විචාර

“හරක් කටා” නැමැත්තා ගේ රැඳවුම් නියෝග ඉවත්කර සහන සැලසීම සඳහා රුපියල් ලක්ෂ 1200 ක (කෝටි 12 ක) අල්ලස් මුදලක් ලබාගැනීමේ චෝදනාව මත රිමාන්ඩ් බන්ධනාගාර ගත කර සිටින නීතීඥ රඛිත රාජපක්ෂ, චරිත් අබේසිංහ සහ අරුණ ශ්‍රී චතුරංග යන තිදෙනා පසුගිය 17වන දා කොළඹ ප්‍රධාන මහේස්ත්‍රාත් අධිකරණයට ඉදිරිපත් කළේ ය.

මෙහිදී අල්ලස් හෝ දූෂණ විමර්ශන කොමිෂම වෙනුවෙන් පෙනී සිටි නීතීඥයා “අල්ලස් ලෙස ලබාගත් මුදලින් කොටසක් හිමිනමක ගේ මැදිහත්වීමෙන් ඉහළ පොලිස් නිලධාරින්ට ලබා දී ඇතැයි” අණාවරණය කළේ ය. අල්ලස් හෝ දූෂණ චෝදනා විමර්ශන කොමිෂම මේ කියන හිමින මගේ නම අණාවරණය නොකර සිටීම අපගේ කුතුහලයට හේතු වූ බැවින්, Lanka Underground News විශේෂ විමර්ශන අංශය මේ පිළිබඳ විශේෂ ගවේෂණයක නිරත විය. එහිදී මෙම “හිමිනම” ගැන අප අණාවරණය කර ගත්තේ සුවිශේෂී කරුණු රැසකි.

''හක්මන නන්දාලෝක'' නම සඟවන්නේ ඇයි...?

මේ කියන හිමිනම 'හක්මන නන්දාලෝක' නම් වේ. නොරොච්චෝල ලක්විජය බලාගාරය සඳහා ප්‍රමිතියෙන් බාල ගල් අඟුරු ආනයනය කිරීමේ ආන්දෝලනාත්මක සිද්ධියට සම්බන්ධ ප්‍රධාන විදේශීය සැපයුම්කාර සමාගම වන “Trident Chemphar Limited” සහ මෑතක දී සම්බන්ධ වූ “Taranjot Resources (Pvt) Ltd” යන සමාගම්වල දේශීය නියෝජිතයා ලෙස කටයුතු කරන්නේ “Panaurora (Pvt) Ltd” යන දේශීය සමාගම ය. එම “Panaurora (Pvt) Ltd” සමාගමේ ප්‍රධාන කොටස් හිමිකාරිත්වය ප්‍රධාන වශයෙන් දේශීය ආයතන දෙකක් සහ පුද්ගලයින් දෙදෙනකු සතු වේ. එම ආයතන දෙක වන්නේ, Invest LK (ඉන්වෙස්ට් එල්.කේ. ආයතනය) සහ Sayaara Holdings (සයාරා හෝල්ඩිංග්ස් ආයතනය) යි.

මෙම සමාගම් දෙකට අදාළ ප්‍රධාන කොටස්කරුවකු වන්නේ හක්මන නන්දාලෝක හිමි ය. ඒ Invest LK ආයතන හරහා ය. ලේඛනගත සාක්ෂි අනුව නීතිඥ රඛිත රාජපක්ෂ, සනත් බණ්ඩාර ජයසුන්දර, ඕෂධ හේරත් හා ශානිකා කුමාරි මෙම සමාගම් දෙකේ සෙසු කොටස් හිමියන් වේ.

අල්ලස් හෝ දූෂණ චෝදනා විමර්ශන කොමිෂම මෙහිදී හක්මන නන්දාලෝක හිමිගේ නම ප්‍රකාශයට පත් නොකරන්නේ එම භික්ෂු වේශධාරියා පැලවත්ත ජ.වි.පෙ. ප්‍රධානින් ගේ ප්‍රධාන පෙළෙහි සමීපතම හිතවතකු වන බැවිණි.

