කෙසේ වෙතත් ඉදිරි දින කිහිපය තුළ ජාතික ආණ්ඩුවේ ඉදිරි ගමන ගැන තීරණාත්මක තීන්දුවලට එළඹීමට ජනාධිපතිවරයාට සිදුවනු ඇති බව දේශපාලන විශ්ලේෂකයෝ පෙන්වා දෙති.

විශේෂයෙන්ම ජනාධිපතිවරයා විසින් ගනු ලබන තීරණවලට එක්සත් ජාතික පක්ෂය එකඟ නොවන්නේ නම් ඔවුන් තනි ආණ්ඩුවක් පිහිටුවීමට උත්සාහ කරනු ඇති බව එක්සත් ජාතික පක්ෂයේ ආරංචි මාර්ග පෙන්වා දෙයි.

පාර්ලිමේන්තුවේ එක්සත් ජාතික පක්ෂ මන්ත්‍රීවරුන් 105ක් සිටින අතර අවශ්‍ය අවස්ථාවල දෙමළ ජාතික සන්ධානයේද සහාය ලබාගෙන ආණ්ඩුව පවත්වාගෙන යා හැකි බව එක්සත් ජාතික පක්ෂ නායකයන්ගේ මතය වී තිබේ.

(මුලාශ්‍රය - බීබීසී සිංහල සේවය)

Comment (0) Hits: 1005

මහින්ද දින්නේ සිංහල බෞද්ධ ජන්දයෙන්- ඉන්දියානු මාධ්‍ය

ශ්‍රී ලංකාවේ පළාත් පාලන මැතිවරණයේදී පොදු ජන පෙරමුණ ජය ලබා ඇත්තේ සිංහල බහුතර ජනතාවක් ජීවත්වෙන ප්‍රදේශවල ජන්ද ලබාගනිමින් බව The Hindu වෙබ් අඩවිය වාර්තා කර තිබේ.

එසේම දමිළ ජනතාව බහුතරයක් ජිවත්වන ප්‍රදේශවල බලය හිමිව ඇත්තේ දෙමළ සන්ධානයට බව ඔවුන් වාර්තා කර ඇත.

 ජන්දය ප්‍රමාද වුණා

එසේම දැනට පවතින සිරිසේන ආණ්ඩුව 2015 වසරේ මැතිවරණ ප්‍රතිසංස්කරණ හරහා පළාත් පාලන මැතිවරණය ප්‍රමාද කිරීමට කටයුතු කළ බවද ND TV රූපවාහිනී ආයතනය පෙන්වා දෙයි.

ඒ යටතේ මේ ආණ්ඩුව විසින් සියලු පළාත් සභා මැතිවරණ එක දිනයකදී පැවැත්වීමට හැකිවන පරිදි ව්‍යවස්ථා ප්‍රතිසංස්කරණයක් කිරීමටද යෝජනා කරන ලද බව ඔවුන් වාර්තා කර තිබේ.

ND TV පවසන පරිදි වසර මහින්ද රාජපක්ෂ යුධ වීරයෙක් සිතන සිංහල බෞද්ධ බහුතර ජනතාවගේ ජන්ද ලබාගැනීමට මහින්ද රාජපක්ෂ සමත්ව ඇති බවයි. මෙම ජයග්‍රහණය ආණ්ඩු වෙනසකට වුවද බලපෑ හැකි බව එම රුපවාහිනී සේවය පවසයි.

Comment (0) Hits: 822

දෙබිඩ්ඩන් ඉවත් කර ඉදිරියට යන ජනපතිගේ ආන්දෝලනාත්මක ප්‍රකාශය හෙට

ජනාධිපති මෛත්‍රීපාල සිරිසේන හෙට (13) දිනයේ ජාතිය අමතා විශේෂ ප්‍රකාශයක් සිදුකිරීමට නියමිත බව ජනාධිපති කාර්යාල ආරංචිමාර්ග සඳහන් කර සිටියි.

එහිදී යහපාලන සම්මුති ආණ්ඩුවේ ඉදිරි කටයුතු මෙන්ම වත්මන් කැබිනට් මණ්ඩලය සම්බන්ධවත්, ශ්‍රී ලංකා නිදහස් පක්ෂය ප්‍රමුඛ එක්සත් ජනතා සන්ධානය සම්බන්ධවත් තීරණාත්මක කරුණු කිහිපයක් පිළිබඳ ජනාධිපතිවරයාගේ මතය හෙළිකිරීමට සුදානමක් ඇති බවද එම ආරංචිමාර්ග සඳහන් කර සිටියි.

ජනාධිපති උපදේශකයින්ගේ තීරණය

මේ අතර 2015 ජනවාරි 08 ජනවරම තුළ ලබාදුන් මුලික පොරොන්දු කෙරෙහි වැඩි අවධානයක් යොමුකර ඉදිරි වසර දෙකක කාලය කටයුතු කළ යුතු බවට ජනාධිපති උපදේශකයින් ජනාධිපතිවරයා දැනුවත් කර ඇති බවද වාර්තා වෙයි.

