#lk#srilanka#newstube

ආර්ථික විද්‍යාව ලෙස විශ්වවිද්‍යාලවල උගන්වන්නේ ද, ධනනාත් ප්‍රනාන්දු Advocata තුළ සාකච්ඡා කරන ආර්ථික විද්‍යාව යනු ආර්ථිකයෙන් දේශපාලනය වියුක්ත කර එයට ස්වායත්ත විද්‍යාවක් යැයි සමබිම පක්ෂයේ නායක දීප්ති කුමාර ගුණරත්න පැවසී ය.

අයහපත් කාලගුණික තත්ත්වයන් හානි වූ, පේරාදෙණියේ පිහිටි ‘යකා පාලම’ පාලම අමාත්‍ය බිමල් රත්නායක ඊයේ (13) නිරීක්ෂණය කළේය.

කල් ඉකුත් වූ ආනයනික ආයුර්වේද ඖෂධ විකිණීම සඳහා අනෙකුත් භාණ්ඩ සමග: ගබඩා කිරීම, ඒවා විනාශ කිරීම සම්බන්ධ ලේඛන පවත්වා නොගැනීම සහ උපරිම සිල්ලර මිල හෝ ආනයනකරු ගේ තොරතුරු සඳහන් නොකළ: ආයුර්වේද ඖෂධ, සුවඳ සබන් සහ ආලේපන වර්ග සන්තකයේ තබා ගැනීම මගින් පාරිභෝගික කටයුතු පිළිබඳ අධිකාරිය පනතේ නීතිරීති සහ විධාන උල්ලංඝනය කළ කොළඹ 13, ජෝර්ජ් ආර්. ද සිල්වා මාවතේ පිහිටි “Orience International Business (Pvt) Ltd” ආයතනයට සහ එහි අධ්‍යක්ෂවරයාට එරෙහිව පාරිභෝගික කටයුතු පිළිබඳ අධිකාරිය විසින් මාලිගාකන්ද මහේස්ත්‍රාත් අධිකරණය හමුවේ චෝදනා 05ක් යටතේ නඩු පවරා තිබුණි.

ලංකා විදුලිබල මණ්ඩලය විසින් එහි සේවකයින් සදහා වැටුප් හා සේවක සංඛ්‍යා කොමිෂන් සභාවේ නිර්දේශය සහ කළමණාකරණ සේවා දෙපාර්තමේන්තුවේ අනුමැතිය ලබානොගෙන 2024 වර්ෂය තුල පමණක් රුපියල් මිලියන 1,060.02ක විවිධ දිමනා ගෙවා ඇති බැව් විගණකාධිපතිවරයා විසින් නිකුත්කොට ඇති වාර්ෂික විගණන වාර්තාවේ සදහන් වේ.

කොළඹ 05, තුම්මුල්ල, හැව්ලොක් පාරේ ඉදි කිරීමට යෝජිත තට්ටු 40කින් යුතු හෝම්ලෑන්ඩ් පෙන්ටාරා' නිවාස සංකීර්ණය සඳහා නීතියට පටහැනිව අනුමැතිය ලබාදුන් බව කියන නාගරික සංවර්ධන අධිකාරියේ සභාපතිවරයාට එරෙහිව අධිකරණයට යනබව ''මාතෘභුමි'' සංවිධානය පවසයි.

අභාවප්‍රාප්ත හිටපු පොලිස්පති සීඩී වික්‍රමරත්න, පාස්කු ඉරුදින ත්‍රස්ත ප්‍රහාරයට අදාළව මේ වන විට කොටුව මහේස්ත්‍රාත් අධිකරණයට කරුණු වාර්තා කරන විමර්ශනය වෙනුවෙන් අපරාධ පරීක්ෂණ දෙපාර්තමේන්තුව වෙත කට උත්තරයක් ලබා දී ඇත.

