V2025

පුවත්

ඥාණසාර හිමියන්ගේ භික්ෂූත්වය අහිමි කරන කූට උත්සාහයක් !

ආචාර්ය මැදගොඩ අභය තිස්ස හිමි ඇතුළු භික්ෂූන් පිරිසක් බොදුබල සේනා සංවිධානයේ මහ ලේකම් ගලගොඩඅත්තේ ඥාණසාර  හිමියන්ගේ භික්ෂුත්වය ඉවත් කිරීම සඳහා කූට  උත්සාහයක සිටින බව වාර්තා වෙයි.

පසුගිය කාලයක පටන්  ගලගොඩඅත්තේ ඥාණසාර හිමියන් ප්‍රධාන ධාරාවේ කතිකාවතෙන් ඉවත් කිරීම සඳහා මෙම භික්ෂු පිරිස උන්වහන්සේ ඉලක්ක කර විවිධ අවලාද ප්‍රචාරය කළ බවත් ඒ හමුවේ මේ වන විට එම හිමිනම සිරගතව සිටින නිසා එම ක්‍රියා වර්ධනය කර ඇති බවද වාර්තා වෙයි.

මේ පිළිබඳ දන්වමින්  ගලගොඩඅත්තේ ඥාණසාර හිමියන්ට සමීප ආරංචි මාර්ග සඳහන් කර සිටින්නේ  උපසම්පදා භික්‍ෂුවක් දින හතක කාලයක් චීවරය නොදරා සිටියහොත් භික්‍ෂුත්වය අහෝසි වන බව විනය පිටකයේ සදහන් බව මහාචාර්ය පූජ්‍ය මැදගොඩ අභයතිස්ස හිමියන් ප්‍රචාරයක් දියත් කර  වැඩ අල්ලා ඇත්තේ ඒ සඳහාය.

එසේම සිරගත කර සිටින ගලගොඩඅත්තේ ඥාණසාර හිමියන්ගේ භික්‍ෂුත්ව රැකදීම සදහා මහ නාහිමිවරුන් පෙරට ආයුතු යයිද කියන  අභය තිස්ස හිමියන් ප්‍රමුඛ පිරිසම අනෙක් පසට උන්වහන්සේට ජනාධිපති සමාවක් ලබාදෙන ලෙසට ඉල්ලා සිටින බවත් ඒ හරහා ඔවුන් සුදානම් වන්නේ   ඥාණසාර හිමියන්  ආණ්ඩුවේ හවුල්කරුවකු බවට පෙන්වාදීමට බවද එම ආරංචිමාර්ග සඳහන් කරයි.

එසේම සිවුරක් දරන අතරේ තවත් සහෝදර භික්ෂුවක් බන්ධනාගාරයේ හැඳ සිටින්නේ සිවුරද ජම්පරයද යන්න සේවෙමට තරම් පහත් තැනකට මේ පාර්ශව ඇදවැටී බවද ඔවුන් පෙන්වා දෙයි.

එසේම රාජපක්ෂ පාලන සමයේ සිදුකල සියලු පව්  ඥාණසාර හිමියන්ට පටවා නිදහස් වීමේ නින්දිත උත්සාහයක්ද පවතින බවට තමන්ට විශ්වාසවන්ත තොරතුරු ලැබී ඇති බවද ඔවුන් සඳහන් කරයි.

ඒ අනුව ඔවුන් පෙන්වා දෙන්නේ  ඥාණසාර හිමියන් සිරගත කිරීම ආණ්ඩුවේ කුමන්ත්‍රණයක් බවට හිටපු ජනාධිපතිවරයා සිදුකර ඇති ප්‍රකාශයද හේතුවෙන් ලැබී ඇති තොරතුරේ විශ්වසනීයත්වය වැඩි බවය. 

එදා  ඥාණසාර හිමියන්ගේ නම විකුණාගෙන සිංහල බෞද්ධ ජන්ද ගත්  මේ අශුද්ධ නඩය අද සුපුරුදු ලෙස උන්වහන්සේ දුෂ්කර අවධියකට මුහුණදුන් විට උන්වහන්සේ විනාශ කිරීමට වෙර දරන බවත්  එසේම ඉදිරියේදී අවශ්‍ය වුවහොත්   ජන්ද බලයට පමණක් ජාතිය ආගම විකුණන සහ ඒ  වෙනුවෙන් ඕනෑම  පහත් වැඩක් කරන මේ ගිහි - පැවදි  පිරිස් වල  ඇත්ත ජීවිතය  ඉදිරියේදී ජනතාවට අනාවරණය කරන බවද ඔවුන් සඳහන් කර සිටියි.

Comment (0) Hits: 497

ප්‍රංශ  නාවික  නෞකා 2 ක් කොළඹ වරායට සේන්දු වෙයි

ප්‍රංශ රාජකීය නාවික හමුදාවට අයත් සර්කෝෆ් (Surcouf) සහ ඩික්ස්මුඩ් (Dixmude) යන නෞකාවන් සුහද සංචාරයක් සඳහා අද (ජුනි 18) උදෑසන  කොළඹ වරායට සේන්දු විය. එහිදී නාවික සම්ප්‍රදායානුකූලව ශ්‍රී ලංකා නාවික හමුදාව විසින් එම නෞකාවන් පිළිගන්නා ලදී.

තවද, ඩික්ස්මුඩ් නෞකාවේ අණදෙන නිලධාරියා ලෙස කපිතාන්, ජීන් පෝචර් මහතා කටයුතු කරනු ලබන අතර, කොමාණ්ඩර් ක්‍රිස්ටීන් රිබේ මහත්මිය සර්කෝෆ් නෞකාවේ අණදෙන නිලධාරිනීය ලෙස කටයුතු කරනු ලබයි.  ඒ අනුව, කාන්තා නිලධාරීනීයක් අණදෙනු ලබන යුද නෞකාවක් කොළඹ වරායට පැමිණි පළමු අවස්ථාව මෙය වන අතර, ශ්‍රී ලංකා නාවික හමුදාවේ නිලධාරිනීයක් යුද නෞකාවක සම්බන්ධතා නිලධාරිනීයක් ලෙස කටයුතු කරනු ලබන පලමු අවස්ථාව ද මෙය ලෙස සනිටුහන් වීය. එමෙන්ම නෞකාවන්හි අණදෙන නිලධාරින් බටහිර නාවික විධාන මූලස්ථානයේදී විධාන ආඥාපති රියර් අද්මිරාල් නිශාන්ත උළුගේතැන්න මහතා හමුවී සුහද පිළිසඳරක නිරත වූ අතර, මෙම අවස්ථා‍ව සනිටුහන් කරමින් සමරු තිළිණ හුවමාරුවක් ද සිදු විය.

තවද, ප්‍රංශයේ නාවික හමුදා නිලධාරින් සහ ශ්‍රී ලංකා නාවික හමුදා නිලධාරින් එක්ව මුහුදේ සිදුවන මත්ද්‍රව්‍ය මැඩලීමේ මෙහෙයුම් සම්බන්ධයෙන් හා මුහුදේ සිදුවන යුධමය නොවන මෙහෙයුම් සම්බන්ධ තත්ත්වය පිළිබඳ වෘත්තීමය මට්ටමේ අදහස් හුවමාරු කර ගැනීමේ වැඩසටහනක් පැවැත්විමට කටයුතු යොදා ඇති අතර, ඒ සඳහා ශ්‍රී ලංකා නාවික හමුදාව නියෝජනය කරමින් නිලධාරීන් දසදෙනෙකු (10) සහභාගී වීමට නියමිතය.

View the embedded image gallery online at:
http://newstube.lk/news?start=6912#sigProIda7df9a3e0f

Comment (0) Hits: 538

යාපනයේ ගැටුමේ 5ක් අත්අඩංගුවේ !

යාපනය, තෙලිප්පලෙයි - මල්ලාකම් සහයමාතා දේවස්ථානය ආසන්නයේ ඊයේ (17) රාත්‍රීයේ දෙපිරිසක් අතර ඇති වූ ගැටුමට අදාලව පුද්ගලයින් පස්දෙනෙකු අත්අඩංගුවට ගත් බව පොලිසිය සඳහන් කරයි.

වාර්තා වන ආකාරයට පෞද්ගලික කරුණක් සම්බන්ධයෙන් මෙම දෙපිරිස අතර ගැටුමක් ඇතිව ඇති අතර එම අවස්ථාවේ පොලිසිය මැදිහත්ව එය පාලනය කිිරිමට උත්සාහ කිරිමේදි එහි සිටි පිරිසක් පොලීසියට පහරදීමට උත්සාහ කර ඇත.  එහිදි පොලිස් ගිනි අවියක් ක්‍රියාත්මක වීමෙන් පුද්ගලයෙකු මියගොස් ඇති බව මුලික විමර්ශනවලදී අනාවරණයවී ඇත.

මෙලෙස මියගොස් ඇත්තේ මල්ලාකම් ප්‍රදේශයේම පදිංචි පාක්‍යරාසා සුදර්ශන් නැමැති 31ක් හැවිරිදි පුද්ගලයෙකි.

Comment (0) Hits: 423

ඒකාබද්ධ විපක්ෂයේ පක්ෂ නායකයින් : දේශපාලන තීන්දුවක් ගන්න සැරසෙයි !

රාජපක්ෂ පවුලේ මතුව තිබෙන බල අරගලය පාලනය කළ නොහැකි ආකාරයට ඔඩුදුව යමින් ඇති බවත් ඒ සම්බන්ධව කලකිරී සිටින ඒකාබද්ධ විපක්ෂය නියෝජනය කරන දේශපාලන පක්ෂ කිහිපයක් දේශපාලන තීන්දුවක් ගැනීම වෙනුවෙන් රහස් සාකච්ඡා ආරම්භ කර ඇති බව වාර්තා වෙයි.

ඒකාබද්ධ විපක්ෂය නියෝජනය කරන පක්ෂ නියෝජිතයකු සඳහන් කර සිටින ආකාරයට ආණ්ඩුවෙන්  ඉවත්වූ  ශ්‍රී ලංකා නිදහස් පක්ෂයේ 16 කණ්ඩායම ඇතුළුව ප්‍රගතිශීලී බලවේග එක්වූ වෙනම ව්‍යාපාරයක් බිහිකිරීම කෙරෙහී ඔවුන්ගේ අවධානය යොමුව ඇත.

