V2025

පුවත්

රහස් කතා අතරේ විමල් ගෙන් මෛත්‍රීටත් 'දේශප්‍රේමී' ලණුවක් !

හිටපු ජනාධිපති මහින්ද රාජපක්ෂ මහතා ජාතිවාදී මාවතක ගෙනගොස් ඔහුව සුළු ජාතීන්ගෙන් සදහටම ඇත්කර දැමු පාර්ලිමේන්තු මන්ත්‍රී විමල් විරවංශ මහතා, වත්මන් ජනාධිපති මෛත්‍රීපාල සිරිසේන මහතාව ඒ මාර්ගයේ යවා දේශපාලනිකව අනාත කිරීමට පිඹුරුපත් සකසමින් සිටින බව දේශපාලන විචාරකයින් පවසයි.

දේශපාලන විචාරකයින් එබව පවසන්නේ, මන්ත්‍රීවරයා Colombo Tv හි පැවති 'රතු කට්ට' දේශපාලන සංවාදය සමග එක්වෙමින් සිදුකල ප්‍රකාශය පිළිබඳව අවධානය යොමුකරමිනි.

2002 වසරේදී පිහිටවනු ලැබූ එජාප රජය හමුවේ දේශපාලනිකව තනිවූ චන්ද්‍රිකා කුමාරතුංග ජනාධිපතිවරිය ජාතික න්‍යාය පත්‍රයකට කැමති කර ගත් ආකාරයටම අදද හැකිනම් වත්මන් ජනාධිපති මෛත්‍රීපාල සිරිසේන මහතාටද ජාතික න්‍යාය පත්‍රයක් ඉදිරිපත් කළ යුතු යයි ජාතික නිදහස් පෙරමුණේ නායක විමල් වීරවංශ මහතා එම වැඩසටහනේදී පැවසිය.

එසේ කර එතුලින් රටට ජයග්‍රහණ අත් කර දයි හැකි දැයි උත්සාහයක් දැරිය යුතු බවද ඔහු සදහන් කළේය.

පොහොට්ටු පක්ෂයේ ජාතික සංවිධායක බැසිල් රාජපක්ෂ මහතා සමග මෙන්ම ඔහුගේ ම පක්ෂයේ ප්‍රධානින් සමග මත ගැටුම් ඇතිකර ගෙන සිටින විමල් විරවංශ මහතා පසුගියදා හොර රහසේ ම ජනාධිපති මෛත්‍රීපාල සිරිසේන මහතා හමුවී ඇතැයි දේශපාලන ආරංචිමාර්ග පවසයි.

 

වීඩියෝව මෙතනින්

http://lankacnews.com/%e0%b6%a2%e0%b6%b1%e0%b6%b4%e0%b6%ad%e0%b7%92-%e0%b6%b8%e0%b7%9b%e0%b6%ad%e2%80%8d%e0%b7%8a%e2%80%8d%e0%b6%bb%e0%b7%93%e0%b6%a7-%e0%b6%a2%e0%b7%8f%e0%b6%ad%e0%b7%92%e0%b6%9a-%e0%b7%80%e0%b7%90/

Comment (0) Hits: 962

ඒකාබද්ධයේ පක්ෂ වෙනවෙනම තරග බිමට ! සම සමාජය බලපිටියට වෙනම !!

ඒකාබද්ධ විපක්ෂය තුල මේවනවිට හටගෙන ඇති අභ්‍යන්තර අර්බුද හේතුවෙන් ඊට එක්ව සිටින දේශපාලන පක්ෂ කිහිපයක් කොට්ඨාශ කිහිපයකට තම තමන්ගේ පක්ෂවල අනන්‍යතාවය යටතේ වෙනම තරඟ කිරීමට මේවනවිට තීරණය කර ඇතැයි දේශපාලන ආරංචිමාර්ග පවසයි.

ඒ අනුව ලංකා සමසමාජ පක්ෂය බලපිටිය නගර සභා කොට්ඨාශයට ද දිනේෂ් ගුණවර්ධන මහතාගේ මහජන එක්සත් පෙරමුණ අම්පාර, සීතාවක, මහරගම ආදී ප්‍රදේශවල පළාත් පාලන කොට්ඨාශ කිහිපයක් සඳහා ද සිය පක්ෂවල මැතිවරණ ලකුණු යටතේ නාමයෝජනා බාරදීමට තීරණය කර ඇතිබව එම දේශපාලන ආරංචිමාර්ග වැඩිදුරටත් පවසයි.

 විමල් ගියත් කමක් නැති ලු !

wimal weerawansaසිය පක්ෂයට නිසි අපේක්ෂකයින් ප්‍රමාණයක් නොලැබුණහොත් පළාත් පාලන ආයතන කිහිපයකට තනිව තරඟ කිරීම සම්බන්ධයෙන් විමල් විරවංශ මහතාගේ ජාතික නිදහස් පෙරමුණ ද මේවනවිට සාකච්ජා ආරම්භ කර තිබේ.

සමස්ත අපේක්ෂකයින් සංඛ්‍යාවෙන් සියයට 10ක් තම පක්ෂයට ලබාදෙන ලෙස ජාතික නිදහස් පෙරමුණ ඉල්ලා ඇතත් බැසිල් රාජපක්ෂ මහතා ඊට විරෝධය පලකර තිබේ.

විමල්ගේ පක්ෂය වෙනම තරඟ කලද සමස්ත ප්‍රතිපලයට අවාසියක් නොවන බව බැසිල් රාජපක්ෂ මහතාගේ ස්ථාවරය වී ඇතැයි පැවසේ.

 ශ්‍රීලනිපය අතින් හා බුලත් කොලයෙන් !

 ඒ අතර ශ්‍රී ලංකා නිදහස් පක්ෂයද දකුණේ හා උතුරේ පළාත් පාලන කොට්ඨාශ සඳහා ' අත' ලකුනුන් ද කඳුකර ප්‍රදේශ සඳහා බුලත් කොලය යටතේ ද තරඟ කිරීමට සාකච්ජා පවත්වමින් සිටියි.

අත ලකුණින් තරඟ කරන්නැයි උතුරෙන් ඉල්ලීමක් ලැබී ඇති බව ශ්‍රීලනිප ප්‍රධානියකු 'නිව්ස් ටියුබ්' වෙත පැවසිය.

 ශ්‍රීලනිප අයිතිකරුවන් ?

මේ අතර අද(07) පැවති ඒකාබද්ධ විපක්ෂයේ මාධ්‍ය හමුවට එක් වෙමින් හිටපු පාර්ලිමේන්තු මන්ත්‍රී ජී.එල්.පීරිස් මහතා පැවසුයේ, ලංකා නිදහස් පක්ෂයේ නියම අයිතිකරුවන් කවුද යන්න මෙම මැතිවරණය තුළින් නිවැරදිව දැනගත හැකි බවයි.

වත්මන් ආණ්ඩුවේ පැවැත්ම පිළිබඳ කරුණු රැසක් මෙම පළාත් පාලන මැතිවරණය තුළින් නිගමනය කළ හැකි බව ද ඔහු කියා සිටියේය.

Comment (0) Hits: 864

''ඒකාබද්දේ අය ගැන සහතික දෙන්න මට බැහැ'' - ගම්මන්පිල

ඉදිරි දින කිහිපයේදී ඒකාබද්ධයේ කව්රු ජනාධිපතිවරයාට එක්වේදැයි සහතිකයක් දිය නොහැකි බවත්, කෙසේවුවද තමා ශ්‍රීලනිපයට එක් නොවන බව පමණක් පැහැදිලිව කිව හැකි බවත් ඒකාබද්ද විපක්ෂයේ පාර්ලිමේන්තු මන්ත්‍රී උදය ගම්මන්පිල මහතා පැවසිය.

හිටපු ජනාධිපති මහින්ද රාජපක්‍ෂ මහතාගේ විජේරාම නිල නිවසේ පැවති ඊයේ (06) රාත්‍රීයේ පැවති සාකච්ජාවකින් පසුව මාධ්‍ය වෙත අදහස් පල කරමින් ඔහු මේ බව කියා සිටියේය.

තම පක්ෂයේ අභ්‍යන්තර ගැටුම් රැසකට මුහුණදී සිටින ජාතික නිදහස් පෙරමුණේ නායක විමල් විරවංශ මහතා මෙම රැස්වීමට සහභාගී නොවූ අතර එම පක්ෂය නියෝජනය කරමින් රැස්වීමට සහභාගී වූ ජාතික නිදහස් පෙරමුණේ පාර්ලිමේන්තු මන්ත්‍රී ජයන්ත සමරවීර මහතා පැවසුයේ පක්ෂයේ ඇතැම් පුද්ගලයින් නොමග ගොස් ඇති බවයි.

ඔහු එම ප්‍රකාශය කලේ එම පක්ෂයේ නියෝජ්‍ය නායක වීරකුමාර දිසානායක මහතා ඉලක්ක කර ගනිමිනි.

 වාසු කියන අමුතු කතාව ?

 මෙම රැස්වීමෙන් පසු මාධ්‍ය වෙත අදහස් දැක්වූ ප්‍රජාතන්ත්‍රවාදී වාමාංශික පෙරමුණේ නායක පාර්ලිමේන්තු මන්ත්‍රී වාසුදේව නානායක්කාර මහතා පැවසුයේ, එක්සත් ජාතික පක්‍ෂය සමග වුවද එකතු වී පළාත් පාලන ආයතනයන්හි බලය පිහිටුවීමට ඒකාබද්ද විපක්‍ෂය සූදානම් බවයි.