එහිදී ආණ්ඩුව තුළ ජනාධිපතිවරයා ස්වාධීනව කටයුතු කළ යුතු බවත් ජනවාරි 08 පොරොන්දු අනුව දුෂිතයන්ට දඬුවම් කිරීම සඳහා අවශ්‍ය නීතිමය ප්‍රතිපාදන සකස්කරදීම ඇතුළුව දේශපාලන සහ ආර්ථික ප්‍රතිසංස්කරණ වෙනුවෙන් මැදිහත්විය යුතු බවට ජනාධිපති උපදේශකයින් ජනාධිපතිවරයා දැනුවත් කර ඇති බවද වාර්තා වෙයි.

එසේම වත්මන් ආණ්ඩුවට එරෙහිව ජනතාව තුළ තිබෙන බරපතලම කළකිරීම වන්නේ දුෂිතයන් අල්ලන බවට වූ පොරොන්දුව වසර තුනක් යනතුරු ඉටුනොකිරීම බවත් ඒ හේතුවෙන් ආණ්ඩුව අභ්‍යන්තරයේ පැහැදිළි සංවාදයක් සිදුකර දුෂිතයන්ට එරෙහිව කටයුතු කිරීම අධෛර්යමත් කරන පාර්ශව එම කටයුතු වලින් ඈත් කළයුතු බවද ඔවුන් දැනුම්දී ඇත.

සාගල සහ මලික්ගේ තනතුරු වෙනසක්

තවද අමාත්‍ය මලික් සමරවීරගේ ප්‍රධානත්වයෙන් තිබෙන ජීවන වියදම් කමිටුව වෙනත් අමාත්‍යවරයෙකු වෙත හෝ ජනාධිපතිවරයා යටතට ගැනීමත් නීතිය සහ සාමය අමාත්‍යධූරය දරන සාගල රත්නායක වෙත වෙනත් අමාත්‍යාංශයක් ලබාදිය යුතු බවටද උපදේශකයින් ජනාධිපතිවරයා දැනුවත් කර ඇත. එසේම ආණ්ඩුවේ සිටිමින් ආණ්ඩුව අපහසුතාවට පත්කරණ අමාත්‍යවරුන්ගේ ලැයිස්තුවක්ද මේ වන විට ජනාධිපතිවරයා වෙත ලබාදීමට ජනාධිපති උපදේශකයින් කටයුතු කර ඇති අතර එම එක් එක් අමාත්‍යවරුන්ට අදාළ නිර්දේශද එම වාර්තාවේ අඩංගු බව දැනගන්නට ඇත.

වැඩ නොකරන අයට යන්න කියන්න

තවද පසුගිය වසර තුනක කාලය තුළ සියළු අමාත්‍යංශ වල කාර්යසාධන වාර්තාවක් කැඳවා ඇති බවත් කාර්ය සාධනය දුර්වල අමාත්‍යංශ සම්බන්ධ විෂය මාරු කිරීම් සහ අමාත්‍යධුර අහිමිකිරීම ඇතුළුව රැඩිකල් තීරණ රැසක් යෝජිත කැබිනට් සංශෝධනයේදී සිදුකිරීමටද උපදෙස් ලබාදී ඇති බව වාර්තා වෙයි.

මීට අමතරව තවදුරටත් රාජපක්ෂ රෙජීමය නඩත්තු කරමින් ආණ්ඩුව දුෂ්කරතාවට පත්කරණ අමාත්‍යවරුන්ට සිය ධූර වලින් ඉවත්ව එම පාර්ශවයට එක්වෙන ලෙස හෝ පාර්ලිමේන්තුව තුළ ස්වාධීන මන්ත්‍රීවරුන් ලෙස කටයුතු කිරීමට නිර්දේශ කළ යුතු බවටද ජනාධිපති උපදේශකයින් ජනාධිපතිවරයා දැනුවත් කොට ඇති බව වාර්තා වෙයි.

සිවිල් සංවිධාන වෙතින් පණිවිඩයක්

මේ අතර 2015 ජනවාරි 08 ජනවරම වෙනුවෙන් ජනාධිපතිවරයාට සහය දැක්වූ සිවිල් සංවිධාන ඇතුළු සමාජ ක්‍රියාකාරීන් ජනාධිපතිවරයා වෙත යෝජනා මාලාවක් යොමුකර ඇති බවද වාර්තා වෙයි.

එහිදී ඔවුන් දැඩිව අවධාරණය කර ඇත්තේ ජනාධිපතිවරයා තම පක්ෂය තුළ සිටින රාජපක්ෂ හිතවාදීන් වෙතින් ප්‍රවේශම් විය යුතු බවත් ජනවාරි 08 ජනවරම අනුව ඉදිරියේදී කටයුතු කිරීමට ජනාධිපතිවරයා සුදානම් නම් අඛණ්ඩව තම සහය ජනාධිපතිවරයාට ලබාදෙන බවය.

ඇමැතිධුර 30ක් එක්ක වැඩේ කරන්න

එසේම කිසිවෙකුත් බලෙන් ආණ්ඩුවේ තබාගන්නට කටයුතු නොකළ යුතු බවත් ඉදිරි වසර දෙකක කාලය තුළ අමාත්‍යවරුන් 30කින් යුතුව සක්‍රීය කැබිනට් මණ්ඩලයක් හරහා යහපාලන ප්‍රතිපත්ති ක්‍රියාත්මක කළහොත් 2020 දී විශිෂ්ට ජනවරමක් ලැබීම දුෂ්කර නොවන බවද ඔවුන් ජනාධිපතිවරයාව දැනුවත් කොට ඇති බව වාර්තා වෙයි.

Comment (0) Hits: 1132

Page 534 of 564