එහිදී  සිංහල ජාතිකවාදී දේශපාලන පක්ෂ සහ සංවිධාන සමඟද සංවාදයක් ආරම්භ කිරීමටද අවධානය යොමුකර ඇති බවද සඳහන් වෙයි.

එසේම  බැසිල් රාජපක්ෂ ඒකාබද්ධ විපක්ෂය යොදා ගනිමින් ශ්‍රී ලංකා පොදුජන පෙරමුණ ප්‍රවර්ධනය කිරීම පමණක් සිදු කිරීමත් එහිදී ඒකාබද්ධ විපක්ෂය නියෝජනය කරන අනෙකුත් දේශපාලන පක්ෂ නොතකා හැරීම දිගින් දිගටම සිදුවීමත් මෙම තීන්දුව ගැනීමට හේතුවූ බවද ඔහු පවසයි.

තමන්ට තම පාර්ශවය තුළ කේවල් කිරීමට නොව අවම වශයෙන් ආණ්ඩුවට එරෙහි සටන් පාඨයක් හෝ ක්‍රියාවට නැගීමට ඉඩක් නොමැති නම් විකල්ප බලවේගයක් නිර්මාණය කර තම බලය පෙන්වීම ඒකාබද්ධ විපක්ෂයේ දේශපාලන පක්ෂ නායකයින්ගේ අපේක්ෂාව වී ඇති බවද ඔහු වැඩි දුරටත් සඳහන් කරයි.

Comment (0) Hits: 495

වජිර - ගයන්ත : හවුල් වැඩක

ඉඩම් ඔප්පු දසලක්ෂයක් බෙදාදීමේ  ජාතික වැඩසටහන වේගවත් කිරීම සඳහා  නව වැඩසටහනක් ඉඩම් අමාත්‍යාංශය හා ස්වදේශ කටයුතු අමාත්‍යාංශය එක්ව ක්‍රියාවට නංවා ඇති බව වාර්තා වෙයි.

ඉඩම් ඔප්පු දසලක්ෂයක් බෙදාදීමේ ජාතික වැඩසටහන ඉඩම් අමාත්‍යංශය යටතේ ක්‍රියාවට නැගුනත්   දිවයිනේ සෑම ප්‍රාදේශීය ලේකම් කොට්ඨාශයකම ඉඩම් ගැටළු සම්බන්ධයෙන් කටයුතු කරන  ප්‍රාදේශීය ලේකම් කාර්යාල හා ග්‍රාම නිලධාරීන් ස්වදේශ කටයුතු අමාත්‍යංශයට අනියුක්ත බැවින්  ඉඩම් ගැටළු විසඳීම වඩාත් ඵලදායි හා කඩිනම්ව සිදුකිරීම වෙනුවෙන් මෙසේ නව වැඩසටහන දියත් කර ඇත.

දීප ව්‍යාප්තව හඳුන්වාදීමට බලාපොරොත්තු වන මෙම වැඩසටහනේ පළමු පියවර ලෙස ගාල්ල දිස්ත්‍රික්කයේ සියලුම ප්‍රාදේශීය ලේකම්වරුන් හා ඉඩම් අමාත්‍යාංශයේ නිලධාරීන් හමුවී ගතයුතු ඉදිරි පියවර පිළිබඳ සාකච්ඡාවක් පසුගිය දා ස්වදේශ කටයුතු අමාත්‍යාංශයේදී ඉඩම් හා පාර්ලි‌‌මේන්තු ප්‍රතිසංස්කරණ අමාත්‍ය ගයන්ත කරුණාතිලක හා ස්වදේශ කටයුතු අමාත්‍ය වජිර අබේවර්ධන යන අමාත්‍යවරුන්ගේ ප්‍රධානත්වයෙන් පවත්වා ඇත.

මෙම අවස්ථාවට ඉඩම් හා පාර්ලි‌‌මේන්තු ප්‍රතිසංස්කරණ අමාත්‍යාංශයේ ලේකම් ඩබ් එච් කරුණාරත්න ගාල්ල දිස්ත්‍රික් ලේකම්, ඉඩම් කොමසාරිස් ජනරාල් චන්ද්‍රා හේරත්, මිනුම්පති පි.එම්. පි උදයකාන්ත අතිරේක ලේකම් ඉඩම්  එල්. බි. එස් දයාරත්න ඇතුළු පිරිසක්  සහභාගී වූහ.

Comment (0) Hits: 537

දරුවන් සුරකිමු අරගෙන : ජනාධිපති හෙට කිළිනොච්චියට !

දරුවන් සුරකිමු, ජාතික වැඩසටහනේ කිළිනොච්චි දිස්ත්‍රික් සමුළුව ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් හෙට(18) පැවැත්වෙන බව ජනාධිපති මාධ්‍ය අංශය සඳහන් කරයි.

නිවේදනයක්මෙ නිකුත් කරමින් ජනාධිපති මාධ්‍ය අංශය සඳහන් කර සිටින්නේ මෙරට දරු පරපුර ආරක්ෂා කරගැනීම සහ ඔවුන්ගේ කායික, මානසික සංවර්ධනයට හිතකාමී වඩා යහපත් පරිසරයක් ගොඩනැගීම අරමුණු කරගත් මෙම වැඩසටහන හෙට කිලිනොච්චිය මධ්‍ය මහා විද්‍යාලයීය ක්‍රීඩාංගණයේ දි පැවැත්වෙන බවය.

එසේම සමාජය තුළ දැනට පවතින විවිධ ව්‍යසනයන්ගෙන් දරු පරපුර ආරක්ෂා කරගැනීම ප්‍රමුඛ අවශ්‍යතාවක් ලෙස හඳුනාගෙන අපයෝජනය, අපහරණය වැලැක්වීම, ආරක්ෂාව තහවුරු කිරීම,සෞඛ්‍ය පෝෂණය සහ සුබසාධනය, පෞරුෂ සංවර්ධනය, අධ්‍යාපන හා ජීවන කුසලතා නැංවීම යන පස්වැදෑරුම් අංශ ඔස්සේ මෙම වැඩසටහන දීප ව්‍යාප්තව ක්‍රියාවට නංවා ඇති බවද එහි සඳහන්ය.

මීට අමතරව ජනාධිපතිවරයාගේ ප්‍රධානත්වයෙන් හෙට දිනයේ කිලිනොච්චිය ප්‍රදේශයේ තවත් වැඩසටහන් රැසක් ක්‍රියාත්මක කෙරෙන බව ජනාධිපති මාධ්‍ය අංශය සඳහන් කර සිටියි.

Comment (0) Hits: 422

අවස්ථා 45000 කදී ඇලෝගේ දත් ගලවලා : ලංකාදීප අනාවරණයක් !

පර්පෙචුවෙල් ටෙ‍්‍රෂරීස් සමාගම විවිධ තරාතිරම් වල පුද්ගලයින්ට අවස්ථාවන් 45,000 කදී පමණ රුපියල් ලක්‍ෂ ගණනින් මුදල් ලබාදී ඇතැයි මේ පිළිබඳව විමර්ශනය කරන රහස් පොලිස් නිලධාරීන් විසින් හෙළිකරගෙන ඇතැයි වාර්තා වේ.

මෙලෙස විවිධ තරාතිරම්වල පුද්ගලයින්ට මුදල් ලබාදීම සඳහා පර්පෙචුවෙල් ටෙ‍්‍රෂරීස් සමාගම එම සමාගම් සමූහයේ සහෝදර සමාගම් වන ඩබ්ලිව්. එම්. මෙන්ඩිස් සහ ‘වොල්ට් ඇන්ඩ් රෝ’ සමාගම්ද යොදාගෙන ඇති බව හෙළිකරගෙන ඇති රහස් පොලිස් නිලධාරීන් විවිධාකාර පුද්ගලයින්ට එලෙස මුදල් ලබාදී ඇතැත් එම චෙක්පත් මාරු කරගෙන ඇත්තේ වෙනත් පුද්ගලයින්ගේ නම් වලින් බවද හෙළි කරගෙන ඇතැයි වාර්තා වේ.

එලෙස මුදල් ලබාදී ඇති පුද්ගලයින් පිළිබඳව පර්පෙචුවෙල් ටෙ‍්‍රෂරීස් සමාගමේ ලේඛන වල සටහන් තබා ඇති බවත් එලෙස තබා ඇති ඇතැම් සටහන්වල විවිධාකාර පුද්ගලයින්ගේ නාමයන් ඉංග‍්‍රීසි කෙටි අක්‍ෂරයන් (මුලකුරු) වලින් තබා තිබීම හේතුවෙන් නිශ්චිත පුද්ගලයින් කවුරුන්ද යන්න හඳුනාගැනීම සඳහා වැඩිදුර පරීක්‍ෂණ පවත්වන බවද වාර්තා වේ.

ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි මහතා 2016 නොවැම්බර් මස 25 වැනි දා පොලිස්පතිවරයා වෙත කරන ලද පැමිණිල්ලකට අනුව ශ්‍රී ලංකා මහ බැංකුව විසින් භාණ්ඩාගාර බැදුම්කර නිකුත් කිරීමේදී අනාවරණය නොකළ යුතු මූල්‍ය සංවේදිතාවයක් ඇති රහස්‍ය තොරතුරු මහ බැංකුවේ යම් යම් පාර්ශවයන් විසින් ලබාදී තිබේද යන්න පිළිබඳව රහස් පොලිසිය ආරම්භ කර ඇති විමර්ශනයේ දී මෙම තොරතුරු හෙළි කරගෙන ඇතැයි වාර්තා වේ.
මේ සම්බන්ධයෙන් සිදුකරන පරීක්‍ෂණ සඳහා භාණ්ඩාගාර බැඳුම්කර නිකුත් කිරීමේදී අක‍්‍රමිකතාවයක් සිදුවී ඇද්ද යන්න සම්බන්ධයෙන් සෙවීම සඳහා පත්කළ ජනාධිපති පරීක්‍ෂණ කොමිසමේදී හෙළි වු කරුණු මෙන්ම ඉදිරිපත් වු සාක්කි ද සැළකිල්ලට ගෙන ඇතැයි වාර්තා වේ.

