පුවත්

රට තුළ මේ වනවිට කෝටි තිස්දාහකට අධික බරපතළ ගල් අඟුරු වංචාවක් සිදුවෙමින් පවතින බැවින් මෙම වංචාව හරහා රට විශාල අගාධයකට ඇද වැටෙන බවත්,. ආණ්ඩුව මෙම වංචාව සුළු සිද්ධියක් ලෙස ගෙන ඩොලර් මිලියන 2.1 ක වන්දියක් ලබාගෙන මෙම වංචාව හේතුවෙන් සිදුවුණ පාඩුව පියවා ගන්නා බව ප්‍රකාශ කර මෙම මහා පරිමාණ වංචාවෙන් පලා යෑමට උත්සහ කරන්නේ යැයි සමගි ජන බලවේගය තෙල්දෙණිය ආසන සංවිධායක මහේෂ් සේනානායක පැවසී ය.

අධ්‍යාපන ප්‍රතිසංස්කරණ පළමු වසරට ඊයේ සිට ක්‍රියාත්මක වූ බවත්, දැන් අනෙකුත් වසරවලට ද විෂය මාලා සංශෝධනයට ලක් කළ යුතු යැයි හිටපු පාර්ලිමේන්තු මන්ත්‍රී ලසන්ත අලගියවන්න පැවසී ය.

මෝල්ඩෝවා රාජ්‍යයේ රැකියා ලබාදෙන බව පවසා විදේශ රටක සිටින ලාංකිකයකු සිදුකරන මහා පරිමාණ මිනිස් වෙළඳාමක් පිළිබඳව ශ්‍රී ලංකා විදේශ සේවා නියුක්ති කාර්යාංශයට තොරතුරු වාර්තා වී තිබේ.

ලෝක රන්ම මිල පහළ වැටීමත් සමග මෙරට රත්‍රං මිල ගණන් රුපියල් 20,000කින් පහළ වැටී ඇති බව රන් වෙළෙඳ පොළ දත්ත පෙන්නුම් කරයි.

ශ්‍රී ලංකා පොලිස් සේවයේ නිලධාරින් 32,000කට ආසන්න ප්‍රමාණයක් අවශ්‍ය ප්‍රමාණයට අඩුවෙන් අද වනවිට රාජකාරී සිදුකරන බව පොලිස්පති ප්‍රියන්ත වීරසූරිය පවස යි.

අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්‍ය ජොන්ස්ටන් ප්‍රනාන්දු ඇතුළු සැකකරුවන් 5 දෙනකු යළි රක්ෂිත බන්ධනාගාර ගත කිරීමට අධිකරණය නියෝග කර ඇත.

මේ රටේ කාන්තාවන් මුහුණ දී සිටින පීඩනය නැති කිරීමට අවශ්‍ය සියලු පියවර ගන්නවා බවත්, කාන්තාවන්ට සමාන අයිතිවාසිකම් ලබා දීම, ගෘහස්ථ හිංසනයට එරෙහිව පියවර ගැනීම, කාන්තාවක ගේ අධ්‍යාපන අයිතිය ආරක්ෂා කිරීම, වැටුප් ප්‍රශ්නය විසඳීම යනාදි පියවර ගණනාවක් ගන්නා බව ආණ්ඩුව බලයට පැමිණීමට පෙරපැවසුව ද මේවන තුරු මාලිමා ආණ්ඩුව ඒ කිසිවක් සිදු කර නැතැයි නිදහස උදෙසා කාන්තා ව්‍යාපාරයේ ජාතික කමිටු සාමාජිකා නිරෝෂා ගුරුගේ පැවසුවා ය.

අමෙරිකාවේ පැවති 41වන ලෝක විවාහක රූ රැජින තරගයේ කිරුළ හිමිකරගැනීමට තායිලන්ත තරගකාරිය සමත්වූවාය.

රංගන ශිල්පි රජිත හිරාන්ට (පිං පොං) ශ්‍රී ලංකා පොදුජන පෙරමුණේ කැස්බෑව ආසනයේ සංවිධායක ලෙස පත් කර ඇතිබවට පළවන ප්‍රවෘත්තිය සම්පූර්ණයෙන් ම සාවද්‍ය බව ශ්‍රී ලංකා පොදුජන පෙරමුණේ කැස්බෑව ආසනයේ ප්‍රධාන සංවිධායක අජිත් නාරගල පැවසී ය.

ආණ්ඩුව කඩාකප්පල් කිරීමේ කිසිම අවශ්‍යතාවයක් නැති බවත් මේ රටේ මිනිස්සු  අමාරුවේ දැමීමට ද උවමනාවක් නැති බවත් මහින්ද අමරවීර පැවසී ය.

නැගෙනහිර සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් අද (30) දිනයේ විටින් විට වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

ශ්‍රී ලංකාවේ බලශක්ති ක්ෂේත්‍රයේ සිදුවෙමින් පවතින සාධනීය වෙනස්කම් කෙරෙහි සිය රටේ අවධානය යොමුවී ඇති බවත්, ගොඩනැගෙන නව ආයෝජන අවස්ථා තුළින් දෙරට අතර බලශක්ති ක්ෂේත්‍රයේ සබඳතා තවදුරටත් වර්ධනය කරගැනීමට අපේක්ෂා කරන බවත් වැඩබලන ඇමරිකානු තානාපතිනී Jayne Howell පැවසුවා ය.

මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල අද (29) සිවිල් ආරක්ෂක බළකා මූලස්ථානයේ නිරීක්ෂණ චාරිකාවක නිරත විය.

නීපා (Nipah) වෛරසය ආසාදිතයින් ගෙන් සියයට 40 සිට 60 දක්වා මරණ ඇති විය හැකි බව ජාත්‍යන්තර වාර්තා සඳහන් කරයි. ඇතැම් අවස්ථාවල එම අනුපාතය සියයට 70 දක්වා ඉහළ යා හැකි බව ද සඳහන් වේ. එවැනි රෝගයක් රටකට ඇතුළුවීමේ අවදානම අපි මැන බැලිය යුත්තේ, එය ඇතුළුවීමට ඇති සම්භාවිතාව අනුව නොව, ඇතුළුවුවහොත් ඇතිවන භයානකත්වයේ බර අනුව ය.

ආණ්ඩුවේ වංචා වන: ගල් අඟුරු වංචාව, කන්ටේනර් පැන්නිම යනාදිය වසා ගැනීම සඳහා තමන් අධිකරණයට කැඳවා ඵලක් නැතැයි ශ්‍රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්‍රී නාමල් රාජපක්ෂ පැවසී ය.

ගල්අඟුරු ටෙන්ඩරය ආරම්භ කරන මොහොතේ සිට ම ආණ්ඩු පාර්ශ්වය උත්සාහ කළේ ඩීල් එකක් දමාගැනීමට යැයි පාර්ලිමේන්තු මන්ත්‍රී එස්. එම්. මරික්කාර් පැවසී ය.

කොවිඩ්-19 වසංගතය අවසන් වීමෙන් පසුව 2023 වසරේ දී මෙහෙයුම් ආරම්භ කළ ඩොලර් බිලියන ගණනක ආයෝජනයක් වන සිංගප්පූරුවේ හුන්ඩායි මෝටර් සමූහ නවෝත්පාදන මධ්‍යස්ථානයේ (HMGICS) නිරීක්ෂණ චාරිකාවක නිරත වීමට අද විපක්ෂ නායක සජිත් ප්‍රේමදාස එක් විය.