පුවත්

කලාශුරි මොහිදින් බෙග් මහතා විසින් ගායනා කරනු ලැබු “සකල සතම බොදු බැතියෙන්, මිනිසාමයි ලොව දෙවියන් වන්නේ, සුවදේ මට සීතල සුලග පවා, සම්මා සම්බුදු වු, මල් සුගන්දේ දම් සුගන්දේ, බුදුන්ගේ අමා ධර්මේ, නින්දා ප්‍රශංසා, සරවන බව, අනේක ජාති සංසාරේ” යන ගීත 09 යුටියුබ් තුළ ප්‍රචාරණය කිරිම සහ වෙනත් තුන්වන පාර්ශවයන් වෙත පැවරීම අධිකරණය විසින් වාරණය කරනු ලැබීය.

Rebuilding Sri Lanka’ අරමුදල නීත්‍යනුකූලව ස්ථාපිත අරමුදලක් විය යුතු බවත් එබැවින් එය ව්‍යවස්ථාපිත අරමුදලක් ලෙස පාර්ලිමේන්තුව විසින් අනුමත කළ යුතු බව රාජ්‍ය මුදල් පිළිබඳ කාරක සභාවේ සභාපති පාර්ලිමේන්තු මන්ත්‍රී ආචාර්ය හර්ෂ ද සිල්වා පවසයි.

"Rebuilding Sri Lanka" කළමනාකරණ කමිටුව පත්කිරීම නීති විරෝධි යැයි සඳහන් කරමින් නව ජනතා පෙරමුණ නියෝජ්‍ය නායක උපතිස්ස කුමාරතුංග අද (17) ජනාධිපති ලේකම් වෙත සංදේශයක් බාර දුන්නේ ය.

අද දින මාතලේ ආපදාවෙන් පීඩාවට පත් පදිංචිකරුවන් බැලීමට ගිය ශ්‍රී ලංකා පොදුජන පෙරමුණේ (SLPP) ජාතික සංවිධායක සහ පාර්ලිමේන්තු මන්ත්‍රී නාමල් රාජපක්ෂ ට විරෝධය පළකළ තරුණයෙකු අවසානයේ නාමල් රාජක්ෂව වැලඳ ගනිමින් ඔහුගේ කතාව නිවැරදි බව පිලිගත්තේය.

මෙරට ඖෂධ මාෆියාව තවමත් පවතින බව දන්වමින් ඒකීය රටක් වෙනුවෙන් අපි එක මුතුව සංවිධානය: ජනාධිපති, අගමැති සහ සෞඛ්‍ය ඇමතිවරයා වෙත ලිපියක් යොමු කර ඇත.

විපක්ෂ නායක සජිත් ප්‍රේමදාස සහ එක්සත්  ජාතීන් ගේ සංවිධානයේ මෙරට නේවාසික සම්බන්ධීකාරක Mark Andre Franche අතර සුවිශේෂ හමුවක් අද කොළඹ පිහිටි විපක්ෂ නායක කාර්යාලයේ දී සිදු විය.

මාත් එකක් දෙකක් බයිලා ලිව්ව නිසා මේ ටික ලියලා රන්වල ජාතකේ ඉවර කරන්නම්.

LTL Holdings යනු මෙරට විදුලි බල ක්ෂේස්ත්‍රයේ සුවිශේෂී සේවාවක් සපයන, නිරන්තරයෙන්ම රටේ ජනතාව අඳුරෙන් ආලෝකයට ගෙන ඒමට දිවා රෑ කැපවෙන සමාගමකි.

ශ්‍රී ලංකා ගුවන් විදුලි සංස්ථාවත් ජනතා ජීවිතත් අතර අත් නොහළ හැකි බැදීමක් පවතින බවත්, ඉදිරි දශකයේ පෙරළිකාර නවීකරණ සිදු කිරීමේ වගකීම කාර්ය මණ්ඩලය සතු බව  සෞඛ්‍ය හා ජනමාධ්‍ය අමාත්‍යවරයා පවසයි.

ඔන්ඩන්සෙට්රෝන් (Ondansetron) නම් ඖෂධය භාවිතාවෙන් පසු ඇති වූ සංකූලතා කිහිපයක් නිසා එම ඖෂධය භාවිතා කිරීම සෞඛ්‍ය අමාත්‍යාංශය මගින් සම්පූර්ණයෙන් නතර කළ බව කැබිනට් මාධ්‍ය ප්‍රකාශක සහ සෞඛ්‍ය හා ජනමාධ්‍ය ඇමැති වෛද්‍ය නලින්ද ජයතිස්ස පැවසීය.

