#lk#srilanka#newstube

අහිංසක ගොවියෝ, ධීවරයෝ, කම්කරුවෝ එදාවේල හම්බ කරන් කන මිනිස්සු ජීවත් වෙන්න විදියක් නැතුව කෝටි 15,000ක කණකර බඩු උගස් තියලා තියෙනවා යැයි ශ්‍රි ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ  පැවසීය.

දශක ගණනාවක් තිස්සේ මෙරට දේශපාලනය වූයේ සිංහල, දෙමළ සහ මුස්ලිම් ජනතාව එකිනෙකා කෙරෙහි උසිගන්වා ඡන්ද ලබාගැනීමත්, ඉන්පසු පාර්ලිමේන්තුවට පැමිණ එකතු වී සොරකම් කිරීමත් බව ජනාධිපති අනුර කුමාර දිසානායක පැවසුවේය.

ප්‍රජාතන්ත්‍රවාදී  වාමාංශික පෙරමුණේ නායක වාසුදේව නානායක්කාර ගේ ජීවිත කථාව ඇසුරින් ලියැවුණු "රතුවේවි මිහිමඩල" ග්‍රන්ථය එළිදැක්වීම අග්‍රාමාත්‍ය ආචාර්ය හරිනි අමරසූරිය ගේ සහභාගීත්වයෙන් අගෝස්තු 28 වන දින කොළඹ පදනම් ආයතනයේ දී සිදුකළේ ය.

රාජකාරියේදි බාධා හෝ දුෂ්කරතා ඇති වුව හොත් වහාම තමා වෙත දැනුම් දෙන ලෙස අධිකරණ අමාත්‍ය හර්ෂණ නානායක්කාර රජයේ රස පරීක්ෂක දෙපාර්තමේන්තුවේ නිලධාරීන්ට දැනුම් දුන්නේය.

ගවේෂණාත්මක මාධ්‍යවේදී ලසන්ත රුහුණගේ විසින් රචිත "රාජපක්ෂ සමාගම" කෘතිය සහ මාධ්‍යවේදී තරිඳු උදුවරගෙදර සහ එම්.එෆ්.එම්. ෆසීර් විසින් රචිත "පාස්කු ප්‍රහාරයේ තොත්ත බබාලා" කෘතිය ජනගත කිරීම සැප්තැම්බර් 28 දින සවස 3.00ට ශ්‍රී ලංකා පදනම් ආයතනයේ දී පැවැත්වේ.

ණය සහ ලීසිං වාරික ගෙවීමට නොහැකි වන පාරිභෝගිකයන්ගේ වාහන, නීතිමය පද්ධතිය මඟහැර බලහත්කාරයෙන් හා ප්‍රචණ්ඩකාරී ලෙස අත්පත් කරගන්නා "සීසර්ලාගේ" මැර ක්‍රියාපරිපාටිය වහාම නතර කළ යුතු බව විපක්ෂ නායක සජිත් ප්‍රේමදාස පවසයි.

ස්වාධීන අධිකරණය කෙරෙහි තමන්ගේ සම්පූර්ණ විශ්වාසය පවතින නමුත්, ඇතැම් නිලධාරීන් නීතිය අවභාවිත කරන බවද, සාක්ෂි ගොඩනැගීමට කටයුතු කරන බව ද ශ්‍රී ලංකා පොදුජන පෙරමුණේ මෙහෙයුම් ප්‍රධානී, හිටපු අමාත්‍ය ජොන්ස්ටන් ප්‍රනාන්දු පවසයි.

“අධිකරණ ඇමතිතුමා කියනවා පච්ච ගහන් හිටියට අල්ලන්නේ නැහැලු, එක්තරා පච්චයක් විතරක් ගැහුවම අල්ලනවාලු. සංවිධානාත්මක අපරාධකරුවන්ගේ ලාංඡන පච්චයක් ගහන් ඉන්නවා නම් අල්ලන්න පනතක් ඕනේද? තනිකර මේ මර්දනයක් කරන්නේ” යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

රුපියල් මිලියන 99ක් වැය කර සම්පූර්ණයෙන් ම ප්‍රතිසංස්කරණය කරන ලද "ස්නායු රෝග විද්‍යා ආයතනය" (Institute of Neurology) ශ්‍රී ලංකා ජාතික රෝහලේ (NHSL) දී ජුනි 01 සඳුදා ජනතා අයිතියට පත් කිරීමට නියමිත ය.

ජනාධිපති අනුර කුමාර දිසානායක යනු පුංචිම පුංචි මිනිසෙකු බව දැන් රටටම හෙළිවෙමින් ඇතැයි සමගි ජනබලවේගයේ ජාතික සංවිධායක තිස්ස අත්තනායක පවසයි.

ශ්‍රී ලංකාව තුළ සුවැති ආහාර සංස්කෘතියක් ගොඩනැඟීමේ සහ පෝෂණ මට්ටම ඉහළ නැංවීමේ ජාතික ප්‍රයත්නයේ තවත් එක් විශේෂ පියවරක් ලෙස "NUTRIFEST 2026" ආහාර සැණකෙළිය සහ අලෙවි ප්‍රදර්ශනය ඔක්තෝබර් 15 සහ 16 දෙදින කොළඹ විහාරමහාදේවී උද්‍යානයේදී පැවැත්වේ.