කෙසේ වෙතත් ශ්‍රී ලංකා නිදහස් පක්‍ෂය සමග එක්ව මැතිවණයට තරග කිරීමට සූදානමක් නැති බවත් ජනතාව කියන්නේ කිසිසේත්ම ශ්‍රී ලංකා නිදහස් පක්‍ෂය සමග එක්ව තරග නොකල යුතු ලෙස බවත් මන්ත්‍රීවරයා සදහන් කළේය.

වීඩියෝ  

Comment (0) Hits: 1166

භුමි හරේන්ද්‍රන් හොඳම නළුවාට හිමි සම්මානය ගැනීම අවුලක් ද ?

ස්ත්‍රී පුරුෂ ලිංගිකත්වයට අමතරව සංක්‍රන්ති ලිංගිකය ද, ලිංගික අනන්යතාවයක් ලෙස පිළිගැනිම පිළිබඳ නැවත තැවතත් ලාංකීය සමාජය තුළ කතිකාවට ලක්විය යුතු බව භුමි හරේන්ද්‍රන් පවසයි.

සංක්‍රන්තිකය ලිංගික අනන්‍යතායක් හිමි භුමි හරේන්ද්‍රන් විසාකේස චන්ද්‍රසේකරන් විසින් අධ්‍යක්ෂණය කරන ලද ෆ්‍රැන්ජිපානි චිත්‍රපටය වෙනුවෙන් 2017 සාර්ක් සම්මාන උළෙලේ හොඳම නළුවාට හිමි ජුරියේ විශේෂ සම්මානය හිමි කරගැනීම පිළිබඳ සමාජඡාලා ඔස්සේ සිදුවු විවිද අදහස් දැක්වීම් වලට පිළිතුරු ලෙස ඇය මේ බව පවසා සිටියේය.

එමෙන්ම ෆ්‍රැන්ජිපානි (සයපෙති කුසුම) චිත්‍රපටය ස්ත්‍රී පුරුෂ අනන්‍යතාවයන් අභියෝගයට ලක් කරමින් ඇති කළ සමාජ කතිකාවක් බවත් සම්ප්‍රධායික සමාජක්‍රමය තුළ නිර්භීත රඟපෑමක් සඳහා සම්මානය තමට හිමිවු බවද කිසිඳු අයුරකින් මෙම සම්මානය ( Best Actor ) භාර ගැනීම තුළ තමන්ගේ අනන්‍යතාවය පිළිබඳ සිදු කළ අරගලය නැවත ආපස්සට හැරවීමක් නෙවන බවත් ඇය වැඩිදුරටත් පවසා සිටියාය.

ඇය වැඩිදුරටක් දැක්වූ අදහස් පහතින්

Comment (0) Hits: 909

දිලිත්ලා ගෝඨාව විනාශ කරනවා - මහින්ද කියයි

කිසිඳු දේශපාලනයක් නොදන්නා හිටපු ආරක්ෂක ලේකම් ගෝඨාභය රාජපක්ෂ මහතාව දේශපාලනයට ඇඳා ගනිමින් ඔහුව විනාශ කරන්නේ ප්‍රචාරක ව්‍යාපාරිකයකු වන දිලිත් ජයවීර මහතා යයි හිටපු ජනාධිපති මහින්ද රාජපක්ෂ මහතා පවසයි.

ගෝඨාභය රාජපක්ෂ මහතා ඉලක්ක කර ගනිමින් පසුගිය දිනවල කොළඹ නගරයේ අලවා ඇති පෝස්ටර් සම්බන්ධයෙන් අදහස් දක්වමි මහින්ද රාජපක්ෂ මහතා එකාබද්ධයේ මන්ත්‍රීවරුන් පිරිසක් හමුවේ එබව සඳහන් කර ඇත.

'' ගෝඨා අහිංසකයා. මේ දිලිත්ලා පෝස්ටර් ගහලා කරන සෙල්ලමෙන් අන්තිමට ගස් යන්නේ ගෝඨා. දිලිත්ලා එක පෝස්ටරයක් ගහනකොට මංගලගේ එයින් දෙකක් ගහනවා. මේවට මුණ දෙන්න ගෝඨා ට හයියක් නැහැනේ. මේකෙන් වෙන්නේ නැති ප්‍රශ්න හදන එක. දිලිත්ලා ගෝඨා එක්ක ඉන්න ගමන් රනිල් එක්කත් ඉන්නවා. ඕකා දන්නා මෛත්‍රීගේ එවුන් ගෝඨාව හිරකරනවා. බැසිල්ටත් මේ ගැන තරහ ගිහිල්ලයි ඉන්නේ. '' යයි මහින්ද රාජපක්ෂ මහතා දැඩි කනස්සල්ලෙන් පැවසු බව එහි සිටි මන්ත්‍රීවරයකු 'නිව්ස් ටියුබ්' වෙත පැවසිය.

කෙසේවෙතත් අගමැති විදේශගතව සිටියදී ගෝඨාභය රාජපක්ෂ මහතාව අත්අඩංගුවට ගැනීමට සිටියදී එය වැලක්වුයේ ජනාධිපති මෛත්‍රීපාල සිරිසේන මහතා විසින් බව දේශපාලන ආරංචිමාර්ග පවසයි.

8d25a0f56e6ec399eed436947a6c3bae L

 ඩි. ඒ. රාජපක්‌ෂ අනුස්‌මරණ ස්‌මාරකය හා කෞතුකාගාරය ඉදිකිරිම සඳහා රුපියල් ලක්ෂ නවසීයක (900) මහජන මුදලක් අවභාවිත කිරීමෙන් පොදු දේපල නීතිය යටතේ ද`ඩුවම් ලැබිය හැකි වරදක්‌ සිදුකර ඇතැයි බරපතළ අපරාධ විමර්ශන ඒකකය, ආරක්‍ෂක අමාත්‍යංශයේ හිටපු ලේකම් ගෝඨාභය රාජපක්‌ෂ මහතාට එරෙහිව මහෙස්‌ත්‍රාත් අධිකරණයට ගොනුකර ඇති සහතිකය අවලංගු කරන්නැයි ඉල්ලා ඔහු විසින් අභියාචනාධිකරණය හමුවේ පෙත්සමක් ගොනු කල දා ඔහුගේ අනුගාමිකයින් "ගෝඨා අපේ'' යයි සඳහන් කරමින් කොළඹ අලුත්කඩේ අධිකරණ සංකීර්ණය අවට පෝස්ටර් ප්‍රදර්ශනය කර තිබිණ.

ඊට ප්‍රතිචාර වශයෙන් ආණ්ඩුවට සම්බන්ධ කණ්ඩායමක් 'ගොතා 'බය' අමතකද?' හා ''අපි වෙනුවෙන් මිනිමරුවෙක් '' යයි සඳහන් කරමින් කොළඹ නගරය හා ඒ අවට ජනාකීර්ණ ප්‍රදේශයන් හි දැවැන්ත පෝස්ටර් ව්‍යාපාරයක් දියත්කර තිබිණ.

Comment (0) Hits: 8657

'බැසිල්ට එරෙහිව දිනේෂ් -වාසු- විමල්- ගම්මන්පිල සටනට

ශ්‍රීලනිප - ඒකාබද්ධ සමගි සාකච්ජා කුමන්ත්‍රණකාරී ලෙස කඩාකප්පල් කිරීම සම්බන්ධයෙන් දිනේෂ් ගුණවර්ධන, වාසුදේව නානායක්කාර, විමල්විරවංශ හා උදය ගම්මන්පිල ආදී ඒකාබද්ධ විපක්ෂ නායකයින්ගේ දැඩි කනස්සල්ලට හේතුවී ඇතැයි එහි අභ්‍යන්තර ආරංචිමාර්ග වලින් 'නිව්ස් ටියුබ්' වෙත වාර්තාවේ.

මෙසේ සමගි සාකච්ජා කුමන්ත්‍රණකාරී ලෙස බිඳ දැමීම සම්බන්ධයෙන් බැසිල් රාජපක්ෂ, නාමල් රාජපක්ෂ හා ප්‍රසන්න රණතුංග ගෙන් සමන්විත 'කාල්ටන් මොන්ටසොරි' කල්ලියට ඔවුන්ගේ විරෝධය එල්ලවී තිබේ.

 වීරකුමාර හා ශිරානි කසකාරයින් !

මෙසේ සාකච්ජා බිඳ වැටීම නිසා විමල් විරවංශ මහතාගේ හා දිනේෂ් ගුණවර්ධන මහතාගේ පක්ෂයේ අභ්‍යන්තර ගැටුම් හටගෙන ඇති අතර එම පක්ෂවල ප්‍රධානින් කිහිප දෙනෙකු පසුගියදා ජනාධිපති මෛත්‍රීපාල සිරිසේන මහතා හමුවී ආණ්ඩුවට එක්වීමට සාකච්ජා පවත්වා ඇත.

ජනිපෙ නියෝජ්‍ය නායක වීරකුමාර දිසානායක මහතා හා මහජන එක්සත් පෙරමුණේ ශිරාණි අබේවික්‍රම මන්ත්‍රීවරිය ඔවුන් අතරින් ප්‍රධාන වේ.

මෙම අභ්‍යන්තර ගැටුම් හේතුවෙන් මෙම පක්ෂ නායකයින් හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් පසුගියදා බදුල්ලේ පැවති රැස්වීමට සහභාගී නොවිය.

Comment (0) Hits: 967

දිනේෂ්ට වෙනම තරග කිරීමට අනුමැතිය !

එක්සත් ජනතා නිදහස් සන්ධානයේ විධායක සභාව දීර්ඝ කලකට පසු ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති ලේකම් කාර්යාලයේදී ඊයේ (05) පස්වරුවේ රැස්වූ අතර එක්සත් ජනතා නිදහස් සන්ධානයේ පක්‍ෂ නායකයෙක් වන ඒකාබද්ද විපක්‍ෂයේ නායක දිනේෂ් ගුණවර්ධන මහතාද එම අවස්ථාවට සහභාගී විය.