(ලංකාදීප )

Comment (0) Hits: 484

TNA ප්‍රබලයකු පක්ෂ මාරුවකට සූදානම් !

දෙමළ සන්ධානයේ ජ්‍යෙෂ්ඨ මන්ත්‍රීවරයකු එක්සත් ජාතික පක්ෂය සමඟ එක්වීම සඳහා සාකච්ඡාවක් අරඹා ඇතැයි උතුරේ දේශපාලන ආරංචි මාර්ග සඳහන් කරයි.
දැනට දෙමළ ජාතික සන්ධානය තුළ බරපතළ විවේචනවලට භාජනය වී සිටින මෙම ජාතික ලැයිස්තු මන්ත්‍රීවරයා නීති විශාරදයකු බවද වාර්තා වෙයි.

එ.ජා.ප.යට එක්ව එහි නීති කටයුතු අංශය භාරගෙන ක්‍රියාකරන්නැයි ඔහුට ආරාධනයක් ලැබී ඇති බවත් ජාතික ලැයිස්තුවෙන් ඉදිරියේදී පාර්ලිමේන්තුවට පැමිණීමට වුවද  අවස්ථාව ලබාදෙන බවටද ඔහුට සහතිකයක් ලබාදී ඇති බවද වාර්තා වෙයි.
image 1458328331 4042974bf1

TNA  ප්‍රතිසංවිධානයක් ඉක්මනටම - ආර්.සම්පන්දන් කියයි  

මේ අතර දෙමල ජාතික සන්ධානයේ ප්‍රතිසංවිධාන කටයුතු කඩිනම් කිරීමට තීරණය කර ඇති බව එහි නායක පාර්ලිමේන්තු මන්ත්‍රී ආර්. සම්පන්දන් සඳහන් කර සිටියි.

මුලතිව් හී පැවති පක්ෂ සාකච්ඡාවකදී මේ සම්බන්ධව විශේෂ අවධානයක් යොමුවූ බවද  ඔහු සඳහන් කර ඇත. 

පසුගිය පළාත් පාලන මැතිවරණය හමුවේ පක්ෂයේ පසුබෑමක් සිදුවූ බවත් එවැනි තත්ත්වයක් යළිත් ඇතිවීම වළක්වා පක්ෂය ශක්තිමත් කිරීම ප්‍රතිසංවිධානයේ අරමුණ බවද ඔහු අවධාරණය කර ඇත.

Comment (0) Hits: 455

පොහොට්ටුව පුපුරණ දවස ගැන අනාවැකියක් !

ශ්‍රී ලංකා පොදුජන පෙරමුණෙන් ඉදිරිපත් කිරීමට නියමිත ජනාධිපති අපේක්ෂකයා පිළිබඳ එම පක්ෂය තුළම ගැටුම්කාරී තත්ත්වයක් නිර්මාණය වී ඇතැයිද ජනාධිපතිවරණයක් කැඳවූ වහාම එම පාර්ශවය කැබලි කැබලිවලට වෙන්වී යන ආකාරය දකින්නට ලැබෙනු ඇති බවද අමාත්‍ය  මහින්ද සමරසිංහ සඳහන් කරයි.
අමාත්‍යවරයා මේ බව සඳහන් කර සිටියේ  කෝට්ටේ බල‍මණ්ඩල රැස්වීමක් අමතමින්ය.

නැවත රාජපක්ෂ පාලනයක් ගැන අද ඇතැමුන් කථා කලත් එවැනි පාලනයක් නැවත පැමිණියහොත් ලංකාවට එරෙහිව විදෙස් සම්බාධක පැමිණවීම අනිවාර්යයෙන් සිදුවන බවද අමාත්‍යවරයා සඳහන් කර ඇත.

මේ වන විට වත්මන් ආණ්ඩුව සම්බාධක පැණවීමේ අවධානම පාලනය කරගෙන සිටින බවත් නැවත එවැනි පාලනයක් ඇතිවුවහොත් ජනතාවට පාරට බහින්න සිදුවන්නේ බඩගින්නේ බවද ඔහු පැවසීය.

එසේම  විධායක ජනාධිපති ක්‍රමය අහෝසි කිරීමට ශ්‍රී ලංකා නිදහස් පක්ෂය සහය පළ නොකරන බවද මෙහිදී  අමාත්‍යවරයා සඳහන් කර ඇත.

Comment (0) Hits: 457

බලහත්කාරයෙන් අතුරුදහන් කරවීම් වැළක්වීමට මහින්ද විරුද්ධ වෙයි !

අතුරුදහන් වූවන්ගේ කාර්යාලය යනු සාක්‍ෂිකරුවන්ට සිතාසි නිකුත් කොට, විභාග පවත්වා සාක්‍ෂි ලබාගත හැකි විනිශ්චය සභාවක් බවත් එහි බලතල අනුව  කාර්යාලයේ කටයුතුවලට සහයෝගය නොදෙන ඕනෑම කෙනෙකුට උසාවියට අපහාස කිරීමේ නීතිය යටතේ ඳඩුවම් පැමිණවිය හැකි බව හිටපු ජනාධිපති මහින්ද රාජපක්ෂ සඳහන් කරයි.

එසේම එම කාර්යාලයේ නිලධාරීන්ට  ඕනෑම වෙලාවක සෝදිසි වරෙන්තුවක් නොමැතිව ඕනෑම පොලිස් ස්ථානයකට,  බන්ධනාගාරයකට හෝ හමුදා කඳවුරකට ඇතුලු වී ඔවුන්ට අවශ්‍ය යැයි හිතෙන ඕනෑම ලියවිල්ලක් හෝ භාණ්ඩයක් තමන් සන්තකයට ගැනීමට බලය ඇති බවත්  සන්නද්ධ හමුදා හා බුද්ධි අංශ ඇතුලු සියලුම රජයේ ආයතන මේ කාර්යාලයේ වැඩ කටයුතු වලට සහයෝගය දැක්වීම අනිවාර්ය වන අතර රාජ්‍ය රහස් පනත අතුරුදහන් වූවන්ගේ කාර්යාලය සිදු කරන විමර්ශන වලදී බල රහිත වන බවද හිටපු ජනාධිපතිවරයා පෙන්වා දෙයි.

නිවේදනයක් නිකුත් කරමින් හිටපු ජනාධිපතිවරයා මේ බව සඳහන් කරන අතර වත්මන් ආණ්ඩුව විසින් 2002 අංක 25 දරණ සාපරාධී කාරණා වලදී අන්‍යෝන්‍ය සහයෝගීතාව දැක්වීමේ පනත සංශෝධනය කිරීම හරහා රණවිරුවන් විදෙස් බලවතුන්ට පාවාදීමේ සූදානමක් පවතින බවද එහි දැක්වේ.

එසේම  ඊට අදාළ  පනත් කෙටුම්පතක්  මේ වන විට  පාර්ලිමේන්තුවට හඳුන්වා දී  ඇති බවද  එහි සඳහන් කර ඇත.

එම නිවේදනයේ වැඩිදුරටත් මෙසේද සඳහන් වෙයි.

2002 මුල් නීතියේ අරමුණ වූයේ වෙනත් රටවල සැකකරුවන් හෝ සාක්‍ෂි කරුවන් ලංකාවේ සිටින්නේ නම් හෝ මෙරටට අවශ්‍ය එවැනි පුද්ගලයන් වෙනත් රටක සිටින්නේ නම්, ඔවුන් හඳුනා ගැනීම හා සොයා ගැනීම, එවැනි පුද්ගලයන්ට සිතාසි වැනි ලියවිලි ලැබීමට සැලැස්වීම, සාක්‍ෂි කරුවන්ගෙන් ප්‍රකාශ ලබාගැනීම, සාක්‍ෂි සෙවීම, නඩු භාණ්ඩ සඳහා සෝදිසි කිරීම හා සන්තකයට ගැනීම, සාක්‍ෂි කරුවන් උසාවියට ඉදිරිපත් කිරීම, අපරාධ තුළින් උපයාගත් ධනය සෙවීම, එවැනි දේපල අත්හිටුවීම, වැනි කාරණා වලදී විදෙස් රටවල් හා අන්‍යෝන්‍ය සහයෝගයෙන් කටයුතු කිරීමයි. එම මුල් නීතිය බලපවත්වනු ලැබුවේ, නම් කරන ලද පොදුරාජ්‍ය මණ්ඩලීය රටවල් කිහිපයකට හා මෙවැනි කටයුතු වලදී ලංකාව සමඟ සහයෝගයෙන් කටයුතු කිරීමට ගිවිසුම් ගතව සිටි රටවල් කීපයකට පමණි.

අලුත් සංශෝධනය අවධානම් !

පවතින නීතිය සංශෝධනය තිරීමට ඉදිරිපත් කර තිබෙන පනත් කෙටුම්පතෙන් 2002 අංක 25 දරණ පනතේ වගන්ති ගණනාවක්ම සම්පූර්ණයෙන්ම වෙනස් කිරීම තුළින් මුල් පනතේ ස්වරෑපය සැලකිය යුතු ආකාරයට වෙනස් වෙනු ඇත. යෝජිත සංශෝධනයෙන් මේ නීතියේ බලපෑම ලංකාව අත්සන් කොට ඇති, සාපරාධී කාරණා සම්බන්ධ ජාත්‍යනත්ර සම්මුතියකට බැඳී ඇති සියලුම රටවල් දක්වා පුලුල් කෙරේ. පවතින නීතිය රාජ්‍යයන් වලට පමණක් බලපැවැත්වුවද යෝජිත සංශෝධනයෙන් එම පනතේ වපසරිය තුළට ජාත්‍යන්තර අපරාධ අධිකරණය වැනි ජාත්‍යන්තර සංවිධානද ඇතුලත් වෙයි. වෙනත් රටවලින් ලබා ගන්නා ලිඛිත සාක්‍ෂි හා වෙනත් රටවල සිටින පුද්ගලයන්ගෙන් වීඩියෝ තාක්‍ෂණය හරහා ලබා ගන්නා සාක්‍ෂිත් උසාවි විසින් පිළිගත යුතු වන ආකාරයට විධිවිධාන යෝජනා වී ඇත. පිටරටින් එන ඉල්ලීම් වලට යුහුසුලුව ප්‍රතිචාර දැක්වීමට හැකි වන ආකාරයට සාපරාධී කාරණා වලදී අන්‍යෝන්‍ය සහයෝගීතාවය දැක්වීමේ පරිපාලන යාන්ත්‍රනයද විශාල වශයෙන් පුලුල් කිරීමටද යෝජනා වී ඇත.