අධ්‍යාපනයට සිදුකරන ආයෝජන ඔස්සේ, සමාජ පරිවර්තනයක් සිදු කළ හැකි අනාගත නායකයින් බිහි කරන ඉගෙනුම් පරිසරයක් නිර්මාණය කිරීම රජයේ අරමුණ බව අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය අග්‍රාමාත්‍ය ආචාර්ය හරිනි අමරසූරිය ප්‍රකාශ කළාය.

සවුදි මහරජතුමාට සහ එරට ශ්‍රේෂ්ඨාධිකරණයට ලාංකේය ජාතියේ ප්‍රණාමය පුද කරන බව ජපානයේ ප්‍රධාන සංඝනායක හා ඉන්දියාවේ සාංචි විහාරාධිපති පූජ්‍ය බානගල  උපතිස්ස හිමියෝ පවසති.

ඇසළ පෙරහැර මංගල්‍යයත් සමඟ කලින් කලට මතු වන නව ප්‍රවණතා වලින් මිදීමට සියලු සැදැහැවතුන් කටයුතු කළ යුතු යැයි අස්ගිරි පාර්ශවයේ අනුනායක, කැළණිය විශ්ව විද්‍යාලයේ කුලපති පූජ්‍ය නාරම්පනාවේ ආනන්ද හිමියන් පවසති.

මියගිය කාවන්තිස්ස හස්තියාට තරම් වෙන කිසිදු හස්තියෙකුට මැදිහත් නොවුණු තරමේ මැදිහත්වීමක් සිදු කළ බව පරිසර අමාත්‍ය ධම්මික පටබැඳි පැවසීය.

ජාතික ජනබලවේග රජය ලබාගත් ජයග්‍රහණය ශ්‍රී ලංකාවේ මැතිවරණ ඉතිහාසය තුළ ඉතා කැපී පෙනෙන සලකුණක් තබා ඇත.

කන්කසන්තුරේ සිට කොළඹ දක්වා ධාවනය වූ දුම්රිය තුළ පිහිටි භෝජනාගාරයේ දී දේශීය බෝතල් කළ පානීය ජලය සඳහා රජය විසින් නියම කර තිබූ උපරිම සිල්ලර මිල ඉක්මවා අලෙවි කරමින්, පාරිභෝගික කටයුතු පිළිබඳ අධිකාරිය පනත යටතේ නිකුත් කර ඇති අංක 96 දරන විධානය උල්ලංඝනය කළ දුම්රිය භෝජනාගාර සේවයට අයත් “ජයබිම කේටරින්” — කොළඹ කොටුව ආයතනයට එරෙහිව පාරිභෝගික කටයුතු පිළිබඳ අධිකාරියේ අනුරාධපුර දිස්ත්‍රික් විමර්ශන නිලධාරීන් විසින් අනුරාධපුර මහේස්ත්‍රාත් අධිකරණය හමුවේ නඩු පවරා තිබුණා.

වත්මන් ආණ්ඩුව බලයට පත්වීමට පෙර ජනතාව හමුවේ තැබූ "දූෂණය නැති කර රටේ ආර්ථිකය ගොඩනගනවා" යන ප්‍රධාන ආඛ්‍යානය (Narrative) සම්පූර්ණයෙ න්ම අතහැර දමා, මේ වන විට "අපරාධ රාජ්‍යය නැති කිරීම" නමැති ව්‍යාජ ආඛ්‍යානයක් සමාජගත කරමින් සිටින්නේ යැයි ජාතික නිදහස් පෙරමුණේ නායක, හිටපු අමාත්‍ය විමල් වීරවංශ පවසයි.

දූෂණ විරෝධී පනත සංශෝධනය කිරීමට රජය පියවර ගෙන ඇත්තේ එහි අරමුණු දියාරු කිරීමට නොව, පනත ක්‍රියාත්මක කිරීමේදී හඳුනාගත් ප්‍රායෝගික, ආයතනික සහ මානව සම්පත් ගැටලු විසඳමින් දූෂණ විරෝධී ක්‍රියාවලිය තවදුරටත් ශක්තිමත් කිරීම සඳහා බව අග්‍රාමාත්‍ය අචාර්ය හරිනි අමරසූරිය පාර්ලිමේන්තුවේදී අවධාරණය කළාය.

ප්‍රජාතන්ත්‍රවාදය දුර්වල කරන සහ ජනතා විශ්වාසය බිඳ දමන දූෂණයට එරෙහිව, පුද්ගල පසුබිම හෝ සමාජ තත්ත්වය නොසලකා කිසිදු බියක් හෝ පක්ෂග්‍රාහීත්වයකින් තොරව නීතිය ක්‍රියාත්මක කිරීමට රජය අඛණ්ඩව කටයුතු කරන බව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පැවසීය.