එහිදී මහජන එක්සත් පෙරමුණ, ශ්‍රී ලංකා මහජන පක්‍ෂය, දේශ විමුක්ති ජනතා පක්‍ෂය ඉල්ලා සිටියේ තමනට එක්සත් ජනතා නිදහස් සන්ධානයෙන් ඉවත්ව වෙනම තරග කිරීමට උවමනා බවයි.

ඒ සදහා එක්සත් ජනතා නිදහස් සන්ධාන විධායක සභාවේ අනුමැතිය ලැබී ඇත.

එක්සත් ජනතා නිදහස් සන්ධානයේ පක්‍ෂවලට වෙන්න වෙන්ව පළාත් පාලන මැතිවණයට තරග වැදිය හැකි යෝජනාවක් ඉදිරිපත් කල බවත් එය ඒකඡුන්දයෙන් සම්මත වූ බවත් පාර්ලිමේන්තු මන්ත්‍රී දිනේෂ් ගුණවර්ධන මහතා පවසයි.

 ඒකාබද්ධයේ ශ්‍රීලනිප මන්ත්‍රීවරුන්ට රතු එළියක් !

 Mahinda samarasinghe පොහොට්ටුවට සහයදෙන ශ්‍රීලනිප මන්ත්‍රීවරුන්ගේ මන්ත්‍රී ධුර අනතුරේ ...

 කෙසේවුවද ඒකාබද්ධ නියෝජනය කරන මන්ත්‍රීවරුන්ට ඉදිරි පළාත් පාලන මැතිවරණයේදී වෙනත් පක්ෂයකට සහය දීමට මෙහිදී අනුමැතියක් හිමිව නොමැත.

''ඒකාබද්ධ විපක්‌ෂයේ සිටින ශ්‍රී ලංකා නිදහස්‌ පක්‌ෂ මන්ත්‍රීවරුන් වෙනත් පක්‌ෂයක්‌ ජයග්‍රහණය කරවීමට ක්‍රියා කරන්නේ දැයි ගම් මට්‌ටමට ගොස්‌ සොයා බලනවා '' යෑයි ශ්‍රී ලංකා නිදහස්‌ පක්‌ෂ මූලස්‌ථානයේ ඊයේ (05) පැවැති මාධ්‍ය හමුවකදී වරාය හා නාවුක ඇමැති මහින්ද සමරසිංහ මහතා පැවසීය.

පක්‌ෂ ව්‍යවස්‌ථාව අනුව කිසිදු සාමාජිකයකුට වෙනත් පක්‌ෂයක්‌ දිනවීමට අනුබල දිය නොහැකි බවත් එය නීති විරෝධී බවත් පැවසූ ඇමැතිවරයා පක්‌ෂයෙන් නීත්‍යානුකූලව ඉවත් කිරීමට එය හොඳටම ප්‍රමාණවත් බවද කියා සිටියේය.

"මේ මැතිවරණයේදී අපි නිකං ඉන්නෙ නැහැ. ඡන්දෙ පටන් ගත්තම පොහොට්‌ටු පක්‌ෂයේ ප්‍රධාන රැලි වගේම ගමේ රැස්‌වීම්වලදී මොවුන් කතා කරන දේ නවීන තාක්‌ෂණය යොදා ගෙන අපි සොයා බලනවා. එමගින් අපට අවශ්‍ය සියලු සාක්‌ෂි සපුරා ගෙන පසුව නීත්‍යානුකූලව ඉවත් කිරීමට අවශ්‍ය ක්‍රියාමාර්ග ගන්නවා.

පාර්ලිමේන්තු මන්ත්‍රීවරුන් වගේම පළාත් සභා මන්ත්‍රීවරු ගැනත් සොයා බලනවා. පක්‌ෂයේ ඉහළ මට්‌ටමේ සිට පහළ මට්‌ටම දක්‌වා ශ්‍රීලනිප අය ගැන සොයනවා" ඔහු වැඩිදුරටත් කියා සිටියේය.

 

Comment (0) Hits: 864

දළ පූට්ටුවාගේ දළ ගනුදෙනුව සිදු වූ පන්සලේ හිමිනම අතුරුදන්

ගල්ගමුව දළ පූට්ටුවාගේ ඇත් දළ ගනුදෙනුව සිදුවූ පොල්පිතිගම නාගල රජමහා විහාරාධිපති හිමියෝ දින කිහිපයක් තිස්සේ එම විහාරස්ථානයෙන් අතුරුදන්වී සිටිති.
 
එහි විහාරාධිපති හිමියන් දින කිහිපයකින් විහාරස්ථානයට වැඩම කර නොමැති බව වාර්තාවේ.
 
ඒ පිළිබඳව නාගල විහාරවාසී භික්ෂුන් වහන්සේගෙන් කළ විමසීමකදී උන්වහන්සේ පැවැසුවේ දින කිහිපයකට පෙර විහාරාධිපති හිමියන් සති පිරිතක් සඳහා යන බැව් පවසා බැහැර වැඩම කළ බවත් උන්වහන්සේ කිසි දිනක යන එන තැන් පිළිබඳව තමන් වහන්සේට නොපවසන බවත්ය.
 
නාගල විහාරාධිපති හිමියන් වැඩ වාසය කළ ආවාස ගෙය ඇතුළු ගොඩනැඟිල්ල වසා යතුරු දමා තිබෙන අතර සියලු ‍ෙදාර ජනෙල් වසා දමා යතුරු රැගෙන ගොස් ඇතැයි ආවාස ගෙය භාරව සිටින පුද්ගලයෙක් පැවැසීය.
 
වසා දමා ඇති ආවාස ගෙය ඉදිරිපිට විහාරාධිපති හිමියන් හට අයත් බව පැවැසෙන සුඛෝපභෝගී ජිප් රථ දෙකක් නවතා ඇත.
 
ඇත් දළ ජාවාරමට දැනට අත්අඩංගුවේ පසුවන හේරත්ගම ග්‍රාම නිලධාරියා නිතර පන්සලට ආගිය අයෙක් සහ ප්‍රධාන දායකයකු බව නාගල රජමහා විහාරවාසී භික්ෂුන් වහන්සේ වැඩිදුරටත් පැවැසූහ.
 
(මව්බිම)
 සබැඳි පුවත් :
 
Comment (0) Hits: 868

විරෝධතා මර්ධනයට කරපටි නොමැති පොලිස්‌ සුනඛයන්!

නීතිවිරෝධී අන්දමින් සිදුකරන මහජන උද්ඝෝෂණ විසුරුවා හැරීම සඳහා යොදාගන්නා පොලිස්‌ සුනඛයන් පොලිස්‌ ඉතිහාසයේ ප්‍රථම වතාවට කරපටිය (දම්වැල) නිදහස්‌ කර එම පෙළපාලිවලට යවන බව පොලිස්‌ ආරංචි මාර්ගවලින් හෙළිවී තිබේ.

මෙසේ කරපටිය නිදහස්‌ කර ඉදිරියට යවන පොලිස්‌ සුනඛයා පොලිසියට අවශ්‍ය කරන සැකකරුවන් ඉදිරියට ගොස්‌ බිරීමට පුරුදු කරන අතර යම් හෙයකින් එම පොලිස්‌ සුනඛයාට කිසිවකු ගල්මුල්වලින් පහරදීමට උත්සාහ ගන්නේ නම් එම පුද්ගලයා හෝ පුද්ගලයන්ගේ කලිසමෙන් අල්ලාගැනීම සඳහා සුනඛයන් ක්‍රියා කරන බව පොලිසිය කියයි.

මෙම සුනඛයන් කොටස්‌ වශයෙන් මේ සඳහා පුහුණු කරන බව කී පොලිස්‌ නිලධාරියා මෙම සුනඛයන් 160 දෙනකු මේ සඳහා මනාව පුහුණු කර අදාළ සුනඛයාගේ පුහුණුව අනුව ඌට බලපත්‍රයක්‌ නිකුත් කරන බව පොලිසිය කියයි.

(දිවයින)

Comment (0) Hits: 814

UB ෆිනෑන්ස් රන්සිත්ගේ කුණු වැඩක්

ගහෙන් වැටුණු මිනිහට ගොනෙක් ඇන්න විට අත්වන ඉරණම අමුතුවෙන් කිවයුතු නැත. මේ කියන්න යන්නේද එවැනි කතාවක්ය.

සෙලින්කෝ සමුහ ව්‍යාපාරයට අනුබද්ධිත ෆිනෑන්ස් ඇන්ඩ් ගරන්ට් සමාගම දැනට වසර නවයක පමණ කාලයක පටන් ඇත්තේ අක්‍රීයව ය. 2008 වසරේ එහි බිඳ වැටීම ආරම්භ වූ අතර මේ දක්වා මුල්‍ය ආයතයෙ හි තැන්පත්කරුවන් 2697 දෙනෙකු විසින් තැන්පත් කළ රුපියල් මිලියන 1,863 කට ආසන්න මුදල එම තැන්පත් කරුවන්ට නොගෙවීම නිසා සිදුව තිබෙන විශාල ඛේදවාචයක්ද ඇත. එය වාර්තා වන්නේ දැනටමත් එම තැම්පත්කරුවන් අතරින් 57 දෙනෙකු සියදිවි හානිකරගෙන තිබීම සහ 12 කට ආසන්න ප්‍රමාණයක් ස්වභාවික මරණයට පත්වූ බවට මරණ සහතික සටහන් වෙමින්ය.