 අතුරුදහන් කරවීම් වැළක්වීමේ පනතේ අවුලක් !

මේ යෝජිත සංශෝධනය වත්මන් ආණ්ඩුව විසින් මීට කලින් හැඳුන්වාදුන් නව නීති දෙකක්  සමඟ බැඳී පවතී. ඒ, අතුරුදහන් වූවන්ගේ කාර්යාල පනත හා අතුරුදහන් කරවීම් වැලැක්වීමේ ජාත්‍යන්තර ප්‍රඥප්තිය ලංකාවේ බලාත්මක කිරීම සඳහා ගෙන ආ පනතටය. අතුරුදහන් වූවන්ගේ කාර්යාලය යනු සාක්‍ෂිකරුවන්ට සිතාසි නිකුත් කොට, විභාග පවත්වා සාක්‍ෂි ලබාගත හැකි විනිශ්චය සභාවකි. එහි නිලධාරීන්ට ඕනෑම වෙලාවක සෝදිසි වරෙන්තුවක් නොමැතිව ඕනෑම පොලිස් ස්ථානයකට,  බන්ධනාගාරයකට හෝ හමුදා කඳවුරකට ඇතුලු වී ඔවුන්ට අවශ්‍ය යැයි හිතෙන ඕනෑම ලියවිල්ලක් හෝ භාණ්ඩයක් තමන් සන්තකයට ගැනීමට බලය ඇත. මෙම කාර්යාලයේ කටයුතුවලට සහයෝගය නොදෙන ඕනෑම කෙනෙකුට උසාවියට අපහාස කිරීමේ නීතිය යටතේ ඳඩුවම් පැමිණවිය හැක. සන්නද්ධ හමුදා හා බුද්ධි අංශ ඇතුලු සියලුම රජයේ ආයතන මේ කාර්යාලයේ වැඩ කටයුතු වලට සහයෝගය දැක්වීම අනිවාර්ය වන අතර රාජ්‍ය රහස් පනත අතුරුදහන් වූවන්ගේ කාර්යාලය සිදු කරන විමර්ශන වලදී බල රහිත වේ.

2018 අංක 5 දරණ පනතින් ලංකාවේ බලාත්මක කොට ඇති ඇතුරුදහන් කරවීම් වලට එරෙහි ජාත්‍යන්තර ප්‍රඥප්තිය මඟින් ඇතුරුදහන් කරවීම් සම්බන්ධයෙන් අධීකරණ බලය එම ප්‍රඥප්තියට ඇතුලු වී සිටින සියලුම රටවල් අතරේ බෙදා හැර ඇත. ඒ අනුව ලංකාවේ සිදුවූ අතුරුදහන් කරවීමක් සම්බන්ධයෙන් වෙනත් රටක නඩුවක් පවත්වාගෙන යාමට අදාල විදෙස් රටට බලය ලැබේ. අතුරුදහන් කරවීම් වලට එරෙහි ජාත්‍යන්තර ප්‍රඥප්තියේ අංක 10, 11 හා 13 වගන්ති වලට අනුව එම ප්‍රඥප්තියට ඇතුලු වී සිටින ඕනෑම රටකට ශ්‍රී ලාංකික සැකකරුවන් සිරභාරයට ගෙන එක්කෝ එම රටේම නඩු ඇසීම නැතිනම් ජාත්‍යන්තර අපරාධ අධිකරණයට බාරදීමට බලය ඇත. මෙකී ජාත්‍යන්තර ප්‍රඥප්තිය ලංකාවේ බලාත්මක කිරීම සඳහා සම්මත කරන ලද 2018 අංක 5 දරණ පනතේ 8 වන හා 21 වන වගන්ති වලට අනුව ලංකාව තුළ අතරුදහන් කරවීමකට සම්බන්ධයැයි සැක කරන පුද්ගලයන් තමන්ට බාරදෙන මෙන් එම ප්‍රඥප්තියට සම්බන්ධ විදෙස් රටකට ඉල්ලා සිටීමටද බලය ලැබේ.

අතුරුදහන් කරවීම්වලට එරෙහි ජාත්‍යන්තර ප්‍රඥප්තිය ලංකාවේ බලාත්මක කිරීමට ගෙන ආ පනතේ විධිවිධාන ක්‍රියාත්මක කිරීමට උදවු දීමක් !

මේ අනුව සාපරාධී කාරණා වලදී අන්‍යෝන්‍ය සහයෝගීතාවය දැක්වීමේ පනත සංශෝධනය කිරීමට ගෙනවිත් තිබෙන පනත් කෙටුම්පතෙන් සිදුකරන්නේ 2018 අංක 5 දරණ අතුරුදහන් කරවීම් වලට එරෙහි ජාත්‍යන්තර ප්‍රඥප්තිය ලංකාවේ බලාත්මක කිරීමට ගෙන ආ පනතේ විධිවිධාන ක්‍රියාත්මක කිරීමට උදවු දීමකි. ලංකාවේ සිදුවූවායැයි කියන අපරාධයක් සම්බන්ධයෙන් වෙනත් රටක නඩුවක් පවත්වාගෙන යාමට නම් එයට අවශ්‍ය සාක්‍ෂි යනාදිය ලංකාවෙන් ලබා ගැනීමට කුමක් හෝ යාන්ත්‍රනයක් තිබිය යුතුය. 2002 සාපරාධී කාරණාවලදී අන්‍යෝන්‍ය සහයෝගය දැක්වීමේ පනතට ගෙනවිත් තිබෙන මේ සංශෝධනවල අරමුණ වන්නේ එම යාන්ත්‍රනය සැකසීම බව සක්සුදක් සේ පැහැදිලිය. මෙය වත්මන් ආණ්ඩුවේ නවතම පාවාදීමයි. මේ ආණ්ඩුව බලයට ගෙන ඒමට උදවු දුන් විදේශීය බලවතුන්ගේ උවමනාවන් ඔවුන් ඉටු කරමින් සිටින විලාසයද ජනතාවගේ අවධානයට යොමු විය යුතුය. 2016 අගෝස්තු මාසයේදී මොවුන් අතුරුදහන් වූවන්ගේ කාර්යාල පනත පාර්ලිමේන්තුවේදී බලහත්කාරයෙන් සම්මත කර ගනු ලැබුවේ එම පනත විවාද කිරීමට විනාඩි 40 ක කාලයක්වත් නොදීය. ඒ විනාඩි 40 න්ද වැඩි කාලයක් ගත වූයේ එදින එය විවාදයට ගත යුතුද නැත්ද යන්න ගැන තර්ක විතර්ක වලටය. එය එදින විවාදයට නොගන්නා බවට ආණ්ඩුව කලින් ප්‍රතිඥා දී තිබුණි.
 
2018 මාර්තු මාසයේදී ආණ්ඩුව අතුරුදහන් කරවීම් වලට එරෙහි ජාත්‍යන්තර ප්‍රඥපත්තිය ලංකාවේ බලාත්මක කිරීමට අංක  5 දරණ පනත සම්මත කරගනු ලැබුවේ නුවර දිස්ත්‍රික්කයේ සිදුවූ සිංහල-මුස්ලිම් කෝලහලය නිසා ජනතාවගේ අවධානය වෙනතකට යොමුවී තිබීම ප්‍රයෝජනයට ගෙනය. මොවුන් මේ නීතිය සම්මත කරගනු ලැබුවේද ත්‍රෛනිකායික මහනාහිමිවරුන් පමණක් නොව ත්‍රෛනිකායික කාරක සංඝ සභා වලින්ද එය ඉවතලන මෙන් ආණ්ඩුවෙන් කර තිබූ ඉල්ලීම නොසලකාය. මෙම වසරේ මැයි 18 වනදා, එනම් කොටි සංවිධානයට එරෙහි යුද ජයග්‍රහනය සමරණ සංවත්සර දිනයේදීම සාපරාධී කරණා වලදී අන්‍යෝන්‍ය සහයෝගීතාවය දැක්වීමේ 2002 පනතට මෙම සංශෝධන කෙටුම්පත ගැසට් කරන ලදී. ඒ අවස්ථාවේදීද රටේ විවිධ ප්‍රදේශවල ඇති වූ ගංවතුර ආපදාව නිසා ජනතාවගේ අවධානය වෙනතකට යොමු වී තිබුණි. මේ රටේ දීර්ඝ ඉතිහාසය පුරා රටට ද්‍රෝහී වූ පිරිස් සිට ඇත. නමුත් මේ තරම් උනන්දුවෙන් හා කැපවීමෙන් පාවාදීම් කරන පාලකයන් පිරිසක් කිසිදාක මේ රටේ සිට නැත.

Comment (0) Hits: 562

මුල්‍ය අපරාධ නඩු අහන පනතට මාස 5 යි : ඒත් ප්‍රතිඵල බිංදුවයි !

මහා පරිමාන මුල්‍ය අපරාධ හා දුෂණ නඩු අඛණ්ඩව විභාග කිරීම සදහා මහාධිකරණ තුනක් පිහිටුවීම සදහා වන පනත සම්මත වී සති 5 ක් ගතවී ඇතත්,  අද දක්වාම, කිසිදු මහාධිකරණයක් හෝ ස්ථාපනය වී නැතැයි  ශ්‍රී ලංකා මානව හිමිකම් කේන්ද්‍ර‍ය චෝදනා කරයි. 

අදාළ පනත යටතේ වන පළමු මහාධිකරණය ජූලි 4 දින විවෘත කිරීමට බලාපොරොත්තුවන බව මුලින් ප්‍ර‍කාශ වුව ද, විශේෂිත ආකාරයකින් කාමර හා පහසුකම් සම්පාදනය කළ යුතු අධිකරණ ගොඩනැගිල්ලේ අභ්‍යන්තර ඉදිකිරීම් මේ වන විට නාවික හමුදාව විසින් සිදු කරමින් සිටින බවද එම සංවිධානය පෙන්වා දෙයි.
එසේම  දෙවන හා තුන්වන මහාධිකරණ සදහා අවම වශයෙන් සුදුසු ස්ථානයක් හෝ තෝරා ගැනීම හෝ මේ දක්වා සිදුව නැතැයි ද, ශ්‍රී ලංකා මානව හිමිකම් කේන්ද්‍රයේ නිරීක්ෂණය වී ඇත.