ගල් අඟුරු වංචාවේ සැඟවුණු මහමොළකරු

මෙම භික්ෂු වේශධාරි ව්‍යාපාරිකයා සතුව, මීට අමතරව “Hakmana Plantation” නමින් හැඳින්වෙන වතු සමාගමක් ද වේ. රාජ්‍ය අංශයේ ටෙන්ඩර් පටිපාටි අමු අමුවේ උල්ලංඝනය කරමින් රටට දැවැන්ත මූල්‍ය පාඩුවක් සිදු කළ ගල් අඟුරු වංචාවේ සැඟවුණු මහමොළකරු මොහු ය. ජ.වි.පෙ. ප්‍රධාන ලේකම් ටිල්වින් සිල්වා, පාලක ලේකම් කලවැල්ගල චන්දාලෝක හිමි සමග එක්ව, අදාළ විෂය බාරව සිටි ඇමතිවරයාව ද සම්බන්ධ කර ගනිමින් බාල ගල් අඟුරු වංචාවෙන් අයථා ධනය උපයා ඇති මෙහෙයුමේ මෙම ව්‍යාපාරික භික්‍ෂු වේශධාරියා බරපතළ වැඩ කොටසක් ඉටුකර ඇත.

මේ වන විට ද ඔහුට හිමි දේශපාලන සබඳතා මත, ඔහු සතුව ඇති වතු ගණනාවක සිවිල් ආරක්ෂක දෙපාර්තමේන්තුවේ සේවකයන් වැඩ කිරීම සඳහා යොදවා ඇත. මේ දිනවල ක්‍රියාත්මක ගල් අඟුරු වංචා ගැන සොයන විශේෂ ජනාධිපති කොමිෂමට සාක්කි දීමට ද මේ ව්‍යාපාරික භික්ෂු වේශධාරියා පැමිණෙන්නේ පොලිස් නිලධාරින් දෙදෙනකු ගේ ආරක්ෂාව සහිතව ය. එම සියලු වරප්‍රසාද ඔහුට හිමිව ඇත්තේ ජ.වි.පෙ. නායකත්වය සමග පවතින සමීප සබඳතා මත ය.

අධ්‍යක්ෂ ජෙනරාල් රංග දිසානායකට අභියෝගයක්

“හරක් කටා” නැමැත්තා ගේ බිරිඳ ගෙන් ලබාගත්ත බවට කියන කප්පම් මුදල ගැන පරීක්ෂණ කරන නිලධාරින්, එම කාලය තුළ හක්මන නන්දාලෝක සහ රඛිත රාජපක්ෂ අතර පැවැති දුරකථන ඇමැතුම් 1600 කට වඩා තිබෙන බව අණාවරණය කර ඇත. එහෙත් හක්මන නන්දාලෝක කැඳවා ප්‍රකාශ ගැනීමට සහ ඔහුව ද එම නඩු විභාගයේ චූදිතයකු බවට පත්කිරීමට විමර්ශන නිලධාරින්ට නොහැකි වී ඇත්තේ පැලවත්ත සමග හක්මන නන්දාලෝක සතුව පවතින බලවත් සම්බන්ධතාව හේතුකොටගෙන ය.

හක්මන නන්දාලෝක මේ වනවිට තම “ෆේස්බුක් ගිණුම” ලොක් කර ඇත. අල්ලස් සෝ දූෂණ චෝදනා විමර්ශන කොමිෂමේ අධ්‍යක්ෂ ජෙනරාල් රංග දිසානායකට අප අභියෝග කරනුයේ, හැකිනම් හක්මන නන්දාලෝකව කැඳවා ප්‍රකාශ සටහන්කර අත්අඩංගුවට ගෙන අධිකරණය හමුවට පමුණුවා පෙන්වන මෙන්ය. බාල ගල් අඟුරු හොරකමේ සියලු තොරතුරු දන්නා මේ ව්‍යාපාරික චීවරධාරියාට අතවත් තැබීමට රංග දිසානායකට හැකියාවක් නැති බව අපි අවධාරණය කරමු.

මූලාශ්‍ර - lankaundergroundnews.com