ලෝක සෞඛ්‍ය සංවිධානයේ නිර්දේශ අනුව සිගරට් බදු පනවා නොමැති වීම නිසා ලංකාව මේ වන විට රුපියල් බිලියන 25ක බදු ආදායමක් අහිමි කරගෙන ඇත.

මීගමුව බන්ධනාගාරය තුළ මෑතක දී ඇති වූ ගැටුම යනු හුදෙක් සිරකරුවන් පිරිසක් අතර ඇති වූ සාමාන්‍ය රණ්ඩුවක් නොවන අතර එය රට තුළ දේශපාලන අස්ථාවරත්වයක් ඇති කිරීම සඳහා ක‍්‍රියාත්මක වූ සංවිධානාත්මක කුමන්ත‍්‍රණයක ප‍්‍රතිඵලයක් බව සනාථ වන කරුණු මේ වන විට නිරික්ෂණය වෙමින් පවතී.

අයථා ලෙස උපයා ගත්තේ යැයි කියන රුපියල් මිලියන 15ක මුදලක් එන්. ආර්. කනසල්ටන්සි සමාගමේ ආයෝජනය කිරීමෙන් මුදල් විශුද්ධිකරණය වැළැක්වීමේ පනත යටතේ වරදක් කළේ යැයි කියන පාර්ලිමේන්තු මන්ත්‍රී නාමල් රාජපක්ෂ  ඇතුළු සිව්දෙනකුට එරෙහිව ගොනු කර ඇති නඩුව  ඔක්තෝබර් 29වනදා යළි කැඳවීමට කොළඹ ප්‍රධාන මහේස්ත්‍රාත් අසංග එස් බෝදරගම අද (30)නියෝග කළා.

රනිල් වික්‍රමසිංහ බේරාගැනීම සඳහා පසුගිය ඉරිදා ටයිම්ස් පුවත්පත පත්තුකරන්නට ගිය ‘ටයිම්ස් බෝම්බය’ දැන් පුස්වෙඩිල්ලක් වී අවසාන ය.

වත්මන් රජය ලවා සිදුකර ගත හැකි වැදගත් ම දෙය වන්නේ රටේ පාතාලය, කුඩු සහ මත්ද්‍රව්‍ය උවදුර මෙන් ම දූෂණය වංචාව නතර කරවා ගැනීම යැයි පිරිපුන් සංවිධානයේ සභාපති ආනන්ද දේවසිංහ ප්‍රකාශ කරයි.

ප්‍රේමය යනු මනුෂ්‍ය ආත්මයේ ගැඹුරුම සංවේදන ස්පර්ශ කරන, එහෙත් වචනවලට හසුකර ගැනීමට අතිශය දුෂ්කර මාන සහිත සුන්දර මෙන්ම සංකීර්ණ හැඟීමකි. ප්‍රේමනීය මතකවල තැවරුණු සුන්දරත්වය, නොප්‍රකාශිත ආදරයක ඇති අහිංසක බව, විරහවේ කටුක බව මෙන්ම සපිරි ප්‍රේමයක් අහිමි වීමෙන් පසු ඉතිරිවන පශ්චාත්තාපයේ බරද මනුෂ්‍ය පැවැත්මේ නිරන්තර නියතිය යි. නිලංග දිල්හාන් ගේ  ''රතු කුරුමිණි හින''  කාව්‍ය සංග්‍රහය යනු මෙම මානුෂීය චිත්තවේගීය පරිණාමය සහ පැවැත්මේ ඇති දාර්ශනික අස්ථිර බව අතිශය සරල, එහෙත් අතිශය තීව්‍ර කාව්‍යමය සංකේත භාවිතයෙන් විනිවිද දකින අපූර්ව නිර්මාණ එකතුවකි.

ඉදිරි සෞඛ්‍ය අභියෝග ජය ගැනීමට ශ්‍රී ලංකා ප්‍රජා විශේෂඥ වෛද්‍යවරුන්ගේ විද්‍යාලය වැදගත් කාර්යභාරයක් ඉටු කරනු ඇති බව සෞඛ්‍ය හා ජනමාධ්‍ය අමාත්‍ය නලින්ද ජයතිස්ස පවසයි.