නිවේදනයක් නිකුත් කරමින් මානව හිමිකම් කේන්ද්‍රය මේ බව සඳහන් කරන අතර වත්මන් ජනාධිපති ධූර කාලය අවසන්වන තුරු එම අධිකරණ වල  නඩු පහක්වත් විභාග කර අවසන් කිරීමෙට නොහැකිවීමේ තත්ත්වයක්ද තිබෙන බවද එහි පෙන්වාදී ඇත.

අදාළ නිවේදනයේ වැඩිදුරටත් මෙසේද දැක්වේ.

1978 අංක 2 දරණ අධිකරණ සංවිධාන පනත 2018 මැයි 9 දින පාර්ලිමේන්තුව මගින් සංශෝධනය විය.  එය මැයි 12 දින කථානායකවරයා විසින් සහතික කරනු ලැබීය.   පසුගිය දා අලුතෙන් පත් කළ මහාධිකරණ විනිසුරුවන් 13 දෙනා අතුරින් පිරිසක් මහාධිකරණ වෙත යොමු කොට ජ්‍යෙෂ්ඨ විනිසුරුවරුන් 9 දෙනෙකු මහා පරිමාණ මුල්‍ය අපරාධ, දුෂණ හා අල්ලස් සම්බන්ධ නඩු විභාගය සදහා අනියුක්ත කරමින් මෙම මහාධිකරණ 3 ස්ථානපය කිරීමට යෝජිතය.  

පනතේ 12 වගන්තිය අනුව අගවිනිසුරුවරයා විමසා අධිකරණ අමාත්‍යවරයා විසින් මෙම මහාධිකරණ ස්ථාපනය කළ යුතුය.  මහාධිකරණ විනිසුරුවරුන් 3 දෙනෙකුට කල්තැබීමකින් තොරව දිනපතා මෙම නඩු විභාග කළ හැකි අතර බොහෝ විට උදේ-සවස ලෙස නඩු දෙකක් විභාගය ගැනීමේ හැකියාව පවතී.  විනිසුරුවන් තිදෙනෙකු ගේ සහභාගීත්වයෙන් විභාග විය යුතු යැයි හැගෙන සංකීර්ණ මුල්‍ය අපරාධ 12 කට වැඩි ප්‍ර‍මාණයක් මේ වන විට පවතියි.
ලංකාවේ මහාධිකරණවල 2017 සැප්තෑම්බර් වන විට නඩු 17,565 ක් ගොඩ ගැසී තිබුණි.

මහා පරිමාන මුල්‍ය අපරාධ හා අල්ලස් සම්බන්ධයෙන් වන නඩු අඛණ්ඩව විභාග කරෙන පළමු මහාධිකරණය කොළඹ නීති විද්‍යාලය අසල රථවාහන නඩු විභාග වූ අධිකරණ ප්‍ර‍තිසංස්කරණය කිරීමෙන් පසුව එහි ස්ථාපනය කිරීමට යෝජිතය. නඩුකාරවරුන්ට කාමර 3 ක්, නීතිඥවරුන්, අධිකරණ නිලධාරීන්, රෙජිස්ට්‍රාර්වරයා, බන්ධනාගාර නිලධාරීන්, රජයේ අධිනීතිඥවරුන් සදහා ද අධිකරණය අනෙකුත් මුලික පහසුකම් සහිතව ද මෙම යෝජිත මහාධිකරණ සදහා ඉඩ පහසුකම් සකස් විය යුතුය.  

දෙවන හා තෙවන මහාධිකරණ පිහිටුවන ස්ථාන පිළිබද මේ දක්වා තීරණයක් ගෙන නොමැත.  ඒ සදහා සුදුසු ගොඩනැගිලි සොයා ගැනීමට නොහැකි වී ඇත.  අලුත්කඩේ අධිකරණ සංකීර්ණයේ මේ සදහා ඉඩ නොමැත.  අනෙක් අතට විත්කරුවන් වෙනුවෙන් පෙනී සිටින ප්‍ර‍මුඛ නීතිඥවරුන් හා ඔවුන්ගේ කණිෂ්ඨ නීතිඥවරුන් වෙනත් මහාධිකරණ නඩු සදහා ද පෙනී සිටින බැවින් අලුත්කඩේ සංකීර්ණයෙන් පිටතට මෙම අධිකරණ ගෙන යාමේ දී ප්‍රායෝගික ගැටළු මතු විය හැකිය. 

මහා පරිමාණ වංචා දුෂණ පිළිබද විමර්ශන අවසන් වූ ලිපගොනු සියයට ආසන්න ප්‍ර‍මාණයක් මේ වන විට නීතිපතිවරයා වෙත යොමු කර ඇත. එයින් නඩු පැවරීම සදහා වහා කටයුතු කළහැකි ලිපිගොනු 20 ක්පමණ ඇතැයි විශ්වාස කෙරේ.  අල්ලස් හෝ දුෂණ විමර්ශන කොමිසන් සභාව හෝ නීතිපතිවරයා විසින් අගවිනිසුරුවරයා  වෙත කරුණු ඉදිරිපත් කිරීමෙන් පසුව, මෙම විශේෂ මහාධිකරණවල විභාගයට ගැනෙන නඩු තීරණය වනු ඇත.  නාවික හමුදාව විසින් මේ වන විට අලුත්වැඩියා කරමින් පවතින ගොඩනැගිල්ල ජූනි 30 දින වන විට වැඩ අවසන්වන්නේ නම් පමණක් ජූලි 4 දින නව මහාධිකරණයේ පළමු නඩු විභාගය සිදු කළ හැකි වනු ඇත.

රජය විසින් දිගින් දිගටම පොරොන්දු වූ පරිදි දුෂණ, වංචා අල්ලස් නඩු ඉක්මනින් විභාග කිරීමට නම් යෝජිත මහාධිකරණ 3 සදහා අවශ්‍ය පහසුකම් ලබාදී ඉක්මනින් නඩු ඇසීමේ කාර්යය ආරම්භ කළ යුතුව ඇති බව ශ්‍රී ලංකා මානව හිමිකම් කේන්ද්‍රය අවධාරණය කරයි.

Comment (0) Hits: 507

ප්‍රේමදාස ජනාධිපති වගේ නීති කැඩුවට ප්‍රශ්නයක් නෑ - රාජිත

ජනතාවට වැඩක් කරන්න ගියවිට නීති රීති අසූ හාරදාහක් පමණ ඇති බවත් ජනතාව වෙත සංවර්ධනය ගෙන යාමට  ඒ ඇතැම් නීති කැඩීමේ වරදක් තමන් නොදකින බව අමාත්‍ය රාජිත සේනාරත්න සඳහන් කරයි.

 බාධා කල  නීති කඩමින් ජනතාව අතරට සංවර්ධනය ගෙන ගිය හිටපු ජනාධිපති ප්‍රේමදාසගෙන් පසුව ඒ ආකාරයට කටයුතු කළ එක නායකයෙකුවත් නොමැති බවත් තමන් එදා විරුද්ධ පාර්ශවයේ සිටියත් ඔහු කල සේවය අගයන බවද  අමාත්‍යවරයා සඳහන් කර ඇත.

හම්බන්තොට මහ රෝහලේ නව වකුගඩු ඒකකය සදහා මුල්ගල් තැබීමේ අවස්ථාවට ඊයේ (16) එක්වෙමින්  අමාත්‍යවරයා මෙම  අදහස් දක්වා ඇත. 
මෙම නව වකුගඩු ඒකකය  සදහා වැය කරන මුදල රුපියල් මිලියන 240 කි. හම්බන්තොට නව මහ රෝහල් භූමියේ මෙම වකුගඩු ඒකකය ඉදිකරනු ලබයි.
මෙහිදී අදහස් දැක් වූ සෞඛ්‍ය අමාත්‍යවරයා වැඩිදුරටත් මෙසේ පවසා ඇත.

“බද්ධ කිරිම් සදහා මහල් 17 කින් යුත් මධ්‍යස්ථානයක් කොළඹ ජාතික රෝහලේ ඉදිකරනවා. ඒ පින්ලන්ත ආධාර මතයි. ජාතික රෝහලේ වකුගඩු ඒකකය ද සංවර්ධනය කරනවා. සියලුම බද්ධ කිරිම් එකම ස්ථානයක සිදු කිරීමටයි සැළසුම් කර ඇත්තේ. 

නමුත් යමෙක් අලුත් දෙයක් කළාම වෛද්‍ය ක්ෂේත්‍රයේ ගැටලු එනවා. ඇතැම් අය ඒවාට විරුද්ධයි. බද්ධ කිරිම් වලටත් එවැනි හේතු බලපෑවා. අක්ෂි ශල්‍ය වෛද්‍යවරුන්ගෙත් එවැනි බලපෑම් තිබෙනවා. එංගලන්තයේ අක්ෂි සැත්කම් සිදු කිරිම සදහා පැමිණෙන ලෙස දැනුම් දී ඇති ශ්‍රී ලාංකික වෛද්‍යවරයෙකුට මෙරට අක්ෂි වෛද්‍යවරුන් බලපෑම් කරනවා. නීතිය කඩලා කරපුවාම මාධ්‍යයෙන් විවේචන කරනවා. නීති රීති 84000 ක් තිබෙනවා. තිස්තුන්කෝටියක් දෙවිවරු වගේ. දිවංගත රණසිංහ ප්‍රේමදාස මහතා නීති කඩලා රට සංවර්ධනය කළා. නොබියව තින්දු තීරණ ගත්තා. ඉන් පසු පක්ෂ දෙකේ කොයි නායකයෙක් වත් එලෙස වැඩ කළේ නැහැ. වැඩ නොකළොත් ගැටලු රැසක් ඇති වෙනවා. නීති රීති තිබෙන්නේ වැඩ නොකරන්නයි. මම රණසිංහ ප්‍රේමදාස ජනාධිපතිවරයාට විරුද්ධවයි සිටියේ. නමුත් ඇත්ත කථා කළ යුතුයි. මමයි සජිත් ඇමැතිතුමයි කරපු වැඩ හොදටම ඇති මෙම ආණ්ඩුවට වෙන ඇමැතිවරු අවශ්‍ය නැහැ. සජිත් ඇමැතිතුමා ගෙවල් හදන්නේ දුප්පත් අසරණයිට. මම සෞඛ්‍ය මෙහෙය වන්නෙත් දුප්පතුන්ට හිතවාදී ලෙසයි.”