පසුගිය සෙනසුරාදා සිට මේ ඖෂධය ලංකාවේ භාවිතය සම්පූර්ණයෙන්ම ඉවත් කළ බවත් අයිඩීඑච් රෝහලේ සිදුව ඇති මරණ දෙක ගැන සෞඛ්‍ය අමාත්‍යාංශය පැත්තෙන් පරීක්ෂණ සිදුකරන බවත් මාධ්‍යවේදීන්ගේ ප්‍රශ්නවලට පිළිතුරු දෙමින් ඇමැති නලින්ද ජයතිස්ස කීවේය.

එසේම මේ ඖෂධයේ සංකූලතා ගැන ජාතික වෛද්‍ය පරීක්ෂණ ආයතනයේ රසායනාගාරවල පරීක්ෂණ සිදුකරගෙන යන බවද ඇමැතිවරයා කීවේය. මේ සිදුව ඇති මරණ දෙක ගැන මේ සමග ඇති සම්බන්ධය කුමක්ද යන්න ගැන වෙනම පරීක්ෂණයක් සිදුවන බවද ඔහු සඳහන් කළේය.

2021 වසරේ ඇණවුමක් මත 2025දී සහ 2024 ඇණවුමක් මත 2025දී ගෙන්වූ ඖෂධවල සාම්පල් හතරක් සම්බන්ධයෙන් මේ ප්‍රශ්නය අති බවද ඇමැති නලින්ද ජයතිස්ස මාධ්‍යවේදීන්ගේ ප්‍රශ්නවලට පිළිතුරු දෙමින් තවදුරටත් කීවේය.

(divaina | ශ්‍යාම් නුවන් ගනේවත්ත)

දෝෂයකට ලක්වූ තුර්කි ගුවන් සේවයේ (TK 733) ගුවන් යානය අළුයම 12.28 ට යළි කටුනායක ගුවන් තොටුපළට ආරක්ෂිතව ගොඩ බැස්සවූ බව ගුවන් තොටුපළ සහ ගුවන් සේවා සමාගම පවසයි.

අයහපත් කාලගුණය හේතුවෙන් නායයාමේ අවදානමට ලක්ව ඇති පාසල් ඇතුළු රජයේ ගොඩනැගිලි  දෙදහසකට ආසන්න ප්‍රමාණයක් විශේෂ විද්‍යාත්මක පරීක්ෂාවකට  ලක් කිරීමට ජාතික ගොඩනැගිලි පර්යේෂණ සංවිධානය(NBRO) තීරණය කර ඇත.

'ඔන්ඩැන්සෙට්‍රෝන්' එන්නත නිෂ්පාදනය කළ ඉන්දියාවේ මාන් ෆාමසූටිකල් පෞද්ගලික සමාගම නිෂ්පාදනය කරන සියලුම එන්නත් වර්ග මෙරට රෝහල් තුළ භාවිතය තාවකාලිකව තහනම් කිරීමට ජාතික ඖෂධ නියාමන අධිකාරිය කටයුතු කර තිබේ.

කොළඹ වරායේ කාර්යක්ෂමතාව ඉහළ නංවා, නැව් ප්‍රමාදයන් අවම කර ආකර්ෂණීය සේවාවක් සැපයීමට අසමත් වුවහොත් එම නැව් ඉන්දියාවේ විෂින්ජම් වරාය වෙත යොමුවීමේ අවදානමක් පවතින බව ලංකා භාණ්ඩ හා සේවා ප්‍රවාහන සේවක සංගමය පවසයි.

ශ්‍රී ලංකා නිදහස් පක්ෂ ව්‍යවස්ථාවට වෙනස්කම් සිදුකරමින් පක්ෂ සභාපතිවරයාගේ හෝ නායකයාගේ අධිකාරිය සැළකිව යුතු ලෙස කප්පාදු කර ඇති බව පක්ෂ භාණ්ඩාගාරික ලසන්ත අලගියවන්න පවසයි.

දිවයිනට බල පෑ හදිසි ආපදා තත්ත්වයෙන් මාර්ග හා පාලම් විනාශ වීම නිසා මාර්ග සංවර්ධන අධිකාරියට රුපියල් බිලියන 75 ක පමණ අලාභයක් සිදුව ඇති බවට දැනට දළ වශයෙන් ඇස්තමේන්තු කර ඇති බව ප්‍රවාහන, මහාමාර්ග සහ නාගරික සංවර්ධන අමාත්‍යාංශයේ නිලධාරීහු පැවසුහ.

අධිකරණ පද්ධතිය ඩිජිටල්කරණය කිරීමේ ක්‍රියාවලිය සඳහා වූ e-Court ව්‍යාපෘතියට කැබිනට් අනුමැතිය හිමිව තිබේ.

2025 අංක 14 දරණ ශ්‍රී ලංකා විදුලිබල පනත අනුව සකස් කරන ලද ජාතික විදුලි ප්‍රතිපත්ති කෙටුම්පත ඒ සඳහා පත් කරන ලද කමිටුව විසින් බලශක්ති අමාත්‍ය කුමාර ජයකොඩි වෙත පිලිගන්වන ලදී.