ශ්‍රී ලාංකීය තාරුණ්‍යයේ බලාපොරොත්තු මුදුන් පමුණුවාලන විශ්සවානීය වෙනසක් කරා රටේ අනාගත දිශානතිය කැඳවාගෙන යන නවමු බලවේගයක් ලෙස මීළඟ මැතිවරණයකදී කුරුණෑගල දිස්තික්කයේ කුලුඳුල් ජන්දදායකයින් එක්ලක්ෂ පනස් දහසකට ආසන්න තරුණ බලවේගය කටයුතු කරනු ඇතැයි සර්ව ජන බලය පක්ෂ නායක, පාර්ලිමේන්තු මන්ත්‍රී, ව්‍යවසායක දිලිත් ජයවීර පැවසී ය.

විපක්ෂ නායකවරයා ගේ ඉන්දීය නිල සංචාරය අතරතුර නවදිල්ලි නුවර සිදු කළ සංචාරයේ දී සජිත් ප්‍රේමදාස ඉන්දීය විදේශ කටයුතු අමාත්‍ය ආචාර්ය එස්. ජයශංකර් සම. සුවිශේෂී සාකච්ඡාවක් පැවැත්විණි. මෙහි දී ඉන්දීය-ශ්‍රී ලංකා හවුල්කාරිත්වය, කලාපීය ස්ථාවරත්වය, සම්බන්ධතාව සහ අන්‍යෝන්‍ය සමෘද්ධිය සඳහා දෙපාර්ශ්වයේ කැපවීම සම්බන්ධයෙන් අදහස් රැසක් හුවමාරු විය.

ලොව ප්‍රථම වරට තමන්ගේ මානසික ආතති මට්ටම තමන්ට ම මැනගත හැකි ජංගම දුරකතන යෙදුමක් (ඇප් එකක්) ශ්‍රී ලංකාවේ වෛද්‍යවරුන් කණ්ඩායමක් විසින් නිර්මාණය කරනු ලැබ තිබේ.

‘Nirogi’ නම් මේ ඇප් එකෙන් අවශ්‍ය භාෂාව තෝරාගෙන අසා ඇති ප්‍රශ්නවලට පිළිතුරු ලබා දීමෙන් තමන්ගේ ආතති මට්ටම තමන්ටම මැනගත හැකි බව එම යෙදුම නිර්මාණය කළ වෛද්‍යවරු පවසති.

සාමාන්‍ය, සුළු, තරමක් ඉහළ සහ තීව්‍ර (උග්‍ර) ලෙසින් ආතති මට්ටම් වර්ග කර ඇති ලැබෙන ලකුණු අනුව ආතතියේ තරම ගැන නිගමනය කළ හැකි ය.

සුළු මට්ටමෙන් පවතිනවා නම් දෙසතියකින් නැවත එම යෙදුමේ ප්‍රශ්නවලට පිළිතුරු දී ලකුණු මට්ටම මැන බැලීම වැදගත් වේ.

තරමක් ඉහළ අයට ද එය අදාළ වන අතර ඔවුන් 1926 අමතා උපදෙස් ලබා ගත යුතු ය.

එසේ නොමැති නම් මනෝ වෛද්‍ය උපදෙස් පැතිය යුතු ය. ඔවුනට අවශ්‍ය උපදෙස් ද Nirogi යෙදුම හරහා ලබාදෙයි.

තීව්‍ර හෝ බරපතළ තත්ත්වයේ ඇත්නම් වහා ම මනෝ වෛද්‍ය උපදෙස් පතා යොමු විය යුතු ය.

ආතතිය දිගින් දිගට ම පැවැතීමෙන් කෙනෙකු විශාදයට පත් වීමේ දැඩි අවදානමක් පවතී.

මෙම යෙදුම මගින් කෙනෙකුට තමන්ටගේ ආතති මට්ටම විශාදය දක්වා දුරදිග ගොස් ඇත්දැයි කෙනකුට පහසුවෙන් ම තීරණය කළ හැකි ය.