“යහපාලනයෙන් මොනවා ද කලේ කියලා ඇතැමුන් අහනවා. ඖෂධ මාෆියාවට එරෙහිව අපි සටන් කළා. පිළිකා ඖෂධ සෞඛ්‍ය අමාත්‍යාංශයෙන් මිල දී ගත්තේ රුපියල් දෙලක්ෂ අසූදාහකටයි. මම නව එන්නතක් හදුන්වා දුන්නා. ඉන් පසු පෙර තිබූ ඖෂධය රුපියල් එක්ලක්ෂ හැටපන්දාහසකට අඩු කළා. සෞඛ්‍ය අමාත්‍යාංශය මුදල් වියදම් කරලා තිබෙන්නේ සමාගම් වලටයි. එම මාෆියාව බිද දැමීම නිසා ඖෂධ සමාගම් මට විරුද්ධයි. පිළිකා රෝගීන්ට ජිවිත කාලය පුරා ප්‍රතිකාර ලබාදෙනවා. මනුෂ්‍ය ජිවිත වලින් තමයි යහපාලනය සිදු කරන්නේ. පසුගිය රජයට පිළිකා රෝගියා බේරා ගන්න මුදල් තිබුනේ නැහැ. නමුත් රාත්‍රී කාලයේ රේස් පදින්න මුදල් තිබුනා. පොල් බෑය ගැන තමයි කථා කරන්නේ. විපක්ෂයට සහ මාධ්‍යයට එය හොද මාතෘකාවක්. අක්ෂි කාච හිගයි කියලා මාධ්‍ය තුලින් පළ වුනා. නමුත් අක්ෂි කාච ලක්ෂයක් ආනයනය කළා. එම ලක්ෂය මේ වන විට රෝගීන්ට බද්ධ කර තිබෙනවා. විශාල පිරිසක් අක්ෂි කාච දාගන්නවා.”

“අපේ රජයට මුදල් වැහි වැහැලා නැහැ. පසුගිය රජයේ ණය ට්‍රිලියන ගණන් තිබෙනවා. මහා භාණ්ඩාගාරයේ හිටපු ලේකම් තමයි මුදල් අමාත්‍යාංශය පාලනය කළේ. හිටපු ජනාධිපතිවරයා මට ප්‍රකාශ කළා ලේකම් තුමා තමයි එය දන්නේ කියලා. දේශීය බැංකු වලින් ද වෙනම ණය අරගෙන තිබෙනවා. ඒ ණයත් ගෙවන්න සිදු වෙලා තිබෙනවා. ගෙවීමට නියමිතව තිබූ ණය ප්‍රමාණයට වඩා ණය කන්දක් තිබෙනවා. හොර පාරෙන් ණය අරගෙන. මෙවැනි ණය ගැනීම් රජයක් විසින් සිදු කරන ඒවා නොවෙයි. නමුත් පසුගිය රජයේ සිටි අය කයිවාරු ගහනවා. වත්මන් රජය ණය ගෙවන ගමන් ජනතාවට සහන ලබාදෙනවා. දිවංගත ජනාධිපති රණසිංහ ප්‍රේමදාස මහතා ජනසවිය ඇතුලු සහනාධාර රැසක් ලබාදුන්නා. ඔබ බේරුවල පැත්තේ කයිවාරු ගහන මන්ත්‍රිවරයාත් ජනසවිය ගුරු පත්වීම් ලබාගත් පුද්ගලයෙක්. එක්සත් ජාතික පක්ෂය ධනපති පංතියක් කියලා සමාජ මතයක් තිබුනත් සහන ලබාදෙනවා. මාධ්‍යයට අද නිදහස ලබා දී තබෙනවා. ජනපතිටත් ගහනවා. එදා ජනාධිපතිවරයා විවේචනය කළා නම් එළු අත්තනගලු වංශයෙන් අහගන්න පුළුවන්. කතුවරුන්ටත් ගහලා මැරුවා. වර්තමානයේ ශ්‍රී ලාංකිකයින්ට විදේශීය රටවල දී ප්‍රසංසාව ලැබෙනවා. වර්තමානයේ ශ්‍රී ලංකාවට කීර්තියක් ලැබී තිබෙනවා. සෞඛ්‍ය සේවාව අගයනවා. සජිත් ප්‍රේමදාස මහතා එක්සත් ජාතික පක්ෂයට ආභරණයක්. දුප්පත් මිනිසුන් වෙනුවෙන් යෝජනා ඉදිරිපත් කරන්නේ.”

Comment (0) Hits: 472

බිලියන 50 කට තට්ටු කරන සියඹලාගේ කැබිනට් පත්‍රිකාව මෙන්න

යෝජිත කෙරවලපිටිය ප්‍රදේශයේ ඉදිකිරීමට නියමිත  ස්වාභාවික වායු විදුලි බලාගාරයේ ඉදිකිරීම්   රජයට රුපියල් බිලියන 50 කට අධික පාඩුවක් සිදුකරමින්  චීන සමාගමක් වෙත ලබාදීම සඳහා විදුලිබල අමාත්‍ය රංජිත් සියඹලාපිටිය විසින් කැබිනට් පත්‍රිකාවක් ඉදිරිපත් කිරීමට නියමිතව ඇත.

එළඹෙන 19 වනදා කැබිනට් අමාත්‍ය හමුවට එය ඉදිරිපත් කිරීමට නියමිත අතර මේ වන විටත් එම පත්‍රිකාව අනාවරණය කර ගැනීමට දුෂණ විරෝධී ක්‍රියාකාරීන් සමත්ව ඇති අතර එය පහත පළවේ.

මෙම බලාගාරය ඉදිකිරීම සඳහා ටෙන්ඩර කැඳවීමක් මීට පෙර සිදුකර තිබු අතර  ඒ සදහා අවම මිල ලබාදුන් දේශීය සමාගම නොතකා හැර  චීන සමාගමක් වෙත එය  පැවරීමට විදුලි බල හා බලශක්ති අමාත්‍ය රංජිත් සියඹලාපිටිය විසින් අදාළ කැබිනට් පත්‍රිකාව ඉදිරිපත් කර තිබේ

මෙම යෝජනාව කැබිනට් මණ්ඩලය විසින් අනුමත කලහොත් ඉන් රටට සිදුවන පාඩුව රුපියල් බිලියන 50ක් වන බවත්  රටේ බලශක්තිය පාලනය කිරීමේ බලයද චීනයට හිමිවීමේ අවධානමක් ඇති බව දුෂණ විරෝධී පිරිස් වල අදහස වී තිබේ. 

2016 වසරේදී ඉදිකිරීමට නියමිතව තිබූ මෙම බලාගාරය විදුලි බල අමාත්‍යංශයේ ලේකම් සුරේන් බටගොඩගේ බාධා කිරීම් හමුවේ වසර දෙකක් පුරා ප්‍රමාද වූ අතර ඒ හරහා දුෂිත ගනුදෙනුවක් සුදානම් කිරීමට මෙම නිලධාරියා කටයුතු කරන බවද අවස්ථා ගණනාවකදී අපද අනාවරණය කළෙමු.

අනෙක්වි අතට මේ දුෂිත උත්සාහය ගනිමින් සිටින්නේ වීදුලි බල ජනනය, බෙදාහැරීම පිළිබඳ තාක්ෂණික කරුණු සම්බන්ධයෙන්  ඉහළ දැනුමක් සහ විදුලිබල ක්ෂේත්‍රයේ මනා පළපුරුද්දක් සහිත විශේෂඥයින්ගෙන් සමන්විත තාක්ෂණික ඇගයීම් කමිටුවේ(TEC) සාමාජිකයින්, අවස්ථා හතරකදී සියලු ව්‍යාපෘති යෝජනාවන් පිළිබඳව සලකා බලා දේශීය සමාගමට ටෙන්ඩරය ලබාදිය යුතු බවත්, ඔවුන්ගේ ජනන සැලසුම ලංකා විදුලිය බල මණ්ඩලයට සහ රටට වඩාත්ම හිතකර යෝජනාව බවත් නිර්දේශ කර ඇති පසුබිමේය. 

නමුත් විදුලි බල අමාත්‍යංශයේ ලේකම්වරයා වන සුරේන් බටගොඩ සමඟ එක්ව අමාත්‍ය රංජිත් සියඹලාපිටිය විසින් මෙම ටෙන්ඩරය චීන සමාගමට ලබාදීමට තීරණය කර ඇති අතර ඒ සඳහා කැබිනට් මණ්ඩලය පොළඹවා ගැනීමට උත්සාහ කරමින් සිටියි. 

රජයට ඇති විශාල පාඩුවක් සිදුකරමින් සිදුවන එම කූට උත්සාහය පිටුපස ඇත්තේ අන් කිසිවක් නොව කොටි ගණනක කොමිස් මුදලක් බව සඳහන් කරන දුෂණ විරෝධී පාර්ශව අදාළ අලාභය මෙන්ම ඊට හේතු වන ගනුදෙනුවේ ස්වභාවය ද  මෙසේ තක්සේරු කර ඇත.

image 2

මෙතරම් පැහැදිලි සැකසංකා මතුකරන ගනුදෙනුවක් සඳහා  කැබිනට් අනුමැතිය මත ලබාදීමක් සිදුවුවහොත් ප්‍රශ්න ගත බැඳුම්කර ගනුදෙනුවට සමාන චෝදනාවක් මේ ආණ්ඩුවට එල්ලවීම වළක්වා ගත නොහැකි බවත් දුෂණ විරෝධීන් පෙන්වා දෙයි. 

 අදාළ කැබිනට් පත්‍රිකාව

Comment (0) Hits: 457

රාජ්‍ය ආයතනවල අතිරික්ත සේවකයන්ට වැටුප් ගෙවීමේ වගකීම ආයතන ප්‍රධානීන්ට !

