පුවත්

රෝහල් පද්ධතියේ සහ වෛද්‍යවරුන්ගේ ගැටලු විසඳීම සම්බන්ධයෙන් සෞඛ්‍ය අමාත්‍යවරයා ලබා දුන් එකඟතා ඉටුකිරීම ඉල්ලමින් රජයේ වෛද්‍ය නිලධාරීන්ගේ සංගමය විසින් ආරම්භ කරන ලද අඛණ්ඩ වෘත්තිය ක්‍රියාමාර්ග මාලාවේ පළමු පියවර වන පැය 48ක දීප ව්‍යාප්ත සංකේත වැඩ වර්ජනය, ප්‍රකාශ කළ පරිදිම අද දින උදෑසන 08.00 අවසන් කරන ලදී.

මීට වසර 17කට පෙර ඝාතනයට ලක් කළ මාධ්‍යවේදී ලසන්ත වික්‍රමතුංග කොළඹ මහජන පුස්තකාල ශ්‍රවණාගාරයේ දී ඔබට යළි මුණගස්වන්නට සූදානම් යැයි ලාංකීය ජනමාධ්‍යවේදීන්ගේ ප්‍රධානතම වෘත්තීය සංගමය වූ ශ්‍රී ලංකා වෘත්තීය ජනමාධ්‍යවේදීන්ගේ සංගමය සඳහන් කරයි. ඒ, මාධ්‍යවේදී සනත් බාලසූරිය විසින් රචිත ''Who is Lasantha? රාජ්‍ය අපරාධකාරීත්වයේ අක්මුල් සොයා'' කෘතිය ජනගත කිරීමෙනි.

මෙම වසරේ රාජ්‍ය වෙසක් උත්සවය මැයි මස 30 වැනිදා පැවැත්වීමට තීරණය කළ බව රාජ්‍ය පරිපාලන, පළාත් සභා හා පළාත් පාලන අමාත්‍ය මහාචාර්ය චන්දන අබේරත්න මල්වතු සහ අස්ගිරි මහානාහිමිවරුන් දැනුවත් කර තිබේ.

ආපදාව හේතුවෙන් ලංකාවට ණය ගෙවීමට නොහැකි බව දන්වමින් සියලු රටවල් ලංකාවේ ණය කපාහැරීමකට එකඟ වෙන්නැයි රටවල් සියයකට අධික පිරිසකගේ ලිපියක් ප්‍රසිද්ධ කළ ද ලංකා ආණ්ඩුව ඒ අවස්ථාව මගහැර යැම ඉතාම අවාසනාවන්ත තත්ත්වයක් යැයි ජනතා වෘත්තික මධ්‍යස්ථානයේ ජාතික කමිටු සාමාජික වෛද්‍ය ගිශාන්ත දසනායක පැවසී ය.

Smart board, computers නැති පාසල්වලට සක්වල වැඩසටහන හරහා ඒවා ලබා දී ඉංග්‍රීසි හින්දි චීන ජපන් භාෂා ඇතුළු තවත් භාෂා මෙන්ම STEAM education ඇතුළු පැතිකඩවලට යොමුවිය යුතු බවට මුලින්ම කිව්වේ සමගි ජන බලවේගය යැයි විපක්ෂ නායක සජිත් ප්‍රේමදාස පැවසීය.

එක්සත් ජාතික පක්ෂය සහ සමගි ජන බලවේගය අතර පැවැත්වෙන සාකච්ඡා වටයේ තවත් තීරණාත්මක සාකච්ඡාවක් අද (24) පවත්වා තිබේ.

රක්ෂිත බන්ධනාගාරගත කර සිටින පූජ්‍ය බලංගොඩ කස්සප හිමි රෝහල්ගත කර තිබේ.

ජාත්‍යන්තර වෙළෙඳ බාධා සහ අර්බුද අතරතුරද ලෝක ආර්ථික වර්ධනය ශක්තිමත් ලෙස පවතින බව ජාත්‍යන්තර මුල්‍ය අරමුදල අවධාරණය කරයි.

පාර්ලිමේන්තුවේ නියෝජ්‍ය මහ ලේකම් හා කාර්ය මණ්ඩල ප්‍රධානි චමින්ද කුලරත්න වැඩ තහනමකට ලක් කර තිබේ.