එසේ මියගිය කිසිවෙක් ලෝකය අල්ලන්න සිතා එෆ් ඇන්ඩ් ජී ආයතනයේ මුදල් තැම්පත්කල උදවිය නොවේය. ඇත්තම කියනවා නම් කීයක් හෝ වැඩිපුර පොලියක් ලබා සිය සැදෑසමය කාටවත් අතනොපා ජීවත්වීම, දරු මල්ලන්ගේ හෙට දවස වෙනුවෙන් කීයක්හෝ වැඩිපුර ඉතුරු කරන්න අපේක්ෂාවෙන් එෆ් ඇන්ඩ් ජී සරණ ගිය උදවියය. එහෙත් ඒ සියලු දෙනාට අද සිදුව ඇත්තේ හූල්ලමින් අවසන් හුස්ම හෙළන්නටය. අසරණ කමේ අන්තිම කඳුළු බිඳු දරුවන්ට පෙන්වා දිවි ගමන අවසන් කරන්නටය.

ඒ අනුව මේ ඛේදවාචකයට ඉතිහාසයක් මෙන්ම වර්තමානයක් සහ අනාගතයක්ද ඇති බව පැහැදිලිය. ඒ කඩා වැටුණු එෆ් ඇන්ඩ් ජී සමාගම නැවත ගොඩනගා තැම්පත්කරුවන්ට සාධාරණයක් කරන්නට පැවරු පාර්ශවද අද වන විට ඒ මුලික කටයුත්ත දැනුවත්ව පැහැර හැර අනෙක් සේරම වැඩ කරමින් සිටින නිසාය.

මේ පැවරීමටද ඉතිහාසයක් ඇත. එසේම ඊටද අනාගතයක් සහ වර්තමානයක් ඇත. මේ ලියන්නේ ඒ යුග එකතුකළ එෆ් ඇන්ඩ් ජී ඛේදවාචකයේ වත්මන් පැතිකඩය.

එෆ් ඇන්ඩ් ජී සමාගම අස්ථාවරත්වයට පත්වීමෙන් අනතුරුව 2009 වසරේ මාර්තු 31 වනදා එම සමාගමේ පරිපාලන කටයුතු ශ්‍රී ලංකා මර්චන්ට් බැංකුවට පවරන්නට කටයුතු කරන්නේ ශ්‍රී ලංකා මහ බැංකුවේ මැදිහත්වීමෙන්ය. අනතුරුව මෙහි කළමනාකාරීත්වය ආරක්ෂාකාරීව සහ සක්‍රීයව සිදුකිරීම සඳහා මර්චන්ට් බැංකු සභාපතිවරයා යෝජනාවක් ගෙනවිත් ඇත. ඒ අදාළ තැම්පතු වලින් 60%ක් කොටස් වෙළඳපොල ආයෝජනය කරන්නටත් ඉතිරිය තැම්පතු සඳහා 9%ක පොලීයක් ගෙවීමටත්ය.

ඒ සඳහා තැන්පත්කරුවන්ද එකඟවී ඇත. නමුත් පසුව එෆ් ඇන්ඩ් ජී ආයතනයේ කළමනාකරණය යුනියන් බැංකුවටත් නැවත එය එම බැංකුවේම අනුබද්ධ යූ බී ෆිනෑන්ස් සමාගමටත් පැවරිණ.

වත්මන් ඛේදවාචකය ආරම්භ වන්නේ එතැන් පටන්ය. මේ වන විට යුනියන් බැංකුව සහ යු බී ෆිනෑන්ස් ආයතනය සිය වෙළඳපොල සාර්ථකත්වය දක්වමින් විවිධ දැන්වීම් පළකර සිටියත් මේ දක්වා එෆ් ඇන්ඩ් ජී සමාගමේ තැන්පත්කරුවන් වෙනුවෙන් කිසිඳු පොලී මුදලක් ලබාදී නොමැත. අවම වශයෙන් මියගිය තැන්පත්කරුවන් සතු හිමිකම් පත් ඔහුගේ දුවා දරුවන්ට පවරන ක්‍රම වේදයක් වත් සකස්කර නොමැත. එසේම සිය සැමියාගේ බරපතල රෝග තත්ත්වයක් හමුවේ රෝහල් ගාස්තු ගෙවීමට නොහැකිව තම තැන්පත් මුදල් ඉල්ලු බිරිඳකට යූ බී ෆිනෑන්ස් හී ප්‍රධාන විධායක නිලධාරී රන්සිත් කරුණාරත්න පිළිතුරු දෙන්නේ “මිනිස්සුන්ට කොහොමත් ලෙඩ හැදෙනවා ඒත් සල්ලි ඕන නම් ගිහින් මහා බැංකුවෙන් ඉල්ලා ගන්න” යනුවෙන්ය.

කොහොමටත් යූ බී ෆිනෑන්ස් ප්‍රධාන විධායක නිලධාරීයා සිතා සිටින්නේ යුබී ෆිනෑන්ස් තම අම්මා අප්පා වෙතින් තමන්ට ලැබුණු දායාදයක් ලෙසය. එසේ සිතා රන්සිත් කරුණාරත්නගේ මැදිහත්වීමෙන් සිදුවූ තවත් කැත වැඩක් මීට පෙරද අප හෙලිකරා ඔබට මතක ඇත.

ඒ එෆ් ඇන්ඩ් ජී ප්‍රොපර්ටි ඩිවලර්පස් සමාගමේ දේපලක් වූ නමුත් මේ වන විට යූබී ෆිනෑන්ස් කළමනාකරණය යටතේ ඇති මීගමුව පෙරිය මුල්ල කොන්ටිනන්ටල් රෙසිඩන්ස් නම් ඉඩම් කොටස් ව්‍යාපෘතියේ බිම් කොටස් 22 කින් යුතු පර්චස් 220 ක පමණ ඉඩමක, එහි ඇතැම් බිම් කොටස් වලට අයිතිකරුවන් ද සිටියදී එම ඉඩම වෙනත් ආයතනයට හොර රහසේ විකුණා තිබීමය.

මෙම හොර ඉඩම් ගනුදෙනුව ගැන හෙළිදරව් වූයේ පසුගිය අගොස්තු මාසයේදී එෆ් ඇන්ඩ් ජී සමාගම වෙතින් බ්ලොක් 65 ඉඩම මිලදීගත් පාර්ශවය ඊට ඇතුල්වීමේදී ඊට ඉඩ නොදී පිටස්තර පාර්ශ්වයක් විසින් වලකා ලීම මතය. එහෙත් 2009 වසරේ බ්ලොක් 65 කොටස මිලදීගත් පාර්ශවය ඊට අදාළ ගෙවීම් සිදුකල බවට ඒ එෆ් ඇන්ඩ් ජී ප්‍රොපර්ටි ඩිවලර්පස් සමාගම නිකුත් කල ලේඛන පවා ඇත. එසේම අදාළ ඉඩම 2009 වසරේ තමන් මිලදී ගත බව දැක්වීමට ලියකියවිලි, වරිපනම් අංකයක් පවා මීගමුව මහ නගර සභාව විසින් නිකුත් කොට තිබේ.

කෙසේ වුවත් අයිතිකරුට ඉඩමට ඇතුල්වීමට ඉඩ නොදෙමින් පිටස්තර පාර්ශවය සඳහන් කර ඇත්තේ අදාළ ඉඩම ඇතුළුව තවත් ඉඩම් කොටස් 22ක් තමන් මිලදීගත් බවය. ඔහු ඒ. වර්ණකුමාර නම් වන අතර ඔහු මෙම පර්චස් 220 කට ආසන්න ඉඩම මිලදි ගෙන ඇත්තේ රුපියල් ලක්ෂ 1184 ක මුදලකටය.

නමුත් 2009 වසරේ බ්ලොක් 65 කොටස මිලදීගත් පාර්ශවය ඒ සඳහා රුපියල් ලක්ෂ 120 ක් වැයකර ඇත. එම වටිනාකමට අදාළව මෙම පර්චස් 220 කොටස තක්සේරු කරනවා නම් අවම වශයෙන් ලක්ෂ 2640ක් යූ බී ෆිනෑන්ස් සමාගම සතුවිය යුතුය. එහෙත් වසර නවකට පෙර වූ මිලටවත් මෙම ඉඩම් ගනුදෙනුව සිදුව නොමැත. එසේම මීගමුව ප්‍රදේශයේ වසංගතයක් පැතිරී හෝ ඉඩම් මිල පහල නොගිය බැවින් වර්ණකුමාර සහ යු බී ෆිනෑන්ස් අතර සිදුවූ ගනුදෙනුව අන්ත දුෂිත අයුරින් සිදුව ඇති බව පැහැදිළිය.

 නමුත් යූ බී ‍ෆිනෑන්ස් ආයතනය මෙම ඉඩම නිසි වටිනාකමට විකුණා දැමීම සිදු වූයේ නම් තැන්පත්කරුවන්ගේ තැන්පත් මුදල් හා පොලී මුදල වලින් විශාල ප්‍රමාණයක් පහසුවෙන් ගෙවා දැමීමේ හැකියාව තිබිණි.

මෙම ගනුදෙනුව ගැන සමාගම පවසන්නෙ ඒ බී කන්ස්ට්‍රක්ෂන් සමාගම මෙම ඉඩමෙහි සිදු කළ ඉදිකිරීම් කටයුත්තක් වෙනුවෙන් රුපියල් ලක්ෂ 420 ක ගෙවීමක් සිදු කිරීම විය යු‍තුව තිබූ බවත් ඒ හිලව් කර ගැනීම සඳහා මෙම ඉඩම ඔහුට අඩු මුදලකට විකුණා දැමූ බවය. එය එසේ සිදු කළත් ඒ විකුණා දැමීමෙහි මිල අවම වශයෙන් ලක්ෂ 2000 ක්වත් විය යුතුව තිබිණි.