රාජ්‍ය ආයතනයන්හි අනුමත කාර්ය මණ්ඩලයෙන් බැහැර සේවක පිරිස් තබාගෙන ඔවුන්ට වැටුප් ගෙවීම සම්බන්ධයෙන් එම ආයතනවල සභාපතිවරුන්, විධායක නිලධාරීන් හා ගණකාධිකාරීවරුන් එහි වගකීම් භාරගත යුතුයැයි රජය තීරණය කර ඇත.

ඒ කළමනාකරණ සේවා දෙපාර්තමේන්තුව විසින් අනුමත කරන ලද කාර්ය මණ්ඩල ප්‍රමාණය ඉක්මවා කාර්ය මණ්ඩල පවත්වා ගනිමින් වැටුප් සහ වෙතන ගෙවනු ලබන ආයතනවල වැටුප් ගෙවීම්වලට අදාළ ගණකාධිකාරීවරුන්, ගණන්දීමේ නිලධාරීන් සහ ප්‍රධාන ගණන්දීමේ නිලධාරීන් එම අනුමත නොවූ කාර්ය මණ්ඩලය සම්බන්ධයෙන් වගකීමට හා වගවීමට බැඳිය යුතු යැයි මුදල් අමාත්‍ය මංගල සමරවීර මහතා විසින් ඉදිරිපත් කරන ලද යෝජනාවට අමාත්‍ය මණ්ඩලයේ අනුමැතිය ලබාදීමත් සමඟය.

මුදල් හා ජනමාධ්‍ය අමාත්‍යංශයේ ප්‍රවෘත්ති අධ්‍යක්ෂ අලි හසන් නිකුත් කළ නිවේදනයක මේ බව සඳහන්ය.

එමෙන්ම  අනුව රාජ්‍ය ආයතන ඇතුළත්  රාජ්‍ය සංස්ථා, ව්‍යවස්ථාපිත මණ්ඩල හා සම්පූර්ණෙයන් රජය සතු සමාගම්වල  අර්ථසාධක අරමුදල්, සේවා නියුක්තිකයන්ගේ භාරකාර අරමුදල වැනි ව්‍යවස්ථාපිත ගෙවීම් නිශ්චිත කාලය තුළ ගෙවීමද අදාළ ආයතන ප්‍රධානීන්ගේ වගකීම බවත් ඒ පිළිබඳ තීරණය  අමාත්‍ය මණ්ඩලය විසින් ගෙන ඇති බවත් එම නිවේදනයේ දැක්වේ.

මේ වනවිට 7500 ට අධික සේවක පිරිසක් රාජ්‍ය ආයතනවල අනුමත කාර්ය  මණ්ඩලයට අමතරව විවිධ රැකියාවල නිරතව සිටින බව වාර්ථා වී ඇති බවත් රාජ්‍ය අංශයේ කාර්ය මණ්ඩල පිළිබඳ 2017 වර්ෂයේ අවසන් කාර්තු වාර්තාව මුදල් හා ජනමාධ්‍ය අමාත්‍ය මංගල සමරවීර මහතා විසින් පසුගියදා අමාත්‍ය මණ්ඩලය වෙත ඉදිරිපත් කරන ලද අවස්ථාවේදී අමාත්‍ය මණ්ඩලය විසින් මෙම තීරණ වලට එළඹ ඇති බවද එහි සඳහන්ව ඇත.

වැඩිදුරටත් එම නිවේදනයේ දැක්වෙන ආකාරයට, 

2017 වසර අවසානය වන විට සමස්ත රාජ්‍ය අංශයේ රජයේ අමාත්‍යාංශ, දෙපාර්තමේන්තු, පළාත් සභා හා පළාත් පාලන ආයතන මෙන්ම රාජ්‍ය ව්‍යවසායයන් සම්පූර්ණයෙන්ම රජය සතු ආයතන හා රාජ්‍ය බැංකුවල පුද්ගලයන් 1,375,499 කු සේවය කරන බව ගණනය කර තිබේ. 2017 වසර තුළ රාජ්‍ය සේවා බඳවා ගැනීම් 23,224 ක් සිදුකර ඇත. මේ අතර අදාළ වසර තුළ 5,000 ක් පමණ සේවක පිරිසක් විශ්‍රාම ගොස් ඇති අතර විවිධ විනය හේතූන් මත 246 දෙනෙකු සේවයෙන් පහකර තිබේ.

රාජ්‍ය සේවයේ ජ්‍යෙෂ්ඨ විධායක මට්ටමේ තනතුරුවල වැඩි පුරප්පාඩු ප්‍රමාණයක් පවතින බවත් අනාවරණය විය. තනතුරේ උසස්වීම් ලැබීම සඳහා අවශ්‍යවන සේවා කාලය සම්පූර්ණ කර ඇති නිලධාරීන්ගේ ප්‍රමාණය සීමිත වීම මෙයට ප්‍රධාන හේතුව බව කළමනාකරණ සේවා දෙපාර්තමේන්තුවේ අධ්‍යක්ෂ ජනරාල් පැවැසීය.

රාජ්‍ය අංශයේ සංවර්ධන නිලධාරී සේවයේ අනුමත තනතුරු 74,872 ක් තිබෙන අතර දැනට 18,000 ට ආසන්න තනතුරු සංඛ්‍යාවක් පුරප්පාඩුව පවතියි. එහෙත් ඇතැම් ආයතනවල සංවර්ධන නිලධාරී සේවයේ නිලධාරීන්ට නිශ්චිත කාර්යභාරයක් හෝ විෂයානුබද්ධ වැඩ පැවරුමක් සිදුකර නොමැති බව කාර්ය මණ්ඩල සමාලෝචන වලදී නිරීක්ෂණය වූ බව කළමනාකරණ සේවා දෙපාර්තමේන්තුවේ අධ්‍යක්ෂ ජනරාල් තවදුරටත් පැවසීය.

ඉංජිනේරු, තාක්ෂණ නිලධාරී හා කාර්මික නිලධාරී වැනි තාක්ෂණික අංශයේ තනතුරු පුරප්පාඩු විශාල ප්‍රමාණයක් රාජ්‍ය අංශයේ පැවතියද එවන් තනතුරු සඳහා පෞද්ගලික අංශයේ වැඩි වැටුප් ගෙවන බැවින් එවැනි තනතුරු සඳහා රාජ්‍ය අංශය වෙත අපේක්ෂකයන් යොමු කරගැනීම දුෂ්කර කාර්යයක් බවට පත්ව ඇත.

Comment (0) Hits: 535

බිලියන ගණනක පාඩුවක් : කෙලවරපිටිය චීනට දෙන්න කැබිනට් පත්‍රිකාවක් එයි !

බරපතල මුල්‍ය අක්‍රමිකතාවක් තුළ සිදුවන බවට සැකසංකා මතුව තිබෙන කෙරවලපිටියේ ඉදිකිරීමට නියමිත ස්වාභාවික වායු විදුලි බලාගාරයේ ඉදිකිරීම් කොන්ත්‍රාත්තුව  චීන සමාගමකට පැවරීම සඳහා වන කැබිනට් පත්‍රය  2018/06/19 දින කැබිනට් මණ්ඩලයට ඉදිරිපත් කිරීමට නියමිතව ඇති බව පාරිභෝගික අයිතීන් සුරැකීමේ ජාතික ව්‍යාපාරය සඳහන් කරයි.

නිවේදනයක් නිකුත් කරමින් එම සංවිධානය මේ බව අනාවරණය කර සිටියි.

එසේම  රටට මිලියන ගණනක් අහිමිවන  මෙම ගනුදෙනුව පිටුපස ශ්‍රී ලංකා නිදහස් පක්ෂයට සම්බන්ධ ප්‍රබල ජේෂ්ඨ ඇමතිවරයෙකු සිටින අතර මෙම ටෙන්ඩරය සදහා ඔහුට ලබා දී ඇති අල්ලස් මුදල මිලියන සියයක් බවට තමන් වෙත තොරතුරු ලැබී ඇති බවද එම නිවේදනයේ දැක්වේ.

තවද එම නිවේදනයට  අනුව  අමාත්‍යාංශයේ ලේකම්වරයාගේ හා විදුලි බල ඇමැතිවරයාගේ මැදිහත්වීමෙන් මෙම ටෙන්ඩරය චීන සමාගම වෙත පිරිනැමීමට අදාල කැබිනට් පත්‍රය සකස්කර ඉදිරිපත් කිරීමට කටයුතු කර ඇත්තේ   බලාගාරයේ ඉදිකිරීම් වෙනුවෙන්  ටෙන්ඩර කැඳවූ අවස්ථාවේ  අඩුම මිලගණන් ඉදිරිපත් කර ඇති  සමාගමක් වන ලක්දනව් සමාගම වෙත  එය පිරිනැමීමට තාක්ෂණික කමිටුව විසින් නිර්දේශ ඉදිරිපත් කර තිබියදී ය.

ඒම ටෙන්ඩරය සදහා මිල ගණන් ඉදිරිපති කර ඇත්තේ මෙසේය.

ඒ අනුව අඩුම මිල ගණන් ඉදිරිපත් කර ඇත්තේ  ලංකා විදුලිබල මණ්ඩලයට කොටස් හිමි සියයට සියයක්ම දේශීය සමාගමක් වන ලක්දනවි සමාගය. 

දෙවන අඩු මිල ගණන් ඉදිරිපත් කර තිබුනු GCL චීන සමාගම හා පළමු අඩුම මිල ගණන් ඉදිරිපත් කර තිබුනු සමාගම අතර විදුලි ඒකකයක මිලෙහි වෙනස ශත 99 කි. 

ඒ අනුව වසරකට විදුලි ඒකක  මිලියන 2150 ක් ජනනය කරන මෙම විදුලි බලාගාරය GCL චීන සමාගමට ලබා දිම නිසා  අමතරව ගෙවීමට සිදුවන මුදල රැපියල් මිලියන 2129 කි. වසර විස්සකදී රජය විසින් මෙම බලාගාරය සදහා අමතරව ගෙවන මුදල රැපියල් මිලියන 42570 කි.