ශ්‍රී ලංකා මනෝ වෛද්‍ය විශේෂඥවරුන්ගේ සංගමයේ සභාපතිනී මනෝ වෛද්‍ය විශේෂඥ දසන්ති අක්මීමන, වෛද්‍ය ආර්. නිරංජන්, ජ්‍යෙෂ්ඨ ලේඛකාධිකාරී වෛද්‍ය පාරමී රත්නායක, වෘත්තීය චිකිත්සක චාරුක යන සිව් දෙනා විසින් මෙම යෙදුම නිර්මාණය කර ඇත.

ලෝක මානසික සෞඛ්‍ය දින සැමරුමට සමගාමීව Nirogi යෙදුම ජනගත කිරීම ඊයේ (ඔක්. 17) කොළඹ 8, මොඩන් ෆාම්හි ප්‍රසව සහ නාරිවේද විශේෂඥවරුන්ගේ විද්‍යායතන මූලස්ථානයේදී විද්‍යා හා තාක්ෂණ අමාත්‍ය මහාචාර්ය ක්‍රිශාන්ත අබේසේන, සෞඛ්‍ය අමාත්‍යාංශයේ මානසික සෞඛ්‍ය අධ්‍යක්ෂිකා වෛද්‍ය ලක්මිණී මාගොඩආරච්චි සහ මනෝ වෛද්‍ය විශේෂඥ දසන්ති අක්මීමනගේ මූලිකත්වයෙන් සිදුවිය.

( Mawbima -| චම්පිකා දීපානි රණසිංහ)

මීට වසර 17කට පෙර ඝාතනයට ලක් කළ මාධ්‍යවේදී ලසන්ත වික්‍රමතුංග කොළඹ මහජන පුස්තකාල ශ්‍රවණාගාරයේ දී ඔබට යළි මුණගස්වන්නට සූදානම් යැයි ලාංකීය ජනමාධ්‍යවේදීන්ගේ ප්‍රධානතම වෘත්තීය සංගමය වූ ශ්‍රී ලංකා වෘත්තීය ජනමාධ්‍යවේදීන්ගේ සංගමය සඳහන් කරයි. ඒ, මාධ්‍යවේදී සනත් බාලසූරිය විසින් රචිත ''Who is Lasantha? රාජ්‍ය අපරාධකාරීත්වයේ අක්මුල් සොයා'' කෘතිය ජනගත කිරීමෙනි.

අපි, ''අපේ අනන්‍යතාව'' යැයි විවාද කරන විට බහුලව සාකච්ඡා කෙරෙන්නේ අන්තවාදයේ සිට යැයි දේශපාලන සහ සමාජ විශ්ලේෂක මිලින්ද මොරගොඩ පැවසී ය.

ශ්‍රී ලාංකීය ජනමාධ්‍යවේදීන් ගේ වෘත්තීය භාවය සහ තාක්ෂණික කුසලතා ඉහළ නැංවීම අරමුණු පෙරදැරි කරගනිමින් සෞඛ්‍ය හා ජනමාධ්‍ය අමාත්‍යංශය වාර්ෂිකව ක්‍රියාත්මක කරන 2026 වසරට අදාළ ''ඇසිදිසි ජනමාධ්‍ය'' සහ ''ඇසිදිසි තාක්ෂණික'' ශිෂ්‍යත්ව වැඩසටහන ආරම්භ කර ඇති බව සෞඛ්‍ය හා ජනමාධ්‍ය අමාත්‍යංශය සඳහන් කරයි.

ප්‍රියනාත් විදානපතිරණගේ විසින් රචිත ''ඉරිසියාවේ අත්පොත'' ප්‍රබන්ධ කෘතිය ජූලි 12වන දා සවස 02.30ට ජාතික කෞතුකාගාර ශ්‍රවණාගාරයේ දී ජනගත කරයි.