අනෙක් අතට 2009 වසරේ මිලදීගත් ඉඩම් කොටසක්ද වර්ණ කුමාරට විකිණීම තුළ පෙනී යන්නේ එෆ් ඇන්ඩ් ජී තැම්පත්කරුවන්ගේ අවම වශයෙන් පොලී මුදල් ගෙවීමට වඩා තදියමක් යූ බී ෆිනෑන්ස් කෙරුමන්ට වර්ණකුමාර ගැන තිබී ඇති බවය.

අප වෙත ලැබී ඇති තොරතුරු අනුව වර්ණකුමාරගේ ණය හිලවු කිරීමේ මුවාවෙන් මෙම ඉඩම් කොටස් මහදවාලේ කොල්ලකන්න ඉඩදී ඇත්තේ යූ බී ෆිනෑන්ස් හී ප්‍රධාන විධායක රන්සිත් කරුණාරත්නය. ප්‍රිය පාඨකය, එෆ් ඇන්ඩ් ජී තම්පත්කරුවකු බරපතල අසාධ්‍ය තත්වයෙන් රෝහලට ඇතුලත් කර රෝහල් බිල ගෙවන්න තරම් මුදලක් ඉල්ලු අවස්ථාවේ “ගිහින් මහ බැංකුවෙන් ඉල්ලනවා” කිව්වේද මේ රන්සිත්ය.

වාර්තා වන ආකාරයට මේ වන විට යූ බී ‍ෆිනෑන්ස සමාගමේ සියලු කටයුතු ඔහුගේ අධිකාරිත්වයට යටත්ව සිදු වෙමින් ඇත. නම රන්සිත් වුවත් කුණුවූ සිතක්වත් නොතිබෙන ගානට කරන මේ කැත වැඩ යූබී ‍ෆිනෑන්ස් සමාගමේ සභාපති ඇලෙක්සි ලොවෙල් හෝ යුනියන් බැංකුවේ පාලන අධිකාරිය දන්නේ දැයි අප දන්නේ නැත. කොහොමටත් මෙවැනි මජර ගනුදෙනු කරන්නට ඔවුන්ගේ ආශීර්වාදය සක්විති සිත් ඇති රන්සිත්ට ලැබෙනවාද නැද්ද යන්න අපටත් අදාළ නැත. එහෙත් ශ්‍රී ලංකා මහ බැංකුවට මේ ගැන සොයා බැලීමේ වගකීමක් ඇත. එහෙයින් ඔවුන් වහා මේ රන්සිත් කරන කුණු වැඩ සේම රන්සිත්ගේ කුනුවැඩ නිසා අමාරුවේ වැටී ඇති මිනිසුන්ගේ ප්‍රශ්ණය ගැන විමර්ශනය කල යුතුව ඇත.

එතෙක් අපට කියන්නට ඇත්තේ එෆ් ඇන්ඩ් ජී තැන්පත්කරුවන්ගේ සිට ඒ සමඟ ගනුදෙනු කල පාර්ශව අද මුහුණ දෙන යම් අර්බුදයක් තිබේද ඊට ප්‍රධාන වගකිව යුත්තා වන්නේ යූ බී ෆිනෑන්ස් හී ප්‍රධාන විධායක නිලධාරියා වන රන්සිත් කරුණාරත්න බවය. රන්සිත් ගේ මේ කුණු වැඩ ගැන බලධාරීන් ගන්නා තීරණ මොනවාද යන්න ගැන හෙටටත් අප අවධානයෙන්ය.

කාශ්‍යප කොතලාවල (සත්හඬ)

Comment (0) Hits: 906

මාධ්‍ය වාරණය 21 වන සියවසට අදාළ නෑ - අමාත්‍ය මංගල සමරවීර

දේශපාලනය සහ ජනමාධ්‍ය අතර ගැටුම ප්‍රජාතන්ත්‍රවාදයට අත්‍යවශ්‍ය සාධයක් බවත් ජනමාධ්‍ය සහ දේශපාලකයින් කරට අතදාගෙන වැඩ කිරීමට යාමෙන් දෙපාර්ශවයේම කටයුතු නිවැරදිව සිදුනොවන බව මුදල් හා ජනමාධ්‍ය අමාත්‍ය මංගල සමරවීර සඳහන් කරයි.

අමාත්‍යවරයා මේ බව සඳහන් කර සිටියේ ඊයේ (05) පුවත්පත් ආයතනයේ පැවති ශ්‍රී ලංකා වෘත්තීය පත්‍ර කලාවේදීන්ගේ සංගමය සංවිධානය කර තිබූ වැඩසටහනකට එක්වෙමිනි.

එහිදී අමාත්‍යවරයා මාධ්‍ය වාරණය සම්බන්ධවද අදහස් දැක්වූ අතර 21 සියවසේ සන්නිවේදන ක්ෂේත්‍රය ලබා ඇති තාක්ෂණික දියුණුව හමුවේ වාරණය යන්න අදාළ නොවන දෙයක් බවත් මාධ්‍ය තහනමක් ගැන සිතීම පසුබෑමක් බවද පැවසීය.

එහි දී අදහස් දැක් වූ මංගල සමරවීර අමාත්‍යවරයා මෙසේද පැවසීය.

“මේ දේශනය ගැන කල්පනා කර කර ඉන්න අවස්ථාවේ මට පොතක් කියවන්න ලැබුණ Constructive news කියල. ඒක එක්සත් ජාතීන්ගේ සංවිධානය සහ අමෙරිකා එක්සත් ජනපදය එක්ව කළ සමීක්ෂණයක්. එහි සඳහන් වෙන්නේ 2017 අවුරුද්දේ ජනතාවට විශ්වාසවන්තම වෘත්තියන් පිළිබඳවයි. ඉහළින් ම සඳහන් වන්නේ හෙද වෘත්තිය ඊළගට වෛද්‍ය වෘත්තිය. අන්තිම කෙළවරේ සඳහන් වෙනවා දේශපාලනය. ඒක එහෙයි මෙහෙයි කියල වෙනසක් නැහැ අපි කවුරුත් ඒක පිළිගන්න දෙයක්. නමුත් ඊට උඩින් තියෙන්නෙ ජනමාධ්‍යවේදීන් කියලයි. අපි දෙගොල්ලොම වගේ එක ම බෝට්ටුවක ඉන්නෙ. ඇමරිකාවෙ නෙවෙයි මෙහෙ සමීක්ෂණයක් කළත් මේ හා සමාන ප්‍රතිචාරයක් ලැබෙයි කියල මම හිතනවා. දේශපාලනඥයන්ට වගේ ම ජනමාධ්‍යවේදීනුත් විශ්වාසය අඩුවෙන් දිනාගත්ත පිරිසක් බවට පත් වෙලා තියෙන්නෙ ඇයි කියල අපි සමීක්ෂණය කරන්න ඕනෙ. ජනමාධ්‍ය කියන්නෙ රටක් පවත්වාගෙන යන ප්‍රධාන කුලුනක්. දේශපානඥයො කඩාවැටෙද්දි ජනමාධ්‍ය කියන කුලුනත් කඩාගෙන වැටෙනවා නම් ප්‍රජාතන්ත්‍රවාදයකට විශාල පහරක් එල්ල වෙන්න පුළුවන්.

වෙබ් අඩවියක පුවතක් පළ වෙන්නෙ යන්නෙ තත්පර කිහිපයක් නිසා වෘත්තීය ජනමාධ්‍යවේදීනුත් ඒ සමග තරග කරන්න යාමෙන් සත්‍ය යට යනව ද කියන දේ ගැනත් අපි හිතන්න ඕනෙ.

මට මතක් වෙනවා ප්‍රවීණ පුවත්පත් කලාවේදී ගුණදාස ලියනගේ මහතා ලියපු ශ්‍රී ලංකාවේ පුවත්පත් මෙල්ල කිරීම කියන පොතේ වාක්‍ය කිහිපයක්. ‘රජයක් මගින් යම් රටක පුවත්පත් පාලනය කරයි නම් එය එම රටේ නිදහසේ අවසානයයි. එමෙන් ම පුවත්පත් පළ කිරීමට සම්බන්ධ භාරදූර ජාතික වගකීම්වලට ගරු නොකර යම් පුවත්පත් පළ කරයි නම් එය ද රටක නිදහසේ අවසානයයි. ඒ වගේ ම එතුම ඒ පොතේ අන්තිමට මෙහෙම ලියනවා. නිදහස් රටක් නිදහස සුරක්ෂිත කර ගැනීම සඳහා ඇති හොඳ ම මාර්ගය නම් ආණ්ඩුව සහ පුවත්පත අතර පවතින ගැටුමයි. එය ප්‍රජාතන්ත්‍රවාදයේ පැවැත්මට අත්‍යාවශ්‍ය දෙයකි. දෙපක්ෂය සදාකාලික සටන් කරනවා විනා යම් විදියකින් එක් පක්ෂයක් ජයග්‍රහණය කළහොත් එය ප්‍රජාතන්ත්‍රවාදයේ පරාජයයි. දේශපාලනයේ සහ ජනමාධ්‍යයේ ගැටුම ප්‍රජාතන්ත්‍රවාදයට අත්‍යාවශ්‍ය සාධකයක්. ගැටුමක් තියෙන්නෙ ඕනෙ. අපි දෙගොල්ලො කරට අතදාගෙන රාජකාරි කරන්නෙ ගියොත් අපි දෙගොල්ලගෙම වැඩේ හරියට සිද්ධ වෙන්නෙ නෑ. අපට මතකයි පසුගිය යුගයදි ජනමාධ්‍යයට වඩා රජය කොතරම් ශක්තිමත් වුණා ද, ජනමාධ්‍යවේදීන් කී දෙනෙක් අපට අහිමිවුණා ද කියල. ඒ නිසා ම ජනමාධ්‍යයන් රජයේ හීලෑ ගෝලබාලයන් ලෙස කටයුතු කරපු කාලයකුත් තිබුණ. නමුත් අපට යළිත් වතාවක් ඒ තත්ත්වය සමබර කරන්න අපට පුළුවන් වුණා මේ පසුගිය අවුරුදු දෙක හමාරක කාලය තුළ. තොරතුරු දැනගැනීමේ පනත වැනි පනත් අපි සම්මත කරගෙන, ජනමාධ්‍යවේදීන්ට තමන්ගෙ මතය ඕනෑම විදියකට පළ කිරීමට අවස්ථාව ලබා දීල තියෙනවා. තහංචි මොකුත් ජනමාධ්‍යවේදීන්ට දාල නැහැ.