2009 අංක 20 දරණ ශ්‍රී ලංකා විදුලිබල පනත හා සංශෝධිත 2013 අංක 31 දරන ශ්‍රී ලංකා විදුලිබල පනත අනුව අවම මිල ගණන් යටතේ විදුලිය ලබා ගෙන පාරිභෝගිකයන් හට ලාභදායක ලෙස විදුලිය ලබා දීම සදහා කටයුතු කිරීම ලංකා විදුලිබල මණ්ඩලයේ වගකීම වන නිසා මෙම දූෂිත ටෙන්ඩරයට එරෙහිව අභියාචනාධිකරණය වෙත පැමිණිල්ලක් ඉදිරිපත් කිරීමට පාරිභෝගික අයිතීන් සුරකීමේ ජාතික ව්‍යාපාරය කටයුතු  .කරන බවද එම නිවේදනයේ සඳහන්ය.

මහදවාලේ සිදුකරන මෙම මුදල් මංකොල්ලය නැවැත්වීම සදහා අමාත්‍ය මණ්ඩලයේ ප්‍රධානියා වන ජනාධිපතිවරයාට මෙන්ම  අග්‍රාමාත්‍යවරයා ප්‍රමුඛ   අමාත්‍ය මණ්ඩලයේ   අනෙක් අමාත්‍යවරැන්ට අවස්ථාවක් හිමිවී ඇති බවත් අශ්වයා ගිය පසු ඉස්තාලය වසා වැඩක් නොමැති බවත්  අදාළ නිවේදනයේ අවධාරණය කර ඇත.

Comment (0) Hits: 562

ජනාධිපති සමාව ඉල්ලන්නේ නෑ : ඒත්, සිදුව ඇත්තේ අසාධාරණයක් !- ඩිලන්ත

සිරගතකොට සිටින  බොදුබල සේනා සංවිධානයේ මහ ලේකම් ගලබොඩඅත්තේ ඥානසාර හිමියන්ට ජනාධිපති සමාවක් ජනාධිපති මෛත්‍රීපාල සිරිසේන වෙතින් ඉල්ලා නොසිටින බව බොදුබල සේනා සංවිධානයේ ප්‍රධාන විධායක නිලධාරී ආචාර්ය  ඩිලන්ත විතානගේ සඳහන් කර ඇත.

මාධ්‍ය වෙත අදහස් දක්වමින් ඔහු මේ බව සඳහන් කර තිබෙන අතර  සමාවක් නොයිල්ලා සිටියත් උන්වහන්සේට සිදුව ඇති අසාධාරණය ජනාධිපතිවරයා ඇතුළු බලධාරීන් තේරුම්ගෙන ඒ අනුව කටයුතු කළයුතු බවද ඔහු සඳහන් කර ඇත.

එසේම විවිධ පාර්ශව  සිරගතකොට සිටින  බොදුබල සේනා සංවිධානයේ මහ ලේකම් ගලබොඩඅත්තේ ඥානසාර හිමියන්ට ජනාධිපති සමාව ඉල්ලා කටයුතු සිදුකරමින් සිටියත් බොදුබල සේනා සංවිධානය ඊට සම්බන්ධ නොමැති බවද එම සංවිධානය සඳහන් කරයි.

Comment (0) Hits: 474

ශ්‍රීලනිප 16 ට : ප්‍රසන්නගෙන් කුමන්ත්‍රණ චෝදනාවක් !

ආණ්ඩුවෙන් ඉවත්වු ශ්‍රීලනිප  16 දෙනාගේ කණ්ඩායම ශ්‍රී ලංකා පොදු ජන පෙරමුණ දෙකඩ කිරීමේ කුමන්ත්‍රණයක නිරතව සිටින බවට ඒකාබද්ධ විපක්ෂයේ කැඳවුම්කරු පාර්ලිමේන්තු මන්ත්‍රී ප්‍රසන්න රණතුංග චෝදනා කරයි.

උඩුගම්පොල ප්‍රදේශයේදී මාධ්‍යවේදීන් නැගු ප්‍රශ්නවලට පිළිතුරු දෙමින් මන්ත්‍රීවරයා මෙසේ චෝදනා කර ඇත.

මේ අතර හිටපු ජනාධිපති මහින්ද රාජපක්ෂ  පසුගිය පාර්ලීමේන්තු මැතිවරණයේදී  අගමැති කළ යුතු බව තම පාර්ශවය යෝජනා කල නමුත් එය ශ්‍රීලනිප 16 කණ්ඩායමට තේරී ඇත්තේ මැතිවරණයෙන් වසර තුනකට පසුව බවද ඔහු සඳහන් කර ඇත.

මීලඟ ජනාධිපතිවරණයේ අපෙක්ෂකයා ලෙස විවිධ නම් යෝජනා කර තිබුණත්  රටේ ජනාතාවට අවශ්‍ය වේලාවට හිටපු ජනාධිපති මහින්ද රාජපක්ෂ මහතා විසින් නම් කරනු ඇති බවත් ඔහු සංවේදී ජනාධිපතිවරයෙකු බැවින් ජනතාවට අවශ්‍ය නායකයා නම් කිරීම එහිදී සිදුවනු ඇති බවද මන්ත්‍රීවරයා සඳහන් කර ඇත.

Comment (0) Hits: 460

ශ්‍රීලනිප 16 බැසිල්ගෙන් එළිපිට ගේම ඉල්ලයි : "මාල හොරා" කියමින් ගෝලයන්ටත් බැට දෙයි

තම පාර්ශවය කාගේවත් මෙහෙයවීම යටතේ නොමැති බවත් අද කටු කන්න ගිය ලෙස තමන්ට චෝදනා නගන්නේ හිටපු ජනාධිපති මහින්ද රාජපක්ෂ පරාජයට පත්වූ මොහොතේ ඔහුව දමා ඇමරිකාවට පළාගිය බැසිල් රාජපක්ෂ බව පාර්ලිමේන්තු මන්ත්‍රී දයාසිරි ජයසේකර සඳහන් කරයි.

ආණ්ඩුවෙන් ඉවත්වූ ශ්‍රීලනිප 16 කණ්ඩායමේ නිදහසේ වේදිකාව ජනරැලි මාලාවේ දෙවන රැළියට අද (16) මාතලේදී එක්වෙමින් ඔහු මේ බව පැවසීය.

බැසිල්ලා ඉටුකරන්නේ එජාප අවශ්‍යතාව - දයාසිරි 

තමන් කාගේවත් කටු කන්න ආණ්ඩුවට නොගිය බවත් කටුව ඇතුළෙන්ම සුප්පු කරන්නට ගිය අය මහින්ද රාජපක්ෂගේ පරාජයට වගකිවයුතු බවද එහිදී මන්ත්‍රීවරයා සඳහන් කර ඇත.

එසේම වෙනත් විපක්ෂයක් නම් ආණ්ඩුවෙන් ඉවත්වී විපක්ෂයට එක්වන්න එන පාර්ශව භාරගන්නා නමුත් එක්සත් ජාතික පක්ෂයට අවශ්‍ය ලෙස කටයුතු කරන මේ පාර්ශව තමන්ට විවිධ චෝදනා එල්ල කරන බවත් කොහොමටත් එක්සත් ජාතික පක්ෂයේ වුවමනාව ඉටු කිරීම සදහා තම පිරිස සූදානම් නොමැති බවද ඔහු පවසා ඇත.

බැසිල් පැනලා ගියාට අපි ගියේ නෑ - එස්.බී 

මෙහිදී අදහස් දැක්වූ එස්.බී.දිසානායක මන්ත්‍රීවරයා සඳහන් කර සිටියේ පරාජයට පත්වූ මහින්ද රාජපක්ෂව දමා බැසිල් රාජපක්ෂ ඇමරිකාවට ගියත් තම පාර්ශවය පක්ෂය හැර නොගොස් සිටි බවය. 

එවැනි පළාගිය පාර්ශව මොනවා කීවත් පොහොට්ටුවේ මෙන්ම ඒකාබද්ධ විපක්ෂයේ සිටින්නේ එකම සහෝදර පිරිසක් බවද සඳහන් කල මන්ත්‍රීවරයා තම පාර්ශවය පසුගිය පළාත් පාලන මැතිවරණය අවස්ථාවේ යෝජනා කල ආකාරයට සියලු දෙනා එකට එකතුව එජාප විරෝධී බලවේගයක් ලෙස මැතිවරණයට ඉදිරිපත්වූවා නම් විශිෂ්ඨ ජයග්‍රහණයක් ලබන්නට තිබූ බවද ඔහු පැවසීය.

ඉදිරි මැතිවරණ වලදී ශ්‍රී ලංකා නිදහස් පක්ෂය ප්‍රමුඛ තවත් බලවේග කිහිපයක් සමග පොදුජන පෙරමුණෙන් තරඟ කරන බවද ඔහු පැවසීය.

මාල හොරා දන්න නීතියක් තියනවද - ඩිලාන් 

මේ අතර ඩිලාන් පෙරේරා මන්ත්‍රීවරයා මෙම අවස්ථාව අමතමින් සඳහන් කර සිටියේ  මාල හොරකමේ ගිය අයෙකු පසුගියදා තමන් සිදුකල ප්‍රකාශයක් ගැන කිසිඳු දැනුමක් නොමැතිව ප්‍රතිචාර දක්වා ඇති බවත් මාල හොරුන් නීතිය ගැන දන්නා දෙයක් නොමැති බවත් ය. 

තමන් මෛත්‍රී ජනාධිපතිකර මහින්ද අගමැති කිරීමට සූදානම් බවට යෝජනා කල විට මාල හොරා "අම්මෝ, අපේ මහින්ද මහත්තයා අගමැතිකරන්න පුළුවන්ද" අසමින් නීතිය ගැන නොදන්නා කම ඔප්පු කල බවද මන්ත්‍රීවරයා පැවසීය.

නිදහස් පක්ෂයේ 16 කණ්ඩායම මෙසේ ප්‍රතිචාර දක්වා සිටියේ පසුගියදා 16 කණ්ඩායම පිළිනොගන්නා බවට පොදුජන පෙරමුණේ සාමාජික හිටපු මන්ත්‍රී  බැසිල් රාජපක්ෂ සිදුකළ ප්‍රකාශයට ප්‍රතිචාර දක්වමින්ය.

Comment (0) Hits: 572

Page 385 of 480