ශ්‍රී ලංකාවේ විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, වෙනිසුවෙලා විදේශ කටයුතු අමාත්‍ය ඊවන් ගිල් පින්ටො සමග දුරකථන සංවාදයක් පවත්වා ඇත.

උදෑසන කාලයේ පවතින සීත කාලගුණය හේතුවෙන් අද (24) දිනයේ ද නුවරඑළියේ ස්ථාන කිහිපයකටම මල් තුහින පතිත වී ඇත.

විගණකාධිපතිවරයකු පත් නොකිරීම හේතුවෙන් රාජ්‍ය ආයතන වලට අදාල විගණන වාර්තා 60ක් සහ පාර්ලිමේන්තුවට ඉදිරිපත් කළ යුතු විගණන වාර්තා 70ක් පමණ ඉදිරිපත් කිරීම ප්‍රමාද වී ඇතැයි වාර්තාවේ.

උතුරු, උතුරු මැද, නැගෙනහිර සහ වයඹ පළාත්වලත් මාතලේ සහ නුවරඑළිය දිස්ත්‍රික්කවලත් විටින් විට වැසි ඇති විය හැකි අතර උතුරු, උතුරු මැද සහ වයඹ පළාත්වල සහ ත්‍රිකුණාමලය දිස්ත්‍රික්කයේ ඇතැම් ස්ථානවලට මිලිමීටර් 50 ට වැඩි තරමක් තද වැසි ඇති විය හැකිය.

මීට වසර ගණනාවකට පෙර විදෙස් ගත රැකියාවලට යොමු වූයේ කාන්තාවන් බවත්, ඒ ගෘහ සේවිකාවන් ලෙස බවත්, නමුත් මේ වන විට ලංකාවෙන් විදෙස් සේවා සඳහා වැඩි පුර පිටත්වන්නේ පිරිමි පාර්ශ්වය වන අතර ඒ අය ද විශේෂ හැකියා සහිත අය යැයි Advocata ආයතනයේ ප්‍රධාන විධායක, ආර්ථික විශ්ලේෂක ධනනාත් ප්‍රනාන්දු පැවසී ය.

එදා ප්‍රජාතන්ත්‍රවාදය පිළිබඳ කතා කළ හරිනි අමරසූරිය අද විශ්වවිද්‍යාල පද්ධතියේ ඒකාධිපතිවාදය ඇති කිරිම වෙනුවෙන් කටයුතු කරන්නේ කෙසේ ද යන්න පහදන්නැයි විපක්ෂ නායක සජිත් ප්‍රේමදාස පැවසී ය.

විද්‍යා හා තාක්ෂණ අමාත්‍යාංශය ක්‍රියාත්මක කරන නවතම වැඩසටහනක් වන තාක්ෂණ සේවා හා ආධාරක මධ්‍යස්ථාන (Technology Incubation Centre) ස්ථාපිත කිරීමේ වැඩසටහන යටතේ වූ ප්‍රථම තාක්ෂණ සේවා හා ආධාරක මධ්‍යස්ථානය විවෘත කිරීම අද (23) විද්‍යා හා තාක්ෂණ අමාත්‍ය මහාචාර්ය ක්‍රිෂාන්ත අබේසේන සහ කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති යන අයගේ ප්‍රධානත්වයෙන් වවුනියාව විශ්වෙවිද්‍යාලයීය උද්‍යාන පාර පරිශ්‍රයේ දී සිදු කෙරිණි.

රජයේ වෛද්‍යවරු විසින් ආරම්භ කර ඇති වැඩ වර්ජනය හෙට (24) දිනයේත් ක්‍රියාත්මක බව රජයේ වෛද්‍ය නිලධාරීන්ගේ සංගමය පවසයි.

නීතිපති තනතුර සහ නීතිපති දෙපාර්තමේන්තුව වසර 140කට වඩා පැරණි, අපරාධ සඳහා යුක්තිය පසිඳලීමට වැදගත් ආයතනයක් සහ තනතුරක් වන අතර මෙම කාර්යය නීතියේ ආධිපත්‍ය අනුව ඉටු කිරීමට නම් එහි ස්වාධිනත්වය සහ ස්වාධිපත්‍ය ආරක්ෂා විය යුතු යැයි විපක්ෂ නායක සජිත් ප්‍රේමදාස පැවසී ය.