ඊයේ අගමැතිතුමාගේ ප්‍රධානත්වයෙන් පැවැති උත්සවයේ දී එතුම ඇහුවෙ කාටත් තේරෙන දෙයක්. ලෝකයේ ප්‍රධාන පෙළේ මාධ්‍ය ආයතන නියෝජනය කරමින් බොහෝ පිරිසක් පැමිණිලා, ජනමාධ්‍යවේදීන්ට ශ්‍රී ලංකාවේද විතරක් නෙවෙයි ලෝකේ කිසිම රටක ද බාධා පැමිණිවීමට එරෙහිව සාකච්ඡා කරපු උත්සවේ කෝ අපේ ජනමාධ්‍යවේදී මහත්වරු. නමුත් මේ කර්තෘවරුන් ම මාධ්‍ය නිදහස නැති කිරීමට වගකිව යුත්තන් ම යළි වතාවක් කරළියට ගේන්න දිවා රෑ වැඩ කරනවා.

රජයේ ජනමාධ්‍ය පෞද්ගලික ජනමාධ්‍යට වඩා සාධාරණව අද ප්‍රවෘත්ති ලබා දෙනවා. නමුත් අපි කියල තියෙනව ගැහුවොත් පොඩ්ඩක් ගහන්න කියල. අපටත් මොකක් හරි කියන්න අයිතියක් තියෙනවනෙ. නමුත් එදා වගේ අපේ විරුද්ධවාදීන්ගේ අම්මල තාත්තල මතක් කරල බනින්නෙ නෑ. ඒකාලෙ ගුවන්විදුලි සංස්ථාවේ හිටිය මහත්තයෙක් එයා මගෙ අම්ම මතක් කරල තියෙනවා සිය වතාවකට වඩා, මට නපුංසකයා කියල තියෙනව දෙසිය වතාවකට වඩා. ස්වාධීන රූපවාහිනියේ ප්‍රවෘත්තිවලින් පස්සෙ තිබුණ තවත් ඒ වගේ වැඩසටහනක්.

ලංකා ඊ නිවුස් තහනම ගැනත් වචනයක් කියන්නම්. අද කිසිම වෙබ් අඩවියක් තහනම් කරන්න බැහැ. තහනම් කරන්න උත්සහ කිරීමත් පසු බෑමක් විතරයි. කිසියම් වෙබ් අඩවියක් තාක්ෂණයෙන් යම් කලකට හෝ නවත්තන්න පුළුවන් වුණත් ප්‍රොක්සි වෙබ් අඩවි හරහා ඒව කියවන්න පුළුවන්. ලංකා ඊ නිවුස් එකේ ලිපි මම තාමත් කියවනව ඒ විදියට. ඒ නිසා වාරණය කියන එක 21 වැනි සියවසට අදාළ කාරණාවක් නෙවෙයි,”

IMG 9509

IMG 9518

IMG 9528

IMG 9534

IMG 9541

IMG 9562

IMG 9564

IMG 9582

Comment (0) Hits: 810

පොහොට්ටුවේ නඩේ රන් ගොජ්ජු නොවීමට කළ යුත්තේ කුමක්ද ? - වීරකුමාර ලියයි

අත්තනෝමතික ලෙස දේශපාලනය තෝරා ශ්‍රී ලංකා නිදහස් පක්ෂය කැඩීමට කටයුතු කළහොත් නියත වශයෙන්ම 2020 ජනාධිපතිවරණයේ දී රනිල් වික්‍රමසිංහ ජයග්‍රහණය කරන බවත් එවැනි තත්ත්වයක් ඇතිවුවහොත් එම පාපකර්මයට මේ මොහොතේ ශ්‍රීලනිප ය බෙදීමට උත්සාහකරන සියළු දෙනා වගකිව යුතු බවත් පාර්ලිමේන්තු මන්ත්‍රී වීරකුමාර දිසානායක සඳහන් කරයි.

ජාතික නිදහස් පෙරමුණේ නියෝජ්‍ය නායක සහ අනුරාධපුර දිස්ත්‍රික් පාර්ලිමේන්තු මන්ත්‍රී ලෙස විවෘත මාධ්‍ය නිවේදනයක් නිකුත් කරමින් මන්ත්‍රීවරයා මේ බව සඳහන් කර ඇත.

එසේම මේ මොහොතේ අධිරාජ්‍ය විරෝධී බලවේගවල දේශාපලන උපායමාර්ගය විය යුතුව ඇත්තේ රනිල් වික්‍රමසිංහ පරාජය කොට අධිරාජ්‍යවාදී න්‍යායපත්‍රය පරාජය කරන තැනට බලවේග එකතු කර, එය කරන්නේ කෙසේද යන්න ජනතාව වෙත ගෙනයාම මිස වෙනත් කරුණක් නොවන බවද මන්ත්‍රීවරයා නිකුත් කල නිවේදනයේ අවධාරණය කර ඇත.

තවද සැබෑ ජනතාවාදී නායකයින්ට ජනතාවගේ ජයග්‍රහණය වෙනුවෙන් කළ නොහැක්කක් තිබිය නොහැකි බවත් ඒ වෙනුවෙන් යන්නට බැරි තැනක්, නමන්න බැරි හිසක්ද නොතිබිය යුතු බවද සිය නිවේදනය හරහා මන්ත්‍රීවරයා අවධාරණය කර ඇත.

එසේ නොකර අද දවසේ වැරදි දේශපාලන තීන්දු ගතහොත් ඒකාබද්ධ විපක්ෂය නියෝජනය කරන සියළුදෙනාට සිදුවන්නේ “2020 වසර වන විට සියළු දෙනා රජවීම කෙසේ වෙතත් “රන් ගොජ්ජු” ව සිටින්නට බවද මන්ත්‍රීවරයා නිකුත් කල නිවේදනයේ සඳහන්ව ඇත.

ජාතික නිදහස් පෙරමුණේ නියෝජ්‍ය නායක පාර්ලිමේන්තු මන්ත්‍රී වීරකුමාර දිසානායක නිකුත්කළ සම්පුර්ණ මාධ්‍ය නිවේදනය මෙසේය.

weera madya niwedanaya 1

weera madya niwedanaya 2

madya niwedanaya weerakumar 3

madya niwedanaya weerakumar 4

madya niwedanaya weerakumar 5

madya niwedanaya weerakumar 6

weera madya niwedanaya 7

madya niwedanaya weerakumar 8

Comment (0) Hits: 910

වෙල්ගමගේ 'පුරුෂ ශක්තිය' ගැන මහින්ද 'තෙල' බෙදයි

වත්මන් ආණ්ඩුව සමලිංගික අයිතිවාසිකම නීතිගත කිරීමට සුදානම් වන බවත් එය රටේ සංස්කෘතියට හා සභ්‍යත්වයට පටහැනි බැවින් ඊට තමන්ද විරුද්ධ නමුත් වුවමනාවක් තිබෙනවා නම් එය හොරෙන් ගෙවල් ඇතුලේ කරගත්තාට වරදක් නැති බව කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ ප්‍රකාශකර සිටියේය.

එම කතාවේදී ශ්‍රී ලංකා පොදුජන පෙරමුණේ බදුල්ල දිස්ත්‍රික් නායක පාර්ලිමේන්තු මන්ත්‍රී කුමාර වෙල්ගමගේ බහු භාර්යා සේවනය ගැනද මහින්ද රජාපක්ෂ අදහස් දැක්වූ අතර එහිදී බහු භාර්යා සේවනය උත්කර්ෂයට නංවමින් ඔහු සඳහන් කර සිටියේ වෙල්ගම ඇමතිතුමාගේ එක බිරිඳක් හපුතලේ බවත්, අනෙක් බිරින්දෑවරු කොහෙදැයි තමන් කියන්නේ නැති බවත්ය.

එසේම බහු භාර්යා සේවනය අතින් තමන්ගේ පොදුජන පෙරමුණේ අය සමඟ ආණ්ඩුවේ අයට හැරෙන්නවත් නොහැකි බවද ඔහු සඳහන් කර සිටියේය.

මහින්ද රාජපක්ෂ මහතා මෙසේ පවසා සිටියේ ඊයේ (04) ශ්‍රී ලංකා පොදුජන පෙරමුණ මගින් බදුල්ලේ පවත්වන ලද “දිනන සටන” රැළිය අමතමින්ය.

එහිදී මහින්ද රාජපක්ෂ මහතා සිය කතාවේදී ශ්‍රී ලංකා පොදු ජන පෙරමුණ දේශපාලන පක්ෂයක් ලෙස සමලිංගික අයිතිවාසිකම් සහ විවාහය නීතිගත කිරීමට විරුද්ධ නමුත්, සමලිංගික සේවනයට ඔවුන්ගේ විරුද්ධත්වයක් නොමැති බව හැඟවූ අතර ඒ වෙනුවෙන් යෝජනා කර සිටියේ සමලිංගික සේවනය රහසේ ගෙවල් තුළ සිදුකර ගත යුතුව ඇති බවය.

එමෙන්ම වෙල්ගම ඇමතිවරයාගේ බහු භාර්ය සම්බන්ධතා උත්කර්ෂයට නංවමින් තම පාක්ෂිකයින් ඉදිරියේ එය හුවා දැක්වීමට පසුබට නොවීම තුළින් හිටපු ජනාධිපතිවරයා බහු භාර්යා සේවනය එළිපිට සිදුකිරීමේ කිසිදු වරදක් නොමැති බව හැගවෙන ප්‍රකාශයක් මෙම කතාවේදී සිදුකර තිබේ.

මේ අනුව මහින්ද රාජපක්ෂ ජනාධිපතිවරයා හා ශ්‍රී ලංකා පොදු ජන පෙරමුණ සමලිංගික සේවනය පන්සලේ මෙන් රහසේත්, බහු භාර්යා සේවනය එළිපිට සිදුකළ හැකි බවත් ප්‍රතිපත්තියක් ලෙස පිළිගෙන තිබේ.

Comment (0) Hits: 7128

අගමැතිගෙන් මාධ්‍යවේදීන්ට තෙලක්

මාධ්‍යවේදීන් ආරක්ෂා කිරීම සම්බන්ධව මාධ්‍ය ආයතන ප්‍රධානීන්ගේ උනන්දුව පිළිබඳ සෑහීමකට පත්විය නොහැකි බව අග්‍රාමාත්‍ය රනිල් වික්‍රමසිංහ පවසයි.

අග්‍රාමාත්‍යවරයා මෙසේ සඳහන් කර සිටියේ 04 වනදා කොළඹ තාජ් සමුද්‍රා හෝටලයේ පැවති මාධ්‍යවේදීන්ට එල්ලවන ප්‍රචණ්ඩත්වයට එරෙහි අන්තර්ජාතික සමුළුව අමතමින්ය.

මාධ්‍ය ප්‍රධානීන් ඉලක්ක කර අග්‍රාමාත්‍යවරයා මෙසේ විවේචනය කර දැක්වුයේ අදාල අන්තර ජාතික සමුළුව මාධ්‍යවේදීන්ගේ ආරක්ෂාව සහතික කිරීමේ වැදගත්කම අවධාරණය කර ගැනීම වුවත් රාජ්‍ය මාධ්‍ය දෙකක ප්‍රධානීන් සහ එක් පුවත්පත් කර්තෘවරයෙකු හැර වෙනත් කිසිඳු මාධ්‍ය ආයතන ප්‍රධානියකු අදාළ සමුවට සහභාගීවීමටවත් උනන්දු නොවීම සම්බන්ධයෙනි.

එහිදී වැඩිදුරටත් අදහස් දක්වමින් අග්‍රාමාත්‍යවරයා සඳහන් කර සිටියේ වර්තමානයේ සිටින බොහෝ මාධ්‍ය ප්‍රධානීන්ගේ අපේක්ෂාව වත්මන් ආණ්ඩුව සලසාදී තිබෙන මාධ්‍ය නිදහස යොදාගෙන ආණ්ඩුවට පහරදී නැවත රාජපක්ෂලා සමඟ පැමිණ මුදල් ඉපයීම වෙනුවෙන් ව්‍යාපාර ඇරඹීම පමණක් බවය.

එහිදී අග්‍රාමාත්‍යවරයා මෙසේද පැවසීය.

“මෙම අන්තර්ජාතික සමුළුවේ අරමුණ මාධ්‍යවේදීන්ට එල්ල වන ප්‍රචණ්ඩත්වයට එරෙහිව පෙළගැසීමයි. රාජපක්‍ෂ රෙජිමය යටතේ එම අපරාධ එකක් සම්බන්ධයෙන්වත් ක්‍රියාමාර්ග ගත්තේ නැහැ. තමන්ගේ හිතුමනාපයට ඕනෑම මාධ්‍යවේදියෙකුට පහරදුන්නා. අත්අඩංගුවේ තබා ගත්තා. අද අපි මේ පවත්වන වැදගත් උත්සවයට මාධ්‍යවේදීන්, මාධ්‍ය ප්‍රධානීන් පැමිණේවි යැයි මා බලාපොරොත්තු වුණා. නමුත් එවැනි කිසිවෙකුත් මෙහි පැමිණ නැහැ. රාජ්‍ය මාධ්‍ය දෙකක සභාපතිවරුන් සහ පෞද්ගලික මාධ්‍යයක කර්තෘවරයෙකු ඉන්නවා. අපට බලාපොරොත්තු විය හැක්කේ මෙය ද? ලසන්ත වික්‍රමතුංග, ප්‍රදිප් එක්නැලිගොඩ, කීත් නොයාර්, උපාලි තෙන්නකෝන්, උදයන් පුවත් පතේ මාධ්‍යවේදීන්ට පහරදීම්, ජීවිත නැති කිරීම් කලාට ඒ පිළිබඳව තමන්ට කිසිම ළැදියාවක් නැති බව, උනන්දුවක් නැති බව මෙම මාධ්‍ය පිරිස නොකියා කියනවා.

මේ කියන්නේ මාධ්‍ය නිදහස අවශ්‍ය නැති බව ද? රාජපක්‍ෂ රෙජිමය නැවතත් අවශ්‍ය බවද? ආණ්ඩුව නැති කර දමා හෝ නැවත රාජපක්‍ෂ රෙජිමය ගෙනැවිත් අප නැවතත් මාධ්‍යවේදීන් මරාදමන්නට ඉඩදෙමු කියන කාරණය ද? නැතිනම් ඔවුන් කියන්නේ වෙන මොනවාද? මාධ්‍යවේදීන්ට සිදු වූ අකටයුතුකම් පිළිබඳව ඔවුන් කිසිදිනෙක මගෙන් ප්‍රශ්න කරන්නේ නැහැ. අජිත් පෙරේරා මහතාගේ ඡායාරූප පස්වතාවක් පළ කළ අයුරින්, ලසන්ත වික්‍රමතුංග මහතාගේ ඡායාරූප පස්වතාවක් පළ කොට මේ මිනිහාට සිදුවූයේ කුමක්දැයි මගෙන් ඇසුවේ නැහැ.

මගේ මේ කතාව පළ කරාවිදැයි කියාවත් මා දන්නේ නැහැ. හෙට සිට මට තවත් පහර ගසාවි. නමුත් සත්‍ය මෙයයි. අද ගල්ගමුවේ ඇතාගේ ප්‍රශ්නය පිළිබඳව, දළ පිළිබඳව කතා කරනවා. එය ඉතා හොඳයි. ඒ පිළිබඳවත් අප ක්‍රියා කරනවා. නමුත් මාධ්‍යයේ කරඬුව ගෙන ගිය ඇතා මරා දැමූ පසු මේ අය කතා කළේ මොනවාද? මේ තත්ත්වය බලපාන්නේ මට නොවෙයි. මාධ්‍යවේදීන් සියලූම දෙනාටයි. මාධ්‍යවේදීන් ආරක්‍ෂා කිරීමට අප උනන්දු වෙනවා. නමුත් ඔබ වැඩකරන සමාගම එලෙස උනන්දු වෙනවා ද? එදත් ඔවුන් නිශ්ශබ්දව සිටියා. රාජපක්‍ෂ රෙජිමය සමග හවුල් වී බිස්නස් කළා.

මෙම වැදගත් සමුළුවේදී මට රටෙන් අසන්නට තිබුණේ අප මාධ්‍යවේදීන් ආරක්‍ෂා කරන්නට මෙහි පැමිණි අවස්ථාවක මාධ්‍ය නියෝජනය කරන ප්‍රධාන පුද්ගලයන් මෙහි නොපැමිණියේ ඇයි? යන ප්‍රශ්නයයි. මොවුන්ට අවශ්‍ය මාධ්‍ය ආරක්‍ෂා කරන්න ද මාධ්‍ය නිදහස පාවිච්චි කොට ආණ්ඩුවට පහර ගසා, යහපාලනයට පහර ගසා රාජපක්‍ෂ රෙජිමයක් නැවත ඇති කරන්න ද? යන ප්‍රශ්නය අපට ඇති වෙනවා. මේ කාරණයෙන් එකක් ඔප්පු වෙනවා. සමහර කරුණු හෙළි දරව් නොකරන්නේ ඇයි ද යන වගත්, මෙතරම් පහර ගහන්නේ ඇයි යන වගත් ඔවුන්ගේ මේ ක්‍රියාවෙන්ම ඔප්පු වෙනවා. මා මේ කතාව අවසන් කළ මොහොතේ සිට මට බනින්නට නිදහස තිබෙනවා.

 

Comment (0) Hits: 820

ජනපතිගේ පණිවිඩයක් රැගෙන රතන හිමි බැසිල් හමුවේ

ජනාධිපති මෛත්‍රීපාල සිරිසේන මහතාගේ පණිවිඩයක් දැනුම් දීම සදහා පාර්ලිමේන්තු මන්ත්‍රී අතුරලියේ රතන හිමියෝ අද පස්වරුවේ ශ්‍රී ලංකා පොදුජන පෙරමුණ පක්ෂයේ (පොහොට්ටුව) ජාතික සංවිධායක බැසිල් රාජපක්ෂ මහතා හමු වී තිබේ.

රතන හිමියන් සමග මෙම හමුව සදහා සෙමා ආයතනයේ සභාපති අශෝක අබේගුණවර්ධන මහතාද සහභාගී වී ඇතැයි වාර්තා වේ.

ශ්‍රි.ල.නි.ප. පක්ෂය පාවා දීමට කටයුතු කළ හොත් ඉදිරියේදී නරක කලදසාවක් උදාවීමට ඉඩ ඇති වේ යැයි රතන හිමියෝ බැසිල් රජපක්ෂ  මහතාට දැනුම් දී ඇත.

එහිදී බැසිල් රාජපක්ෂ මහතා පවසා ඇත්තේ හිටපු ජනාධිපති මහින්ද රාජපක්ෂ මහතාගෙන් හා ප්‍රසන්න රණතුංග මහතාගෙන් නොවිමසා යළි සාම සාකච්ඡා පැවැත්වීම සදහා තමාට තනි තීරණයක් ගත නොහැකි බවයි.

කෙසේ වෙතත් හෙට දිනයේ ඔවුන් දෙදෙනා හමුවී සාකච්ඡා කර තීන්දුවක් ලබා දෙන බව බැසිල් රාජපක්ෂ මහතා අතුරලියේ රතන හිමියන් හට පවසා තිබේ.

Comment (0) Hits: 1027

වීරකුමාර අ'නුරපුරෙන් වැඩ අරඹයි!

 ඉදිරි පළාත් පාලන මැතිවරණය සදහා ශ්‍රී ලංකා නිදහස් පක්ෂයට සහ ඒකාබද්ධ විපක්ෂයට  එක්ව තරග කරන ලෙස බලකරමින් ජාතික නිදහස් පෙරමුණේ නියෝජ්‍ය නායක පාර්ලිමේන්තු මන්ත්‍රී වීරකුමාර දිසානායන මහතා හෙට (5) පෙරවරුවේ විශේෂ පුවත්පත් සාකච්ඡාවක් කැදවා ඇතැයි වාර්තා වේ.
 
ශ්‍රිලනිප - ඒකාබද්ධ සාකච්ඡා කඩා කප්පල් කිරීමට කටයුතු කළ කුමන්ත්‍රණකාරීන් කවුරුන්දැයි එහිදී හෙළිදරව් කිරීමට නියමිත ඇතැයි ද පැවසේ.
 
මහින්ද - මෛත්‍රී සමගි වන්න 
 
ශ්‍රිලනිප - ඒකාබද්ධ කිරීමට ඔහු ප්‍රසිද්ධියේ ගෙන යන සටනට ජාතික නිදහස් පෙරමුණේ බහුතරයක් මෙන්ම දිනේෂ් ගුණවර්ධන, වාසුදේව නානායක්කාර, ඩලස් අලහප්පෙරුම, මහින්දානන්ද අලුගමගේ යන ඇමතිවරු ඇතුළු බහුතරයකගේ සහයෝගය ඵල වී ඇතැයි ද වාර්තා වේ. 
Comment (0) Hits: 964

පාම් තෙල් පොල් තෙල් කරන ජාවාරමක් !

පොල්තෙල්වලට පාම් තෙල් කවලම් කිරීමේ ජාවාරමක් වැටලීමට දඹුල්ල පොලිස් විශේෂ කාර්ය බලකායේ විශේෂ වැටලීම් අංශය අද සමත් විය.

එහි තිබී කලවම් කරන ලද පොල් තෙල් සහ පාම් තෙල් ලීටර් 25,000කට අධික ප්‍රමාණයක් සොයාගෙන ඇති බව වාර්තාවේ.

ගලේවෙල - එනමල්පොත - හතේ කණුව ප්‍රදේශයේදී කාලයක් පුරා මෙම ජාවාරම සිදුකර ඇති අතර පිට පළාත්වලින් මෙම ස්ථානයට පාම් තෙල් රැගෙන විත් පොල්තෙල් බවට පත් කර ඇති බව පොලිසිය පවසයි.

එලෙස කලවම් කරන ලද පොල් තෙල් ලීටර් 5000කට ආසන්න ප්‍රමාණයක් මහනුවර ප්‍රදේශයට ප්‍රවාහනය කිරීමට සූදානම් කර තිබූ බව වැටලීමට එක්වූ පොලීසියේ නිලධාරියෙකු සඳහන් කළේය.

පාම් තෙල් ලීටරයක් රුපියල් 200කට මිලට ගෙන එය පොල් තෙල් සමඟ කලවම් කොට ලීටරයක් රුපියල් 370කට පමණ අලෙවි කර ඇති බව සඳහන්වේ.

සිද්ධිය සම්බන්ධයෙන් එම ස්ථානය පවත්වාගෙන ගිය ව්‍යාපාරිකයා පොලීසිය අත්අඩංගුවට ගෙන තිබේ.

Comment (0) Hits: 765

අලුත් ඇමතිකම එක්ක වීරකුමාර - විමල් මත දෙකක

ජාතික නිදහස් පෙරමුණේ නියෝජ්‍ය නායක වීරකුමාර දිසානායක වෙත ආණ්ඩුවේ රාජ්‍ය අමාත්‍යධුරයක් හිමිවීමට නියමිත බව වාර්තා වෙයි.

ආණ්ඩුවේ අභ්‍යන්තර ආරංචිමාර්ග සඳහන් කරන ආකාරයට මේ වන විට ජාතික නිදහස් පෙරමුණ තුළ මතුව ඇති අභ්‍යන්තර අර්බුදය හේතුවෙන් මේ වන විට පක්ෂයේ ප්‍රබලයින් රාශියක් එයින් ඉවත්වීමට තීරණය කර ඇති අතර ඒ අනුව ඉදිරියේදී වීරකුමාර දිසානායක මන්ත්‍රීවරයාද ජාතික නිදහස් පෙරමුණෙන් ඉවත්ව ආණ්ඩුවට සම්බන්ධවීමට නියමිතව ඇත.

ඒ පිළිබඳ හඟවමින් අද (04) පැවති මාධ්‍ය හමුවකදී විමල් වීරවංශ මන්ත්‍රීවරයාගේ දේශපාලන අදහසට මුළුමනින්ම ප්‍රතිවිරුද්ධ අදහසක් දක්වා ඇති අතර දේශපාලන ආරංචිමාර්ග සඳහන් කර සිටින්නේ අදාළ මාධ්‍ය හමුව සහ වීරකුමාර මන්ත්‍රීවරයා ආණ්ඩුවට එක්වීම අතර සම්බන්ධයක් ඇති බවය.

අදාළ මාධ්‍ය හමුවේදී ජාතික නිදහස් පෙරමුණේ නියෝජ්‍ය නායක වීරකුමාර දිසානායක මන්ත්‍රීවරයා සඳහන් කර සිටියේ ජාතික නිදහස් පෙරමුණ සහ ශ්‍රී ලංකා නිදහස් පක්ෂය එක්ව ඉදිරි මැතිවරණයට ඉදිරිපත්වුවහොත් රටට ජයග්‍රහණය අත්කරදීමට හැකියාව තිබෙන බවත් අනිවාර්යයෙන්ම එම එකතුවීම සිදුවිය යුතුය යන ස්ථාවරය පක්ෂ අභ්‍යන්තරයේ අවශ්‍ය තැන්වලදී තමන් මීට පෙරද ප්‍රකාශ කළ බවය.

එසේම ජාතික නිදහස් පෙරමුණේ නායක විමල් වීරවංශ මහතාගේ මතය ඊට වෙනස් බවත්, එක් එක් පුද්ගලයාගේ දේශපාලනය ස්ථාවරය අනුව විවිධ මත දැරීමේ අයිතිය තිබෙන බවද දිසානායක මහතා ප්‍රකාශ කළේය.

එසේම මේ අවස්ථාවේදී ඒකාබද්ධ විපක්ෂයට නොව රටට ජයග්‍රහණ අත්පත් කරදීම ගැන සිතිය යුතු බවත්,රටට ජයග්‍රහණ අත්පත්කර දීමේදී ශ්‍රී ලංකා නිදහස් පක්ෂය සමග එක්වීම අවශ්‍ය බවද මන්ත්‍රීවරයා සඳහන් කර සිටියේය.

එසේම බෙදීම හා අඩුකිරීම දේශපාලනයට අදාළ ලකුණු දෙකක් නොවන බවත්,එකතුකිරීම හා වැඩිකිරීම දේශපාලනයට අදාළ ලකුණු දෙක බව පැවසූ දිසානායක මහතා එම සරල කරුණු ඕනෑම අයෙකුට වැටහෙන බවද පෙන්වා දුන්නේය.

 තවද රටට ජයග්‍රහණ අත්පත්කර දිය හැකි මාර්ගය කුමක්දැයි සියලු දෙනා ගැඹුරින් සිතිය යුතු බවද මන්ත්‍රීවරයා මෙම මාධ්‍ය හමුවේදී අදහස් දැක්වූ අතර ඒ සම්බන්ධව වැඩිදුරටත් අදහස් දැක්වූ වීරකුමාර දිසානායක මහතා මෙසේද පැවසිය.

“පක්ෂයක් කියන්නෙ මිනිස්සුන්ගේ එකතුවක්.එම පක්ෂයක් ඇතුළෙ ප්‍රශ්න ඇතිවීම සාමාන්‍ය දෙයක්. දේශපාලන පක්ෂවලය හැම අවස්ථාවකදීම අභියෝග තිබෙනවා.එකතුවෙලා සිටියදී විවිධ මතවාද,ප්‍රශ්න ඇතිවෙනවා.අපේ පක්ෂය ඇතුළෙත් විවිධ මතවාදී අරගල විවිධ අවස්ථාවලදී පැනනගිනවා.ඒවා ඉතා බුද්ධිමත්ව සමනය කරගැනීම තමයි අපේ වගකීම විය යුත්තේ.අපේ පක්ෂයේ තීන්දු තීරණ ගන්නේ එකතුවෙලා තමයි.නමුත් විවිධ මත ඉදිරිපත්වන අවස්ථා තිබෙනවා.විවිධ මත දරන අය ඉන්නවා, මත තියෙන අය ඉන්නවා*

Comment (0) Hits: 749

Page 550 of 552